رواية صراع الشيوخ الفصل التاسع عشر بقلم ليال القمر
الاء بصدمة: شنييييي
ضربنهة انسام وكواكب بعكسهة
ابتسمت الاء بتوتر ونصت صوتهة وحچت بصوت طبيعي؛ احم ما سمعت زين حسبالي تردين ءاءاءءءاءءءا
كواكب جاوبتهة بسرعه: حسبالهة تردينهة لابنچ
انسام بهمس: هلة انوب دتكحلهة هنوب عمتهة دنطمي
ام امير باوعتله بنص عين وتترقب شنو راح يحچن
انسام بتوتر: ءءا يعني هي انصدمت لان خالة الاء متزوجة وعدهة جهال
الاء بهمس للبنات : انه اعلمچن يا طايحات الحظ ما رگعتن غير هاي السالفه
انسام بهمس: يمعودة خالة شنسوي لعد
ام امير بحرج: ههه لا خية شني السالفه انه جصدي عله ادجان
ايمان مرت العم عالي: ههه تفضلي اكلي فواكه شيخة مدي ايدچ.
هيفاء مرت العم صگر وهي تلطم عله وجهة بخفة وتحچي بهمس حتة متسمعهة ام امير : الله يطيح حظچن يا عوبات ااااخ﴿وهي تعض علة اصبعهة﴾ سودة بوجهچن
: السلام عليكم
كلهم باوعولهة ووگفوا باحترام ويسلمون عليهة
§§§§§§§§§§§§§§
امير بصدمة: احمددددددددد
احمد بترحاب: يا هلة بالذيب شلونك خوية
وسلموا
امير بابتسامه بسيطة: الحمدلله
احمد بحرج: والله احنا ما ندري انت هنا اعذرنه خوية چان استقبلناك وضيفناك
امير: معذور خوية هو كل واحد رايح لشغله قابل ٢٤ ساعه مكابلين الديوان
احمد بمرح: أكيد حسن وزيد بالديوان
امير بضيق: ليش هو اكو غيرهم
احمد بابتسامه: هاي شنو الذيب ضايج واكيد ذولاك مسودنيك
امير بجدية: تصور يردون العب وياهم كارتات باللة گلي شتحچي وياهم ذولة
-ههههههههه هو انت ما لگيت صديق غير زيد هذة اسوء واحد بالعشيرة هو و عدولي ابو العدس
عادل من ورة ظهر احمد: افااااا يابن العم هيچ تحچي من ورة ظهري
احمد بحرج: هههههه هاي شنو شو ابو العدس اقصد عادل هنا سبحاااان الله ههه
عادل بصدمة: احم هلة بالشيخ شخبارك
سلموا
امير: الحمدلله الاهل اخبارهم صحتهم شونهة
عادل بحرج: ههه الحمدلله صدگ ليش ماتدخل الديوان نضيفك
امير: لاوالله مو ابن عمك صدمني ووگعت الكهوة عله ايدي من الصدمة واريد اغسل
عادل: ههههه شني هي الصدمة الله عليك شيخ گلي
امير بحرج: يبون العب كارت وياهم
عادل - هههههههههههههه لا ههههههههه صدگ هههههه يبون ههههه الشيخ هههه يلعب وياهم هههههههه
احمد ضرب عادل بعكسة: اششش ما تستحي الشيخ يحچي وياك وانت تضحك امشي ادخل جوة
عادل: اعذرني شيخنه مو قصدي
امير ببرود: خير انشالله يالله انه اغسل واجيكم
احمد: روح شيخنه براحتك مو تتاخر حته تتعشة
امير: لا والله انه اروح ماريد ازحمكم
احمد: لا مايصير اليدخل بيت الشيخ كريم مايطلع من دون ضيافه
ابتسم امير ابتسامه مجاملة وراح امير للحمام وعادل واحمد دخلوا بالديوان
عادل بحماس: هااااي شنيييي حسوني هنا والله مشتاقين صار هواي ماكو
حسن: دنچب مو اليوم شفناك من دگينه علة كرم كافي لواگة وتعال العب ويانه
عادل: عابت اللك گبل تحكم ولك انه ما شفتك مشغول ارمي عليهم
حسن باستهزاء: تعال تعال العب احسلك
