رواية فصلية بديلة الفصل الثالث والعشرون 23 بقلم ام ملكوت

شهم_ 

كاعدين يم الخطار ونتناقش بالمشكله الصارت وياهم شويه واسمع صوت سماء صرخت والصوت وصل لاخر جار مو بس للديوان..

فزيت وفزوا الناس الكاعده بالديوان على صرختهه ..خفت كلش عليهه خليت وطفرت من مكاني للباب ركض 

دخلت واشوفهن ملتمات عليهه وهيه تون وتصرخ ولازمه بطنهه وماي نازل من بطنهه بقيت مصدوم واكف بمكاني واني اسمع امي تكول ولاده

لحضه ووعيت على روحي اجيت وحملتهه واخذتهه للسياره ركض..

خفت وتوتر بقيت افتر وادعي ربي يكومهم بسلامه شويه واجت سمر وساجد وراي والدكتوره مالتهه خلت ودخلت ..بقت نص ساعه تصرخ شويه وطلعت دكتورتهه وكالت..

الدكتوره لمياء: ادري ليش ماتنتبهون عليهه مو وصيتك عليهه ماتشتغل شي لان ضهرهه ضعيف .

.

شهم: خير دكتوره شبيهه هسه ليش ماولدت

لمياء: مرتك طك عدهه راس الهادي وهيه ماعدهه ولاده صارلنه نص ساعه نحاول نولدهه ماكدرنه اخر شي هسه افتر الطفل صار بالعرض ..

راح نسويلهه عمليه هسه ..الزم هذي الملاحضه وروح سوي المعامله مالت العمليه ..

شهم_ 

حجت هيج ورحت بسرعه سويت اوراق العمليه واني جسمي وقلبي يرجف من الخوف عليهم 

4 ت

واردد وادعي ربي كومهم بسلامه ربي سهل عليهه وخليتهه تولد وتكوم بسلامه ..

سويت الاوراق ورجعت ودخلوه للعمليات ..ماعرف ليش بس شي بداخلي دفعني وخلاني اتصل على جدهه من بعد سنه..شويه و رد علي..

_الو السلام عليكم

ابو رائد: وعليكم السلام منو

_ اني شهم زوج سماء

_ ها هلا ابني تفضل سماء بيهه شي 

_عدهه ولاده ودخلوهه للعمليات راح تولد خابرت عليكم حتى تجون تكونون يمهه بهذي المحنه..

_ ولا يهمك مسافه الطريق احنه يمك بس اي مستشفى

_ اسمهه مستشفى ال....

ابو رائد: هاذهو جايين .. سديت المكالمه واشوف العيون صارت علي وهمه خايفين..

مريم: بخوف..خير بويه شبيهه سماء

رشا: بحزن ..بويه لا تكلي صار بيهه شي بويه 

ام سماء: بويه كلي طمني على بنتي شبيهه ليش بالمستشفى  بويه ترى  انهد حيلي ..

ابو رائد: صبرولي اهدو مابيهه شي عدهه ولاده وصعبه شويه خلو ودخلوهه للعمليات يولدونهه وخابرني شهم يريدنه نكون يمهه ..

حلى: بجي..اني هم يمه اخذيني وياج اريد اشوف اختي عفيه اخذيني وياج

ام سماء: يله كومي بسرعه يمه بدلي ..

كمت واني روحي جمره على بنيتي حامل وراح تولد واني ماعرف

الله يعلم شلون قضت حملهه هناك واني مو يمهه منو يساعدهه منو يدللهه منو يسوي اكل وينضف بدالهه ..

بدلنه وخلصنه واخذت حلى وطلعنه لكيت ابوي واخوي متانينه ركبنه السياره وطرنه بيهه للمستشفى .. 

شويه ووصلنه رحنه لغرفه العمليات لكيناهم منتضرين بالباب هوه وولد شاب وبنيه شابه صغيره واكفين ..

                  ......................

ساجد🤭_

شخص عاطفي ولكنه ملجوم بسبب حب فاشل مر بي بحياته الجامعيه ولان حب من قلبه وخانته حبيبته ويه زميله بالقسم ..

