رواية حرم الاسود الفصل السابع والعشرون بقلم بتول ابو الليل
.
انه تغيرت مو بيدي مجبور
شفت كلوبهم محد هواني
جنت اتمنى واحد يسئل شبيك
والله لوحدي ضليت اعاني
البكلبه حجي وينام مكسور
من يكعد يصير انسان ثاني ...!
.➛ ✿✿ ✿✿ ✿✿ ✿✿ ➛.
اليان : طلعت من البيت بقيت اتمشه علئ الشارع حيل حيل متحطمه ومشاعري لاتوصف
دموعي تنزل بصمت حاسه بالفشله بالموقف الصعب
منين عرف وليش هيج كالي جان يكدر يسكت ويضم الموضوع بگلبه وميجرحني
امشي وافكر فجأه سمعته وراي يركض ويصيح
آرون : اليااان يمعوده اوكفي دقيقه
مادرت وجهي ولا التفتت عليه اشرت لتكسي ماوكفت كملت مشي
آرون ; اليااااان اوكفي بس خليني احاجيج شبيج
سحبت نفس قوي وكفت درت وجهي اباوعله اجه نحوي وكف هوه فحطان
آرون : مخبله صاحيه انتِ وين رايحه بهل ليل.
_لبيتي
آرون : باجر روحي لبيتج الوقت متاخر هسه تعجبت من طلعت ولگيتج طالعه من البيت كله عبالي تكعدين ويه ابوي واختي.
_آرون اسمع اني ماكدر اكعد وياكم ماريد اسببلكم مشاكل اني غلطت بشي واحد وماريد اغلط اكثر انتَ خليك بعيد عني وعن حياتي واني هم ابتعد عنكم رجاء روح خليني وحدي
آرون : حته اذا ماجنه سويه نبقه اصدقاء الج فضل عليه واني مديون الج
_لاا شكراً كلشي ماريد منك بعد اهتم بمرتك وبس خليني وحدي بحياتي ماريد أي شخص يدخل بيها بعد اني مسؤله عن نفسي واني اعرف شلون اتصرف.
آرون : اوك تمام تمام اعصابج سوي الي يعجبج.
_يلا اترخص
آرون : اليان
غمضت عيوني بقهر درت وجهي اباوعله ركز بعيوني وكال
آرون : اني ماكرهج خلي هل شيء بالج شوكت ماتحتاجيني تعالي اكون موجود واساعدج بأي شيء.
_شكراً متقصر.
هز راسه بأي عفته ودرت وجهي عنه بلعت ريكي بغصه مشيت عنه اشرت لتكسي وكفتلي صعدت بيها قبل لٱ نحرك صعد آرون وياي بالسياره.
_وين؟
آرون : اوصلج يضل بالي عليج وانتِ مريضه
_انزل عفيه اني مو جاهل اتذكر طريق بتنه واكدر اوصل وحدي.
آرون : تحرك حبيبي.
_انتَ تعاندني هسه لو شنوو مجاي افهم
آرون : وليش حته اعاندج كتلج اريد اوصلج خليج ساكته منا لحد منوصل.
سحبت نفس قوي درت وجهي عنه ع جام ساق الرجال دلاه آرون علئ بيتنه صرنه بالشارع مال بيتنه مانزل آرون بقه بالسياره لزم ايدي قبل لا انزل وكال.
آرون : اخاف عليج منهم.
سحبت ايدي عنه وباوعتله بنظرات ثقه من اليوم تغيرت اليان انولده وحده جديده
_ههه لاتخاف ابد همه الي راح يخافون هسه موو اني ارجع لبيتك وانتَ مرتاح وعتذرلي من مرتك علئ كلشي صار
آرون : ماشي خابريني اذا صار شيء
_الله كريم ..يلا مع السلامه شكراً مره ثانيه
عفته ونزلت من السياره ساعه بـ 11 بليل جانو الحرس واكفين شافوني كبل فتحو الباب دخلت للبيت مجان موجود أي شخص البيت فارغ
بقيت افتر رحت لغرفة تيمور ماكوو فارغه دخلت لغرفه ساهر هم ماكوو.
