رواية هموم الشيخ سند الفصل الواحد والثلاثون بقلم ميامين الطائي
كيف لشخص مثلي يستطيع أن يكون بخير يومآ وقد مات كل شيء أمام عيني 😥💔
هموم: فتره من الفترات حياتك الي تمر بيها بطريقه تخليك تكبر سنين ليكدام تتعلم انو مو كل الناس اصحاب حبايب لا كل شخص تحبه راح يصير سند لك مو كل الي يكولك كلمه حلوه يبقى حبيب اكو فتره تمر بيها وتطلع منها وحده غيرج وحده انضج واقوى وكادره تكمل وحده او بالقليل اللي جان موجود اكو فتره هاي بيهاا شده تحول حياتك وتغيرها ماتعرف شسوي بعدين تعدي وتخلص تعلم منها درس،
الكل انشغل يشترن ملابس للعرس الا اني مااريد ااروح بالي شي اريد اسوي بليل كلها راحت الحنه بقينه اني وجدي
الشيخ: يلا هموم كبل لايجي واحد خل ندور على السحر بس كون مامغيرات مكانه
هموم: تمام جنت حافظه سورة البقره اول سوره بس يعني "الم ذلك الكتاب لاريب فيه" المهم دخلت صرنه ندور اني وجدي جبنه الدرج صعدت على الكنتور
الشيخ: ديربالج لاطيحن انتي حامل بويه
هموم: لكيتهااااا بس خفت من منظرها يرعب لافتها بشي اسود هذاا جدي
الشيخ: جيبه الله ينتقم منهم حسبي الله ونعم الوكيل الله لايوفقهن باجر أن شاء الله نروح
هموم: هزيت راسي وطلعت للحديقه دمرت حياتي وتمنيت الموت كله بسبب هاالشي تحملت اكثر من طاقتي صفنت حجيت بيني... وبين نفسي ليش ااركز على الاشياء تلي محلوه بحياتي ليش افكر بيهن قدر الله ماشاء... الله كاتب هيج يصير بيه ليش ااركز على اشياء زعجتني وقهرتني ليش ماباوع على الايجابيات الي بحياتي ليش ماافكر انو رب العالمين انطاني نعمه اجمل اثنين بحياتي جهالي مجرد شي مامسويته انظلمت ونكطعت علاقتي بسند وسن هواي ناس صارت الي اشياء ماتوقعتها تصير اكتشفت انو محد يبقى الاحد عرفت ناس ياريت ماعرفتهم تركت اشخاص مجنت متوقعه بيوم من الايام اتركهم اتعلمت انو مستحيل بعد اثق بااحد ابد وانصدمت بناس هوايه تعلمت انو مهما اتعلقت بشخص صار قريب مني مصيره راح يتغير ويتركني
سند: اكبر جريمه بحقك وحق نفسك لمن تفكر بشخص انو هو يحبك مستحيل يخونك من تفكر بشخص هو مايفكر بيك اصلا مايحبك وعافك وعاش حياته وانت متعب وماذي روحك انت تنطي وتهتم هو اصلا مامهتم بيك الحياة عمرها ماراح توكف على شخص الي تغير عليك وعافك وخانك تعامل وياه كانو انت ماتعرفه اصلا لتنزل كرامتك شخص لذل روحك وتخليها تنقهر بفراك واحد منخلقت حتى تعيش على رحمة واحد حياتي عباره عن تجارب خلاص قوي كلبك انسى كلشي
اصلا هموم صارت ماتطلع ولااشوفهاا اني ماتواجد هواي بالبيت صح لحد هسه احبها وااذكر كلامهااا وضحكهااا كل هذا مامصدك خانتني تمنيت هذا الي صار كل حلم صارت الحنه كل الولد ملتمين اني وجدي مااحجي وياه من اخر موضوع صار انتهت الحنه ونمت بالمضيف
هموم:.اسمع الاغاني والركص كاعده بالحديقه اكل لحد مامليت ودخلت الآثار راحت دهنت جسمي بمرطب ومرهم لبطني غيرت ملابسي ونمت كعدت الصبح لبست وطلعنه اني وجدي اخاف يشكن عرفنه بالسحر ويسون من جديد
الشيخ: لا ماراح يشكن اصلا مراح بعد يكدرن ويتجرأن يسون سحر هسه انتي جيبي ويصير خير
هموم: ان شاء الله وصلنه السيد دخلت سلمنه عليه هو بقى يقرأ عليه لحد ماوكعت بأديهه كعدت عيوني حمر كد مابجيت وصرخت
السيد: هسه الحمد الله نكلج خلصتي من السحر وهاي الكلاده هديه مني دير بالج اصلا ذهب هاي لبسيه لو تخلينه بغرفتج تحصنج من كل سحر وتابعه وجن ومس.
