رواية كبرياء انثى الفصل السابع والعشرون
بسم الله واستغفر الله العظيم الذي لا إله إلا هو الحي القيوم واتوب إليه
علي .. بعد ما غرق المعدات والمون بالبنزين عمل خط بالبنزين عشان يولع في المعدات من بعيد ويقدر يهرب بسرعه وبعد ما تاكد ان مفيش حد شايفه ولع النار اللي كانت بتجري بسرعه رهيبه ناحيت المعدات وعلي واقف وهو سعيد انه هياخد باقي الفلوس
مصطفي .. بيظهر فاجئه والنار ماسكه في كل حاجه وهو بيبص ناحيت علي
علي .. اول ما شافه جري عشان يهرب
مصطفي .. بصوت عالي حازم
حازم .. بيقرب من مصطفي ما تقلقش يا مصطفي بيه دقايق وهيكون عندك
ريهام .. سمر سمعتي اللي انا سمعته
سمر .. لا ما سمعتش حاجه ليه سمعتي ايه
ريهام .. سمعت صوت مصطفي بينده علي حازم مشرف الامن
سمر .. تلاقيكي كنتي بتحلمي الحب بيعمل اكتر من كده يا ريهام كفايه شغل وتعالي نامي شويه
ريهام .. تصدقي انا غلطانه استني ايه النور اللي بره ده وقامت من علي المكتب وفتحت الباب الحقي يا سمر المعدات بتتحرق وجريت ناحيتها
حازم .. اهو يا مصطفي بيه رجالتنا جبوه
مصطفي .. كنت فاكر انك هتعمل عملتك وتقدر تهرب ارموه في النار اللي هو ولعها
علي .. ابوس ايدك سامحني يا مصطفي بيه انا عملت اللي رافت بيه طلبه مني مش اكتر ابوس ايدك ورجلك سامحني وانا هعمل كل اللي تقول عليه
ريهام .. بتمشي ناحيت الحريق مصطفي انت واقف والمعدات بتتحرق وبتجري وبتجيب طفاية الحريق وبتقرب من النار وبتشغل الطفايه
مصطفي .. بياخد منها الطفايه وبيرميها وبيشد ريهام بعيد عن النار
ريهام .. انت بتعمل ايه كده كل حاجه هتتدمر
محمد .. بيزق مصطفي انت اتجننت ازاي واقف وسايب النار تحرق معداتنا
سمر .. اهدو اكيد في حاجه احنا ما نعرفهاش
ريهام .. كل حاجه واضحه يا سمر مصطفي هو الي عمل كده عشان يوقف المشروع وانا اللي كنت خلاص صدقت انك اتغيرت
مصطفي .. ممكن تهده كلكم وانا هفهمكم حازم خد الود ده علي مكتب الامن لحد ما اجي
حازم .. حاضر يا مصطفي بيه
علي .. رافت بيه هو الي جبرني انا ما ليش ذنب وانا تحت امركم الي هتقولوا عليه هعمله بس سبوني
حازم .. يلا قدامي
مصطفي .. سمعته يعني مش انا الي عملت كده يا ريهام هانم
سمر .. معقول عمي يفكر في كده
محمد .. الكره والحقد بيخلى الانسان زي المجنون وممكن يعمل اي حاجه وعمي خلاص بقي انسان تاني ونتوقع منه اي حاجه
ريهام .. وانت ازاي واقف وسايب النار تحرق المعدات
مصطفي .. عشان دي مش معدات المشروع دي معدات قديمه عطلانه زي معدات هيكليه مش اكتر يعني مالهاش لازمه فهمتو
ريهام .. ازاي
مصطفي .. ما حضرتك لو ربنا يديكي شوية صبر هفهمك لكن ازاي انتي بتقلبي فى ثانيه
ريهام .. انا مش فاهمه حاجه
مصطفي .. تعالى نقعد في المكتب وانا هفهمكم كل حاجه
وبيدخله الكارفان وببيقعده ومحمد وريهام وسمر جواهم مليون سؤال
مصطفي .. من اول الي حصل في الفيلآ وقتل عم عادل الله يرحمه وحبس سالي وبعدين طلوعها وانا كنت متاكد ان عمي هيعمل حاجه وعشان كده خليت حد تبعي يراقبه واول ما عرفت انه قابل علي اتاكدت انه هيعمل حاجه في المشروع عشان يوقفه وايه الي ممكن يوقف المشروع مفيش غير المعدات وهنا جات في بالي فكره اني ابدل كل ده بحاجات قديمه ومش شغاله وكان لازم نشغل علي عشان ما يخدش باله اننا بنبدلهم ودي كانت مهمة عم حسين الي بعت لعلي وشغله لحد ما المعدات كلها طلعت بره الموقع وحطينا المعدات دي مكانها وبعد كده الدنيا مشيت زي ما انته شوفته
