رواية صراع الشيوخ الفصل السابع عشر بقلم ليال القمر
انصدمت من العدد الموجود بالصاله جان عبارة عن بنات ونسوان وجهال
الاء بصوت عالي: احمممممم
الكل باوعولهة الاء ابتسمت: اليوم راح اعرفكم على بنت من عيلتنه
الكل باوعولهة الاء ابتسمت: اليوم راح اعرفكم على بنت من عيلتنه
مرت العم عالي: منهي
الكل يباوع ل الاء بترقب وخرت الاء من ارجوان الي جانت وراهة: هاذي بنت اخوي ارجوان
الكل يباوع عليهة بصدمة واعجاب
مرت العم ابراهيم بصدمة؛ ارجوااااااااان الي تزوجت ولد عشيرة ال......
الاء بحماس: اي هية جا مادريتن اليوم زلمتنه كلهة راحت تجيبهة
الكل: لاا
البنات كلهن تجمعن يم ارجوان وسلمن عليهة بحرارة
الاء مبتسمه وتباوع علة ارجوان الي مصدومة ومستغربة
النسوان كلهن سلمن عليهة بحرارة وهي هم تسلم لان باعتبار اهلهة ولو اصلا هي متعرفهم
الاء بمرح: تعاي اعرفج علة نسوان عمومج هاذي "سحر" مرت عمج 'ابراهيم ' وهاي بنات عمج ( 'سهى' و 'نجمة' )
وهاي " هيفاء " مرت عمج "صكر" وبنات عمج ( 'سعاد' و 'احلام' و' نسرين' وبنتهة الصغيرونه 'شمس' وعدهم بعد تلث وليدات بعدين تعرفينهم )
وهاي "ايمان" مرت عمج " عالي " وبنت عمج ( ' جنان' وعدهم اربع ولد بعدين هم تعرفينهم )
وهاي عمتج " ليال " وبناتهة (' كواكب' و 'انسام' و ابن عمتج الصغيروني' باسم')
وعندج " ندى " مرت الشيخ " كريم " عمج الجبير وعندهة بنات ثنين وخمس وليدات بعدهي مجاية رايحة للزيارة
ارجوان ابتسمت مجامله وهي منصدمة من عدد عائلتهة
الاء وهي تكمل بحماس: وهاي بنتي'نور' وابني 'ياسر'
ارجوان: اوووي فدوة سو كيوت
الاء بمرح: تعاي كعدي اعرفج علة جهال ابناء عمومج
ارجوان بصدمة: بعد اكوووو
الاء: ههههه جا شتردين نخلف واحد اثنين احنه كله نسطر خمسة سته ماشاللله هواي عدنه جهال شكد ما اسطرلج ما يخلصون
ارجوان مبهوته وبلعت ريكهة والاء تعرفهة( ها ترة 'نجمة' بنت عمج ابراهيم متزوجة ابن عمج عالي الي هو "كاظم " وعندهم جهال اثنين
و'كواكب' بنت عمتج "ليال " متزوجة ابن عمج كريم الي هو 'رائد' و عندهم ثلاث جهال
و'انسام'بنت عمتج "ليال" مرت ابن عمج صكر الي هو " نمر " عندهة ولد واحد وجاي واحد بالطريق
و " احلام " بنت عمج " صكر " متزوجة ابن عمج كريم الي هو " حسين " بعدهي حامل بشهرهة
و "سعاد " بنت عمج صكر متزوجة ابن عمج كريم الي هو " جاسم " بكر الشيخ كريم عندهم اربع جهال
و"نسرين" بنت عمج صكر متزوجة ابن عمج كريم الي هو " فاضل " عندهم ثلاث جهال
وبنات عمج كريم متزوجات غربة سادة وكل وحده عندهة جاهل
ونورهان ما مزوجة نفسهة الرادوا ينطوهة فصل
ارجوان باوعتلهة بعدهة طفلة ابتسمت الهة و نورهان خجلت ودنكت راسهة
الاء بتعب: اوووف كافي انه تعبت ههههه كتلج هواي ما شاءاللله
ارجوان بابتسامه رقيقة: احم اي مشاء الله
~~~~~~~~~&&~~~~~~~~~
كرم بصراخ: وين وديتو مرتيييييييييييييي
احمد بمكر: ليش عبالك بعدهة موجودة
كرم بتوتر: وينهة اريد مرتي
الشيخ شهاب: بعد ما الك مرة يا شيييخ كررررم هاي هية بعد كل واحد يحل مشكلته واليوم نفضهة
الكل توقف عن الضرب والرمي حته يسمعون للشيخ
عم ارجوان كريم(الشيخ ): سمعوني زين احنه جينه نحاسبكم لان اتهمتونه بكتل وليدكم وابن اخوي ما غلط والغلط جان من ابنكم المرحوم ما انطيتونه التقرير الطبي ماله وما قبلتوا تشتكون للشرطة حته ما يكشفون لعبتكم واخذتوا ابن اخوي'زيد' وهدرتوا دمة واخذتوا بنت اخوي الي عايشه بامريكة وفلوسنه واليوم راح نردهم كلهم