هذا ماي شربينه لمدة 10 ايام هاي هم سبوحات 10 ايام حرمل بخور 3 ايام
الشيخ: اريد هذا السحر مابي بعد تاثير على هموم مو لان محتاجه
السيد: لاابد ماابيه تاثير لان بطلتها شوف هسه ااسحب الابره وارجع اضربهاا حيل مايااثر تكدر تاخذه شنو يدور بالك شيخ ااحجيلي
الشيخ: شلون تريد اسكتت رادن يموتنهاا الا فضحهن سهله بس خل ااجيب هموم
السيد: هي طلكهاا سند شيخ بقت بس المحكمه موو بس،جيب يطلكهاا
الشيخ: اي طلكها هذا الطايح الحظ خيولي بعد ماارجعهاا اله مايستاهله
السيد: انت تعرف سيد علي معروف وهم شيخ مره شافهاا حسباله مازوجه رادني اخطبهاا كتله مزوجه شنو رائيك ورا متطلك محكمه يجي سيد علي يخطبهاا مراح تلكه احسن من والله
الشيخ: اي اعرفه ونعم من عنده سيد علي بس يبقى بكيف هموم خل نكمل والله كريم يصير خير اذا ..بيهاااخير تدلل
هموم: هلوو هااي شنو هااي سلم جدي وطلعنه ورجعنه للحله وصلت رااسي مسطور سطر دخلت سبحت بسبوحات وشربت مي ونمت مرتاحه
سند: كعدت ثاني يوم متاخر جدي مااكو رحت تغديت سبحت لبست زي رسمي "قاط" والناس تجي وسلم الولد لان راح تروح الزفه اني شفت جدي مايهون عليه والله كملنه زفيته بسيارتي من بيت خالها بعيدين ساعه علينه كملت الزفه ورجعت للبيت
هموم: كعدت جوعانه صليت سويت اكل الي كعدت اكل... والمغرب سويت بخور بالمبخره وشربت مي كعدت اقرا قرآن البيت ولاواحد بيه اذن صليت تعشيت حتى عشاء محد جابلي كملت ضوجه فتحت لكيت كتاب.هيج معلومات حلو سويت نسكافيه وطلعت بالحديقه اقرأ بيه مندمجه الكتاب لبابا كلمات مأشر على كل كلمه حل حبيته كونه ذكرى من ابويه... خطه حلو
ام سند: والله الجج عين ياام الولد كاعده ولاجنج مسويتلج سالفه ياساق***
هموم: سديت الكتاب شوفو منو يحجي هو اساس البلاء لاحسبالج مااعرف انتي لي اخذتيني تراا اعرف كلشي سويتي
ام سند: ماعندج دليل المهم لو تحجين منا الباجر محدد يصدكج هسه انت وحده كح ** بنظرهم محد يصدكج
هموم: منو كلج معندي دليل غلطانه بس راح اعبرها بمزاجي لج هي خافت ههههه عفتهاا وكملت قراءت الكتاب هذا اخذته من كتب ابويه كاتب كلمات حلوه نعست كمت دخلت جوه رجعت الكتاب طفيت ضوء ونمت كعدت ثاني يوم ب 12 ونص دخلت سبحت وغسلت وصليت ورحت تغديت بعد كم يوم ادخل بالتاسع اجن يضحكن سويت نفسي اكل على كيفي
وفاء: ها يمكروده طلكج لاتلعبين ويانه ماتكدرين شفتي هسه شحصلتي محد مهتم بيج بس يموت جدج يكتلونج
بثينه: لا يمكن بس جيبن جنتي شايفه روحج مغروره بس انت مو كدنه ولاتكدرين احنه خفيناج بس 3 ايام وهدرنه دمج
هموم: هههههههه خطيه اوووي شكد مقهوره عليجن تراا حسابنه بعده مابدأ هذا يسمونه الهدوء ماقبل العاصفه لي جايجن بالطريق مو هموم علي تسكت عن حقها لاا غلطانات خلن هذا الكلام ترجيه باذانجن قرب اليوم الي راح تنفضحن بيه
