رواية لبوة الحياة الفصل الخامس والعشرون 25 بقلم ساره العبيدي

صـــار سنــين

  محــد گـلب البـيـنه

ولا شـبعت ضمـاير حتـه تـرويـنـه

عـاتبنـه شـگثـر

ماشـفـنه منـهم خـير 

ولا عــرگت كصــصهـم من تحاجــينـه 😟

اتصل على أسيد مايرد للعصر اتصل عليه بس صوت غريب مو صوته 

جوري:الو أسيد وينك منو وياي 

خيتي اني نقلته للمستشفى الاخ مسوي حادث على طريق و حالته خطره ممكن تجون عليه 

جوري:: خويه الله يوفقك احنا من محافظه...... اعتبرني اخيتك ابقه يمه مسافة الطريق نجي احنا اني زوجته الله يوفقك ابقى يمه 

اي هيه خويه باقي على بختج ناس ما تكاطعت اخ وباقي يم اخو 

اتصلت على عمي واجه ركض للبيت 

وخابرت على ام حسن لان خطيه ياسمين عدها طفل وهم يوميه مخابرتها خطيه

اجت ام حسن خليت جهال يمها وطلعنا اني وعمي لبغداد 

ابجي والطم اخ ياحظي وين نايم حتى اكعدك شنو عينك على صاحبتك مايوم كملت فرحتها جبت العمر خساره بخساره شعندي بعد وتريد تاخذه اخ ربي ساعدني ماريد اطفالي يعيشون يتامه مثلي ربي ساعدني الهي مالي غيرك يارب مابي شي ربي رجعه لي سالم اتحمل لخاطره كلشي 

عمي:: بنتي كولي يالله ان شاء الله مابي شي انطيني جهاز اخابر على رجال 

جوري: اي عمي اخذه بلكي الله مابي شي يارب مابي شي 

اتصل عمي على رجال بس مافهمت بس اي اي والله كريم سد الخط

قلبي مامرتاح شنو اي واي 

جوري: عمي شكو شكالك شبي أسيد 

عمي: مابي شي هسه نوصل والله كريم

جوري: اعرف الله كريم شنو كالك هسه وضعه شنو 

عمي: بنتي الله يخليج صيري قويه وراج جهال اثنين اذا لا سامح الله راح أسيد شراح اسوين شلون تربيهم اذا من هسه هيج تلطمين 

جوري: عمي أسيد بي شي ليش هيج تحجي 

كمت الطم على وجهي طريق ليش هيج صار شطوله ياربي عبالك بغير بلد مو بغداد 

وصلنا دخلنا للمستشفى نركض اني وعمي ورجال لكنا منتظرنا 

الرجل:: عمي شتريد اني حاضر وهاي امر الله بعد شنو بيدك والبقاء فقط لوجه الله 

عمي: تسلم ابني ماقصرت والله يكثر من امثالك ربي يحفظك لا حوله ولاقوة الا بالله خلص وليدي تكدر تروح هسه اخابر ولد عمه 

الرجال: لا عمي باقي وياكم 

جوري عمي جاي يحجي شنو يكول شنو فهمني يعني أسيد مات بيكم شئ اني متاكده مايموت هو وعدني نربي جهال سوه واتخرج هو كال ماعوفج باقي وياج اووووووف يابه اريدك وينك ليش هيج عفتوني ربي ليش اخذتهم مني كلهم اعزاز كلبي راحوا شلي بهاي الدنيا بعد منو لي بيها اخ أسيد ليش عفتني ليش ولك هسه حبيتك اعرف راح تروح ماردت احبك لان اعرف بس احبك تروح وتعوفني وين وعدك لي مو كلت للموت وياج تالي الموت اخذك مني حبيبي

عمي: كولي يالله بنتي صيري قويه جهالج بحاجتج هسه

جوري:: ماريدهم بعد خلص ماريدهم باجر هم الله ياخذهم مني نفس ماخذ اعزاز كلبي ربي شنو ذنب سويته هيج اتعاقب بي اخ يانار قلبي 

عمي: جوري مايصير هذا الحجي كومي بنتي صيري سبعه وقويه 

جوري:: قوتي كانت باسيد هسه بمنو اتقوه بمنو استند كولي على منو هو أهلي وهو زوجي وحبيبي هو كلشي لي بدنيا 

عمي:: اني وياج عمج وابوج هم كولي يالله باباتي لعد اني ابني راح بس شنو بيدي كوليلي 

