رواية هموم الشيخ سند الفصل الخامس عشر بقلم ميامين الطائي
شگد أكو بروحج طفوله🙊!!
وبيـج جم نكهـة عرسس😍
الوردة من خصرج تـغـار😌
يذووب جسسمج باللمس🙀
دااخت بـصوتج بـلابـل🙉
هذاا صوتج لو هـمسس؟🍃
وبحسرتج تطلـع تتراافـه
جاا ششگد وردي النفــس
هموم: الايام تركض ركض بسرعه اجت كلشي صار بسرعه حضرت نفسي باوعت بالمرايه كأنما مو هموم اباوع لنفسي متغيره جذريا هسه راح دخل بحياة ثانيه غير عن الحياة الي عايشتها راح اصير زوجه ومسؤؤله مااعرف كملت كلشي جانت صديقة زمن صاحبة مركز وصالون معروفه جايه ويانه كلشي اخذتهه منها حتى البدلات اجرناها منها كملت كلشي اجه خالي يودعني
محمد: ماتوقعت يجي هذا اليوم اذكر جنتي طفله من اجينه لهنا مااعرف شلون راح افاركج ردتج يمي هنا مو بعيده بس ارادة الله اكبر من كلشي اريدج قويه ماتخافين بيتي راح يبقى الج مفتوح لاتحسين بيوم اتخلى عنج ابد والله انتي بنتي وصديقتي كلشي بحياتي سندي تعلمت القوه وابصبر منج هسه اني اكلج مااريد احد يكول محمد مااعرف يربي اريدج تذكرين خالج وياج بكلشي علي الحلوه والمره لاتتصورين بيوم اعوفج لان انت ايدي اليمين وتربيتي اثق بيج اعرف انتي كدهاا وكدود
هموم: اعرف ماحاجه توصيني لان انت ابويه واخويه وصديقي كلشي باالنسبه الي معندي غيرك تطمن راسك راح يبقى مرفوع ومحد راح يجيب اسمك بالموزين ونعم ماربيت ماانسى فضلك عليه
محمد: كفوو اعرف بيج هسه مودعه يابت كلبي محروسه بالله ومحمد وعلي الله يوفقج ويسعدج دير بالج علي نفسج شتحتاجين اني موجود هاي هديتج
هموم: حضنت خالي بقى يبجي واني ابجي انطاني هديتي وطلع اذكرت كلشي ذكرياتي بهذا بيت فتحت ابهديه جايبلي عقد ذهب كامل وفستان خليتهن اني محتاره كعدت الصبح صليت وسبحت وطلعت للمطار اني وزمن وسيلا صديقة زمن وصلنه للحله تقريبا ب 3 الظهر
سند: كل يوم احسبه احساب احس الساعه والوقت مايمشي اجه احلا يوم بحياتي كملت الغرفه رتبتها كلشي بس وسن خما ماكو شي نقص اتاكديلي فدوه
وسن: والله ياسند ماكو شي تخبل الغرفه مثل مااردت انت رتبتهاا الك تبقى بس غراض هموم والفراش انزله علي،الجربايه
سند: فدوه الج تعبتج وياي تعرفين مااثق بااحد بس انتي اثق بيج
وسن: تدلل مااسويت شي بالعكس تعبك راحه انت هموم الله يسعدكم
سند: الله يحفظج ويوفقج شوفي وسن انت زوجتي صح مابينه مشاعر بس الله شاهد لج مكانه ومعزه بكلبي الله يعلم بيه مااريد اظلمج وياي اذا تريدين تنفصلين كولي، اذا تريدين لج نيه تكملين بالزواج تريدين حقج هم كوليلي مااريد ااظلمج
وسن: يشهد عليه ربي ياسند مااشوفك غير بس اخ بحياتي مااغير رائي اني كلبي دفنته تعرف ويامن مااريد اانفصل خليني هيج مرتاحه لاتفكر ولايضل بالك تبقى ابن عمي علي راسي
سند: ونعم منج بنت اصل الله يشهد عليه تبقين هنا معززه مكرمه محد يأذيج بكلمه وحده كائن من يكون
وسن: فدوه لكلبك الله لايحرمني منك تدري جنت خايفه من وفاء بس الحمد الله صارله شهرين عد اهلهه...
