رواية هو لا يشبههم الفصل الواحد والثلاثون بقلم تبارك الوائلي
ولعلّك تَلتَقِي بِشَخْصٍ أَنْتَ عِوَضُهُ، وهُوَ عِوَضُك"🫀أخذني
من التعب يمك
أخذني وياك من عندي
أخذني بأي حلم ارتاح
مو شرط بحلم وردي💍❤️
جمانه : رد طلع صديقه مصطفى سلم عليه
الدوام هسه بادي وايهم مراح كاله مصطفى
اني باوعت صفح عليه وهو ضحك وكال .
:- والله مالي علاقه لج بابا زوجج محبوب عند الكل وهنه يسالن عليه اني شكو مو كاعد يمج شفتي لتحجين عليه بعد هن يحارشن .
:- والله مادري شكول عليك ايهم محبوب بس يم النساء يسالن عليك اكيد تحجي وداهر وياهن وانت اشلون متحب الشقه والمداهره .
:- شسوي يا عمري انتِ هذا طبعاً بالبشر ماكدر اغيره وبعدين شتريدين اصير عكره وابوز اكو احله من خفت الدم .
:- أي ضل خفيف دم لحد مياخذنك الحبابات .
ضحك عليه وكعد يحلف ميبدلني لو شيصير .
ومرت ايام الكليه بالعركات اني وايهم مرات ازعل وهوه يرضيني مو بايدي اغار هواي عليه وخلصنه مشاكل الكليه بالكوه ومره دكت عليه ابنيه بوقتها اسمها هبه جانت حبيبت مصطفى صديقه وتشكيله من مصطفى اشلون مزعلها وهذا كله طبعاً ايهم يفتح سبيكر من يحجي علمود يصير الحجي كدامي وراضها ويا مصطفى ومرت ايام ضحكنه بيها هواي رغم غيرتي مابطلتها عليه دائما يكلي والله العظيم كلهن اكبار اكبر مني لان احنه دوامنه مساءي اكبار بس ماصدك ابد الحد ما اجه يوم التخرج وحفله التخرج ورحت ويا اني وفرح اختي وطارق وامير وروزه وانهار وبنته وابنها ورحنه وكعد يضحك عليه ويشوفني كم وحده صدك اكبار بالعمر ومو حلوات ابد
:- كال ها شفتي بنفسج اله اشوفج سهادةاليوم .
راح صاح سهاد و عرفني بيها وكللهل زوجتي ام دينا وسلمت عليها راحت المره و ضحكنه ضحك ماصاير وعرفني على الكل وسلمنه عليهم وصدك جانن حيل كبار حتى اكبر من ايهم اخذنه صور وايهم اصر يلبسني القبعه وياخذلي صور بيها وكال .
أيهم : انتِ تستاهلين تلبسيها لان تعبتي وصبرتي ويايه والاهم صبرتي على سهاد .
وصدك ضحكنه وصورنه كل حفله التخرج بس جنت اتمنا ادخل للقاعه والبسها اني بس ماقبلو ندخل جوه حرس الباب بس انهار مادري اشلون بقت تحجي ويا الواكف بالباب بدون ميشوفها ايهم وطببها جوه وشافت ايهم نزل من الدرج وشايل روب التخرج اخذتها منه ولبست الروب والقبعه وخلت بنتها اصور ايهم انتبه عليه واكفه وره السياج راساً اجه عليه كال .
مرت الايام
علينه وكبرو الجهال كلهم صارو شباب اولادي اولاد اخواني ، ابن صالح اخويه كبر هو أكبر حفيد ماشاء الله صار بطول أبو بس صار حيل مشكلجي سبحان الله نفس طبع اسامه ابن عمي كلش يتعارك ويشرب وكل يوم مسوي مشكله الاهله ومرات توصل للمركز عركاته يحضي شوداك وطلعت على اسامه هذا هم حض صالح طلع عكس أبو اشكد فقير صالح وماعنده اذيه على احد بس ابنه طلع الكاع متحمله
دك مبايل ايهم كالوله " توفه زوج خالته بالدجيل وراح ورجع متأخر بالليل بوقتها طارق رايح بيت خالته فرح لان هو و ادام ابن فرح اصدقاء
دكت فرح وكالت .
" جمانه وين أيهم .
:- ايهم كوم صالح يكول دك على الدوريه يجون ياخذون ابنه لان سكران وميكدرله متعارك ويا ادام
ابن فرح وضاربه .
ايهم فز من فراشه وكال .
:- جيبي المبايل دكي على اخوج وتأكدي خلي البس واشوف خاف فرح بكيفها تحجي .
دكيت اكثر من مره وميرد صالح اخر شي أيهم كال .
:- هذا هو لعد صح كلام فرح تلكي ملتهي بالعركه ويسكت ابنه ميكدرله دكت فرح وايهم بالباب صاحت .
:- الحك ايهم هد علينه بالسجينه يريد يضرب ابني وطارق لان فازع الادم وهسه قفلت الباب عليهم خاف يتعاركون .
اني سمعت تهسترت كتله .
:- اجي وياك عفيه .
:- وين تجين اكعدي وسكتي جمانه .
طلع واني نار شبت بكلبي دكيت طلع صالح واسمع العياط والصوت العالي ونسد الخط يمه ابني اني خفت على طارق شوداك اليوم حضي وداك البيت خالتك رجعت دكيت طلع ايهم يحجي با اعصاب
وكال .