وفاء: احنه نفضح ماننفضح خاافي على روحج انتي لان راح تموتين
هموم: عفتهن كمت مايدرن شنو ضاامه الهن ضمه حلووه كلهم هسه بلش حسابنه راح ااخذ حقي منهم وااحد وااحد
سند:،حياتي صارت عاديه بين الدوام وابكعدات بس بليل اجي البيت اصعد لغرفتي هنا كل الذكريات بيهن ليش هيج سوت بيه ياريت لو مقصر وياهاا بشي كل مكان يذكرني بيهاا مشتاقلهاا بس جاي اكابر جاي اتحمل كلشي مااعرف السويته صح لو خطأ رجعت راسي صدفه تذكرت السحر ومن راسهاا يوجعها ياسحر سند مااقريت هي تمثل عليك كله خرافات هي ماحبتني لا راح تحبني ماتستاهل محبتي الها خوفي جنت اخاف عليها من روحي جنت اريد اضمها بكلبي
هموم: يوم من الايام راح تعرف ان الطريق الي اختاره الله لك جان احسن الف مره من الطريق لي ردته لنفسك والباب لي انسد بوجهك الف مره جان ورا شي راح يتعبك واليد لي عافتك مجانت تناسبك من البدايه. والبلاء لي تعبك مجان غير بس رحمه الك راح تعرف شغله بهذا العالم مااكو مجال للصدفه للعمياء انو خلاص محد يستاهل سوي هيج علموده محد يستاهل تأذي نفسك علموده الي يحبك يثق بيك لي يحبك يكون لك سند قوي الي يحبك انو حتى لو انت غلطان يجي يعاتبك يسئلك قبل لايسرع ويحكم عليك بشي ماسويتها بس مالك ذنب بيها كل ذنبك انو انت بلايه اهل صارو يستغلون هاالشي الوجع سبب لي سند ماانسئ للموت ولحد هسه من اكتب ميستاهلني ميستاهل حبي تضحيت علموده اول شي..... قررت ارجع ادرس واكمل دراستي
لا دگُلي
بداعة عيوني تعال ، بعد كُلش
مو عزيزه عيونَك ..🤍
هموم: الكل يكول هموم ليش ماتهتم ماتنقهر ماتبجي من يعوفهاا سند ماتحبه ولاشي بالعكس.... مسالة انو اكعد ابحي والؤم بروحي من ورا شخص حبيته وخذلني وخان ثقتي وخاني وباعني وعافني تركني وهملني ونكري وقارني باارخص شخص انتن بس تخيلن حجم الاشياء المقرفه السواها وياي وبحقي مرات ااصفن وي روحي لو اهلي عايشين مااسوه هيج بيه ولاتقرب لي زين هو جان يكولي مااعايش بدونج اثق بيج واني اهلج امج ابوج وسندج ليش هيج الابو حتى لو بنت غلطانه ياخذ منها موقف ويزعل يصير بالاخر سندج مو يخذلج ويطعن بشرفج مادام باعني وباع العشره ابيعه واابيع العشره هم وياها ادوس عليها مااهتم لي ماوكفت بعينه العشره بعينه شكو توكف بعينج انتى وعليمن ابجي ابجي على نفسي لو على ضياعي طزز بكلمن يريد يطلع من حياتي اني الي اساعده عادي ابجي على نفسي ميخالف فدوه تخفيف مي ارو هواي شرب مي اخاف على ااطفالي يغركون ميستاهل حتى افكر بيه او نطي قيمه بحياتي لو نطي اكبر من حجمه ميستاهل افكر بيه او بالايام الي عشتها وياه عادي انكسر الشر وراح هو شر وغلطة وانتهى وااحساس الكره اهون من القرف ولو مااعرف اكره شخص لااعرف احقد بس شسوي حظي مصخم على كولت مشمش من تكول حظي نفس ابو العربانه الي بالمسلسلات الهنديه من اصير عركه يكسرون عربانته وهوه ماله علاقه بالموضوع