الشيخ شهاب: انه مع اخوي ابو جاسم وانه عندي الادلة الي تثبت كلامهم واذا ما تنطونهم حقوقهم وحقوقنه تنرمون بالحبوس
الشيخ سليمان وجهة صار اصفر وباوعلهم: انه راح اردلكم الفلوس والمرة بس الدم ما انطي
كرم بعصبية: بوووية هذي مرتي
الشيخ كريم: كلنالك ماكو مرة بعد والعقد باطل وانت ما تزوجتهة صدك وجان حكمكم مثل المخطوبين
كرم بعد ميعرف شيسوي اتخبل لان الحقيقة انكشفت
امير وهو يهمس باذن كرم بمكر: ها كرم الحرمة يا شهر وصلت عندك ولد لو بنت ولد الحرام الي بطنهة لا تخليني افضحك هسه توافق على الشروط وانت ساكت
كرم باوعلة بصدمة ووجهة صار اصفر وميعرف شراح يحجي نظرلة بحقد وقهر وكور قبضة ايدة وحجة بنتر: انه موافق ارجع الفلوس وال( غمض عيونه بقهر) مرة تضل عندكم واذا تردون الدم انه موجود
عائلة كرم كلهة اعترضت وكاموا يصيحون: لا ما ننطي دم ما ننطي
كرم بصوت مرتفع: خلص كاااااافي خلي نحل المشاكل ونفضهة
العم صكر توجه لكرم وخلة فوهة السلاح عله راسة وحجة بحقد: انه دم ابني زيد راح هدر بس انه مو مثلكم ظالم وماريد دم منكم لان الثارات بعد ما تخلص مثل الشيخ شهاب واحد يكتل الثاني اتمتع بشبابك ياالشيخ كرم بس حسابكم ويه رب السماوات
وخر السلاح من راسه ورجع وكف يم الشيخ كريم اخو
الكل سكت محد يحجي
الشيخ سليمان بمرارة: خلاص ياشيوخ اعذرونه الفلوس انشالله توصل وينك بوية منتظر
منتظر: ها بوية
الشيخ سليمان: روح جيب الفلوس
اومئلة براسه وراح دخل للبيت
راح منتظر ورجع جايب الجنطة وانطاهة لابو وابو كرم انطاهة للشيخ كريم
الشيخ سليمان اندار لشيخ شهاب : وشنهو التريدة يا ابو مجتبى
الشيخ شهاب: نلتزم على الاتفاق والي هو ناخذ بناتكم لولدنه وانتو ما تاخذون منه لان خدعتونه
الشيخ سليمان بحزن: انه موافق بس لا تخلونهة تصير بالدم لان شبابنه كلهة تروح
الشيخ شهاب بنصر: خلاص هاي هية يلة يا اخوان مشوا
كلهم راحوا وتركوا بس عائلة كرم منصدمة ومنقهرة لان بنات العشيرة راح يرحن منهم
______&&&
امير وهو يصعد بالسيارة وبعصبية: بوية انه اريد انتقم شلنه بالنسوان يا بوية
ابو امير: بوية اذا ما نتناسب ما تنحل السالفة
امير نفخ بضجر: بس انه ما اريد مرة
ابو امير: مو الة الك اي واحد يريد من اخوانك او ولد عمامك خل ياخذون
حسن يهمس لامير: شراح تسوي الكرم
امير بابتسامه شرسة: هو انه حرت شسويت بي المشيخة راحت منه ومن اهله وفلوسهم راحت وخواته وبنات عمه راحن ومرته الحبهة هم راحت منه وكرامته انمسحت وطلع بالعين الصغيرة كدام الناس وكدام اهله لان ما اخذ الحرمة ليهسة
حسن بخبث: عفية عليك يالذيب صدك محد يكدرلك
♡♡♡♡♡♡♡♡♡
ابو احمد وهو يحضن ارجوان: حبيبة ابوهة مشتاقلهة
ارجوان بابتسامه مريحة: بابا اريد ابقى يمك بعد ما اعوفك
ابو احمد براحة: هو منو يتجرأ ياخذج مني بعد خلص انتي صرتي خط احمر يمه فدوة لدلولة ابوهة
ارجوان بضحكة نازكة: بس اكو شي حياخذني منك
ابو احمد باستغراب: شنو
ارجوان بمياعه: الفوووود'الاكل'
ابو احمد: هههههه بابا شتاقيتلج هواي
ارجوان: اني هم بابا مشتاقتلك هواييييييي
العم كريم بابتسامه: الحمدلله انحلت السالفة ورجعتلك بنتك ياخوي
ابو احمد يبوس راس ارجوان: بعد ابوهة هي بس هاي العندي