:- هذااااا ابن اخوووووووج صدك محد مربي اجته الدوريه ونهزم حاصر فرح بالباب مكسر جام التكتك مالت ادم وضارب فرح وكالب الدنيا عليهم .
:- يمه عزززاا وهيه .
؛- هسه اجيت وجبت طارق بعد. ابنج ميوصل
يمهم ابد زين .
نص ساعه و طبو واني حمدت ربي من شفت طارق سالم طب أيهم ضايج ومتعصب كال .
:- تدرين الحيون شايل السجين ويريد يضربهم اله شاف الدوريه ياله نهزم واجه ابو ادام هو واخو واخذو جهال فرح لان ادام داك على ابو وعمه وراحو وياهم .
:- يااا خطيه فرح وهسه اخذو ولدها .
:- اي كالو للشرطه نخاف على ابنه وهذا سكران .
:- اي والله مكرود صالح شالع كلبه هل ولد يله طبو نامو .
أيهم : طارق بابا ممنوع تروح وتبقه للعشره بيت خالتك ممنوع ابني .
طارق : عمو والله جنت يم ادام وملتهين نلعب بالبلي وهو اجه ضرب ادام عود بالشقه وادام ضاج وكله لتشاقه وهوه سكران كام وسحله بالكاع واني بس دفعته وكتله ليش هيج تضربه هو تخبل علينه كام جاب سجينه واجه علينه .
أيهم : اي مامتربي ابن خالك ممنوع تروح بعد .
:- صار عمو
طبو نامو أول مطبينه للغرفه ونسمع صوت عبالك عبوه وطكت بالباب طلعنه تركض باوعت شفت ابن
صالح شالع باب الشارع ومن ثكله واكع على باب المطبخ واكف يسب ويغلط ويضرب بالطابوك وتكسر الجام وشون غلط يغلط ميلبس عليه ثوب طلعنه مفزوعين والجهال يصرخون من صوت الضجه والضربه ويعيطون طلع ايهم واخذ المسدس وهو شاف ايهم شايل با ايده سلاح وسحب اقسام راح يركض ونهزم وانوب الباب نكسر القفل بي وميفتح وايهم معصب ويريد يطلع والباب متفتح واني قافله الاستقبال الباب الثانيه ومادري المفتاح وين اختفه
:- ايهم فدوه الخاطر صالح عوفه .
:- لا ابد هذا واحد مامتربي وعباله اني مثل غير واسكت بالقران اله اخيسه بالسجن الابن اخوج خلي
بهاي سوالفه الخايسه يدللل .
اشكد حاولت ويا ايهم ماقبل يتنازل عن الدعوه ابد وامي وصالح زعلو علينه دكت امي عليه وكالت .
" جمانه بعد بيتنه لطبي ابد ولا اريد جيتج علينه .
" يمه اني ليش شعليه هو ابنكم غلط اشجابه علينه
بنصاص اليالي وهجمنه هجم.
ام صالح
"اي زعطوط وجان سكران وميدري بنفسه .
1 ت
" يمه والله لو شوفين الموقف السوا تعذرينه
صوت ضربت الباب عبالك عبوه وطكت وجهالي يصارخون والجام تكسر من غير السب والغلط على ايهم يكله اشلون تجيب الدوريه عليه .
جمانه : اجه ايهم واخذ المبايل مني بعصبية وكال .
أيهم : عمه فدوه اروحلج سكران انتو اهله قابلين عليه ومتحملي اني مامجبور اتحمله ولا اقبل احد يدوس عتبت بابي اني صار شهر كاعد بهاي المنطقه
و الناس تعرفني وهسه من تصرف حفيدج شتكول عليه انسب وانهان بيتي واسكت والله لان قريبي
لا ماقبل على نفسي واني اعرف شلون اربي واخلي بعد يتوب من هل رعونه .
ام صالح
"والله صدك انت متستحي والك جان خليت خاطر النه بس بسيطه شوف شراح اسوي .
أيهم
" براحتج عمه شسوين سوي .
:- كافي جمانه سكتي ولج خلي اريح اهله منه كل يوم مشكله مسوي الاهله وسكران المفروض اخوج يكيف بلكي يتربه ويتوب ابنه .
:- لا عفيه عوفه .
:- ابد والله ماعوفه مادام داس عتبت بابي وسوه هيج اله اندمه .
قفل أيهم عليه و كل يوم مشكله اني وايهم وامي كل يوم ادك عليه امي وتغلط وتهدد .
ام صالح
" بعد منريدج ومنريد جيتج علينه مدامج قابله بلي يسوي زوجج .
كل هذا وبعده ممسجون و دزو البيت جده بغير منطقه خافو عليه لا يسجنه ايهم وفعلا دز دوريه البيت اهلي ومالكو
وبقه أيهم يمشي بالدعوه وميقبل يتنازل واني كل نهاري الوب من القهر اخر شي تعاركنه اني ويا وكتله .
:- متشوفين بيبيتج شتكول .
نور : ميخالف مالج دخل ماما بيبي اشوكت صفت وياج شفتي من فصخنه خطوبه هم صفت ويا خالتي عليج مالج دخل انتِ .
طارق أي يوم عوفي هوه عمو مصر قابل انتِ تكدريله عوفي هوه يتصرف .
:- ولكم جدكم مريض خطيه عمج ماحسب خاطر الهم مكال الرجال مريض .
طارق : يمه عمو هم حقه بلي سوااا .
غفتهم وطلعت كعدت بالطرمه ابجي اجتي نور تحجي وياي وتحاول طببني جوه .
