رواية حرم الاسود الفصل الخامس والعشرون بقلم بتول ابو الليل
لم تدرك الشمعة يوما انها احتضنت خيطا اهلكها"؟
.➛ ✿✿ ✿✿ ✿✿ ✿✿ ➛.
اجاني تيمور يركض كبل حضني اول ماحضني حسيت طلقات احتلت احشائه شهك بصوت عالي من الألم باوعلي بنظرات كلها دموع صرخت بصوت عالي
_تيمووووووورر
صار راسه علئ متني احس الدم تجمد بيه حضنته واني اصرخ بصوت عالي ورجف من الخوف والرعب
_تيموووور حاجيني تييييموررررر ياالله دخيييلك تيموووور ياااناااس يالعالم .
صارر ايدي كلها دم من ظهره انصاب طلقتين اعتقد وحده بخاصرته وثانيه بظهره صار بالكوه يتنفس لزمت وجهه بين اديه صارت لحيته كلهاا دم ابجي واحاجي بخنكه.
_لاتموت تيمور لاتعوووفني لاترووح فتح عيوونك باوعلي سااااااعدوني ياااااعالم يانااااااس سااااعدونيييي.
جنت اريد اكوم اصرخ اطلب المساعده لزم ايدي مخلاني اكوم يباوعلي بألم ميكدر حته يحجي رجعت حضنت راسه علئ صدري ابجي ورجف اصعب لحظه تمر عليه
_تحمل تيموووور تحمل ساااااعدوني ياااناس ساعدووووني تيمور لاتموت لاتمووت تحمل
التمت العالم علينه كلهاا تباوع خايفه تتقرب علينه صرخت عليهم
_علئ شنووو تبااااوعون سااااعدو راح يموووت الله يخليكم ساااعدو.
شالو مني عقل ماضل براسي كمت اركض وراهم خلو بالسياره صعدت وياه خليت راسه بحضني ابوس براسه وابجي ورجف.
_تيمور تحمل لاتعوفني اني اسفه والله اسفه لاتموت ماكدر اتحمل هل ذنب فدووة فتح عيونك حاجيني تيمور فتح عيووونك لاتنااام
الرجال يسوق ويباوع النه بالمرايه حالتي يرثئ لهاا اول مره احس بشي اتجاه تيمور خايفه عليه ماريده يموت ماريد يصيرله شيء
جنت ادعي شكدد عليه واتمنئ بس اخلص منه بس بعد الصار حاسه بالذنب ماكدر اكون ظالمه وياه مثل الكل
لبه طلبي وجان ناوي يطلكني بس حته اكون مرتاحه سوه كلشي لخاطري
اباوعله فاقد وجهه صار اصفر خليت راسي علئ صدره اسمع النبض ضعييف ومينسمع صرخت بصوت عالي
_لااااا تيممممور لاا لاتموووووت لاتعوووفني عمووو الله يخليك بسررررعه مابي نبضضض رااااح يمووووت راح يمووت تيموووور فتح عيووونك شووووفني اني يمك ماااعوفك ابقه وياك والله ابقه بس فتح عيووونك حاجيني تيمووور
تخبلت اصرخ وابجي اهز بيه ميتحرك ونفسه ضعيف كلش ساق بسرعه وصل الرجال للمستشفئ.
طلعو الدكاتره بسرير اخذو منه للطوارئ رحت اركض وراهم ماخلوني ادخل منعتني الممرضه
الممرضه : ميصير عيني ابقي هنا
_دكتوره الله يخليج ساعدي لاتخلي يموت فدووه ساعدي سوي أي شيء
الممرضه : انشالله
عافتني وراحت كعدت علئ ركبي ابجي واشهك بصوت عالي احس نفسي ضايعه شسوي هسه شلون اتصرف
ماتمنيت هيج يصير كلشي جنت اتمنئ يبتعد عني وعن حياتي
تذكرت كلامه لبارحه والحجاه عبالك يعرف بنفسه راح يصير هيج بيه معقوله يموت؟
لا لا انشالله ميصيرله شيء خليت ايدي علئ كلبي يوجعني حيل.
لازم احجي ويه اهله اباوع حواليه ماكوو لا جنطه ولا تليفون يمي تخبلت مافكرت بأي شيء غيره.
كمت من الارض امسح بدموعي گلبي مفرفح عليه اباوع للباب ودموعي عشره عشره دخيلك ياربي احمي.
منوو ضربه وليش اكيد جانو ناوين يقتلوني اني وهوه صار مكاني حماني منهم ليش ماخلاهم يقتلوني موو كال بعد ماريدج بحياتي.
