رواية صراع الشيوخ الفصل الثامن والعشرون بقلم ليال القمر
ارجوان بعد متعرف شتسوي نزلت برجفة : شكوو
الاء بقلق: مادري والله يگلون واحد من الولد مسوي مصيبه
ارجوان بخوف: ليش شنو سوة؟
الاء وهي تروح وتجي بقلق: مادري ارجوان خليني اشوف ندى مرت اخوي بلكت تعرف شكو
الاء بقلق: مادري والله يگلون واحد من الولد مسوي مصيبه
ارجوان بخوف: ليش شنو سوة؟
الاء وهي تروح وتجي بقلق: مادري ارجوان خليني اشوف ندى مرت اخوي بلكت تعرف شكو
ارجوان هزت راسها وگعدت علة القنفات وهي متوترة وتسمع رمي وصراخ برة
++++++++++++
العم كريم: شمالك خوية ترمي
الشاب بصراخ: اي ما تعرف شمسوي ابنكم طبعا حقكم
جاسم: بلا لغوة زايدة تحچه شتبغى
الشاب بعصبية: ابنكم منهزم وية اختيييييييي
العم كريم انصدم: منوووو بيهم اقصد شسمه اللي نهزم
الشاب: سمييييير
العم كريم والعمام والشباب انصدموا ليش ينهزم سمير ويه اخت الشاب
الشاب بعصبية: تگيلولي وينه العار لو هسة اخلي دمه ممدود بالارض
العم صگر: مستحيييل سمير ما يسويهة
الشاب بغضب: مو مشكلتي انه اريد اغسل عاري واكتل ابنكم واختي
العم كريم: اهدة ابني بس خلينه نسوي گعده ونتفق
الشاب: چاا خوش انه رايح اجيب كبار عشيرتي واجيكم
العم كريم وهو يمسح صفحة وجهة بتعب: انشالله باچر العصر
الشاب أومئلة براسه وهو شايط ودمه محترگ عله اخته اللي هربت
دخل الكل للبيت مرة ثانية وهمة قلقين
الاء بقلق: ها خوية شمالك
العم كريم وهو اعصابه تعبانه: سمييير العار ماخذ بنتهم ومنهزم
هيفاء مرت العم صگر: عززززة صخام الصخمني چا شلون بينه
هيفاء مرت العم صگر: عززززة صخام الصخمني چا شلون بينه
ايمان بصدمة: لا مستحيل يسويهة سمير
العم كريم بصراخ: وين اودي وجهي انه هااا ويييين العالم كلهة حتصير علي والله يستر اذا مو هو خاطفها
ايمان مرت العم عالي وهي تلطم وتنوح: يمه سودة بوجهي ولدي راااح
الكل يباوعلهة بشفقه والعمام حايرين شلون يسدون هاي السالفة
______________
ارجوان بهمس وهي تأشر لقاسم : قاسم فدوة تعال لغرفتي
قاسم: هسة جاي
گامت ارجوان ودخلت لغرفتهة وقاسم دخل وراهة
ارجوان بقلق : قاسم اخاف همات ينطوني فصل والله ادمر
قاسم بعصبية: اششششش حته اموتهم غير اذا ينطوچ وانتي مالچ دخل بالسالفه حته تدفعين ثمنهة
ارجوان: اوووف قاسم صار عندي شي رعب اسمه طلايب وگعدات عشائرية ابد ماحب الوضع هنا
قاسم: علة الاساس اني المتأقلم هو اني روحي طافرة ومو گادر ادخل عدهم
ارجوان باوعتلة بغموض: خلي نترك كولشي ونعوف بابا بارض الواقع
قاسم: ههههه ضحكتيني شلون نهرب اذا انتي قاصر هاا
ارجوان بانزعاج: شبيك قاسم عفية اي شي سوي المهم ما ابقه اني هنا
قاسم بابتسامه خبيثة: ولا يهمچ نهرب نهرب بس منطلع للعراق انروح لخوالنه ببغداد
ارجوان وهي تحضنه: او ماي گاد قاسم حلوة فكرتك....تراجعت شوية وهي محاوطه رگبته وباوعتلة: بس شلون اذا بابا عرف بينه
قاسم وهو حاضنهة: ولا يهمچ اني راح ادبر الوضع بس انتي وماما جهزن نفسچن
ارجوان وهي تنام علة صدرة: قاسم عفية مو تتركني عود
قاسم: ههههه والله ضحكتيني حبيبتي اكو واحد يترك اخته بس گوليلي
ارجوان وهي تهز براسهة چنهة طفلة: لا طبعا
قاسم: ديالله ابتعدي عبالك ما مصدگة شنو عندچ جفاف عاطفي تمشين وتحضنين
ارجوان بغرور: لا مو جفاف بس انطيكم شوية حبي وحناني لانو اني رومانسية بيبي
قاسم وهو يگعد علة الچرباية: ههههه اي تركينه من غرورچ ما گتيلي اوضاعچ شلونهة يعني صايرة متحچين وياي انتي مادري شبيچ
ارجوان: لا ماكو شي بس يردوني البس عباية ودشاديش وعلة قص رگبتي مالبسهن اييع محلوات
قاسم وهو يدگ عله ظهرهة: شگد تتعيقلين سيستر بس اني اگولچ هذا عنادچ يجي واحد ويكسرة وميكون اسمي قاسم اذا كلامي مو صح
ارجوان: ماعاش اللي يكسر غروري شنوو ماعندي شخصية اني
قاسم تنهد: انتي ما منچ فائدة اگوم ادرس علة الكمبيوتر احسنلي يالله باااااي
ارجوان: باي
سد الباب وارجوان گعدت تفكر
