رواية صراع الشيوخ الفصل الثاني والعشرون بقلم ليال القمر
ارجوان بصدمة وهي تسعل: ا...امير
دخلت علية وشافت صورة وكتوب علية(شيخ امير الذيب)
قبلت صداقته وهي منصدمة انو هو طلب منهة صداقه
قبلت صداقته وهي منصدمة انو هو طلب منهة صداقه
☁..امير : هلة يبنت الناس خوما كرم تعرضلچ
☁.. ارجوان: لا متعرضلي
☁.. امير: اذا دخلچ او كتبلچ عله اي موقع گليلي وانه بالخدمة
ارجوان: هذة شبي اييي خل اكتبلة وافضهة
☁.. ارجوان: ميرسي بس ماكو داعي للقلق امير
.. ☁امير: لا بس انه حسبالي تعرضلچ اعتذر خيتي
☁.. ارجوان: لا عادي ماكو داعي للاعتذار وثانكيو علة اطمئنانك
امير بابتسامه وهو يرجع شعره ليورة وكتبلهة: شلون الاوضاع تعودتي عله البصرة لو بعدچ
ارجوان ابتسمت: هذة شبي فضولي
ارجوان كتبتله: يعني متضايقه وبعدني دا احاول اتعامل وية الوضع
امير: شني التغير اذا عندچ مشكلة انه موجود
ارجوان: اوكي يعني اعتبرك صديق عادي
امير ضحك: اي عادي ولو انتي اول بنية
ارجوان: شوف يعني بالله شتحچي هسة عمي يگولي ماكو دراسة بعد واني صارلي سنين ادرُس تاليتهة هيچ يسوي بية
☁.. امير: كلهة هيچ مو بس عمچ يگلون البنت بس للبيت والجهال
☁.. ارجوان: شنو هالتفكير يعني الناس وين عايشة
☁.. امير : شني تحچين عله تفكير الشيوخ ما يصير ارجوان
ارجوان ☁..: اي بس مو ماكو دراسة مادري شنو السبب الي تمنعوهة عن المرأة
☁.. امير : لان يگلون الحرمة لسانهة يطول وتگوم تجاوز وتطالب بحقوقهة لهاذ السبب يمنعوهة عنكم
☁.. ارجوان: وانت خواتك هم يدرسن 😐
☁.. امير: انه ماعندي خوات بس حرمات اخواني لا مايدرسن
☁.. ارجوان: زين انت دارس لو لا
☁..امير: اي انه دارس ومكمل ومتخرج
☁.. ارجوان: صدوگ شنو بالله دارس
☁.. امير: انه مهندس نفط
☁.. ارجوان: 😍😍😍 كيوووت
امير ابتسم وكتبلهة: وانتي شني دارسة
☁.. ارجوان: هندسة طبية
امير استغرب وكتبلهة: شني يعني
☁.. ارجوان: يعني اني هم دكتورة ومهندسة بنفس الوقت
امير باعجاب: والله حلو . بعدين كتبلهة: يعني اصيحلچ دكتورة لو منهدسة
☁.. ارجوان: بكيفك
سمعت ارجوان اخوهة احمد: ها ارجوان شداتسوين
ارجوان باوعتله: ماكو احچي عالنت
احمد گعد بصفهة وابتسم الهة : اي گولي شداتسوين
ارجوان ببتسامه بريئة: ماكو دا اتكلم وية امير
احمد باستغراب: امير منو؟
ارجوان: هذة شيخ امير صديقك
احمد باستغراب: وشعندچ تحچين ويا
ارجوان بعدم اهتمام : عادي صديقي شنو يعني
احمد بضيق: لا صديق ولا شي عيب هالسوالف بعد
ارجوان: whats wrong ahmad his just afreind
احمد: حبيبتي ارجونه قبل عندچ صديق عادي بس هسة كلشي تغير انتي عايشة بالعراق مو بالخارج ميصير
ارجوان : وليش شنو السبب
احمد: هسة شيگول عليچ الشيخ ما مترباية معتبرتني صديقهة ميصير يا روحي عيب وهذة شيخ عشيرة
ارجوان: بس هو طلب صداقتي مو اني
احمد: اي وشعنده طلب صداقتچ ها شحچة وياچ
ارجوان: سأل عله كرم گلي اذا تعرضلچ اني بالخدمة يعني عادي ماكو شي
احمد: اي بعد لا تحچين ويا
ارجوان: ليش حمودي هو ساعدني واحنا اصدقاء يعني عادي
احمد: ارجوان كافي گتلچ ممنوع تحچين ويا وخصيصا هو
