رواية فصلية بديلة الفصل الثاني عشر بقلم ام ملكوت
شهم_
بعدما عقدلنه السيد بقيت يم الخطار بالديوان الى ان خلاني ابوي ادخل جوه ..دخلت للبيت ردت اصعد فوك ولاكتني عمتي سعاد..
سعاد:هلا بالعريس مبروك عمه شهم . عمه حباب البنيه ترفه ومصابه على كيفك وياهه
شهم: لا توصين حريص عمه يله صاعدلهه انه محتاجه شي
سعاد: لا وين مرتك مو فوك هنا بهاي الغرفه خليناهه مؤقته لحدما تكدر تمشي على رجليهه ..
خليت ودخلت واني الشر بعيوني من اول يوم تدلع علينه ست الحسن اريد اشوفهه شلون ماتكدر تصعد بله..
رفست الباب وهيه فزت جانت كاعده على الجربايه ومغمضه عيونهه..
_اييي ست اشو هنا كاعده
سماء: بخوف...ااا الشيخه كالت ابقي هنا لحدما تطيبين
شهم: صدكتج والله ..كومي صعدي فوك يله مثل الحبابه
سماء: والله ماكدر رجلي مشلوله وماحس بيهه..
شهم_
تقربت لزمتهه من شعرهه راد يتكطع بيدي ..
_تكومين ترى منا خطار لا تخلينه ننفضح بنص الليل..
2 تع
سماء_
شدني من شعري ومن الالم ماكدرت انطق حرف بس هزيت براسي اي علمود يبتعد . خله وكام وكف منتضرني اكوم ..
.حاولت اوكف على رجلي بس ماكدر رجعت كعدت وكتله واني ابجي
_ والله ماكدر موبيدي ماكدر..
شهم_
طلعتني عن طوري خليت وسحبتهه من ايدهه ب نيه اخليهه توكف اشو كبل طاحت بالارض ..
_الله يصبرج ياروح ولج لا تطلعيني عن طوري واجرم بيج هسه عوفي عياره البنات وكومي..
سماء: بجي..والله والله ماكدر
شهم_
تقربت عليهه ولزمتهه من زندهه وسحكت رجلهه المصابه وشفتهه بقت تباوعلي وتكلي..
سماء: والله ماحس بيهه اذا تريد جيب سجين ونبتهه برجلي ماراح احس بيهه
ماكلك الشيخ اني قبل يومين طلعت من المستشفى ورجلي شهر ياله ترجع لحيلهه ماكلك..
شهم_
بقيت اسحك بكل مابيه من قوه على رجلهه بس فعلا شفتهه ماحست لو واحد غيرهه يضل يرافس جوه رجلي بس هيه ولا رفلهه جفن..
خليت وشلتهه من الارض وشمرتهه عل جربايه وقفلت الباب ..
_ميخالف مدامج حبيتي هاي الغرفه اعتبريهه جحيمج منا ورايح..
نزعت الستره والقميص واجيت هجمت عليهه بقيت ايد مخلي مخده على حلكهه وايد اضربهه بيهه..
اطلع حيف ابني الطمه القبر نعميت عنهه ماصرت اشوف الا دفنه ابني كدامي ويصيبني الخبال تدريجيا وازيد قوتي عليهه لا ارادي..
3 ت
سماء_
بقه يضرب بيه وساد حلكي حتى لا يطلع صوتي احس جسمي خدر من كد الضرب حسيت روحي انكسرت
ضعفت عزيمتي انهانيت بليله عرسي الليله يلي تكون بالنسبه لباقي البنات احلى ليله وتكون ليله العمر
الماتنسي من جمالهه بس اني بالعكس هاذي الليله ماراح انساهه من كثر بشاعتهه حسيت نفسي ردت استسلم..
غمضت عيوني واجت بالي رشا وشراح يصير بيهه لو هيه كاعد تنضرب بمكاني مجرد خيال مر على بالي
خلاني اتوجع اكثر من الضرب صار الم الضرب خفيف بالنسبه الي وشي هين..خليت وفتحت عيوني وبقيت اباوع بعيونه بكل قوه وصمود..
شهم_
انهاليت عليهه بالضرب بحيث احس عضامهه تكسرن جواي بكل ضربه الهه يجي بالي وليدي ومنضره وهوه نايم بالتراب مجفن
ماحسيت على روحي ولا عبالي الجوه ايدي بنيه ضعيفه عبالك لازملي زلمه خشن وكاعد اضرب بي..
والرجعني الوعيي لمن رفعت راسهه وخلت عينهه بعيني..بقيت صافن لحضه وعيت على روحي شكاعد اسوي خليت وكمت منهه بسرعه..
وطلعت بره لكيت ملابسي مليانه دم ماعرف منين بس لمن شافن الدم عماتي ضلن يهلهلن كل ضنهن ان الدم نيشان بكارتهه..
كتلهم محد يدخللهه وقفلت الباب وخليت وصعدت لغرفتي ودخلت للحمام اباوع ملابسي مليانه دم
حسيت شويه فاخت روحي من شفت دم فرد من عدهم يلي قتلو ابني رغم جان شي بداخلي يصرخ بيه ويكلي حرام هل شي بس تجاهلته .خليت ونزعتهن وسبحت
12 ت
بقيت جوه الدوش وانه نضراتهه مافاركن خيالي كل شويه واتذكر شلون تباوعلي وعيونهه رغم الضرب بس بيهن قوه وعزيمه ماتنكسر.