الكل مختفي وين طالعين استغليت الفرصه وبقيت ابحوش بغراض تيمور اريد اخذ الاوراق.
دورت ودورت ومالكيت شيء اوراق للشركه عقود مستمسكات امور تافهه.
واني دايخه وراسي حيل يوجعني عفت كلشي مطشر ماشلت شي
فتحت الجرار لكيت ملف مكتوب بيه نقل الحصه مالتي باسم تيمور لسبب امراض وضغوطات نفسيه وهل شيء مكتوب بأرادتي اني عود.
اخذت الملف وطلعت من الغرفه رحت لغرفتي خليته بالكنتور.
باجر الصبح احجي ويه المحامي مال ابويه هوه مثل ابوي وكلشي يعرف عني راح اخلي يساعدني اني اعرف كلشي بالقانون وبكلمه وحده مني ادمرهم.
كعدت علئ السرير واني دايخه وراسي حيل يأذيني.
صافنه وافكر شلون اتصرف اريانا شصار وياها وين هسه هيه وليش من عرفت تيمور شربني حبوب باقيه وياه.
لازم احجي وياها هيه قبل الكل اخليها تشرحلي ليش هيج صار.
كمت من مكاني اخذت ملابس ودخلت اسبح كعدت جوه الدوش واني صافنه ومختنكه حيل احس روحي عايشه بين ناس غربه
ناس كل همها تبعدني عن حياتهم وتاخذ كلشي مني.
ميهمهم شيء غير الفلوس والمنصب الاهل والعائله صارت موو مهمه
وينك بابا تعال شوف ولدك شسوو بيه بغيابك ليش رحت وعفتني وحدي.
بقيت هواي بالحمام سبحت وطلعت من الحمام نشفت شعري ونزلت جوه حيل جوعانه اريد اكل
طلعت اكل واكلت ساعه بـ 12 بليل اباوع ولا شخص راجع للبيت هذول وين رايحين طالعين سفره لوو شنو معقوله راحو الاربعين بابا
بس مو ليوم بعد يومين يلا تصير الاربعين
كملت اكل غسلت ايدي والصحن وصعدت لغرفتي تمددت ونمت.
كعدت ثاني يوم من وكت اباوع للساعه بـ 9 الصبح
كمت غسلت وجهي ونزلت جوه جانت اسينا بالمطبخ من شافتني فزت
_شبيج
اسينا : انسه اليان هاي انتِ شرجعج؟
_شقصدج شرجعج
اسينا : هوه اني شسمه
_تدرين بيه جنت مريضه وتيمور المسؤل موو
هزيت راسها بأي وهيه مدنكه راسها ابتسمت ورحت يمها خليت ايدي ع كتفها
_وشبيج خايفه انتِ شعليج اني رجعت وراح اعرف شلون احساب الكل ع التصرفات السووها وياي.
اسينا : والله اني جنت حيل خايفه وماكدرت احجي الأي بشر عن الشفته والحمدالله اريانا عرفت وطلعتج من البيت كلش فرحت بهل شيء.
_شفتي انتِ؟
اسينا : جان استاذ تيمور يخليلج حبايتين بكل الاكل الانطي الج وجنت اشوفه واغلس وشكيت بيه من دهورت صحتج.
_اممممم اي اخوي هذا من كد مايحبني يسوي هيج.
بقت ساكته تباوعلي بخوف كعدت علئ الكرسي الي بالمطبخ
_اييي وينهم هسه همه اشو البيت فارغ من لبارحه
اسينا : غير تيمور تصاوب وهسه هوه بالمستشفه.
