رواية حرم الاسود الفصل الواحد والعشرون بقلم بتول ابو الليل
عوفهم لا تلتفت عالوادم الماتشتريك
بيعهم بارخص تذاكر
طيح يم اول محطة تفك اديها تهلي بيك
رعد الفياض .."
.➛ ✿✿ ✿✿ ✿✿ ✿✿ ➛.
_اخذها يمك.
آرون : يمي ؟؟؟
_أي يمك انتَ الوحيد الي تكدر تساعدها هسه صدكني مراح تكون بخيرر وياهم الكل يكرهاا واني ماكدر اسوي أي شيء ماعندي مكان اخذها اله
ولا اكدر اخليها يمهم راح يدمرونها ع اخرر وكال الدكتور اذا استمرت علئ هذا العلاج اسبوع بعد ماترجع صحتها لوو شما حاولنه
الله يخليك آرون ساعدها انقذها منهم لاتعوفها وهيه بهل حاله بس خليها ترجعلها صحتها هيه من تكون زينه راح تفتح عيونها علئ كلشي وتعرف شلوون تتصرف وياهم انتَ املي الوحيد هسه.
آرون : اهدي شويه ولاتخافين اني اخذها يمي ماعندي مشكله واعالجها بس شلوون اخذها منهم اخاف يعتبرونها خطف وغير هل شيء اني مطلوب للحكومه.
_اني اساعدك واخليك تاخذها بدون ميعرف شخص وانتَ اخفيها من الانظار مثل قبل شون ماخليت شخص يندل مكانها هل مره هم لاتخلي أي بشر يعرف مكانها.
آرون : هاهيه ليوم بليل طلعيها الي واني اخذها منج ونبقه علئ تواصل انطيج اخبارها.
_كلش اشكرك متعرف شكدد فرحتني شلت حمل كلش جبير عنيي الله يحفظك
آرون : ماكوو داعي تشكريني تستاهل اليان اكثرر من هذا مانسه معروفها ابد ولا انسه وكفتها الي من انطيها عمري ماوفيها.
_اني ماعرفك بس علئ كلامها راح اثق بيك هيه كلش تمدح بيك ماريد تخيب ضني فدوة ساعدها ولاتعوفها واذا متكدر كـولي اني ادورلي غير حل
آرون : خليج ثاقه بيه مستحيل أذيها بيوم اليان وحده منه اعتبرها وحده من عائلتي راح اخليها بعيوني لاتخافين ابد.
_شكراً
آرون : راح اسد لأن عندي شغل حالياً من اخلص ارجع اخابرج ماشي
_تمام
سد الخط خليت ايدي علئ گلبي خاااايفه حيل ومادري هل تصرف صح لوو غلط اثق بهل شخص لوو ماثق
هوه املي الوحيد حالياً اليان جانت كلش تمدح بيه اكيد مراح يأذيها.
اااخ تيمور ليش سويت هيج ليشش اريد افهم شنوو من بشر انتَ شعندك من گلب شلوون تأذي اختك هاي امانت ابوكم هيج تجازونه.
رجعت للبيت شفت تيمور كاعد بالحديقه يشرب كهوه احس الخوف سيطر عليه بالكامل بلعت ريكي بتوتر ودخلت
رفع حاجب يباوعلي اشرلي بايده انو اجي سحبت نفس قوي ورحت عليه.
تيمور : وين طالعه من الصبح؟
_انتَ شعجب مرايح لشغلك
تيمور : هذا موو جواب لسؤالي
_طلعت اشوف صديقتي اختنكت من البيت
تيمور : بس انتِ صديقتج كاعده من الـ 9 وتريد تشوفج شهل محنه هاايي ومنوو هيه وليششش انيييي اخررر من يعلم احنه شحجييييينه مووو كتلج لاطلعيييين تردين تموتيني اريانااااا فهميني ليششش هل عناااد ليشششش.
صاار يصيح عليه بصوت عالي اني بس ساكته مافتحت حلكي بحرف ضرب الميز وكع الفنجان ونكسر غمضت عيوني بخوف احاول اسيطر علئ خوفي ماكدر جسمي يرجف احس نفسي ابد ماعرفه ولا افهم طريقته واسلوبه.