انظم عادل وياهم واحمد يباوعلهم بقلة صبر وضيق وينفخ بضجر
~~~__~~_~____~__
ندى مرت العم كريم الشيخ: شلونچن حجيات
الكل: الحمدلله، تقبل الله
ندى مرت العم كريم: منا ومنكم
هيفاء مرت العم صگر: ام جاسم هاذي مرت الشيخ شهاب الساعدوا زلمتنه
ندى بسلام حار: هلة بالشيخة شلونچ بعد گلبي
الشيخة: الحمدلله يابعد روحي
ارجوان صافنه عله مرت عمهة جانت ضخمة وجبيرة يطلع عمرهة ٥٧ سنه بس بعدهة بحيلهة وقوتهة وشخصيتهة قوية
ام احمد: اختي ام جاسم اريد اعرفچ علة بنتي ارجوان
ندى باوعت لارجوان : ماشالله هاي بنيتچ تعاي بعد گلبي تعاي
راحت ارجوان وابتسمت ابتسامه راقية: شلونچ باجي
ام جاسم: الحمدلله، يمه فدوة هاي بنيتچ تخبل
ارجوان خجلانه وخدودهةصارن ورديات زادتهة جمال فوگ جمالهة
الاء بهمس للبنات: گومن بسرعه نسوي العشة گومن
كلهن گامن وية الاء وبعد مرور وقت
نسرين: عمة الاء فدوة نسيت احط ملح للزلاطة حطي انتي اريدن اغسل ايدي انه
الاء واگفة تگلي بذينجان: اي عمه جاية
راحت الاء وحطت ملح بالزلاطة وخلت الصلصة وخبطتهة وارجوان واگفة تباوع عليهن تشوفهن مستعجلات ومنخبصات
ارجوان برقة: عمة ليش ماحطيتي زيت الزيتون والليمون للسلطة
الاء: چا شنسوي بيهن
ارجوان: انطيني ياهن
انطتهة الاء الگالتلهة عليه وارجوان گامت تخبط
ارجوان بحماس: كملت يالله ضوگي
الاء وهي تاكل: اممممم تخبل جا لويش مانحط احنه
سعاد باستعجال: يالة عمامي والشباب حيجون يالة لان الشيخ امير اهنا ياله بسرعه خلصن
الاء: اوووووف خبصتينه يلة ويلة دكافي
ارجوان بصدمة: شنووووو امير هنا شيسوي
سعاد: هنيال بختي اي والله جا اذا امه هنا منهو جابهة غير اهو
ارجوان: هاا اي والله صدوگ نسيت
نورهان وهي تدخل للمطبخ: بنااات الشيخة تريد دوة مال مفاصل رجليناتهة يوجعنهة
الاء وهي تفتح علبة الاسعافات: هاچ الدوة واخذي كلاص ماي ما وصيچ
سحر مرت العم ابراهيم: ولج نورهاااان تعاي فرغي الخبز لا يعجن
نورهان بضيق: اوووووف كله نورهان ونورهان
ارجوان بصوت هادئ: انطيني الدوة اني اودي لخالة
نورهان: ايييي الحمدلله اخذي ارجوان وانتن بنات مرت عمي الشيخ تگول خفن اديچن
نجمة بعصبية وهي واگفة علة الطباخ تگلي كباب ووجهة احمر من الحر : نورهااان والله اذا ما وخرتي عن خلقتنه اكفشچ والعباس هو انه معطبة وكلساع واحد طاب يالة ويالة دروحوا اوووف
ندى مرت العم الشيخ دخلت للمطبخ: يالة بنيات بسرعه
ارجوان گامت تضحك علة شكل نجمة وهي محترگة من العصبية عاد اخذت الدوة ودخلت للصالة
ارجوان بابتسامه راقية وتمدلهة الدوة : تفضلي خالة الدوة والمي
ام امير باوعت لاديهة وشافتهة ناعمة وبيضة وصافية مبينه معتنيه بيهة: رحمة الله والديچ يمة
اخذت منهه الدوة والمي وبلعته وشربت مي وخلت الكوب على الارض وكامت تفرك برجليه: ااااخ يمه رجيناتي اعذرني خيات
النسوان: لا شيخة عله راحتچ
ارجوان بابتسامة نازكة وصوتهة الطبيعي اليتنعوص : خالة اسويلچ مساج
