رواية هموم الشيخ سند الفصل الثاني بقلم ميامين الطائي
ملاحظه صغيرونه قبل منبدأ البارت الكلمات المستخدمه بالقصه مثل(چا ، لعد) مو اني ضفتهن من گيفي لا هاي الكلمات يستخدمونها ابطالي لان البيئه العاشو بيها تحجيهاا ويستخدموها واني مذگرت انو القصه بلهجه اهل الحله لا تحياتي الهم..
لان داستخدم اللهجه مالتنا الي هيه اللهجه العراقيه+جاي انقللكم القصه بدون ماانقص حررف وتحياتي الگم وتفاعلو بالقصه لان چاي اتعب وشاركوها وي اصدقائكم
••••••••••••••••••••••••••••••••••••••••••••
لـم يـكن سـهلاً أن ابـتعد عـن شـيء أحـبه،
لـكنني فـعلت. . 🥀؛
سند: اكو شي نحصل عليه بس معدنه رغبه بيه يجي بالوقت الغير مناسب والي مامتوقعينه تحدد يوم زواجي هو الخميس الكل مخبوص بيوم الحنه مات رجال ابن جيرانه ماكدرنه نحتفل لان زحمه الولد يمنه واكف بكلشي ويانه ماسوينه حفله ولاشي سكته
اوس: المفروض اجيب طبقة بيض وطگه بكصتك وبراسك
سند: شنو فائده الزواج نفرض عليه مالي نفس بيهاا مااحبهاا
كرار: مهما يكون لاتكسر خاطرها مالها ذنب البنيه انت تعرف العادات والتقاليد شتكول
سند: هو شلعب بينه غير العادات والتقاليد منو وصلنه لهل شي
اوس: بعد ميفيد الكلام ولاتظلم البنيه هي حالهاا حالك وانسئ كلشي
سند: مااعرف محتار مااريد اظلمهاا وياي وكلبي مارايدها ولاحبهاا من اشوفهاا اشوف اخواتي حاله حال اخواتي
كرار: انسئ هل شي ابدي من جديد لاتعترض علي امر ربك
سند: الله كريم جنت محتار بنفس الوقت خايف علي وفاء بس وفاء ثبتت العكس لي ماحاربت علي هل الحب جنت اشوفه تركص اكول شنو من بنت هاي معقوله وين الحب وين الغيره صارت بليل زفتي لادكه ولاهلاهل ماجنت احس اكو فرحه وسن تختلف بنيه هادئه وحلوه صح مو ذيج حلاتهاا بس معانيهاا حنطاويه دخلت للغرفه جوه ماردت الفوك مااعرف ليش ماجنت احس بيهااا فرحانه ولااريده كانما شي عادي زفوني دخلت تقربت الهاا بست راسه مبروك الله يقدرني وااسعدج اعرف يمكن ماجان هيج حلمج بعرس بس .....فاجئني ردهاا
وسن: الله يبارك بيك ابن عمي لاباالعكس هذا احسن عرس يمكن هلاهل والهوسات راح تصير طلاقات بصدري
سند: وسن شنو مشكلتج ااحجيلي ليش هيج بقت تبجي اقسملج بالقران وحق ستر زينب راح استرج حجيلي شنو لي بيج
وسن: صعبه عليه سند يمكن من احجي راح تصير ضدي اني مخايفه يمكن سوي فضل عليه اذا راح تقدمني للموت
سند: مااعرف فكرت انو مو بنت بيت افاااا عليج... قسمتلج بستر زينب الحوراء راح استرج لاتخافين وعد مني....