كام من مكانه واجه نحوي لزمني من اكتافي بقوه وعصرهن باوعتله بغضب
تيمور : وين رحتي احجيلي لاتخليني افقد اعصابي وأذيج احجيييي وييين رحتيييي وييين
_ماحجي شيء من تحجيلي شنوو شغلك وليش هيج تصرف بهذيج الساعه احجيلك وين جنت وشنوو عرفت وشكدر اسوي بيك حالياً
بلع ريكه بتوتر ركز بعيوني مستغرب بقيت اباوعله بثقه
تيمور : شعرفتي؟
_كلشي اعرف عبالك غبيه اني غلطان اكدر ادمرك اني بس كاسره ظهري اليان لخاطرها متحملتك ومتحمله قذارتك وحقارتك.
دنك راسه وضحك بقيت صافنه هذا شبيه ليش ماخاف من تهديدي
تيمور : هههه انتِ لوو تعرفين دقيقه ماتبقين وياي يمكن اخذتي طرف من الخيط وعبالج هاهيه كلشي عرفتي بس غلطانه يامرتي الحلوه محد يعرف تيمور ولا راح يعرف شخص شنوو تيمور وشضام
_يجي يوم وتنكشف كل حقيقتك وتذكر بهذيج الساعه بيدي ادخلك للسجن واطلب الطلاك واخليك تتندم علئ كلشي سويته بيه
تيمور : انشالله مايجي هل يوم لأن ماتحمل زعلج عليه كلشي ولاتضوجين
_ الي يسمعك يكول هذا شكد يحبها ويخاف عليها عبالك متدري بنفسك مدمر كل حياتي ومخليني اشوف الموت بعيني متريد تضوجني لعد هاي تصرفااتك شنوو تفرحني لوو تخليني ارتاح فهمني انتَ بشر حالك حالنه
تيمور : اريانا حيل تعبتيني والله تعبت منج
_عوفني اذا تعبت ليش هيج تسوي متخاف من الله ولك اكوو رب يحاسب علئ هاي التصرفاات خاف ربك خلي عندك شووويه رحمه مااات ضميرك وحساسك حس علئ نفسك شووف نفسك ويين وصلت نفسك فكر بيه اني ليش دمرتني هيج.
ماجاوبني بقه يباوعلي بصمت عفته ودخلت للبيت احس بركان بداخلي صعدت لغرفة اليان جانت تاكل كلش فرحت من شفتها تاكل رحت كعدت مقابيلهَا
_شلون صرتي حبيبتي
ماجاوبتني بقت تاكل بطريقه موو نظاميه تاكل بيدها وتترس حلكها ترس.
وضعها متعبني حيل احس گلبي ينعصر من يشوفها بهل حالة.
اتصل جهازي شفته رقم امي سحبت نفس قوي وكمت طلعت من الغرفه فتحت خط عليها.
_الوو
جميله : صباح الخير ماماتي
_صباح النور
جميله : مبروك مره ثانيه عبالنه ترجعين طلعتو مستعجلين انتِ وهذاك الجذاب تيمور كال اجيبها العصر تاالي ماخلاج اجيتي.
_هوه يمه اني جنت مريضه والله جنت اريد اجي بس
جميله : عادي حبيبتي صرتي مرته بعد شويه وراح نجي عليج اني وعفاف نجيب اغراضج
_تمام
جميله : بيج شيء احسج موو علئ بعضج
_اليان حيل تعبانه
جميله : سوده عليه هل بنيه دمرت كلش علئ ابوها
_أي
جميله : يلا ماما بعدج عروس روحي اكعدي ويه رجلج شويه ونجيج احنه
_تمام
سديت الخط مالي خلك حته احجي واني واكفه شفت دخل رجال وساهر وتيمور كعدو بالصاله بيدهم اوراق يتناقشون بيها مَآعِرَفتّ عن شنوو تحجي بالضبط صافنه واباوع فزيت علئ شخص خله ايده علئ كتفي درت وجهي جانت جنان ام تيمور
جنان : سمعت تزوجتو مبروك ماتحملتو تطلع الاربعين شنوو
ماعرفت شنوو اجاوبها حقها تضوج زوجها الي مات دنكت راسي بفشله ومافتحت حلكي بحرف.
