رواية صراع الشيوخ الفصل الأول بقلم ليال القمر
تعريف الشخصيات
خليني اعرفكم عن نفسي: أني إسمي "ارجوان" عايشة بامريكا طول عمري بس اصل بابا بصراوي وماما من بغداد بس اجدادهة الكبار هم اصلهم بصرة . بابا وماما تعرفوا عله بعض بالجامعة بامريكا لان ثنينهم راحوا يدرسون . وبعدين بابا وماما گاموا يحبون بعض وتزوجوا هناك وبقوا هناك لحد عمري الحاضر . أني عمري' 18 ' سنة . اني حالياً بأول سنة " كلية هندسة طبية " الاولى علة دفعتي . اني بشرتي حنطاوية فاتحة جداً تميل الى البياض يعني دائماً يگولون انتي بيضة بس علة خيط من الحنطاوي . عيوني واسعه لونهن قهوائي ورموشي طوال وكثيفات. وانفي صغيروني . وشفتي ممتلئة شوية وحجمهن لا صغار ولا كبار . شعري قهوائي بس اني صابغة خصل مارونيه طول شعري لحد خصري وكثيف وحيوي . جسمي كولش حلو علة گولت صديقاتي مرسوم رسم يخبل . طولي متوسط يعني لا قصيرة كولش ولا طويلة وناعمة وبمبونية . شخصيتي كولش كيوت واتدلل هواي واتنعوص . صحيح اني عايشة بالخارج بس ما اهمل ديني ابد يعني البس حجاب ولبس واسع مستور . وعدنه عادي اذا اصادق شباب فقط كصديق لا اقل ولا اكثر عندي اخوان ثنين اكبر مني .
احمد : انه اخو ارجوان الچبير عمري '23'سنة جسمي رياضي طويل وصاحب عضلات . بشرتي حنطاوية تميل إلى السمار وشعري جوزي وعيوني جوزيات . انه "دكتور عيون " الكل يحترمني وصاحب مكانة بالمجتمع يعني شخصيتي قوية وعندي سلطة عله الكل ما أحب احد يخالف امري . احب اختي ارجوان كلش هواي ودلولتي ما ارفضلهة اي طلب . ومتزوج بنت صديق ابوية اسمهة " نور " كلش احبهة وحبابه هي لبنانية وهي حامل هسة بابني .
قاسم : اني اصغر من احمد أخوية عمري '21 ' سنة . اني دكتور اسنان ثالث سنة كلية . جسمي رياضي طويل وصاحب عضلات بس خفيفة . بشرتي لونهة ابيض علة امي ولون شعري اسود ولون عيوني بني غامق . اني وارجوان دائماً نتعارك بس بشقه واحبهة كلش متعلق بيهة يعني تعرف كل اسراري والبلاوي ملاتي . شخصيتي مرحة عكس اخوية احمد . أحب اسرح وامرح واطلع واطب بدون احد يضايقني وماخذ الحياة كلهة ونسة .
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
الان راح نتعرف علة عائلة " كرم "
كرم : انه عايش بالعراق بمحافظة البصرة . عمري "27" سنة . جسمي رياضي وضخم شوي وطويل وعندي عضلات . لون بشرتي خمريه لون عيوني " زرگ " وشعري اسود كثيف يوصل فوگ رقبتي . انه الكل بالكل اكبر واحد بين اخواني وابوية شيخ العشيرة . وانه شخصيتي جداً عصبي ومتسلط لابعد الحدود واوقات متهور . "انه مهندس معماري " . عندي علاقة ويه بنية احبهة بس المشكلة اهلي ما يرضون اتزوجهة لان من الناصرية تعرفت عليهة والتقيت بيهة بمطعم بس بالناصرية لان چان عندي مشكلة احلهة وشفتهة هناك وانعجبت بيهة وتحول اعجابي الى حب وكل مدة اروح للناصرية علمودهة بس المشكلة البنية مو من نفس نمطنه يعني شوية منفتحين عندهم عادي البنية ما تلبس عباية وحجاب
منتظر : عمري 25 سنة اصغر من اخوية كرم انه محامي . خاطب بنت عمي " جميلة " .
سامر : عمري 24 سنة انه دكتور نفسي . شخصيتي هادئ جدا واتصرف بعقلانية واني متزوج بنت عمتي "سرى" وعندي طفل اسمه" علي ".
محمد : انه عمري 23 سنة . مريض بسرطان دائماً اتعب بسبب اي شي وانه دكتور اشعة ورنين دائماً ساكن المستشفى علمود العلاج وعلمود الدوام .
