رواية هموم الشيخ سند الفصل الرابع والعشرون بقلم ميامين الطائي
هموم: مشتاگه ههُواي! ..
سند: المنَ ؟" .
هموم: لعيُونك الخذن ڪلبيَ ♥️.
هسه انتهت .. وكلمن يروح بـ جرحه
صحيلي ميت واقتنع يمكن ضميرك يصحه
مو سهله كاسرك گلب كسر الگلب شيصحله .
هموم: اني انسانه متحب شي حزين وكلشي بي حزن اتهرب منه حتـى الاغاني الحزينه والقصص الحزينه المسلسلات الي بيها فد مقطع حزين ويبچي ويقهر اتهرب من الحزن مو خوف وانما ما احب اعيش بالحزن ڪل ميصير وياي شي ويتعبني ما اطول اكثر من ربع سـآعه اتعب بيه واتاذه ومرات ابجي واحس مكسوره وحيده بس ما اتاخر كبل اوكف بڪل حيلي واقوه من قبل واكوم واضحك واترك كلشي يأذي نفسي ويتعبني واسوي اشياء تونسني حتـى ما افكر واتعب لان اذا اضل بتعبي وبحزني وبقهري وهمومي گلش اتعب بشكل مو طبيعي اتعب واكره روحي اتعب اضعاف التعب واعتزل عن الدنيا وما ابد ايي بشر ولان ادرييہ بروحي اتاذه اذا اضل باجواء الحزن والتفكير فـ احب اضحك واسوي شغلات تنسيني حزني حتى ما اضعف حتى ما انكسر حتى ما اتعب هواي حتى ما اذي روحي حتى اضل قويه وما يهزني شي حتى اركز علئ نفسي واسوي كلشي احبه واحقق حلمي حتـى اگدر اعيش لذالك هيچ ٱسوي اغلب الناس ياذون روحهم ويحبون يبقون بحزنهم وتعبهم وبمشاكلهم وهيج يتعبون ويكومون يتمنون الموت يهملون نفسهم بشكل مو طبيعي وهاذا اكبر غلط لْـو شما صار وياي ابقى قوي ابقى صامد وصابر وخلي ابالكم الله موجود اضحكوا وسوي شغلات تحبوها وركزوا علئ نفسكم وعلئ حلمكم واهتموا بروحكم تره روحك تستاهل تدللها وتهتم بيها لان هيـه موجوده وياك ومتعوفك ڪل الدنيا تعوفك بس روحكم لاا تاذي روحك علمود انسان ابد ابد خلي ابالكم الله فوك ويشوفكم ويعرف كلشي بيكم وخلي ابالكم الله كلشي يسوي النه هــوه الصالحنه كلشي يسوي اله صالح بي يريد الخير النه الله يعرف شغلات ويشوفها واحنه منعرف فكلشي يصير وياك گول لحمدلله مطول الله سوه بيه هيچ يعني بي صالح وخير الي ويجي يوم وتعرف انو الله سوه هيج الصالحك يكول الله سبحانه وتعالى " عسى ان تكرهوا شي وهوه خير لكم " ، يعني الله من يريد ياخذ شي منك او شخص منك انته متريد هل شي اول الشخص يروح منك يعني تكره بعد هل شي عنك بس هو الصالحك هل شي خير الك ويجي يوم وتعرف دوم خلو ايمانكم بالله قوي تره الدنيا متوكف علئ احد كل شخص ياذيكم ابد لاا تضلون يمهه حتـى لـو تحبوا اهم شي ما تاذون نفسكم لان محد يفيدكم اذا تاذيتوا خلو ايمانكم گلش قوي بالله وخلي بالكم الله حيعوضكم عن كلشي مريتوا بي .