جنان : جان احترمتو وفاته بعده ترابه اخضر مالحكتو شنوو شتحسون فهميني بلا ابني هذا غسلت ايدي منه انتِ هم ماتفتهمين شلوون رضيتي.
_علمود اليان حالتها تعبانه واريد اهتم بيها والله اني هم ماراضيه بهل زواج بس انجبرت شسوي.
جنان : وانتِ مصدكه المسرحيه مالتها جذابه هل بنيه كلشي مابيها اصحئ مني ومنج تسوي نفسها مريضه حته العالم تهتم بيها
_لا خاله والله مريضه متشوفين حالتها كلش تعبانه وحته انتحرت ماشفتي وضعها.
جنان : لاتكولين خاله خوش من شوكت صرت خالتج
_لعد شكول ؟
جنان : كلشي لاتحجين ماريد اسمعلج صوت منج.
بقيت صافنه هاي شبيها قسم بالله عائله كلهاا مجانين فلا بيهم شخص زين.
عافتني ونزلت جوه بقيت واكفه مكاني شويه واجو صعدو فوك ماعرفت شعدهم جانو جاايين نحو غرفة اليان
رحت اركض دخلت للغرفه شويه ودخلو رجال ماعرفه وساهر وتيمور باوعلي تيمور بتركيز وكال
تيمور : اريانا حبيبتي اطلعي شويه الموضوع خاص بينه من نخلص ارجعي اكعدي وياها
_ماطلع شتردون تسوون خلوني اعرف بالموضوع
ساهر : ترا اليان اختنه واحنه ادره مصلحتها والموضوع بينه الاحسن ماتدخلين وتخلين نفسج برا الموضوع
_اييي خطيه كلش تحبوها انتم واضح محببتكم ماكوو منهاا خلوني ساكته احسن
تيمور : اريانا صوووتج ويلا اطلعي لاتضوجيني اكثرر بسرعه
_خلوني اقرا الاوراق عن شنوو تحجي اول ماطلع اذا ماعرفهن شنوو
المحامي : هاي الاوراق مال نقل الاملاك مالتها بأسم اخوها تيمور لأن يعتبر حالياً هوه ولي الامر مالتها اخوها الي يحقله يستلم كل حصتها وهيه بهل حاله ويديرهم
فتحت حلكي مصدومه هذول من كل عقلهم يسوون هيج دمرو حياتها ويريدون ياخذون فلوسها هم
_انتَ شدتحجيييي شنوو يسجل حصتها باسم تيموو مستحيل اسمح الكم تسوون هيج شيء هايي فلوسها هيه وهيه الوحيده الي يحقلها تصرفهن ديرهن باسم واحد منهم
موو جايين عليها وهيه بهل حالة وتريد منهاا توقع علئ اوراق هيه متعرفهن شنوو حرام عليكم تسوون هيج بيها
هاي حصتها هيه ليش تردون تاخذون كلشي منهاا شكدد ضالمين طلعتو خاافو الله
اجاني تيمور سحبني من ايدي وطلعني من الغرفه شمرني بالباب وكعت علئ الارض واني مصدومه من تصرفه
رجع دخل وقفل الباب كمت بسرعه وبقيت ادك علئ الباب بكل قوتي
_افتحوووو الباب لاتسوووي هييج تيمووور والله ماسمامحك طوول عمريييي الياااان لاتوقعييين الياااان افتحوو الباب ياحقراء ..
بقيت ابجي واصرخ ماعرف شسوي يالله دخليك كل همهم الفلوس راح ياخذون حصتها ويدمرون حياتها هذول موو بشر وحوش.
_تيمووور اذا تحبني لاتسووووي هيييج فدووة لااا افتتتح الباب افتحه
شوية وفتح الباب لزمته من ياخة قميصه واني عيوني تتطافر منهاا الدموع
_ليششش تسوووي هيييج ولك الفلوووس موو كلشي بالدنيا حررااام عليك تسوي هيج باختك حرااام ليش هيج ماعندك ضمير ماتخاف الله ليشش فهمني متحب اليان هاي اختك امانت ابوكم هاااي هيج تجازونه.
