رواية في ذمة الغريب الفصل الخامس والعشرون 25 بقلم كنوز

يحجي ومبتسم مثل المجنون بوجهي شال راسه يعاين لمكينة الخياطة مال عمتي ضحك أكثر وجر المكص مال الخياط جبير 

:: هسه انا شسوي حتى اتوبج من الجية لهنانة 

طاحن دموعي رعب و خوفي كل ذرة من جسمي ترتجف ابتعد عني 

:: يله بساع راح اعد لتلاثة اذا لكيتج بعدج هنا ابدي باليسرة 

گمت اتوجه ع حايط رجليَّه يتراجفن طلعت امشي و عباتي هادلة ع جتافي اديَّه لواحدها ترتعش كوه عدلتها ع راسي عيوني تدور البستان اريدن المح واحد من اهلي 

فزت روحي فزت الطيور الملمومة ع شجرة من سمعت صوت خطوات وراي ركضت بدون ما اندار وكلبي يندب ياالله يا علي 

صوت عمتي أنعام تنهج بـ انفاسها و تصبح بنبرة ناصية 

:: اوكفي عمة اوكفي براءة 

بلعت ريگي بخوف وكفت الها 

بجيت لحد ما هدات روحي گمت وكفت جدام المرايا زحت شالي طاحت دموعي بقهر وانا اشوفن شعري لرگبتي مدت أيدي وكعت الخصل المگصوصة بيدي 

اخذت ثوب و طلعت للحمام غسلت و رجعت للحجرة سمعت صوت سجدة اجت من شغلها بساع تغطيت 

:: براءة شني نايمة 

سكتت بلا رد حتى تروح طبگت الباب ع كيف و راحت بقيت حدر الغطه لحد ما نمت من صدك 

كعدت ع صوت سجدة تهز بجتفي و تنده اسمي بصوت خافت 

:: براءة شو كعدي خل اشوفن شسوالج صدگ گص شعرج 

فززني كلامها طلعت راسي بساع انشدها مستغربة 

كومتني تتلمس خلصات شعري بيدها مسحت ع عيوني كعدتني ع كرسي رشت ماي ع شعري وجابت مكص تساوي الخصلات كلها وكالت تلومني 

:: موش گالج لا تروحين لبيت عمة انعام ليش رحتي 

:: صدك تحجين سجدة يعني تبريلله فعله وياهو هو حتى يمنعني اخوي ابوي 

صارت جدامي و بغضب تحجي 

:: بيت انعام لا توصلينه بعد براءة فهمتي 

:: ليش فهميني موش تأمرون بيه وانا لزوم اطيع ع عمى عيوني 

دارت بالحجرة تروح و ترد بقلق زاد خوفي تنهدت بصوت مسموع و كالت مستسلمة 

:: شاك بيها جانت هي تنطي لعون مخدرات 

:: جذاااب يريد بقنعج بهذا كلامه موش كلنه نعرف رحاب هي جانت تحط اله بالزاد و الماي شلون فرها ع عمتي 

:: هسه اكرها لرحاب ما احبنها وعسى الله لا يرحمها بس حجاية الحگ تنگال لا هي جانت تفوت بيت عون ولا تنطي اكل و عون ما جان ياكل الاع يمنه لو يم عمة انعام وهي دوم شايلة صينيتها ورايحة اله.. ياهو حط اله المخدرات لو احنه لو هي شنهي رأيج 

:: يعني ضروري من عدنه يجوز شخص من بره غريب يكره 

:: الحمى ما تجي الا من الرجلين براءة و كلام فطرس قنعني كلش ادعي الله يطلع غلطان 

:: هسه اكولن اقتنعت و صدك عمة انعام جانت هي تحط اله بس ليش شنهي عداوتها وياه 

:: اكيد حيدر گال الها وهي تقدس حيدر و عدها كلامه فرض واجب تطبقه 

:: المهم بيت عمة انعام لا توصلينه لحد ما فطرس يتأكد و نشوف السالفة وين توصل 

هزيت راسي اي الها وهي بعد ما جانت ترتب بشعري توقفت ايدها و صفنت بالفراغ مثل شخص استوعب شي صحت بـ اسمها ما سمعتني بعالم ثاني رجعت صحت بصوت أعلى و دغيتها 

:: سجدة شبيج وين صفنتي 

:: ما ادري بس المواضيع جاي ترتبط ناس بناس واذا صدك حيدر جان ورا إدمان عون يعني هو يشتغل بالمخدرات وابوي جان كاض قضية مخدرات و إذا صابت ظنوني يعني راح يصير بحر من الدم هنا 