سند: اصعب شي الاشتياق يخليك تعب حيل نفس شي لي يخليك بلايه عقل متعرف حتئ،شلون تكمل يومك ليل اووف يليل يذكرك بكلشي بكل لحظه كاعد بحديقه ورجعت راسي ليورا افكر بيها وخجلان من نفسي على السويته بيها مااعرف غرفتنه بقت فارغه محتار وين ادور للسحر مخليت مكان بطابق الثاني مادورته شسوي
وسن: هاسند بشر مالكيت شي
سند: ولاشي بقى بس طابق الجوه بس شلون ندور اخاف يشكن بينها
وسن: شنو رائيك تنطي الامك فلوس بحجة تاخذهن تشتري ملابس للهن
سند: لا ماتفيد يشكن لاتنسين ام فيصل هنا وزوجة زيد وزوجة حسين
وسن: الحل شلون ياسند تبقى هيج انت وهموم لاراجعين ولاشي يبقى هذا السحر خطر عليها وعلى حياتهاا
سند: شوفي وسن اذا التمن امي وفاطمه وبثينه تخلين الجهاز يمهن يسجل ابقي راقبي بيهن بس هاي الطريقه عدنه
وسن: ليش انت شاك بيهن هاي خوش سالفه سهله خليه عليها بسيطه
سند: لا بس هموم حجت اساميهن من وكعت بقن بالي شاك بوفاء وبثينه بس ماعندي دليل عليهن
وسن: الله كريم خابرت هموم وحاجيته لان اليوم يخلص علاجها اخر يوم بخرت الغرفه غسلته خليت ملح وخل وشغلت قران وطلعت عفت القرآن بنص مفتوح بين، الصاله و الغرفه 24 ساعه مخليه القرآن يشتغل
سند: مااعرف مشتاقلهاا بنفس والوقت مااكدر احجي وياها اني هواي عذبتهاا صرت اشوفها كدامي تعذب واني هم عذبها صرت ضدها حتة بقت تشرح بديها جنت اكول تكرهني ماتريدني صرت بس اريد اانتقم منها واتفنن بعذابها كل مااذكر اكرههاا لنفسي اكثر لان مارحمتها ولارحمت نفسي وين جان عقلي من سويت هيج
وسن: لابيدك ولابيدها انتم جنتو اثنينكم تحت تاثير عمل شيطاني مو ذنبك هي تحبك راح تسامحك وتنطيك فرصه
سند: هذا مو عذر وسن بلا هي معذوره جانت مسحوره بس اني شجاني صرت هيج كلشي صار الهاا بسببي اني الي جبتها المشاكل مااعرف شسوي مخنوك
وسن: لاتحجي هيج والله هي تحبك ان شاء الله ازمه وتعدي لاتهتم صدك سند انت يمته حبيت هموم ااحجيلي
سند: شوفي دائما شخص من يكولك هذا الشخص لك شراح يصير راح يتولد حب بداخلك من كلي عمي علي بنتي لك دائما هل كلمه يكرر صرت احبهاا بدون مااعرف صررت افكر بشكلهاا رسمت احلام بالي اني بعدني عمري 14 بقت هموم بعقلي لحد ماجابت امها مااشفتها بس من ماتت خلص انو تركت هل شي بس كتنما جان حبها نايم بداخلي او مكتوم من عرفت عايشه رجعت مشاعري راسلتها على فيس بس مجنت ااعرفها هي من شفتها حبيتها بديت احبها واحب حركاتها اهتمامها صرت احسها شي خاص بيه اني محد اله حق بيهااا صرت احب عيونها ضحكتها صرت احب كلشي بيها
وسن: الله يديمكم للبعض ويحفظكم رجعكم نفس قبل واحسن
هموم: بقيت بيت خالي استمريت ع العلاج صرت احسن صرت استعيد عافيتي خالي ياخذني لهذا شيخ فرجعت احسن من قبل طبعا هواي غيرت بنفسي واهتميت راحت الثار الضرب صرت مااريد اعرف شي
زمن: هموم ااشك بيج حامل ماسوين تحليل تتاكدين افضل
هموم: مااعرف اشوف باجر من روح للمركز اسوي تحليل
زمن: تمام هسه انتي صرتي تخبلين وسمنانه خدودج يمه اول مشفتج خفت
هموم: اي حبي الحمد الله خلصت تغذيه بلازمت ونضاره ومواد تجميل مهما يصير كلشي بيه كلشي اعوف الا نفسي لو اموت هم اارتب نفسي مااعرف انو اتعب اهمل نفسي ابدا اني سحر وكلشي والدنيا زعذاب اني كعدت ارتب واعدل بنفسي
زمن: ههههههه وعلي عندج سوالف خرب يومج الحمد الله ايام تعدي تروح
هموم: واذا اصلا عادي الحمد الله على كل حال مو جديده عليه اصلا هاي ولاشي بالنسبه الي اجت بريش ههههه
زمن: ياريش ردتي تموتين زين وسند هم راح سامحينه ع السواه بيج تنطينه فرصه لان تعرفين بسبب السحر
هموم: مستحيل انسى الي سواه بيهه لاجبيلي اسمه فدوه ادعي من ربي كون مو حامل لان مااريد اخلص منهه من عذابه...من كلشي اكرهه مااحبهه
