رواية صراع الشيوخ الفصل الثاني عشر بقلم ليال القمر
ارجوان وهي تسمع الكلام وهي تحس كانما
اكو شخص سطرهة سطرة زرفت اذنهة
ومتسمع بعد { راح اصير ضحية للمرة الثانية وهالمرة من وراهم وينكم ماما بابا اخواني تعالوا شوفوا حالي وين راح يصفي بيه الدهر راح اكون لهذة البارد الي يخوف لو اموت عله الاقل كرم احسن منه هاذة عكسه بارد وجامد ما عنده اي مشاعر حته ميعصب يخلي الواحد يرعش مثل السعفة والله ميصير حرام عليهم بس اني الهم عبالهم اني ما افتهمت عدهم ثار وية اهلي وضامين عليهم واذا گالولهم راح ينفضحون لهذا السبب ينطوني لهذة البارد حته يسكتوهم خليوگفولي اني اعلمهم عبالهم اني بنية ضعيفة بس يحلمون ينطوني الذولة }
ارجوان بهدوء : متگدرون تزوجوني اله
امير ببرود : لويش
ارجوان بابتسامة ماكرة : لاني حامل
كرم انصدم شلون حملت وهو ما متزوجهة لسه وباوعلهة بتعجب بس شاف ملامح وجهة جدية
امير بعصبية: شنييييييييييييي وشلون
كرم وهو عرف حيلتهة : اي صح باول يوم زواج الي شني انه مو عريس قابل حلالي واخذتهة بعد انتو شكو
هنا ارجوان خدودهة صارن ورديات بسبب الخجل ودنگت راسهة بسرعة
امير : عمي شلون انت گلت ما تقرب الهة شلون هسة حامل
الشيخ شهاب بحيرة : والله ما اعرف شگول بعد هاي هية وليدي مو من نصيبك اخذلك اي بنية منهم لان البنية لازم تلتزم بعده منا ال عشرة اشهر وما يصير تعقد عليهة
الشيخ سليمان : انه اعتذر ماطول مرت ابني حامل ماننطي بنياتنه الكم
الشيخ شهاب بجدية : انه هم ما ارضة بس اذا ما ولدت خلال تسع اونهاية الثامن بناتكم النه حته الفصلية
امير بجمود : اريد خالتي تكشف عليهة وتشوف اذا صدگ حامل
هنا ارجوان وجهة انخطف وبتوتر : شنووووو ما اسمحلكم شنو قابل دا اكذب عليكم
امير بضحكة : ههههههه سمعيني زين كرم صارلة عشرة ايام متزوجچ شوكت عرفتي حامل والطفل بعدة ذرة واقل من ذرة همات شلون بين عندج وشوكت لان ما تدخل بالي الشغلة
ارجوان بحيرة وسكتت وفجأة جاوبته : وليش ميصير عادي يصير يعني اني مهندسة طبية يعني اعرف معلومات عن الطب وعرفت اني حامل
امير بخبث : ماشي حامل لويش ما ترضين خالتي تكشفچ حته نعرف انو انتي صدگ حامل لو لا
ارجوان وهي توگف باعتراض : رجاءاً اللزم حدودك يعني زوجي گاعد يمي وتكذبني انت صدوگ دتحچي بس اني مو غبية حته اخلي وحدة مثل خالتك تكشفني اوكي ، ف رجاءاً احترم نفسك جاي تعرض عليه الزواج واني متزوجة وين راحت الاصول ملاتكم هاا وين عود انتو اهل الاصول وفكرت انو انتو اوادم بس للاسف طلع كلامي عكس كل شي ما اصدگ يعني اني رحت ضحية بسبب عشيرة ال.... وهسة يردون ينطوني فصلية للمرة الثانية الكم بس مو صوچکم صوچي اني الي اجيت ادفع غلطة عمامي وهم يا ريت لو غلطانين
الكل انصدم من جرأتهة وقوة شخصيتهة