صارت عنده لجمه من الحب وانعدمت ثقته بالنسوان بسببهه بس ياترى راح يرجع يثق بالبنات او لا وشلون؟؟؟ .........

ساجد_

تشبه سماء وهيه جنهه سماء صافيه ..شفتهه دموعهه تجري وخشمهه احمر وعيونهه تسال على اختهه ..اجه وحجه جد سماء ويه اخوي..

ابو رائد: ها بويه شلونك

شهم: هلا عمي هلا الحمدلله 

_ بعدهه بالعمليات..

_اي والله عمي بعدهه صارلهه ساعه 

ام سماء: يمه فدوه كلي ليش صار هيج وياهه ليش ماولدت بنيتي طبيعي..

شهم: خاله علمي علمج فجاتا طك راس الهادي وبقت تصرخ جبناهه وحاولت القابله تولدهه

بس ماكدرت لان ماعدهه ولاده اخر شي افتر الطفل مادري شلون وكالت راح نسويلهه عمليه قيصريه ..

لمياء: احمد ربك وشكره ماصار بمرتك شي رادت تموت بالعمليه ..

بس الحمدلله رب العالمين كتبلهه عمر جديد وابنك بخير وصحه وسلامه هسه نطلعهه لغرفه عاديه وتكدرون بعد ساعتين تكعد وتشوفوهه..

الكل: الحمدلله رب العالمين الحمدلله والشكر الحمدلله..

شهم_ 

طمنتنه الدكتوره عليهه شويه وطلعوهه نايمه عل سديه ومبين بوجهه التعب والالم ..

شافتهه امهه وصارت تحضن بيهه وتبوس وتبجي من اشتياقهه الهه كوه بعدتهه الدكتوره واخذوهه للغرفه تالي طلعو ابني والدكتوره لازمته اجت وانطتنيا..

لمياء: تفضل احمل ابنك واذن باذانه حتى ناخذه للغرفه مالت الاطفال..

وهسه برجعتك رديت اليه الروح بويه لا تسويهه وتعوف ابوك بعد ..بقيت احجي وابجي ..

1 تع

تالي اذنت باذانه اليمنى واقمت باليسرى وسمته مرتضى على اسم اخوه حتى يحيي اسمه وذكراه بالبيت وبروحي..

خليت وانطيته للدكتوره ودتهه للغرفه واني عيوني تمشي وراه لحدما طلعت الدكتوره من المكان مجبور انطيه الهه

لان مو زين عليه يبقى بره هواي والا جان بقيت حاضنه للابد وماخلي احد يلمسه..

خلينه ورحنه للغرفه البيهه سماء وجانت نايمه طلعت من المستشفى رحت للكصاب اخذت منه اضحيه وخليتهه بسيارتي

ورجعت للبيت طمنت اهلي على سماء والطفل وبقيت الاضحيه بالبيت ورجعت اخذت عشه لاهل سماء ورحت للمستشفى..

ابو رائد: ليش تعبت نفسك ابني صارت زحمه

_لا ماكو تعب واجبي هذا يله تفضلو خلي ناكل تره احنه هم جوعانين ..

_ يله بويه ام سماء جيبي بنتج وتعالي تعشي..

ساجد_

خلينه وطلعنه بره بالحديقه وكعدنه كلنه على الطاوله وطلعنه الاكل وصرنه ناكل واني عيني ماشلتهه عن هل ملاك

طلعت اخت سماء واني ضنيت انهه شارده من الجنه ههه بقت عيني عليهه واشوفهه تاكل شويه شويه تستحي يالله على النعومه والترافه الشايلتهه مو طبيعيه..

ان سماء: يمه حلى اكلي زين لا تدوخين علي بالليل نوب

حلى: بهمس..يمه استحي

ام سماء: لا يمه لا تستحين شوفي كلهم كاعد ياكلون ومحد شايفج اصلا اكلي لا تستحين..

حلى: ماشي