نور : كومي ماما .
جمانه : عوفيني نور ماطب للبيت عوفيني هنا كاعده.
نور : طبي فدوه حاره هنا عليج .
:- لا عوفيني مو حاره .
طلع ايهم اجه باوع عليه ذب نفس وكال .
:- كومي طبي جوه منا العالم ماريد يطلع صوتنه .
:- ماريد عوفني هيج مرتاحه .
:- استغفر الله ربي كومي جمانه وماريد اعيد الكلام كلت طبببببببي جووووووه كومي عااااد فضييييها .
شفته عصب خفت و كمت رحت يم الجهال نمت و زعلت منه بقيت ماحجي ويا وزعلانه من تصرفه وامي مبطلت ضلت كل يوم ادك تهدد وتحجي وتروح وبعدين كامت مدك عليه ولا اني رحت عليهم بسبب هل مشكله اجه ايهم واني كاعده طب سلم وكعد كال .
:- اشلون تبقين كالبه خلقتج عليه ومتحجين ويايه .
:- باوعت عليه وعيوني كلها دموع عفيه تنازل عن دعوه وخلي يرجع البيته وخلصني من المشاكل فدوه اروحلك أيهم عوفه خلي يولي.
:- اوووف يا جمانه صدكي اني ما ناوي اعوفه
بالسجن بس كلت يتأداب شهر ويطلع .
:- ميخالف اهله ميصدكون عبالهم راح تمشي دعوه عليه ويبقه مسجون .
:- راح اتنازل عن الدعوه بس اكو شرط .
:- شنو الشرط أيهم ؟
:- لازم يجون عمامج يعتذرون مني وكدام كل المنطقه لتنسين صار شهر نازل اني جديد واذا سكتت الموقف ابن اخوج شراح يكولون عليه بالمنطقة الناس علمود زوجته سكت لتصرف
واحد زعطوك .
:- بس ايهم خل.....
ثاني يوم انطه خبر العمامي وصارت الكعده بالشارع واجوي كل عمام ايهم كعدو واجوي عمامي وعتذرو
عن تصرف ابن اخويه وراحو وراح ايهم للمحكمه وتنازل عن الدعوه بس بقه اهلي ميحجون ويا واني رحت عليهم بعد ما فضت السالفه و امي هم سمعتني كلام يسم البدن وصارت تحجي .
ام صالح : شنو ميستحي ايهم مو عيب عليه هيج سوه .
جمانه : يمه فدوه سدي السالفه انتهت كافي اني
شعليه بعدين تعرفين كلش زين ابن صالح غلطان .
ام صالح: طفل ماينعتب عليه .
:- يمه عمره عابر ال 20 سنه يا طفل .
ام صالح: وانتِ شنو متكدرين تحجين ويه رجلج.
مرت الايام
وهم رجعت رحت عليهم لان ماكدر ماروح واشوف ابويه حبيبي
دك مبايلي صحت .
:- روزه جيبي منو دك عليه .
روزه : هاي تبارك بنت خالو صالح ماما .
:- جيبي بنتي رديت اجاني صوتها تبجي وتصيح
" لحكي عمه الابويه .
" ولج شبيييي .
" عمه اخويه حمودي سكران وصار عصبي ويخنك بابويه لان حجه عليه وكله ليش شارب .
سديته منها واني ارجف مااعرف اشلون اتصرف دكيت على ايهم وابجي وماكدرت احجي اله الصاير لان صار يضوج من تصرفات حمودي ابن صالح
كتله .
:- استغفرالله ربي صار هسه طالع عليه راح اروح .
جمانه : سديته و اني هم ورحت ركض عليهم جان دوام ايهم بالمركز قريب على اهلي شارع واحد بينهم ورايح عليهم لبست ولحكت أيهم البيت اهلي ومن طبيت شفت ايهم واكف بالباب يصيح ويعيط وصاير اعصاب وجيران اهلي يحجون ويا ويهدونه .
:- ميخالف ابو دينا هذا شارب وزعطوط على كيفك .
طلع صالح فشلان و كال .
صالح : ايهم الخاطري اسكت احسبها عليه شارب
وميدري بنفسه .
أيهم : لا صالح هذا هوه انت تصرف بعد .
ام صالح: هذا النذل ابنه سكران ولان حجه عليه وكله ليش شارب خنكه وبالكوه فكينا منه وايهم من طب راد ياخذ صالح كام يتجاوز على ايهم ويغلط وكله بيتنه مطبه بعد .
:- يااا عزه بعينه اشوكت يتوب ويكعد لو مسوي شي بصالح والله اني بيدي اقتله واخلص منه وميستحي يتجاوز على أيهم .
ام صالح: روحي يمه ويا ايهم لان ضاج شمدري هوه واجه علينه .
:- اني خابرته وطلع من المركز واجاكم .
ام صالح: ها خلفله عليه روحي بنتي .
طلعت واني صدك فشلانه من ايهم وماعرف شكول باوع عليه من طلعت وكال .
:- يله جمانه امشي .
صالح : تسلم ايهم تعبناك .
أيهم : لا يابه شنو السالفه ادللل .
:- اكيد عرفتي وسمعتي الي سواه ابن اخوج زعطوط بكد القندره ويتجاوز عليه بالكلام اخخخخ لو ما سكران واخوج وكف بعيني جان خليته يعرف ربه شنو .
:- خلي يولي أيهم لتضوج واني هم بعد ما اخابرك عليهم .
دكو عليه رد بعصبية .
أيهم
" اي جاي جاي بالطريق .
