رواية حكاية شوق الفصل الاول
يا وليد الحقني بابا سمع كلامي معاك وتعب وفقد الوعي،. وهو دلوقتي في المستشفى. والدكتور بيقول أن جاله جلطة…
إحنا لازم نتجوز حالا… لازم بابا لما يفوق يعرف أن اللي بينا شرعي. وأن الحمل ده نتيجة جواز مش حاجه تانيه
وليد…
اتجوز مين أنتي اتهبلتي،. أنتي مجرد كرت كنت هضغط به ع ابوكي علشان يسيب الصفقه وكل اللي بينا متصور صوت وصوره
يعني أنتي تحت رحمتي.. ويوم ما متنفذيش كلامي أنا هفضحك أنتي وابوكي واخلي فيديوهاتك تريند يا قطه..
—------------------------—
اعرفكم بنفسي أنا شرويت الحناوي عندي 20 سنه في تانية كليه هندسه وبابا يبقي صاحب شركة مقاولات كبيرة واسمه معروف في السوق… وبيتعامل مع كل البنوك..
وفي يوم اتعرفت ع وليد السخاوي أبن السخاوي صاحب منتجع السخاوي في حفلة كانت معمولة تبع رئيس.مجلس إدارة البنك المركزي.. وفيها أكبر رجال أعمال في البلد…
وكان رقيق جدا معايا وتاني يوم اتفاجئت به في الكليه وقالي أنه من امبارح بيفكر فيا وصمم ياخد رقم موبايلي وطبعاً رفضت
لكن مع تقرار الموضوع حسيت أنه مختلف عن غيره ده غير أنه من عائلة معروفة يعني اكيد مش طمعان في فلوس بابا ولا محتاج أنه يشتغل عنده علشان كدا وافقت واديته رقمي…
وبدأ يكلمني صبح وليل لحد ما اتعودت عليه وأصبح جزء مهم في حياتي…
وبعد حوالي شهرين سمعت بابا بيتكلم عن السخاوي تدخلت في الكلام علشان أفهم وعرفت أن السخاوي ناوي ينافس بابا وعاوز ياخد صفقه هتنزلها. الحكومة،e لبناء مجمع. سكني ..
ولما سألت وليد قالي أنه ميعرفش حاجه عن الموضوع ده نهائي وأنه مسؤول عن المنتجع وبس ..
وقالي اطلبي من ابوكي يدخل بابا شريك معاه أو يسيب له الصفقه علشان لما اطلب من بابا إني اتجوزك يوافق…
وسمعت كلامه وقولت ل بابا لكنه هاجمني،. وقالي السخاوي. ده أكتر إنسان سئ وشغله مش نضيف.. وممكن يعمل أى حاجة علشان يوصل لهدفه وقبل كدا حر'ق. مخازن الأسمنت بسبب أن صاحب. المصنع رفض يدويلة الأسمنت لأنه كان متعاقد مع شركه تانيه..وخسره. وفضل وراه لحد ما أعلن إفلاسه..
واستحالة واحد زى ده تربطني به شراكه أو أى صفقه.. وملكيش دعوه بالموضوع ده نهائي واتعصب لما عرف أن وليد هو اللي طلب مني وقالي لازم اقطع علاقتي به تماماً….
ولما وليد كلمني قولت له أن بابا رافض تماماً وطلب مني أن اقطعe علاقتي به لكنه انفعال وقالي….
وليد….
شرويت أنا بحبك ومقدرش استغنى عنك أنا مش متخيل أنك تبعدي عني أنا لازم اشوفك ونقعد مع بعض نفكر في حل..
شرويت…
وافقت على مقابلة وليد وخصوصاً إني حبيته وكنت متوقعه أن بابا هيرحب به لما يتقدم ليا لكن انفعال بابا قلقني جدااا وأول ما قابلت وليد قالي مافيش حل غير أنك تفضلي تزني ع دماغ بابا وعرفيه أنك بتحبيني بس لازم تقولي له إني احترمت كلامه وبعدت عنك يمكن يثق فيا ويوافق ع خطوبتنا ويصالح بابا ويعملوا شغل سوي.