اخ تيمور ااخ منك ليش هيج تصرفت ياريتك ماسويت كل هذا ياريت تعرفت عليك بغير هل طريقه حيرتني وخليتني موقف صعب كلش.
كلشي اتمناه هسه تتخطا هل حادث وترجعلي ماريد شيء ثاني.
بقو هواي بغرفة العمليات صرت اخذ الممر رايحه راجعه مخليه ايدي علئ گلبي ارجف شويه وصل اخوي للمستشفئ يركض.
شافني اجاني بسرعه حضني بقوه اني جامده ماسويت ي حركه كرهت اخوووي حيل بعد السمعته والعرفته عنه .
مسلم : الف الحمدالله عبالي صارلج شيء
_كالولك راح نكتل اختك موو؟
ابتعد عني مستغرب من كلامي صارر يباوعلي بتوتر وخوف ركزت بعيونه وحجيت بجديه
_بيا عين جاي وتحاجيني هاا بيا عين انتَ اصلاً ميت بعيني هسه ماعندي اخوو اني مسلم اخوي مااات مااااات روووح مناااا يلا روووح
مسلم : اريانا شبيج شنوو هل كلام
_ههه مسوي نفسك مسكين وانتَ اساس السالفه عبالك مراح اعرف بشغلك القذر بتصرفاتك بخبثك وتعاطيك للمخدرات انتَ شلوون تدخل بهيج سالفه مجااااي استوعب والله انتَ مستوعب الغلط السويته مافكرت بمرتك بابنك امي ابوي احنه خوووواتك ماكلت يصير شي بينه شلووون تعمي عينك الفلوووس من شوووكت انتَ هيييج مسلم من شووووكت تفكر بانانيه هييييج
بلع ريكه بتوتر وجهه صاار اصفر دنك راسه ومجاوبني اكتفه بالصمت روحي احسهاا تفور.
_متكدر تحجي موو ماعندك حجي تحجي اصلاً مالك حق بهل شيء شووف تيمور وين وصل من ورا تصرفاته خسر ابوه وهسه بين الحياة والموت ع شنوو فهمني شستفاديتو هسه هايي فلووس الحرام عمرها مراح دوم الكم عبالكم تربحون بفلوس الحرام صدكني ماتربحون ماطول ربنه موجود وهوه عادل مايخلي اشكالكم تربح انتَ تدري المخدرات شسوت بالعالم تدري شكدد دمرت شباب وعوائل كل هايي الناس خطيئتها برگبتك انتَ وتيمور ثنينكم مسؤلين عن كلشي.
مسلم : كاافي اريانا لايسمعج شخص اسكتي بعدين افهمج كلشي والله بس اهدي هسه فضحتينه شتكول العالم علينه
_ماسكت سكتت هووواي وتحملت بما فيه الكفايه دخلتوني بشغلكم القذر وخليتوني اعيش برعب وخوف طول عمريي مستحيل اسكت عنكم خلي تعرف الناس تخاف من الناس بس ماتخاف من الله انتَ شنووو من بشر هيج ربونه اهلنه هيج علموووك.
مسلم : هذا تيمور النذل هوه الي خلاج بنص السالفه اني معليه بشي واصلاً جانو مايريدون يأذون شخص من عائلتي لأن ممتعاند وياهم بشي.
_اذا هوه نذل فأ انتَ انذل واحقر منه سمعت ماكو فرق بينك وبينه انتم ثنينكم نفس الطينه مع الاسف انتَ اخووي ورابيه وياك
مسلم : ارياناااااا
_لاتصيح احسلك ماتخوفني سمعت قسم بالله اشتكي عليك بالمركز اخليك تعفن بالسجن مايهمني لا اخو ولا زوج عبالك تهموني لااا غلطان كلشش ادفعكم ثمن كل غلطه سويتوها حياتكم بين اديه هسه .
مسلم : تخبلتي انتِ شبيج ماشتغل وياهم هسه هل حجي من زمان صار اني اخوج تردين دمرين حياتي.
جنت اريد احجي طلع الدكتور من صالت العمليات عفت مسلم ورحت عليه اركض اريد اطمأن علئ تيمور.
_هاا دكتور بشر شلونه
دكتور : حالته كلش كلش صعبه بصعوبه كدرنه نلحك عليه بس مانطيج أمل قوي يرجع طبيعي اكو ضربه صايره بخاصرته ضاربه بالطحال والثانيه بالعمود الفقري يعني احتمال يصير مشلول.