_شنوو منوو صوبه؟
اسينا: والله مادري كالو طلقتين وحده بظهره وثانيه بخاصرته وحته كالو احتمال ميمشي بعد
_حوبتي هاي ويستاهل الي يصير بيه خلي يجهز روحه زين للعقاب ربنه عاقبه بشي بسيط وهسه صار دوري اني
مجاوبتني اسينا بقت ساكته كمت صبيت كلاص جاي واخذته وطلعت كعدت بالصاله
مرت نص ساعه ودخل تيمور هوه والعائله الكريمه شافوني الكل انصدم
ابتسمت الهم بكل هدوء وكمت علئ حيلي رحت علئ تيمور الي وجهه صار اصفر وبس صافن.
_الحمدالله علئ سلامتك عيوني اخوي
تيمور : اليان؟
_لا خيالها شبيكم الكل صافن بوجهي ممتوقعين رجعتي للبيت موو
اريانا : حبيبتي اليان
اجتني اريانا حضنتني وهيه تبجي حضنتها واني عيوني علئ تيمور.
اريانا : ياااربي الف الحمدالله رجعتلج صحتج ممصدكه والله كلش فرحت
_يمكن انتِ الوحيده الي فرحانه بهل شيء بعض الناس كارهين هل تحسن الصار.
ساهر : فرحنه كلنه بهل تحسن
_مدري ليش ماكدر اصدكم وجوهكم تحجي غير هل شيء
جنان : بلا تعبانين مالنه خلك سوالف تافهه
_انتِ بالاخص لاتحجين تمام مموجهتلج الكلام
تيمور : الياان
_وانتَ هم محاجيه وياك هسه اني الي احجي وياه يحقله يرد اما البقيه مالكم حق تحجون من يمكم.
قصي : ههههه مسويه عقاب علينه شنوو
_بالضبط عفيه طلعت شاطر.
ساهر : شقصدج
_شوفو اني ماحب الف وادور بالكلام ولا اريد افضحكم كدام اعمامي واخوالي واخليكم مضحكه الامه محمد
نص املاك بابا باسمي والنص الثاني الكم ماخذين حصتي واني مريضه ومسوين السالفه صدك
عبالكم طلعون من السالفه بكل هل بساطه؟
هههه لا غلطانين موو اني الي تسكت عن حقها الحصه راح ترجعلي وتيمور افندي حضر روحك للسجن.
الكل : سجن؟
_اي سجن مثل ماسمعتو اني مقرره اسجن اخوي مصايره شنوو
اريانا : اليااان شدتحجين مستوعبه الكلام الي تكولينه ماتشوفين حالته شنووو
_والله يستاهل اكثر
تيمور : عوفوها براحتها.
_شكد بريء طلعت شهل برائه فدوه الله
اريانا : اليان اني افهمج كلشي لاتصرفين شيء هسه تتندمين علي بعدين
_انتِ من كل عقلج تحجيييين ترديني اسكت عن هذا المجرم القاتل ولج هل انساااان جااان ناوي يموتني يشربني مخدرااات تفهمين شنوو مخدرات يعني جان يريدني اموت واصير مدمنه انتِ شلوون لحد هسه وياااه بشنوو جذب عليج وقنعج بالموضوع وين اريانا صديقتي الي جانت دافعلي صرتي حالج حالهم
ساهر : مخدرات؟
_لاتسوووي نفسك متدري بشي كلكم تدرون بتيمور جان يشربني حبوب وهوه الي وصلني لهل حاله ليششش اريد افهم ليششش سويتو هيج بيه اني موو اختكم موووو منكم وبيكم عووود لان موو من نفس الام ماخفتو الله وانتم تعاقبوني بهل طريقه واني مكسوره ويتيمه عبالكم ترتاحون لااا والله مترتاحون بيوم لان حرگتو كلبي ومرضتوني واني ممسويه شي.