سدا وكال فضيني اصعدي طالعه بالليل ومطلعتني واخوج مابي شي خبصتي الدنيا عليه .
اني ساكته ماكدر اكله شي وصلني للبيت وراح هذا الحجي ساعه 12ونص بالليل طبيت وقفلت البوب .
نور : ها ماما شصاير .
نور : روحي ماما عرفت كل شي حجتي تبارك
دكت على مبايلج وحجتلي .
:- ها زين رايحه اني تصبحين على خير.
:- وانتِ من. اهل الخير حبيبتي ماما .
عدت الايام تركض ركض
واخيرا بعنه بيتنه وشترينه بغير منطقه بس هم داخل العامريه اخذنه قطعه ارض وسحبنه قرض اسكان عليها وبنيناها وسوينه خريطه حيل حلوه والي عجبني اكثر بشخصيه ايهم يشاركني بكل تفاصيل حياتنه جابني وشوفني خريطه البيت وكال .
:- اذا متعجبج اغيرها .
:- لا حبيبي حيل حلوه بس اشويه كبر الاستقبال .
صرت اسوي الريوك والغده للعمال وايهم فرحان ويشكرني على تعبي والحمدلله كمل الطابق الاول وبلشو العمال بناء الطابق الثاني والحمداله كمل البيت الطابقين من كل شي كاشي وديكورات وكل شي واكيد القرض ماكفه نكمل البيت اصريت وكتله .
والحمداله سمع مني ايهم وصار يدفع نص راتبه للبيت ونفقه البناته ومصرف البيت وصرت اصرف بالقطاره على البيت معجبه الوضع وضاج ايهم حيل لان صرفنه صار كلش قليل يادوب على كدنه وبقه يلومني ويكلي .
:- صوجج جمانه انتِ لحيتي نبني طابق ثاني ليش هيج هسه محصورين تعرفين بيه ما احب اشوفكم محتاجين شي .
:- ميخالف حبيبي والله ممحتاجين احنه نصبر وتخلص والحمداله فتره و خلصنه من هم القسط وبقينه ندفع ايجار بيتنه كمل البيت ونلزنه بي
واخيرا طلع حيل حلو بنائه بس كعدنه على الكاشي لان ماعدنه اثاث ابد وكل شي ماعدنه لان اضطريت ابيع كل غراض البيت علمود ادفع ايجار البيت ونلزنه ابيتنه عندي بس الطباخ والثلاجه والكل اجه بارك النه وجايب هدايه وبقيت هيج بالبيت فارغ علينه بدون اي اثاث بس مرتاحه بي وفرحانه كلش
:- اشبيك حبيبي .
:- جمانه اني كلبي مامرتاح الزوج امل راح اخلي محامي صديقي و ارفع دعوه عليه اخذ بناتي يمي .
:- براحتك حبيبي الي يعجبك سوي .
:- جمانه هم تضوجين اذا اخذت بناتي يمي .
:- لا والله بالعكس يبقن اطفال ومراهقات يكبرن ويعرفن الصح من الغلط اني وياك بااي قرار ايهم .
:- حبيبتي ربي ميحرمني منج .
:- زين ليش اله محامي .
ايهم : مو الحضانه الها وهيه ماقبلت تتنازل عليهن والقاضي حكم البنات الها .
دك على المحامي مادري شكله وتفق ويا على افلوس وطلع ورجع وره نص ساعه بايده ورقه كال .
:- ضميها .
:- شنو هاي .
:- تايد مالت مدرسه لينا بنتي لازم ارفقه بدعوه علمود يعرف القاضي بس وحده يمها وباجر اطلع للنجف اجيب تايد من مدرسه دينا .
وصدك راح ثاني يوم دزولها الدعوه وهيه دكت تغلط وتسب حاجي للقاضي وكله زوج امهن مو خوش ادمي ويشرب و اريد بناتي اليه القاضي كايله اذا يجي زوجها يتعهد بيهن مالك حق انت بقت الدعوه لان رفض يتعهد بيهن زوجها وشبه ايهم يكسب القضيه الاخر جلسه بقت وجه زوجها تعهد كدام القاضي وختم وبصم يتكفل بااي شي يصير بيهن يتحمل كل المسوليه قانونيه ونصدم ايهم من جيته لان جان مامتوقع يجي موشم كله ختم وبصم وانطو ورقه الايهم من القاضي وراحو وخسر ايهم القضيه وجته دينا زياره جانت جايه ويا خالتها ومرت علينه
وكعدت ويه ابوها وكالت .
:- لا بابا اذا تحبني صدك عوفني يم ماما وانت اشتريت مبايل جديد اليه ونتخابر اني وياك فدوه
لتحرمنه من ماما .
:- هذا هوه بابا بس خليها ابالج ديربالج تغلطين لو تتعلمين تصرفات امج .
:- ليش بابا اشبيها ماما اشسوت .
:- عوفيها للزمن بنتي ماكد احجي هسه الج
تكبرين تعرفين امج شسوت عوفي هل حجي
حاليا بس اهتمي بدراستج وبس .
:- بابا امي سمعت متنازله الك على النفقه هسه من تعهد عمو سمير بينه .
:- اي صح .
:- لعد شو دزيت اليه افلوس .
كاعدين كلنه وره الغده ونحجي بخصوص عرس
نور .
ايهم : جمانه اخذي من الفلوس اليمج واشتري النور ملابس العرسها .
جمانه : بس هيه عدها ايهم اني مجهزه الها .