باوع الاديه الي لازمته بيهن ابتسم بهدوء رجع ركز بعيوني سحب نفس وكال
تيمور : ليش منهاره وتبجين وخايفه اني اخوها واريد مصلحتها احسن واحد غريب ياخذهن منهاا ويضحك عليها لوو احسن اخوها يديرهن ومن تتحسن حالتها يرجعهن؟
_جذاااب مترجع شي انيي اعرفك كل همك الفلوس والمنصب عبالك مراح تموت ترا صدك مراح تاخذ شي وياك هناك اكوو رب يحاسبك علئ كل تصرف غلط سويته بحق اختك هاييي يتيمه وحبووووبت اليتيم تكتل.
تيمور : ماشي
لزم اديه وبعدهن عنه طلعو ساهر والمحامي من الغرفه جانت اليان كاعده علئ السرير وصافنه باوعت لتيمور بحقد ماعرف شلوون اوصف شعوري تمنيت لوو عندي سلاح بهل لحظه وافرغه براسه احقر انسان ع وجهه الارض
_كلشي انتهه بينه من اليووم انتَ مييت بعيووني تحلم توصل لمكان بحيااتي تيموور تحلمم اكرهككك اكرهك الله يااااااخذك
واكف ويباوعلي بصمت دفعته من صدره بقوه ودخلت علئ اليان رحت كعدت يمها ابجي عيوني تكول شلالات مقهووره حيل عليها وعلئ نفسي وعلئ وضعنه مادري ليش هيج انكلبت حياتنه
_راح اساعدج والله ماخلي ينفذ بعملته اذا ماخليته يبجي دم اني مو اريانا صديقتج وياج اليان ماعوفج والله ماخليهم يأذونج اكثر.
متجاوبني تحسها متجمده بس صافنه حضنتها بقوه واني ابجي بصوت مسموع واشهك
گلبي احس صاار نار متت من الامور الي تصير بحياتي واني مربطه كلشي ماكدر اسوي.
بقيت كاعده ويه اليان للعصر نامت هيه اندك باب غرفتها رحت فتحته جانت اسينا
اسينا : استاذ تيمور يريدج جوه
_كوليله نايمه
اسينا : يريد يسوي عزيمه وكلي خليها تنزل وامج هم جوه هيه ومرت اخوج
_تمام شويه واجي
عافتني وطلعت سحبت نفس بقوه ونزلت جوه جانت ماما وعفاف كاعدين ويه ام تيمور تيمور واكف برا يخابر نزلت سلمت علئ ماما وعفاف وكعدت يمهم جايبين كل اغراضي للبيت
عفاف : كلش زعلت من صاار هيج عرسج جنه شكدد مخططين للحفله حته اخواتج انصدمن من عرفن بيج تزوجتي.
جميله : باجر يمكن يجن عليج اخواتج يتباركلكم.
_هلا بيهم
عفاف : جبنه كل اغراضج اذا تحبين اساعدج بالترتيب
_لأ اني ارتبهم لاتعبين نفسج تعال ريان حبيبي
اخذت ريان من حضن عفاف ابوس بيه حسره بداخلي وخوف وافكاري مشوشه ماعرف شلوون اتصرف امي وعفاف يسولفون وياي واني بالي ابد موو يمهم
جنان : باجر انشالله راح نسوي عزيمه مناسبة زواجهم.
جميله : اي كلش زين علمود ناس تعرف بيه
جنان : أي هوه هيج .. اسينااا تعالي اخذي الجنط صعديهن لغرفتهم.
اجت اسينا سحبت الجنط وصعدتهن فوك بقيت كاعده ويه ماما وعفاف شويه ودخل تيمور للبيت ابتسم من شافني اجه كعد يمي خله ايده ورا ظهري وكال
تيمور : بس تمر فترا علئ وفاة ابوي الله يرحمه راح اعوض حبيبتي بحفله كلش حلووه ونعزم الكل باجر اسوي غده بسيط علمود اعلن زواجي والكل يعرف بيه.
جميله : بكيفكم بعد انتم.
عفاف : يلا خاله نروح
تيمور : بعد وكت ابقو علئ العشه
جميله : باجر انشالله نجيكم.