قصي : شتحجين اليان والله ماندري بشي عبالنه صدك موت ابوي اثر عليج وصلتي لهل حاله ابد منعرف موضوع المخدرات تيمور ماتحجي صدك انتَ هيج جنت تسوي؟
دنك راسه تيمور ومجاوبهم بقه يبلع بريكه رحت صرت كدامه واني امسح بدموعي بحركه
_شيكدر يحجي ميكدر يحجي شيء اصلاً لأن يعرف كلشي حقيقه وممطلعه حرف جذب من يمي وعندي شهود علئ هذا الكلام انييي موو بنت ابوي اذا ماخليتك تنام بالسجن تيمور عبالك تكسر خاطري اذا انتَ مريض لاا والله افرح اكثر لان اريدك تتعذب مثلي وزياده تستاهل كل انواع العذاب لان المثلك حرام يعيش حاله حال البشر.
اريانا : اليان لاتسوين هيج بس اسمعيني خليني افهمج كلشي فدوه
_اني لو هوه؟
بقت صافنه تباوعلي بتوتر وعيونها كلها دموع صحت بوجهه بصوت عالي
_اريانا احجييييي انييي لوو تيمووور يلا قرري يا اما تبقين وياي يا اما تروحين ويه رجلج وتهتمين بيه بالسجن
اريانا : اليان شنوو هل كلااام شبيج انتِ تخبلتي
_انتِ شلون تكدرين تكونين وياه ولج انتِ بعينج شايفته وكاشفته شلوون راضيه بهل شي فهيمني ماهمج اني كلكم كرهتوني كلكم ليش هيج.
اريانا : ماكرهج والله انتِ اعز من روحي بس الصار بيه سوء فهم خلينه نحجي شويه واني افهمج كلشي.
_ماريد اسمع جذبات تيمور الضحك بيهن عليج الشرطه راح توصل وتاخذ تيمور وياها حته لو جانت حالته ماتسمح ادفع فلوس وادخله.
عفتهم وصعدت للغرفه بقه الكل صافن ماعرفو شنوو يحجون تيمور بس ساكت
دخلت بغرفتي واني احس روحي تريد تطلع اخذت جهازي اتصلت بالشرطه قدمت ابلاغ علئ اخوي وكلت الكم يتعاطه بالمخدرات ..
...
اريانا : انصدمت من شفت اليان بالبيت خفت وفرحت بنفس الحظه
فرحت لأن رجعت الها صحتها وخفت لان تعرف بتيمور اذاها واكيد مراح تسكت عنه
حاولت افهمها الموضوع ماخلتني احجي ومصره دخل تيمور للسجن.
ساهر : ماتحجييي صدك جنت تنطيها مخدرات مووو انتَ بنفسك كتلي مريضه واني اريد ادير الفلوس باسمي ورجعهم الها اول ماترجع الهاا صحتها
قصي : شبيك ساهر ماتعرف تيمور انتَ كل همه الفلوس من الاول جنت شاك بالموضوع يعني ممعقولة من عرفنه موضوع الحصص واليان دهورت صحتها كلش.
جنان : ولك يمه ليش هيج سويت هسه شراح تسوي راح دخلك سجن احسلك هيج
ساهر : اني راضي بالسجن مالته ومراح اساعده واطلعه ابد لأن يستاهل الي يصير بيه خلي يتحمل خطيئة افعاله.
_انتم شبيكم صدك تحجووون شنوو تخلونه يسنجن متشوفون حالته
قصي : انتِ راضيه بالتصرف السواه؟
_لاا ماراضيه ابد بس هوه جان مجبور ومانطها مخدرات انطاها حبوب اعصاب ومنومات وهيج صارت حالتها اني اخذت الحبوب وشفته.
جنان : ع شنوو مجبور احجيلنه ست اريانا
باوعت لتيمور هز راسه بـ لأ تحسرت بقهر شسوي هسه اذا ماحجي مراح يساعدونه وراح ينسجن وهوه حالته تعبانه
_افهمكم كلشي بس ساعدو هسه لاتخلونه ينسجن
ساهر : بالنسبه الي مراح اسوي شيء
قصي : اني اذا ماعرف كل الحقيقه تعذروني كلشي مابيدي اسوي هيه عدها اثبات وشهود علئ كلامها والصار وياها مو سهل وحقها شما تسوي.
تيمور : اااااخخ اريانا ساعديني اتمدد ظهري موتني.