سند: وفاء طلعته من حياتي بسلة المحذوفات خلاص وجودهاا وعدمه واحد تحلم بعد ارجعهاا لحياتي،
وسن: خير ان شاء الله عوفك من السوالف اصدقائك اجو روح للحلاق ليله عقد القران مالتك وانته جنك ارهابي،
سند: هههه احلا منج طالع عفته ورحت للحلاق احلق وارتب بنفسي عزمت الدنيا كلهه والله نصبنه جوادر بس،حفله الحنه بالقاعه حجزت اعقد ونروح القاعه للحلاق يرتب بيه وهذوله يركصون
كرار: وخيرا والله اليوم اذب لحم الحمدالله عرس مابي فاتحه يارب
اوس: لليله حنته وباجر يزفونه وهاي الرادهاا وهاي التمناها عليك الله شغلنه ساجده عبيد خاله وياخاله اليوم لو الشيخ يموت هم ركص العب لعب
سند: ههههه شغلو ساجده عبيد وركص كله تركص كرصوني وياهم اول مره احس نفسي راح ازوج رجعت عرفت هموم جايه بس مااشفتهه لان رجعت المغرب رحت سبحت لبست الزي خليجي،
هموم: وصلت سلمت علي الشيخ ووسن وصعدنه بس شنو كلهه جايه والاغلبيه مااعرفهاا رتبت ملابسي الغرفه جنن بالبدايه صاله وبعدين الغرفه
زمن: وووااووو تجنن الغرفه شنو هل ذوق الحلو بعد شنو تريدين همهم
سيلا: فعلا حلو فد شي غرفتهاا هموم تعرفين جمالج يجنن جد انو انت كمر كلش حلو تخيلي انو حتى اذا مامكيجج هم حلوه عيونج رصاصي چنج طلقه روسيه.. هههه
هموم: فدوه لكلبج حياتي عيونج الحلوه خجلتيني والله يكلبي
زمن: يلا نكمل حتى،نبلش بيج لان ماكو وقت شفتي جوه الدنيا مكلوبه هواي نسوان وبنات
سيلا: اي فعلا والله الاطلعج اميره ولو انت اميره من كاعج تخبلين
هموم: تمام هسه اكمل الي فاجئني انو الالوان الي احبهاا وكلشي احبه جايبه حتى دب ولعابات هواي امور كملنه تباوعت ب 5 اني راح اسبح وانت ارتاحن حتى تحظرين البدله مالتي ونبلش،
وسن: راح ااجيب الجن اكل تاكلن لان اكيد جوعانات هموم من وكت حتى،الشيخ يعقد لكم لان حفلة الشباب بالقاعه
هموم: اوك رحت سبحت كملت طلعت لكيتهن ياكلن اكلت وياهن وكمت اول مره راح انزع الاسود،بلشت سيلا بيه فعلا خلتني اميره اني تفاجئت بنفسي باوعت للوقت من كملنه ب 8 كالو اجه سيد خليت مالت عقد ابيض شلون الكبوس بدلتي ماروني جبيره رحت الصاله سند يمي ااحس جسمي يرجف...
سند: اجه السيد تعشئ عدنه والشيوخ يم جدي كلهه مشت كدامي بقى سيد مصطفى وياي انتظرت هموم دخلنه الصاله اويلي مامبين شي مخليه اديه علي القران ولابسه شي ابيض علي راسهاا بقي يردد السيد
السيد: سند ...... هل تقبل .........