فتحت عيوني بصدمه خليت ايدي علئ حلكي دايخه بكلام الدكتور دخيلك ياربي ليش هيج عيوني انترست دموع والغصه خنكتني خنك
مسلم : نكدر نشوفه
دكتور : خلي يوعه من البنج وياخذو لغرفة العنايه هناك تكدرون تشوفونه.
مسلم : ماشي دكتور اشكرك.
دكتور : معافه انشالله.
عافنه الدكتور وراح بقيت واكفه مكاني جامده الدمعه بعيني ليش هيج صاار دمرت حياته كلياً شستفاد هسه شنوو الي حصله من هل شغل.
خسر كلشي حلوو بحياته وهسه خسر صحته ومراح يكدر يمشي
لوو ما هوه ليوم جنت اني مكانه ونفس وضعه هسه
اجه اخوي خله ايده علئ كتفي دفعت ايده ورجعت ليورا صافنه والخنكه كاتلتني كتل اريد اصرخ املخ روحيي انهيارات بداخلي.
رحت اتمشه بكسره كعدت علئ الكرسي صافنه حايره شلوون اتصرف
خليت ايدي علئ وجهي وشهكت احس گلبي صاار يوجعني حييل.
دموعي صارت تتسابق بصمت ياربي دخيلك حيل صعب هل امتحان شلوون راح اتخطا كل هل امور اني.
تيمور شلوون راح يعيش حياته اذا انشل شلوون.
مسلم : كافي بجي كومي نروح نشوفه
_روح منا لاتبقه هنا مسلم رووح ماريد اشوفك ابد ولا اسمع حرف منك رووووووح كله منك انتَ المسؤل عن كلشيييي روووووح
مسلم : اريانا افهميني لاتسوين هيج صدكيني اني عفت هل شغله موو وياهم هسه شعليه بيه
_كاااافي كااااافي مسسلم اسكتتتت انتَ المسؤل عن كلشي لْـۆ مااا انتَ ماخذ الفلوس مجاان وصلنه لهل وضع وهل حاااله ولك شوووف تيمووور شصااار بيه بااجر يجي دورك فكر شرااح يصير بامي فكرر باهلك شلوون عندك كلب تسوي هييج فهمنيييييي شلووووون .
مسلم : اصلح كلشي مابقه هيج طول عمري والله اهدي .
_انتَ دمرت حياااتك بيدك متكدر تصلحها بعد لوو شما سويت متكدر
عفته ورحت علئ الغرفه العنايه اخذو تيمور عليها دخلت عليه جان وضعه يكسر الگلب
التنفس بخشمه ومضمد جسمه شهكت بغصه وكسره رحت عليه
كعدت يمه لزمت ايده خليت اصابعي بين اصابع ايده بست ايده بهدوء ليش هيج اسوي احجي عليه ومحترك گلبي ع وضعه وحالته
_اني ماكرهك ليوم عرفت نفسي ماكرهك ولاتمنالك الموت تيمور اني عمري ماحقدت علئ انسان
ولا كرهت بشر بس انتَ حييل اذيتني عيشتني لحظات كلش صعبه.
ياريتك ماسويت هيج ياريت هذا حبك واهتمامك سويته بغير طريقه وخليتني احبك واهتم بيك مثلك واكثرر.
شوف شصاار بينه هسه انتَ خسرت نفسك وصحتك واني دمرت كل حياتي كرهت كلشي والله.
دنكت راسي خليت خدي علئ ايده ابجي واشهك.
_ماعوفك بعد راح ابقه وياك اداريك واخليك تتحسن وعد ماعوفك
بقيت هوواي كاعده يمه واحجي ويه نفسي وابجي شبعت بجي احس عيوني طفن
مسلم مادخل بعد راح للبيت اعتقد واني ماريده يبقه ممتحمله احجي وياه حرف واحد كرهت روحي واهلي وكلشي بالحياة
احس نفسي جنت عايشه بوهم وكلشي موو حقيقي يوم عن يوم جاي انصدم باشياء
ساعه ودخلت علينه امه واخوانه ولد اعمامه تكول مداهمه صارت علئ الغرفه صرخت امه واجت يمه
جنان : يممممه ابنيييي تيمووور حاجيني حبيبي شصاااير بيك دخيلك ربي لاتفجعني بيهم كلهم فتح عيوونك تيمور حبيبي
ساهر : شصاار شلون تصاوب
قصي : اريانا فهمينه شيء شصاار شلوون هيج اتصاوب انتم موو جنتو سويه
ضياء : البنيه بحالة صدمه عوفوها ترتاح هسه بعدين تحجيلكم.