ارجوان بضيق: حمودي لتدخل بية بلييز هو مجرد صديق عادي حته الرجال كولش مؤدب
احمد گام من المرجوحة بضيق وحچة بعصبية: انه بعد حذرتچ مالي دخل
مشه عنهة وهي تضايقت لان اخوهة ومتحب تزعلة تنهدت بضيق وباوعت علة الفون ولگته كاتبلهة
امير: وينچ
ارجوان: امير اني ضايجة
امير: لويش
ارجوان: لان احمد زعل مني گلي لتحچين ويه امير حته متاخذ نظرة موزينه عني
امير: بس انه ماخذت نظرة موزينه عنچ اعرف انتي عايشة بالخارج واكيد عندكم الصداقة عادي
ارجوان: مو تاخذ نظرة علية بلييز
ارجوان : اني عندي عادي اصادق شباب يعني مجرد صديق لا اقل ولا اكثر
ارجوان وهي تكمل كتابة : حته مامه وبابي يقبلون عادي لان يعرفون تربيتي شنو
امير: لا انتي بنية مؤدبة بس گوية
ارجوان: شنو يعني
_ يعني انتي شخصيتچ گوية مو فطيرة وفاهية
- تصدگ عبالي موزينه
- لا حشاچ صدگ شصار وية عمچ قبل تكملين لو لا
- لا ميقبل بس اني جاوبته خوش جواب
- شگتيلة
- گتلةهي دراستي واني احب العلم و اريد اكمل وبابي موافق وهاي حياتي الخاصة محد تدخل بيهة
- شنييييييييييي گلتي هيچ لعمچ
- اي وشنو يعني
- انتي صدگ تحچين بالله منهو عمچ
- عمي كريم
- لا لا ما صدگ هيچ حچيتي ويه الشيخ عادي عندچ
- امير وشنو يعني شيخ هو يحل مشاكل الناس وبس ما اله اي حق يتدخل بية واني عندي اب وام يقررون
- ما اعرف شحچي بس صدمتيني يا بنت الناس ما يصير تحچين چذي وية عمچ عيب هو اكبر منچ
- اي ماگدرت الزم روحي يعني شسوي والله عصبني
- وشگالج اهو
- ما حچة شي عصب وگام يتجادل وية بابة واني عفت الاكل وگمت
- لا انتي صدگ صدمتيني ما توقعتچ توصلين لهدرجة
- وشحچيت اني حتة
- يا ارجوان هاذي تتسمه حشاچ تقليل الادب يعني طولتي لسانچ عله الشيخ
- صدووگ مادري عبالي شي عادي انو اتكلم هيچ بس اني طبيعتي صريحة
- اكو اختلاف بين الصراحة والوقاحة وانتي الحچيتي بي چان وقاحة اعذريني بس انه كاعد انصحچ
- لا عادي اني اريد اعرف اغلاطي ما كنت اعرف ميرسي امير انت صدوگ البيست فريند
- باي وقت تبغين شي انه موجود
- الصراحة متوقعتك تصادق عبالي انت واحد متسلط وكولشي ممنوع
- صحيح كلامج انه متسلط بس عندي كلشي اله حدود وصراحة هاي اول مرة اتحچة وية بنت
- تصدگ من شفتك كولش خفت منك
_ لويش خفتي
- مادري كنت كولش بارد وچنت ارجف منك مثل السعفة
-ههههه مو بس انتي تخافين كلهة چذي وياي يهابون مني
- هاا يله اني رايحة كولش مشغولة بايباي
- الله وياچ
سدت الفون مالتهة وگامت ودخلت جوة وراحت لعمهة كريم وگفت گبالة
ارجوان بحزن: عموو
باوعلهة ببرود ودار وجهة، ارجوان كمشت ادي: عمو اني ماكان قصدي اتكلم هيچ وياك
باوعلهة ببرود ووخر اديهة عنه
ارجوان بدموع: عموو حبيبي لتسوي هيچي بية اني سوووري كولش بليييز لتزعل مني
العم كريم: الحچيتي وياي چان عيب عمي ما يصير تحچين چذي وياي عيب انه عمچ
ارجوان وهي تحضنه وتبوس خده: سووري عمو خلاص لتصير زعول كولش وهاي گدامهم كولهم اني اعتذر منك لان قللت احترامي وياك
ابو احمد بعصبية: باباتي عيب تحچين هيچ وية عمچ
ارجوان: بابه كافي گلت سووري بعد شسوي اكثر
ابو احمد: ميصير تحچين وعمچ يحچي عيب
