رواية صراع الشيوخ الفصل الخامس عشر بقلم ليال القمر
احمد بصدمة : زيد !!!
زيد بمرح : درد السلام يا حظي
احمد وامير وحسن : وعليكم السلام
زيد بمرح : عفية بولدي
احمد بغيض : شتسوي هنا
زيد وهو يغمز اله : افى يا بن العم هيچ تستقبل ابن عمك
امير بارتياح وبابتسام : شلونك زيد
احمد بذهول : ليش انت تعرفة
زيد وهو يحاوط اكتاف امير العريضتين : طبعا انه زيد مو حيالله ( ويغمزله) اكو واحد ما يعرف زيودي الي يسچ !!
احمد : شنو "يسچ"
زيد بخبث : معناهة الي يديح بالشوارع ميعرف وين يروح
احمد بغيض : لگبر اللفك اي والله حسبالي شو شنو وعابتلك وعابت القابك الطايح حظهة مثلك
زيد ببرود : احلة منك يال "ثعلب "
امير بخبث : والله شكيت هذة لقبه لان من اول ما التقيت بي مبين واحد ملاعب ومكار
احمد بضيق : معقولة هيچ مبين علية
زيد بمسرحية : كلششششششش
حسن بمرح : شلونك زيودي مشتاقين
وگام يسلم علية ويصافحة
زيد : فدفدفدفديت شلونك ضلع
حسن بخبث : والله الحمدلله انت شكو ماكو منا ما منا
زيد برائة : الحمدلله ما سويت شي بس عركة صغيرونة
امير بضيق : ولك انت ما تجوز من سوالفك
زيد بمرح : والله يجرن بدمي ذني السوالف
امير : ولك اگعد تأدب شطولك شاب عمرة 26 سنة اثگل شوية
زيد : بعدنة شباب ضلعي
احمد بانفعال : احد يفهمني شلون تعرفون بعض
امير بجدية : زيد مو جان يسوق السيارة واحنة چنه متابعين محمد وشفناهم سوو حادث و صوبوا علة زيد وسوة الحادث ويه ولدهم فانه وحسن وديناه للمشفى
حسن بضحك : وساعة السودة الي اخذنا بيهة ههههه بس يلغي وهذة كله ومتصوب
زيد بضيق : امشي لك فوگ ما مونسكم
امير يباوعلة نظرة جانبية : اي وتگعد تتحارش بالممرضات هي هاي ونستك طاح حظك
زيد بزعل مصطنع : عابت الكم شگد نحسين
حسن وهو يربت علة ظهرة بقوة : افى ياليسچ مايهون زعلك علية تعال اراضيك ببطل شرب
زيد بخبث : فديت ضلعي شگد احبة
امير واحمد : طاح حظكم
احمد بعصبية : طايح الحظ الة اگول لعمي ابراهيم علة سوالفك الطايشة اوگفلي
زيد بانفعال : يممممممممة سودة بوجهك ، لا عمي بعد ما اشرب ، بووووووية هسة يطيحوني عمامي بالعگال الله يلعن بليسك يا حسن ،ما حچيت الة گدام هذة احمد
وشرد زيد وكولهم يضحكون علة سوالفه
حسن : ههههههه صدگ الفطير اعزمة علة الشرب عابت شگد مصلحچي
زيد وهو يمد راسة من باب الديوان ويباوعلهم بنص عين : ايا قندرة تحچي ورة ظهري حسبالك انه ما ادري انته وامير تشربون هههههه
امير بعصبية : انه اعلمك انه اشرب الله لا يوفقك سويتني ادب سز مثلك
زيد بصدق : هاي شبيكم انه هم ما اشرب اعوذ بالله منه
حسن : ههههههه هواي صدگت چا منهو گبل يومين اجة وياي للملهة
زيد بغيض : انت ادب سز حسبالي دتنطيني عصير طلع بيرة انه مالي ذنب انت التحصل حرام مو انه
زيد يكمل بقرف ومسرحية : بس بويااااااااي شگد طعمة لاذع ييييع يقزز عابتلك عله هالطعم يقرف دربالكم تشربون ، من وراة دخلت البيت ناس ما اعرفهم وطردوني وودوني للمركز الشرطة وضليت هناك يوم كامل كلة من ورة هذة الطلي ( يأشر علة حسن )
حسن ببرائة : معلية انه گتلك تعال تونس وية النسوان بس انت مارضيت