ابراهيم : بويه اطلعو من الغرفه موزين عليه التجمع هذا خلو يرتاح.
ساهر : منوو هل نذل الي جاي يتقصدنه بكل مره لازم نوكفه عد حده
قصي : اكيد واحد منه وبينه.
ضياء : اني شاك بزيد
براهيم : ضيااااء شنوو هل حجي زيد ابن عمه شلوون يأذي
ضياء ; بويه بعد الكلام الصار اتوقع انو ..
براهيم : اششش لاتحجي شيء اكبر منك سمعت لوو شما يصير زيد ميسوي هيج ابن اخوي واعرفه زين .
جنان : والله اذا طلعو همه ادخلهم السجن كلهم
براهيم : اذكري الله خويه احنه هواي عدنه منافسين بالشغل منوو يكول همه هذا ضياء يحجي بكيفه لاتاخذين كلامه بجديه
خزر عم تيمور ابنه حته يسكت الكل يحجي موضوع الحادث واني ساكته واباوع لتيمور بقهر ميعرفون الحقيقه حقهم يشكون بيهم فجأه دارت وجهه عليه ام تيمور وكالت
جنان : كله منج انتَ لله لايوووفقج حقيرره جسحتي جاسر وهسه راح جسحين ابنييي مستحيل اخليج دقيقه وياه بعد طلاكج راح يصير علئ ايدي هل مره ماتبقين بيتي دقيقه
ساهر : يمه شنوو هل حجي
جنان : لاتدخلووون اني عفتكم تصرفون بكيفكم مايوم دخلت بحياتكم بس من ليوم لاا كلشي اريده راح يصير مستحيل اسمح لهل نماذج تاخذكم منيي.
مافتحت حلكي بحرف دنكت راسي بقهر ساكته مالي خلك حته ارد ياريت لوو اني ميته وخلصانه من كل هل سالفه مليت وتعبت كلش والله.
جنان : من لبارحه جنت اريدج طلعين من بيتي بس ابني شسويله مادري ساحرته شمسويتله الله اعلم موو صعبه عليجن مثل ماسحبتي عليج تسحرينه
براهيم : ام تيمور شبيج خويه صدك جذب مخليه عقلج ويه البنيه شنوو ذنبها بكلشي صاار.
جنان : هيه راس البله كل المشاكل من وراها هيه السبب بكلشي شوف وين وصلتنه لبارحه فضيحه وليوم ابني بين الحياة والموت وكله بسببها هيه .
براهيم : حته لوو غلطت انتِ مثل امها تعلمينها وتوعينها موو تحجين عليها هيج
جنان : مايشرفني تصير هيج بنت عندي خلي ترجع الاهلها يربونها عدل ويعلمونها الخلاق ضاهر ممتعلمتهن.
مسح وجهه عم تيمور بتوتر شاف امه ماوارها نتيجه عافها وطلع من الغرفه طلع الكل بس امه بقت كاعده يمه تباوعلي بحقد وكرهه تمسح علئ راسه بهدوء وتقرا ايات
بقيت كاعده مقابيله اباوعله بصمت احس نفسي متحطمه شويه وتحرك وهمس بصوت تعبان
تيمور : اريانا وينها اريانااا
كمت علئ حيلي واني كلبي يدك بسررعه والدموع متجمعه بعيني فرحانه وخايفه ومتوتره مشاعري متخربطه.
تيمور : اااااخخخ ااااااخخ بووويه ظهرري اااخ
جنان : ماما تيمور حبيبي فتح عيونك يروح امك شوفني
تيمور : ظهررري ولكم اااااخ راح امووت اااااه
جنان : بسم ام البنين عليك تحفظك وتخليك الله لايوفقهم ليش هيج ياربي تحمل حبيبي هسه راح اشوفلك الدكتور .
بقه بس يصيح من الالم مغمض عيونه ويتألم من ظهره احس گلبي انعصر عصر عليه راحت امه طلعت تصيح الدكتور يشوفه تقربت يمه لزمت ايـده بتوتر احاجي
_تيمور فتح عيونك هاي اني اريانا شوفني يمك
تيمور : اريانا ..اريانا ظهري بطني سجاجين بيه اموت اني ..لاتروحين اريدها خلوها لاتتقربولها.
لزمت وجهه بين اديه ابجي علئ وضعه وحالته
_اشش كافي اهداء هسه يروح الالم راح يجي الدكتور.
