رواية انت البارود وانا النار الفصل الواحد والعشرون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
.
جبتهـن بلتـدرج هاي تـدفـع هـاي
وأمسـايـس عمـر يـاهادي تهـدي
ألـم بيـهن سنـه وتفـلت سـنه من الخيط
طشـه ومانفعـها تبلـبسـي وشـدي
شماتـه ولـيل غـربه وجلمـه الـيا حيـف
يلـتمـن دمـع ويطـيحـن بخـدي
واحد كلـت تجـوه افتر عليه البـيـن
خلـه المـاله بيـها ولملـم العنـدي
هجم بيتـج يـروحـي شكـد صبـر عنـدي
طفرو عليـنه تلاثتهم واحد نازع القميص وثاني هم نازع القميص ويفر بي والاخير لابس ملابسه بس مغطي وجه ومخلي لثام ع وجه وطفرو علينه.
طفرو ع حديقتنا وانـا كتلني الخوف ماشفناهم ولاشفنه وجوهم لان جان اليل وضلام اتصلت سعاد ع ابوي ورنـا اتصلت ع اسعد وكالو جاين لاطلعون بس الشباب من طفرو علينه نوب طفرو من بابنه وطلعو لشارع واحنه هيج قطره دم مابقت بينا
رنا: ولجججج هذول منووو صخام صخمنههه بويه صخام صخمنهه شنحجي هسه شنكول شافتهم منطقه طركاعهههه نوب٣
كلها خايفه اله مسره وحيده ماخافت وماهتمت واحنه ننتضر الولد يجون اجه سالم واسعد وياهم ضـرغام لان ضـرغام جان ويي اسعد وبالاخير اجه ابوي
ضل ضـرغام بره ودخلو الولد وابوي وانـا ميتين من الخوف حضن اسعد ابنه وانـا حضني سالم
سعاد: ولك شنشوف منهم انت شايف اشكال مال ناس مسودنه ونوب منا ضلام ونوب واحد نازع هدومه طركاعه شلون مصيبه
حجه ضـرغام من بره ودك الباب
ضـرغام: أسعد سالم تعالو خلي نفهم صاير
طلعو وكعدو بحديقه وطلعت يمهم سعاد تحجيلهم كل الي صـار ولان المنطقة شافت شباب ف كلها اجتنا وكعدو بالحديقه بـره ويردون يعرفون الي صار واحنه بالبيت ونسمعهم. حجه ابوي كدام الچيـران
كـاظم: هذا البيت الي جانو فوكه بي جني وطنطل شي اگيد جني
ضـرغام: عمي شنهي جني جاي يكولون الك طفرو عليكم يعني داسو بيت وبي حرمه يعني شي اكيد يعرفون ماكو زلم بالبيت وهذول موصاين مو غربه
أسعد: يعني منووو لاتسودونييي وشني غايتهم طفرو علينه وطلعو من بابنه؟ بويه شنهي جني شنيييي تكلي طنطل
حجو الزلم
الحچي: ابو أسعد جاي يكولون الك لابسين ملابس واحد ملثم وين اكو جني يلبس ملابس وع هيه بشر هذا الحجي مامقبول حجيته كدامنه بس لاتحجي كدام غيرنا ترا محد يصدك ويضحكون عليك
حجه ضـرغام
ضـرغام: امشو نـدخل ع البيت الي جـانو فوكه ونشوف شنو بي وين راحو والله اندمهم تندم نسوووان بالبيتتتت ودخلو وهيج سوه سوايه هيه منطقه مابيه غريببببب بس عشيـرتنا ياهو هذا
گاظم: شلون ندخل شنكل للعالم
ضـرغام: نحجيلهم سالفه امشو يلا
راحو كلهم بيت الجيران بس بعدين طلع البيت فارغ وابو البيت اصلا ماموجود بس ضرغام ماعاف السالفه وكله راح ندخل للبيت لان صارت سالفه ضروريه وحجوه سالفه وكلهم دخلو ماطول هواي ورجعو وهم كعدو بالحديقه قبل لايرجعون انـا طلعت فرشت زوالي ومخاد يكعدون عليهن خطيه ضـرغام جان واكف رجعو وكعدو وسدينه الباب وانـا ورنـا وسعاد نسمع ومسره امي بالغرفه
كاظم: هاا شكتلهم ولكمم انـا شفته شفت خيال بالدرج نوب ركضتله فر فر روحه وتبخر واختفه
سالم: انـا ماقتنع بهاي سالفه مال جني
كاظم: شنيي ماتصدك ليش الجن مذكور بالقران
أسعد: عمي بالعباس انـا ماعوف سالفه شنهيييي جن شني هاي يكولون الككك لابسين ملابس وفوك كل هذا جن يشمر طابوك شنهي عده بناء لو عداوه ويانه
اباوع ضـرغام من الشباك جان الحديث واضح ماعاجبه ف اخذه السكوت وماكال أي شي.
وضلو يحجون وابوي اصر انو هذا جني وشافه وتبخر وراح وانو الجن ياذي البشر وهذا مو صالح ويشمر علينه طابوك وهيج سد السالفه بس اخواني كالو احنه مانسكت.
راحو كلهم واسعد ورنـا هم صعدت انـا رحت شفت أمي ماتتحاجه بعدهي لان سالم خطب ايـه وانـا ماشوف ايه بيها كل تقصير بس هذول اهلنـا.
طلعت رحت الغرفة وشفت رسايل من ضرغام.
ضرغام: ضل بالي عليچ اليوم وحق علي
يمامه: انـا زينه لايضل بالك مابيه شي
ضـرغام: ولچ من كلتو اسعد الحك طفرو علينه ماضل عكل براسي حتاريت شلون اوصلچ والله يوصلچ لو ياذيچ بحجايه انعل والديه وازين شاربه الچ
ييمامه: الله يخليك الي انـا بيك استقوه
ضـرغام: يانعمتي انتي بس اليوم انـا ماعجبني حجايات ابوج كلش عيب الي حجه وصغر نفسه كلش هواي كدام عالم يعني طلعت كلها تحجي عليه
حجه هيج ع ابوي وحقه ابوي وين مايكعد يجفص ويحجي كلام مو يم سالفه واليوم سد سالفه ع شغلات عيب وناس كلها تحجي عليه بظهره بحيث حته لديوان مايروح لان معاركهم كلهم ابوي شراني.
