رواية فصلية بديلة الفصل الثامن عشر 18 بقلم ام ملكوت

سماء_

من بعد ليله عنيفه وهمجيه كعدت الصبح متكسره مثل اي صباح احس جسمي تعود على الضرب والتعنيف اقوه ضربه بالنسبه الي صارت هسه اتفه ضربه .. 

صرت اكدر امشي بس ماضغط على رجلي حيل تتاذه يعني صرت امشي عرجه ..كمت سبحت وبدلت

وطلعت من الغرفه رحت للمطبخ اساعدهم بالطبخ كالعاده ومثل اي يوم دخلت ولكيت الشيخه والبنات بالمطبخ صبحت عليهن ورحت بست راس الشيخه ..

_صباح الخير يمه

الشيخه: هلا يمه صباح النور

_صباح الخير بنات

سحر وسمر: هلا حبي صباح النور..

سمر: كعدي حبي راح يجهز الريوك

سماء: شنو كاعد تسوين

سمر: سياح وبيض

سماء_

كالت سياح واجه بالي سياح خالتي مريم وتذكرتهم ولا اني مانسيتهم لحضه 

تذكرت اول صباح بيت جدي من اجيتلهم شلون صرنه نتناكر ونحشش ونضحك اني وحمش والبنات ..

مر هذاك الصباح بالي وماحس الا اختنكت وعيوني غركن بالدموع الحاره ..

سماء: بدموع..لا ماكو شي يمه بس هيج تذكرت اهلي ..

الشيخه: يله يمه جا شنسوي هذا قدرج والمكتوب عليج حبيبه..خلاص كافي بجي بنيتي

سماء: لا رد بس ابجي

سحر: يبووو تعاي حبيبتي تعاي لحضني اعرف شكد مشتاقه لاهلج واعرف ان دموعج تطلع غصبا عنج 

بس تحملي اني خلال معاشرتي الج اعرف انج قويه ومسيطره على مشاعرج ودموعج صح الاهل فراكهم يخنك 

بس شنسوي ياروحي انتي اصبري عسى ولهل ربج يفرجهه بيوم من الايام..

سماء: انشالله الله يسمع منج

سمر: يله حبيبتي سماء مسحي دموعج وكومي غسلي وجهج حتى تاكلين اطيب سياح بالعالم فنج اذا عيبتي عليه..هههه

سماء: هههه انشالله ..كمت رحت غسلت وجهي وهدات شويه ورجعت للمطبخ وطخت بخشمي ريحه البيض ..

لعبت نفسي بس تحملت خليت وكعدت اكلت بس سياح واني روحي لعبانه من البيض اكلت بسرعه وكمت طلعت بالصاله كعدت وبقيت صافنه بالفراغ

وافكر بامي وخواتي وخالاتي وحوالي وحمش بقيت افكر برشا ياترى انخطبت من ابن عمهه لو بعد

ياترى سعيده وياه ومرتاحه لو لا اتمنى تكون مرتاحه وسعيده بحياتهه وماتضيع تضحيتي عل خالي بلاش ...

هدى: سماء سماء هيووو

سماء: ها ها حبي اسمعج محتاجه شي

_هههه وين صافنه صارلي وقت احجي وياج

🍀

_يله جا خلي اروح اكلي لكمه واجي يمج..

_اخذي راحتج حبيبتي..

راحت هدى ورجعت لصفنتي فجاتا شفته نزل من الدرج ولابس ملابس الدوام باوعلي بخزره وكلي..

شهم: كومي مسحي حذائي

سماء: هاا اي كايمه..

كمت امشي كوه واني اعرج اخذت الصبغه السوده ونزلت اخذت حذائه مسحته بالصبغه واني بصدري غصه واحس بروحي مذلوله..

( طبعا هذا الشي  جنت اسوي لابوي ولحمش لمن يردون يطلعون وجنت احب هذا الشي اما هنا احس ان مسكه حذاء هيج شخص اهانه بالنسبه الي وخاصه اذا جان ناوي يذلني بهذي الطريقه مو شغله محتاج مساعدتي )..

شهم: نزلي لبسينياه يله

سماء: ها

شهم: تردين راجدي يفتح مسمعج ماعندي مانع تره

سماء: لا نازله البسكياه نازله ..نزلت لبسته اله وراد يزلك ويطيح وخله ايده على راسي حتى لا يطيح رفعت راسي وباوعتله..

شهم_ 

ردت اطيح وخليت ايدي على راسهه شويه رفعت راسهه تباوعلي صفنت لحضه وانتبهت على نفسي خليت وعطت بيهه..

_لبسي عدل ثوله لو قصدا سويتي هيج..

سماء_ 

عاط بيه واني نزلت راسي وبرطمت ونزلت دمعتي ومسحتهه ..ياربييي شمالني اليوم حساسه كلش ودمعتي بسرعه تنزل ..

راح وبقيت كاعده يم البنات شويه وكالن خلي نطلع بره بالحديقه اني خفت وكتلهم لا رايحه ارتاح بغرفتي تعبت خليت ورجعت لغرفتي وهنه طلعن بالحديقه .

.يالله شكد مشتهيه اطلع بالحديقه واشم ريحه الورد بس خله خوفه بيه من اخر مرتين ..بس ليش انه ماطلعت

اساسا هوه ان طلعت او ماطلعت بالحديقه يمارس عنفه علي كل ليله عل اقل خلي اتنفسلي شويه وارفه عن نفسي بالنهار وبليل لا حول ولا قوه الا بالله..