فتح عيونه حمرر دم وبيهن دموع يعصرهن حيل من الالم يعض شفته السفليه بقوه
تيمور : اريانا
عضيت شفتي بنص دموعي احس گلبي راح يوكف حضنته من راسه واني ابجي واشهك
_ء شيأذيك هسه شسوي فهمني حيل خااايفه تيمور راح امووووت والله كلبي راح يوووكف.
صاار وجهه احمر من الالم نفسه كوه يجره يريد يحجي ميكدر ابتعدت عنه شويه خليت ايدي ورا ظهره احرك بيدي بهدوء حته بلكي يخف الوجع عنه
_اسحب نفس هسه شويه ترتاح اسحب نفس
سحب نفس بقوه فرفحت روحه من الألم صاار يعض شفته يكتم الالم بداخله شويه ودخل الدكتور وياه ام تيمور واخو ساهر
دكتور : لاتلمسين الجرح بويه
_لا بس
جنان : وخري عنه وخررري
اجتني جرتني من ايدي وبعدتني عنه ماخلتني حته اساعده بشي باوعلها تيمور بغضب عيونه حمر يخوفن من الوجع والالم.
بقيت واكفه اباوعله من بعيد خايفه حيل عليه.
انطاه الدكتور ابر بالمغذي شويه رتاح وسكن الألم عنده غمض عيونه ورجع نام.
ساهر : راح يتحسن دكتور
دكتور : لازمه راحه وعنايه الجرح بعده اخضر لازم ميتحرك هواي.
جنان : اني اهتم بيه
دكتور : خلو يرتاح موو زين عليه الضغوطات بعده جرحه ماطاب يتأذى اذا يحجي ويضغط علئ نفسه
عافنه وطلع الدكتور طلع ساهر وياه امه كعدت يمه تبجي علئ حالته.
خايفه اتقرب يمه وتحجي عليه عفتهم وطلعت من الغرفه كعدت برا علئ الكرسي
عيوني مورمه من البجي راسي احسه صاير طبله التمت ولد عم تيمور كلها واعمامه وخالاته.
صار المستشفئ عباره عن ناس شيء صار يخابر شي والتمت العالم.
اني ماخذه زاويه ماحجي ويه ي بشر ولا الي خلك اصلاً يجون يسالوني عن الحداث ماجاوبهم مكتفيه بالصمت
صارت وجبه تدخل وجبه تطلع من الغرفه صار اليل واحنه علئ نفس الوضع اني لعبانه نفسي واريد بس اتقيئ من اخاف وابجي هواي تلعب نفسي واتقيئ يلا ارتاح.
طلع قصي من غرفة اخوه تيمور واجه نحوي سحب نفس وكال
قصي : تيمور جوه يريدج
رفعت راسي اباوعله هزيت راسي بأي كمت من مكاني ورحت دخلت عليه للغرفه جان وحده محد موجود وياه.
شويه احسن يكدر يحجي وضعه مستقر ركز بعيوني بقيت واكفه واباوعله بقهر انملت عيوني دموع.
تيمور : ليش واكفه تعاي.
شهكت بخنكه نزلت دموعي بقهر رحت بسرعه عليه حضنته بقوه واني ابجي بصوت مسموع واشهك عبالك طفل صغير.
_خفت والله خفت هوووواي ليششش هييييج تسووون بيه ليششش تيمووور ليششش.
تيمور : ااخ علئ كيفج لاتخافين ماطول اني عايش مستحيل اخلي بشر يوصل لشعره من راسج.
ابتعدت عنه واني دموعي تنزل علئ خدي بسرعه لزمت وجهه بثنين اديه.
_لاتسويلي شيء بعد تيمور لاتحميني خليني اموت احسلي والله انتَ بهاي تصرفاتك تموتني اكثر خليني اموت ورتاح.
تيمور : شلون ترديني اعوفج واني لخاطرج ماخليت شيء ماسويته.
_اني ماريدك تتأذه اكثر كلشي سويته غلط ماريدك تغلط اكثر.
تيمور : اني كلني اغلاط راضي تكونين غلطه بحياتي.
حيرني خلاني ماعرف شحجي دنكت راسي بقهر.
تيمور : ليش تبجين مو جنتي تدعين عليه اموت؟
_مو عليك ابجي علئ حضي وحياتي الخربت
تيمور : اممم اي ادري بيج
_بعدك متوجع
تيمور : شويه احسن بس ظهري يأذيني
_اي هوه كال الدكتور ضربه بظهرك و بخاصرتك.
تيمور : ماكدر حته احرك روحي احس روحي متشنج.