ضـرغام: ها مارضيتي احجي ع ابوچ
يمامه: مابيدي شي ياضـرغام ابوي من يقتنع بشي بعد محد يواجه و مو انـا ألبنيه اوكف بوجهه واكله حجيك غلط انـا مالي حق
ضـرغام: اوووف انتي واسعد وسالم مادري شلون طفرتو ماتشبهون كاظم
يمامه: هههههههه هاي شنو هيچ ابوي شراني ويـاك لاتحجي عليه ترا ابوي فقير
ضـرغام: اذا ابوچ فقير جا انـا شحجي ع روحي
يمامه: ليش اكو يوم ابوي متعارك وياك
ضـرغام: لا انـا وابوج سمسم مانتعارك.
حجيت ويا رسايل شويه وعفته ونمت لان لليله مسره نامت يمي ماكدرت احجي ويا هواي وفچاه صرخت مسره بعلو صوتها
مسره: يمممـااااااا عووووفنيييييي لاتكضنيييي
كمزت انـا من جربايتي حتاريت شسوي شغلت الضوه ونزلو اسعد وسالم وطلع ابوي ع الصوتها وهيه مستمره تصرخ اجاها سالم واسعد ويكولوها شبيج شبيج وهيه مستمره تصرخ وتكول
مسره: ولكممممم هذولل بالغرفه كضونيييي كضنيي كضنييييي
سالم: ولججججج ياهووو كضج مسره محد بالغرفه جاي تتخيليننن لاتخبليني
مسره: هذا هذااا يريد يكضنيي ولك يكلي راح اتزوج يكلي انا الجن عاشق يريد يتزوجنيييي الجن... الجن جاي يحجي وياي ولكمم طلعو من الغرفه
حجت هاي الحجايه واسعد طكها راجدي بكل قوته
اسعد: مسررررره بطلي سوالف هاي مالتچ چنتي تحلمين كعدي وسگتي بطلي سوالفچ هاييييي انتي بصفحه وابوي بصفحه يحجي اجاها ابوي يركض وضمها لحضنه
كاظم: ولكم اختكم بياحال وانتو گاعدين هيچ تحجون وياهااا ادبسزززيه
سالم: نصدك مسره مالج علاقه بـ ابوي نصدك خوفج بس سالفة الجن ماتنعقل هاي
مسـره:اليوم ما صدگتوني بس باچر إذا صار شي، لا تكولون مسره سوت شي.
مافهمت شنو لعبت مسره جديده واخذها ابوي وراحت نامت بغرفته وضلينه هيج بين يوم ويوم مسره تصرخ ويوم تكول الجن رفع رجليه ويوم تكول راح يزوجني وحته لحمام ماتقبل تسبح لان تكول الجن يباوعلي اخواني وابوي حاير بيها ويعارك اخواني علمودها ويكلهم خلي نشيل من ألبيت لاجني يزوج مسره واسعد يتعارك ويا
اسعد: بويه شنهيييي شيكولون علينه شرود بيت يعقوبببببب منيننن والله جني ياهو يصدك بهذا كلامممم هذا كلنه جن بالبيت وسوينه كلشي بس مال جن ع هيه بشررر هاي واكفه
وهيج يوميه تعودنا ع عركات أبوي واسعد وابوي يكلهم انـا اصدك بتي واذا صار بيها شي ويحجي وياها احش رجليه جنه بالمطبخ انـا ورنـا من المغرب وكالت اكو شي لازم اكلج بي.
رنـا: يمامه ماعرف منين ابدي بس مسره مو بنيه من اخذانها لدكتوره وهذا السبب امج صار بيها جلطه من سمعت الخبر
لطمت ع خدي بقوه الخبر كلشي توقعت تسوي مسره بس ماتوقعت تنطي شرفهااااا وهسه هيه مو بنيه
واحنه بيت يعقوب مافكرت بعواقبهاا وبالي راح يصير يكتلوها والله هذا شي شلون احجي اصير مثل بلاعه الموس العالم هيج هيج جاي تحجي ع ابوي وتكول كاظم خرب سمعه بيت يعقـوب وين مايكعد يسوي مشاكل ويتعارك وانـا مقهوره شلون أبوي منزل راسنه وكل هذا ضـرغام شلون بي شي اكيد من راح يجي يخطبني العشيره راح ترفض تناسب كاظم لان كاظم واحد شراني ومسجون سابقا هواي ويتعارك وي الكل ويهد ع رايح وجاي.
يمامه: رنـا جاي تحجين أنتييي شلون ضميتيي عليه ولج شنسويي
رنـا: شبيدي خيه شبيديييي ساكته ورحت كلت ابوج
يمامه: ابوووووووي يدرييييي شكاللللل
رنـا: كال اذا صارت حبله اكلهم هذا أبني واسد سالفه ماتدخلين
ضاع الحجي مني ماكو اي كلام يوصف الحثاله وصلها اله ابـوي ولااكو اي شي يكدر يوصف حالتي يوم سمعت مسره موش بنية والله اعلم منو الولد معتز لو ابن جيرانه سكتنا وصرنه مثل بلاع ألموس بس انـا رحت وكلت لازم احاجي امي ونشوف شنسوي رحت اخذت عشاها وكتلهم لاتنضروني انـا اتعشه وي امي علمود احجي وياها بموضوع مسره
امي صح تكدر تحجي بس ماتكدر تمشي وايدها وماكو اي علاج تضل طول عمرها هيج اخذت العشه وحجيت وياها وانـا واكلها الكمه
يمامه: يمـه انـا عرفت بموضوع مسره
ماجاوبتني وساكته رجعت حجيت
يمامه: يمه لاسكتين جاوبيني هاي تربايتج بمسره ضاعت مسره تمادت من وراج لان ضمين الها كلشي لو يدرون ب مسره اخواني والله يكتلوها بس صدكي انـا ماخايفه ع مسره خايفه ع اسعد وسالم يدخلون سجن بيها
خديجـه: مسره بنتي وأنـا أعرف شلون أتصرف وياها.
