رواية فصلية ولكن الفصل الخامس عشر بقلم سوزان ليث
ابو حياة: شيخ خالد خابرني وحجالي كلشي واصلا اني ماقبلت كتله حياة من سابع المستحيلات هيج تصرف بس هو اظن يعرف اخته لان هو خابرني ديعتذر مني لان دزج الي بس جان يريد يهدء الوضع بالبيت
حياة: لا بابا لا يهدء ولاشي هو حتى مصدكني جان يكلي اني اني سندج اني الي احميج بس طلع كله بس حجي اني لا ريد ارجعله ولاشي هاهيه خلي اخته وبت عمه يفيدو
ابوحياة: يا عيني خليت بمكانه جان كاعدين اهله كلهم وتجي اخته تبجي دكله مرتك تريد تطردني ويجيب اثنين يشهدون كليلي جان بيده وكل كاعد يسمع ويشوف
حياة: بابا ماريده بعد اصلا هو كلي ارجعج لابوج هاهيه بعد
ابو حياة: دكومي هسه روحي غسلي وجهج وروحي نامي والله كريم
خالد: اجذب لو كلت مرتاح نار جانت بصدري وظليت ليل كله واكثر من مره الزم تليفون اريد ادكلها واعوفه بس ليش ساره شهدت ضد حياه لو بس حاجيه عكسهم جان عرفت شسوي بزينه وايات
حياة: كظيت الليل كله منايمه بس افكر بخالد والله كلبي ميكدر بدونه بس هو ميستاهل حتى افكر بي طبك ويه اخته ويعرف اخته وحده متخاف الله ظليت اباع عالتليفون كلسع اكول هسه يخابر هسه يدز مسج ابد هو اني صحيح مجنت حجاوبه اذا دك بس المهم يدك واعرفه ندم
كعدت صبح ظليت بالفراش بس مفتحه عيوني وصافنه عالسكف يمكن ظليت ساعه اني على هالحاله بعدين كمت طلعت شفت خطيه ابويه مسوي جاي وديحضر ريوك
حياة: صباح الخير
ابو حياة: صباح النور
حياة: هاي شنو شدسوي جان كعدتني يابابا اني اسوي ريوك
ابو حياة: حبيبتي اني كل يوم هيج تعلمت اسوي ريوك لنفسي
حياة: ميخالف اني اكمل
كملت ريوك وكعدنا ناكل اني وابويه
ابو حياة: حياة شبيج اكلي صبح طلعتلج جبتلج بورك من هذا الي تحبيه
حياة: اي بابا شفته تسلم
ابوحياة: شيخ خالد خابرج بارحه
حياة: باوعت على ابويه بنظره 🥺 لا مخابر
ابو حياة: يخابر يخابر لضوجين
حياة: ماريده يخابر ولا اريد اسمع صوته ولا اشوفه .. طبعا احجي واني اعرف بنفسي اجذب
ابو حياة: دكملي ريوكج لا تفكرين بهاي سوالف
خالد: كعدت صبح بس جنت ماتحمل واحد يحجي ويايه كلمه بدلت وهجيت من البيت لان روحي طافره
حياة: وره مكملنا ريوك ابويه كال لسوين غده من ارجع اني اجيب ويايه سمجه وراها كعدت اعزل والملم بالبيت صح عمتي كل اسبوع تجي تنظفه بس البيت مو كلش نظيف وهي عمتي خطيه متكدر بالكوه تكمل شغل بيتها تجي هنا هم فكعدت اعزل تعزيله جنها تعزيله العيد بحيث بديت من ساعه 10 لل3 يله كملت بس تنظيفه من كل كلبي
وراها نصبت الغده وتغدينا وره الغده ظليت اكلب بتليفون وشكو صوره لخالد بتليفون مسحتها لان جنت مقهوره منه كلش
شويه وامل دكت عليه
حياة: الو هلو اموله شونج
امل: هلو حبي الحمدلله انتي شونج
حياة: زينه الحمدلله
امل: حياة والله اليوم اني يتيمه من دونج كله وحدي
حياة: حبيبتي حتى اني والله
امل: تعرفين ابويه من صبح كعد كالب وجهه وبس يرزل
حياة: عادي شنو الجديد اصلا هو هذا وجهه الحقيقي
امل: لا والله حتى عمو حسين ضاج لان مرزله كدام ايه على السياره
حياة: ......
