رواية فصلية بديلة الفصل التاسع عشر بقلم ام ملكوت
سماء_
خلصن غسل ودخلنه لغرفه البنات وشغلنه فيلم كوري وبقينه نباوعله وكلش عجب سمر مع انهه ماتحب الافلام والمسلسلات .
.صح جانت الكعده مالتنه حلوه بس مو احلى من كعده تؤامي وريحاتي مريم ورشا..
#مرت ٣ ايام نفس الروتين وبيوم جان وقت نزوله للبيت حسيت انطفت ضحكتي وراحتي الجمعتهه بهاذي ال٣ ايام وهوه بالدوام..
صار وقت الغده صبينه غده وهوه نزل كعد ويانه بس هل مره غير بقه هادء ومارفع راسه وخزرني مثل كل مره الله اليستر لا يكون هذا الهدوء قبل العاصفه..
كملنه غده وغسلنه ماعين ورتبنه البيت ودخلنه كلمن لغرفته يرتاح فجاتا انفتح الباب واني ابدل ملابسي التفتت واشوف...
....................
شهم_
صارلي ٣ ايام ملتحق للمركز وتعبت كلش صارت مشكله وكوه كدرت احل المشكله بدون ما احد ينظلم وهاذي ال٣ ايام صارت ٣ سنين
عبالك احس مضيع شي احس فراغ بداخلي لا صلاتي احسهه تامه ولا اي امر صالح اسوي ..
واليوم قررت اطلع من المركز اروح للجامع لصلاة الفجر كلت ارتاح شويه.. دخلت للمسجد صليت وكعدت
المله: السلام عليكم ابني
شهم: وعليكم السلام هلا مله تفضل
_بيك شي يابني لاحضت عليك من مساع كاعد صافن ومهموم احجيلي فرغ البقلبك
_مله شكلك ماعرف البيه حتى اكوله الك احس فراغ بداخلي واحس بروحي ضايعه ماتعرف شتريد
احس بقلبي تعبان وشي مثكل علي عيشتي اجيت للمسجد متامل الراحه والسلام..لان حتى صلاتي واي عمل صالح الي احسه مامقبول
_ فهمت عليك يابني بس سؤال
_ تفضل مله
_ظالملك شخص من قبل مسبب تعاسه لشخص
_ تذكر ابني اكو شخص اكلت حقه او ظلمته او دفعته ثمن غلطه ماله ذنب بيهه
_ مادري شكلك مله بس ايي
_ طحنه بالعله يابني الظالم مايرتاح بحياته ولو توفرله كلشي راح يحس بداخله فراغ وروحه ضايعه بدون سبب هذا ضميرك يسوي بيك هيج
حتى يصحيك ويوعيك على السويته لان ربك مايقبل بالظلم وخله بكل شخص ضمير بالفطره يدليك عل طريق الصحيح ويحسسك بذنبك يلي ارتكبته..
ونصيحتي الك يابني صحح خطأك وتوب عن ذنبك اذا جنت ظالم شخص قبل اطلب يبريلك الذمه واذا تحس انك ظالم شخص حاليا توقف وتراجع عن ظلمك اله
وحسسه انك ندمان او تكدر تكله ابريلي الذمه وخلاص لان بس المظلوم يسامح الظالم ينزاح عنه ذنب الظلم والله تعالى يسامحه.
_ونعم بالله ..الحمدلله رب العالمين ..استغفرك ربي واتوب اليك سامحني ياربي فقدي لابني عمت بصيرتي وظلمت وعذبت شخص ماله ذنب بيلي صار ..
راح الشيخ واني خليت ورجعت كملت دوامي واني ندمان ومخنوك على السويته بسماء ترددت ذكريات ال٣ اشهر الفاتت
وشلون جنت اعذبهه واضربهه بكل مره اتقربلهه بيهه صح جان ضميري يانبني بعد كل ليله وياهه
بس جانت صورت ابني وهوه بالكبر كبالي واعصب اكثر واحب اعذبهه اكثر حتى يشفي غليلي..
1 تعليق
خلصت دوامي ونزلت للبيت دخلت لكيتهم كاعد يحضرون بالغده صعدت سبحت وبدلت ونزلت جوه
كعدت اسولف ويه ابوي عن امور الدوام وغيرهه شويه واجن البنات وهيه وياهن جابن الاكل ورتبنه بالسفره ماخزرتهه مثل كل مره
ماجنت اكدر اباوع بعيونهه واشوف ظلمي الخله اثاره جوه عيونهه بقيت منزل عيوني واكل تالي خلصنه وكلمن راح لغرفته
وصعدت اني لغرفتي جانت نيتي انام وارتاح بس للضمير راي اخر بقيت اتكلب بفراشي ومقاطع تعذيبي الهه تجي بالي ليله ليله تصور كبالي
ونضراتهه الي بكل مره اضربهه احتاريت شسوي جزء مني يكلي انزل واطلب السماح منهه وجزء يكلي عوفهه وحق ابنك هذا الاخذته منهه .