يمامه: لو تعرفين جان ما وصل هاي حاله جا من اول غلطه سوتها وي معتز تخلين الها حد
خديجـه: يمامه! لا تتجاوزين حدودج وياي اسمعيني زين ديري بالج يوصـل حرف واحد لسالم أو أسعد موش حسبالج مكرمه ماكدر اربي بناتي ديري بالچ تفكين حلكج
يمامه: تهددين بيه حتى أسكت؟
إي اهددچ وأعيدها مرة ثانية ديري بالج تحجين وكلي وياج لرنـا صم حلكهااا
يمامه: يمممماه
خديجـه: صوتج لحدددد يسمعج
يمامه:ليش خايفه يسمعون انتي وابوي وياها
خديجـه: إي خايفة إحنا مو أي ناس، إحنا بيت شيخ يعقوب وكل كلمة تنكال علينا يحسبونها ألف كلمة شلون تردينييي اكلهم بنتي مو بنيه وينزل راسهم
همه شيوخ، وعندهم مكانتهم وهيبتهم بين الناس، وإذا عرفوا راح تنگلب الدنيا كلها واسعد مايرحمها
نزلت دموعي وانـا اهز راسها الها بمعنه ماحجي وطلعت من الغرفه ورحت غرفتي لان حسيت صدري ياذيني بس ابجي ماكدر أتنفس واتذكر أمي ودافع عن مسره وكل كلمة حجتها چانت تزيد النار بكلبي ماعرف شلون أمي اللي طول عمرها تعلمهم أخواني الصح والغلط وربتهم وسوتهم زلم هسه ضامة مسره لصدرها وعبالك ما سوت شي حسيت نفسي الغريبة بينهم مو لأن يحبون مسره ومايحبوني لا بس لان جاي تغطي إلها الغلط وعبالك شي عادي چنت اتمنى اسمع من أمي حچايه وحدة مسره غلطانه بس ماحجتها
وهيج أنسد الموضوع ماكدرت ولاعندي شي اسوي حرنـا بتجهيزات سالم وكمل بيته وبعد يومين عرسه
راسلت ضـرغام من الظهر لان اريد اشتري ملابس عرس سالم ومايقبل اطلع بدون علمه وقبل اطلع ولكيته كاتبلي
ضـرغام: محتاجه شي حبيبتي فلوس شي انـا ادزلج
يمامه: لا والله ماريد عندي لو ماعندي اكلك
ضـرغام: حبيبتي انتي ماتطلبين أنتي تأمرين أمر ولو تردين عيوني هم انطيهن الچ وانـا ماحتاچ شي بهاي ألدنيا بس اشوفج فرحانه وسعيده
ضـرغام دائماً يكلي انتي مرتي وانـا اريد ادفع كلشي يخصج لان محسوبه عليه بس انـا ماقبل وهوه همزين متحملني.
أشتريت وكملنا وباجر عرس سالم
سالم راح بيته أليوم وانـا ردت اتصل ع ضـرغام شويه صعدت فوك بغرفه سالم وضلينه نحجي انـا وضرغام
ضـرغام: ماالمحج باجر لو شويه واشوفج
يمامه: هيج ميت ع شوفتي
ضـرغام: من زمان حته مشتاك اشرب جاي مهيل من ايدج يردالي جيه الكم
يمامه: هههههه ماسوي بعد اخلي رنـا تسوي جاي
ضـرغام: لا اريد من ايدج جاي مهيل تسويلي حته أجي ع اقل اشم ريحه جاي احسچ كريبه عليه
يمامه: ضـرغام بالي سؤال ضروري ينسئل واحد مثلك كلها يمكن تريد تعرفه
ضـرغام: يالله شني بس كون شي بعيد عن الشيخه
يمامه: ضـرغام شنو أمنيتك؟
ضـرغام: بيت حلو وبسيط أهم شي بي انتي وحديقه لان تحبين الورد اسويلچ حديقه بيتنا انـا وياچ وطفله منج اشمهه تشبهج وتشبه عيونج حته أحبج أنتي واحب وراج بنتج
ماصدكت هذا الحجي من ضرغام واتمنيت يجي مستقبل واتمنيت انـا هسه زوجه ضـرغام ونحقق كلشي رديت عليه وانـا افرح من يجاوبني وجاي نحجي باحلامه الي انـا كل احلامه
ضـرغام: أحب بنيه انـا الاثنين احبهم ونعمه من الله اذا اجاني ولد راح اخلي أمير زمانه مو ابو مشاكل ويحترم الناس وكلها تحجي وتحمد بي
واذا اجتني بنيه الله يعنييي اتخيلي بنتي النسخه الثانيه من امها شنو راح يصير امها اميره وهيه اسويها ملگه.
يمامه: شنو هاي ضـرغام انـا اريدك بس الي ترا اغار حتلو بنتي شنو هاي
ضـرغام: انـا اميرتي وملكتي انتي بس هيه هم خطيه منو يحبها بس انـا وانتي نحبها
يمامه: بس حبك مايقبل ضـرغام اوعدني مايوم يقل حبك الي شماصار؟
ضـرغام: اوعدچ اضل حابج شماصار
يمامه: حتلو بيوم صارت بيناتنا مشاگل لان كل أثنين يمرون بمشاكل
ضـرغام: لو كلشي صار ماعوفچ ياگلبي وعمري أنتي ذنبي ألوحيد
يمامه: ضـرغام إذا تزوجنا، لا يوم تحرمني من حنيتك ولا تقسه عليه، تره أنـا من أزعل منك ما أتحمل، وحتى عصبيتك تخوفني مرات
ضـرغام: وليش هالخوف هذا شمسويتلي واعصب انـا منچ هيج
يمامه: مادري أحس كلشي حلو أخاف أخسره
ضـرغام: اسمعيني زين أوعدج ما أقسه عليج لاتخافين مني واتحكم بعصبيتي بس عندي شرط واحد.
يمامه: شنو هوه؟
ضـرغام: لا يوم تجذبين عليه يا يمامه لأن الچذب الشي الوحيد اللي يطلع ضـرغام شخص الثاني
ـ إذا غلطتي أسامح، إذا عصبتي أتحمل، إذا الدنيا كلها وكفت ضدج أوگف يمج بس الچذب لا ماضملج
ضليت ساكته وخفت وكلبي ضل يدك حيل من كلامه رجع كلي
ضـرغام: أوعدج بحنية عمر كامل بس أوعديني بالصدك لأن أكثر شي أخاف منه مو خسارة نفسي أخاف أخسر ثقتي بيج ودائما اشوفج تخافين من هذا ألشي.
