رواية هموم الشيخ سند الفصل الثاني عشر بقلم ميامين الطائي
آجيت آبالي وآشتاڪيت من آبعيد
ودعيت الله يحفظك ڪونك انت بخير
بديت آستوعب آتفارڪنه
بس الريش..
يوڪع بالمڪان الطار منه الطير
ابد مونيتي آردلك لڪن اللچمات
من يداورنك مدري بيش تحير
بديت آستوعب آتفارڪنه بس مخنوگ
الحچي المآ ينحچي ينهضم بـ التفسير
بديت آستوعب آتفارڪنه وآسئل ليش؟؟
القسمة حچاية بس مرات سيف تصير
ثڪل بيه الهوه وصويحبي الدخان
يضم آنفاسي سر ويختنگ چم بير
ايي وآنت ادرىٰ بيه شلوني
موزين،،
آنه ذاك الڪلتلك عشت عـالـبعدين
وصل بيه المڪابر ڪوه آحجي وياك
ونص آسوالفي مڪضيها عد حسين..
سند: ماجنت متخيل أو فكرت مجرد تفكير هموم تروح مني هي غير طلگهه نظرات ماهر من حجه الموضوع مااعرف شلون لازم اعصابي ونفسي اصعب شي جمدت بمكاني طلعت كدام عيوني تباوع الهه هااي مالتي مالهم حق بيهه والله هي الي من الصغر هموم يمكن بقت اشهر بس اخذت كل روحي وسيطرت عليه هادئه،وعصبيه نفس للبؤه المجروحه رجعت..
الشيخ: تعال سند احجي وياك عندي موضوع وياك
سند: اجيت بويه خير احجي اسمعك
الشيخ: اعرف هاي الفتره الي مرينه بيهه صعبه من خطف هموم لحد ماابوك خل بال هموم... اني خايف هموم تزوج هذا الدكتور اني اريدهاا يمي كلت تهدأ الامور واروح افهمهه الي عقد موضوع ابوك اني مااكدر اجبرها علئ،شي ماتريده
سند: افهم من كلامك تخليهه تزوج هذا اقسم اباالحسن علي اموت هموم ولاخليه تاخذ غيري مستحيل
الشيخ: هموم الك والله مو لغيرك اخذه حجايه من جدك معليك ياسند اني كتلك بس... هاي فتره روح الا احجي وياها بس انت لاتتهور ولاتسوي شي عوفها عليه
سند: اني واثق بيك بويه واعرف مراح تخذلني راح اخلي كلشي يمك
الشيخ: ان شاء الله طمن بالك نام مطمئن هي الك مو لغيرك
سند: طلعت مو سند الي يعوف هموم اخذها من حلك السبع...
هموم: بعد ماارجعت حسيت نفسي تحررت من قيودهم من عاداتهم وتقاليدهم علي آلام الي سببو الي والجرح الي خلوني حتى بنومي مامرتاحه مااعرف اقنع نفسي لحد هسه كلماتهم ترن بااذاني رجعت منكسره حيل نزلت اني حيل مابيه سلمت علئ زمن وخالو كعدت
محمد: شصاير هموم احجيلي جنتي ورده هسه رجعتي ذبلانه شصاير وياج...