جوري: عمي الله يوفقك خلي أشوفه اريد اشوفه اخر مره 

عمي:: هسه نشوفه بس صيري قوية لخاطر جهالج 

خابر عمي على ولد يجون لبغداد 

وراح حجه ويه دكتور حتى نشوفه طبينا عليه جان مغطين وجه وشلت الغطاء ماينعرف من كد دم وجروح وضربه صايره براسه حتى ملامح وجه متخربطه رايحه من الدم جسمه كله دم 

جوري:: عمي خلي يرجعوا خلي يعالجوا والله عايش هو كال ماعوفج هم ماعالجوا عافوا يموت 

دكتور عالجه الله يوفقك والله شكد ماتريد انطيك بس رجعه لي ماعندي غيره ليش محد يساعدني هو شنو سوه الكم حتى ماتعالجوا والله ادفع لكم شكد ماتردون 

أسيد أسيد كوم معي طه يريدك 

كوم يول ماريد بنتي تنحرم من كلمة يابه كوم حبيبي أنت مو نفسك اصيحلك حبيبي يلا هسه اني احبك يلا ارجع معي للبيت هسه جهال ينتظروك مو كلت نسجلهم روضه نؤديهم سوه مو تريد يكملون دراستهم يلا حبيبي ليش تحب تقهرني 

عمي ليش تبريت منه كول لهم يعالجوا 

اني اعرف هو عايش قلبه عايش ليش هيج ساعدوني ولكم زوجي راح 

كمت اصيح ممرضات اجوي عليه واني ماشوف شي كدامي غير أسيد محد يساعدني حتى ارجعه وياي كمت اضرب راسي بلحايط فقدت اعصابي والوعي 

لكتهم جاين الولد ماخذين أسيد للمغسل حتى يدفنوا راجعين للمنطقه

اني بلمستشفى كعدت لكت ياسمين يمي تبجي 

ياسمين::جوري عمري أنتي امي واختي دائما اشوفج قدوه لي انتي قويه رغم كل شيء صار هذا امر الله كل جاي اسوي مايرجع راح اذا ماتحبين اطفالج يعيشون نفسج كومي لهم كوني مستقبلهم لا تسمحين لاحد يدوس عليهم صيري ام واب لهم انتي تكدرين لهذا الشئ 

جوري:: ياسمين أسيد راح شيفيد بعد قوتي جنت اشوف نفسي بي هسه بشنو اشوف نفسي مابقه عندي لا حيل ولا قوه ولا طاقه ولا رغبه بالحياه 

اريد اسمع صوته اريد أشوفه من يطب للبيت وجهال ينتظروا اخ والله توني حسيت بالحياه ضحكت لي وعوضتني اثاري ناويه تحرمني منه تكسر ظهري من جديد 😟

ياسمين: هذا أمر رب العالمين لا اعتراض على حكمه إذا أسيد راح الله موجود اقوه منج ومنه 

رجعت للبيت ماقبلت اسوي فاتحه ولا الم ناس 

سويت ثواب وزعته للمنطقه انطيت كل ملابسه على روحه وزعت ملابسي الوان خلص بعد مالها داعي 

انطيت مبلغ للجامع واتفقت معهم كل شهر انطيهم نفس المبلغ على روحه تكفلت بمصرف عائله فقيره كل شهر على روحه 

ماقبلت اسوي فاتحه لان ماعندي أحد يوكف وياي وماردت جهالي يتبهذلون هو راح بعد 

شعري كله وكع 24ساعه مقابله صوره وابجي ابد ماقصر وياي بيوم ولا حرمني من شئ كان كل شي لي 

ياسمين خطيه ماعافتني حتى من يجي زياد من دوام تروح بالليل ويا يجي ياخذها من الباب بسبب العده مالتي مايكدر يكب جوه ترجع الصبح لي 

ورا ما كملت السبعه مالته اجت امه دور ورث عندي 

كاعده العصر ابجي اذكره من جنت اكعد لكا يناغي للجهال لو يغني لي ويتغزل 

ندك الباب 

جوري: ياسمين شوفي الباب خاف زوجج 

ياسمين: ان شاءلله عمري

رحت فتحت لباب لكت ام أسيد

ياسمين:: جوري ام أسيد تريدج 

جوري: اها شذكرها هسه بيه بلكي صارت زينه والله حنن قلبها 

جنت محتاجه اي شخص رغم افعالها معي لكن اتمنيت تكون تابت وصارت زينه والله اوافق تجي تكعد معي مهما يكون تبقئ مريه كبيره وتفتهم لو صار شي عليه ردت سند لاطفالي وياي 