هزيت راسي بأي سحبت العربانه واخذته يم القنفات ساعدته يتمدد علئ القنفه خليت جوه راسه مخده كعدت علئ طرف القنفه يمه ولزمت ايده.
_لاتخاف اني وياك اساعدك ماخليهم ياخذونك.
ابتسم رفع ايدي لحلكه باسها وخلاها علئ صدره سحب نفس قوي وكال.
تيمور : خلص وقتي اريانا كلشي لاتسوين اني راضي اتعاقب لان استاهل.
_لاتحجي هيج انتَ انجبرت تسوي هيج لخاطري مثل ما دافعت عني راح ادافع عنك واشرح كلشي الاليان واخليها ماتسجنك.
تيمور : ماضن تقتنع ولا راح تقبل تدرين مامهتم هسه اني ومرتاح لأن الشخص الوحيد الي يهمني هوه انتِ وهسه انتِ راضيه عني ومقتنعه اني مامسوي شيء غلط وهذا كافي عليه.
_تيمور لاتحجي هيج فدوة والله ماكدر اتحمل بعد صدمات وعذاب
تيمور : ع شنو تبجين هسه بعدني يمج مانسجنت نشوف شنوو تاليتها ويه هاي الحياة العبت بيه طوبه.
دنكت راسي واني دموع متجمعه بعيني امه واخوانه كلهم يباوعون علينه بعدم رضه اليان صعدت فوك وبعد مانزلت
كمت من مكاني لازم احجي وياها افهمها قبل لاتسوي تصرف غلط وتخرب كلشي لزم ايدي تيمور درت وجهي اباوعله
تيمور : وين رايحه؟
_الازم احجي ويه اليان خليني اشرح الهاا كلشي.
تيمور : روحي
عفته ورحت اريد احجي وياها بعدني علئ الدرج سمعت صوت سيارات الشرطه طوقت بيتنه رجعت باوعت لتيمور واني عيوني كلهاا دموع.
احس كلبي طاار مني رجعت اركض رحت عليه واني خايفه
_راااح يااخذونك تيمووور كووم وياي خلينه اطلعك.
تيمور : هههههه ولج ماكدر اتحرك
_تيموور فدوه لاتسوي هيج موو وقت سوالفم هاي لاتخليهم ياخذونك والله ماتطلع بعد الكل متبري من السالفه
تيمور : اريانا اريانا باوعلي ركزي وياي اني مذنب وغلطان والشخص اذا غلط يستاهل يتحاسب راضي اتحاسب اني اسكتي لاتبجين اوك اريدج تبقين قويه والاهم من هذا كله تبقين تحبيني وتسالين عني.
صارت شفتي ترجف عيوني تصب دموع اندك الجرس باوعت للباب ورجعت اباوع ليتمور شسوي شلوون تصرف هسه احس روحي انتهيت
اخوانه صارت وجوهم صفر وامه صارت تبجي نزلت اليان من فوك رحت اركض عليها واني دموعي عشره عشره
_الياااان لاتسوووين هييييج ولج والله ماله ذنب لاتسووين هيج تتندمين والله خليني اشرحلج كلشي
اليان : خليج برا الموضوع اني اعرف شلون اتصرف لاتدخلين.
_بس لحظه بس خليني اشرحلج
اليان : كتلج ماااريد وخري
دفعت ايدي عنهاا وراحت فتحت الباب للشرطه دخلت الجنود للبيت وياهم ضابط خليت ايدي علئ حلكي واني اكتم صوت شهكاتي وخوفي.
تيمور متمدد ويباوع الهم بكل هدوء ماخايف ولا مهتم لشي.
الضابط : وين المتهم؟
اليان : هذاك سيدي الي متمدد علئ القنفه
جنان : ولج الياااان هذا اخوووج شلوون تسوين هيج بيه
اليان : ماعندي اخوه اني
الضابط : القو القبض عليه
ساهر : سيدي حالته ماتسمح هوه مريض متكدرون تاخذونه خلي بس يشد روحه وتكدرون تلقون القبض عليه.