ارجوان من داخلهة ودهة تفجرهم ابتسمت باصطناع: اوكي اني رايحة بعد اصلا ما اتواجد وياكم
راحت ارجوان وهي ميته من العصبية امهة گامت ودخلت بغرفتهة
ام احمد: حبيبتي لتزعلين
ارجوان بعصبية : مامي اني محچيت شي گتلهم اريد اكمل وهو ما الة اي حق بحياتي الخاصة
ام احمد: حبيبتي كولشي يحچون انتي اسُكتي لان بس تحچين يگولون عليچ ام اللسان
ارجوان: اني گلت شي غلط وجاوبته بكل احترام هو اني لو گايلتلة لتتدخل بية ما الك علاقة شچان سوة
ام احمد: اششش لتعصبين روحچ لعد لو تشوفيني من دخلت لهذة البيت لسة يحچون علة طريقه كلامي
ارجوان: وشنو يحچون؟
ام احمد تنهدت: اشكال كل شوي اجتي البغدادية وراحت البغدادية لعبت نفسي ويگولون اتماوع واتنعوص حالي من حالچ
ارجوان بحزن: مامه ليش هيچ يحچون علينه يعني احنه اصلا ما مأذيهم ولا مطولين لسانه
ام احمد وهي تحضن ارجوان: كتله لابوچ خلي ننتقل لبغداد بس ماقبل لان يريد يم اهلة
ارجوان بدموع: مامي ماشفتيهم شلون چانوا يباوعولي عبالك مسويتلي جريمه
ام احمد: شش مالچ دخل بيهم همة عدهم المرأة حالهة حال الحايط ممنوع تحچي ممنوع كولشي عنهة مياخذون رأيهة بأي شي
ارجوان: خلي نرجع لاميركا بليييز صارلنه قريب الشهر واني لعبانه نفسي ومتضايقه
ام احمد باوعت لبنتهة وما بديهة شي
حسن بضحك: هههه هاي شني الشيخ امير اليوم ابتسامته شاگة الوجه
امير باوعلة ببرود: انچب ما الك دخل
حسن: علينه يالذيب عليك الحسين احچي
امير بنفاذ صبر: حچيت وية ارجوان ارتاحيت
حسن 😍😍😍: كول والعباس عليك الحمزة كول والعباس
امير بضيق: توخر لو هسة انطيك دفرة
حسن بتفكير: زين منوين جبت رقمهة
امير: مو رقمهة عله الانستگرام حچيت وياهة
حسن: اي وشلون عرفت حسابهة
امير: رحت شفت احمد متابع منو ولگيت حسابهة وياهم وعرفتهة لان ناشر منشور علة حسابهة وكاتب (عيد ميلاد اختي ال١٧ ) وناشر حسابهة وصورة للكيك وهو واگف بصفهة بس گاص الصورة وخال نفسة بس
حسن: والله انت صاااارووووخ بوياااااااي وحچيت وياهة عادي ما سألت منو انت ومنين جبت حسابي
امير: لا انه سويت طلب صداقة وهي قبلتني بس ما گالت منين جبته
حسن: وانه اگولن ليش امير اليوم كله يتبسم
امير: انچب حسن كااافي لحيت عليهة وايد
حسن: هههههه والله و امير صارت عنده حبيبة شني هاي ههههه
امير شمر علي الكوشة وحسن يضحك علي
امير بعصبية: ولك يا حبيبة گول صديقه صدگ ماتستحي امشي گوم من يمي ولي ياله
حسن وهو يركض ويطلع من الديوان ويضحك علة امير
وامير بركان صاير من العصبية
§§§§§§§§§§§
الاء بحماس: الله كلش حلو من وين اشتريتي هاذ القميص ارجوان
ارجوان: من المول الي نروحلة دائما ليش
الاء: والله مادري منين تجيبيهن شو انه اشوف بس ما اشوف نفس ملابسچ
ارجوان: عمه هو منين جبته اني غير من المول بعد شكو بس انتي متعرفين تختارين
الاء: اي والله صدگ انه ماعرف اختار
ارجوان وهي تضم القميص بالعلاگة: اجيبلچ منه
الاء: لا يابه شسوي بي هو انه كلة دشاديش البس
سمعوا صوت صراخ وارجوان نهبطت وباوعت علة الاء
الاء وهي تطلع من غرفة ارجوان ولطمت عله وجهة: سودة بوجهي يبووووووو
ارجوان طلعت باوعت شنو الي صار ولونهة شحب وگامت ترجف