ام أسيد: لابسه اسود على منو كلش زين اعرف انتي كتلتي حتى تنامين على فلوسه 

جوري: الله يسامحك فعلاً ذيل الجلب ماينعدل 

ام أسيد: شوفي ام سحوره قبل اسكت ابني بس هسه لا واريد حقي لمنو ابقي 

جوري:: هو لان انتي تمشين بطريق السحر عبالج الكل مثلج واي حق لتردي

ام أسيد: حقي بورث ابني عبالج معرف شنو عنده لو كتلتي تردين تنامين عليها

جوري: هو الله ياخذ الزين ويعوف العارات لمثلج شوفي اطلعي بره يلا واي حق الج تاخذي بالقانون واذا وافقت انطي بس حتى أسيد يرتاح بقبره مايقصر بحق امه امام رب العالمين 

ام أسيد:: ههههههه بنت الفكر صارت تتحكم بفلوس ابني غصب عن شيب ابوج اخذ حقي

جوري: انتي مو مال احترام شو اطلعي برا رجلج بالقبر وابنج مات جايه دورين حقوق 

طردت وصرت نار اغلي هاي لو يجي الحمزه مايصير براسها خير كل عقلها دور حق قلبها ميت 

ياسمين: والله نصدمت شنو من ام هاي شراح اسوين هسه

جوري: اني اعرف اصرف همزين خلت هذا الشئ من هسه بالي حتى ما اتعب بعدين يجون ياخذؤن تعب جهالي هسه اخابر حسام واخلي يشوفلي محامي 

خابرت حسام بالليل كتله باجر لا تطلع على.محل باجر تروح تجي عليه 

خابرت ام حسن كتلها محتاجتج باجر يمي الصبح بموضوع 

الفلوس جان يجيبها أسيد وذهبي كله ضميته عندي

واوراق مهمه جمعتها كلها بجنطه ضميتها حتى ل ياسمين ماكلت بس اني والله 

نومت جهال بصاله وانا كعدت أفكر لازم اصير قوية هذوله ناوين ياخذؤن تعب أسيد ويخلون جهالي بحاجة العالم 

 اما ياسمين راحت ويه زياد الحمدلله بيتها قريب على بيتي 

بقيت للفجر كاعده كمت صليت وقريت قران للصبح لاسيد 

ب10 اجه حسام سويت ريوك تريكنا وكعدت اني ويا كتله احجيلي شغل أسيد كله وشنو عنده كعد يسولف لي حتى حساب بالبنك عنده مبلغ حلو وقطعة ارض اثنين عنده ومحلاته خير من الله كتله فلوسه لاجيب طاريهم لاي شخص 

ليسالك كول فقط ارض ومحلات وصيته وراح للشغل

وبعدين اجت ام حسن كتله خاله بلا زحمه خلي حسن يشوفلي محامي يفتهم اليوم اريده 

بقت تغدت يمنا ماخليتها تروح لليل 

لكت محامي شاطر وكلته بشغلة تقسيم 

عمي ماقبل ياخذ شئ بس اني اصريت عليه انطيته حقه 

وام أسيد انطيتها حقها 

حقنا خليت حسام وحسن يلزموا كتلهم كل شهر نتحاسب اعتبرو الشغل شغلكم كل واحد نهاية شهر ياخذ حقه 

كملت العده بقيت على الاسود طول حياتي 

رجعت لدراستي وتخرجت الحمدلله سحبت من الفلوس حتى اتعين لان ما شاءلله بالعراق كله فلوس واسطه 

تعينت بدائره حكوميه 

اطفالي قدمت لهم مدرسه اؤديهم معي من اروح لدوام وارجعهم معي اني ادرسهم مستواهم كلش زين الحمدلله 

أسيد صح فارق الحياه لكن ما فارق قلوبنا بقئ بكل لحظه عايش معنا 

كل فتره اخذ جهال واروح ازوره للمقبره 

ياسمين مرتاحه بحياتها وعدها طفل ثاني بطريق....

أوقات مجبرين للعيش من أشخاص اخرين على رغم ماخسرنا 

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم

لمتابعة باقي الرواية زوروا قناتنا على التليجرام من هنا 

شكرا لزيارتكم عالم روايات سكيرهوم