عگلي صار مسرح للافكار السودة دخيلك ربي غمضت عيوني ادعي رب العالمين تعدي ع خير و رجعت نشدت سجدة 

:: ياهو فطرس 

ضحكت و رجعت وكفت وراي تعدل بشعري وكالت 

:: هو يمس الجن موش الجن يمسه 

فد حقدت عليه وانا جنت اكولن خطية و اعذرنه و كتبت اله ايات 

بقيت بحجرتي الخوف لسه بصدري اتذكر شلون يغير نبرة صوته شلون يگلب عيونه متت قهر ليش انا يصير وياي هيج اجتني نرجس شالت الغطه و نامت يمي و همست بـ اذني 

:: عمة 

:: هاا 

:: اليدن بقاله 

جريتها من خدها حبيتها اخذتها و طلعت اكشر الها برتقال تاكل اجه غفار تعدى من جدام المطبخ من صارت عينه عليه رجع بساع منتبه ع شعري 

:: ليش گاصة شعرج بيج شي 

:: لا شفت شعر سجدة حلو عجبني اسوي نفسه 

:: متأكدة 

:: اي 

هز راسه اي اشوفن قلق بعيونه راد يروح و رجع مسح ع راسي و بابتسامة كل 

:: براءة خوية لو صاير وياج شي احجي وياي خوش 

هزيت راسي اي من يوم عرف سالفة سجدة صار يدقق بكلشي يخاف لا يصير ويانه شي و نخاف نحجي اله 

شوية و اجتني سجدة 

عبست وهي كرصت خدي تضحك وياي و غفار شوية و دز رحمة هم تحقق و تطقس لو صاير وياي شي 

رحمة :: اليوم اخر جلسة اليوم النطق بالحكم الليل كله ما نمت و غمضت اليه عين رغم سجدة طمنتني الحكم راح يكون لصالحي بس قلق كشف الجو و بدا الضوه ينتشر گمت بساع بدلت وتجهزت 

طلعت ادور عليه فتحت البار صار بوجهي متغير بهذة الايام بيه شي بس ما دا يكول ابتسم رغم شحوب وجه 

:: هاا ع خير من الصبح 

:: نروح للمحكمة خاف نتأخر 

ضحك فتح اديه شبگني حتى شبكته تختلف صار أكو احساس بداخلي احساس يخوف احاول ادفنه و اقنع نفسي ماجت شي 

:: شو غادية صفرة شني ما ماكلة 

:: ما كدرت اكل بطني تلوي بيه من الخوف 

:: لبسي عباتج وتعاي 

اشرتلي بيبي براسها روحي غسلت اديه و لبست طلعت وياه شابك اصابعه وياه اصابع أيدي جانت حجية سلوى 

گاعدة تسوي خبز سياح 

:: اليوم الحجية عازمتنه ع خبز سياح ريوك يمها اذا ما تحبينه اجيبن الج غير شي 

:: لا أحبه ماكلة منه قبل 

سلمت عليها وهي باستني أشرت اله ع حصير من خوص گالت 

ابتسم ع كلامها جاب الحصير مده يمها واني اباوع ع حجية صفح همست اله 

:: أحس الحجية دا تقصفني لو أنا غلطانة؟

:: لا جاي تمدح ترافتج 

:: وأنت هم أحسك دا تضحك عليَّه 

ابتسم هز راسه لا هو و الحجية يضحكون جانت اكو سلة برتقال اخذ وحد كشرها و ينطيني شيف شيف واني عود صرت ام انا ردت إبراء بنفسي من لقب بزر جكليت گلت الها 

:: بالعكس خالة أني أموت على التراب احب اكعد بالتراب و اشم ريحته و

صفنت الحجية وهو ضحك اني شدا احجي خل ، اسكت أحسن أظل ع بزر جكليت ولا تكول عني مخبلة شماعية