ابقى اهتم بنفسى اعتني بيها احسن مااصير جني عجوز ابجي عافني مايحبني فدوه ساامحني الي يريد يروح الله وياه ااكيد الله ضاملي الاحسن عندي كرامتي ااهم من هالخرابيط كلبي هذا الطايح حظه المهم اناقتي اسلوبي واخلاقي المهم استايلي تعاملي وكلامي الساني بين السانين ولطافتي وضحكتي وعفويتي تواضعي وشخصيتي كلشي يخصني اعيش حياتي بكيفي نفس مااريد بدون قيود محد يدخل بيه اكل الي يعجبني البس الي يعجبني سوي اي شي المهم خلي ابتسامتي طلقه بكلوب الي يكرهوني مااخلي نفسي ضايجه مكتئبه ترات والله احنه جاي نزرع بداخلنه هل الكلام ضايجه مخنوكه مالي خلك هاي السوالف تعبانه احنه بدينه نكدر نغير نفسنه خلي الناس وكلامهاا كلشي جوه قندرتج جنت اريد ارتب نفسي
الشيخ : اريد ااحجي وياج موضوع اكعدي خل نحجي بسالفه اني وياج
هموم: تمام تفضل جدي لميت غراض التجميل خليتهن على صفحه يم الجنطه اي جدي احجي اسمعك كعدت يمهه
الشيخ: اليوم هموم اريدج تاخذين حقج بس شوفي احجي سوي الي يريحج حتى لو طكينهن ادري محد راح يصدك بس اريد اخر فرصه لسند راح يثق بيج يوكف وياج بدون استخدام اي دليل لاتفتحين التسجيل وديلي التسجيل من ترحين يصير خير تجيج الاخبار شراح اسوي
هموم: بس هيح محد راح يصدك بدون دليل يمكن انت تعرف شنو الي صار لاسند ولاي واحد بيهم يصدك
شيخ: اعرف محد يصدك بس اريد اشوف سند ويامن راح يصير اريد اانطي فرصه اخيره مااريد اظلمه بنفس الوقت تاخذين حگج انت بعد الطوبه بملعبج
هموم: تمام التسجيل راح ادزه لك وراح اسوي الي كتلي عليه بس اني متاكده سند مراح يثق بيه ولا يصدكون
الشيخ: عسى وعل يطلع ضنج بيه غلط يلا بويه اعوفج هسه ترتاحين
هموم: طلع جدي كعدت بالاول منظف لوجهي اخذت خيط حفافة مكص وجبت سكراب جهاز البخار ونظفت وجهي طلعت نص الوصخ جذب اشاقه لاتعيبن عليه سويت تغذيه لوجهي سنفره طلعت العيد سويت سكراب لجسمي ومنظفات ووووووو كلشي تجميل سويته خليت حنه طبع موقت تاتو طفيت شعر باذنجاني ااحتاريت شنو اصبغه صبغته جكليتي كملت.... اانتظرت شعري اخذ لون حسيت آلم بطني كلت تقلصات نفس كل مره تجي تروح رحت سبحت لبست ثوب بيه قصر عضلتي طالعه بيه فتحات لبست حجولي الذهب كلادة ماهر وكلاده مالت سيد كونهاا حرز يحصن خليت سيروم لشعري مشطته برمت نص ونص ثاني عفته هيج خليت فيكه هنديه بشعري ولبست خزامتي الذهب لبست اسور خليت ميكب خفيف بس طوخت الحمره ماروني خليت تنت لخدودي ايلاينر خليت عطر لنفسي اني ااعلمجن سهله صرت مستعده اتخلى عن كلشي مقابل افوز بنفسي صرت مستعده اطلع من علاقتي بسند اليوم علمود راحتي راح التحرر من سند من سراديب كذبه وحبه طلعت لكل موجود صوت رنات حجلي دخلت مسلمت الكل تغيرت وجوهم لان دخلت حتى الشال هيج مخليته بااهمال شعري طالع مفتوح
