رواية هموم الشيخ سند الفصل التاسع عشر بقلم ميامين الطائي
لا يليق بي إلا أنتَ
{ أسمي وداعت أسمك لايگ عليك
وأنا بإسمك يبعد أسمي تسميت }
وغير ذلك يُفترى بهِ القول 🥺👮🏻♂️❤️🔥
هموم: اني من نوع الي مااحب ادخل بشي ميخصني معليه بأي شي اهتمامي يصير بنفسي والشخص الي احبهه معليه بكائن من يكون صارت سالفة فاطمه عرف جدي كتلهه وحددو زواجهاا اني معليه بشي جنت بالمطبخ يم وسن اسوي عشاء لسند
ام بثينه: ليش تعبن رواحتجن اني اسوي عنج الاكل طبخي هم طيب
وسن: لا خاله كلش طيب وعاشت ايدج بس بعد الشيخ متعود لو مني ياكل لو من هموم هذا طبعه احنه هم نساعدج
ام بثينه: الله يحفظ الشيخ الجن اول مره اشوف شرايج مصافيات انتن مو مثل وفاء شايفه نفسه وتغلط
وسن: معليج بيهاا شسوي كليلنه واني اكول للشيخ عليهاا
ام بثينه: بعد عمري الله يحفظجن يارب
زيد: هموم تعاي اريد احجي وياج موضوع اذا مصير زحمه
هموم: ها تمام خليت وسن اسولف وي ام بثينه وطلعت ها زيد شبيك صاير
زيد: هموم مو كتلج علب موضوعاا بنت ....شمس علمود اخطبهاا حاجيتي سند لو لا
هموم: والله حاجيته اليوم هم حاجيه بس تعرف نشغلو وي فاطمه اليوم احاجيه
زيد; اي فدوه هموم اريدها منج والله تعبت اخاف تروح من عندي
هموم: ان شاء الله متروح يلا حروح ادخل للمطبخ اسوي عشاء
زيد: تمام اعذريني شيخه اخذي راحتج اريد الاخبار الحلوه منج وبنفسج
هموم: تمام عفته دخلت وسن اليوم خلي نحجي اني وياج وي سند علمود زيد
وسن: والله اصلا نسيت اكوله للسالفه ... خوش ورا العشاء نحجي وي سند
بثينه: ها انتن هنا موجودات اكول هموم اشو انتي ماتروحين لخوالج شعجب
هموم: هذا شي يخصني يمته مااريد اروح بس اعرف سند ميكدر بدوني
بثينه: بس هو معروف شيخ يحبن منو بس جاي يحرك بكلبها مزوجين علي حب
هموم: ههههه والله ضحكتيني عموما بثينه لاتدخلين بشي مايخصج احسن ماتلكين روحج عد عمامج مزوجه شايب
وسن: ازيدج من الشعر بيت سند من الطفوله هموم اله قبل لاتجي لهاي الدنيا
هموم: هاي ضاجت وطلعت هاي شبيهاا شنو مفكره نفسه مااخذه... راحتهاا بالبيت بكيفهاا شنو محد يوكفهاا عد حدها
وسن: ختولي يجي يوم وداعتج مشينه نحضر الاكل سند لان هو علي جيه
سند: طبعا موضوع فاطمه ماتركته ابد بسبب اهمال امي طبعا كتلته حجت عدها علاقه بالولد شايفته بكربلاء حددنه عرسهاا صليت ورجعت البيت حضرو الاكل باوعت لهموم قزمه حسبالك طفله
هموم: لعبت نفسي من الاكل كعدت يم سند اني احس نفسي لعبانه ياربي شبيه توني مابيه شي كعدو ياكلون مو طايقه الاكل استغفر الله شبيه اريد اتقيئ
سند: انتبهت الهاا ماتاكل شبيج ماتاكلين تباوعين بالاكل بيج شي حبي
هموم: مادري مو جوعانه مااريد عفته كمت اغسل احس روحي مخنوكه شبيه طلعت الحديقه اشم هوى بقيت كاعده
سند: نص الاكل كمت ضل بالي عليه صعدت الغرفه مالكيته دورت باوعت شفته بالحديقه شبيج هموم مريضه..