تيمور : اهلاً وسهلا بيكم بكل وقت
كامت ماما هيه وعفاف طلعت وياهم للباب حضنت امي واني دموع تارسه عيني مختنكه حييل وكارهه روحي اتمنئ لوو ميته وخلصانه.
جميله : يلا ماماتي ديري بالج علئ نفسج واهتمي بزوجج صرتي مرته هسه وكلشي يكوله سوي اني هم باجر اجي واشوفج واشربي علاج اذا تعبانه وسلميلي علئ اليان ماكدرت اشوفها مستعجلين بعد ابوج كال لاتتاخرون.
_تمام سلميلي علئ بابا ومسلم
عفاف : يوصل حبيبتي مبروك مره ثانيه
_الله يبارك بيج
اخذهم سايق البيت رجعت دخلت جان تيمور مخلي رجل علئ رجل ويدخن مرتاح علئ الاخر احلف عليه ماعنده ذره مشاعر وحساس تجاهلته وجنت اريد اصعد توقفت علئ صوته
تيمور : اريانا.
مادرت وجهي ولا شفته كملت المشي وصعدت فوك دخلت لغرفة اليان وقفلتها عليه طلعت جهازي واتصلت علئ آرون ساعه بـ 6 المغرب
_الوو
أليڤ : الوو منو؟
_هذا موو رقم آرون
أليڤ : يا آرون مشتبهه عيني هذا رقم زوجي
_هاا اسفه مانتبهت لعد اعذريني
أليڤ : عادي
سدت الخط بقيت صافنه دخلت علئ الرقم تاكدت منه زين هوه نفسه لعد منوو هاي الي حجت وياي اكيد مرته.
شمرت الجهاز وبقيت كاعده بالغرفه حايره بزماني ماعرف شلون اتصرف
بس لازم اساعد اليان لوو شما يصير لازم اساعدها واخليها تطلع من هل مكان اخذو منهاا فلوسها مستحيل اسمح ياخذون صحتها وحياتها خلص تحملت بما فيه الكفايه
صافنه وافكر اتصل جهازي جان آرون سحبت نفس قوي وجاوبته
_الوو
آرون ; الو اريانا قبل شويه مرتي ردت عليج جنت موو بالغرفه بشري شلونها اليان زينه
_ماعرف شحجيلك وشنوو اسوي مربطه اديه وماكدر اسوي أي شيء كلشي اريده هسه منك تجي وتاخذها لأن اذا تبقه بعد يوم واحد راح تموت اليان القديمه وتنولد وحده ثانيه وحده مدمنه وفاقده عقلها.
آرون : اخذها بس فهميني شلوون بيتكم كله حرس وغير هل شيء كامرات ماكدر ادخل طلعيها وخليني اخذها.
_ماكدر اطلعها شوف ساعه بـ 9 بليل الكل يطلع وتيمور اذا ماطلع اني الهي الك تدخل من الباب الخلفي وتاخذها آرون انتَ املي الوحيد هسه الله يخليك ساعدها وخلصها من ظلمهم وعذابهم.
آرون : اريانا خويه اسمعيني زين الموضوع موو سهل مثل ما انتِ شايفته لازم تتاكدين من المكان حته ادخل براحتي اذا لزمني شخص اروح بيها واني بركبتي عائله اذا انسجنت راح يدمرون وراي.
_تمام اني اتاكدت من الوضع ورجع اخابرك بس انتَ تعال ابقه قريب من البيت حته اول مادزلك رساله او اتصل تدخل
آرون : ماشي ساعه واطلع من البيت وابقه منتظر اتصال منج
_اوك
سديت الخط واني حيل خايفه باوعت الاليان نايمه والتعب والمرض مغيرها حييل لازم طلعين اليان لوو اخسرر حياتي لازم اطلعج واخليج تتخلصين من تحكم تيمور وسلطته.
طلعت من الغرفه نزلت جوه للمطبخ ميته من الجوع جانت اسينا مكمله تحضر الاكل.
_ها شسويتي
اسينا : خلصت تفضلي علئ الطاوله راح انقله
_تمام خليني اساعدج
شلت وياها الاكل نقلناه علئ الطاوله كعد الكل علئ الطاوله يتعشه مكان ابو اليان فارغ ومكانها هيه هم فارغ
الولد ياكلون ولا كانو حته محد منهم غص علئ اخته وكال خطيه.