زيد بصدمة : لا يا كلب تريدني اروح وية النسوان انه اعلمك يا نعال اصلا ما اذكر شصار بس الشرطة گلولي
احمد بملل : هسة فضني شعندك جاي
زيد بتوتر : هاا مو علساس انه وحسن نسهر اليوم شو عجبتني الحفلة بس ما اشرب طبعا اخذت احتياطاتي
حسن : ههههههههههههههه منو الگاعد يسب ويغلط گبل شوي هاا
زيد بضيق : للگبر اللفك هسة مو زين اشاركك بكلشي
حسن : ههههه دامشي يالله عابت الك ههههه
احمد بعصبية : ولك سطل والله اذا فهمت شارب اليوم الخبر يوصل لعمامي وخل يطيحون عليك بالعگال
زيد بخوف : لا والله بس حفلة ما اشرب
طلعوا زيد وحسن يضحكون ويسولفون
( زيد هو شخص كولش مرح ويحب الحياة وماخذ الدنيا طگ بطگ مثل "قاسم "اخو ارجوان وطبعا زيد عمرة 26 سنة طويل جسمه رياضي كلش يهتم بنفسه وشكله حلو وانيق وموت البنات بوسامتة ورومانسيته الي تذوب . شخص قلبه طيب ما عنده هموم هواي ميهتم لاحد بس يخاف من عمامه وبالبارتات القادمة راح نتعرف علة اهل ارجوان اكثر )
احمد بهدوء : يعني اليوم نخبر العشيرة كلهة بان يستعدون
امير بصرامة : بلي اليوم والساعة الثلاثة العصر احنة باب بيت الشيخ سليمان
احمد : انشالله بس اريد رقمك بلا زحمة
امير بابتسامة حلوة : اكيد سجل عندك..... 078
احمد : الله وياك
امير : في امان الله
تنهد امير بارتياح { شكلچ يا ارجوان مو هينة تلعب من جوة الجوة ومحد يحس بيهة خررررب يومچ شلون شغلتي بالي بهاليومين معقولة حبيتهة بس لا شوكت يمكن من چان حسن يحچي بيهة انه حبيتهة فجأة ومن شفتهة حبيتهة اكثر وحبيت قوة شخصيتهة } ورجع گعد واتصل عله ابو
امير بحزم : الوووو هلة بوية .......
وحچالة الخطة والي راح ينفذوهة اليوم
➿➿➿➿➿➿➿
في بيت ابو احمد
احمد بتفهم : عمامي انه اليوم اتصلت علي ارجوان وووو........
حجالهم خطتهة والتقائة بامير ابن الشيخ شهاب
العم كريم بعصبية : الچلاب يچذبون علينة ابن ال****
العم ابراهيم بعصبية : وفوگاهة اخذوا منة بنية وفلوس ودم
العم عالي باصرار : اليوم انهد عليهم ما بيهة مجال يا ابو احمد
ابو احمد بصراخ جاهوري : الگ*** اخذوا بنتي وحطموا حياتهة وحياتنه بسببهم الله لا ينطيهم اليوم اشعلهم شعل
العم كريم : ما نرضى بنتنه تروح فصل واحنة مالنه ذنب بكلشي
العم صگر بغضب : گوموا تحضروا بساع
الكل گاموا يجيبون اسلحتهم
قاسم اخو ارجوان بتوعد وعيونة يجدحن شرار : اني اعلمهم ياخذون اختي ويضربوهة خليوگفولي
احمد بعيون كالجمر : انه الهم قاسم اخذت سلاحك
قاسم بدون نفس : اي
كلهم طلعوا وتوجهوا بسياراتهم الجيب لبيت الشيخ سليمان
♕♕♕♕♕♕
في بيت كرم
سمعوا صوت رمي
ام كرم برعب : يا ستار يارب شصاير
منتظر بفزع : هاي شكو خوية كرم هاي شني هالرمي
كرم وهو يباوع من الشباك وعيونه جدحن شرار : هاي بال 20 سيارة واكفات ذولة طلابه
ارجوان گاعده بالغرفة وسمعت صوت الرمي انتفضت وتوجهت ناحية الشباك وشافت اول شخص لمحته " امير " هو وأناقته ووسامته ورهبته ووجودة الطاغي بشخصيته الي تشبه الذيب شرسة وقوية ومن اعتى الرجال ابتسمت بخبث وانتبهت علة امير يباوعلهة من الشباك بنظرات ثابته كأنو يعرف راح تفتح الستائر مال الشباك حته تباوع