امل: والله لوشوفين سويت بساره رزلتها رزاله والله بحيث مكدرت تفتح حلكها حتى بيبي حجت عليها
حياة: على شنو امل بس اني جان لازم اعرف اوادمي زين
امل: اكصها لايدي منا اذا مو ايات وزينه مهدديها وخاليها تحجي هيج
حياة: باعي هي كلشي متستاهل والله ياما جان شغل عليها واني اكلها روحي لجهالج اني اسويه ياما وياما ادافعلها من خالتي تحجي عليها بس طلعت حرام زاده والله
امل: باعي هي خانسه من البارحه بس سمعت عمو علي البارحه يمكن جان ديحجي عليها لان صوته عالي جان
حياة: تستاهل والله وعمتج راحت
امل: اي صبح مو شافت ابويه عصبي ويرزل شو هاي لمي غراضج وكولي لعمو حسين يوصلها هي وايات
وحاليا هسه البيت فرغ لان حتى عمات ابويه بارحه بالليل راحن وراج
حياة: ابوج بالبيت
امل: اي رجع قبل شويه طلع بدون ميتريك وهسه رجع متغده كلش عصبي والله حتى اخاف افوتله عود البارحه بالليل حضرت كلام اكله لصبح اليوم من شفته عصبي حتى الكلام المحضرته نسيته
حياة: ظلينا نسولف اني وامل وراها كمت عمتي اجتي يمي وكعدنا نسولف ونحجي فكالت لابسي خل روح نمر على بيت عمج ابو حمزه ام حمزه صاير عدها انزلاق وخطيه نايمه بالفراش متكدر دكوم
فكمت لابست عباتي ورحنا تمشينا لبيت عمي كعدنا وشفنا عمتي فاطمه خطيه نايمه بالفراش ماتكدر تكوم من وره ظهرها
وظلت خطيه تسولف ويايه وتحجي وتسائل
واني هناك خابر خالد عليه ..اجذب اذا كلت ضجت بس جان داخلي فرحان كلش بااتصاله مرديت عليه دك مره ثانيه نطيته رفض ردت احسسه اني داشوف اتصالك بس ميعجبني ارد دك مره ثالثه هم نطيته رفض واعرف كلش هو يضوج من هاي الحاله
شويه ودز مسج 💬 جاوبي ترى اجي اكسر راسج وعلي
باوعت عالمسج كلت وفوكاها هو الي ضايج
دزيتله مسج 💬 ميعجبني احجي ويه واحد ميريدني وطردني بالليل ويعرف كلش زين اني مغلطانه
دزلي 💬 منو المايريدج ولج شو انتي متعرفين تحجين جاوبي عالاتصال دنتفاهم
اني ردت اضوجه واعرف هو لو عرف اني بيت عمي ابو حمزه حيضوج فدزيتله مسج💬اني مو بيتنا بيت عمي ابوحمزه طالعه من ارجع عود خابر
ظليت منتظره يردلي جواب ماكو عبرت ربع ساعه وماكو اي رد بكلبي كلت خرب شون فشله
وره نص ساعه اجه قصي من بره كلي حياة شيخ خالد بره يريدج اني ظليت متفاجئه 😳 عمتي كلتلي كومي شوفي شبي فعدلت نفسي وطلعت لكيته اصلا حتى ممكلف نفسه ينزل من السياره من شافني طلعت فتح الجامه
خالد: جنت راجع مالي خلك وتعبان وبالكوه طايق نفسي لما دكيت على حياة ورفضته خبلتني ولان اتنرفز من هاي الحالة وحتركت نار لما عرفت هي بيت عمها ومنو ابو حمزه بسرعه طلعت ورحتلها لبيت عمها شفت ابن عمه بشارع واكف كتله صيحلي حياة بس شفتها طلعت
حياة: تقربت من السياره هو باوع علي وهو خازرني ومبين اعصاب
خالد: صعدي
حياة: ماريد كلي شتريد
خالد: داكلج صعدي
حياة: ماريد احجي الي تريد هنا
خالد: حيااااااة صعدي لتخليني ارتكب بيج جريمه
حياة: اني شفته عصبي وصوته كام يعلى فصعدت وياه شوهذا امشي وطلع من المنطقه وظل يمشي كانما ديرجع للبيت ... هاي وين موديني
خالد: حسج ماسمعه افتهمتي بس خل اوصل البيت اني اعلمج
حياة: واني شمسويه حتى تعلمني
خالد: شمسويه مو بسيطه
حياة: خالد رجعني للبيت ماريد اجي وياك انت مو متريدني
خالد: تريدين ترجعين يم ابن عمج الخايس مو
حياة: ياابن عمي هاي شبيك رجعني للبيت كلتلك والله اخابر ابويه اكله
خالد: ولج شنو تهدديني انتي
حياة: اريد ارجع للبيت ماريد اجي وياك هي كوه ... ظليت احجي احجي وماكو فايده وهو ساكت بس مخنزر ويسوق واني ادردم طريق كله
بالاخير وصلنا للبيت ظل يدك هورن لحد ماطلع ابن علي فتح الباب ودخل سياره واني كله اباع هذا شبي صدك جذب اني رايحه جايه..