هموم: لا عمري يمكن شويه تعبانه بس ارتاح اكل روح كمل عشاك حبي
سند: لا حبي من اجوع اكل وياج خليت راسي بحضنه بست اديهاا ناعمه... احبج
هموم: بس مو بكدي اني اكثر منك احبك هواي والله اغلا من كلشي بحياتي
سند: لا والقران اني اكثر منج لج انتي الهوى الي اتنفسه... بلياج اختنك
هموم: خل انام بحضنك يعمري دنيتي
سند: تعاي فتحت اديه الهاا بستهه الله لايحرمني منج احلا هديه من ربي
هموم: نمت بحضنه ولامنك يعمري اكول باباتي صار علمود سالفة زيد اليوم حاجاني
سند: والله ناسيه ولابالي خل احجي وياه افهم منه الموضوع احسن
وسن: عصافير الحب جبتلك جاي هموم اعرفهاا ماتشرب جاي بليل
هموم: اي بس الصبح وسن فدوه صيحي لزيد تعاي لو راح تعبج
وسن: تعبج راحه هسه جيكم
سند: اوك راحت اني بستهاا بشفتهاا بقيت ابوس بشفتهاا العسل نزلت علي ركبتهاا ابوس بيهاا
هموم: سند كاافي لاتجي وسن وزيد وخر مشبعان ظهر وبليل والصبح هذا مايكفي
سند: هو انتي ينشبع منج خرب يومج وخرت اعلمج بعد شوي
هموم: ههه بستهه بشفتهه ع سريع انتبهت بالصدفه مااعرف منو يباوع النه بس مبينه بنيه اجو زيد وسن وخرت عن حضن سند وكعدت لبست شالي
سند: هلا بزيد اكعد سوالفلي شنو سالفتك خل نلكه الهه حل ابو الحب
زيد: سند والله حبيته انت مو حبيت هموم البنيه ............... هسه اريد اتقدم الهاا احسن مااضيع من ايدي هدى والله مالي نفس بيهاا اني حجيت لهموم و وسن
وسن: هيج راح تصير مشاكل عمي فيصل مايسكت تدري بيه انت
سند: معليك اني احجي وي جدي علي شنو تصير مشاكل خليهه مادام بداية الطريق هدى صغيره بعدهي تزوج
هموم: هذا مو عذر ميصير يجبرونه علي شي مايريده الولد مايحبهاا الله يعوضهاا بالاحسن والحياة كدامهاا
زيد: اني من البدايه كتلهم مااريدنهه مااشوفه غير بس اخت حاله حال البنات هما الله يسلمهم لزكوها بيه
سند: هي راح تصير مشاكل بس اول تالي يقبلون بالواقع ويسكتون مااعرف الله يسهل باجر احاجي لجدي والشيخ صديقه
زيد: اي سند بداعت هموم ومحبتهه البكلبك ساعدني انت تعرف الحب
سند: حلفتني بالعزيزه تدلل من عيوني والله اخليك تزوجهاا يلا كوم محتاجه شي اجيبه وياي بنيتي
هموم: اي حبي جيبلي جبس واندومي عليك الله فدوه جيبولي وزيتون الاخضر الحامض وجيبلي ليمون
سند: تدللين بنيتي من عيوني بستهاا طلعت لجماعتي للكوفي اشتريت الهاا تريده خليتهن بالسياره كعدت اشرب ناركيله
هموم: ضوجه ملل وسن راحت الاهلهاا اكلب بالجهاز خابرت زمن هلا حبي شلونج
زمن: هلا حبي الحمد الله عاش من سمع اخبارج ناسيتنه بذاته شلونج شخبارج
هموم: الحمد الله مشتاقتلكم والله موجوده اراسلج خالو شلونه ..علي
زمن: اي والله مشغوله الحمد الله كلهم زيين سند شلون الوضع شلونه يمج
هموم: الحمد الله شكو ماكو مشتاقتلج
زمن: والله اني هم ماتجين مشتاقتلج ماكو نونو بالطريق اكو ماكو
هموم: والله مادري لا ماكو شسوي بيه بعد وكت ماادري هو اريد اجي احجي وي سند خلي يجيبني مشتاقتلكم
زمن: هلا بيج والله جد مفتقدج وعلي
هموم: بقينه نسوالف اني زمن بالاخر سديته رحت رتبت نفسي لبست سيت نوم ومكياج وحجل برجلي الغرفه رتبتهاا كعدت اباوع افلام كارتون من ضوجه والملل
سند: رجعت ب 11 البيت جبت الهاا الغراض ردت اصعد الغرفه مالتي
بثينه: شيخ الله يساعدك اكدر احجي وياك بموضوع نطلع نحجي بالحديقه
سند: اي تفضلي طلعت ..للحديقه شنو هذا الموضوع حجي اسمعج
بثينه: شيخ اني من جيت دخيله والشيخ كال بثينه راح اعقد عليه بس محدد
سند: اي اعرف هذا الموضوع مجرد كلمه وحجاها حتى يحميكم هسه المطلوب شنو...