محمد .. طاب ليه ما بلغتش الشرطه
مصطفي .. في النهايه ده عمنا ومش هنقدر نحبسه وممكن يخلي علي يشيل كل حاجه ويطلع منها اما انا قصاد اللي عمله هاخد منه الاسهم الي فضلاله في الشركه وهو ده العدل يمكن وقتها يفوق لنفسه ويرجع عن الطريق الي ماشي فيه
سمر .. لا انا شايفه انه لازم يتعاقب ويتحبس
محمد .. وانا كمان شايف كده
ريهام .. انا راي من راي مصطفي في النهايه عمنا ولازم نديله فرصه تانيه
مصطفي .. والله ما من شويه كنت انا الي عامل ده كله
ريهام .. انا اسفه يا مصطفي حط نفسك مكاني انت واقف والمعدات بتتحرق وكمان منعتني اني اطفيها
مصطفي .. وانتي فاكره كده انك كنتي بطفيها ده انتي كنتي هتتحرقي معاها
ريهام .. ما انا اول مره اتحط في موقف زي كده
مصطفي .. مش مشكله كده انا عرفت انك ما عندكيش ثقه فيا نهائي
ريهام .. خلاص بقا قلبك ابيض قولتلك اسفه
مصطفي .. ما علينا انا دلوقت هكلم عمي وجيبه هنا وخيره يا الحبس يا يتنازل عن اسهمه ليا
محمد .. تمام واحنا معاك واسف ان كنت انفعلت عليك
مصطفي .. ولا يهمك انت معاك عذرك
ريهام .. يعني كلهم ليهم عذر إلا انا ده ظلم
مصطفي .. بيتجاهل كلامها وبيرن علي حازم
حازم .. ايوه يا مصطفي بيه
مصطفي .. نفذت الي قولتلك عليه
حازم .. حصل وعلي رن علي رافت بيه وبلغه ان كل حاجه تمام والمكالمه متسجله
مصطفي .. كده تمام وقفل معاه ورن علي عمه رافت
رافت .. بيرد وهو عامل انه نايم الو في ايه يا مصطفي حد يرن علي حد في الوقت المتاخر ده
مصطفي .. والله تصدق اني صدقتك يا عمي ما انت لسا قافل مع علي
رافت .. اتصدم علي مين انا مش فاهم حاجه
مصطفي .. علي تحت ايدي وانا الي خليته يكلمك وقدامك ساعه تكون هنا وإلا هسلم علي والتسجيل للشرطه وانت عارف ايه الي هيحصل وقتها
رافت .. بيقفل السكه
سالي .. في ايه
رافت .. كل حاجه اتكشفت
سالي .. وهتعمل ايه يا بابا
رافت .. هروح وشوف مصطفي عايز ايه
سالي .. اكيد هيسلمك للشرطه
رافت .. لا لو كان عايز يعمل كده كان سلم علي وتسجيل المكالمه للشرطه وخلص الحوار لكن هو اكيد عايز حاجه تانيه
سالي .. وهتعمل ايه
رافت .. هديله كل الي هو عايزه المهم ما تحبسش
سالي .. هاجي معاك
رافت .. لا خليكي هنا وبيطلع وبيتحرك علي الموقع
مصطفي .. دلوقت يوصل ويدفع تمن اللي عمله
ريهام .. انا ما كنتش افتكرك كده
مصطفي .. كده اللي هو ازاي
ريهام .. يعني كنت فاكرك مستهتر و مفيش في دماغك غير وسكتت
مصطفي .. سكتي ليه كملي
ريهام .. مفيش داعي انت طلعت عكس ما انا متصوراك
مصطفي .. عارفه لو انا زي ما انتي فاكره كانت زمان الشركه دي انهارت من زمان في حاجات كتير الناس بتكون متاكده انها فيا لكن الي يعلم الخبايا هو رب العباد وانا مش محتاج اثبت لي حد اني عكس ما هو فاكرني
رافت .. وصل وفتح الباب ودخل العصابه كلها متجمعه
مصطفي .. كلمه كمان وهنسي انك عمي وهسلمك للشرطه