خالد: نزلي
حياة: ماريد ليش جبتني هنا رجعني لبيت ابويه
خالد: استغفر الله واتوب اليك داكلج نزززرلي
حياة: مانزل وشتريد سوي سوي
خالد: نزلت من السياره لفت على جهتها فتحت الباب .. لزمتها من ايديها وجريتها بالكوه
حياة: اي ماريد انزل هي كوه
خالد: ولج حفرك حلكج وعلي
حياة: جرني دخلني جوه من باب المطبخ جانت امل وخالتي بالمطبخ ظلن يباعن عليه متفاجئات برجعتي
امل: هلوحبي شونج
خاله: هلا يمه شونج
حياة: الحمدلله انتو شونكم
تقربت امل مني ولج جنت فاقده الامل برجعتج
حياة: والله مرجعت برضاتي ابوج جبرني
امل: عزه سوه
حياة: بعدين احجيلج
خالد: طببتها للمطبخ ورحت للغرفه ظليت انتظرها تجي ماكو فتحت الباب صحتها
حياة: جنت واكفه داحجي ويه امل جان خالد صاح حياة احس البيت رج من وره صوته
عفت امل ورحتله للغرفه فتت هو جان رايح جاي بالغرفه وعصبي
شافني دخلت اجه عليه بسرعه ولزمني من ايدي عصرها عصره والله رادت تنشلع
خالد: ولج شوداج بيت الكوا..... هذا الساقط هذا ........
حياة: اخ ايدي وخر
خالد: ولج شوداج احجي
حياة: امه مريضه ورحت اشوفها اني وعمتي
خالد: تعرفين كلش زين ماطيق بيت عمج شكو رايحه اظاهر مرتاحه لان طلعتي منا وكمتي بساع تفرفرين
حياة: خالد وخر والله دتاذيني . .... بعدين شعليك بيه وين ماروح اروح اني مو كلتلي ماريد اشوف وجهج شكو هسه جاي تحاسبني
خالد :ولج احاسبج واكسر راسج هم جان بالبيت من جنتي هناك
حياة: حمزه مجان بالبيت من رحت بس داضوجه كلتله .. اي جان هناك وكعدنا نسولف ونحجي بعدني داحجي هذا تقرب عليه حيل بحيث من الخوفه ردت فعلي خليت ايدي ليكدام عبالي حيضرب
خالد: والله العظيم لو ما اخذت وعد على نفسي ماامد ايدي عليج جان عرفت شسويلج
وطلعه من هذا البيت بعد مالج والله لاخليج تترحمين لذيج الايام
حياة: شترحم هو اني شفت يوم حلوه هنا حتى اترحمله
خالد: دشوفي الجاي واني حخليج تترحمين على ذيج الايام الي مشفتي شي حلو بيها
حياة: دفعته لخالد بعد عدد محاولات فاشله بسبب ضخامته وفتحت تليفون داخابر ابويه شو هذا تعال وجر تليفون مني بس جان ديدك
خالد: جنت مشتعل نار بس ردت اروح اجيبها من بيت هذا الكلب واجيبها يمي جنت اريد اموتها اكسرها والله بالكوه لازم نفسي عليها ماذيها لما شفتها شالت تليفون تخابر اخذت تليفون منها لكيتها دك على ابوه واصلا ابوها بسرعه جاوب
خالد: هلا عمي شونك
ابوحياة: منو (مستغرب لان تليفون حياة )
خالد: عمي خالد وياك
ابو حياة: اهلا وسهلا شيخنا شونك
خالد: بخير عمي دامك انت بخير .. عمي ترى اني اجيت اخذت حياه ورجعتها للبيت
ابو حياة: عمي رجعها بس بالاول غير تجي وتكعد ويايه ونتفاهم
خالد: اي والله عمي حقك اعتذر بس هي جتي هيج بعد شنسوي ان شاءالله امرلك ونكعد نحجي ليظل بالك ترى سالفه نحلت
حياة: يحجي ويه ابويه هو كلش مبتسم ويحجي ولا عبالك قبل شويه الي جان يعيط عليه وسد تليفون وهذا رجع عقد حواجبه عليه