:- ميخالف هاي بنتي جهزيلها بعد اي شي بنفسها
:- تسلم حبيبي ربي ميحرمنه منك .
نور : تسلم عمو حبيبي .
:- ادللي ابنيتي .
وصدك رحت العصر لسوك وجهزت النور كل احتياجاتها ماخليت شي بنفسها ماجهزته ورحت حجزت الها كوشه حيله حلوه وماخليت شي نقص لوازم الحنه كلها جهزتها لان صارت الحنه على اهل البنيه وايهم ماقصر من غير الملابس انطاني ااجر كوشه والكيك والببسي وايجار الكراسي واشتريت ملابس الخوتها واليه اليوم الحنه والزفه فساتين اخذت اليه وحجزت صالون بالصالون حنه وزفه كلفني حيل عرس نور كل هذا تكفل ايهم بي و ماقصر والله كل خطوه ويايه بيها هو متركني لحضه
يودينه للصالون ويجيبنه وماخلاني حتى اطبخ الاكل من بره اجيبه وصار يوم الحنه والكل اجه وطلعت نور اجنن حبيبتي أجواء الحنه تجنن جانت كملنه الحنه وصار يوم الزفه بالقاعه ايهم اصر ما اصعد ويا اهل العريس اله جابلي سياره مالت ابن عمه جكساره حديث وركبني بيها اني وبناته همزين
ابن عمه تصير زوجته صديقتي من ايام المدرسه وركبنه ورحنه للقاعه عرس نور حيل حلو صار
طلعت جنها ملاك بالابيض كاعده واني اباوع عليها واشوف ثمرت تعبي الف الحمدلله والشكر من ربيتها وكبرتها وصار عمرها 19 سنه وهسه عروس دموعي نزلت غصب عني
اااااخ يا بسام تعال شوف بنتك كبرت وصارت عروس الحمدلله ربي عوضني باايهم وعوض جهالي
هم خابرني ايهم كال .
" ها حبيبي راح اجي اني وطارق انبارك النور وانطيه الهديه ، جبتي الهديه وياج مو .
:- صدك ماما .
:- اي حبيبتي هو وطارق يجون .
شويه و اجوي وسوولهم دخوليه الاب والاغنيه الحلوه عن الاب من صدك بجيت على منضر ايهم
ونور لبس لبس خليجي دشداشه نيلي والشماغ وطب هو وطارق ربي يحفظكم اليه من كل عين وطب ويا ابو العريس واني عيوني صبت من المنضر لو بسام عايش متأكده ماسوه هيج النور ابد
الكل واكفات بنات عمي بجن الفرحي خطيه واني رحت يمهم انطيت هديته ولبست نور المحبس وبوستها نور تمسح دموع الفرح لو اكول دموع الفخر بينه مادري شنو جان حساسها بوقتها وطارق لبسها كلاده مال افلوس واني لبسته اسوار واخذنه صور جماعيه و راح ايهم وطارق للبيت واني كملت
العرس ودعت نور وطلعو للفندق واني رجعت للبيت مارحت وياهم للفندق لان شفت ماله داعي روحتي ورجعت الطريق كله ابجي اني و روزه على نور
جنت ضامه دموعي كوه قاومت ومبجبت كدامها
وعدت نفسي ما ابجي بعرسها مثل مابجت امي بعرسي ومانسعدت بحياتي رجعنه للبيت ولكيت ايهم كدامي هو وطارق طبيت بدلت ملابسي وكعدت
انفجرت بالبجي اجه ايهم حضني وكال .
أيهم : لا جنه لا يروحي لتبجين ادعيلها ربي يسعدها الف الحمدلله من كبرناها واجه يوم زوجناها
و حافضنه عليها هاي مسوليه البنيه جمانه وانتِ ماقصرتي وياها جنتي ام واب الها وسوينه الي كدرنه عليه .
:- ايهم مكانها فارغ مو بايدي .
:- وانت هم فضلك مانسا عليه ابد ماقصرت وياها وعاملتها مثل بنتك .
:- لا جنه ازعل عليج كلهم ولدي مافرق بينهم اني ابد والحمداله ماقصرنه بعرسها وطلعت رافعه راسها بينه كدام اعيالها هاي هيه سنه الحياه ومو بعيده
عليج شو بصفج هيه حبيبتي اشوكت ماشتاقيتيلها تلكيها يمج .
:- ان شاء لله .
:- يله مسحي دموعج و ادعيلها ربي يسعدها .
مرت الايام
مر فتره على زواج نور واشتاق الها هواي وكل ما
ابقه وحدي ابجي عليها وكل معتاد ايهم وطارق حبيبي يجون يواسوني طارق كبر وكام يحس بالمسوليه ومن يشوفني ضايجه لو ابجي يسكتني
قبل عرس نور بفتره راسلتني صفحة على الفيس وطلعت كواكب وبقينه وحده تعاتب الثانيه ونحجي ونبجي وحجيت الها من يوم الي طلعت من بيت اهلي الحد اخر شي وصارت كل يوم تخابر
واحجيلها كل شي عن اهلي وابويه
مرت الايام
نور صارت حامل يعني راح اصير بيبي أيهم يضحك عليه ويكول أصغر بيبي بالعالم كلنه فرحنه الحملها
المشكله ايهم يكول ماريد اصير جد ابد ويتعارك ويه نور ويكلها .
أيهم : لج نور والله اذا ابنج يكلي جدو اطايح حضه جمانه غير تذكريني اذا نزوج نور اصير جد جان مزوجتها .