فهد : انه عمري 21 سنة . طبيعتي احب احجي وية البنات وماشاءالله بنات العشيرة كلهن حاچي وياهن اني شكلي حلو مثل اخوية كرم وعندي شهادة "هندسة مدني " شخصيتي مرح كلش . واخوية كرم يحاسبني علة الطلعة والطبة ولا كأنما عندي ابو يحاسبني .
رقية : انه عمري 19 سنة احب اخوية الجبير كلش ومتعلقة بيه وامي دائماً تريد تزوجة بس هو ما يرضه لان يحب بنت الناصرية " رنا " اخوية كتل نفسه عليهة بس ابوي دايما يرفضهة والعشيرة كلهة تكرهة لان سفور وحدة موزينة وشاكين بيهة صاحبة علاقات بس اخوية ميرضه أحد يحجي عليهة عبالك ساحريه واخر مرة صدگ مسوين اله سحر وفكيناه وهالايام ما گام يحچي بيهة بس بعده يحبهة . اني ما ادرس لان عدنه البنت ماتدرس
سها : عمري 16 سنة مادرس احب ابن عمي " قثم " وهو هم يحبني بس دينتظر شوكت يشتغل يالة يخطبني من ابوي .
البارت الأول
م ارجوان بصوت عالي : ولچ گومي يلة شوكت ترحين للجامعة
ارجوان وهي تتململ عله السرير وبانزعاج : يوووه مامي عوفينيI'm so sleepy
ام ارجوان بضيق : يااااا گومي مو الخط راح يجي عليچ
ارجوان گامت بخضة وشعرها منثور وبيجامتهة صاعده لركبهة والبلوز نازل علة زندهة وتفرك بعيونهة
ارجوان باستعجال : واااااااااي omg بعد ما الحگ
ارجوان باستعجال : واااااااااي omg بعد ما الحگ
ام ارجوان واگفة وتباوع علة المسرحية الي تسويهة بنتهة وتبتسم لان كل يومية هيچ الصباح يبتدأ عدهم بخبيصة ارجوان وتذمرها ودلالهة وتشوف بنتهة رايحة وجاية وتتخبط بالچرباية وتضحك علة بتهة وتلبس هدومهة بسرعة وتحط الشال باهمال علة راسهة وكلة وامهة صافنة عليهة بصدمة
ام ارجوان بحماس : والله لو ادري بيچ سريعة چان خلیتچ کوله انتي تنظفين
ارجوان برقة : لا ماما ما اظن تسويهة وية دلولتچ صح 😻
ام ارجوان : اي والله صح يلة ماماتي روحي اكلي بانكيك سويتلچ يا !!
ارجوان 😉 : فدوة لهل ادين الحلوات
وباست ايدين امهة وامهة تبتسم الهة
ارجوان 😩 : مامي بعد ما الحك اكل
ام ارجوان 😊 : يلة حبيبتي عود من ترجعين اكليهن
ارجوان 😜 : يلة باي حبيبتي 😚
ام ارجوان وهي هم تبوس بتهة 😘 : دير بالج علة نفسج
ارجوان وهي تطلع من غرفتهة ومن البيت وركبت السيارة
سائق الاجرة : why are you so slow miss? Don't leave me waiting for you that long. ( ليش هيج بطيئة يا آنسة لتخليني انتظرج كل هذة الوقت )
تفشلت ارجوان لان يومية تتاخر علي :.Ok, I'm sorry, sir ( اوك اعتذر سيد )
نفخ السايق بضجر وساق السيارة للجامعه
&&&&&&&&&&&&&&&&&&
ام ارجوان 😽😽: هلو بحبيبي شلونك
ابو ارجوان : هلو حياتي انه الحمدلله انتي شلونج
ام ارجوان : اني بخير بس كلي حجزت للعراق لو لسة بعدك
ابو ارجوان بتعب : اي حجزت
ام ارجوان : حبيبي شكلك تعبان صاير شي وياك
ابو ارجوان بضيق : اي الاراضي الي بالبصرة لازم ابنيهن لان عندي مشروع بس المشكلة لازم اطول من نرجع للعراق لان يحتاج فد شي سنة او سنتين حته فد مرة ازوج قاسم وارجوان
ام ارجوان : اي بس ارجوان صغيرة
ابو ارجوان بتنهيدة : لا مو صغيرة عمرهة ١٨ سنه طلابه
ام ارجوان : يلة حبيبي روح ارتاح ولتعب نفسك بالشغل
ابو ارجوان : مع السلامة حياتي
∆∆∆∆∆∆∆∆∆∆∆∆∆∆∆∆∆∆∆∆∆∆
في البصرة.