خالد: جنت مشتاقلها كلش بحيث بس اريد الزمها واحضنها بس ماكدرت جنت ضايج من تصرفها كلش عفتها وطلعت اعرف غلطت من كتلها روحي لابوج بس اني جنت بس اريد تفض السالفه حتى لاتكبر اكثر
حياة: ظليت كاعده بالغرفه وحتى منزعت العبايه وجنت كلش ضايجه ونوب كلسع دماغي يذكرني هو طردج ميريدج شون تقبلين ترجعين واني افور بزايد 🤯
وره شويه دخل عليه شافني كاعده ومنازعه اصلا
خالد: حظلين هيج كاعده
حياة: معليك بيه عوفني بحالي
خالد: ولج باعي صابر عليج وساكت بس والله اذا طخ عدي اكوم اموتج
حياة: احسن حتى ارتاح منك
خالد: استغفر الله كومي يله
حياة: ظليت ساكته وبس اهز برجلي
خالد: مو داحجي وياج كومي كلت
حياة: بله انتي ليش رجعتني ها سويت حليت المشكله البارحه وره مرحت لبيتنا
خالد: باعي اعرف كلش زين انتي محاجيه كلتلج روحي لاهلج حتى يهدء الوضع
حياة: بهذا تصرفك كسرتني كدام اهلك من مشكله تافه كلتلي طلعي وبعد ماريدج كلي شون تريد امن بيك بعد
خالد: حياة ممامنه بيه
حياة: بعد صار البارحه لا
خالد: حياة انت لازم تقدرين الموقف الي نحطيت بي كدام اهلي
حياة: بس انت تعرف كلش زين اني ماحجي هيج ولا اتصرف هيج
تعرف سوالف زينه كلش زين
خالد: تقربت عليها حياة ماكو بهاي دنيا واحد يخاف عليج كدي اعرف غلطت بس والله اخذ حقج بس اصبريلي
حياة: لو تخاف عليه متخليني اطلع بارحه بالليل مكلت منو اجه اخذها مكلت وصلت لا اخابرها اطيب خاطرها بكلمه بس انت اليوم رجعتني علمود غرورك لان جنت بيت عمي ولان متريد احد يحجي عليك ويكول مرت شيخ خالد راحت لبيت ابن عمها الي جان يريدها
خالد: ولج احجي عدل ويايه لتخليني اشوفج شي مشايفته لجيبين طاري هذا الجبان على لسانج
حياة:رجعتني وياك لنقطه الصفر اول ماجيت هنا جنت خايفه منك وهسه نفس الشي رجع خوفي منك لان باي لحظه ممكن تتخلى عني
خالد: اول شي اني جنت ناوي اليوم ارجعج سواء جنتي بيتج او بيت عمج بس يمكن من سمعت انتي بيت هذا الساقط دمي فار وذكرت من يكول اخذها اخذها متحملت تبقين يمهم تعرفين زينه ليش هيج سوت لان تعرف انتي مو مرتي فعليا لو جنتي مرتي من صدك مو بس على ورق جان محد فتح حلكه وياج
حياة: اكثر شي جنت انتظره اصير مرتك من صدك لحد بارحه جنت مستعده اصير واتقبل وضعي بس هسه لا والحمدلله مصار شي بينا
خالد: ظليت ساكت لان كلامها صحيح اني من مشكله تافه تخليت عن حياة وهدمت كلشي شون تامن بيه بعد عفتها وطلعت بالحديقه ظليت افكر كومه واحس من صدك كسرتها كدام اهلي
حياة: صح احبه صح يمكن تعلمت عليه موجود بحياتي بس ماكدر بارحه حسسني حساس كلش محلو من الي تحبيه يكلي ماريدج وماريد اشوف وجهج مجنت اكدر اسامحه هو باي وكت يكدر يتخلى عني
بدلت وطلعت بره جان امل كاعده بالهول وحدها تتفرج تلفزيون
ظلينا نسولف وحجيتلها صار وشون رجعت بس هي سخيفه كالعاده ظلت تضحك وتشاقه وشون ابوها جان عصبي الصبح وميتحجى ومتحمل بعدي عنه ورجع جابني كلش عايشه اللحظه جانت واني احجيلها ..