أتمنيت بساعتها احجي كلشي ضـرغام الى مته وانـا كاعده اجذب عليه
يمامه: وإذا... إذا صار شي مو بإيدي مثلا
ضـرغام: شنو يعني مو بإيدج
يمامه: ـ ضـرغام تحبني هواي انته وهذا شي خلاني اموتن بيك
ضـرغام: وحتى لو الدنيا كلها صارت ضدنا أظل يمج واحبنچ
يمامه: واذا اهلك بيوم رفضوني
ضـرغام: هم ابقه احبنچ
يمامه: وحتى لو تعبتك وياي
ضـرغام: أنتي من هسه جاي تعبين بيه بس أكو شغلة وحدة
يمامه: شنو
ضـرغام: إذا يوم من الأيام عرفت إنج ضامه عني شي چبير لا تخليني أعرفه من غيرج
يمامه: أخاف يجي يوم وتكرهني
ضـرغام: مستحيل اكرهچ بس سويلي جاي مهيل وره عرس سالم وانـا احبج
يمامه: انـا اموت بيك والله.
اجه يوم العرس امي ماراحت لان ماتكدر وهيه اساس رافضه هذا العرس مسره ضلت يم أمي لان لازم احد يضل يمها وانـا ورنـا
بدلنا وننتضر نطلع ونروح ألبيت العروس
صعدنا بسياره ونزلنا يم بيت الشيخ ضـرغام
وكالو اجو اهل الولد دخلت انـا ولكيت ضـرغام واكف بالبـاب ولمحني فتح عيونه خضر عليه وخزني ضليت ماعرف شلون امشي دنكت وطبينه للبيت
وشفت ايـه هيه وبدلتها اسم الله عليها تخبل وخاله سگينه فرحانه وتكلها مابجي انـا عفتج عد زلمه سالم ونعم منه ماخاف عليج دخل سالم واخذ ايـه وسو اله زفه بطريق وهمه راحو للبيت وحدهم واحنه باجر نروحلهم.
عرس سالم صار بدون اي خبصه ومشاكل الحمدلله بسيط اخذنه عروسه وزفيناهم رجعت لبيت ولكيت رساله من ضرغام
ضرغام: شطالعه يوم ياهيـل
يمامه: وطالع حلو يخنزرون عليه
ضـرغام: صارلي شكثر ماشايف وجهج ولچ مشتاكله وشفتج اليوم ماعرفت شسوي
يمامه: لاتبالغ هاي درجه حابني
ضـرغام: انـا ماحبج ولج انـا مهوس بيچ مجنون بيج ماعرف ليش وشنو ألسبب بس قدمتيلي هواي اشياء چانت ماعندي ولاايام تصير عندي مامفكر بيوم من الايام الكه وحده تخاف عليه مثل أمي وتسئل عني وتتوتر ويضل بالچ عليه اذا اتاخر انتي تخافين ع صحتي الي انـا نفسي ماخايف عليها لسه اذكر من صاوبت وانتي كاعده تبجين عليه وبعدنه واحد ماحاب ثاني چنه وكل هاي وتكلني تحبني انـا ميت بيج والله.
يمامه: يلا يلا خلي انزل انامن احبك شيخي
ضـرغام: انـا شلون كوه متحمل وهيه دوس بطني
يمامه: جا مامجذبه أنتي شيخي وشيخ عشيرتنا كلها
ضـرغام: يمامه گافي روحي نامي يلا
سديت الخط ونمت لان باجر وراي گعده
◈ ─────────────── ◈
ايــه
زفونا انـا وسالم ورحنه لبيتنا وحدنـا دخلت وانـا لابسه بدله وفتح الباب سالم من دخلت للبيت رفعت الكبوس اريد اشوف البيت الجديد، عرفت هسه هذا المكان صار بيتي انـا وسالم كلبي جان غريب من المشاعر فرح لأن صرت زوجة الرجل الي احبه وخلاني احبه وخوفي من هذا اليوم وتوتر وخوف من المسؤولية، وارتباك لان أول يوم النه وحدنه حته بعد خطوبه ماجاني ضل ملتهي يكمل اثاث. البيت ويكلي تعودي عليه ماريد ألمسج بعد باوعت سالم لكيته يباوعلي ويضحك وفرحان ورموشه طوال شلون يتاملني
سالم: شبيج هيج صافنه حسبالك مضيعه شي
ايـه: جاي اصفن واگول هذا البيت صار بيتنا انـا وياك
سالم: واني أحاول اصدك إنج صرتي مرتي
يله روحي نزعي بدلتج حته نتعشه مخلين النه العشه
ايـه: تمام انـا هم جوعانه
رحت للغرفتنا وشفتها بارده أتمنيت الف رأسي وانام بس اهوو ماكدر انام براحتي وراي زلمه ينتضرني
دخلت حاولت افتح بدله ماكدرت دخل عليه سالم وانـا ختمت ألقران كله لحد ماوصلني
سالم: ماكتيلي اساعدج
ايـه: لا شكرا
سالم: شنو شكراً؟ أنـا زوجج هسه
دار وفتح البدله وكال
سالم: يلا طالع انـا بدلي ع راحتج
طلع سالم وانـا اريد ابدل ماعرف شلبس استحيت راسلت رنـا
ايـه: رنـا رناااا عادي البس دشداشه والله استحي بهاي ملابس ماكدر
رنـا: ايـه انجبي لاتخليني اسبج تحجين صدك ولج ليلتكم هاي شنهي تستحين دللي سالم والله اخوي يستاهل صارلج شكد حارمته منج
ايـه: جا رنـا استحييي
رنـا: خوش خوش خليج مستحيه وخلي سالم يمل منج ويرجعج اهلج شيسوي بوحده وصخه مثلج بليله العرس لابسه دشداشه
ايـه: ولج انـا مو وصخه ولا مو مرتبه بس استحي
رنـا: والله الزلم ينتضرون هاي ليله يشوفون نسوانهم اذا مرتبه لو لا تبين باول يوم سوده عليه سالم ماندري بيج مو مرتبه
ايـه: انجبييييي شبيه اخبل انـا واصلاا بيضه ابيض منج
رنـا: ايبا دروحي سمره هسه يطلع جسمج وصخ
ايـه: هسه راح البس روب واطلع اخبل
رنـا: اي هذا نريده يـلا لبسي لزلمه وطلعي لاتخلين الخجل يخرب اول يوم الك واول مشاعر وحب ترا ماترجع هاي ليله
نرفزتني رنـا بس اعرفها تريدني حته اكوم ابدل ومالبس دشداشه لبست روب نوم وضليت بالغرفة ستحيت اطلع وحته الجوع نسيته حسيت خلي يصير كلشي ع خير ولااضل بهل حاله قلق هاي
دخل سالم يصيحني وشافني كاعده ع جربايه ولافه روحي
سالم: ها شبيج بردانه
ايـه: ها لا بس جا بدلت
سالم: خلي اشوفجن شني. لابسه
وخر الغطه عني وانـا كوه وساكته وجسمي يرجف بس لازم أتعود واكسر هذا الخجل شافني وگال.