بثينه: بس اني حبيتك حسبالي انت الي ازوجك والله انه احبك اكثر من هموم ماحبيت غيرك كل يوم احلم انت زوجي شسوي حبيتك مو بيدي
سند: شوفي بثينه هاي السالفه سدينهاا اني احب مرتي مامحتاج محبتج ثاني شغله تعرفين نفسج شنو شيلي هاالشي من بالج وبحياتي مراح افكر بيج ولااشوفج اصلا اانسي هذا الموضوع عفتهاا ورحت ...مااحس الا حضنتني وتووووسل...
بثينه: والله احبك واريدك اقبل بكلشي وياك حتى لو بالسر تزوجني اصير خدامه الك لو لهموم فدوه سند والله احبك
سند: دفعته لج وخر عني يااحقيراا ياحيوانه لج استحي علي نفسج الي عندي تاج راسج تسواج ضربتهاا راشدي ورحت...
هموم: بالصدفه تقربت للشباك شفت بثينه حاضنه سند مااعرف شتحجي تفاجئت وخرت عن الشباك اني احس نفسي ضايعه مستحيل سند يسوي هيج لا لا ابد هذا حلم مااعرف نزلت دموعي دخل
سند: دخلت هلا حبيبتي بستهاا وحضنتهاا هي ساكته شبيج عمري هاج جبتلج التريدنه
هموم: باوعت اله مامعقوله لهل درجه سند اريد اروح البيت خالي ابقى عدهم
سند: هموم كل عقلج مااكدر اني بدونج تعرفين بيه انسي هاالسالفه
هموم: كتلك اريد بيت خالي بقيت ابجي اخذني سند الله يخليك لان تعبانه
سند: خلاص لاتبجين والله باجر اخذج اشش حضنتهاا شبيج ياروح سند
هموم: مابي شي وخرت عنه تمددت اجه حضني بقى ينزع بيه ماتجاوبت وياه ابد كل مااغمض عيوني اذكر موقف كمل وخرت عنه رحت سبحت حظرت ملابسي بالجنطه لباجر واذكر خيانته الي
سند: نقطة ضعفي دموعهاا مااريد تروح والله تعودت عليهاا يومي يحلى،وياها تقربت الهاا بس مو مثل كل مره وين نسابق من يثبت للثاني مشتاق بس هل مره برود وياي كملت وخرت راحت سبحت تفاجئت بتصرفهاا رحت سبحت رجعت لكيتهه نايمه ..ومحضره الجنطه مالتهاا صليت حضنتهاا ونمت
هموم: كعدت ثاني غلست لبست جهزت نفسي كملت طلعنه للمطار
سند: كعدت علي ااعصابي هي سكتتت سبحت لبست كملت طلعنه لمطار بغداد مناك صعدنه للسليمانيه وصلت بس زوجة خالهاا سلمت عليهم كعدت شويه يلا بنتي راح ااروح هذا مصرف كم يوم واجي اخذج
هموم: وصلت السليمانيه سلمت علي زمن راد يروح لاخليه اني اخابرك حضني وباسني وطلع اني صعدت نمت
سند: ودعتهاا وطلعت بس روحي طالعه مو هموم الي اعرفهاا وصلت مغرب للحله صليت وتعشيت،طلعت خابرتهاا ماجاوب راسلتهه ماكو اخر شي رجعت مااعرف نام خليت ثوبه يمي ونمت
ضُمني بلا هَلا مِن الناسّ
ضُمني مِن العيُون الفاهيَّه بدُونك
علكنِي إعله رمشَك طيَّف
أحِب مگابَل عيُونك ☺️💗
هموم: كعدت من النوم قفلت جهازي لان لكيت سند مراسلني ومخابر طفيت النت رحت غسلت وغيرت ملابسي نزلت
محمد: ياهلا بالناسيتنه هسه نور البيت ولج مشتاقلج شلونج شخبارج
هموم: حضنتت خالي الحمد الله اني هم مشتاقتلك شلونك شخبارك
محمد: الحمد الله اي سند شلونه شلونهم وياج خما مسويلج شي
هموم: لا محد مسويلي شي كلهم زينين اي شكو ماكو مشتاقتلكم والله
محمد: والله اني هم شكد اجازتج حتى نطلع ونغير جو
هموم: مدري كعدت تعشينه نسوالف اني زخالي مواضيع .. كملنه كعدت العب بعلي