امير برود : حدزلج خالتي وتكشفچ هذة الي عندي متردين ناخذچ غصب ومو انه الي يعصي امري
كرم بعصبية : ولك انت ما عندك غيرة اتگلك حامل ومتزوجة وتريد تاخذهة من الله يطيح حظك فوگ ما هو طايح
امير بجمود : ماشي اذا صدگ حامل ننتظر تسعة اشهر ونشوفهة تولد وبعد نعفي عنكم ومانهددكم بعد بس يا اما اذا اكثر من هذة الوكت فالشغلة تصير بالدم
كرم وارجوان احتاروا شلون يجيبون طفل وهم اصلا ما متزوجين
الشيخ شهاب : هذة هو واذا ما ولدت لهذة الموعد فهذة يعني انتو چذبتوا علينه وترجع الثارات مثل گبل وناخذهة فصل
شحب وجه ارجوان وهي اصلا تعبانه وبلحظة تخربطت
حس كرم ثقل على كتفه باوع لگة ارجوان متخربطة توتر وگام مفزوع وشالهة وركض بيهة خارج الديوان ودخل للمطبخ
كرم بصراخ : سرررررررررى
سرى اجتي تلهث : ها شكو شبيك
وشافت ارجوان بيده شهگت ولطمت على صدرهة : يمة سودة بوجهي شبيهة هاي الفطيرة بس تتخربط
كرم : بسرعه جيبي ماي
ركضت سرى تجيب مي وانطته لكرم وهو ينثر بيده المي علة وجهة
گعدت ارجوان وفتحت عيونهة بتعب وشافت كرم يباوعلهة برعب وقلق
تنهد كرم بارتياح وشبكهة وحط نهاية فكه الاسفل على راسهة ويمسح وجهة بلطف من المي : فززتيني بعد لاتسوين هيچ
شالها وداهة لغرفته وخلاهة على سريرة وغطاهة ونزعهة حجابهة ويباوع عليهة ويلعب بشعرهة تقرب منها ويشم بخصلات شعرهة ويتنهد ارتياح
دخلت سرى وانحرجت وطلعت بسرعه من الغرفة
ام كرم : ها سرى شبيهة البنية
سرى بسرحان : يا يمه هذة كرم عاشگهة مو بس منعجب بيهة
ام كرم بابتسامه : اي الحمدلله حتى نخلص من رنا الي سابينه بيهة
سرى وهي تزفر الهواء بتمهل : اي والله يمه
رقية بحماس : هاي شنهو اخوي واگع وانه ما ادري
سرى : هههههه ولچ مو بس واگع وغرگان همات
رقية : ههههه والله ولا گلي اصلا صارلي اسبوع مشايفته لاخوي
ملاك وهي تدخل للمجلس : سلام عليكم
الكل: وعليكم السلام ورحمة
حنان ورشا : هله عمه شلونچ
ام كرم : هلة بيكم يمة شوكت جيتو ومنو جابكم
حنان بضحكة : ياا عمتي هاذ اهو بيتنه بعد من يجيبنه قابل
سرى : اگلچن امشن نروح للسوگ اريد اشتريلي چم غرض
رشا بحماس : يالله امشي نروح
ام كرم : هااااااااو وحدچن شني ما عدنة زلمة حتة تروحن بوحدچن
رقية : ههههه يمة قابل وين رايحين هو سوگ
ام كرم : ششششش انچبن وروحن صيحن لكرم يوديچن
حنان بلهفة : يالله بسرعه روحي رقية صيحيلة
سرى بخجل : لا ولجن عيب اگعدن هو ومرته تعبانين امشن ولن مو الة اليوم نروح
رشا باعتراض : ما كو الا اروحلة انه ضايجة
وراحت ركض لفوگ لغرفة كرم وبصوت عالي : بن عمي كررررررررررم يا بن العم وينك
وتدك الباب وتناديلة
اخر شي ملت وفتحت الباب ونصدمت من شافتهم انخطف لون رشا من الخجل والصدمة وطبكت الباب علسريع ونزلت وهي تلهث