ام ارجوان: ماماتي تردين ترتاحين
ارجوان: لا ارتاح بحظن بابا
الكل يباوع عليهة ويبتسمون
الاء: اي عيني اخذت اخوي مني شني هاي
ارجوان: 😏 بعد ما اخلي لماما همات اخذة بس الي
ام ارجوان😲: امشي لج تريد تاخذ رجلي مني
ابو احمد : هههههههه هاي شنو معقولة لهالدرجة تحبوني وتتعاركون علية شكد محظوظ اني
العمة ليال: اكلك خوية ناوي تستقر هنا لو ترجع
ابو احمد: والله ما اعرف اشوف شنو يردون الاهل يضلون لو يرجعون
احمد وام ارجوان: احنة تعودنه علة الوضع الهنا
ارجوان وقاسم: نريد نرجع
ابو احمد: ليش بابا متردون تظلون
قاسم: اني علمود ارجوان راح ارجع
ارجوان بحزن : بابا ماريد بعد الي شفته ترة مو قليل
ابو ارجوان: باباتي انتي ما شفتي شي من العراق لان جنتي محبوسه عند ناس ظالمين الله لا ينطيهم اريدج تشوفين العراق شلونه بعد ما تحررتي
ارجولن بحذر: اوكي اشوف
ابو احمد ابتسم براحه وحس كانما جبال انزاحت من كلبه
الاء بهمس: ارجوان تعاي احاجيج
راحت ارجوان وية عمتهة لمكان معزول
الاء: صدك هو ما متقربلج
ارجوان ماتت من الخجل وبعد متعرف وين تودي وجهة: هاا اي
الاء براحة: الحمدلله انه شلت هم بس صدك يكولون علي حليو
ارجوان بقرف: اييييييع عمة ليش تذكريني بي بس الصراحة هو حلو بس سبحان الله مينحب دمه جاااامد
الاء بحماس: جا شلون تواصلتي وية الشيخ شهاب ولا اكلج احجيلي من اول ما دخلتي البيتهم
ارجوان حجتلهة الاول والتالي من اول ما راحت فصلية لحد ما رجعت
الاء: شو اكلج سدي السالفة كرهتهم وانه ما شايفتهم
ارجوان: اي والله اصلا اكره ايامي العشت بيهن وياهم
الاء بحماس: شنو رايج افرج البصرة هااا
ارجوان 😶: اي والله مخنوكة
الاء: بس خليني اسئل رجلي'حيدر' اشوفه يقبل لو لا
ارجولن باستغراب: اكولج عمه
- ها عمة
- شنو الكل عايش بهذة البيت
- اي كلهة حته انه وعمتج ليال عايشات هنا
- شلون
- احنه مو نتزوج كرايب ف'حيدر' يكون ابن عمي وعمتج ليال متزوجة هم ابن عمي'جعفر'
- هااا هيج مو اكول شلون
- تعاي صدك انتي شو كلامج يختلف عنه شني تعرفين تحجين بغدادي
- لا مو ماما بغدادية فتربيت علة نشأتهة
- اهااا جا انه اكول شلون تحجين مثلهم هو انتي وابوج كلكم تحجون بغدادي بس ابوج واحمد عنده جم حجاية بصراوية ولا انتي وامج وقاسم حسبالك بغداديين
- اي هي ماما كضت حياتهة كله ببغداد بس راحت لامريكا علمود الدراسه
- اي ادري بس انه مستغربة يعني امج اصلهة من البصرة بس شجابهة على بغداد مادري
- مو جدو انتقل لبغداد لان حب بيبي الي عايشة ببغداد فلهذة السبب
- اهاا مو اكول تدرين انه ماعرف شي عنكم بس قليل لان اخوي ميحجي ويانه دائما
- هو بابا هيج طبعه ميحب يحچي بالتلفون
- وانه اكول ليش هيج هو
- اكولج عمة انتو ليش كله تتزوجون اقارب
- يا عمة ما يرضون هو اول ما انولدنه هيج عاداتنه ابن العم لبنت العم ومشت عليهة بعد بس بنات عمج كريم تزوجن غربة
- شكد عمرج عمة
- انه ٢٩ سنه وانتي
- ١٨سنة
$$$$$$$$$$$$$~~$~~
رنا بالم: حبيبي بيك شي
كرم بضيق: لا مابيه
رنا بالم: اكلك كرم انه كاعدة اموت من الالم
كرم بقلق: شبيج رنون
رنا بالم: آآآه الحكلي كرم كاعده انزف
كرم بقلق: الوووووو رنا وينج الووووو
باوع للخط متجاوب انرعب كرم اخذ مفاتيح سيارته وراح للناصرية علمود يعرف شبيهة
~~~~~~~~~~~~
حسن بقلق: امير يمعود اهده
امير بصراخ وعصبية: ولك شهده......
صراع الشيوخ