سالم: يابويه ايـه تريد تسودني ليله تره من الصبح وأنتي جميلة، بس هسه غير سالفة
ايـه: شلون سالفه يعني
سالم: لأن هسه كدامي وبس إلي
عضيت شفتي وانـا احاول اخفي ضحكتي
سالم: والله لو أظل ساعة أتغزل بيج ما أوفي حقج
ايـه: سالم كافي
سالم: لا مو گافي
رفع شعري عن كتفي وخله ليكدام وحضني وضل يبوسني بتجفي
سالم: اوف شنو ريحتج من الجنه زمرد
ايـه: حچيك كله مبالغات
سالم: لو مبالغات جان ما ضليت حاضنج هيج
ابتسم سالم وهو يشوف خجلي يزيد وقرب خطوة أكثر بهدوء، مو بطريقة تخوفني لا بس بطريقة تخليني أحس بالأمان بنفس الوقت دارني عليه نام ع جربايه وحضني وانـا مارفضت حضنته وضعت بحضنه وساكته وكتله
ايـه: سسالم
سالم:بس اريد احضنچ
ضل حاضنييي وانـا حاضنته وساكتين عبالك نطلع كل بعد وكل عوض بهاي الحضنه لحد ماكسر خوفي هوه واتقرب عليه وانـا اذكر كلام رنـا وهيه تكلي لليله ليلتكم لاتروح وعاملني بحنيه خلاني مااخاف منه وهيج صرت انـا مرته وخلصت ليله
كعدت الصبح استحي اكوم من يم سالم
دخل سالم جان يسبح وكال
سالم: صباح الخير زمرررد
غطيت وجهي بالغطه وكتله
ايـه: سالم اطلع ماكدر اباوع بوجهك
سالم: ليش لبارحه ماجان عندج مشكله وتباوعيلي
طلعت وجهي كتله
ايـه: سالم لا تذكرنيييي
ضحك وهو يمسح شعره من الماي
سالم: ـ يلا يلا ما أذكرج شي بس حتلو ماذكرج شي صأر وانتي البارحه بين اديه صرتي
ايـه: سالم استحي
سالم: عادي اللخجل حلو عليج زمرد
ايـه: سالم يلا اطلع خلي اكومن راح يجون اهلك
بدل سالم وطلع لبست انـا فستان وكملت وانتضرت يجون اول ماجت امي سگينه وجايبه وياها صينه مال ريوك من كيمر وكلشي وكعدنا ونوب اجو اهل سالم بس ماعرف ليش ماشفت عمه خديجه لا ب العرس ولاخطوبه حته رغم شكد حجيت وي سالم اعرف وضعها وكتله بس اسلم عليها مايقبل ودائما ينطيني اعذار اجت يمامه ورنـا وادم واسعد وحته سعاد وكاظم سلمت عليهم وبست كاظم وبست حته ايده خاطر سالم انـا احب اهله وكعدنا وكعدت بين البنات وانـا دعيت من كل كلبي لله يجمع ضـرغام ويمامه مثل ماجمعني وي سالم وملكت الدنيا گلها واعرفه ب اخوي يحبها وحته أمي سگينه تحب يمامه وتكول خوش بنيه وهادئه
وهيج خلص أليوم بين اهل سالم وكل أحنه
وراحو وضلينه انـا وسالم وفعلا عشنه احله ايـام عرسنا وضلينه وحدنا حته سالم مايطلع من البيت
اجاني هم بليل ضـرغام وباركلي
ضـرغام: الله يتمم عليج بخير ويكتب لج السعادة بحياتج الجديدة انـا اعرف سالم زلمه كلف لو مو خوش رجال انـا مستحيل أخليج تزوجينه
ايه: يوم الك يابعد أختك ونفرح بيك وانت ماخذ حبيبه الگلب
ضـرغام: يبوييي سوالف النسوان خلي اروحن جا مدام صارت هيج
ايـه: يوم نفرح بيك انته ويمامه
وهيج ضلينه عايشين انـا وسالم اطبخله وناكل وراح كل الخجل بيني وبينه بالعكس صرت البس اله واتمكيج واحضنه وماريد يوم يروح وانـا بعيده عن سالم واخلي لحظات تروح خالي بلاش.
◈ ─────────────── ◈
يمـامـه
مر ع عرس سالم شَهر كامل وبهاي الشهـر أمي ماتقبل تحجي وي سالم ولا حته تريد ايـه تجي رغم شكد حاجاها اسعد بس هيه تكله اطردها واحنه نستحي من ضرغام بس ماعرف اله متى نضم هذا شي يجي يوم وايه تعرف امي مارايدتها اجاني أسعد وكال بعشوي العصر يجي سالم وحده بلكي تقتنع وتجي ايـه لان فشله واهلها يسئلونها رحتي لبيت عيالج وتكلهم لا اجه سالم العصر يسلم ع أمي
سالم: يمه أجيت أسلم عليج
خديجـه: تسلمممم هسه تذكرت أمك ولك گواد شعندك داخل بيتيييي ولي اطلع ماريدك
سالم: يمـه لا تخليني أحس إنـا غريب عنج يمه انـا أبنج وتزوجتت شني كفرت صارلي شهر ماتريدني ولا تريد مرتيييي
عله اصواتهم وامي جانت كاعده ع عربانه وتصيح وتهد
خديجـه::غريب إنت من يوم ما فكرت تتزوج وحدة أنا ما أريدها صرت غريب عليه ومتبريه منك ليوم الدين وعسى الله لايوفقك.
