رواية هموم الشيخ سند الفصل الثاني والثلاثون بقلم ميامين الطائي
على چف المناية مچرغدين انام ؟
ونلهث على الدنية ونبني بيهة ابيوت ..
ونتعافة ونذم بالخلگ هذا وذاك ،
وعلى غفلة وزرگ جدامنة التابوت ..
سند: الله خلقهاا عباره عن كتله من نار بس تحرك ليش محترك كلبي مهتم على شنوو قندرتيش هي خلص هي عايشه مامهتمه ليش اغار عليهاا اااوف شعرها جنت احبه الي اخذ شعرها واغطي وجهي بيه..
هموم: لي طلع من حياتك راح يرجع ويرجع ندمان يعتذر والي اذأك بحياتك راح يتأذي بحياته ويتذكرك ويكول ذنبه بركبتي هاي حوبته لاتصدك انو الي يروح ميرجع كلهم يرجعون بس شوكت من تتغير للاااحسن من تعيش مرتاح بدونهم بس وقتهااا مراح تطيق وجودهم بحياتك لان نفسهم جنت بسببهم تنام زعلان دموعك بعيونك بسببهم كل ليله تتعذب مثلهم مثل غيرهم راح تقتنع لحظتها انو الوقت يكدر ينسيك اي شخص نساك....
سند: كملت اعرف العيون عليها كعدنه سكتت انو ولا واحد يحجي الكل ملتم
هموم: صفنت جدي ضغط على ايدي بمعنى ااحجي كمت باوعت وفاء وفاطمه وبثينه ام فيصل وام سند انتن عندي احساب ويااجن مرراح انساه طول عمري هنا خافن وكامن كلهن بس ام فيصل كاعده اول ماضربت وفاء راشدي هذا راشدي على كل خوف سببتي اليه ضربتهاا الثاني وهذاا على،كل يوم خليتني اتمنى الموت ضربت وبثينه وفاطمه شمااضرب ماايبرد كلبي شماااسوي بيجن هسه ماابرد نار لي بكلبي شنو سويت الجن فهمني انت ام سند تخيلي بنتج يصير وياهااا هيج.. ضربني اخذتيني مكان سويتني شاارده شنو ذنبي الجنيته وياجن سويتلي سحر خلتني اتمنى الموت عيشتيني برعب لييشش ....ليشش فهميني مااخفتي من الله شنو تكولين لربج
ام سند: لاتجذبين لاتضلين تألفين من يمج حتى طلعين من سالفتج عندج دليل طلعي مو ضلين تحجين وتغطين بسوده الي سويتهه اني جنت بيت ياسر الكل يشهد
وفاء: لامسويتلج سحر ولاعندي عداوه وياج خل ااعيش روحي حتى ااسوي سحر لو اعرف بسحار جا رجعت سند الي مو اااسويلج انتي
فاطمه: جذذابه عيااره تريدين ذبين بلاويج علينه يمته طكيتج
هموم: لاشوكت تبقن جذبن حسبالجن حوبتي متطلع بيجن ولجن يتيمه خافن الله انتي شنو تريدن اثبت هااي تمرضت وصلت للموت كدااامكم
سند: سحبتها اذا عندج دليل على كلامج جيبيه اني اخذلج حقج حتى،المجرم او محامي من يريد يدافع لازم عند دليل لاتحجين شي انتي مااعندج شي
هموم: باوعت لجدي اشرألي برااسه سند كل الي صار بيه تريد دليل باوع بعيوني راح تعرف متكول انتي بنيتي واثق بيج لو ااخليج بين الف زلمه اعرف بيج مهره ماخاف عليج كدهاا وكدود اني هااي كدامهم راح انسى كلشي سويته بيه بس لاتخيبلي ضني بيك
ام سند: اااي اني ااانهان واتهم بالسحوره وكتلتهات وسجنتهاا ليش هيج ربي بت زعطوطه تالي عمري تتهمنه باطل
سند: عيونها احبهن اضعف مااردت اباوع.... بعيونهاا امي بقت تبجي وادك على نفسهااا ضربت هموم راشدي لحد ماكعدته بالكااع لاتضلين تحجين شي ماعندج دليل تريد طلعين من سالفتج الوصخه بناتنه ااشرف منج واانظف منج لججج جيتني دم من راسج لرجليج حالج يخوف تريدين ااصدكج لو هيه مسويتلج سحر لج مو المفروض تسويلي الي ترجعلي هااي لعبج مو عليه...