دغيته بـ اصبعي اهمس بصوت خافت حتى لا تسمعني 

:: سمعت شگالت؟ أني فاهية اني 

:: مسحيها بلحيتي

:: لا مو سيد حرام خاف الله يعاقبني 

رفع حاجبه حتى عتابه حان بوجه مبتسم الي 

:: يعني لو موش سيد تمسحينها عادي 

رفعت اكتافي بنفي 

:: هي بكل الحالات مراح أمسح... هذا تعبير مجازي شبيك 

انتبهت ع حجية من طلعت من جيبها جكليتة خلتها بيدي و كالت بابتسامة 

:: لا تزعلين أنا مثل امج أحب أداهر وياچ

:: لا خالة ما ازعل منج اني 

:: جا كومي يمه جيبلنا بيضات من الگن

أشرت الي وين صاير الگن ورا صريفة الخرفان رحت صدك جانت الباب مفتوحة فارغ الدجاجات كلهن بره ياكلن بست وحدة نايمة وياه ما مديت ايدي وجان تنگرني هذيج النكرة جريت أيدي وصحت بيها 

:: عزا شجاج هي بيضة شكد نفسچ ضيقة ترى محد مات وأخذها وياه باچر عگبه ذابحيچ ومسويچ تشريب لو شوي

سمعت ضحكة وراي التفتت جان واكف يراقبني 

:: والله لو تسمعچ الحجية الا تظل تصنف عليج شهر كامل 

گمت انفض بعباتي من التراب و مديت ايدي المنگورة اله حتى يشوفها 

:: دشوف عليك الله شلون نكرتني على مود بيضة وهي أول و تالي حتى هي يذبحوها وياكلوها 

مد ايده اخذ من البيض الباقي بالگن اخذتهن منه بساع واباوع ع جهة الحجية اشوفها شافته من طلعهن هو لو لا من شفتها دايرة وجهه همست اله 

:: مو تكول الها اني طلعتهن الها تره هي منا تكول عليَّه فاهية واذا عرفت هذا إثبات يصير الها 

:: ما يحتاج تصيرين سباعية و گوية لاجل احد رحمتي انا احبنج مثل ما انتِ 

:: واني احبك همين 

جان دا يمشي توقفت اقدامه دار براسه الي كأن ما متوقع انطقها بلساني ضحكت عيونه 

:: عيديها بله 

غطيت عيوني بيدي الثانية احس صخنت من الخجل 

ما حسيت الا حاوطني بثنين اديه فتحت عيوني بساع صار نظري ع صدر قميصة وين اوصل اله 

:: حتى لو تغمضين عيونج و تكولينها قابل لا تخلينها بنفسي رحمة 

كلامه دا يخوفني كلش مو بس كلامه حتى تصرفاته نظراته و طلبه هسه 

:: اني هم احبك 

سحب نفس قوي و براحة دنك ع راسي باسني رجعنه للحجية تريكنه يمها اجوا ابويه و اخواني و الولد هنا هم كلهم راحوا ويانه قبل لا نطلع رشت براءة مي ورانا وكالت 

:: يبرالكم علي ترحون و تردون بالسلامة ان شاء الله محلولة سارت و سيرها علي 

شكد حلوة دعواتها و كلامها كأنه اختي من صدك و جانت دعوتها مستجابة و بفضل الله تعالى وأهلي و غفار وكل ناسه حصلت البراءة 

حك لحيته يعضعض بشفته وكال 

:: ردت انشدنج ع سدرة اريدن اجيب الها شغلات برأيج شجيب الها انتِ وياها تقريبا نفس العمر و تعرفين تفكيرها 

بوزت شفايفي بتفكير كعدت ع تلة وهو كعد جدامي منتظر كلامي بلهفة شكيت ورقة من الدفتر گطفتها عليه و انطيته قلم هم رفعت راسي بغرور وعود انا مهمة وياخذون الشور مني 

:: سجل يمك 

شو هذا ابتسم بس اخذهن مني خلى رقم واحد وانا بديت اعد الشغلات الاحبهن صفنت بـ ادراك 

:: لااااا اوكف ذني الاحبهن انا موش سدرة انتظرني هنا اروحن اجيبنها الك واجي 

:: سمعت سجل

رجعت انشدها ع كلشي الون الاكلة العصير شنهي تحب من شغلات تريدها وهو سجل صار هوى بارد كامت سدرة طبت بيتهم بساع باختها وانا هم لملمت غراضي اريدن امشي جمدت بمجاني من كال 

عون :: انا احبنج عنبر 

حتى ما التفت اله ركضت گلبي يدك طبيت بيت عمي حاكم البنات ينشدن شمالي عفتهم و ختلت بالحجرة و تغطيت بطانتين اجتني ترفة تحجي بهمس