مر اسبوع واني ماحجي ويه خالد ابد وحتى من يفوت للغرفه اني اطلع وبالليل افرش بالكاع وانام او اسوي نفسي نايمه قبل ميجي
صح جنت تعبانه من هذا الشي بس جان لازم يعرف غلطه الي سواه ويايه
خالد: صح حياة متحجي ويايه وحتى اذا حاولت اني اتحارش بيها هي بس جاوبني على كد سؤالي ومتنطي مجال ابد اعرف هي مجروحه مني بس المهم هي كبال عيني هاي تسوة دنيا عندي
ظليت افكر شون اخلي حياة ترجع تثق بيه ومتخاف مني لكيت حل يمكن هذا الحل حيخلي بعض الناس تحجي بس طز المهم هي
شاورت امي بالموضوع امي كيفت وكالت على واه والله حياه فقيره وحبابه ياريت هيج سوي
حياة: بالليل جنت كاعده يم امل دنسولف جان يدخل علينا خالد وكلي
خالد: جوعان سولي اكل
امل: باوعت على حياة بنظره شفقه حتى دكوم بدالي 🥺
حياة: كمت سويتله عشه وخليته بصينيه وديته بالهول جان ديباع تلفزيون هو وخالتي
خالد: شكرا تعبناج
حياة: محجيت شي داطلع جان صاحني
خالد: عود سويلي جاي
حياة: طلعت حضرت الجاي وصبيتله وديته هو جان مخلص عشه نطيته كلي
خالد: شيلي كملت
حياة: شلت وديت الصينيه شويه وصاحني رحت
خالد : نفاضه
حياة: رحت جيبتله نفاضه والي هي اصلا قريبه عليه .. وظل كلسع يصيحني ويصخرني حسيته ديتقصد يسوي هيج حتى اضوج بس اني عادي ولا ضجت
وراها طبيت سبحت وداطلع لكيته بالغرفه كاعد بس ظل بس يباع بنظرات غريبه بحيث كمت اتوتر احس عيونه ورايه تمشي بالاخير باوعت عليه بنظره انو ها شتريد
بس هو عادي سوه نفسه يلعب بالتليفون
خالد: جنت بس اريدها تهتم بيه كمت اطلب منها شغلات حتى اخلي تتنرفز وتحاجيني بس هي ماحجت شي لو تعرف شكد مشتاق لحضنها وريحتها قبل مانام كتلها .. باجر حضري نفسج بالعشره نطلع
حياة: وين
خالد: شعليج انتي حضري نفسج ومن توصلين تعرفين
حياة: ماروح لعد
خالد: يولي شبيج حتى امي حتجي ويانا
حياة: اي وين
خالد: باجر من نوصل تعرفين وعفتها ونمت
حياة: هذا شبي من صدك هذا تصرفاته القياديه اتخليني اعصب منه
طلعت على خالتي ردت اعرف وين دياخذنا بس خاله كالت مادري ومنطتني جواب اصلا مثل ابنها .....