هو يحجي من كل عقله و احنه نضحك عليه كتله .
طارق : يمه رايح اجيب شغله من صديقي واجي .
:- روح حبيبي بس لتتاخر .
طلع طارق وتاخر عليه اتصل وماكو اخر شي رد وكال نكلبت بالدراجه وهسه بالمستشفى راح أيهم وجبرو رجله واجوي للبيت .
جمانه: ها بشر أيهم شكالو .
أيهم : كالو كسر بسيط باايده .
:- أيهم ليش هيج يتلوه اكيد متاذي .
:- لا عمري طارق رجال مينخاف عليه .
شوفه يتوجع واكعد اكابله و ابجي .
طارق : والله مابيه شي ماما اشبيج متكليلي .
:- أي لعد شلون فهمني .
:- الله كريم يمه حبيبتي لتخافين .
مرت الايام
و رحنه للموعد وفتحو ايده وكالو
" بعدها ماجابر الكسر واله عمليه ابلاتين .
شصار بيه من سمعت بالعمليه انتهيت اخر شي
و صفولنه بيت خالتي دكتور زين بالسيديه
ودينا وشافه وكال .
:- صح لازم علمليه وبلاتين وتفقنه على يوم العمليه انسويها واجتي نور تبقه يم اخوتها خاف نتأخر
رحنه اني وايهم وولد عم ايهم ويانه وزوج نور
سووله العمليه ونجحت و بات
يم طارق زوج نور ورجعنه اني وايهم بـ 2 بالليل رجعنه وبقيت الوب بالفراش .
:- أي .
دكيت على زوج نور رد عليه .
جمانه : ها خاله عباس بشر اشلونه طارق .
:- الحمدلله تعشه ونايم زين .
:- الحمدلله يارب ديربالك عليه .
عباس : شلون لعد .
:- تسلم ابني ، سديته ونمت حسيت بـ 6 الصبح شتاء و الجو مطر كعدت دكيت طلع طارق .
:- ها ماما .
:- ها حبيبي شلونك .
:- زين الحمدلله لتجين مابيه شي والله .
:- شلون ما ابجي ابني كلي محد اجه شافك .
:- ميخالف انتضر بعد ميجيني نوم .
:- ماما راح اروح تريك واحضر نفسي وقبل لا اطلع ادك عليكم .
:- عباس وين .
:- نايم خطيه ماقصر الليل كله كاعد يمي خلفله عليه
الولد انشلع كلبه.
جمانه: كاعد احجي ويه طارق واجتي روزه
روز : ماما ماما .
:- ها روزه خير ماما نور تبجي تكول بطني توجعني صيحي امي .
:- يااا اشبيها .
ركضت اشوفها كاعده تبجي .
:- شكو ماما .
:- مليكه دكي على ام عباس احجيلها بسرعه على اختج .
دكت ملك وكالت .
:- ماكو ماما مقفول مبايلها و زوجها ميرد .
اخذت نور لفيتها بجرجف وكعدت ايهم واخذناها للمستشفى وصلنه شافوها و كالو
" عدها ولاده واحتمال الطفل ميت لان ماكو نبض .
جمانه : يااا .. يمه ..فدوه شوفي زين .
" راح نولدها وعلى الله بس ماكو نبض وما اضمن الطفل عايش .
جمانه : بجيت على حال بنتي صاحت الدكتوره .
طلعت ابجي شافني ايهم اجه ملهوف .
أيهم : شكو جمانه ؟
:- أيهم كالت عدها ولاده .
:- هاي شنو مو بعد وكت .
:- ماعرف والله راح تجيب سبيعي و الدكتوره
تكول مابي نبض .
:- لا كولي يااالله ذكري ربج باوعي جمانه
جاي تمطر دعاء مستجاب هسه ادعي ربي يكومها بالسلامه وليضيع تعبها لهل طفله
:- أن شاء الله يارب بس خل تكوم بسلامه .
وكفت ادعي وابجي و ايهم يدك على اعيالها كومه دك وميردون
رجعت طبيت و سمعت صوت طفل يبجي كلبي
رفرف فرح ورجعلي الامل بعدها بالصاله مطلعوها فرحت من كلبي وحمدت ربي الف مره
دكو عيالاه وعرفو بيها ولدت طبيت اشوفها سوده عليه متالمه الف الحمدلله يارب بستها وكلتلها.
:- عمر امج حمد الله على سلامه ماما حبيبتي .
نور : بتعب ، ابني وين ماما .
:- حبيبتي مابي شي ابنج مثل الورده بس ناعم لان اجه سبيعي .
:- ماما عباس عرف .
:- لا والله ميدري لسه هسه اعيالج ردو على عمج وعرفو وجايين بالطريق .
طلعت اشوف الطفل كلشي مجايبيله ممتوقعين الولاده اجتي بنيه جانت داخله للمستشفى انطتني ملابس وملحف للطفل ، دك ايهم يبشر عباس بولاده نور هو وطارق فرحو واجتي عمتها وعمها وفرحانين ويوزعون افلوس للموضفين و ايهم كال .