رافت .. خير عايز ايه مني
مصطفي .. بيطلع ورق من جيب البدله امضي علي الورق ده
رافت .. بيمسك الورق وبيقراه مستحيل انت عايزني اتنازلك عن كل الاسهم بتاعتي الي في الشركه وبيرمي الورق
مصطفي .. تمام يا حازم
حازم .. بيخبط وبيدخل افندم
مصطفي .. كلم العميد اسامه يبلغ الشرطه ويجي يسلم علي وعمي والتسجيل طبعا
رافت .. خد نص الاسهم وسبلي نصهم
مصطفي .. الشركه الي بكلمه منك معاداتها الي تسوا ملايين اتحرقت مش هيكون ليك فيها سهم واحد قرارت ايه مفيش عندي وقت
رافت .. بيلم الورق وبيمضي عليه اهو كل حاجه بقت ملكك ممكن تديني التسجيل
مصطفي .. التسجيل هيفضل معايا لو فكرت انك تعمل اي حاجه اقسم بالله هسلمك بايدي تقدر تتفضل يا عمي
رافت .. وقف وهو بيبص عليهم واحد واحد وبعد كده خرج وهو بيبص علي المعدات الي اتحرقت وتفاجئ اول ما طلع انا في معدات كانت داخله الموقع عليها بتج الشركه
مصطفي .. فتح الباب وطلع وبصله ما تستغربش يا عمي الحمار الي انت باعته ولع في شوية خرده اما المعدات كلها كانت بره الموقع اصلآ
رافت .. يعني انت خدت الاسهم بتاعتي مقابل شوية الخرده دول
مصطفي .. قرب منه وبصوت واطي مفيش غير رافت الي سامعه انا الي يفكر يقرب لريهام او حتي شغلها انا احرقه وهو عايش ونصيحه مني ليك ابعد عن طريقنا
رافت .. بيبص ناحيت ريهام الي طلعت وراء مصطفي ماشي يا ابن اخويا انت الي كسبت بس ما تفرحش قوي عشان الدنيا دواره
مصطفي .. ما تقلقش عليا سلام يا عمي
رافت .. بيركب العربيه وبيمشي
ريهام .. بتقرب من مصطفي انت كنت بتقوله ايه
مصطفي .. ما تشغليش دماغك بعد اذنك
ريهام .. كنت عايزه
مصطفي .. سابها ومشي
سمر .. مالك فيه ايه
ريهام .. اخوكي ده ما عندوش دم بكلمه يسيبني ويمشي
سمر .. ما انتي وقت الحريقه بهدلتيه وزي ما انتي كرامتك اهم شئ عندك مصطفي كمان زيك
ريهام .. يعني اعمل ايه
سمر .. اتكلم بصراحه
محمد .. اسيبكم انا وروح اطمن علي الشغل
ريهام .. ماشي يا محمد وانتي اتكلمي واخلصي
سمر .. اهدي متعصبه ليه
ريهام .. مش متعصبه يلا اتكلمي
سمر .. مصطفي بيحبك وانتي كمان بتحبيه
ريهام .. لا طبعا انتي بتقولي ايه
سمر .. طاب عيني في عينك كده
ريهام .. بتبص بعيد
سمر .. عرفتي اهو انك بتكدبي
ريهام .. انا مش عارفه اقول ايه
سمر .. قولي الحقيقه
ريهام .. ايوه بحبه ومن اول ما شوفته وقلبي دق بحبه رغم كل الي حصل في الاول وكنت بحاول اطلع حبه من قلبي لكن ما قدرتش كل يوم كنت بتعلق بيه اكتر بس الي عمله كان بيخليني ابعد عنه
سمر .. لا مش الي عمله بس يا ريهام كبريائك كان بيخليكي رافضه الحب ده لكن خلاص الحب بيشيل كل الحواجز وانا متاكده ان مصطفي بيحبك من كل قلبه وعشان كده بتكلم معاكي انا عمري ما شوفت مصطفي بيتعامل مع بنت زي ما بيتعامل معاكي عمل كل حاجه يقدر عليها عشان تسامحيه وبعد ما خلاص حس انك سامحتيه وحس بحبك ليه في ثانيه فوقتيه من الحلم الجميل ده علي الواقع وانك حتي مش واثقه فيه وهو اتقبل كلام محمد وانا كمان لكن انتي بنسباله حاجه تانيه
ريهام .. انا عارفه اني غلطانه لكن غصب عنى انا كده دايما متسرعه في حكمي ولو بيحبني يتقبلني زي ما انا
