رواية عشقت رجلا متزوج الجزء الثاني الفصل الثالث عشر 13 بقلم نجم اليل

.

حنين...كعدت من النوم واحس جسمي متكسر 

كمت واحس راسي شثكله مرت ايام وحياة عاديه ممله وفراس بعده مادك .. 

واني بقيت ساكته خليتها ع الله تعبت 

وبيوم .. 

دكت خالتي ع امي وكالو  .. 

ان فراس كايلهم مايردني وصايره مشكله بينه وبين خالي..

وكايلهم احب وحده وخالي كايله ماتخذ غير حنين .. 

وفراس مايقبل وصايره عركه هو وجدادي وخوالي .. 

وكالهم اذا تزوجوني حنين اسويلكم مصيبه .. 

مجان بالي عند السالفه ولا مفتهمتها لان ممهتمه لكلشي بعد بس اريد ارتاح ماريد شي.. 

ابوي كالهم مانطي حنين متصير اله مره يرفض بنتي .. ليش شبيها 

وزعل ع خالي كام مايحجي وياه .. 

وبعد كم يوم اجه خالي وفراس . 

اعتذرو وباسو راس ابوس وراس امي وراسي .. 

وخالي كال والله ماريد غير حنين بس جايهم اخو البنيه يهدد 

يكول واحد شايف اخته وياه فراس وكايلهم وكاتلين البنيه ورايحين مهددين فراس اذا مايزوجها ..

يموتونه .. فصخنه الخطوبه  

اني جان كله عندي عادي مايهمني شي بس اريد راحه بالي

مجان يهمي اذا صارت او خربت .. 

وبيوم امي راحت هي وابوي ع السوك وجدي طالع .. 

وبيبي هي وعمتي راحن ع بيت لهمود .. 

ومره عمي راحت لاهلها وعمي بدوام بقيت بس اني خفت لايجي محمود 

اخذت سجينه ورحت ع الغرفه قفلتها 

بقيت كاعده حاطه سماعه وحده 

واعدل بملابسي 

ورايحه مندمجه يندك الباب قوي احس كلبي وكع من الخوف كلت مافتح اله يكول منو

ضل يدك الباب قوي كلت .. 

حنين...والله مافتح لو تطلع براسك نخله اذ مادكول منو .. 

اجاني صوته الغثيث ويكول بصوت عالي .. 

محمود...افتحي الباب 

رغم مقفول الباب لزمت السجينه وعطت .. 

حنين...امشي ولي منه  

محمود...يولي افتحي الخرا لا اكسره عليج 

حنين...امشي ولي لا والله اخبر ع ابويه 

محمود...انعل ابوج 

ضليت قافلته وخايفه .. 

صارت صنته بقه هدوء ربع ساعه كلت خلي اطلع اقفل البوب .. 

            

              

                    

بس اني وياها راحت هي تسوي عشى 

رحت بالحديقه جان محاوطها اشجار 

يادوب الواحد ينشاف 

بس من جه الباب كعدت بقن عيوني يحركني بس اريد ابجي 

بس مانعه اخاف احد يجي او تجي عمتي ترزلني بقت حسرة بكلبي .. 

وكل شويه ينعاد عليه مشهد محمود الكلب 

دكت امي بقت تحجي وياي وتهديني 

بس مكدرت اله ابجي هي تحجي وياي وانه ابجي جان مبين من صوتها بجيانه 

حنين...يمه تعاي عفيه اخاف وحدي والله يمه الله عليج لا تعوفيني اخاف والله اخاف 

كتلها هيج وضليت ابجي ومدنكه راسي 

كمت ماشوف من دموعي ولا اسمع من حركه كلبي مسمعته شدكول .. 

سديته منه ماسمعت شكالت رفعت راسي شفت محمد 

جان واضح يريد يسأل بس ماسأل رحت بسرعه وهو اجه وراي 

طبيت لكيت عمتي جاي تحط العشه وهو طب كالت تعاي تعشي 

هزيت راسي بلا ومشيت ع الغرفه طبيت 

تمددت وجانت ضلمه لان طفيت الضوة 

شتغل الضوة فتحت عيوني جتني عمتي

ضلت تحجي علي دكلي ومايصير هيج 

والحمدالله ماسوالج شي .. 

ضليت ساكته ماجوبتها .. 

مرن يومين واني بس ساكته .. 

وماكل بس نايمه لو صافنه ..

وحاجي امي 

محمد يجي وكله تسألات بس ماكو اجوبه 

هو هم مو دايم الي ليش اكوله اصلاً ..

وجانت تجي ندى بس اني بس ساكته 

الى ان تخربطت لان ماكل 

اخذتني عمتي ومحمد حطولي مغذي وعلاجات ورجعت .. 

بقيت ع حالتي محمد جان مبين ع ملامحه الخوف والقلق .. 

وجابت المرايه بنت عمتي شفت وجهي عبالك وحده ميته محيط عيوني اسود ..

وجهي شاحب مابي اي لون من الوان الحياة  

شعري كام يتساقط من الخوف والتفكير 

وضعفانه كلش  

والعصر اجت حرمه ع عمتي تريدها بشغله وجهالها راحو وياها بقيت بس اني جنت كاعدة بالصاله .. 

خايفه من كلشي كمت افرك بكتوفي 

كعدت ابجي  

طب علي رفعت وجهي والدمعه تلالي بعيني .. وخوفي ورجفتي هو لاحظ هذا الشي .. 

اجه تقرب دنكت هو كرفص يمي بقيت مدنكه مارفعت وجهي 

هو رفع وجهي بايده من حنجي وكالي 

محمد...حنين شصاير وياج احجي 

باوعت علي اني وساكته ودموعي تنزل 

هو مسح دمعتي بايده وكال .. 

محمد...ليش تبجين كولي 

شكول شيفهم مابي احجي اصلاً بقت بس دموعي تصب هو جرني لحضنه 

شميت عطره وحضنته قوي وابجي بصوت مسموع هو يحول يهديني ماهداء استهترت 

بالبجي ضل حاضني راسي ع صدره بعدت عنه ورحت للغرفه اجه لحكني وكال ..

محمد...احجي منو وياج 

جاوبته بصوت خافت وبي بحه من البجي 

حنين...

الفصل الرابع عشر من هنا