رواية صراع الشيوخ الفصل الرابع والعشرون بقلم ليال القمر
ارجوان بصدمة: زيييد
زيد گام من سريرهة ووگف گبالهة ويباوع بعيونهة
هنا ارجوان شافت الفرق بينهة وبينه لان زيد ضخم وطويل وجسمه رياضي وهي لاشيء بالنسبة الة
زيد بهدوء: انه ما حاسبتچ عله سوايتچ وية رفجاني
ارجوان بارتباك: زيد اني مادري انو انو...
توترت ارجوان من تقرب زيد الهة
ارجوان وهي تدير وجهة للجهة الاخرى لان زيد صار قريب من عدهة
ارجوان وهي تدير وجهة للجهة الاخرى لان زيد صار قريب من عدهة
زيد بغضب مكتوم: منين تعرفين امير
ارجوان بتلبك: هو مو الي ساعدني اطلع من بيت كرم ومن ذاك الوقت اني اعرفه
زيد وهو يحاصرهة بالحايط وطلعت مثل الصوص المبلول گدامه شگد ما زيد ضخم بالنسبة الهة
زيد بعصبية وهو يرص عله سنونه: ممنوع تحچين بعد ويه امير
ارجوان وهي تحط اديهة عله صدرة وتبعده عنهة: اوكي افتهمت بس ابتعد عني
زيد وهو يبتعد عنهة ويباوع بعيونهة المرتبكه والخايفة تلاقت عيونهة القهوائية بعيونه السود العميقه
زيد وهمس الهة: صبيلي اكل انه جوعان
ارجوان وهي تبلع ريقهة وخدودهة صارن ورديات: اي هسة بس شوية ابتعد
ابتعد زيد عنهة وطلع وسد باب غرفتهة واتكأ عليه وتنهد وراح لغرفته الي بالطابق الثالث
ارجوان وهي تتكأ عله الباب بعد ما سدت الباب وتتنفس باضطراب وحچت بين نفسهة : عززة شلون چان قريب يمه متت خوف
نزلت جوة صبتلة اكل وخلته علة ميز الطعام وصاحتله وراحت لغرفتهة تبدل وكملت بعدين شهگت: ياااا نسيت عمه الاء تنتظرني
نزلت عالسريع وراحت وياهة للصالون
!!!!!!!!!!!!!!!!!!!!!!!!!!!!!
ام الصالون وهي تلعب بشعر ارجوان: شعرچ كلشششش حلووو
ارجوان بخجل: ميرسي
ام الصالون : شنو ترديني اسوي لشعرچ
ارجوان: امم شعري طولان اريدچ تقصيليا مدرج لحد خصري
ام الصالون: حرامات شعرچ كلش حلوو بس اذا اگصة يطلع بعد احلة
ارجوان: اريدچ تسويلة فد شي خمس خصل مارونية
ام الصالون: يلة لعد خلابدي
بدت ام الصالون تسوي شعر ارجوان والاء يميشولهة شعرهة ويحفولهة وجهة
ارجوان وهي تباوع علة شعرهة باعجاب: الله كوولش كيووت
ام الصالون 😜: عجبچ
ارجوان: كوولش
ام الصالون: هههه بالعافية قلبي
ارجوان بابتسامه: الله يعافيچ بس اريدچ تسويلي جسمي بالشمع عفية
ام الصالون: تؤمرين عيني
كملت ارجوان والاء هم كملت
ارجوان: هاي شنوووو عمه تخبلين طالعه
الاء: فديتچ انتي الاحلى روحي
ارجوان بخجل: صدوك حلو علية اللون
الاء: يجنن ولچ شلاعبة بشعرچ صاير كلشششش حلو
ارجوان: مو اني چنت صابغته خصل مارونية بس ديروح فجددته
الاء: بالله لو ادري چان سويت نفسچ
ارجوان: بالعكس حلو عليچ الميش
الاء بخجل: واااي خجلتيني
ارجوان: هههه يا عمه ما توقعتچ تخجلين
الاء بخجل: كافي هههههه
ام الصالون تباوع الهن بابتسام: شكلچن كلش قريبات
ارجوان: اي هي صديقتي المقربة واختي وعمتي بنفس الوقت
الاء صارت طماطاية من الخجل وارجوان تضحك عليهة وتحضن بيهة وتبوسهة من خدهة
طلعن من الصالون بعد مادفعن الحساب
وطبعا اخذن جولة بالسوگ ميگدرن يگعدن راحة لازم السوگ
****************
ام احمد بعصبية: ارجوان
ارجوان: ها مامه