زمن: تدرين اني حامل جاي اخو بالطريق
هموم: صدك والله الف مبروك حبي الله يسهل عليج
زمن: يعمري يوم الج يلا حتى باجر تروحين وياي شصاير بيج
محمد: ماصاير شي بس حليانه زياده
هموم: فدوه يعمري كملنه سوالف كمت ياربي مشتاقتله والله بس كل مااذكر من شفتهه هوه و بثينه بشنو قصرت وياه.... مااكدرت انام ابد
سند: اتصل علي هموم مغلق يصير الليل مااكدر انام بدونهاا لزمت خفاره خاف صاير شي تندمت اخذتهاا لو مامخذهاا... كعدت العصر من النوم نزلت اني روحي طالعه
الشيخ: شني بويه شصاير مااشوفك خيرك جا يمته اخذت هموم لخوالهاا ماكلت
سند: اي والله خفرات لحد الصبح وارجع تعبان وانام بعد صارت روحتهاا مفاجئه
الشيخ: خير ان شاء الله خليهه خطيه من زمان مارايحه بس الهه وحشه
سند: بكلبي اي والله كم يوم واجيبهاا لهنا جدي اذا كملت اريدك بحاجيه بينه
الشيخ: ان شاء الله يمته عرس هاي
سند: باجر الحنه وعكبه العرس ونخلص حتى بعد تأدب لاتهتم انت
الشيخ: هاي تاليت التلفونات بس صوج ابوك الي مااعرف يربي
سند: تعشيت حتى الاكل مالي نفس بيه والله كوه جاي اتحمل بعدها باوع جهازي ماكو شي منها
وسن: جا اذا ماتكدر بدونهاا ليش وديتهاا ماخليته لو مرجعهاا وياك شوف حالك
سند: مااكدرت وسن بقت تبجي هسه اتصل مغلق بالي يمهه البيت بدونهاا يخنك والله مااتحمل اريد اروح هسه اجيبهاا
وسن: اي اتصلت وراسلتهه مغلق خما صاير شي بينكم.... متعاركين
سند: لا والله هي اخر شي طلبت مني اجيب الهه جبس واندومي وغراض حتى ماكلتهن مااعرف شبيهاا
وسن: خير ان شاء الله يخلص العرس وروح جيبهاا اني اخابر زوجة خالهاا اسئلها
سند: تمام راح اروح احجي.... وي جدي طلعت كعدنه اني وجدي وابويه اريد احجي وياك هم تفهمني وانت اكيد تفهمني
الشيخ: خير سند صاير شي بينك وبين مرتك اني اشوفك مو علي بعضك
سند: لا والله ماصاير شي بس زيد ......... احنه مااريد نجبرها والشيخ صديقك اشوف مابيه شي والولد يحبهاا
الشيخ: انت تعرف هدى لزيد مايصير هذا الحجي سند البنت كاعده من صغرها هسه جاي يعشك ويحب مايصير بويه يزوج هدى ويسكتت مااعدنه واحد ياخذ غريبه
سند:: جدي تراا هي مو جبر انت حبيت اني هسه لو هموم غريبه والله مستعد اتخلى عن الشيخه ورتبتي كلشي وازوجهاا فكر بيهاا لاتظلم احد واذا علي هدى الف واحد يتمناها عمي فيصل اول تالي يقبل حرام نفرق بين اثنين يحبون بعض راح نظلم هدى هيج تصير مشاكل ويطلكون عاد من هسه مادام ممزوجها
الشيخ: ماادري منين طلعت هاي السالفه خل اشوف الشيخ وحجيه راضى اني احاجيهم وإذا مااراضى زيد يزوج هدى
سند: ونعم منك بستهه براسه غيرت ملابسي وطلعت الدوام خفر اتصل مغلق بقيت ادخن قلق عليهه وينه هااي
هموم: مرت كم يوم اني بيت خالي اطلع وي زمن للمركز ارتب نفسي سويت بلازما ونضاره وميزو مقشر كاربوني تعرفن مواد تجميل مااحاجه احجي زمن شنو رأيج اغير صبغ شعري شنو اصبغه
زمن: كلشي عليج حلو بس برائيي اصبغي ثلجي يجي يجنن طلعين اميره بيه