ترفة :: ولج عنبر جدي وغفار الهم ساعة مجتمعين بالديوانية مبين أكو سالفة جبيرة 

كشفت راسي احجي بنفس نبرة صوتها 

:: وما سمعتي عن شنهي يحجون 

:: ما تعرفون تسون شي من دون عنبر لشوكت ابقى اعلم بيكم فرضًا متت تضيعون من بعدي 

دمغتني ع جتفي وانا رحت امشي بردهدنة صوب الديوانية توي اريد احطن اذني اسمع انفتح الباب بوجهي غفار 

عنبر :: هلا غفار شلونك خوية فد مشتاگتلك من امس ما شفتك شلونك خويه انا حاسبتك اخوي الثاني والله 

ضحك وانا ابتعدت بساع طلع ورا جدي بس جان وجه جدي ما يتفسر عيونه غاديه دم 

هاشم :: اخوج اجه جدي مو 

هزيت راسي اي گال 

هاشم :: روحي صيحله بساع و صيحي لفطرس وياج 

استغربت طلبه بس ما نشدت رحت بساع صحت لفطرس و لجراح اجه عون وياهم هم كعدوا بالحوش و سجدة جابت الهم جاي 

هاشم :: مالك غرض بيها إصالة تحجي وياها مثل ما كتلك ما تلتحق الا وانت متزوج 

هز جراح راسه ندار جدي ع فطرس جانت بيده ساعة يدعفس بيها 

هاشم :: فطرس 

رفع راسه فطرس اله بـ انتباه تنهد جدي وكل ثانية يصد ع غفار كاعد ساكت وضعه موش طبيعي 

هاشم :: ترفة لقسيم و براءة الك 

انتبه قسيم بساع الفرح لمع بعيونه و فطرس جزء من الكلام عجبه و جزء لا راد يعترض اشرله جدي بمعنى اش 

هاشم :: شنهي تريد تعترض ع كلامي 

سكت مغندب ما راضي بس ما يكدر يكسر كلامه طلعوا كلهم وجراح گبل لا يطلع كضاه غفار همس بـ اذنه 

جراح :: شبيك غفار صاير شي وياك واحد مهددك من امس انت ما عاجبني 

غفار :: مابيه شي بس ديربالك ع سجدة انت 

ما فهمت شنهي مگصد كلامه حتى جراح صار همه يعرف شماله. 

اجاه فطرس هم ما اهتموا حصلوا اللي يردوا گد ما اهتموا ع تغير غفار 

فطرس :: گبل جم ردتها منك وما قبلت شجرى و غيرت رأيك شنهي مهددينك وعلي اسوي بحر من الدم عليهم 

هز راسه لا طلع باكيت الجكاير يدخن و عافهم وراح صوب الورشة عاين عون لاثره 

عون :: بيه شي والله انا اعرفنه مثل روحي سالفته موش خالية 

قسيم كلما يسمع كلامهم تغتاظ ملامحه راح ورا غفار للورشة يريد يعرف منا شي وكلهم حاولوا وياه بس غفار صار مثل السر و حافظته حلوك خرسان 

جانن البنات بالمطبخ يتصنت من شباج المطبخ طبيت الهن نافشة ريشي 

عنبر :: اخر الاخبار اللي صدرت من الاجتماع المغلق هو موسم أعراس جثيرة 

:: سجدة حضري روحج راح تصرين جنتنه رسميا و انتِ ترفة لقسيم و براءة لفطرس 

شهكت براءة اصفر لونها بساع البت موش طبيعة من طاري اسمه لفطرس ترجف بس طبت للحجرة و سجدة طبت وراها تقنع بيها وتخفف عنها كضت ايد سجدة تتوسل بيها 

براءة :: عليج الله سجدة احبن ايدج احجي وياه جدي لو احجي وياه غفار هو يسمع منج ما اريدن لفطرس والله من سمعت احسن روحي اختنكت كلش 

كضتها سجدة كعددتها ع الكرسي و صبت الها كلاص ماي تشرب وطمنتها 

سجدة :: ما يصير شي الا برضاتج لا تخافين ولا تشيلين هم 

براءة :: واكفة اتامل جمال سجدة هي حلوة و المكياج زادها جمال و البدلة البيضة اللي ما صدكت يجي يوم و اشوفنها بيها 

قد جعلها ربي حقا.. طالعة صدك ملكة نزلت دموعي بس هل مرة اادموع جانت فرح 

بعد طول انتظار زار الفرح آل هاشم جانت سجدة تفرك بـ اديها وحدة بالثانية و عيونها تلمع تريد ابجي ركضت بساع بالكلينس مستحهن گبل لا يطيحن 