سالم: ايـه شسوووت حته تكرهينه شسوت غير افهمچ شنو هذا الحقد
خديجـه: ما أريد أسمع اسمها ببيتييييي هاي نكسه لا ابني ولا شي مدام اتزوچتها وانـا رافضه وكسرت جلمتي بيت مابي مكان إلك يلا اطلع بـره
سالم: انـا جاي اسلم عليج وسلام الله حته باجر الله مايحاسبني عليج
خديجـه: لا أريدك ولا أريد مرتگ ولا أريد أي شي ي
منك
سالم: جا الله يشهد عليه جاي اراضيج مابيدي شي روحي يمه مبريه الذمه دعي عليه شكد ماتردين
طلع سالم من البيت وانـا بس ابجي عليه بس مابيدي أي شي بس رغم كل هاي سالم ماعاف امي
يجي كل يوم وامي طـرده يوميه نفس المووضوع وكل مغرب دعي عليه. وحته عليه تحجي كل مااوكلها لو اغديها تحجي عليه وتگلي ثوله فاهيه مابيج خير وماتعرفين سوي أي شي هذا كلام يطبع براسي ويوميه تكلي ثوله امداچ يافاهيه كلشي بيج مو زين حته من احجي وي ضـرغام ضليت احچي وانتبه گلامي خاف صدك انـا ثوله وماعرف احجي كلت ضـرغام رغم انـا وضرغام يوم عن يوم علاقتنا تقوه وتصير احله
يمامه: شيخـي شنو اكثر شي يضوجك بيه بس بدون چذب احجيلي الصدگ
ضـرغام: ماكو ولو سئلتيني مليون مره هم اكلچ ماكو انتي كامله والڪمال ل الله عزه وجل بس انتي مابيچ شي مو زين لو بكد شعره
جنت افرح من يكلي ضـرغام هيج واكول يكفي هوه شايفني بهاي طريقه
ضـرغام: ام بيتي
يمامه: شيخييييي وشيخ أهلي
ضـرغام: راح اسد الخط بوجهج گااافي
ضـرغام كلش يعصب من اجيب سيره الشيخه بموضوع يكول ماريد افكر هيج اريد يمج انسه انـا شنو ومنو.
يمامه: احبك تدري
ضـرغام: اموت عليج والله العظيم ماريد شي من هاي الحياه بس أنتي بعز تعبي اريدج
يمامه: انـا يمك اليوم وباجر وللابد أيدي بيدك ونحارب سوه.
ضـرغام: ولج انتي صدك فرحتي وسر سعادتي يانعمتي ولچ طلعتي موش هينه ههههههه
يمامه: وانته ضحكتي وراحتي اذا ضحكت يعني انـا مرتاحه وانـا ارتاح بوجودگ
وهيج علاقتنا انـا وضرغام بس اخذله ضـرغام اسبوع مايحجي وياي واصلا مايتواجد بالبيت يطلع من الصبح لليل وانـا ارسله يكلي عندي شغل مايخصچ بحيث يجي تعبان وحته تغيرر وضعف وهوه ع فد طلعه وأسعد جان ويا هم اسبوع كامل ويا ومانعرف اي شي حته مايكل ل رنـا شي وحاولنا نعرف ماكو اي شي وهمه مـا يحجون شي ألنه يرجع أسعد تعبان وحته ملابسه كلهن تراب ومن نسئله يكول مابيه شي لحد مـايوم كعدت ألصبح واسعد يريد يطلع وانـا جنت اغسل ركضتله
يمامه: شبيك أسعد الله يخلييك فهمنييي وين رايح صارلك اسبوعين وانت هيج حالك بس فهمنييي شبيك
أسعد: يمامه لايضل بالج
يمامه: بداعت أدم احجيلي والله ماحجي احد بس لاتخلي بالي يمك منـا سالم طلع من البيت ومنا أنته يلااا احجيلي
أسعد: يماااامه جاي ندور ع كاتل ابو ضـرغام
يمامه: شنوووووو شبيك اسعد رجال ميت صارله شكثر ومن ساعتها مالكو الشخص كتله هسه شلون لكو وين جاي تروح
اسعد: ولچ مالكينه جاي ندور عليه اكو ناس چاين ه ضـرغام وكايله شفنه ٣ أشخاص هيج وهيچ اشكالهم وسياره بس شلنا من الديره وماكنالهم وهسه من رجعنا كلنه خلي نوصلكم الخبر وهسه احنه يوميه ندور ضـرغام مايقبل تعبان ومنتهي يكول لازم اكله كاتل أبوي
يمامه: زين وين دور وين تلكو؟
اسعد: بكاع الله واسعه مالج علاقه لازم اروح هذا صاحبي لازم اتعب ويا
وهنا عرفت جاي يدورون ع كاتل إيهاب ولهذا السبب ضـرغام مايحجي وياي قليل بس من هذا ألي شايفهم هسه راح يروح بيها محسـن وابـوي.
بلكوه اجر جنت الحجي من ضرغام لحد مايوم تعاركت ويا
يمامه: احجيلييي وين جاي تروح كل هاي مده روح صارلك اسبوعين انت واسعد تطلع وطب ماتحجيلييي
ضـرغام: يمامه ثقي بالله انـا روحي طالعه وتعبان لاتخليني اذيج بحجايهههه شتردين
يمامه: احجيلي جاي سوي وين جاي تروح
ضـرغام: تعبان تعرفين شنهييي تعبان عساني اموت واخلص مو زلمه انـا لو زلمه جا اخذت ثار ابوي ولج كتل ابوي باجر يغدرني ويكتلنيييي ولكيت خط صغير حته اوصل كاتل ابوي وجاي ادور عنه راسي راح ينفجر اريد واحد يعرف الحقيقه ويحجيلي
ماعرفت شحجي انربط لساني دزالي صورته شلون ضعفان بزايد ومتاذي ويكلي اخذ حك ابوي اخذه وازين شاربي اذا ماخذيته.
وهيج ضل ضـرغام شهر يدور ويعرف بس مالكه اي شي بس كلش اتاذه وتلوع لا ينام ولا ياكل بليل كل خبر يجي حتلو الفجر يطلع وامه دك وتلطم وهوه ماهامه اي شي يعني صار صدك وجذب انخلطهن بحياه ضـرغام. شلون أكدر أوكف ويا وأواسيه وانـا أبوي السبب إذا عرف الحقيقه راح يكرهني وراح أضيعه واضيع نفسي طول هذا شهر انـا اعرف وساكته ضليت بين نارين بين ذنب ما ينغفر، وخوف ما ينحجي.