قولت له ماشي ونفذت كلامه لكن بابا كان كل مره بينهي كلامه بأنه مش عاوز يفتح الموضوع ده نهائي…
لحد ما في يوم اتفاجئت ب بابا بيعرفني ع شاب إسمه زياد أبن رجل أعمال صاحبه وقالي أنه عاوزني اتعاون معاه في المشروع الجديد بس معاملة الشاب وباباه ليا مكنش لها علاقة بشغل نهائي وبعد اسبوع بابا قالي أن زياد عاوز يتقدم ليا وأن قراءة فاتحتي بعد اسبوع ولازم استعد لحفلة الخطوبه…
وانهرت. من البكاء وقولت له أنا مش بحبه.. لكن بابا قالي اللي زينا ميخترش بقلبه لأنه هيخسرr ولازم كل اختيارتنا تكون بعقلنا…
وعلشان أكون سيده اعمال ناجحه لازم أفكر بعقلي ومخليش مشاعري هى اللى تتحكم فيا بس للاسف مسمعتش كلامه..
ولما بلغت وليد بموضوع العريس لقيته قالي….
وليد السخاوي…
في يوم اتفاجئت ب شرويت بتقولي أن باباها الحناوي بيه جايب لها عريس وكانت منهارة. من البكاء،. قولت لها أوعي تعترضي ع كلام باباكي بالعكس جهزي فستانك واعزمي اصحابك وافرحي قدامهم بس طولي فترة الخطوبة مش أقل من سنه وفي خلال السنه دى أكيد هعرف امسك عليه حاجه وساعتها يبقي رفضك للجواز له سبب مقنع…
وفي خلال الفترة دى هكون اقنعت بابا يحاول يصفي الخلاف مع الحناوي بيه وساعتها لما تفشكلي خطوبتك هنتجوز…
شرويت…
نفذت كلام وليد وبابا فرح وقالي أخيراً عقلتي وبقيتي تفكري صح وفي يوم خطوبتي باعتلي وليد رساله وقالي أنتي مراتي أنا ومحدش هيتجوزك غيري…
باباكي رافض خالص يشتغل مع بابا ومافيش قدامي غير حل واحد أننا نتجوز عرفي في السر علشان لو معرفتش افشكل خطوبتي وبابا صمم يكمل الجوازة ساعتها اعرف بابا إني متجوزة ويبقي مافيش قدامه غير أن هو بنفسه يفشكل خطوبتي…
وع الرغم إن الفكرة صعبه أوى عليا بس زى ما بيقولوا مرايا الحب عاميه…
الحناوي بيه….
انهاردة يوم خطوبة بنتي الوحيدة شرويت ع أبن رجل أعمال معروف وسمعته كويسه في السوق.. وكدا يبقي اطمنت ع بنتي لو جري ليا حاجه هتعيش مع راجل يحافظ عليها وع مالها..
سوق الأعمال مليان حيتان. مستعدين يعملوا أى حاجة حتى لو وصلت للقتtل وبنتي لسه صغيره ع أنها تواجه حاجه زى دى لوحدها ووجود زياد معاها هيقدر يكون سند لها أو حتى يضم شركتي ع شركته ويخلي باله من شرويت وده أهم حاجة..
السخاوي….
وبعدين يا وليد هى بنت الحناوي معرفتش تأثر عليه… أنا الصفقه دى لازم اخدها حتى لو قتtلت الحناوي…
وليد السخاوي…
أهدي يا بابا لسه كام شهر ع الصفقه ومين عالم في لحظه ممكن كل حاجه تتغير وتبقي في صفنا…
شرويت….
بعد خطوبتي ب يومين قولت ل بابا إني هخلص الكليه وهطلع ع الجيم وبعدها الكوافير وهرجع بالليل واوعي تقلق لو اتصلت وأنا مردتش لأني هكون مشغولة طول اليوم….