كرم بصراخ : كلت ما اتزوج غير رنا
ام كرم بحرقة : ولك شبيهة بت عمك هااا شو هم جمال وهم اخلاق ونظافة واذا عله رنا لوووووو تموت ما اخطبلك يااااهة
كرم بعصبية : يمة انتي شلون تخطبيهة بدون متكليلي هاااااا
ام كرم ببكاء : يمة والله اريد مصلحتك ورنا بنية خفيفة وموزينه
كرم بصراخ : ما الج دخل بحياتي انه حر اتزوج اطلك بكيفي
ابو كرم بصراخ وهو يدخل للمجلس وبعصبية : كرررررررررم ما تستحي ترفع صوتك على امك
كرم بهدوء : بوية خاطبتلي حنان بت عمي وانه ما رايدهة
ابو كرم بصياح : وليش مرايدهة لو تريد ذيج الكح**
كرم بعصبية : بوية لا تحجي عليهة انه احبهة وقريب حتصير مرتي
ام كرم ببكاء : والله يمه البنية سمعتهة زفت وذاك اليوم شايفيهة وية صديق اخوهة وما عدا مسويلك سحر الگ*** وكوة فكيناه
كرم بصدمة : مستحيييييييل رنا تسوي هيج شي انه واثق بيهة ورجاء موضوع الزواج لاتفتحي اذا مو رنا الي ترديهة لابنچ
وطلع كرم من يمهم وحس بغصة بكلبه
ام كرم بحزن : شيخ شسويلة الولد اظاهر مسحور مرة لخ
ابو كرم بضجر : زوجي ويعقل
ام كرم بلوم : ميرضة ياخذ حنان شسويلة
ابو كرم : خطبيلة وحدة ثانية
ام كرم : يعني غريبة
ابو كرم : لاااااااااا وحدة من كرايبنه
اومئت ام كرم براسهة وعلة ساعة سمعوا صوت صراخ ونحيب وبواجي
منتظر ببجي وصياح : وحق ابو فاضل اليوم اشعلهم شعل
ابو كرم بفزع : ولك شبيك شصاير
منتظر بحقد وبصياح وبجي : بووووووووووووية كتلوووووووووو محمد كتلوووووو اخوي حزام ظهري ااااااااااااااااه
ام كرم بعلاة صوتهة وتدك علة صدرهة : يبووووووووووووووو سودة بوجهي وليدييييييي يبووووووووووو ولك يمه بعدك بعز شبابك صخام بوجهي
وكامت تدگ و تلطم علة وجهة
سرى دخلت بفزع : شكو عمه
منتظر بعلاة صوته : ولج سرى يا بت عمي اخووووووووي مات انكتل
سرى بدموع : عزززززة يبوووووو ايا معزاية وللللللللج رقية سودة بوجهي ابن عمي انكتل
الکل دخل بفزع وكاموا يدكون ويلطمون علة ابنهم
كرم نزل من الدرج بفزع : شكوووووووو خيرررر
ام كرم بحركة وتدك علة وجهة : ولك ااااااه يا يمة اخوك دمه انهدر وانتو مكابليني ولكم امشوا كتلوا كتالة امشوووووا
كرم احس كانما واحد سطرني علة راسي ما اعرف شسوي
ابو كرم بعصبية الشيخ : وحق امير المؤمنين ما اخليهم امشوااا نرمي عليهم ونروح دگاگه ولم الزلمة بسرعة
الكل راحوا وانتشروا يجيبون اسلحتهم والبيت ما هدأ من الصريخ
ΠΠΠΠΠΠΠΠΠΠΠΠΠΠΠΠΠΠ
في امريكا
دخلت ارجوان للبيت بعد يوم من التعب وشافت البيت مكلوب كلاب
ارجوان برقة :? Hi, guys what's up
محد ما جاوب وابو ارجوان عيونه مدمعات
ارجوان بذعر : مامي شكو شبيكم
احمد بخنگه : ابن عمنة مسوي حادث ومصوبين علي
ارجوان بشهكة : شنووووو شلوووون مو حرام
احمد بدموع : سووو كعدة عشائرية ورادوا ١٠٠ مليون و ...
ابو ارجوان يكمل بعبرة : و يردون فصلية
ارجوان بتساؤل : شنو يعني كعدة عشائرية
احمد : يعني ...........
وظل يحجيلهة عن عادات العشائرية وهي مصدومة من الي دتسمعه
ارجوان بحذر : ومنو راح تروح فصل
كلهم باوعولهة بحزن
ام ارجوان ببكاء : دخيلك ابو احمد لتخليهم ينفذون الي يردو وياخذون ارجوان فصلية
ارجوان هنا كانما انسطرت وكامت من مكانهة بصراخ : شنوووووووووووووووو