ويا اذان الضهر طلعت نور راح اجر تكسي عمها
أبو زوجها ورجعنه للبيت وبقت عمتها وعمها بالمستشفى يم الطفل بالخدج مطلعو أول مطبينه لكيت مليكه وامير وروزه فرحانين بولاده نور
عبالهم جايبين الطفل نيمتها بالصاله وعلكت الصوبه شهر 12 حضرت جربايه الطارق جابها ايهم
احس نفسي مو كد هذا القمر المواقف الصارت ويايه لسه مانسا شلون عشت خوف على رعب عشته يومين على نور وطارق اجه صالح وفرح عليه واني من شفت فرح بجيت لان حسيت نفسي وحدي بالمستشفى ومحتاجه احد يمي وما لكيت احد منهم و بساعتها صدك فكدت كواكب لو يمي هسه مجان
هيج تهت كواكب بكل ولاداتي ويايه .
فرح : جمانه والله مندري بيج .
جمانه : اي حقكم متدرون لان محد مخابر .
فشلت وسكتت دكيت اسال على ابويه تعبان حيل حجيت ويا حيل فرح من عرف نور جابت وسالني على طارق كتله .
" راح عمه يجيبه الحمدلله زين بس افرغ اجيك حبيبي .
سديته ويا بس بالي يمه اجه ايهم و طارق وعباس خطيه فرحان بولاده نور كعد يمها ويحجي وياها بكل هدوء ويسالها عن الطفل .
دزيت غده تغدينه كلنه سوه وعباس راح للمستشفى كال اشوف ابني ورح يشوفه .
ايهم : جنه تعبان حيل .
جمانه : حضرتلك الحمام طب اسبح .
:- أي والله تسلمين حبي .
راح طب سبح وطلع بوجها نام وطارق نام ونور هم نامت خليت مليكه يمهم واني رحت لصيدليه جبت علاج طارق ونور ومريت رحت شفت ابويه لان صار يومين ماشايفته التهيت بيهم فرح بيه حبيبي من شافني وكال .
أبو صالح : وينه ابن نور جمانه .
:- بعد بابا مو هسه نجيبه.
أبو صالح: والله بالخدج مكامل بس يصير زين اجيبه تشوفه .
سلمت عليهم ورجعت لبيتي والخطار رايح وجاي على طارق يشوفو كل معارف ايهم واقربانه اجوي تحمدو بسلامه طارق ونور واني محتاره منا ومنا
اركض عليهم و ثالث يوم اجه عباس اخذ نور طبعاً كال اخذها اتشوف ابنها ومناك مرجعها و ماخذها البيتهم لان امه كايلتله كافي خل تجي تطبخ النه بزعنه من شرايه الاكل من بره اني ماقبلت وحجيت ويه نور سكتت مجبوره اسكت عدهم ضرف
والخاطر زوجها
مرت الايام
وبقه علي ابن نور شهر بالخدج والدكتور كال الحمدلله اتحسن وطلعو للبيت اني كاعده
و طب ايهم كال .
:- ها يروحي اشبيج ضايجه .
كتله بخنكه .
:- ايهم اني ماكدرت اجيب اي شي النور طلعو ابنها البارحه واني كلشي مهاديتله .
:- اي وليش ضايجه يا حبيبتي هاج هاي فلوس جيبي هديه ولادتها بعد شكو مقهوره لتنسين
التهينه بعمليه طارق .
:- اي بس هاي عاداتنه كل البنات امهن اجهزهن وخاف عمتها تعيرها لو تحجي .
:- ويطبها مرض شعلينه بيها نور عدنه ضرف احنه
مو بطرانين .
:- هم صح كلامك .
رحت شتريت سرير ودوشك وبطانيه وجنطه و مجرتت كملت تجهيز ورحنه باركناله الهم ولكينه اعيالها ذابحين ذبيحه وزعو الحم الوجه الله من طلع الطفل سالم كعدنه شويه وطلعت
و رحت شفت ابويه تخربط عليهن و اخذنا للدكتور كال
" امعائه وكفت الحجي خلو بالبيت براحته لان
ايامه معدوده .
:- جنه يروحي كافي رحمي نفسج شبيدج انتِ هذا امر ربج نعترض عليه يعني .
:- لا فدوه أيهم خلي نروح انجيب كواكب والله
بس يشوفها يكعد ابويه ويصحه اني اعرفه مابي شي والله .
احجي واشهك ماريد اتقبل هل واقع الموجع رد كال .
:- كافي يعمري وكولي يا الله.
:- لازم اجيب كواكب ايهم فدوه صالح يستحي
منك ويحترمك احجي ويا خلي نروح اني وياك انجيبها فدوه الخاطري سوي شي .
:- سهله جمانه سهله خلي اخابر صالح ويصير خير .
كواكب عرفت بوضع ابويه منتهي نجنت على
ابويه تريد بس تشوفه .
راح حجه ايهم ويا صالح و قبل صالح انجيب كواكب وخابر على بيت خالتي رد عادل وكال .
" جيب واحد من ولد عم صالح وياك وتعالو اخذوها .
أيهم
" بس انتو ولد خاله عادي .
عادل
" ميخالف خويه لا تزعل مني .
سدا وتخبل من كلام عادل هديته وكتله .
:- ميخالف ايهم حبيبي دك على ابن عمي سعد يروح ويانه فدوه .
:- ماشي هسه اشوف .
دك ايهم على سعد ورحنه اني ويا و روزه
وصلنه وكعدو وصار هواي كلام ومشاحنات وبقو اخوتها مصرين مترجع رغم ايهم حجه ويا عادل
وكله تعالو هله بيكم بس حميد اخ يا حميد اصر مترجع كواكب اله يجي صالح وكله ايهم .
أيهم : حميد اني لو ابويه عايش ومريض وجمانه زعلانه ماروح عليها وربك الاب اعز من الزوجه اشلون تريده يعوف ابوه بهل حال كلي .