ابو سند: فوك شينه كواة عينهاااا بت ساق*، بت كح* تريدين تركبين السالفه براس بناتنه لج كح ** ام الولد
هموم: هوواي كلام فشاير استحي الفظهن محد صدك بيه كمت مسحت الدم من حلكي يجييي يوم سند رااح توسل بيه بس بذاك الوقت لوتموت ماارجع لك تحلم عفتهم وطلعت يعيطون يحجون
سند: امي تبجي بس مااشفت خوف بعيون هموم جانت تحجي بحركه وقهر جدي سااكت ولاعلق بكلمه خليت طلعت اني محتار شنو ااسوي مو جااي استوعب الي جاي يصير كلشي تغير مو نفس قبل جاي اشوف حياتي تدمر كدامي مااكدر اسوي شي
لتلومني أنتَ السَبب
والصار كله من أيدَك
وَ ياك واصل مرحله
أحتاجك . . وما أريدك
هموم ;مادري شكتب ياريت لو دموع الها لسان تحجي او ايد وتكتب أحسد الناس الي نايمين والي راح ينامون وهم خفيفين الروح احس روحي ثڪيله هواي مچاي اتحملها .....بحيث حتى كلمه شبيج تنزل دموعي اتمنى تتبدل الاقدار ، اكو هواي ناس يحبون يعيشون وهم على فراش الموت فاااتمنى نتبادل الاقدار
يارب اعرف هو بلاء واختبار وحاله حال البقيه ويمضي ويصير سوالف
بس يارب ثكيله على روحي حيل ..
بحيث ياربي حتى نفس ماكدر اتنفسه
اانخذلت ابد مراح انسى هذاا اليوم دخلت شمرت نفس على الجربايه صرت ااضرب بالدوشك اكتم صرخاتي بيه صرخه من ااصرخ تكعد ميت من كبره بطني صار بيه آلم لليل زادت آلام صرت مااكدر بعد مايات تنزل عليه مااعرف حتى شنو الطلوك والله رحت جدي جددي راح اموت من الوجع
الشيخ: هاابويه شجاج شنو لي يوجعج
هموم: بدمع آلم قوي بطني جدي راح اموت منها يمكن راح اجيب
الشيخ: خوش بس ااكعد الحجيه و وسن يروحون وياج لان مااعرف
هموم: ماانسى هذاا اليوم تمنيت امي موجوده تمنيت زمن موجوده جدي يدك الباب يريدهن يروحن صرت ااصرخ حيل كعد البيت كله
الشيخ: خايبات شبيجن مابيجن محنه وحده بيجن تروح البت تريد ااجيب
الحجيه: لو هسه تطيني كلشي ماروح وي هاي ماااروح شيخ لاتعب روحك
وسن: ولااني جدي اروح ...راح ارجع انام
ام سند: حل تستاهل هاي حوبتي تهمتني باطل جذبت عليكم
الشيخ: يصير خير الله كريم كومي بويه لبسي عبايتج الدنيا بعدهي بخير..