سمر .. دي حاجه بينك وبينه انا ما ليش اني ادخل
ريهام .. ما انا اعتذرت له
سمر .. كلمه وحده منك هتخلي مصطفي اسعد انسان في الدنيا يا ريهام هو مش محتاج اعتذار هو محتاجك انتي
ريهام .. ما انا مش عارفه اعمل ايه اول مره اتحط في الموقف ده
سمر .. روحي له ودخلي المكتب وقوليله انا بحبك ساهله خالص اهو
ريهام .. انتي شايفه كده
سمر .. اه ولا انتي شايفه حاجه تانيه
ريهام .. والله انا ما شايفه حاجه يلا نشوف الشغل وبعد ما اخلص هروحله
سمر .. انا ومحمد هنشوف الشغل وخير البر عاجله
ريهام .. فكرت شويه ماشي انا مش هتاخر
سمر .. لا برحتك
ريهام .. بتركب عربيتها وبتطلع علي الشركه وبتوصل الشركه وبتوصل مكتب مصطفي صباح الخير
داليا.. صباح النور
ريهام .. هو مصطفي جوه
داليا .. ايوه هبلغه ان حضرتك وصلتي
ريهام .. ماشي
داليا .. بترفع التليفون الانسه ريهام بره عايزه تقابل حضرتك
مصطفي .. بعصبيه لا مش فاضي
ريهام .. سمعته بقا كده ماشي وبتتحرك ناحيت مكتبه
داليا .. وقفت وهي بتبص علي ريهام
ريهام .. وقفت قدام المكتب وكانها بتراجع علي الكلام الي هتقوله وبتحرك شفايفها من غير صوت انا هدخل وقوله انا بحبك بس ساهله اهي مش صعبه ولا حاجه انا بحبك يا مصطفي اهو ساهله يلا اتشجعي يا ريهام
داليا .. بتبص عليها وشايفها بتحرك ايديها وكانها بتكلم حد ابتسمت
ريهام .. يلا يا ريهام وبتفتح الباب علي طول وبتدخل
مصطفي .. كان بيتكلم في التليفون مع عمه احمد بيتفاجئ بيها وبيبصلها ماشي انا قولتلك كل الي حصل ولو فيه جديد هبلغك وبيقفل خير يا ريهام هانم
ريهام . انا انا انا
مصطفي .. انتي ايه اتكلمي
ريهام .. انا انت ازاي تسيبني وانا بكلمك
مصطفي .. والله وانتي جايه من الموقع لحد هنا عشان تقولي كده
ريهام .. ايوه علي فكره مش من الذوق انك تسيبني وانا بكلمك
مصطفي .. ومن الذوق انك تسمعيني موشح من غير سبب
ريهام .. ازاي من غير سبب اي حد مكاني كان هيفكر انك انت الي حرقت المعدات وفي النهايه طلعت انت برده
مصطفي .. انا ايه
ريهام .. قصدي انك انت الي مخطط لكل ده
مصطفي .. كنت فاكر ان خلاص بقيتي بتثقي فيا لكن للاسف طلعت غلطان
ريهام .. هو انت مش غلطان قوي يعني
مصطفي .. ازاي يعني
ريهام .. ما عرفش انا كل الي اعرفه انك ازاي تسيبني وتمشي وانا اعتذرت لك اعمل ايه تاني اكتر من كده اموت نفسي عشان ترتاح
مصطفي .. في حاجه مليون اعتذار ما يمحهاش
ريهام .. طاب لو مليون و واحد ينفع
مصطفي .. انتي بتهزري
ريهام .. بتقول في نفسها هو ايه الي انا بقوله ده
مصطفي .. انا بكلمك يا هانم
ريهام .. اسمي ريهام ولا كمان اسمي مش عاجبك
مصطفي .. انتي عايزه ايه دلوقت
ريهام .. انا وبتبص حوليها ما انا قولتلك ازاي تسيبني وتمشي
مصطفي .. اذا كان ده الي فارق معاكي فانا اسف
ريهام .. وانا مش هقبل اسفك وبعد اذنك وبتطلع من المكتب وهي مستنيه مصطفي ينده عليها لحد ما بتوصل عند داليا
مصطفي .. ريهام هانم
ريهام .. ابتسمت وبتلف
مصطفي .. تليفونك نستيه علي المكتب
ريهام .. بتاخد التليفون وبتنزل من المكتب وهي متعصبه علي الاخر
مصطفي .. بيدخل المكتب وهو متنرفز
داليا .. بتقعد علي المكتب وهي مش فاهمه اي حاجه