.خلصت ونزلت للغرفه مالتهه فتحت الباب دخلت وانصدمت بالمنضر يلي كبالي..
.......................
سماء_ بعدما خليت عيني بعينه حس على روحه وابتعد عني وطلع بره واني ثكلت عيوني وانهد حيلي
ونبضات قلبي تتسارع غمضت عيوني واسمع بس صوت الهلاهل وكللهم محد يدخلهه وقفل الباب وبعد ماحسيت على شي..
شهم_
دخلت واشوفهه سابحه بدمهه ووجهه اصفر اجيت ركضت عليهه وشفت اصابتهه مفتوح خياطهه وتنزف ..
كمت جبت العبايه البيضه لفيتهه عليهه وطلعت لعماتي..
_برود..عمه صيحي باقر يجي ياخذهه للمستشفى جرحهه كام ينزف..خلن ودخلن هنه وامي
الشيخه: يا يمه شبيهه البت ولك شمسوي بيهه طركا.عه عليك..
شهم: مابيهه شي مجرد نزف بسيط..
الشيخه: ولك يا بسيط البنيه سابحه بدمهه ووجهه اصفر راح تموت البنيه ولك والله ابوك
يعدمك اذا صار بيهه شي والله..
باقر: خير شكو شبيهه مرتك ..
اشو ابتعدن طلعن ..
طلعن النسوان وسترن البنيه ودخلت شفتهه صايره جثه وهذا ولا على باله واكف بالباب ويدخن هزيت راسي باسف..
ورحت لفيتهه عدل وشلتهه وركضت بيهه للسياره وعمتي
سعاد راحت ويانه اخذناهه
ورحنه للمستشفى
3 تع
ورجعو خيطو جرحهه وعلكوله بطلين دم وكال الدكتور لازم تبقى يومين ياله تطلع لان حالتهه تعبانه ونزفت هواي دم..
بقيت انتضر بالصاله تالي حجيت ويه عمتي..
_عمه روحي انتي انه ابقى يمهه باجر تعاي من تكعد
سعاد: عمه شلون اعوف البنيه وحدهه ولا يمهه ابو ولا يمهه ام..
باقر: لا تخافين عليهه انه بحسبت ابوهه انه يمهه باقي.. هسه اخابر ساجد يجي ياخذج ويرجع يبقى يمي ..
4 تع
سعاد: ماشي بكيفك عمه..
باقر_
خليت وخابرت ساجد اجه واخذ عمتي وطمنهم على حالتهه واجه بقه وياي بالمستشفى ..
................
شهم_
اخذهه باقر واني رجعت صعدت لغرفتي شي بداخلي ياكل بيه ندم بس ماهتم اهم شي طلعت دم ضناي النزفه
7 تع
بس مايرويني غير روح واحد منهم ماكدر اطلع بروحهم بس اكدر اشفي غليلي بنتهم كلما اريد ..
جان وقتهه مايهمني شي قلبي ملجوم على ابني
وضميري مات لمن شفته بلا نفس وقتهه روحي متعطشه جانت ماجنت افكر باي شي غير اخذ بثار ابني منهم ولو بشي بسيط ودائما جان مو بسيط ..
خليت ولزمت نقالي اشوف اخبار الدوام لان اجازتي السنويه وصارلي اسبوع ماعرف شنو اخبارهم خليت واتصلت على زميلي بالمركز ثامر..
_الو السلام عليكم خويه ثامر
ثامر: وعليكم السلام هلا خويه هلا شلونك
_الحمدلله انت شلونك شنو اخبار المركز..
_والله ماكو شي خويه نفس الروتين ينعاد يوميه مداهمات ولعبان نفس شوكت نخلص مادري..
_ميخالف ياخوي جا شنسوي مجبورين نتحمل علمود الخبزه..
_اي والله هذا المصبرنه احنه..اي ماكتلي شلونه العرس وياك
_يمعود ياعرس كلهه خلك فصليه جايبهه اطلع حركه ابني بيهه وتخدمني..قصص ماي هوبس
_لا خويه مايصير تحجي هيج البنيه مالهه ذنب احنه الشباب نغلط وتطيح براس اخياتنه خلي اختك مكانهه ولا سمح الله
ساجد سوه حادث وموتله واحد تقبلهه على اختك ياخذهه فصليه ويسوون بيهه الكاعد تسوي بمرتك
_لا ماقبلهه بس مو بيدي خويه نار قلبي مو راضيه تنطفي بس لمن اطلع دمهه ياله تفوخ روحي شويه تالي ترجع ثاني يوم..
_والله خويه ماعرف شكلك بس الكاعد تسوي حرام ومايجوز والله مايسامحك عليه ترى..
3 ت
_الله كريم خويه نشوف تاليهه وين ..يله اخذ راحتك رايح انام انه
_يله خويه تصبح على خير
_اجمعين..
سديت المكالمه وبقيت متمدد على الفراش وبقيت من جهه افكر بكلام زميلي ومن جهه اخرى اتذكر ابني مرتضى لحدما صدعت وثبتت على قرار واحد وهوه....
.
.
.
ياترى شنو قرر شهم هل راح يسمع لصوت ضميره ويترك ثار ابنه ويعاملهه بلطف او يبقى على عناده؟؟ ..شاركوني توقعاتكم ..