عضيت شفتي بقهر ميعرف روحه راح ينشل بقيت اباوعله بتوتر عقد حواجبه وكال
تيمور : شبيج
_الدكتور كال
تيمور : شكال؟
_احتمال كلش قوي هل ضربه الي بظهرك تخليك تنشل ..
....
أليڤ : هسسه طلعهونها من بيتي مستحيل تبقه دقيقه هناا
رهف : انتِ شبيييج صدك تحجين شلون تضربينها وهيه مريضه موو خطيه خافي الله حرام عليج
أليڤ : انتِ لاتدخليييين سمعتي مالج دخل بتصرفاتي جايتني تحاسبين بيه منوو انتِ شمعتبره نفسج شايفه روحج علئ شنوو فهميني ترا تحملتج بما فِيَھ الكفايه اجي هسه امرعدج مثلها
آرون ; ألييييييڤ
دارت وجهه تباوعله ضربها راجدي قوي علئ وجهه خلت ايدها علئ خدها.
آرون : اشك وصلتين اذا فكرتي تفكير واحد تطاولين علئ رهف.
أليڤ ; اني تضربني؟
آرون : اطيح حضج قسم بالله اخليج تعضين اصابع ندم علئ كل حرف تحجينه خليني صابر وياج ومتحملج لحد هسه
شلوون تمدين ايدج علئ اليان منوو سمحلج تضربينها اصلاً هاييي امانه يمي واني كتلج لاتتقربين صوبها منوو سمحلج تسوين هيج تعانديني انتِ لوو شنوو بالضبط.
أليڤ : والله اذا ماخليتك تتندم يا أيسر مايطلع اسمي أليڤ تضربني علئ هاي الكح** الي ماعرف من يا ملهه ويا شارع جايبها عليه مخليها بيتي وتتهجم عليه وتضربني وانتَ هم واكف وياها وتضربني والله حلوو.
آرون : تضربج؟ انتِ شايفه روحج شمسويه بيها مدميتها دمي ومشلعه راسها بيدج ومخليتها جثهه وتكولين تضربج ولج هيه مريضه مريضه حته لوو حجت عليج لوو تهجمت المفروض تعوفينها تتجاهليها كتلج بس هل كم يوم تبقه يمنه شصارلها هسه وانتِ سويتي هيج بيها.
رحيم : ولله عيب هل تصرفات بويه انتِ موو صغيره
أليڤ : لاتدخلون بيناتنه اوووك ماريد اسمع شي منكم اني وزوجي معليكم.
لزمها آرون من شعرها صرخت ولزمت ايده بوجع
آرون : ناسيه هذا التحجيييين وياه ابوووي ولجججج ألييييڤ ليششش تخليني انتحر بيج
أليڤ : عووف شعري وخرر عنييب وخرر
رهف : خويه صدك جذب عوفها هيه مواعيه علئ كلامها ضايجه
أليڤ : لاتسوووين روحج مسكينه انتِ الي تحيلين بيه عليه عبالج ماعرفج واعرف تصرفاتج نسيتي شلوون لفيناج عدنه من بقيتي بالشارع هسه هيج تسوووين بيه
سحبها من شعرها واخذها للغرفه وسد الباب بقينه اني وابوي بالصاله واحد يباوع بوجهه الثاني ..
نسمع صياحها وحجيها شويه وصار الضرب والتكسر والضاهر كتلها صارت تصرخ بصوت عالي
رهف : بابا فدووة روح عليه لايموتها خطيه
رحيم : لا خليها هيه موو تكول لاتدخلون تعاي.
رهف : لا لا فدوة بابا هيه مواعيه علئ نفسها اذا هيه غلط احنه لازم نعلمها ع صح فدوة خلصها منه ماكدر اسوي شيء اني لخاطري فدووة.
راح بابا علئ غرفتهم صار يدك بالباب بقوه يريد يفتحه قافله أيسر
رحيم : أيسرر بووويه افتح الباب صدك جذب ولك بووويه كافي مرتك هاي شجاكم تخبلتوو افتح الباب يابووويه افتحه
فتح الباب أيسر وجهه احمر ويتنفس بغضب عافنه وراح علئ غرفتي مدري شيسوي راح وراه ابوي شويه وطلع شايل اليان
رهف : وين وين ماخذها.
آرون : ماتبقه ويه هاي لازمها راحه وعلاج موو عرك وكتل.
رحيم : بويه أيسر اذكر الله البنيه فاقده رجعها للغرفه ومرتك راضيها تصرفاتك هاي وراها خراب اذا تروح وتحجي الاهلها تطيح مشكله كلش جبيره
آرون : ميهمني جانت غلطه اني غلطت يوم اخذتها هيه ماتستاهل حبي وحرصي عليهااا شفتوو اسلوبها وياكم ماخذه الكل بعين صلفه تحجي.