زمن: هموم كتلج مامرتاحه لروحتج الهم شوفي حالج ولاكأنما احنه موجودين
هموم: راح احجي اول موصلت *............. هذا كل الموضوع ماجاي اقتنع انو هم مالهم ايد بسبب قتل بويه
محمد' :كل هذا صاير وياج ماخابرتي ولج لو ميته لو صاير بيج شي
زمن: عزاا بعينج شلون هيج الله استر وخلصتي من هل الموضوع لو واكعه بيد ناس ماترحم لو صاير شي بيج
هموم: هذا كله ماهمني احس نار تحركني المجرمين برا وابويه جو التراب مااكدر
محمد: هموم ابوج استشهاد مو قتل اني جنت هناك همه فعلا مادخلهم فعلا مجرد مثل مااكال راح يحرك كلبج ويخوفج اسمعي امج من استشهد ابوج هي هناك رحنه اني وامي ***....... هذا والله موضوع كله فعلا مالهم دخل
هموم: مااعرف بس كرهتهم حيل مالي خلك كلش بعد ماروح راح احضر نفسي للدوام سدو للموضوع الله موجود
زمن: الحمد الله مابيج شي حبي والله جنت مامطمنه ابد بعد لاتروحين
محمد:،لاخطيه جدج والله رجال يحبهه لاتعاقبينه علي شي هو مال ذنب بيه المهم خل افحص الجرح مالتج اخاف ملتهب،
هموم: تمام بس اسبح لفيت الجرح دخلت سبحت من كملت طلعت عقم خالو الجرح لفه الي زمن مشطت شعري
سند: كل يوم يمر عليه اصعب من اليوم الي قبله مااعرف صرت بس اريد اروح جانت كعدات وناس مااعرف فكري وتفكيري بيه بالرغم ماسوتلي شي كلمات عاديه بس احس ملكتني يمكن مااعرف كصتي فكر عليه جبتله المشاكل كله
كرار:،شنو الاخبار شبيك احسك مامرتاح شجاك مو مثل ذاك سند الي نعرفه
اوس: الظاهر الاخ طايح بالحب واخيرا شوف صفنات مال عاشگ بس بشرفك هل مره مو تموت واحد خلينه نفرح بعرس واحد بيك نفس العالم ونركص
سند: هي خل اصير لو تموت الدنيا كله هم ركص اسوي حفله لان هل مره مهره مو اي مهره نفس طبع ابوهاا
كرار: ياالله يسهله ويحلهه لك ونخلص ونختمهاا هاي اخر وحده من عدها نقفل باب
سند: هاي الاولي والاخيره الختاميه ونودع المهم عوفنه من سوالف صار بالقضيه
كرار: احتمال جايتك دوره 21 يوم جهز نفسك يمكن علي قياده
سند: مو وكته كلش والله لان ملتهي بالضيم الي عندي كعدات اووف،
اوس: حتئ لو تتأجله تبقى وراك اخلص من عدهاا هسه احسن الك
سند: الله كريم من الاسبوع الجاي تبدي عندي علم بيه لازم احضر اموري
كرار: قابل اول مره ياسيدي ولاهي جديده عليك شغله متعودين علي دورات
سند: كملت شغلي ورجعت للبيت اتمنى تكون موجوده هسه دخلت وسن حضريلي الاكل علما اسبح ونزل
وسن: حاضر تدلل من عيوني
سند: تسلم عيونج عفته صعدت سبحت صليت نزلت اتغدن كملت كاعد وحدي
بثينه: السلام عليكم شيخ شلونك شخبارك ان شاء الله بخير
سند: وعليكم السلام تفضلي رايده شي
بثينه: لاشيخ بس اجيت اعتذر عن ذاك ماجان قصدي احجي والله انت فهمتني غلط اني اسفه اعتذر منك
سند: سدي موضوع بعد لاتدخلين بشي ميخصج تخلصين شغلج تروحين يم امج مااريد اسمع كلمه زايده مفهوم
بثينه: صار شيخ اني ترخص سامحني مرة الثانيه ماجان قصدي
سند: عفته ورحت ماارتاحيت الهه هم ناس سمران كلش ميصير تزوج غريب يعني من كرايبهاا(يقصد ناس تأخذ من ناس يعني زواج أقارب فقط مو غريب يعني تقارب يعني مقصده يتنمر ع خلقه الله ) فهمتو انتو شنو قصدي صعد فتحت جهازي اباوع لصورتهه بسته ونمت..
هموم: حمل ونزاح مني خلصت منهم بس جنت غلطانه رحت فتحت خياط الجرح وانطوني علاج ورتبت نفسي قررت اوشم مكان جرح لاتستغربون من عدنه واشمات احنه ماعدنه احد يحاسبنه يعلمنه علي اخطائنه نسوي الي يعجبنه
زمن: الي يشوفج يكول طالعه من السجن بكفاله بس هم صدوك جنتي بسجن وخلصتي منه
هموم: وشميلي شي مكان الجرح سويلي تنظيف بشره وتغذيه وميزو بلازما تعرفين شغلج مااحاجه اوصيج....