هموم: اني ممجربه بس حجرب تمام حتى انزل نشتري غراض الي تعرفين مواد تجميل لي اخذتهن منج لهسه بعدهن مخلصات مرات اسوي لسند وياي
زمن: جبت بعد اضبط منهن تعاي صدك انت شبيج حتى مااشوفج تحجين وي سند لاتخابرينه صاير شي
هموم: شفتهه يخوني بالصدفه وكفت مقابيل الشباك ........... صدكيني حتى مااريد ارجع مااعرف ليش هيج سوه والله ممقصره بشي لو مقصره اكول استاهل
زمن: سند يحبج مااعتقد يخونج افضل تفهمين منه لحظه الوو هلو شلونج
وسن: الحمد الله انت شلونج شخبارج
زمن: الحمد الله عمري انتم شلونك
وسن: كلهم بخير هموم يمج اتصل عليه مغلق ضل بالي عليها
زمن: لا مابيه شي هاي يمي تفضلي
هموم: الو هلو وسونه شلونج شخبارج
وسن: هلا بيج هلا بالناسيتنه بذاته الحمد الله انتي شخبارج طمنيني عنج
هموم: لا بس شوي تعبانه شنو هل الهوسه الي يمج صاير شي منو زوج سند
وسن: انجبي ياسند اليوم العرس فاطمه شنو سالفتج مغلق جهازج سند ضايع بدونج خطيه وعلي البيت مايدخل
هموم: ليش اكو من يعوضه غيري لاتخافين عليه اصلا اني بعد ماارجع
وسن: خير هموم صاير شنو هذا الحجي اني سئلت سند كال ماكو شي صاير بينه
هموم: شنو يكولج اصلا هو ميعرف خل يروح هسه بعد ماله داعي يضم علاقته هوه وبثينه يكدر يزوجهاا مو تحضنه بالحديقه
وسن: هموم جاي تحجين شنو بثينه ااحجيلي السالفه كلهه لاتضلمين سند
هموم: بليل العينتين مو رجع ......... اصلا بعد حتى يحلم ارجع اله اني شفت بعيوني طلعت هسه ظلمه
وسن: هموم افهمي لاتحكمين سند مايحبهاا تعرفين يكرها هو يحبج لج اصلا باجر جاي ياخذج تعوذي الشيطان اصلا مااصدك بهيج كلام لاتشمتين العالم بيكم
هموم: انت ماصدكني ليش جاي دافعن اله المهم كليله لايجي خل يبقى وي بثينه
وسن; والله انتي بطرانه باجر جاي خلص صبره لاتضلين تفكرين هيج
هموم: بقت تحجي وياي المهم سديته بقت زمن ترتب بيه تصبغ شعري بس نكمل اروح للمول اخذ غراض منج حتى نطيج فلوس لان هاي كله جدد
زمن; انجبي فلوس ديلا هسه طلعت بالباكيت بس هموم تراا لاتسرعين بقرارج المفروض تحجين وي سند
هموم: ماكو داعي احجي وياه سدي الموضوع بقيت سويت حمام مغربي تنظيف كلشي سويت خليت حنه وشم موقت بالصبغ صدك اميره اباوع نفسي لدرجه هاي النسوان الي بالمركز بقت صافنه عليه وجهي احمر من الابر اخذت صبغت حواجبي سويتهن ثري دي يجنن مساج سويت لوجهي اخذت غراض ومنظفات ومقشرات مواد تجميل ومكياج بالكوه انطيتهاا فلوس رحنه للمول ااشتريت ملابس علي كد جنطه كلشي احتاج ورجعت للبيت
سند: اليوم بدونهاا مثل سيف الي يذبح شغل كملت اليوم حنة فاطمه بقيت وي الولد دخلت الغرفه اشم بملابسهاا عطرها اذكر حركاتها اتصلت مغلق غطيت وجهي بملابسهاا غفيت والله ملابس دوام كعدت شلون هيج كلبج انطاج ماتشتاقيلي سبحت غيرت ملابسي وطلعت للحنه جهازي بيدي اتصل ماكو رجعت والله مانام مااكدر معقوله هيج اخابر مغلق ثاني يوم مالي خلك حيل والله من القهر مااعرف شسوي قررت باجر اروح اجيبهاا لهيت نفسي بالعرس كملت العرس ورجعت للغرفه غيرت ملابسي اجتني رساله فتحت جهازها اتصلت فاتحه جهاز راسلت ماجاوب اتصل دزيت رساله هموم ليش ماجاوبين ليش جهازج مغلق وينج همومممم