ام احمد: وين جنتي من الصبح لهسة
ارجوان ببرائة: عادي چنت بالمول والصالون
ام احمد: غير تستأذنين مني قبل لتروحين
ارجوان: بس اني استأذنت من بابا
ام احمد: اني ابوچ قابل
ارجوان: اي مامي هسة شنو فرقچ عن بابة ثنينكم واحد
ام احمد: صاير عندچ اللسان ارجوان
ارجوان: اووي مامي شبيچ يا لسان منيلي اصلا اني هاااااادئة ومينسمعلي صوت
ام احمد: اي واضح جدا كوووولش هادئة هو انتي من جوة الجوة
ارجوان: هههه ها هسة عرفت مامي زعلانه علية لان ما طلعت وياي للمول اي چان گلتي
ام احمد: عابتلچ هسة يالله عرفتي شنو اريد
ارجوان: يالله باچر اگول لبابا اني وياچ نطلع بعد شتردين
ام احمد: يمه فدوووة لبنوتي الي تفهمني 💋
ارجوان وهي تمسح خدهة : اوووي مامه خالة حمرة وتبوسيني لطختي خدي
ام احمد 👐👐: عابتلچ حبيتي
ارجوان: هههه هاي شلون صايرة عابتلچ حبيبتي هههه
ام احمد گامت تفر بايدهة وعافت بنتهة وطلعت من غرفتهة
ارجوان تمددت عله السرير وتفكر شلون حياتها انقلبت رأسا على عقب وبدت تفكر بدراستهة لازم ترجع علمود كليتهة لان راح تخلص عطلة نصف السنه
گامت وتوجهت لغرفة امهة وابوهة دگت الباب
تفضل
دخلت ارجوان وراحت يم ابوهة: بابه اريد احچي فد شي
ابو احمد وهو يعدل گعدته: ها باباتي شبيچ
ارجوان: بابا لازم ارجع لاميركا علمود دراستي
ابو احمد سكت لحظات: اي وشنو يعني
ارجوان: راح تخلص عطلتنه واني بعدني ما مداومه
ابو احمد: اي عود الله كريم
ارجوان: بابه شنو الله كرم بليييز گولي نرجع بليز
ابو احمد بتنهيدة: انشالله
ارجوان فرحت 😘😘: گود نايت دادي
ابو احمد: وانتي بخير باباتي
ارجون طلعت ولگت امهة تريد تدخل راحت ارجوان دخلت لغرفتهة وهي فرحانه لان راح ترجع حياتهة مثل قبل نامت وهي مرتاحة البال
*:::::::::::::::::::::::::::*
امير متمدد بفراشة ويفكر بيهة
بضحكتهة..
ابتسامتهة..
خجلهة..
توترهة..
كولشي بيهة.
تنهد بحسرة وغمض عينه واجتي عله باله
امير بضيق : اوووووف ارجوان يعني مانام انه اليوم طلعي من بالي
خله المخدة علة راسة وهم اجتي باله: استغفرالله اشتعلوا عشيرتچ يعني ما تخليني بحالي هو انه خل الزمهة لو ما اطلع بيهة ضيمي بيهة
باوع بالسگف الثانوي الي بغرفتة وابتسم : بس والله هالبنت بقمة البرائة والدلال اوووف تخبل الاوادم
غمض عيونه وتنهد وراح بسابع نومه
گعدوا ابطالنه مصدومين بهاذة الخبر والي هو.....
كعدت ارجوان وغسلت ولبست فستان بسيط لونه ماروني وشال ابيض ونزلت جوة بالصالة
ارجوان: صباح الخير
الكل: صباح النور
گاعدين كلهم عله الريوگ دگ تلفون زيد وگام حته يجاوب
ارجوان سوت لفه وراحت بالحديقة وشافت زيد التلفون واگع من ايدة ولونه شاحب استغربت وراحتله
ارجوان ببرائة: زيد شبيك
زيد باوعلهة وعيونه مدمعه: ارجوان
ارجوان بقلق: شنووو احچي
زيد ودموعه نزلت خدة وركع علة الگاع وكام يبچي
وارجوان انصدمت من فعلته بس ما اهتمت تريد تعرف شنو الي صار
گومته عن الارض وباوعتلة : شبيك زيد
زيد ببچي : ماااات مااااااات
ارجوان بخوف وترقب: منوو
زيد:....
ارجوان انسطرت وبعد متعرف شتسوي ظلت تباوع عله زيد الي يشهگ من البچي