براءة :: عليج الله لا تبجين عاد بهذا اليوم اريدن اشوفن بس ضحكتج 

:: وين عايفتنه شو بينه وبين عمي ابو طالب سياج بس ولا تخافين جراح واعي وفاهم متأكدة راح يحتوي كلشي و يتفهمج 

هزت راسها اي خابر علينا غفار اجه لبستها الكبوس اجت عمتي انعام رادت تخلي عباية ع اكتافها منعتها عمة اصالة 

إصالة :: لا ما يصلح سواد بهيج يوم وهي ما طالع منها شي 

انعام :: جا غير هاي عادتنا كلنا طلعن من بيوتنا بالعبي 

إصالة :: لبست كبوس و جبير مغطي كلشي و بدلتها مستورة عليمن العباية السودة بعد 

رفضت عمة إصالة رفض قاطع طلعنه جان غفار مرتجي ع سيارة وياه قصص ماي هوبس  ما شافها فتح باب السيارة الها ع وجه ابتسامة و بعيون دموع بنفس الوكت الطريق كله يتافف ويكول 

رغم القرار صار بعد ما تناقش هو و جدي بس من صارت صدك تراجع و عمة إصالة گوه كاتمة ضحكتها رفعت سجدة راسها اله مبتسمة تسولف وياه 

:: لو طلع موش خوش ارجع يمك لو ما تردين بعد 

:: شنهي ما اريدنج بيتي و گاعي وانا وكلشي اليه الج بوسط عيوني احطنج بكل وكت 

:: الله يخليك الي ولا يحرمني منك 

سكت شوية و رجع يشتم بجراح النوب قلق سجدة خوفها منه ومن يشوف ملامحها تعكرت يبدل الموضوع وصلنا للبيت 

هوسة و اناشيد الفرح البنات سوون الها أجواء تجنن من فرح و ضحك صار صوت هوسة بره اجه جراح يريد ياخذها دخل غفار كض ايدها حتى ينطيها اله 

اشرله جراح ع عيونه الاثنين بمعنى بعيوني احطنها و من أخذها عنبر طشت ورد و جكليت عليهم و ترفة تاخذ الهم صور

تقدم عمي ابو طالب انطاها قرآن هدية و قرأ الهم 

:: هالليلة طاوس الفرح بالحب نشر جنحه 

_ هالليلة املاك السما تشاركنا بالفرحة 

_ و بنفحة الأزهار هل فرحة نحيها 

جان بصوت شجن يردد وكل تصفگ وياه و بعدها و الولد من طلعوا هوسوا لجراح 

رحمة :: راحت الزفة و براءة و عمة إصالة راحن وياه سجدة يساعدنها و حضروا الاكل الهم حلويات و كرزات من كلشي 

فرغ بيتهم قسيم باوع ع بنته شالها بساع شبگها وكال 

أخذها و طلع اباوع لغفار صافن دخل حجرة سجدة يباوع لاركانها وين جانت تكعد وين تسولف وياه همس بضيق 

:: أحسنها شالت البيت وياها من طلعت وعلي كسرت ظهري 

:: كول. يالله خل البنية تتهنى لا يظل نفسكم وراها 

مسح دمعة گام يتمشى بخطوات ثگيله اختل توازنه ركضت اله بساع سندته لحد ما تعدل وضعه

:: خاف ضغط نزل اصيح الك واحد من الولد ياخذك تقيسه 

هز راسه لا كل ظني جان لان تعب و حزن ع سجدة ما جنت اعرف هو دا يروح من بين اديَّه واني ما ادري غمض عيونه ثواني و رجع فتحهن اجه وگال 

:: يله حضري نفسج و لمي هدومج حتى اوديج لاهلج وباجر اجيبن عمي ابو طالب و اجيكم حتى نطلگ

:: اي زواجنه جان لأجل امر و هل فضت و حصلتي برائتج وكل واحد يروح بدربه 

ضحكت بوجع احسه صار ثنين واحد قديم حافظته ع ظهر خاطر و امشي وياه الطريق واني مغمضة و واحد جديد ما اعرفه ولا أكدر احزر شنو ممكن يطلع منه تقربت يمه احجي بعتب 

:: لأجل امر.... لعد و كلامك من سئلتك انت مجبور ع هذا الزواج حتى تحميني بس تذكر شنو جان جوابك لو اني اذكرك 

:: ماله داعي هل حجي بعد موش مكتوب نكمل سوا