تيمور : ليش ماتاكلين
_مجوعانه
تيمور : اكلي شويه حته لوو مجوعانه
دنكت اباوع للماعون صرت اكرهه حته روحي من احجي ويه هل نذل.
اكلت شويه لان جنت حيل دايخه هابت ضغطي اعتقد.
كملت عشه كمت غسلت وصعدت لغرفة اليان بقيت كاعده يمها نامت هواي ليوم موو من عوايدها
خليت ايدي علئ ركبتها اتاكد خاف بيها شيء جانت تتنفس سحبت نفسس بقوه
بقيت كاعده يم راسها امسح علئ شعرها مره ابوسها احسها قطعه مِڼـّي والي يأذيها يأذيني.
_لاتخافين هسه يجي آرون ويساعدج مراح اخليج بين ادين هل ظالم.
دخل تيمور للغرفة فجأه انصدمت بلعت ريكي بتوتر باوع اليان وبعدين باوعلي وكال.
تيمور : اليان ونايمه تبقين مكابلتها وكاعده شنوو؟
_اي ابقه يمها
تيمور : اني رايح للغرفه 5 دقايق الج وتلحكيني وألا والله والله يااريانا تشوفين تيمور ثاني ماتعرفينه ابد.
_متخوفني سمعت مراح اجي شتريد تسوي يعني
تيمور : كلشي اكدر اسوي بس عود مايهون عليه ازعلج ضاهر انتِ ماتشمين ألا بالعناد والضرب موو؟
_اطلع برا
تيمور : هههههه والله حلووه هاي
_كتلك اطلع برا ماسمعت شنوو اطلع ماريد اشوفك ولا اسمع شيء منك
اجاني بسرعه لزمني من شعري بقوه غمضت عيوني بألم ركز بعيوني وهمس من بين اسنانه.
تيمور : هذا بيتي ادخل اطلع هل شيء بكيفي اني موو انتِ وهسه يلا تعالي نوري غرفتج.
سحبني من ايدي بقوه وطلعني من الغرفه اخذني لغرفته بقيت ابجي وادفع بيه اريده يعوفني ميعوف ايدي دخلني للغرفه وقفل الباب باوعت للغرفه ميغير اثاثها شوكت غيرهن
بس اني مطالعه من الغرفه ليوم كله كاعده ويه اليان.
رجعت خطوات ليورا واني ابجي وكلبي يدك بسرعه خايفه حيل منه
تيمور : ليوم راح تبدأ ليلتنه الاوله ليله عرسنه يامرتي الحلوه شوفي غرفتنه عجبتج مو
_لوو تموووت ماخليك توووصلني وخرررر افتح الباااااب يلااا افتحه خلينه اطلع
تيمور : اريانا حبيبتي ليش تضوجيني وتخليني اتصرف وياج بعنف ماريد أذيج ياعيني انتِ هسه اني وياج متزوجين يعني مالج حق تبعديني عنج ابد لا شرعاً ولا قانون
_اني كتلك متت بعيني ماخليتلك ولا شيء بحياتي كرهتني بيك وبالساعه الي عرفتك بيها.
تقرب يمي يريد يلزم ايدي ابعدت خطوات عنه واني ارجف وعيوني تصب دموع
تيمور : ليش البجي اريد افهم شبيج
_شبيه هههه والله حلوو تسوي نفسك فقير وانتَ انذل واحقر انسان علئ وجهه الارض اني كارهه روحي لأن لحد الان ساكته عن تصرفاتك واغلاطك بس مابيدي حيله مربطه تعرف شنوو مربطه ماكدر اسوووي شيء.
تيمور : علمودج كل هذا اسوي لخاطرج والله كل تصرف سويته وغلطته جان علمودج.
_علمودي؟ شنوو الي مسوي الي انتَ تضر اختك علمودي تاكل فلوسها علمودي تجبرني بالزواج وتخليني عايشه برعب وتخلي حياتي بخطر علمودي انتَ علئ منوو تضحك تيمور اني موو طفله كدااامك ليش هيج تسوي بيه ليش فهمني اني شسمويه.