وخرجت من البيت وأنا ناويه أعمل الكا'رثة. الكبري وقابلت وليد في شقه فهمني أنه اشتراها لنا علشان تكون عش الزوجية ووليد كان مجهز ورقة الجواز العرفي…
وقالي أن الورقة هتفضل معاه أحسن بابا يشوفها… واتجوزته وبقيت اقابله كل يوم بحجه إني في الكليه…
وفي يوم سمعت بابا في المكتب بيكلم السكرتير وبيقول له يجهز أوراق الصفقه.. ولازم يكون الورق مستوفي ويقدم أقل سعر علشان يكسب الصفقه…
وقبل ما أدخل غرفتي تعبت جامد وجريت ع الحمام وبعد لحظه انصدمت لمجرد أن ممكن اكون حامل علشان كدا نزلت بسرعه وعملت اختبار حمل وللأسف اللي خوفت. منه حصل…
أنا حامل وأول ما وصلت البيت كلمت وليد وأنا منهارة من البكاء وقولت له لازم تتصرف…
تعالي بسرعه اتقدم ل بابا قبل ما الحمل يظهر واتفضح.. وفجأة لقيت بابا فتح الباب وقالي اللي سمعته ده حقيقة!!!!
ووقع بابا وصرخت. ل وليد في الفون وقولت له الحقني لكنه قالي بلغي الإسعاف مينفعش أنه يشوفني قدامه دلوقتي وبلغي خطيبك وابوه خليهم يحصلوكي ع المستشفى لحد ما نشوف الموضوع هيوصل ل إيه…
ودخل بابا العنايه المركزه بسبب الجلطه. والدكتور قالي أن حالته خطيرة… جريت ع وليد روحت له الفيلا ولقيته بيقولي..
أن كل اللي حصل ده كان تخطيط منه علشان يجبر بابا ع التنازل عن الصفقة وأنا كنت مجرد لعبه…
اخدت الصدمة وروحت المستشفى وفضلت منتظرة أى لحظة يفوق فيها بابا واطلب منه يسامحني…
ولقيت زياد وباباه بيقولولي اطمني إحنا جانبك ومش هنسيبك وأنه دفع فلوس تحت الحساب وأنه طلب من الدكتور لو ينفع نسفر بابا ويتعالج بره…
مكنتش قادرة انطق مش عارفه المفروض اشكرهم ولا أعتذر لهم ع اللي عملته في نفسي وخرج الدكتور من العناية وقالي باباكي طالب يشوفك ودخلت وفضلت اعتذر له واقوله أنا متجوزاه والله يا بابا بس هو طلع واطي،. وواخدني سلم علشان يد'مرك. ويضغط. عليك وياخد الصفقه منك…
الحناوي بيه…
بعد المكالمه اللي سمعتها فقدت الوعي.. ولما فوقت لقيت نفسي في المستشفى وحسيت إني خلاص هموت.. وطلبت من الدكتور اكلم شرويت وقالت ليا اللي كنت خا'يف. منه…
وعرفت أن مستقبل. بنتي خلاص ادمرr وخلاص إحنا انتهينا من السوق.. وقولت لها البنوك مش هتسيبك..
أنا كنت باخد قروض. بشتغل بها وادي منها مرتبات المهندسين والعمال وبسدد من دفعات اللي كنت باخدها وقت التسليم..
وأن الفيلا والشركة ممكن يتحجز عليهم ومافيش قدامها غير أنها تخفي علاقتها ب أبن السخاوي وتنزل حملها.. وتتجوز زياد هو اللي ممكن ينقذها..
لكنها قالتلي أن وليد ماسك عليها فيديوهات وصور ومش عارفه تعمل إيه… ومحستش بأي حاجة بعدها….
شرويت….
بابا… بابا… يا دكتور الحقوني.. بابا مات!!!!