هموم: جدي سندي والله تمنيت ميته ولااذل نفسي اخذني جدي خطيه هو كلشي... مايفهم محتار بيه كرهت نفسي صرخت صراخ بس الله يعلم بيه وصلت دخلت
الشيخ: فدوه ديري بالج عليها يتيمه ما وياها احد شوفت عينج بس انه
الدكتوره: اخليها بعيون تطمن حجي صار
هموم: وصلت للموت بطلوك بقيت ااااصرخ دكتوره تريد ادفع جبت اول وااحد علي بس ماابقى شي شعري نفتح
الدكتوره: يلاااا هموم علي وياااج ماابقى شي سباعيه يلا ماما
هموم: كل صرخه جنت اصرخهاا كفيله طلع شكو شي مكتوم داخلي وحدي جبت ثاني نص حيلي اانهد بعد خليتهم على صدري بستهم نسيت كلشي من شفتهم
المره: خطيه محد وياهاا بس ابوها برا مدري ياهو الله يساعدها
هموم: عفت كلشي نظفني وخيطني شديت بطني بشال حتى ملابس ماجايبه الهم جابلي من هاي نسوان تطلك اذن جذي بأذانهم سماهم علي وايليا هذا الحجي الصبح ب 7 طلعنه اني بالكوه بالكرسي صعدت جدي مايعرف رجال جبير وصلت مااكدر امشي جدي شلون
الشيخ: كسرتي ظهري هموم بويه والله مابيدي عليج شي هديتي حيلي
هموم: دنكت ااضغط حيل على آلم شلت واحد والثاني جدي بالكوه قاومت دخلت لكيت سند يباوع الي باوعتله بنظرت عتاب وخذلان دخلت لغرفتي...
سند: طلعت للدوام خفاره خلص سند طلع هموم من حياتك انساها بقيت بااشغل كلبي حيل بزني ااختنكت فتحت دكم البدله فتحة الشباك ماكو اريد اخلص من خنكه هموم بالي مراحت ولا لحظه اابد جبرت نفسي كنما صرخات هموم بااذاني رجعت الصبح جااي ااتريك جوعاان
وسن: هموم البارحه تطلك محد راح وياها بس جدي ماادري لهسه مااجو
سند: شركت بالجااي سكتت مااكدرت بالي يمها ليش مو كاادر اطلعهاا من عقلي دخلت حالها تعبان باوعتلي بنظرات مااعرفت شفسرهن دخلت اجاني احساس اشوفهم بس مااكدرت جدي وياهاا جابلهاا الاكل والحليب وكلشي وحده يركض
هموم: جدي مااقصر وياي مستحيل انسى فضله على بس ابقى احتاج مره تساعدني بس وين هذوله صرت اعتمد على نفسي بالكوه اضغط على نفسي جدي اخذني للبيت خالي لان مااكدر
الشيخ: اي خابرت محمد باجر روح يتانينه بالمطار لان ماافهم اني يابعد جدج بهاي الامور تحملي لليله وباجر اخذج
هموم: تمام جنت محضره جنطي كلشي كدام باوعتلهم يشبهوني ويشبهون سند عيونهم رصاصي عليه وبيض شعرهم ثخين على سند يخبلون بس يبجون
سند: اريد ادخل اشوفهم يشبهون منو اسمع صوت البجي بس مااكدر عزة نفسي تمنعني مااحد تقرب الهاا ابد
وسن: لاتباوع سند لا تخلي كلبك يحن انت ااقوي من هيج اني لخاطرك ماتقربت الهاا برغم ردت ااساعدهاا بس من ذكرت السوته بيك لا والله لو اشوفهاا تموت ماتقرب الهاا
سند: ماادري وسن احسهم هذوله جهالي والله اريد اشوفهم يشبهون منو... منو هذا لي تحبه وفضلته عليه تركتني ونزلت راسي خلت الكل يشمت بيه
وسن: لاتخاف يجي يوم تعرف ترجع متندمه تدري البارحه كلام وفاء صح فكرت انو وفاء مكان مااتسوي سحر لهموم تسوي الك وبثينه كذلك أساساً السحر ماله وجود اشك هي مسويه شي لجدي لان جدي مااحجي ولاكلمه ولاينطي بيهاا