ارجوان: عززة منو هذا اللي راح يكسر غروري بس لا اروح فصلية وهناك انكسر.... وهي تمثل البكاء : لا فدوة دخيلك ربي ماريد اروح فصل
"""""""""""""""""
امير تنهد بارتياح: الحمدلله انحلت الطلابه بوية كسروا ظهري بالديوان مايگلون عندهم اخو يحتاج مساعده
حسن يضيق: يولون عود هذول اخوة والله لو اخوتي هيچ چان طيحت حظهم وغصبا اعليهم يساندوني
امير وهو يباوع للسگف مال الديوان؛ يابة شسويلهم غير واحد ملتهي بشغله والثاني كل اسبوع يلتحق والثالث يدرس والرابع هم يدرس والخامس بعده صغير شمفهمة وهم حاير بدراسة
حسن وهو يربت عله چتفه: انه وياك امير لا تشغل بالك
امير ابتسم بابتسامه بسيطه: تسلم يابن عمي و اخوي
حسن: ولا تنسة رفيجك هم
امير: ههه شگد بايخ انت
حسن بخبث: اي شوكت تعرس شيخ امير
امير بجمود: تريدني اعرس وابوي ترابه ماناشف
حسن: لا مو قصدي بس يعني اخاف البنت تروح منك وهي بنت شيوخ تنلگف بسرعه
امير گمز من مكانه: شنهووو والعباس حسن اذا حچيت بعد احط چيلة براسك
حسن: هاذي الحقيقه قابل هي دايمتلك وبعدين هي ماشالله الله يستر عليهة اخلاق وجمال
امير وهو يشد ياقة دشداشته وعيونه حادات چنهن رماح: شنووو گلت عيد ما اسمحلك تتغزل بيهة فهمت مااااا اسمحلك
حسن 😏😏: شني هاي معقولة لهالدرجة عاشگهة
امير تنهد ورخة ايد وغمض عيونه وريح ظهرة علة المخدة: اووف حسن ماتخليني اندل ليلي من نهاري خايف مثل ما تگول انت تناخذ مني
حسن: امير انت لويش ما تحجزهة وتفضهة
امير بعصبية: شنهوو احجزهة بضاعه هي لو تذكرة طيران لا بوية انه اعرف شلون اتصرف
حسن: علة راحتك بس كلشي تريد انه بالخدمة
امير بامتنان: مشكور ... وهو يگوم من مكانه: يالله بعد اروحن احلق انه
حسن بحماس: اااي الحمدلله الشيخ الذيب راح يضوي بكشخته
امير باوعلة بجمود وبرود: حسن بطل سوالفك
حسن بمرح: والحسين شگد باارد انت والله المجمدة احسن منك شجاك ما تتشاقة
امير وهو يمشي: لان الثگل والرزانه حلوة مو مال حركات مراهقة وطايشة وكلشي اله حدود حسن
حسن 😒😒😒 مشه وراة وگالب خلقته
~~~~~~~~~~~~
العم كريم: اهلن بيكم وبهالوجوه الكريمه بس اعذرونه يالشيوخ ابن اخوي مانعرف ارضة من سماه ماخذ كل فلوسة وشالع وابو تبرة منه واحنه نتبرة منه والعشيرة كلهة ماتريدة
احد الشيوخ: زين شيخ ابو جاسم چا والحرمه اللي نهزم وياهة ما يتعاقب عليهة
العم كريم: انه اعترف الغلط من ابن اخوي بس ترة الحرمة هم تفكر مو تنهزم وية الولد
الشاب گام يصيح: انه اختي مترباية وما عندهة هاي السوالف گول ابن اخوك بشنهو جابرهة ومهددهة
الشيخ الاول : ياجماعة الخير صلوا عله النبي
الكل: اللهم صل على محمد وال محمد
الشيخ الثاني : والله انه اگولن تناسبوا وتركوا الحرمه والشاب ولحد ماتلگونهم غسلوا عاركم
الشاب: انه اريد سمير واكتله واغسل عاري
الشيخ الثاني: خلص بوية تناسبوا حته ماتصير بحر دم اعليكم
ابو احمد گام باعتراض: بس احنه ماعدنه حرمات حته نتناسب
العم كريم : اي ياخوي ماعندنه
الشاب بعصبية : انه مالي شغل اريد لو حرمة لو اكتلهم ثنينهم
الكل يباوع واحد بوجه الثاني من الصدمة
قاسم وهو يقبض ايده بعصبية : اخي دنگولك ما عدنه بنات كُلهن مزوجات والباقيات صغار كولش
الشاب بعناد وحزم: انه مالي شغل تردون بحر الدم يوگف نتناسب غيرة ماعندي
العم كريم صفن بوجه اخو جواد لگاه منصدم ويغلي من القهر
العم كريم : يابة جاي انگلك ماعندنه حرمة
الشاب باعتراض: شيخ هذا اخر كلام وماكو نقاش
العم كريم: انطونه عطوة نفكر وردلكم خبر
الشيوخ والاكبارية كلهة گامت: يالله نحنه نتوكل وبلغنه ردكم بعد ثلاثتيام يابو جاسم
طلعوا الشوخ بعد سلام والعمام كولهم گعدوا من الصدمة
ابو احمد بحرگه: لو تموتون مانطيكم بنتي شنو هي سلعه قابل انه مارضى تروح فصلية مارضى
احمد: انه اختي ماتروح واحنه مالنه شغل تبرينه منه وبعد هاي هية
العم كريم تزاحمت علي الامور وبعد ميعرف شيسوي وقرر بقرارة النهائي
العم كريم باوع لابو احمد بحزم: انه قررت وهذا قرار ما بي نقاش ارجوان....