سند:،نعم انت وكيلي،كلت هاي كلمه احس الدنيا ماواسعتني من فرحتي بقى يردد الهاا وهي ساكته حس من يمي نار
هموم: سيد بقئ ردد طقوس زواج سند باول كلمه قبل اني صافنه تمنيت ارفض بس مااكدرت لحظات اني بالي مو يم السيد ابد اريد اانهزم واطلع منا
السيد: بنتي انتي مجبوره احد جابرج
هموم: فزيت علي كلام سيد لا ردد قبلت نعم وانت وكيلي هلاهل وطلعت سيد بقينه بس اني وسند جنت مخليه قران فتحته مخليه اديه سديته وبسته
سند: بقيت قلق مو يمهه حتي اكوللهه اخر شي قبلت اارتاحيت بقينا وحدنه تقربت يمهه شلت هذا الابيض اويلي اقسم بالقران بقيت صافن انوب سمنانه ضاع كل الكلام بس صافنه بيه بعدين حضنته وبستهه الف مبروك بنيتي لبسته الحلقه بست اديه
هموم: سند بقى صافن بيه لبسني الحلقه واني لبسته حلقته الف مبروك الك حضني اخذنه صور بتلفون هو يوقت بالتلفون باسني بشفتي
سند: اخذت صور ماتحملت بستهه بشفته اخذ شفتهاا ابد ماتفعلت وياي اكلت شفتهغا اكل خل ااطلع لان بعد ماتحمل ديري بالج طلعين جسمج مفهوم وصيت وسن وزمن ورحت شيجيب باجر
زمن: هلو هلو الحمره راحت احم احم شنو هاي الف مبروك حبي الله يسعدج
هموم: يمه مااسيطرت علي نفسي احس شفتي تكطعت عافني راح الله يبارك ييج باركلي البنات خليت حمره طلعت بس فعلا مثل ماوصه سند هواي النسوان اني وزمن وسيلا بعنادهن وفاء تباوع بحقد هي وبثينه وام سند وام فيصل وفاطمه كومني البنات ركصت هلا وعلي لعبنه لعب بالركص،
سند: وصلت القاعه وشتغلت الهلاهل والركص والعباس كبار واصغار تركص ركصنه جوبي،لعبنه لعب بالركص ونسه اول مره احس باجواء العرس احساس حلو هسه لا اكول تزوجت علي حب عرفت الحب فرحة الي يزوج علي،حب كملت حفله ب 12 دفعت الفلوس رجعت نمت بالمضيف
هموم: كملت الحفله ردت اصعد اني والبنات جانت بدلتي جبيره تعبت من الركص بنات عيشن هل لحظه سوي علي حب ولا هي مره بالعمر عمرج خساره الونسه الج مو لشخص انت فرحي بيهه
ام سند: مو حسبالج ابني زوجج لان يحبج لاغلطانه ولالسواد عيونج بس،جده اجبره علمود يستر عليج من انخطفتي ماايريدون ينفضحون كدام العالم
هموم: شنووووو.... انصدمت من كلامهاا زمن وسيلا يمي شنوووووو.... هل الكلام جاي تخربطين انتي
ام سند: لاخربط ولاشي هاي كدام الكل سند ماارايدج بس راد يستر عليج
هموم: عفته صعدت اني نار بيه اني اعلمك سهله والله لااندمك شنو رخيصه اني......