ثاني يوم طلعت امي بره بالعربانه وبوكتها أبوي چـان متعارك بالشارع والشرطه ماخذتهم هذا ابوي يتعارك وي الكل دخل أسعد وهلمره دخلته تختلف صاحت امي
خديجه: ولك أسعد شنهي هذا احترامك وشون تفتح هيچ الباب ومنا عالم
أسعد: لاتخليني اهج واشرد منكم ياخاتون
خديجه: انا امك شنو تكلي خاتون.
أسعد: احجي شمسوي ابوي ولكم احجوو صميتو لسانه وماتخلونا نحجي الى متى احجيليييييي إيهاب شلون ماتتتتتت يمه احجيليييي شمسوي إيهاب ليش ابوي كتله ولكم انا وضرغام صحبه عمر شلون اباوع بشكله وابوي جتاله ولحد ألان ماعوفو منو مجرم وانأ عرفت ابوي كاتله وساااكتتتتت احجييي قبل لايوصل الحجي للشيوخخخخ وعالمممم
هنا نصدمت صدمت عمري وحسيت ماكـو شي ينضم بعد أسعد وعرف شراح يصير بي وضرغام حسب ماعرفت من اسعد مايدري بعد أسعد عرف
ردت امي
خديجه: الموضوع أنسد وصارله٢٠ سنة ولك بسك ليش جاي تفتحه هسة احنه شكلنا مو كلنا حته حـايط الها أذن
أسعد: ضحكتني جا ليش ابوي رجع نسجن مره ثانيه اذا مايجي يوم وكشفو واصلا أذا ماكشفو وماندري
خديجه: عمك كال داهر وي الشرطه واخذوهم شويه ويطلع بسك عاد جاي شوفني مابيه حيل
يمامه: ياخذ أسعد سلاح ويخلي ع راسه
اذا ماتحجيلي السبب گتل إيهاب اجتل روحي وابليكم وخلي راسكم يطيح بالكاع
يابيت يعقـوب
خديجه: ولك يما لا اهدء اروح فدوه لتراب رجليك والله احجي
أسعد: سلاح ماينزل لحد ماتحجيلي كلشي أبوي قاتل وجاي يكشف نفسه بنفسه ابن شيخ إيهاب ضرغام صاحبي عضيدييي صارلنههه شهر ندور من وصلنه لواحد شايف واليوم اتذكره وگلي اسمامهم ومن ضمنهممم ابووووي شحجييي هسه شكل ضـرغام اكله ابوي كاتل بس ماكلككككك
فقد أسعد ويصيح لان الرجال الي شايفهم من قتلو الشيخ إيهاب شايفهم٣ بس بعد مامات الشيخ شالو من الديره وهذا السبب بعد مارچعو حجو لضرغام بس ماجان يتذكر اسمائهم لان يعرفهم ولحد ماتذكره وكال أسعد وكله ابوك جان موجود وياهم
خديجه: وشني ضرغام يصير شيخ هل طفل هذا
أسعد: عبالكم هذا طفل الي عمره١٠ ماحسبتو حساب يكبر وهسه هوه چبير وهسههه جاي يدور ع كاتل ابووو
خديجه: ولك يما والله قبل أبوك انسچن ومانعرف شنهي السبب لان عمايل ابوك جثيره
أسعد: صرنا من نطلع لشارع يكولون ابوك شراني اول تالي بيت يعقوب يصير هيچ بينا كملي خاتون احجيلييي
خديجه: ابوك انسجن وحسب ماعرف جان اخو إيهاب يريد شيخه اله وطمع بـ اخو ويريد ياخذ شيخه منه واجه إيهاب لهنا وكال عمك قاسم شيخه ألي واخوي خاف يحاجيكم ويهددكم مالكم علاقه بي
وشيخ إيهاب ماجان يطب الي بيت يايمه واعداء هواي من كد ماقـوي وشامخ مايطيح بسرعه لاچن أبوك ضحكو علية.
لان إيهاب يدش بيتنا دائما راح محسن أبوك بالسجن والتقو.
عوده من المـاضي
كاظم: شنهي محسن شجابك لهنا بس لا سجنك إيهاب
محسن: جاي الك وكلها راح تطلع اله انتَ وحيد تبقه بالسجن
كاظم: موش مشكله احب سجن
محسن: بس معقوله تبقه مضلوم والي كاتلگ يمرح ويسرح
كاظم: والي اخذني شرطه لان دارهنه وياهم
محسن: الي سجنك وبلغ عليكم شيخ إيهاب هذا تحبونه
كاظم: انچب ولك شحب منه أنا وقوانيه الي ماشيه ع الكل اكسر رأسه تكسر
محسن: بس علاقته قوي بيكم
كاظم: مو علية ماكدر اكمل اشغالي من وره حراستة وقوته مسيطر ع الناس كلها
محسن: ساعدني اخذ شيخه أنا وهيچ تكمل كل امورك
كاظم: لونك تكدر تاخذ شيخه جان اخذتها ليش طلبتها مني اساعدك
محسن: لانك شراني والوحيد بيت يعقوب وشغلتك ماتعوفها ع النص.
اكتل شيخ إيهاب الي وانا هسه اطلعك منا
اتفقو يايمه وابوگ وافق وطلع أبوك من السچن بس ماكتله حاچيته وكتله جوز من هذا درب وهوه واخو يصافون بس اول شي محسن شمر عليه رمانه وحاول بكل طرق بس فشل راد حتلو يخوفه لچن ايهاب ماهمه كل تهديدات وضل شيخ شيخ إيهاب حراسه هواي .