وسن: ياسند قصتي انو حبيت شخص مو من طبقتنه... انتو كل همكم المكانه مجنت احبك ولااريدك جان حبي للولد نظيف بعمره ماااذاني برغم فقير تعرف جان يجيبلي هدايا لعابه جكليته ماجان يعز عليه كلشي حبيته صرت مجنونه بيه محسبت العواقب الاهلي سنه اني نفس الطير المذبوح مجربهااا سند حب وكلمات ورسائل بسيطه طيرك للسماء مااردت ذهب ولاشي شوف هاي گلاده بسيطه ام الحروف هو جابهاا بيوم الي... كل يوم يروح يشتغل شغلتين صبح وظهر في سبيل يلم المهر من جنت اشوفهه يرجع من العماله تعبان ينكسر كلبي عليه سند حبيبته حب بس الله يعلم جنت الم حتي اساعده بالمهر لحد سنه لم الفلوس من اجه تقدم لي اهلي قللو من قيمته كالو انتي لسند اجه اكثر من مره حيل تعذبت بعدهاا تيتمت اني يااسند جنت من اشوفهه احس روحي عروس لحد مابيوم من كد مايشتغل طايح من فوك العماره ليجوه لان عمك ومرته كالو بستهزأء انريد 25 مليون مات واني بنفسهه ماتحملت خبر موته جنت حالفه اله بالعباس ابني منك مو من غيرك بيومهاا لكيت سلاح ابوي واانتحرت بس مامتت هنا اني كل يوم اموت الف موته ماردت ازوج بس اانجبرت عليك مابيدي شي اسوي من كد ماابجي اشتاق اله صار عندي قلب اهلي ماكالو هسه ياسند شنو تريد سوي قابله بس موتني
سند: جنت اشوف الحب ولهفه لي ماشفتهع بعيون وفاء من تبجي بحرگه والآم شوفي وسن اقسملج بالفضل العباس واميري علي انو ماراح تقرب الج بستهاا براسهاا انتي اختي تريدين ااطلكج تريدين تبقين علئ ذمتي بس بعمري مراح تقرب الج اني احب وفاء بنت خالي
وسن: اني جاهزه الي تريده اصيرلك خدامه لاطلكني لان هم راح يزوجوني شوف اني عندي عجز بقلب حتئ الدكتور كلهم ميصير تزوج هذا عذرك وياك
سند: يصير خير غيري ملابسج ونامي رغد انو محيصير شي بينه فعلا ماتقربت الهاا ولااعتبرتهاا زوجتي بلعكس كبرت بعيوني تمنيت انو وفاء هيج تحبني بهاي ليله اسمع شهكات وسن تبجي نمت وكعدت مصدع راسي لان مانايم عدل سبحت صباح الخير
وسن: صباح النور اعذرني سند يمكن واحد يمكن كتلني وخلص مني لجن مو بيدي سند
سند: بلعكس انت سويتي صح ماراح الظلمج كل لي يسئلج كليله كلشي تمام اني راح اصرف وي اهلج
وسن: الله يوفقك ويسعدك يارب بحق الحسين تزوج البنت التحبهاا وتحبك
سند: نزلت بارگلي جدي وعمامي الكل ملتمين عمي ليش مكتلي وسن عدهاا عجز بالقلب لو ميته البارحه شتريد الناس تكول
ابو وسن: ها اني ردت اكلك بس ماردت اخرب فرحتك ااعذرني بعد عمك
سند: جدي اني البارحه حتئ ماااخوفكم اخذت وسن للمستشفئ وطلع عدها عجز بالقلب وكال الدكتور انو ميصير اتقرب الهاا خطر عليها وعلئ حياتهاا اني ياجدي مااريد وسن تخسر حياتهاا علمود رغبه
جدي: الغلط مو منك الصوج بااهلهاا التشوفه مناسب سوي سند انت اعرف بعد
سند: بست جدي براسه بقيت بين الناس تجي تبارك لي المهم مرت فتره بيومهاا كلت احجي وي جدي علمود اخطب وفاء ااكلج وفاء اني راح ااحجي وي جدي واهلي حتئ يخطبوج
وفاء: ها لا سند مو هسه خليهاا غير مره ليش مستعجل ماااروح من ايدك
سند: بس اني اريدج اليوم قبل باجر تعرفين ماتقرب لوسن