سند: وسن اني يمكن اصير زين وي الكل موقف بس موقف واحد غلطت بيه راح تبقى الناس تتذكره واطلع مو زين يمكن استحملت ضغط من شخص او وي كل شخص اني عندي تحملت مشاكل الدنيا كلها ليكدام اعرف هذا شي كلش زين الي وابقى اتعامل عادي وي كل مشكله اواجه بس مشكله وحده مااعرفت اتعامل وياهاا هي هموم
وسن: الحمد الله كشفهاااا الك هو راح ياخذ حقك منهااا يكفي هسه هي محد بحاله مشموره راح تحس بقيمتك
هموم: اجه لليل هااي صعبه طفلين اني مخليه مي وحليب يمي محد اجه بس جدي يروح يرجع عليه الوجع ذبحني والخيوط هما نامو اني باالكوه كمت للحمام اخذت سان*** وحبوب كمت غسلت جسمي غيرت ملابسي بالكوه جاي اسيطر على نفسي غسلت شعري وجهي غيرت ملابسي كملت طلعت ااحمي مي لان صدري مابي حليب او همه مااقبلو يرضعون رحت للمطبخ ماااكدر خليت مي علة طباخ وكعدت اكل جبن وخبر وجاي
سند: جنت راجع بليل ماكو احد سمعت صوت الجهال يبجون دخلت هي ماكو باوعت لهم اصغار وجوهم بيض بستهم عطرهم حلو مبينه ماتعرف تكمط مدري شمسويه بيهم تتحساس حلوو عيونهم عليها بيهم شبهه مني احس شي داخلي لهفه الفرحه بستهم ااشم بعطرهم شلتهم اخذتهم لحبوبتي حبوبه هاج كمطيهم خطيه
الحجيه: سند يمه اني مالي علاقه حتى الشيخ مايحجي وياي اخذهم مني
سند: الخاطري حبوبه مو علمودها اخذتهم اني لازمين اصبعي ابوس بيدهم
الحجيه: سند تراا ينطون شبهه الك بس بياضهم عيونهم على امهم خشمهم شكلهم عليك باالتمام حتى شعرهم متاكد مو منك حامل والله جاي اشوفهم انت بصغرك
سند: ماادري حبوبه الله كريم كملت اخذتهم خليتهم على الجربايه هي مخليتهم ماكو كاروك بستهم دخلت هيي باوعت الهاا شعر مبلل والوجهه وردي تخبل
هموم: مو حلو تعاتب شخص على موضوع اكثر من مره انك تنبهه عن شي ويرجع يسوي بدون مايفكر في شعورك دائمًا اختار السكوت
لانه لو فعلًا شخص يهتم لشعورك مايسوي الشي اللي ماتحبه خلي ببالك ماتطلب الشي من الشخص مرتين ولاتعاتبه على غياب او اهتمام دائمًا تذكر
(اللي ماتجيبه مشاعره مايجيبه الكلام) دخلت شفت سند شنووو تسوووي هنا
سند: اجيت اشوف جهال الي خنتيني وياه شبيج خايفه لاتخافين ماااكتلهم ولاااموتهم بس مااخذين بياضج وعيونج
هموم: ههههه اذا راح تنتظر الوقت... حتى يصير مناسب راح تلكه نفسك تنتظر هواي الوقت مو دائما مناسب انت تعرف بيهم منك واطفالك بس انت تريد حجه تقنع بيهاا نفسك وقتك بيدك بس انت تريد تضيعهاا اذا جان اكو شي بنفسك فسوي وااحجي لاتخلي كلامك بكلبك ولاتحجج الوقت مو مناسب لان بعد مراح تجيك فرصه نفس هااي الحياة مو طويله فااستغلها انت خسرتني خسرتني باافعالك
سند: انتي هموووم سويتي حاجيني استغليتني ااستغليتي حبي لج خنتيني كليلي كم وااحد تقرب الج من شمرج بالشارع كم وااحد نااام وياااج اخذ الي يريده منجج وشمرجج جااي هسه تريدين اثق بيج اصدك من المراسله الكلام كله الجججج اعتبرتج بنتي صرت ابوج..