الضابط : هاي السوالفكم ماتمشوهن علئ راسي يلا
قصي : سيدي ماعدكم اثبات عليه متكدرون تاخذونه بدون سبب قوي وهوه مريض
اليان : عندي اثبات وشهود هم بس ياخذونه كلهن يرصلنهم للمركز.
ساهر : اليان لادمرين عائلة ابونه لاتسوين هيج اذكري الله الي تسوينه غلط بغلط انتِ هسه جاي تغلطين مثله صيري احسن منه
اليان : هوه اني اريد اغلط راضيه اغلط
جنان : اليان بنيتي فدوه حبيبتي لاتسوين هيج اخوج مريض
اليان : انييي هم جنت مررريضه هم مرضت ليششش مافكرتو بيه ماكلتووو خطيه لوو هسه تحركت مشاعركم بس علئ تيمووور.
_اليان اني اشرحلج كلشي والله بس اهدي وخلي الشرطه تروح
اليان : لا والله ماسكت ولا راح اتنازل ابد سيدي رجاء كملو شغلكم.
هز راسه الضابط بأي اشر للجنود راحو علئ تيمور ركضت عليه واني دموعي علئ خدي صرت كدامه واني اشهك
_لااا لااا فدووه لاتاخذو ميكدر يكعد بالسجن مريض عوووفو بحاله لاتسوووين هيج الياااان لخاطري اذا تحبيني لاتسوووين هيج.
اليان : اريانا وخري عنه ولاتدخلين خلي يتعاقب.
_اخذوني اني اني انسجن مكانه لاتاخذو هوه
تيمور : اريااانا شتصخمين بالسجن انتِ اكعدددي راحه لاتدخلين يلا وخري.
_ماعوفك مراح اخليهم ياخذونك اني المسؤله عن كلشي اني السبب.
سحبني واحد من الجنود من ايدي ودفعني بعيد صاح تيمور بصوت عالي
تيمور : ايييييدك ولك
التمت عليه الجنود خلو بالعربانه وقيدو اديه بقيت اباوعله واني ابجي.
اخذو طلعو من البيت ركضت وكفت بالباب اباوعله بكسره دموعي عشره عشره كله مني اني السبب بكلشي شسوي هسه شلوون اتصرف دخيلك ياربي ليش هيج.
....
رهف : ها خويه لبارحه ماكدرت اسألك عن اليان شصار وليش خليتها راحت.
آرون : صارت زينه وهيه طلبت ترجع لبيتها وهم أليڤ ضايجه منهاا روحتها احسن حل
رهف : أي صح احسن خليها ترجع لبيتهم
آرون : ميران رايح؟
رهف : الصبح طلع كال رايح لمول بالمنصور يريد يشتري ملابس ويغير جو ويه جماعته
آرون : هم عنده اصدقاء هنا
رهف : والله مادري هوه هيج كال
آرون : ابوي وين
رهف : ابوي تعبان وراح يقيس ضغطه
آرون : تمام لويس رايح ارتاح شويه تعبان
رهف : ع راحتك.
راح علئ غرفته جانت أليڤ كاعده علئ السرير تباوع بجهازها من دخل سدته وخلته جوه المخده وسوت نفسها نايمه ابتسم راح كعد يمها مشه ايده علئ شعرها
آرون : أليڤ
أليڤ : نعم؟
آرون ; اني اسف
أليڤ : ...
آرون : اعرف السويته غلط المفروض مامد ايدي عليج بس انتِ غلطتي وتجاوزتي علئ ابوي واختي وكدامي وهنتيني كدام صديقي مع هذا هسه اجيت وعتذرت لأن مديت ايدي عليج بس ع هاي الشغله لان مغلطان اني
أليڤ : ماغلطان؟ صدك تحجي لوو تشاقه وياي جايب بنت بحضنك لبيتي وماغلطان تكعد يمها بالغرفه وماعرف شيصير بينكم وماغلطان تضربني وتعيط عليه وتهيني كدام اهلك واخوي وماغلطان لعد منوو الغلطاان أيسر منوو.