وفاء: ميخالف ااصبر يااعمري ماراح ازوج غيرك اني ولاااعوفك
سند:،خوش تمام التريدينه يصير يلا اني راح طلع واجب سديته وطلعت واجب طلعت واني مامتحمل روحي كملت شغلي اني التحق 10 ايام وانزل 10 ايام بهاي الفتره اني ملتحق صافن خابرتني امي هلا بالغاليه شلونج
ام سند: هلا يبعد امك شلونك اني زينه
سند: الحمد الله جدي شلونه ابويه البيت
ام سند: كلهم زينين اكلك يمه باجر خطبة بنت خالك وفاء ماتجي
سند: شنو يمه جاي تحجين انتي
ام سند: والله يمه هل خابرتك حتئ تحظر وي خالك
سند: بقيت مصدوم قبل شويه تحجي وياي شنو خطوبه سديته من امي خابرته مغلق مستحيل وفاء سوي هيج ادك مغلق نزلت بليل اني اريد اشوفهاا احجي وياهاا
جدي: شمالك ياسند صاير شي اشو مو علئ،بعضك لازم تلفونك وتخابر
سند: جدي راحت من عندي باجر خطبتهاا شسوي جدي
جدي: عوفهاا سند محلو بحقك وحقنه انت شيخ ابن ناس معروفه لاتفضح البنيه خليه تروح بحال طريقهاا
سند: شلون جدي اني اريدهاا ومشتريها ونيتي زواج وياهاا
جدي: اششش بعد مايفيد الكلام لي كاتبه ربك يصير اذا مقسومه لك تزوجهاا روح هسه رتاح
سند: مختنك ماتوقعتهاا هيج نمت كعدت وقت للظهر ردت اشوف منو هذا الراح تزوجه منو هذا الي فضلته عليه لبست كشخت علئ اخر حبايه وطلعت اول مانزلت من السياره تضحك اجت عيني بعينهاا سوت نفسه ماشافتني اني دخلت اجو الناس والولد تباوع اله ماحجيت شي كملو عقد القران واني طلعت مااكدرت ااتحمل من عفت كلشي وركزت علئ شغلي ودوامي عفت الذكريات بليله عرسهاا جنت كاعد
وسن: اجي اكعد يمك
سند: تفضلي ااكعدي
وسن: مو كلشي نريده يصير النه خليه تزوج اشوفهاا عيونك ولاميته يمكن ربك ضاملك الاحسن الله يعوضك بالاحسن منه
سند: ماجنت عندي نيه سيئه اتجاههه وردت ازوجهه لي برغم مو ذاك تعلقي بيهاا بس ماردت العب بمشاعرها وااكسرها
وسن: اعرف سند بس الطيبون للطيبات وهاي ارادة ربك لاتضوج اتمنى الهاا الخير
سند: بلعكس فرحان الها الله ويوفقها ويسعده ماعندي شي وياها
وسن: صدكني اذا مقسومه الك تصير لو دنيا كلها تصير ضدك
سند: بقيت ادخن مالي خلك حيل مرت سنه علي فراك وفاء ونسيتهاا بيوم اجاني اتصال من رقم غريب ...الو منو
وفاء:،سند اني وفاء لاتسده فدوه. اريد حجي وياك بداعت امك
سند: شنو رايده وفاء زوجتي كلشي انتهي شتريدين بعد
وفاء: اني انجبرت سند ابويه جبرني وكال اله تزوجينه ماتدري شكد تعذبت حتي تلفون اخذو مني اني لحد هسه محافظة علي شرفي ماخليته يتقرب الي وتطلكت
سند: تريدين تقنعيني وفاء انو لحد هسه انتي بنت بيت صارلج سنه ليش مخابرتي مادزيتي احد كلتي مجبوره
وفاء: اي والحسين لحد هسه بنت بيت ماتدري سند هواي تحملت گتل علمودك.. بس حتي محد يتقربلي اني احبك
سند: اني غبي صدكته وفاء صارلج شكد تطلكتي لان مااريد علاقه اريد اجي اخطبج
وفاء: خوش طلعت من العده موافقه يمته ماتريد جاهزه مااريد خسرك بعد
سند: تمام سديته حجيت امي هاي اكبر غلطه بحياتي اريد اخطب وفاء وجدي مااعترضو راح خطبولي فعلا وقبلو وصارت المشيه عقدت بس مافرحان شي ناقص وخانكني رجعت سبحت ونمت
لم تكن خيبة فقط ، إنما كانت صفعة جعلتني أحذر لـلأبد !