بيعدي يوم وتنين وشهر وشهرين وريهام ومصطفي مفيش بينهم غير الشغل وبس وكل واحد بيحاول يخبي حبه للتاني والكل بيتفرج عليهم وهما فاكرين ان ما حدش حاسس بحاجه لكن الكل كان حاسس بحبهم بس ما حدش ادخل وفي الوقت ده مصطفي كان زعلان جدآ من ريهام انها بعد كل ده شكت فيه وكان موجوع اووي وحساس ان ريهام جرجت قلبه اما ريهام فكانت بتحاول انها تقوله انها بتحبه بس برده ما كنتش قادره وبعد تعب ريهام ومحمد وسمر في المشروع اخيرا المشروع خلص وريهام سلمت المشروع للوزاره قبل معاده بشهرين وده كان انجاز كبير والوزاره صرفت مكافئه كبيره للشركه ومصطفي عمل حفله كبيره عزام فيها كل المسئولين والاصدقاء وموظفين الشركه والحفله كانت كبيره وجميله والكل سعيد ومبسوط ومصطفي بيمسك الميكريفون
مصطفي .. انا سعيد جدآ بوجودكم وبتمنا من قلبي ربنا يسعدكم جميعآ وبمناسبة تسلم المشروع الي الانسه ريهام والانسه سمر والاستاذ محمد تعبه فيه وكانوا شغالين لليل ونهار لحد ما قدره يسلمه الموقع في وقت قليل جدآ وده طبعآ ثمرة تعبهم واجتهادهم واحب اعلن للجميع بصفتي رئيس مجلس الاداره تعين الانسه ريهام مدير تنفيذي للشركه
..الكل بيسقف وبيهني ريهام ..
مصطفي .. بيكمل كلامه وصرف مكافئه للاستاذ محمد والانسه سمر وصرف مكافئه لكل العاملين في المشروع شهر كامل وشكرا ليكم جميعا وسيبكم تستمتعوا بالحفله
ناهد .. الف مبلوك يا حبيبتي
ريهام .. الله يبارك فيكي يا ماما
ناهد .. مش هتشكري مصطفي
ريهام .. ده غلس يا ماما
ناهد .. كفايه زعل بقا الحفله فرصه حلوه انكم تصلحوا
ريهام .. لا احنا كده احسن
ناهد .. مش علي ماما يا ريري يلا اتحركي
سمر .. مالك واقف زي الصنم كده اتحرك وتكلم معاهم البنت عمرها ما حبت وانت اول شخص في حياتها عشان كده مش عارفه تتكلم انت الراجل احتويها وخليها تتخلص من التوتر الي جواها
مصطفي .. خلاص يا سمر انا اتاكدت انها عمرها ما حبتني وخلاص هدوس علي قلبي وحاول انسي
سمر .. مين قال البت بتحبك
مصطفي .. وانتي عرفتي ازاي
سمر .. هي الي قالتلي بنفسها ولما راحت وراك المكتب يوم الحادثه كانت رايحه عشان تعترفلك بحبها ووقتها اتلخبطة وما عرفتش تقول حاجه وقلبت خناقه معاكم
مصطفي .. انتي بتتكلم بجد
سمر .. اه والله
مصطفي .. وزاي تسبيني ده كله وما تقوليليش
سمر .. اقولك ايه دي حاجه بيني وبينها بس لما لقيتك اعمي النظر والقلب قولت اكسب فيك ثواب
مصطفي .. بيتحرك ناحيت ريهام
ريهام .. بتتحرك ناحيته
هما الاتنين بيوقفه قصاد بعض وفي وقت واحد ممكن نتكلم شويه بره بيبصه لبعض وبيضحكه
مصطفي .. بيقرب منها تعالي نتكلم في الجنينه
ريهام .. ماشي وبيطلعه سوا وبيقعده في الجنينه
مصطفي .. عجبتك الحفله
ريهام .. انت اي حاجه بتعملها بتعجبني
مصطفي .. مبروك منصبك الجديد
ريهام .. الله يبارك فيك
مصطفي .. انا كنت عايز اقولك حاجه
ريهام .. وانا كمان كنت عايزه اقولك حاجه
مصطفي .. اتفضلي
ريهام .. لا قول انت الاول
مصطفي .. لا قولي انتي
ريهام .. بتوقف وبتتمشي لا قول انت وهي بتحاول تكرر الكلام جواها ومره وحده بتلف وبتبص في عيون مصطفي
وفي نفس الوقت الاتنين بيقولوها
مصطفي انا بحبك .... ريهام انا بحبك