خليت ولفيت حجابي وطلعت بره كعدت يم البنات ..

سمر: ها حبي اختنكتي من الغرفه مو

سماء: اي والله 

سحر: هههه عادي حبي هوه بيتنه صح جبير ومساحه الغرف بي جبيره بس تحسينه خنكه مو بس غرفتج

حتى باقي الغرف هم نحس بالخنكه بيهن من زمان لهذا السبب ابوي الشيخ سوالنه الحديقه وزرعهه ورد حتى نطلع بيهه نرفه عن روحنه كلما اختنكنه..

سماء_ 

بقن هنه يسولفن ويضحك واني كالعاده اروح بغير عالم ابقى اصفن على الورود والاشجار والسما جان الجو حلو..

بقينه بره منا لصار وقت الغده دخلنه جهزنه الاكل واحس نفسي شويه ارتاحيت لمن طلعت وشميت هوى بالحديقه وقررت كلما يروح لدوامه اطلع اني والبنات شويه بالحديقه نتنفس..

سمر: حبي سماء تكدرين تفرشين السفره 

سماء: اي حبيبتي اكدر ليش لا يله رايحه افرشهه ..

اخذت السفره ورحت فرشته بالصاله شويه ودخلو علي الشيخ والولد..

_هلا الله يساعدك شيخنه ..

الشيخ: هلا بويه ويساعدج

🍀

الشيخ: اي بويه يله..

سماء_ 

شكد احس بالحنيه لمن اسمعه يكلي بويه بعمري كله ماحاسه بحنان الاب وكضيت عمري مثل اليتيمه الماعدهه ابو يكللهه بويه ..

بالبدايه جنت ابجي وينكسر خاطري على نفسي من الشيخ يكلي بويه بس مع مرور الوقت صرت احس بالامان والدفو بهذي العائله

صرت احس نفسي انتمي الهم وهمه اهلي ويعتبروني بنتهم الا شخص واحد وهوه يلي مخليني معلكه بالوسط لا اني راجعه لاهلي ولا اني الباقيه وعايشه حياتي ويه ناس هذا البيت الطيبين ..

هسه لو هوه ماموجود جان بقيت عايشه بهاذ البيت مرتاحه اووف يمته اخلص..

🍀

سماء: الحمدلله بويه صارت احسن..

ماعرف شلون نطقت هذي الكلمه وكتله بويه هاي الكلمه بعمري ماحاجيتهه لاحد ولا حتى لابوي

شي بداخلي خلاني انطقهه حنيته علي حسسني وكانه صدك ابوي واني بنته نطقتهه وتفاجات من نفسي وهوه هم صفن لحضه متفاجى والبقيه كذلك.

.انحرجت خليت ونزلت راسي كمت اكل..شويه وكال الشيخ..

الشيخ: بويه سماء اني ابوج وانتي بنتي امام الله وردت من زمان اطلب منج تصيحيني بويه بس كلت اخليج على راحتج يمته ماتحسين اني صرت بمثابه ابوج .

.وهسه انتي صحتيني بويه وطلعت هل كلمه من نص قلبج وبفطرتج ماريدج تستحين مني بويه اني ابوج واي شي تحتاجي وتردي مني اكلج تم ماشي بويه..

سماء_ 

من حجه وياي هيج تاثرت من الحنيه الشفتهه بعيونه ويلي ماشفتهه بعيون ابوي الطالعه من صلبه ..

نزلت دمعتي فرح وامتنان وكمت رحتله بست راسه وايده وهوه حضني واحتواني بحضنه وباس راسي

نسيت نفسي بحضنه وكمت ابجي بحركه بدون مانطق كلمه وحده وهوه يمسد على راسي ويهدي بيه ويكلي ..

الشيخ : ليش البجي بويه ..

سماء: لارد بس ابجي..كالت سحر ب نيه تلطيف الجو..

سحر: مااا شنو هاي العواطف ترى ابويه هذا اني اغااااار..

الكل : ههههه

سماء_ 

ضحكت عليهه بنص دموعي خليت ومسحت دموعي ورجعت بست راس الشيخ ورحت غسلت وجهي وهدات نفسي 

ورجعت كعدت اتغده وياهم وبقينه نسولف ونضحك واني اندمجت وياهم هم حسيت نفسي بيتي الثالث غير بيت اهلي وبيت جدي..

خلصنه غده وراح كلمن لغرفته يرتاح واني والبنات لمينه السفره وبقن يغسلن الماعين واني كاعده يمهن اسمع لسوالفهن خلصنه تالي كتلهم..

_ اكول بنات شنو عدكم وره الماعين

سمر: ماعدنه شي حبي ليش

_اي مشتهيه نكعد ونباوع فيلم او مسلسل حلو ونكرز..

سحر: يااااي نفس افكاري والله اني هم دائما اكوللهه لسمر بس هيه تكول مالي خلك ممله

سمر: هههه مدام سماء طلبت مني راح اوافق عناد بيج ولانهه اول مره تطلب مني.

سحر: شوف الانانيه شوف من هسه تفرق ..

سمر: لا انفذ الطلب مره مرتين كلاثه بالرابعه اذا طلبت مني اكلهه مالي خلك😆..

سماء وسحر: هههههههه