بس ابوك بوكتها عرف شيخ إيهاب طلع لسوك بوكت رمضان الظهر وماجان يمه حراس وكاظم گال اكمل العمل علية واخذ ثنين زلم وغدرو بنص ألسوك ونزلو عليه زلم مسلحه ملثمه وهوه ورمو بنص السوك يايما ومـات
تخبل أسعد واحتار شنهو يسـوي وين يروح وهوه عرف أبوي كاتل الشيخ إيهاب وهاي مده كله همه يدورون ع كاتل وهسه ضـرغام اذا عرف راح يفكر أسعد جان يضحك عليه وحقه طلع ابوي ثاني يوم من السچن وسالم هم عرف بهذا الخبر وساالم اجه هد ع ابوي
سالم: حجيليييي شلون هيججج كدرت تكتل نفس بريئه بوووويه انت دمرت بيت يعقوب دمرتنااااا انـا ماخذ بتهممم انـا ماخذهااا شلون اباوع بوجيها بعد شلون اكلهااااااااااا
أسعد: انـا لو الله ياخذ امانتي احسلي ماكدر اضم هذا الشي ع ضـرغام ماكدرررررر
گاظم: ولك شنهي تكله وشني عبالك ضـرغام يصدك بيه راح يكلك جنت تضحك عليه وضام عني وهوه صارله شهر ونص متلوع
أسعد: ليش عفتنااااا ندفع اخطائك احنه هسه شنسوييييي هذا ماخذ اخت ضـرغام واحنه سبب بهجمان بيتهمممم بويه احنه السبببببب
سالم: هسه عرفت ليش أمي متتريدني اخذ ايـه ليش هيج يمه جان كتيليييي ليش ورطت بت العالم ويايه يمه من تدري بياعين تباوعلي
ابوي ضل ساكت ماحجه عبالك عرف ماكو شي ينضم
گاظم: الي أمرني محسننن يعني ضـرغام مايتحمل هيج صدمه انـا هم ابيع محسن
أسعد: ومحسننن هذ كواد منو كلك مايباعناا ويروح كله همه كتلووو گلي شسوي اصير وياك لو وي الحق
انـا اشيل والله اشيل ماضل بالديره
ابوي دمر اخواني دمار وانـا اسمعهم وابجي مو بس همه دمرو انـا هم دمرت محد دمر غيري واسعد وسالم ضل ضـرغام يتصل ع اسعد حته يطلع ويا بس اسعد ماجان يجـاوبة ويكتفي بَ تعبان ماطلع
حته انـا ابتعدت عن ضـرغام ماكدرت احجي ويا دائما يسئلني ع اسعد واكله تعبان مريض وارد يجي يشوفه ماخليته شك ضـرغام اكو شي بس انـا كتله اكو مشاكل بالبيت وهوه سد سالفه
امـا ايـه تخابرني وهم تشكي من سالم وتكول مايلفي لبيت بس وكت النوم ومادري شبي وياي وكل مايجي اسوي نفسي نايمه احسه يبوسني براسي ويروح وهم طلعت الها حجه وكتلها مشاكل بالبيت عدنا وهيه تفهمت هذا ألشي
اتمرض أسعد كلش ويوميه سالم ياخذه لمستشفى يعلك مغذي ويروح ضـرغام وراه بس اسعد مايخلي عينه بعين ضـرغام ويرجع ويكله مابيه شي
شهر شهـرين أسعد ادمر وهوه وسالم مايوصلون لشارع
أسعد: اضلل البس شيله يمكم واكعد بياوجه اطلع لديوان وانـا كاتلين إيهابببب ياوكتتتتتتتت عساها بحضك وبختك يابويه
أسعد مستحيل يطلع مايكدر وسالم يطلع مايكدر يبقه يم ايـه رغم امي كلش تعبت حالتها وخابرني سالم وكال راح اجيب ايـه واطلع خلي تسلم ع امي وماكدر اعوفها وحدها بالبيت راح اضل لليل جاب ايـه يمي العصر وامي بالغرفه سلمت عليها وهيه تعرف ايـه بكلشي وتعرف امي مارادتها سالم كلشي كلها
يمامه: طبي خية بيت بيتج والله اعذريني ع امي والله مسحيها بوجهي مستحين منج ومن اهلج
ايـه: اهلي مايدرون بشي انـا ماوصل خبر عيالي لـ أهلي ميخالف اتحمل خاطر سالم كلشي فدوه لعيونه
اجتها رنـا وهم سلمنه عليها بس مارضت تدخل كالت ابقه بديوانيه دخلت بدوانيه وضلينه يمها رنـا راحت تسوي العشه وانـا كمت اشوف ألبيت مسره شافت ايـه بس مادخلت ولا سلمت راحت امي للغرفه شي اكيد راح تكلها رحت يم رنـا اشوفها اذا محتاجه شي وايه عفتها بدوانيه وفجاه سمعنا صريخ من الديوانيه ركضنه انـا ورنـا واشوف مسره كاضه ايـه من ايدها وتريد تطردها وامي تجر بيها بهدومهاا
خديجـه: ام السححححووووره ولج طلعيييييي طلعيييييي لا اشك هدومج عليج طلعييييي ولج انـا مو كلت ماتوصلين عتبت هاي البيت ولج طلعي
مسره: انعل والديج حقيره ام سحوره وامج سحاره يلا طلعي
ايـه: ولجججج مسره لاتغلطين ع ابـوي لج ابوي ميتتت ميتتت
جريت مسره ودفعتها وامي وخرتها رنـا وهيه تصرخ
خديجـه: ولج هديني كح،... رنـا عوفينييي ولج أمهات السحوره طلعيييي سحاره
وايـه تبجي. وتكلهم
ايـه:: سبوني بس لابسون أهليييييي ابوي ميـت ميت
خديجـه: ولج مسره طكيهااا بمكانييي هاي عوجه
كامت مسره وانـا ادفع ب امي تريد تكوم ورنـا مانسطير عليها ومسره ضربت ايده راجدي وانـا صرخـت عليها
يمامه: ولججججج مسـرررره بياحق طكينهاااا
ايـه: كل تربيه ماعندج والله وماراح ارد عليج يامسره وانتي يا عمه نعمله عليچ ومارد عليج
خديجـه: اي اخذتي ابني وبكتي سحااااره
ايـه: ابنج رايدني مو اني سحرته
طب سالم وعرف كلشي وراد يكتل مسره بس ايـه ماخلته وطلع وكل امي
سالم: والله يمه بعد ماوصلچ حتلو الله مايقبل هيج تسوين بمرتتيييي وانتي مسره والله اكضج اكضججججج
ايه: سالم خلي نرجع لبيتنا ماريد شي بس نطلع
خديجـه: ولج ايـه نشالله مايترس حضنج چهاال ام السحوووره
شكد استحينه منها بس رغم كل هاي ايـه ماوصلت خبر لـ ضـرغام واهلها واسعد تخبل وتعارك وي أمي خاف يوصل حجي اهل ضـرغام.
ثاني يوم امي اليوم حاجيتها كعدي اتريكي ماحاجتني طلعت وعفتها كلت منا للغده سوينه الغده ورحت اغديها احاجيها ماتحجي يمه يمه يمه ماكو
كلبتها ولگيتها طالع شي من حلكها وعيونها ليفوك وماتتنفس وصرخت عليهم