زمن: هسه طلعت تلمعين لمع احلا من قبل يلا... نبلش،
هموم: فعلا تعبت شويه تأذيت بالوشم كملت ووووو صرت بالباكيت اجت سحر وام امها تفاجئت من جيتهه
سحر: السلام عليكم هموم جايه احجي وياج بموضوع اتمنى تفهميني
هموم: وعليكم السلام اي تفضلي نحجي ليش لا
سحر: هموم حرام عليج جاي تسوينه تهجمين بيتي اني هسه حامل اعرف دخولي بحياة ماهر غلط بس شسوي حبيته من صغري همه يكولون سحر لماهر وماهر لسحر هم لي زرعو بيه حب ماهر كوني بمكاني اني اريد اصلح غلط مو اغلط من جديد فهميني اعرف يحبج ويريدج بس اني احبه وانانيه بحبه والله ماحبيت غيره ولاردت غيره صعب عليه اني اشوف زوجي من يتقربلي يتخيلني بوحده يحبهه حسبالج سهله الله يخليج بداعت اغلا شي بحياتج اطلعي من حياتنه لخاطر الطفل الي بطني فكري بيه شوفي نفسج بهل الطفل شنو ذنبه يربى بعيد عن ابوه مااريد اني مشاكل جيتج احجي وياج لان واعيه وفاهمه تكدرين تدركين الامور انت الف واحد يتمناج غير ماهر بس اني كوليلي لااكدر احب غيره ولااكدر انسيى سويتله سحر واعترف وتندمت لان مااحصلت شي فدوه ابوس ايدج لاترجعين لماهر
هموم: اشوفها تبجي فعلا شنو ذنب الطفل ذكرت نفسي بيه الذل والخوف والجوع تطمني سحر شي الي بينه اني وماهر انتهى من زمان رجعي لبيتج حاولي تصلحين الامور
سحر: الله يحفظج ويوفقج يعوضج بالاحسن من مااهر اني اسفه
هموم: عفتهه ورجعت دخلت للبيت اني مااعرف شنو اصلا بالي لامفكره موضوع ماهر ولاشي والله
زمن: شنو رادت منج هاي الحيه ام سحوره اذا هددتج كليلي تااطيح حظه
هموم: لا ماهددت بس حجت الحق المهم حضري العشاء جوعانه
زمن: خل انتظر ماهر ومحمد جاين. علي العشاء ونتعشئ
هموم: تمام هو اني اريد ماهر احجي وياه عفتهه رتبت نفسي فعلا اجو سلمت عليهم كعدت تعشينه بس سكته كملت ماهر عندي موضوع وياك
ماهر: اي عادي وين حابه نحجي وحدنه لو شنو بكيفج انتي
هموم: لا ماكو داعي نبقى وحدنه شوف ماهر انت تزوجت شفت حياتك زوجتك حامل لاتضيع نفسك وضيعني انت تعرف اني وياك ماراح نرتاح سحر تحبك سوت كلشي علمودك انت نهيت هذا الزواج
ماهر: بس مو بعقلي سحر سوتلي سحر طلع باطل اني احبج ماتهمني سحر اخذج ونروح نسافر ابعدج عن الكل
هموم: ماهر لاتغشم نفسك انت تعرف بحياتنه مانصير لبعض اذا الله كاتبلنه نصير من البدايه شوف حياتك وطلكني اارجع لزوجتك لان حامل هموم ماتفيدك
محمد: ماهر كلام هموم صح افضل انو تنهون هاالزواج انت من البداية ااختاريت حياتك هسه هي عده اهل مسؤولين عنه تزوجهه يسون سحر تتخبل البنت عوف هموم
ماهر: والله اني احبهه واريدهاا صدكني اخذها نسافر هموم انطي فرصه لحبنه اعرف غلطت وراح اصحح هالأخطاء
هموم: ماهر لو مو طفل بالموضوع صدكني اانطيك فرص مو فرصه بس... تخيلت نفسي بهل الطفل اني مريت بظروف بس الله يعلم بيه مااريد غيري يعيشهه طلكني افضل الي ولك
محمد: ماهر فعلا الوضع تغير ارجع لبيتك ولزوجتك هموم من البدايه مو الك
زمن: خويه اني والله اتمنى انت هموم تزوجون بس من افكر ماراح يخلنكم تعيشون بسلام وراح هم تنفصل انت هموم حتى لو تسافر الاخر الدنيا هم يلحكنكم افضل الك والهه خليه علي،الله هو يجمعكم
ماهر:،الله كريم تمام تريدون اخابر شيخ يجي لو نروح اله
محمد: لا خل نروح افضل لاتزعل ماهر بس فكر انت كلام هموم صح
هموم: طلعت عيون ماهر عليه ماردت اكسر كلبه بس طريقنه صعب اني وماهر احس من طلكني دموعه نزلت ماانسى هذا اليوم ابد بحياتي ماتعلمت اجرح شخص،ولا أذي،شخص،
ماهر: روحي يبت كلبي بس ثقي بالعباس محد حبج بكدي راح ابقئ،طول عمري انتظرج مراح امل يوم
هموم: رحت بس مااعرف شصار بيه دخلت اني دايخه اصلا بالي مو يم كلشي خليت راسي ليش هيج يصير بيه شغلت اغنيه اليسا ساعات اسمع بيه لحد مانمت...