.اخر شي كلت خلي انزل وربي يحلهه بيناتنه..نزلت لكيتهم كلهم نايمين خليت وفتحت الباب كبل لكيتهه بس بالملابس الداخليه كاعد تبدل
بقيت صافن عليهه واني اشوفهه شلون خايفه وتستر بجسمهه وكان ملك الموت دخل عليهه ..
سماء_
ياربي هذا شيريد جاي متلهف عل تعذيب تعودت على تعذيبه بس بليل ليكون راح يصير ضهر وليل والله اموت ماتحمل اكثر ..
خليت وتقربت كوه واني جسمي كله يرجف خوف ..اجيت كعدت على طرف الجربايه واني ضامه وجهي عنه مستعده لاي ضربه تتوجهلي ..
رفع ايده خلاهه على راسي واني فزيت وغمضت مستعده للضربه بس ماصار التوقعته ..
رفع ايده وسحب التكاكه من شعري وصفن بيه لحضات وهوه يبلع ريجه بصعوبه فجاتا هجم على رقبتي بس مو مثل بقيه الهجمات حسيت بهذي اللحضه
انه مو نفس الشخص مو نفسه يلي مافوت ليله ماعذبني بيهه مو نفسه يلي جان يستمتع من يشوفني ارجف خوف واذه جواه ..
🛑🛑
هجم علي لزمني من خصري ودفن وجهه برقبتي وصار يبوس بيهه ويطبع بصماته عليهه ولا ارادي طلعت تاوهه وجع صغيره مني .. ابتعد بقه يمسح على شعري ويتامل بملامحي سحبني عليه حضني حيل اول مره يحضني واني بس فاكه عيوني مصدومه من حنيته المدري منين نزلت عليه اليوم
201_4d91abb7cd4329f50a78
بقيت على هل حال فتره واني مادري شصارلي جني اول مره يتقربلي ماسيطرت على روحي عقلي يكلي لا تفكرين بي وجسمي يتماشه ويه حنيته من بحده
حسيت بهذي اللحضه وكاني فعلا ويه زوجي عكس الليالي الفاتت و يلي جنت احس بيهه كانما نايم وياي وحش مفترس ومتعطش للدم ..
شهم: بصوت حنون..سماائي
سماء: هممم
شهم_
شفتهه شلون خدرانه ومسلمه نفسهه الي طواعيه عكس ذيج الليالي بالغصب وبنضرات مليانه حقد وعتب وكره ومليانات بكل شعور سيء اتجاهي
هذا اليوم غير حاولت اعتذرلهه عن باقي الليالي من خلال هذي الليله ..
سماء_
شفته سكت واتقرب وطخ بخشمي عطره احس نفسي فرفحت عليه اول مره يصير هيج ماعرف اذا بسبب اللحضه المميزه هذي
او لسبب ثاني بس احتاجيت اشم عطره اكثر ابتعد شويه ورجعت علكت اديه برقبته وسحبته علي اكثر خليت خشمي برقبته وهو فوكي
وصرت اشم عطره احس مو بس قلبي حتى روحي فرفحت على عطره احس صارت روحي بريحته هو مصدوم حسيته بس سرعان ما اندمج وياي وتخبل اكثر من حركتي هاي بقيت ملزمه رقبته شم
نام بصفي وسحبني عليه يبوس براسي وقلبه يدك دمام باذني شويه وكام للحمام واني رجعت لوعيي وكمت الوم بروحي ليش سويت هيج هسه اكيد عباله مشتاقتله خرب شيفكني هسه شيكول ماعندب كرامه بعد كل السواه انجريت بلحضه حلوه منه بس مو بيدي ريحت جسمه خدرتني..شي بداخلي يريدهه ماكدرت اسيطر على وضعي..
بقيت صافنه واتذكر شلون جان حنون ومتلهف علي معقوله تغير لو لان جان بدوام ومشتاق لهاي السالفه لا لا هذا شيغيره بيوم وليله هو جان متعطش على النومه والمره وحب يغير من تصرفه هل مره وانه من كل عقلي عبالي تغير وتاب .. تافافت وشفته طلع بدل ملابسه واني عيني على رقبته رجعت اشتهيت اشمهه مره ثانيه..
اووف سماء شبيج سكرتي على ريحه جسمه شيخلصني ياربي خلي اكوم اسبح احسن..
لفيت الشرشف على جسمي وكمت بسرعه اريد اروح للحمام ماحس الا غوشت عيوني وصعد ثلج على عيوني ماحسيت على شي بعد..