ام امير باوعتلهة😰😰: شني يمه
ام احمد بابتسامه: قصدهة تدوسلچ رجليچ
ام امير: اي يمه بس خاف ازحمنچ عيب
ارجوان 😇: لا خالة عادي
گعدت ارجوان تسويلهة مساج وام امير تباوعله باعجاب وبين نفسهة( والله هاي ادجان حلوة چا لويش ما اخذهة لولدي مهند خوش حرمة معدلة دباع الادين شلون حلوات والوجه الحسن ماشالله عليهة حريمات ما صارت لابني امير من ذاك الوكت جان هسة هي حرمته ياله بعد شنسوي الحمدلله )
<<<<<<<<<<<<
احمد بفرحة: اي واخيرا اجيت انه هذول اكلوا گلبي بس يتعاركون
امير: ليش انت ماتعرف هم بس يتگاونون
الشباب: هاي لويش تحچون اعلينه
امير: سكتوا محد حچة وياكم
الشباب ما اهتموا ورجعوا يكملون لعبتهم
: السلام عليكم
الكل: وعليكم السلام
احمد: ها خوية شلونك ابوي والشباب اجوا
قاسم: الحمدلله، واي اجوا هسة يدخلون للديوان، شلونك شيخ
سلموا
- الحمدلله
الزلم: سلام عليكم
امير والكل سلموا عليهم والزلم رحبوا بامير وحسن بحرارة
ابو احمد بهمس : يلة ياشباب گوموا فرشوا السفرة عيب من الشيخ
كلهم گاموا يجيبون الاكل من المطبخ وگعدوا ياكلون
|||||||||||||||||||
البنات فرشن السفرة وگامن يحطن الاكل ما الذ وطاب
ندى مرت العم كريم: تفضلي شيخة مدي ايدچ
ام امير: لا والله خية انه اروحن بعد ما نريد نزحمكم
ندى بابتسامه: ياله شيخة مايصير تردين عزومتنه
ارجوان ابتعدت عن ام امير وراحت تغسل وگعدت عله السفرة والكل گعد ياكل
ارجوان أكلت سلطة وگامت: الحمدلله
الاء بصدمة: ياااا شكلتي انتي
- لا والله اني شبعت ما اشتهي
ام احمد: عوفيهة الاء هي هيچ اكلهة كوله شوية
الاء: يااا وانه اگولن ليش ضعيفة هيچ
ارجوان ابتسمت وطلعت من الصالة وراحت للحديقة تشتم هوة
زيد بابتسامه: شلونچ
ارجوان باستغراب: الحمدلله
زيد بابتسامه : شبيچ مستغربة
ارجوان بابتسامه رقيقة: ها مادري عبالي واحد غريب بس من شفتك عرفتك
زيد وهو يگعد عله المرجوحة: اي ياله عرفينه عن نفسچ يا بنت عمي
ارجوان: امم شنو تريد تعرف
زيد وهو يباوع عليهة من فوگ ليجوة باعجاب: يعني حياتچ العايشتهة بالخارج شلونهة
ارجوان گعدت علة المرجوحة بعيد عن زيد: حياتي حلوة بالخارج كولشي مسموح وعادي بس هنا كولشي ممنوع وتقيدات وعادات وتقاليد بس هناك حلوة الحياة تحس كأنما صدوگ انت عايش
زيد وهو يباوع عليهة وعلة حركة ايدهة وحچيهة الميخلو من التنعوص: اي وشنو العادات الهني باله
ارجوان نزلت راسهة وتلعب باصبيع ايدهة وتباوع لاظافرهة : لازم اله عباية وممنوع تطلع البنية من البيت وممنوع دراسة يعني محلو التقيد
زيد: لويش الستر حلو للحرمة
ارجوان باوعتلة: صحيح بس مو ملزوم العباية الله سبحانه گال المهم شي يستر البدن واني اشوف التنورة والقميص اذا كان عريض ومستور شنو المُشكلة
زيد بتفكير: هو صح بس يعني العباة حلوة
ارجوان بعدم مبالة وتحرك اكتافهة: بعد بكيفك اني شدخلني
زيد: وانتي تلبسين عباة لو لا