زمن: لاتهتمين لكلامهاا لاتقهرين بنفسج الله علي الظالم حسبي الله ونعم الوكيل
سيلا: اصلا ماحبيتهن من اول مابدت الحفله هنه يخزرن بهموم ويحجن للنسوان ميصير هيج كلام هاي سمعتج
هموم: يصير خير باجر سهله والله الا اكلب دنيا علي رؤؤسهن بسيطه
زمن: هسه عوفج غيري ملابسج حتي ااسويلج عنايه البشرتج وتنظيف،
هموم: تمام نزعت رحت سبحت طلعت سوتلي زمن عنايه تغذيه وتنظيف بشرتي ونظاره جنت تعبانه فنمت المهم بشرتي
الكاتبه:.عسى نارهم تاكل حطبهم اهم شي البشره 😂😂✌️
ولـَو كـَان لِي الف حيَاه سـَاحبكَ فـَي كُـل حيَاهَ الـَف مـَره♥️
هموم: كعدت ثاني يوم متاخره اني مقرره اسوي هجوم اليوم غسلت وجهي نزلت جدي ادور عليه وسن وين شيخ
وسن:،كلووووشششش هلا بعروستنه يلاهلا بهل الصبح... صباح الخير
هموم: عوفي العروسه علي،صفحه اريد شيخ وينه تكدرين تصيحنه الي
وسن: خير صاير شي كوليلي خوفتيني شبيج هموم جدي يم الناس
هموم: جاي ااااكلج صيحي الشيخ هسه اريده بسرعه وسن لا انه والله اااطلع اله واسويلكم فضيحه كدام العالم كلهه
وسن: هاا هسه راح اصيحه هسه يجي وتحجين وياه
هموم: راحت وسن تصيحه اني ممصره اليوم انهي هل الزواج اجه ياهلا بالشيخ اريد احجي وياك كدام هاي الناس
الشيخ: خير بويه شجاج صاير احد مضايقج حاجيني سؤؤلج شي
هموم: اتباوع ام سند وجه صار اصفر وخايفه ياشيخ اذا ابن ابنك مايريد يزوجني علي شنو تجبره يزوجني شنو اني عايبه اشو فحص وفحصتوني الحمد الله مابي شي تريدون تسترون عليه نسوانكم تحجي فضحني،شفتني تايه الك مامربايه مو خوش بنيه حتى ام سند خلتني علج بحلك النسوان فهمني تستر عليه شنووو علي شنو شمسويه فضيحه شارده ناهبه لكيتني وي واحد سامع شي حاجيني
الشيخ: شنييي هذا الحجي بعد عليه شني سند زعطوط اجبره ام سنددد شنو هذا الكلام الي جاي تحجينه وتطعنين بشرف البنت.... خافي ربج يتيمه والهه حوبه
ام سند: والله يا شيخ تجذب مااحاجيه شي هي تألف من يمهاا تريد تخرب البيت
هموم: كتيلي ألف من يمي واخرب البيت ماتستحين شكبرج بعد وتصيرين مو انتي اجيتي كتيلي عندي شهود اسئل هاي النسوان الي كدامك ونسوان قريتكم من ضمن الكلام اكو نسوان جايه من غير قريه نسوان هم شيوخ هسه اكلك شيخ مااريد سترك لان مستوره الحمد الله صح يتيمه بس الله الي يحميني ونعم بالله عليك شيخ انت سند خليتوني مضحكه هسه اريد طلكني ميشرفني هذا الزواج اذا علي 10 ملايين كلشي اخسر الكم اني لي عايفه كلشي....