تيمور : افهمج كلشي بعدين بس هسه تعاي خلينه نكعد نتفاهم
_ماريد اسمع أي شيء منك بس تتحسن حالة اليان راح نتطلك خلص بعد حياتي خربت ومحد راح يشك بشرفي صرت زوجي كدامهم.
تيمور : هههه لو تطلع براسج نخله ماطلك
_غصباً عليك طلكني سمعت واحاسبك علئ كلشي سويته غلط بحقي وحق اليان وعد مني اخليك تتندم.
دفعته وفتحت الباب وطلعت اركض رحت لغرفة اليان سديت الباب عليه وقفلته بقيت ابجي بحرگت كلب.
لميت رجليه علئ صدري منهاره حاسه بالضعف والكسره مادري شلون اتخلص من تيمور شلون ارجع حياتي الخربت.
فزيت علئ صوت جهازي يتصل مسحت دموعي وباوعت جان آرون سحبت نفس قوي وفتحت خط.
_ألو
آرون : ها المكان امن اكدر ادخل؟
_بس خليني اتاكد لاتدخل
آرون : بيج شيء تبجين شنوو أذوج عرفو بيج تردين تساعدينها.
_لا لا بس شويه تعبانه خايفه علئ اليان كلش صارلها فترا كلش طويله نايمه وماكاعده ماعرف ليش شنوو انطوها مادري.
آرون : النذاله العدهم مموجوده بكل هَل عالم بس والله لطلع حگها من عيونهم خلي بس يصبرولي اطلعي شوفيلي الوضع حته ادخل واخذها
_تمام ساعه كامله وادخل هسه مموجودين الولد بس تيمور واني رايحه ابقه يمه والهي ماخلي يطلع من الغرفه وجنان ماتطلع من غرفتها راح افتحلك الباب الخلفي منه ادخل لأن ماعليه حرس ولا يشوفك شخص خلي سيارتك كلش قريبه.
آرون : ماشي.
سديت الخط طلعت من الغرفه اباوع لغرفة تيمور مفتوح الباب نزلت بسرعه رحت للباب الخلفي فتحته
رجعت شافتني اسينا بقت صافنه بلعت ريكي بتوتر عفتها ورجعت صعدت.
لازم الهي تيمور وماخلي يطلع من الغرفه ساعه كامله بس اني ماطيقه شسوي شلون ابقه كاعده وياه
واكفه علئ الدرج مخليه ايدي علئ المحجر وصافنه شويه وطلع تيمور لابس ومتعطر لازم امنعه ميطلع اذا طلع احتمال يشوف آرون وتصير مشكله واورط الرجال ويانه باوعلي بستغراب نزلت عيوني بتوتر.
تيمور : خير؟ بيج شيء
رفعت راسي اباوعله حضنته من رگبته خليت راسي بركبته غمضت عيوني بقهر كلشي اسوي لخاطرج اليان كلشي.
استغرب من حالتي لف ايده علئ خصري يضمني اكثر عليه باس شعري لزمني من اكتافي يباوع داخل عيوني بستغراب
تيمور : شبيج ياروح تيمور احجي منوو وياج؟
عيوني مليانه دموع گلبي حيل يوجعني ماريد اتقرب منه مطايقته ابد بس مجبوره
_اني اسفه
تيمور : ليش
رجعت حضنته خليت راسي علئ صدره اسمع كلبه يدك بسرعه حضني بكل قوته همسلي بصوت هادئ
تيمور : تعالي.
لزمني من ايدي واخذني للغرفه مالته دخل وسد الباب كعدني علئ السرير وكعد يمي خليت راسي علئ صدره ماريده يشك بالوضع ابد
تيمور : شبيج اريانا احجيلي
_تعبانه كلش.
تيمور : شيلي تعبج خلي علئ متوني
رفعت راسي اباوعله الي يشوف كلامه وياي يكول ماكو احن منه ليش هيج حقير بتصرفاته.
خله ايده ورا شعري يحركها بهدوء وعيونه تفتر داخل عيوني اني الي تقربتله هل مره تقربت اكثر عليه لفيت اديه حوالي ركبته وبسته من شفته.
ماصدك سويت هيج حركه سحبني اكثر عليه يقبلني بلهفه وحب.