ارجوان: طبعاً لا وليش البس المُهم اني لابسة شي شرعي ميحتاج العباية
زيد: زين لو الامام المهدي عج ظهر تطلعين گدامه بالتنورة والقميص احچي الصراحة
ارجوان خجلت: لا طبعاً ميصير لازم البس عباية
زيد: ها شفتي مايصير والامام مو بس الي تلبسين گدامه عباة لازم الكل شخص غريب او اجنبي تلبسين گدامه عباة
ارجوان بنعومة: هو صحيح كلامك بس اني لابسة لبس شرعي مو ضيق
زيد ضحك بخفة: هههه صراحة ماعرف لويش تتنعوصين من تحچين
ارجوان باوعتلة بضيق: اوووف هاي انتو كُلكم هيچ تگولولي
زيد بابتسامه: اي جا لويش تتمايعين بحچيچ وسوالفچ
ارجوان باعتراض: اصلا اني ليش گاعدة يمك
گامت ارجوان ودخلت جوة ومتضايقه من زيد
وزيد يباوع الاثرهة الراح وتنهد وهو يضحك: والله تخبل ياناس هههه
شاف زيد امير وحسن يطلعون من الديوان وگف وتقدملهم
امير: ياله الله وياكم ورحمة الله والديكم علة العزومة انشالله غداكم باچر عندنه
الزلم: الله وياك شيخ، انشالله
الشيخ كريم: ليش بوية خليك گاعد مستانسين عليكم
امير: لا والله لازم اروح الحجية الوالدة تعبانه ولازم ترتاح
ابو احمد: خلي الحجية يم النسوان يخلنهة بعيونهن لا تاكل هم وهنة هم متونسين عليهة ابقة
حسن: لا عمي لازم نروح عمي الشيخ يبينه بشغلة
العم عالي: سلمنة علة الشيخ الوالد
امير: يوصل انشاللة زيد بس من رخصتك نادي الوالدة
زيد: انشالله
راح زيد واگف باب المطبخ: يابنااات يا بناااااات وينچن بنااااات
الاء وهي راحت وگفت يم زيد بالباب : وجعااااا شبيك تصرخ جنك ديچ مزوهر
زيد بضيق اووووف الاء روحي صيحي للشيخة الشيخ يبيهة راح يرحون وبعد لاتصيحين وتغلطين عليه عيب عليچ صحيح انه ابن اخوچ بس هم لازم تحترميني
الاء وهي تعوج بحلگهة: اي ياله روح البنات ما لابسات حجاب
زيد والدنيا طالعه من عينه: رايح
ارجوان باوعتلة وهو ضايج ابتسمت بمكر: تستاهل
المطبخ چان مخبوص كلهن يساعدن بعضهن ويغسلن ماعين وناس ترجع الاكل الزايد بالثلاجة
الاء: يااا هاي انتي هيچ تحچين لا هذة زيود حبيبي ليش تكلين علي يستاهل
ارجوان بتوتر : هاا لا ماكو شي اصلا خطية هو ليش تعاملي هيچ
الاء وهي ترجع تغسل الماعين : احب اغثة هو يونس كلش واحب من يعصب هههه
ارجوان ابتسمت وطلعت من المطبخ وراحت لامهة وهمستلهة: مامي وين انام اني
ام احمد بهمس : اكو غرفة مال البنات قبل ليتزوجن چانن كاعدات بيهة اخذيهة انتي واني اشتريلچ اثاث جديد ونصبغهة حته تصير حلوة
ارجوان وهي تبوس خد امهة 😘: ميرسي مامي
ام احمد ابتسمت لبنتهة: حبيبة مامي انتي
وحضنتهة
الاء وهي تدخل للصاله : شيخة الشيخ امير يگول راح يروح
الشيخة: اي يمة جايه يلة مع السلامه حجيات تعالوا زوروني لا تگطعوني يشهد علي ربي حبيتكم من كل گلبي وعاشت اديكم عله العزومة
النسوان؛ الله وياچ شيخة انشالله وانتي هم لا تگطعين بينه واهلا وسهلا بيچ نورتينه وبالعافية
گامت الشيخة وباوستهن وطلعت وية امير وحسن