هموم: انت غلطان ديربالك شبهه نفسك بااابويه والله مراح تاخذ مكانه الاب يثق بنته يعرف تربيته مراح تخوفني بعد الحياة علمتني هواي شغلات صح تاذيت بس تعلمت مريت بظروف اكبر من عمري مريت بمواقف لااحسد عليها بجيت وتاذيت ونكسرت بس تعلمت وصرت اقوى تغيرت.... اني مو ذيج البنيه لي ماتكدر بدونك كرهتني بيك وبهذاا كلامك مااانسى ابد اثق مو هموم الي تنطي شرفها قبل لاااجيك اموت نفسي
سند: مرات اخذ موقف منج ازعل وااشيل بخاطري على الرغم لو صار وياج زعلتي مني مااكدر اانام الا اراضيج بس انتي ماجنتي تهتمين جان غرورج عامي عيونج المهم كرامتج تعرفين خليتني بموقف صعب كدامهم يشمتون بيه تعرفين مقهور منج بس مااريد ابين هاالشي مااكدر ولجج ااحجي عذابي منج كلل منجج اريد اموتج بيدي طلعي من حيااااتي وكلبي طلعييي دمرتيني الله ينعل ذاك اليوم
جنت غبي هوااي من ثقيت بيج وحبيتج شنو جازيتني بالخياانه لجج جنت التمسلج سبعين عذر واكول السبب مني اني قيدتج بهواي امور... بااهتمامي وخوفي وغيرتي جنت اتحمل نكدج وزعلج اكول بنيتي وطفلتي بس بالاخير اكتشف بعتيني باارخص ثمن وخنتيني انت ماتستاهلين ولج جنت اخاف عليج جنت اتمنى واادعي على نفسي الله ياخذ الوجع منج ويخلي بيه جنت مااشوف شي بس غيرج انتي هيج جازيني لزمتهااا فقدت بس اضرب بيها لدرجه ضربتهاا براسهاا بالحايط ودم نزل خنكتهااا بس تركتهاا من بجو الجهال طلعت
هموم: جان يحجي ويتقدم لي اني خايفه ارجع ليورا بعدين مااحسيت بقى بس يضرب بيه بدون رحمه لدرجه ضرب راسي بااحايط خنكني صار بيني وبين الموت شعره وحده عافني متت من تلم بهاي الليله صار العذاب عذابين من جهه الاطفال شويه ونمت كعدت الصبح كمت لبست فستان بالكوه مااكدر شفت اثر الي بركبتي وجهي راشديات رتبت الجهال مااعرف لهم بس شسوي
الشيخ: يلا ابويه خالج ومرته متانينه هناك ااعذريني البارحه نمت مادريت بالصار
هموم: معذور جدي طلعت غراضي السايق اخذنهن شال جدي طفل واني ثاني طلعت وصلنه بس تخيلن كمية الوجع وصلت المطار وسافرنه وصلت زمن خالي سلمت عليهم وجدي كذلك وصلت شمرتهم على زمن ونمت لان مانايمه تعبانه
محمد: هموم متغيره حيل صار وياهاا خير ليش سند مااجه وياك صاير شي
الشيخ: لاماصاير شي جبته لان محد هناك يدير باله عليهاا هسه روح رجع هذا مصرف هموم والفروخ كلش تحتاج خابرني
محمد: هلا بيك شيخ حياك الله بكل وقت
سند: اعرف بيها راحت ليش مو اكدر انسااها جنت صاافن دك الجهاز الووو...
الولد:سيدي دزيتلك المعلومات قبل كم يوم مافتحهتن انت هذا ايميل الفيس من نفس المكان مؤقت للصفحه اصلا مامستخدمه الايميل مسوينه بنفس الوقت دزيتلك العنوان والموقع وكل المعلومات عنه جديد
سند: تمام فتحت الموقع بيتنه الغرفة لوفاء شسالفه شنو هااي فعلا يعني الايميل بنفس الوقت والساعه ومسوي بنفس لحظه اريد استوعب رجعت قريت الكلام هذا مو كلام هموم ابد هموم ماتحجي هيج اريد اربط الكلام ماكو الوقت الي مسوي هموم ماموجوده مرساله العصر او المغرب مو الضهر اسويت رجعت اااتتاكد والله ماكو اختلاف شلون هيج ماركزت وين جان عقلي....