سند: ماكو شي يجي بسهوله... الحب حلو شي عظيم وجبير بس مو اعظم اكبر من كرامتي اني ماراح اتوسل بيها تندمت كل ماتزعل ابقى توسل بيها هي جر بروحها عني اني لو بيني وبين الموت دعاها واتوسل حتى لو روحي بي مهما سويت الهاا مراح ارجع الها راح ادفعهاا ثمن كلشي سوته بيه راح اشربهاا من نفس الكأس وصلت مرحله لو يخيروني بين هموم وجهنم اختار جهنم من اشوفهاا تلعب نفسي منها اكيد تقرب الهاا اخذ لي يريده وشمرها مع الاسف لان خذلتني بضعفهاا المهم جدي حتى مايحجي وياي اصلا الكل جان مااعرف
الشيخ: سند اليوم راح انطيك فرصه وحده اتمنى مراح ااتخيب ضني بيك
سند: اذا تريد تنطيني فرصه انطيني اغسل عاري من بت ابنك اريد اموتهاا هاي الي اريده منك هاي فرصه
الشيخ: هههه مره وحده امشي ورا كلبك شوف عيونك شتكلك انه اريد اشوف تربيتي لك تكدر تميز بين صح والغلط
سند: مشيت ورا كلبي خلاني اعمى هااي نتائج كلشي المهم اشوف شني فرصتك
الشيخ: ان شاء الله يطلعي ضني بيك صح هالمره ماتخيبلي ضني
سند: سكتت بقو الولد يحجون سمعت بس صوت رنات حجل زمشي العطر لي اجه دخلت رفعت راسي باوعت الهاا.. بطنه ااالوجهه ابيض كيمر ثلج خدود تفاحه شفتها ماروني منفوخه صرت نار احترك هيج مااكدر دخلت بغرورها وشموخهاا ولاكأنما شي صاير احسه حركت كلبي تكولي شوف انت ماتهمني ولاتعنيلي شي،
فيصل: شسوي هااي جايه شنوو بويه لمن جبتهاا لهناا اذا تبقى اني اااطلع واروح
ياسر: ماكو اي احترام تكول عروس احنه كواي* كدامك هذاا مو حجي
الشيخ: الي مو عاجبه الباب يفوت جمل البيت بيت ابوها كلكم تعرفون علي هو الي بنى البيت براتبه وتعبه حتى زواج متزوج انتو جيتو على الحاضر كعدتو
ابو سند: مال داعي كل ساعه تعيرنه ندري بيه بيتها بس هااي الي شردت نهبت وي واحد شني جيبهااا ويانه
الشيخ: الي عندي كتله تاج راسكم كلكم طلعون هي تبقى
سند: الكل سكتت هي مخليه رجل على رجل على كرسي كااعده ولاكأنما شي صاير اخزر بيهاا ولاتباوع
هموم:تراا عادي تنكسر وعادي تتاذئ وعادي تتالم وعادي تتوجع من اشخاص ماضنيت بيوم من الايام يسون هيج عادي بس فكر ياترئ راح تعيد مثل هالاشخاص بحياتك لو صارلك درس الحياة تجارب والتجربه تاذيك تخليك تتالم
شيخ: شني يمتى شيخ نمر يجي ينور اشو طولتي بطنج شكبرها
هموم: دخلت بشهري بس جدو اني مااريد نمر ولا نعل ااطفالي حره بيهم قررت اسمي واحد على اسم ابويه علي وثاني ايليا
الشيخ: بيج تؤم جدي شو ولج ماكلتي شني طردين عيون تخافين
هموم: لا والله مو قصة خوف بس تعرف ضروف المهم جدو هاي اسماء طفالي ااحفظهم مو تسميلي اسماء قديمه
الشيخ: لاازين خوش اسم هم اسم ابوج يبقى زين مااختاريت جدي هم حكج
هموم: الكل موجود باوعت جابو الاكل عند آلم بس مو قوي اكلت سمج احرك بكلبهم على الكيف واتفيك بالاكل