الشيخ: وغلاتج اخذ حقج اتهدي لان ماكو صحه من هذاا الحجي هسه ام سند تعتذر منج متستحين مو عيب عليج تتهمين البنيه بشرفهاا هاي اشرف من الشرف تحجين علي الفضايح نسيتي فضيحة بنت اخوج نسيت اني مخليلي حيه ياابه الحاضر يعلن الغايب بالعباس بالعباس بالعباس هموم شريفه سند يحبهاا ويريد يزوجهاا هيه وصية ابوها ماتصير لغير سند الي كالته هاي كله جذب هذا الحجي ينطبق عليه هي بالاساس مااراضيه هسه اكلج الله محمد وعلي وياج طلعي من البيت بدون حجي زايد
هموم:،خل نسوان تلوم بيهاا هي تعصر بديهاا جدي طردهاا توسلت مااسمعهاا راحت هي وفاء وفاطمه حجي وبحلك النسوان طشنه طش اني ياشيخ مااريد اكمل شوف الكره وظلم بعيونك خل انهي كلشي واروح كلمن يروح بطريقه
الشيخ:،لخاطري بويه ان چان عندج شوية خاطر علمودي حكج اخذها يبقى راسج مرفوع اليوم زفتج بغترتي الكل يعرفهاا هذا راسج ابوسه عذريني بويه،
هموم:،سكتت لخاطرك شيخ مو لخاطر غيرك عفته صعدت اني ااعلمك سند يصير خير والله الا اطلع هذا العرس من عيونك
زمن: عفيه عليج زين ماسويتي وكفتيهن عد حدهن حقيرات جذابات
سيلا: هذا اقل عقاب شهيرتهن وفضيحتهن كدام النسوان وطردوها
هموم: خيولن جابو الريوك تريكت كملت بقيت زمن وسيلا يسولي جلسه... وحمام مغربي ومقشر كاربوني وتغذيه للبشره لحد الأذن أذن صليت وتغديت دخلت اسبح حتى ااجهز نفسي اني عاصفه بالي
سند:،كعدت متاخر علي اتصال شلت الجهاز يول عريس خلوني انام وراي شغل وسهر
كرار: تكوم كوم جايؤنك هسه ساعه ب 11 حضر نفسك كاافي
سند: اييي فهمنهه شكد لزكه كلهه تريد تعرس وياي شنو هااي
كرار: ههههه احمد ربك ماكو فاتحه واعراس وياك مو نلكاك نايم
سند: رجعت نمت صارت ب 12 اجو كعدت علي هلاهل اوس خرب
اوس: كلوووووش الف الصلاة والسلام عليك ياحبيب الله محمد كلووووشش
كرا: هلا هلا العريس ناايم الووو هيووو
سند: كعدت كمت غسلت ورجعت شسالفتك شسالفتكم واحد ماينام
كرار: ماينام يلا كوم خل نتغدئ خاطر روح الحلاق ونطلعك بالباكيت
سند: ابن الاوادم شكالولك عني ديلا خل نصلي ونتغده جدي ناصب جوادر سلمت صليت شويه اجه جدي خير ياابه شبيك
الشيخ: مايستحن ولايخافن الله يطعنن بشرف البت امك تحجي ......... اني طردتهاا بالكوه ماصدكنه توافق امك تريد تخرب مو بيدهاا حجي امك لا بالعباس اكتلهاا ورجع نفس كبل
سند: زين مااسويت جدي خليهاا الله كريم بين وجهه الثاني ماتوقعته هيج يخلص العرس ويصير خير
الشيخ: لاضايگ روحك افرح بعرسك لاتفكر شر وخلصنه منه روح وي ربعك
سند; عفت جدي ورحت تغديت كملت ورحت اخذت زي الخليجي غيرت ستايلي كله بهذا عرسي ورحت للحلاق احلا شي اصدقائك هوساتهم واهسهم وركص مالتهم والله الغريب وقريب الكل تركص كملت ب 3ونص رجعت ب 4 سووولي احلا زفه جماعتي ضباط والولد وصلت ناس والشيوخ كلهه جايه
كرار: اويلي اول مره شوف هيج عرس 3 جوادر وعالم طالعه للبرا
اوس: بحياتي كله بالعالم ماشايف هيج عرس بس يستاهل سند