آرون : كل تصرف سويته شرحتلج عليه بس انتِ رافضه تصدكيني.
أليڤ : أي ماصدكك ماصدك أي شي تكوله تعرف شيء اني كرهت هل زواج كلش وصرت ماطيق أي شخص هنا لا انتَ ولا اهلك ولا أي بشر.
آرون : شنو هل اسلوب والكلام بيج شيء من تزوجنه ولحد هذا اليوم انتِ يوم عن يوم تتغيرين شجاج فهميني شبيج ليش هل تصرفات اني زوجج أليڤ ماخليتي احترام بينه مثل ما اني متقبلج وساكت عن كل تصرف تسوينه المفروض تكونين مثلي
أليڤ : والله هذا اسلوبي اني وانتَ تعرفني وعايش وياي ماتغير ولا راح اتغير لأي شخص كان.
آرون : وياي هل حجي؟
أليڤ : أي وياك
هز راسه بأي عافها وطلع من الغرفه هزت ايدها مراضيه رجعت تمددت وطلعت جهازها.
آرون : رهف خويه بس من يجي ابوي كوليله يخابرني عندي موضوع وياه
رهف : وين رايح هستوك رجعت من الشغل
آرون : طالع اتمشه شويه
هزت راسها بأي عافها وطلع من البيت بقت كاعده وحدها تصفن
مرت نص ساعه اندك باب البيت راحت بعربانتها فتحت الباب جان جون صديق آرون ابتسم من شافها
جون : سلام
رهف : وعليكم السلام
جون : شلونج
رهف : الحمدالله
جون : أيسر موجود
رهف : لا والله قبل نص ساعه تقريباً طلع يتمشه
جون : هذا الدايح مايكعد بالبيت كل ما اجي عليه ما الگاه
رهف : ههههه اي شيسوي خطيه تعبان كلش والله
أليڤ : رهف
رهف : هااا
أليڤ : شعندج واكفه بالباب
رهف : هذا جون يسأل علئ أيسر
أليڤ : وانتِ شعلييج واكفه بنص الشارع ادخلي جوه يلااا.
بلعت ريكها بفشله باوعت لجون ساكت ويباوع أليڤ بغضب رجعت دخلت بقه واكف اجت أليڤ
أليڤ : اعذرني بس اخوها مايقبل
جون : لا عادي ماكو مشكله
أليڤ : تفضل ادخل
جون : لا رايح غير مره اجي اشوف أيسر
أليڤ : هوه خابرني كلي هسه راح يجي تعال ادخل خليني اسويلك كهوه
هز راسه بأي دخل وياها للبيت دخلته للاستقبال راحت للمطبخ شافت رهف كاعده بالصاله هزت ايدها وراحت للمطبخ سوت كهوه ومعجنات واخذتهن اله دخلت يمه
رهف : ماعرف علئ شنوو شايفه نفسها تتحكم بيه والله يالله
ضجت كلش من صاحت عليه أليڤ كدام جون ماحب شخص يقلل من قيمتي حته لوو جنت عاجزه.
كاعده بالصاله شويه ودخل اخوي للبيت شايل بيده علاليك
رهف : ها خويه رجعت
آرون : أي حبيبتي جبت الكم غده متاكد أليڤ مراح تطبخ ليوم
رهف : هههه اي
آرون : ابوي بعده مارجع
رهف : أي والله بعده اجانه جون
آرون : هنا بعده لو راح
رهف : لا كاعد بالاستقبال
آرون : وحده؟
رهف : والله مادري شفت أليڤ اخذتله كهوه
هز راسه بأي عافني وراح علئ الاستقبال باب الاستقبال ع صاله يعني من ينفتح يبين الشخص الكاعد فتح الباب أيسر انصدمنه ثنينه بالمنظر الشفناه صاح أيسر بصوت عالي.