سند: مااعرف شنو جنت اريد اي سند مو ردت البنت وتحبهاا وهي تحبك وضحت علمودك تحملت كلشي لو وحدهاا غيرهاا نستك وطلعتك من حياتهاا بين صفناتي دكت وفاء الو هلا وفاء شلونج
وفاء: شلونك حبي اشو ماتخابر لاتسئل
سند: الحمد الله والله مشغول بالدوام
وفاء: ها الخميس عرسنه ماتصور شكد فرحانه انت هم فرحان نفسي
سند: بعدين اخابرج سديته اني ماطايق نفسي كعدت علئ شط مخنوك
كرار: شبيك سند احسك هل فتره مو علئ بعضك من خطبت لهسه
سند: مااعرف كرار هاي البنت لي خطبته جانت علاقه بينه واحبهاا وتحبني بس هسه مو فرحان مااعرف شنو اريد المفروض هسه فرحان
كرار: سند انت اخوي وعشرة عمر بينه بس اني ماجاي اشوفك تحبهاا ولااريدهاا ليش تسرعت وخطبتهاا وهي مزوجه قبل
سند: كرار حلفت ماتقرب الهاا زوجهاا لان تحبني ونجبرت مااريد اظلمهاا وياي
كرار: سند بيك شي شنو ماتقرب اله كل عقلك تحجي انت وين عايشين احنه والله مااصدك وحده تزوج مايتقرب الهاا زوجها اذا مو رجال لو مريض،
سند: مااعرف والله تعبت اني هم اريد ازوج استقر تعبت مخلص وي الاكح* ب وسهرات خليني استقر احسن
كرار: الله يسهل لك توكل لاتبقي تفكر لي كاتبه ربك يصير
سند: الله كريم بقينه نسولف اني وكرار رجعت كل مايقرب موعد عرسي اني مامرتاح ماعندي واهس وفاء تتصل يااسبحان الله ...الله ماكتبلي افرح بعرسي ابد جابو اقاربنه من بعيد شهيد بيوم الحنه تخيلو حنتي وعريس اني ملتهي وياهم بالتشيع لاااسويت عرس ولازفه سكته جبت وفاء حتئ هلاهل ماكو ولارمي ولاشي خليتها وطلعت ماكو بس عمامي وكرار واوس
اوس: شنو دهرك من الله ماتكلي هاي ثاني عرس فاتحه لازم الطك بكصتك بيضه
كرار: ان شاء الله بالعرس الثالث ماكو شي هههه
سند: ياثالث يمعود يمكن العراق كل يموت والقيامه تقوم كله ماتسكتت زواج
اوس: بهاي صدك كلشي توقع منك لان مااستبعده ابد
سند: بقيت اسولف لحد ماردو يزفوني مااريد ادخل الغرفه برغم وسن زوجتهاا بس ماجان ااحساسي هيج دخلت الغرفه وسديت الباب بستهه براسهاا مبروك الله يقدرني واسعدج
وفاء: الله يبارك بيك مبروك لك حبي الله يقدرني وااسعدك
سند: ان شاء الله وفاء الماضي زواجج كل تركيه وراج علينه بالجديد انسي ابصار
وفاء: صار تدلل من عيوني التريده تم
سند: مااعجبتني حركتهه بس كلت فرحانه غيرت ملابسي وتعشينه والله مالي نفس كملت صليت ركعتين حتئ ارتاح شويه ودعيت كملت اجيت تقرب الها مااعدها خوف ولاشي تقربت الها بس بصعوبه اخذتهاا حسيت انو مخيطه بس كلت جاي اخربط لدرجه انو هي بقت تبجي من الوجع مسحت دموعهاا اسف اذا ااذيتج بس مو قصدي
وفاء: اي ميخالف المهم اني لك
سند: بست براسه ورحت سبحت وكملت رجعت نمت كعدت صليت وكملت رجعت نمت كعدت الصبح غسلت لبست داشداشه وشماغ وعكال وفاء شالج كدام اخواني ماينزع مفهوم تحترمين الاكبر منج ماتراددين ولااسوين مشاكل وعلي افنيج من الوجود مفهوم
وفاء: صار تريد تدلل شعندي غير رضاتك
سند: خوش نزلت باركولي ونطيتهم بياضهاا الهم الكل صفن
جدي: شني هاي بويه سند البنت غير مطلكه
الحجيه: ياحبوبه سند شجاك شني كدامك ازغار وتضحك علينه
سند: حقكم الكل متفاجئ بس البنيه من تزوجت ماتقرب الهاا زوجهاا محافضه علي نفسهاا احس امي تخزر بوفاء وجه تغير
وفاء تباوع الامي وخايفه
جدي: بالمبارك بويا منك المال ومنها العيال
الحجيه: مبارك حبوبه تعال احبنكم
سند: الكل باركلنه وتركيت وطلعنه والناس تجي تبارك المهم مرت فتره علي زواجي من وفاء ماكو مشاكل ولاشي
وفاء: سند ماطلك وسن المن مخليه يمك
سند: لاتدخلين مو شغلج معليج بوسن اذا سمعت محاجيته ولو مأذيته بشي ماتلومين الا نفسج وعلي ...مفهوم
وفاء: شبيك سند هسه اني شحاجيتك انت مدري شبيك متغير لاتهتم حسبالك مو موجوده شني نسيت اني حبيبتك ومرتك
سند: شتريدين ابقي لازك بيج بابه اني رجال مو الخلص عمري حب مااعرف شنو مو مراهق اني خلي انام عفتهاا حسيت جنت مخدوع بيهاا جاي تبين وجهه الثاني بيوم الجمعه عادتنه نشوي سمج ونلتم اندك باب...