سند: كاافي دخلت سلمت علي الشيوخ الناس كله تبارك بدأ.... المهول يهوس والهوسات حلوه والرمي ااحترك الجو حرك
هموم: بلشت بيه سيلا طبعا بدلتي كولش جبيره وحلوه ومن جد تعبت كملت مكياج وكلشي ب 4 بقينه ناخذ صور ولقطات باوعت لنفسي كل طفولتي ومراهقتي
سيلا: ماشاء الله تبارك رحمن الله يستر عليج ويحميج من العين
زمن: عين الحاسود بيه عود عين الحاره بارده خلي اقرأ ايات عليج
وسن: هموم الله يساعد سند شلون حيتحمل هذا جمال كله ولج فلك
سيلا: علئ طاري العريس خابري خل يجي ناخذ صور اله هوه وهموم
هموم: وسن حتخابر سند اني وزمن اخذنه صور... ولقطات تسوي سيلا الي لحد مااجه سند خجلان رحت للغرفتي اني وسند
سند: جنت واكف وي الولد يشاقون وياي خابرتني وسن ها وسن صاير شي
وسن : لاماصاير شي بس هموم تريدك علمود تجون تاخذون صور وتنزلهاا الجوه
سند: تمام هسه اجي سديته ترخصت من الولد ورحت دخلت جوه نسوان شكثرهن
البنت: هنيالهاا هموم هلكد يحبهاا سند عاف اهله علمودهاا شوفي عرسهاا شكبره
بنت: لاتنسين هيه حلوه وتخبل شفتيهه البارحه من ركصت والله هو الي هنياله صغيره ويربيه علي ايده
البنت: تمنيت لو شويه من بياضهه وحضهه شفتنه من دخل حتى مايباوع كبل صعد للفوك
سند: تجاهلت الكلام صعدت دخلت استحيت من زوجة خاله البنيه السلام عليكم
زمن وسيلا: وعليكم السلام الف مبروك
سند: الله يبارك بيجن الله ويحفظجن هموم مغطيه وجه بس الجسم ابيض رفعت الكلين انصقعت علي هل الجمال صرت اابلعم وعلي صدك هنيالي يمه اخذنه صور وحركات هوااي اخذنه صوره يلا ننزل
هموم: سند لهفته واضحه صافنه عليه حركات الي يسويهاا جريئه نزلت حتى اخذنه صور تجنن حتئ من نزلنه سيلا اخذتنله من ورا من لبسني غترة جدي والعباء مالت شيوخ من ذهب مسويه فيكات من ورا للصور اشتغلت الهلاهل نزلت ب 5 العصر سند علي كيفك
سند: ولج بالكوه مصبر روحي بختج بزوجة خالج وام التصوير وين ضاميج شويه واصعدي لاتبقين جوه بنيتي تمام
هموم: اوك ماتدري شضامه الك بسيطه كعدت النسوان صافنه بيه منين مارفع راسي نسوان وهوسات وركص
الحجيه: فصوص روبه يااكفاها وين دورها ولكاها....
هلا بيج من جيتي اخذتي شمعة بيتي هاي الرادها وهاي التمناها بنت الشيخ الابن الشيخ جبناها
سند: استلمنه بالهوسات والهلاهل ردت اطلع بستهاا براسه زمن ماوصيج خويه مااريد احد يشوف جسمهاا شويه وصعديه لاتبقينه
زمن: صار تدلل ولايهمك بعيوني اخليهه هاك هاي الجكليته اكل منها وكلهاا وياك
سند: اخذت من الجكليته وكلتهه وكلت منه شفت صدرهاا نار صعدت براسي فولت وطلعت حضرو العشاء للشيوخ
هموم:،جنت صافنه الكل يكولون صغيره وحلوه هنيال سند زين مافكرن بيه بسبب العادات والتقاليد هواي دمرت احلام تباوع البنات كلها تجي تريد اسحك رجلهاا هاي صغيره تفاجئت وسن شنو هاي،
وسن: علمود يزوجن بسرعه هذا السبب خيه سحكي رجليهن وسكتي
هموم: امممم والله لو عليه جان مااتزوج بقيت صافنه باوع البنات هنيالهن علي هذا الواهس كل تباوع الي اخر شي صعدت للغرفه لان صبو العشاء،
لجميع الفصول من هنا