رهف : خويه والله ضايجه غير تحبك وتغار عليك
آرون : من خررررااا بهيييج حب انيي ماريد هيج لعبان نفس تحملت سكتت اكول ميخالف بعدها ممتعوده بعدها صغيره تتعلم بس الئ متئ لشوكت اني ابقه وياها هل شكل ولكم هاي البنيه عرضت روحها للخطر خلت المسدس براسها بس حته تحميني وتخليني ارجع الكم واني هسه يوم واحد وانكتلت بيتي ليششش اريد افهم شبيهاااا.
اخذها بابا من ايد أيسر رجعها مددها علئ السرير لزمه من ايده وطلعه من الغرفه
رحيم : خليها هنا لاتعرضها للخطر اكثر خلي تتحسن حالتها ورجعها
آرون : اني شنوو الي اريده بس اعالجها وتروح ماتبقه ويانه ولكم والله تروح تروووح
عفتهم ورحت علئ أليڤ اشوفها جانت كاعده علئ السرير شعرها منكوش وتبجي بصوت مسموع شافتني باوعتلي بحقد وكالت
أليڤ : فرحانه موو فرحانه لأن كتلني اخوج عليج بس والله اني موو بنت ابوي اذا مافضحتكم فضيحه اصبرولي.
رهف : اني شعليه ليش دخليني بنص السالفه شمسويتلج
مجاوبتني دارت وجهه عني عفتها وطلعت مالي خلك اتعارك وياها اندك باب البيت الظهر الاذان يأذن.
راح اخوي فتح الباب جان جون صديقه دخله للبيت كعدو بالصاله لأن نعتبره واحد منه
جون : شلونج يحلوه
رهف : الحمدالله خويه انتَ شلونك
جون : هم كالت خويه هذا ايسر معلمج ع هاي السوالف موو
رهف : ههه لعد شكول
آرون : شتريد جون مرتين جايني ومادري بيك
جون : هاي شنو؟ عليه هل حجي حرام اجي ازورك واشوفك
آرون : لا مو هيج بس شويه مشغول
بنص السالفه طلعت أليڤ من غرفتها دموعها علئ خدها صاحت بصوت عالي كدام جون
أليڤ : ايييي حقه مشغول ملتهي يلفي بالكح**اب بيتنه هذا هوه شغله اذا ماتعرفه انتَ اني احجيلك عليييه.
باوعلها ايسر بغضب جون بقه بس يصفن ماعرف شنوو الموضوع.
آرون : أليڤ ادخلي للغرفه بويه بعدين نحجي
أليڤ : بشنوو نحجي بعد ماكوو اي حجي بينه بعد كلشي انتهه هسه خابرت اخوي راح يجي ياخذني مستحيل ابقه وياك مستحيل
آرون : بعد احسن خلي يجي ويصير الحجي كدامه
أليڤ : خليك بعيد عنه جون هل انسان يدور سوالف مكسره
آرون : منووو يدور سوالف مكسررررره ولجججج أليييييف
كام من مكانه عليها يريد يضربها صار حاجوز بينهم جون
جون : أيسر لخاطري خويه عووفها
آرون : اذا ماشكيت حلكج علئ هذا الحجيييي انييي مووو زلمه اعلمج شلوون تطاولين هيج بنت ** اطلع الزبايل مالتكم هسه كلهاااا
جون : امشي وياي تعال
آرون : وخررر مني جووون وخر خليك بعيد عن السالفه رجاء
جون : دمشي وياي ماسوي شيء اطلع
بالكوه سحبه جون من ايده وطلعه من البيت بقيت صافنه علئ أليڤ شهل صلافه الشايلتها ممعقوله ليش هيج تصرف
ابد مجانت هيج متخبله هل فترا كلش وتريد تاكللها ناس ..
باوعت النه بغضب عافتنه وراحت لغرفتها ابوي هم طلع بقيت وحدي رحت علئ غرفتي
جانت اليان نايمه وتون كاسره خاطري هل بنيه والله حرام الي يصير بيها
رحت يمها بقيت اباوعلها متغيره قبل من اجتنه جانت تجنن وجهه مدور وخدودها هسه ذبلانه كلش وتعبانه حته دم مابقي بيها اصفر وجهه.
بقيت كاعده يمها هواي ساعه وصحت علئ نفسها تحركت وكالت.