حميد : ماعرف شكلك والله .
اخر شي بقه حميد مصر طلع ايهم زعلان منه وكالهم
:- رحم الله والديكم وماقصرتو .
خطيه عادل خجل وكله
عادل : يمعود ابو دينا بس اوكف خل نفتهم .
:- رد بعصبية ،لا تسلم عادل ماله داعي كعدتنه من الضهر لسه المغرب واحنه انعيد نفس السالفه .
:- استغفرالله لج بابا مابي شي ابوج والله بس متخربط هسه كبل للمستشفى ماخذج بس كافي .
:- ميخاف فدوه نطيني اخابر .
:- هاج جمانه خلصيني تبقين تتوسلين يعني .
:- بيهم لا والله اول مادك جاوبني عادل .
كتله ودموعي تصب خابرت رد عادل كتله .
:- عفيه عادل كول الكواكب ابويه تخربط ودخلو مستشفى واني ضيعت الوكت كله يمكم ويجوز مالحك اشوف ابويه كله الحميد اذا رحت وماشفت ابويه خطيتي بركبته هوه الي منع كواكب تجي وياي .
عادل
" بس على كيفج جمانه والله هسه ادزها الج هسه ادزها وراكم على كيفج صبري .
:- بابا حبيبي تسمعني والله ماتأخرت عليك بس رحت اجيب كواكب الك والله ادري بيك تسمعني يروحي انت افتح عيونك هسه عادل كال راح تجي ورانه كواكب تشوفك يله كوم علمود شوفها اني وفيت بوعدي وياك وجبتها مو كتلك اجيبها صح متأخره بس والله تعرف انت ما لحكت بس وفيت وياك اني مثل ماوفيت ويايه انت ودللتني يروحي انت اكعد كوم يروحي .
اباوعله بس انفاسه تصعد وتنزل اجوي خلوله مغذيات اجتي كواكب طبت شافته ونهارت بالبجي وكعدت تحجي يم اذانه وتهمس وكأنما يسمعها وتكله خالي بس فتح عيونك وشوفني فدوه كوم اني جيت
ابويه هانت عليه دموعي ودموع كواكب ومافتح عيونه ابد اجتي الدكتوره وسووله مفراس واحنه
واكفين ومخلي بالسديه و نفتر وره من غرفه الغرفه اخر شي رجعو بالردهه واجت الدكتوره كالت كلام
خلاه كل جسمي يهتز من مكانه ياريت ماسامعتها اذاني ابد .
الدكتوره : المريض عنده نزف بالدماغ ومحتاج انعاش رءوي لازم هسه راح انبنجه ونومه علمود اندخل صونده بحلكه للرءه واكو هواي حالات يتوفون أثناء التخدير لازم تكونون على علم احتمال اثناء التخدير يتوفه واحتمال لا يبقه بالانعاش والباقي على الله بس لازم توقعون على مسوليتكم .
صالح انهار ميعرف ينطي قرار وطبعن عمي أبو هدى هو الاخذ القرار وقع لان اخو وكال .
أبو هدى : لازم انسوي الي علينه والباقي على الله .
وفعلا خدرو ودخل الانعاش حبيبي طبيت شفته وهوه مجرد من كل ملابسه ومعلكيله ٦ ابطاله مغذي والاجهزه على صدره والصونده بحلكه وشويه دم من حلكه طالع ، صوت الاجهزه يرن باذني وصوت الاكسجين يخوف والله منضر الانعاش من صدك وانت تشوف عزيز عليك نايم هل نومه يرعب وما تتمنى العدو
كالو ممنوع الزياره بالاانعاش الكل يطلع اضطرينه كلنه رجعنه يم امي بالبيت لان امي خطيه لا حول ولا قوة متمشي وعفناها بالبيت
رجعنه يمها كاعدين كل احنه نبجي بقه بس صالح وعمي ولد عمي وايهم بالمستشفى وكواكب هم
مقبلت ترجع ، كالت ماراح ابد لو ابقه بالباب مارح
مرت الساعات و خابر ايهم كال .
" تعالو للمستشفى شوفو لان نزل اوكسجينه والدكتور كايل راح يتوفه .
الكل راح للمستشفى شفنا الدكاتره جانو متوقعي بهل لحظات يموت بس ابويه جانت بنيت جسمه قويه وبقه بالمستشفى على الانعاش الرءوي والكل يجي الصبح والعصر وباليل يبقون بالحديقه لل ١من لليل ونرجع لبيتنه اني صرت ما اكعد ابيتي ابد اكعد الصبح ويا ايهم نتريك واخلي الجهال يم اهلي وروح للمستشفى ايهم عاف دوامه وكابلني بالمستشفى يتعامل ويايه مثل اب ويا بنته يحاول يواسيني و يصبرني و يكلي .
:- انتِ قويه جمانه وهذا امر ربج اصبري .
ابد مامنعني ابقه بالعكس جان وياي بكل خطوة
لليل ونرجع ورحت خابروني .
" لحكي بنتج وكعت باب اهلي ونكسرت ايدها .
رجعنه ركض اخذنها شافوها طلع كسر جبسو
ايدها و هو طارق لسه بعده مافتحت ايده
يوم سبت نايمه بالليل ودك مبايلي صالح رد يبجي وكال .
" جمانه ابويه اوكسجينه نزل لحكي .
اني مااعرف شلون كمت رحت اركض كعدت طارق ولبست جبتي ودكيت على ايهم بالدوام خفر كال.