زمن: اممم اكلج هموم ولو انت متحتاجين الله يستر عليج خلقج ايه من الجمال بس شنو رائيج سوين فلر الشحوم دائميه تحقنين خدودج شفتج ول*** يجنن فدشي سوينه بلازما جل بس اخاف حامل ميصير اذا اسويلج جلسات دائمي ميروح الابد
هموم: مو حامل اني حابه اغير بنفسي باجر اروح نسوي واطفي لون شعري هماتين
زمن: تمام اتفقنه ونبي جابونهن من امريكا مواد تجميل هذني،
هموم: هو كلشي اسوي هسه حروح انام عفتها صعدت كل لليله اذكر الي سواه بيها من يعذبني شلون يضربني بالحزام حاربني حرب جسدياً ونفسياً محد يفيد ابد خليت راسي كلشي اجه بالي حتى مااشتاق ولااحن اله صارلي شهر بيت خالي نمت كعدت ثاني يوم تغديت سبحت لبست طلعت وي زمن للمركز سويت كلشي بس توجع الابر سويت ميزو وحقن شحوم مااعرف حتى يكولون ضعيفه ااشتريت ملابس كلشي احتاج المهم مرت فتره شهرين زمن سوتلي جلسات كملتهن اباوع جسمي صار يخبل وجهي
زمن: اوووووو توقعت والنبي طلعين تموتين ولج بالقران لو يشوفج سند بعد مايخليج طلعين على،هل الجسم والوجه
هموم: بفضلج حبي اصلا اني حلوه من زمان من يوم يومي حلوه
زمن: اانجبي هذا تحليل سوي لان بطنج كبرانه موزين الحقن وانتي حامل ولو كملنه بعد مايفيد الحجي
هموم: تمام تمام علمتني زمن سويت طلع خطين يعني حاامل عزاا زمن حامل
زمن: فلك هموم سوينها اادعي ميصير شي للطفل هو لازم نتاكد الااسويلج
هموم: انجبي اصلا اني مااريد طفل مااريد كلشي يذكرني بسند هذا الطفل يذكرني من يغتصبني ويعذبني
زمن: امشي نروح الدكتوره يلا هموم ولاصوت اسمع هاي نعمه من ربج غيرج يتمناها انتظرج يلا
هموم: مشينه للدكتوره سويت تحليل وسونار طبعا زمن وياي
الدكتوره:،صحت الجنين الحمد الله مابي شي بعد اسبوع دخلين بشهر الرابع هسه ممعروف جنسه دير بالج على حركتج
هموم: تمام دكتوره شكرا سلمت عليه طلعنه اخذنه علاج ورجعنه للبيت
زمن: الحمد الله طفل مابيه شي دعيت الله كون مابي شي
هموم: مافرحت ولاشي لان صعبه هذا الطفل غلطه وصار... وقت مامتحتاجته بس هاي ارادة ربي الحمد الله على كل حال رجعت صرت اهتم بالعلاج واكلي مرت فتره اني سمنت وحليت بالزايد خالي يجيبلي كلشي رحت سويت سونار عرفت بيه ولد حسيت احساس حلو شعور الامومه سند مااعرف اخباره ولااريد اعرف كل اليهمني اني وابني
سند: ربي وحده يعلم بحالي شصار بيه كل هالفترة بغيابها اشم بملابسها وصورها اخابر خالها اعرف اخبارها من عند لحد هسه مالكيت سحر سويت الغرفه تخبل غيرت الديكور كله مال الغرفه ااشتريت صبغ جداري ولصقات كلشي سويت علمودها الشتريت الهاا ملابس رتبت كلشي اني وسن ناقصني بس هيه مااعرف شسوي وين الكي السحر جنت كاعد حيل ضايج حتى غرفة وفاء دورت مالكيت شي
ام سند: الله يساعدك يمه شلونك اريدك بسالفه ولاترجعني يبعد امك
سند: هلا بيج تفضلي يمي خيرج
ام سند; خير يصيبك يمه هاي بت خالك صابره عليك لجن تحبك وتريدك يمه العمر يمشي انت جبير مو صغير لو عندك ولد هسه بالمدرسه هموم بعد ماتفيدك من يكول تعيش رجع مريتك خليها بحضنك
سند: هنا زاد شكلي باامي يمه بس شغله وحده اريد اعرفها انت شدراج هموم تموت لو تعيش عالم الغيب انتي
ام سند: ها لايمه بس انت شفت اخر مره سودنت علينه تخبلت حتى اديها شككتهه وتقيئ دم يمه ماتفيدك هاي على امها
سند: يمه وفاء لو تنزل بيها آيه مااريدها ابد تحلم ارجع الهاا خل يفيدها جذبهاا حتى هموم مااريدها هيج مرتاح لاهم ولاغم
ام سند: هاي تاليتها بت عليوان سوت التريده هسه وفاء مو زينه بس انت نفس عمك علي ركض وراها لان حلوه خل تفيدك هاي شايفه روحهاا المخبله
سند: باوعتلها هيج.. هي خافت اخذت جكاير وصعدت للغرفه مالتي سبحت وغيرت ملابسي ونمت