سدت ارجوان الستارة وبسرعة البرق حضرت كل غراضهة ولبست ملابسهة الي حتطلع بيهن وانتفضت برعب من فتحت الباب ودخول كرم الهة بعصبية
كرم بصراخ : حضريلي دشداشة وعگال بسرعة
ارجوان بثبات : نعم روح انت اني شكو
كرم بعصبية : هاي وين مولية انتي
ارجوان بخبث : ليش شيخ كرم ميدري هاي الهوسة كولهة علمودي
كرم : شلووووووووووووووووون
ارجوان بتحدي : والزواج باطل والورقة نگعهة واشربهة بمي بارد او اذا تريد بمي حار بكيفك
كرم وهو يضربهة بوجهة ولزم اكتافهة بقوة ويهزهة بعصبية : ايا بنت الكلب جنتي تخدعينه طول الوقت
ارجوان وهي تدفع اديه عنها وبحركة سريعة ضربت منطقته بركبتهة وبصوت مرتفع : ما عاش الي يمد ايدة علية يا خاين
تركتة واخذت جنطتهة بسرعة ونزلت
ام كرم : هاي وين رايحة يمة
ارجوان دفعتهة بخفة وطلعت من البيت وركضت لاحمد اخوهة وشبكته وتبجي
احمد بحنان : انتي بخير
ارجوان ببچي: لا موزينه مشتاقتلكم كولش هواية
ابو احمد وهو يتقرب من بنته بشوق : بنتي حبيبة ابوها
ارجوان شمرت نفسهة علة ابوهة وتبجي بحرگة انثى محرومة من والدهة غصبا عنهة
ارجوان ببكاء قوي : بابا ضربني هواي عذبني بعد ما اتحمل
امير يباوع عليهة ومنقهر لان ظلموهة وصار نار واتحلف لكرم بعد اكثر بعدين تقرب من ارجوان وابوهة والسلاح خاله علة جتافه منطيته طله ورهبة وكاريزما
امير بمواساة : حمدلله علة سلامتهة يالشيخ جواد
ابو احمد يباوع لامير : الله يسلمك والله انك سبع وشهم و تستحق لقب "الذيب"
امير بابتسامه شرسة منطيته رهبة اكثر ووسامة فوگ وسامتة : تسلم يالشيخ ( باوع لارجوان بعيونه الحادة والغامضة الي مثل الصقر ) شلونهة بنت الشيوخ
ارجوان باوعتلة وخافت وحست انهة راح تموع من وجودة الطاغي وبصوت مهزوز : الحمدلله وشكرا لان ساعدتني
امير بابتسامة غامضة طلعته يخبل : ولوووو احنه بالخدمة واذا عله مسألة زواجچ فهو باطل
ارجوان بابتسامه رقيقة : ميرسي
امير عكد حواجبة باستغراب بعدين افتهم قصدهة شكرا بالفرنسي وارخى حواجبة المتقاربات وابتسم بغموض : العفو
قاسم بلهفة : اختي وييين ارجوان
وهجم عليهة ويشبكهة ويبوس براسهة وبجبينهة ودموع قاسم تمشي علة خدة وبصوت مبحوح : اشتاقيتلج بعد لتعوفيني انتي النه ومترحين بعد
ارجوان حظنته وكامت تبجي : حياتي اشتاقيتلك كومه
قاسم ببكاء : ولج اخذتي گلبي ورحتي
ارجوان وهي تمسك وجه قاسم بين اديهة الرقيقة وتمسح دموعه : لتبچي حياتي ما اكدر عله دموعك اني امسحهن يالله وخلينه نروح من هذة المكان
قاسم ابتسم من بين دموعه وحاوطهة من اكتافهة وتمشوا للسيارة
حسن وهو متأثر علة الموقف الي شافة واللقاء بين الاخوين الي تفرقوا
حسن بعبرة : امير راح ابجي
امير هم متأثر بس ميبين اي ردود فعل وباوع لابن عمه بقوة : الرجال ما يبجي يا حسن
حسن : صدك هسة حقة هو يبجي علة خيته صارلة شكد ما شايفهة
امير يأيده : اي ، يالله امشي خلينه نسحل كرم الكلب
الكل حاوط البيت من كل الجهات وحاصروا عائلة الشيخ سليمان
كرم وهو شايل سلاحة ويرمي بالجو : **** شتسوون هنا هاااا
ارجوان انتفضت من الخوف وباوعتله برعب وعيونهة انجحظت وبصوت مهزوز ومعذور : ك...كر...كرم
صراع الشيوخ