اليان : ااخ راسي
رهف : اليان حبيبتي انتِ زينه
فتحت عيونها باوعتلي بستغراب شافتني كاعده يمها فركت عيونها بتعجب وحجت بتوتر
اليان : انتِ؟
رهف : عرفتيني
اليان : شلون ماعرفج اخت آرون
رهف : ههه اي واخيراً صحيتي علئ نفسج يالله الف الحمدالله
اليان : اني وين؟ شجابني لهنا شديصير
رهف : يرجع اخوي ويشرحلج كلشي
اليان : راسي حيل يوجعني وعيوني مغوشه احس روحي جنت بغيبوبه.
رهف : اي لان جنتي نايمه من العلاج
اليان : ياعلاج اني وين وشصار بابا صدك مات لوو جنت بحلم اني
رهف : لا صدك مات ابوج وبعد كم يوم اربعينه تصير
اليان : واني شسوي هنا فهمينيييي شسوي
رهف : اهدي هسه اخابر علئ اخوي واخلي يجي ويفهمج لأن اني كلشي ماعرف
اليان : اي اتصلي اتصلي خليني افهم شديصير ليش اني هنا شجابني عليكم اني بغداد شوصلني الاربيل نعاد الزمن شنوو مجاي افهم
اخذت جهازي اتصلت علئ اخوي يرن عنده بس ميجاوب اخر شي رد عليه
آرون : ها رهف
رهف : وينك ليش ماترد
آرون : طالع مالي خلك شكو صاير شيء اليان زينه
رهف : اييي خويه نسيت الساالفه اني اليان كلش زينه وراجعتلها صحتها وهسه هيه عرفتني وسالتني عليك تعال للبيت تريد تحجي وياك.
آرون : صدك تحجين لو تشاقين؟
رهف : لا والله صدك تعال للبيت وشوف بعينك
آرون : جاي
سديت الخط منه رجعت عليها جانت كاعده علئ السرير لامه رجليها علئ صدرها وصافنه
رهف : هسه راح يجي
اليان : اكلج صدك ابوي ميت؟
رهف : اي حبيبتي مات الله يرحمه ويغفرله
اليان : بعده عايش اني حاسه مابي شيء شلون يموت هوه يحبني ويخاف عليه من الكل وعد ماما كلها ماخليها تحس بيوم يتيمه.
رهف : هذا يومه متكدرين تغيرين شيء كلنه نموت موبس ابوج
اليان : لا رهف لا فدوه كولي اتشاقه وياج
بعدها حيل متأثره موت ابوها كسرت خاطري بقيت كاعده وياها اهدي بيها ماريدها ترجع تبجي وتنهار من جديد شويه ودخل اخوي للغرفه شافته كامت علئ حيلها تباوعله عفتهم وطلعت من الغرفه.
اليان : احس جنت بعالم ثاني عالم بعيد عن العايشه بيه كلشي صاار وياي مثل الخيال
وضعي انهياراتي دموعي انتحاري موت بابا كلشي صعب مر عليه
شفت آرون اول مارجعلتي صحتي وكف بالباب يباوعلي مبتسم تجمعت الدموع بعيني همست بصوت مخنوك
_آرون
آرون : شتاقينه لهذا الصوت
تقدمت نحوه وهوه اجاني حضنته بدون أي مقدمات احس روحي حيل محتاجته بهل لحظه حضني اكثرر عليه.
_مات بابا عافني وحدي
آرون : الله يرحمه ويجعل مثواه الجنه
_لاتعوفني وحدي فدوة
آرون : يمج اني ماعوفج والله تعاي رتاحي
لزمني من ايدي كعدني علئ السرير كعد يمي لزم ايدي وكال
آرون : الف الحمدالله من رجعتلج صحتج وعافيتج
_شصاار وياي مجاي افهم شيء اني شجابني الاربيل موو رجعت لبغداد
آرون : هوه انتِ بعدج بغداد
_هاا شلون واختك
آرون : بعدين افهمج كولي هسه زينه نروح للدكتور يشوفج
_لا لا ماريد اريد اروح ازور بابا اشوفه ماكدر انتظر
آرون : بعد 3 ايام الاربعين مالته وروحي لازم ترتاحين هسه وتعرفين شلوون تاخذين ثارج من اخوانج وبالاخص تيمور
_تيمور؟ لـيش شسوه حته انتقم منه
آرون : متذكرين أي شيء يعني
_ابد مجاي اتذكر اشياء بسيطه اتذكرها مثل الخيال احجيلي آرون تيمور شسوالي ليش هيج حالتي اني شصاار وياي
آرون : اخوج تيمور جان يشرب بيج مخدرات ...