زيد: هاي مره بيدهاا بنيه تريد وفاء
سند: وفاء وامي انخطف لونهن خليه تدخل ليش خليته براااا
وفاء: يمكن صديقتي اني اطلع اشوفهاا
الحجيه: صديجتج هسه تجيج بهل وكت خليه طب جوه شمالج خايفه
جدي: حياهااا خل طب تفضلي
المره: السلام عليكم اني ماجايه اكعد ولاشي اجيت اسلم امانه واروح
الجدي: تفضلي ااحجي نسمعج
المره: شوف وفاء من عرستي شمرتي بنتج مافكرتي بيهاا ولاكلتي شنو من ام انتي بنتج تمرضت وصلت للموت اجي الاهلج يطردوني جم مره اجيج تطرديني اني معندي شي وياج بس محتاجتج البنيه من هسه اخر جيه هاي اذا مردتيه تحلمين بعد تشوفينه وتوصلين الهاا
سند: هنا بقيت مصدوم الكل يباوع الي شنو بنتهاا غير مالمسج ماتقرب الج جاي تحجين حجيه
جدي: حجيه انتي متوهمه البنيه بنت بيت من تزوجت ابني جنج غلطانه
المره: هم ضحكت عليكم نفس ماضحكت علي ابني خلتهه يزوجهاا انتو دخلتولكم حيه وعگرب صفره البيتكم الله وكيلكم ابني مهندس ضلت تفتر عليه لحد ماتزوجته بالاخر سوت مشاكل وعده علاقات لزمهاا وي واحد وطلكهاا اني بلغتكم
وفاء: جذابه جذاابه لاتصدكونه هي تكرهني ابنج مو رجال لاصدكهاا سند هاي تجذب هاي مو بنتي طلعي وخذي الزباله الي وياج
المره: طالعه بس يشهد عليه ربي بعمرج مااشوفين بنتج اودعناكم
سند: لزمتهاا من شعره ولج كدامج زعطوط وتضحكين عليه سحلته بسطته وكتلته اليوم اموتج اااحجي
وفاء: والله اني احبك بس مااعرف نضحك عليهه كالو مايحبج ورحت ارتبطت وتزوجت وبعدين حبلت وابن عم رجلي جبرني ومن تطلكت رجعت لك
سند: كلتي خل اضحك عليه لان غبي ومطي ولج فهميني شسويتي امي تعرف مو
وفاء: كلهاا تعرف حتي خالتي بس مااتدري بيه حسبالهاا تعرف عندي بنيه ومن رادت تكلك حلفت الهاا كتله كتلك هو مايريد احد يعرف هنا رحت لصديقتي ممرضه خيطتني
سند: كتلته كتله خليته تزحف علي ركبها لمي هدومج الاهلج.. اريد رجع مالكيج هنااا مفهوم
وفاء: لاافدوه سند ابوس ايدك ورجلك دخيله عندك خليني خدامه جوه رجليك
سند: عفته وطلعت لان اذا ابقي اموتهاا مامعقول استغلتني كرهتهاا ردت انو اخلص منهاا رجعت مالكيته صاحني جدي
جدي: شوف سند بعد تزوجت ماصار لكم شهر عيب من العالم كلنه مااقتنعنه بالسالفة بس الحجي بعد ماايفيد
سند: لو تصبونهاا الي من ذهب مااريده كرهتهه جدي واطلكها وانطيهاا كلشي
جدي: انت مو بكيفك تزوج وطلك بنت عمك سكتت عنك كلت مريضه الفاس وكع بالراس عوفهاا فتره يم اهلهاا انت لي ردتهاا لاتنسئ هذا اختيارك تحمل مسؤولية اختيارك انت العشكت وهويت هذا الدرب محد جبرك حجينه ونصحنه ماافاد
سند: كرهت الدنيا فعلا هذا اختياري... اني عفت جدي واني محتار بضيمي لبست ملابسي والتحقت....