وسن: الله يساعدك شلونك اريد احجي وياك بخصوص هموم لاتصل ماجاوبك
سند: هلا بيج ليش ماجاوب صاير شي احجيلي هموم شبيهاا
وسن: خابرت زمن وحجيت وياهااا الموضوع .............. شايفتك انت وبثينه حسابلهاا تخونه صح هذا كلامهاا
سند: خرب يومج والله موضوع هيج بثينه ......... مادري بيهاا اني اكول ليش هيج تصرف باجر اروح اجيبهاا بالقران مااخنتهاا مفروض تحجيلي مو تفكر من كيفها مااتثق بيه سهله
وسن: لاتلومها تحبك وتغار عليك كل وحده مكانهاا شوف زوجها وحده حاضنته تفكر هيج هموم تحبك
سند: عفتهاا طلعت فاتحه رسائل ماجاوب اتصلت ماجاوب دزيت الهاا رساله هموم باجر جايج المفروض تثقين بيه تحجين مو بكيفج تقررين خاينج سهله سديت الجهاز من قهر بالكوه نمت ساعتين كعدت صليت وطلعت بغداد بااول طياره وصلت صبحت فتح البااب خاله سلمت عليه دخلت اعذرني جايكم من الصبح
محمد: لا عادي البيت بيتك تفضل خل اكعد البنات دخل جوه...... انت مو غريب
سند: دخلت جوه همه جابوو ريوك تريكت هموم ماكو اكعد هموم حتى نروح
محمد: تغدو روحو عليمن مستعجل
سند: الطريق بعيد تعرف نصعد بطياره يلا حتى نروح احنه مااريد نجربك
محمد: كل الهلا بيكم باي وقت البيت بيتكم
هموم: رجعت ب 10 ونص فتحت جهاري لكيت رسائل واتصالات من سند اتصل ماجاوبت نزلت سبحت حضرت غراضي خالي هم خطيه مشتريلي ملابس وحلويات. وكلاده ومحبس واسور ذهب كعدت تعشيت صعدت الغرفه شفت الجهاز فتحت الرسائل ماجاوبت خليت نمت ثاني يوم كعدتني زمن سند اجه دخلت سبحت رتبت نفسي لبست فستان قصير نيلي بينصل وجواريب شفافه حذاء ابيض رياضي وشال نيلي كشخت علي اخر حبايه بصراحه خفت من سند غصباً عليه ياخذني سحل خل اقبل واسكت نزلت الجنط مالتي سلمت عليهم وطلعت مااحجي وياه خالي وصلنه للمطار سلمت عليه صعدت بالطياره سكت... لاتحجي شي من هسه اكلك خليك ساكت
سند: اويلي علي الله شنو هالجمال سلمتت وطلعنه سهله نوصل البيت يصير خير منا عالم شدعوه هيج مسويه بروحج
هموم: ماحاجيته وصلنه اخذنه تكسي للحله وصلنه الظهر دخلت البيت سلمت علي جدي وسن وبيبتي صعدت انزع نزعت شال وحليت شعري بقيت بالفستان نزعت الجواريب والحذاء دخل هو متغير
سند: بالقران لعابه ....اميره مااعرف شعر شنو الوجهه الخدود شوصف هالجمال مااعرف ماكو وصف يجي الهاا نسيت شريد اكلهاا بقيت صافن عليهاا
هموم: نزعت كدامه لبست ثوب قصير تعبانه والله مااانام بس ساعتين لان متعوده علي حضنه طفيت الضوء هو واكف تمددت علي الجربايه الغرفه صايره هوسه ورث بابه خرابه عطره يخبل مشتاقتله
سند: اني واكف صافن عليه علي الجسم الحس نار صعدت براسي نزعت ملابسي اجيت يمها سحبته لحضني ابوس بيهاا مشتاقلج اشم بعطرها مثل الطفل الي امه عافتهه ورجعت هيج مجلب بيهاا ردت اتقربلهاا
هموم: يبوس بيه اعرف نفسي اضعف اله سند لاتقرب الي روح بثينه
الفصل العشرون من هنا