تفاعلت وياه هواي صار يتقرب لزم ايدي خلاها علئ قميصه يريدني انزعه يباوعلي بحب بلعت ريكي بخوف احس جسمي كله صار يرجف
تيمور : لاتخافين مني
لزم ايدي بين اديه وساعدني افتح الازرار غمضت عيوني بخوف صار كل جسمي يرجف فتح قميصه وشمره نزع ساعته ومحابسه وشمر الاغراض علئ الميز جان يريد يطلع تعطل الافندي
رجع عليه خلاني تمددت علئ السرير رفع اديه فوك راسي وصار يطبع بوسات هادئه علئ رگبتي يشم شعري بقوه ويسحب نفس صار يهمسلي قرب اذني .
تيمور : ادماني انتِ المخدرات الي اشربها موو مثل عطرج.
بلعت ريكي بخوف من سمعت كلامه هذا شديحجي شنوو مخدرات هوه فاقد ميعرف شنوو يحجي.
سحب البلوز نزعه خلاني ملابسي الداخليه بقه يطبع بوسات علئ كل انحاء جسمي واني بس ابجي وارجف احس كل جسمي تجمد
رفع راسه عني يباوع لعيوني دنك باس شفتي ابتعد وهمس
تيمور ; خليني احس بحبج ارجعي تفاعلي وياي بس ليوم اريانا خليني اعيش هل شعور.
ابتسمت بحزن لزمت وجهه بين اديه بسته من شفته ابتعدت شويه خليت راسي علئ راسه
_وياك اني ماعوفك.
ابتسم بفرح رجع يبوسني ويتقرب مني واني اتفاعل وياه اخذني وصرت ملكه للمره الثانيه بس هل مره بأراتي.
اختنكت كلش من عنده تصرفاته تخوف بس مجبوره اتحمله
خلص ابتعد عني سحبني لحضنه يبوس بكل انحاء وجهي.
تيمور : احلا ليله تمر عليه
ماكدر حته احجي ابجي ورجف وكل جسمي يون عليه كسرني ومواعي علئ نفسه رفع شعري عن وجهي يبعده علئ الصفحه الثانيه دنك يشم بعبير عطري.
تيمور : اووف يابه
_وخر خلينه اكوم عفيه
تيمور ; وين خليج بحضني لاتتحركين.
_لأ عفيه اريد اسبح والبس حيل بردت.
تيمور : هسه اغطيج.
سحب البطانيه علينه اكثر سحبني لحضنه خلاني بنص حضنه صار وجهي علئ صدره جسمه حار.
غمضت عيوني بقهر بقه يمسح علئ شعري وينزل ايده علئ ظهري احس كل جسمي يكزبر.
مادري شلون دخت ونمت واحنه بهل وضعيه كعدت الصبح واني بحضنه فتحت عيوني لگيته مرتكي علئ معصم ايده ويمشي ايده علئ شعري بهدوء.
تيمور : صباح الخير
_صباح النور
تذكرت اليان بلعت ريكي بخوف ياترئ آرون طلعها لو بعده كمت بسرعه لفيت الجرجف عليه ودخلت للحمام سبحت لبست روب الحمام وطلعت لان ماخذت ملابس ويايه
جان تيمور واكف يم الكنتور طلعله ملابس شافني ابتسم كرص خدي وباس ايده عافني ودخل يسبح
طلعت ملابس وبدلت بسرعه جنت اريد اطلع اتصل جهاز تيمور جان علئ الميز تقدمت نحوه اشوف منوو جانت شذر اخذته كبل فتحت خط اريد اعرف شعدها متصله علئ رجال متزوج من الصبح
شذر : صباح الخير حبيبي الف مبروك علئ الزواج سمعت ليوم مسوي عزيمه جايبتلك هديه راح تفرحك كلش هوايه.
بقيت ساكته مافتحت حلكي بحرف اريد اعرف شقصدها بهل كلام
شذر : اممم يمك حبيبت الگلب اريانا هههه خليها تعرف راح يصير عندك طفل مني
فتحت عيوني بصدمه انفتح باب الحمام وطلع تيمور اني لازمه الجهاز مخليته علئ اذني وافاتحه عيوني بصدمه بقه واكف ويباوعلي بتوتر ...
