رواية صراع الشيوخ الفصل الثاني والثلاثون بقلم ليال القمر
امير بهمس: ششششش سكتي راح تفضحينه
ارجوان باوعتلة بخوف وهو يباوعلهة ومبتسم لان هاذة رابع لقاء بينهم
امير بهمس: مشتاقلچ ولچ صايرة حلوة
ارجوان وهي تهز راسهة برعب: امممممم ممممم
امير تقربلهة ولزگهة علي وتخبه بغير مكان ورة المبردة
وخر ادي عن حلگهة وهي تنفست الصعداء وحچت بصدمة: امييير شتسوي هنا عفية روووح لتسويلي مشكلة
ارجوان وهي تضرب علة صدره وتبعده عنهة وهو ولا كانما تدفعه ماهزته حركتهة ابد: ولك روووح امير فدوة روووح هاي شبيك صافن عليه ترة اني مدا احشش يااا هاي شبيك
امير وعيونه تلمع وحچة بهمس تسمعه: ابد ماشايفچ عن قرب ماتوقعتچ هيچ حلوة يعني انتي حلوة بس من قريب غير شكل
ارجوان وخرت اديهة عن صدرة ودنگت راسهة وخجلت وعصبت بنفس الوقت: انت متستحي امير هاي شجاك
ضحك بخفه وهو يباوع لشعرهة المخصل باللون الماروني وتشيرتهة الاصفر الي مفصل جسمهة والجينز الازرگ الضيق اللي لابسته والاكسسوارات الضايفه لمسة لملابسهة
ارجوان باستغراب: هاي شبيك تباوعلي هيچ شنو ماشايف بنية انت
امير باعتراض: تؤ مشايف بنية مفرعه گدامي
ارجوان وهي تخلي اديهة علة خصرهة وتتنعوص بحچيهة: شنوو عيوني ماسمعت ويمته اني مفرعه... بعدين انتبهت هي ما لابسة الفستان اللي تلبسه فوگ ملابسهة ولا الشال شهگت ورادت تشرد بس امير كمشهة ورجعهة عله الحايط وخلة ادي الاثنين حته يمنع حركتهة
ارجوان بعصبية: ابتعد ملابسه حُجاب حرااام ابتعد يمعود
امير بس صافن عليهة ومركز بادق تفاصيلهة: تؤ ماوخر بعد شفتچ
ارجوان نفخت خدودهة وزفرت الهوة وتحاول تهدي روحهة: اوكي بس البس حُجاب واجيك.. بعدين انتبهت هو شعنده هنا : صدوگ انت شعندك هنا
امير 😂😂: بعد وكت حبي هسة انتبهتي
ارجوان بغرور : لا حياتي بس چنت مشغولة بحُجابي
امير رفع حاجبه ومتونس عله عصبيتهة: اهاا هيچ يعني زين لويش مارحتي لسه ولبستي حجاب
ارجوان باوعتلة بضيق وتهز راسهة بقلة صبر من عنده: امير لتخليني هسة اصيح واگوللهم انت تتحارش بية
امير بابتسامه: عادي بعدين يزوجوني الچ حته يسترون عليچ
ارجوان فكت حلگهة بصدمة: انت صدوگ دتحچي يعني مدتشاقة
امير: تؤ لويش اشاقة هاي الحقيقة اذا بنتهم واحد لمسهة او تحارش بيهة يزوجوهة اله لو يكتلوهة اكو بعد حل
ارجوان دارت وجهة بضيق وماعدهة حل غيره وگامت تگمز بتوتر: ووولك امييير دا اسمع صووت ابتعد عني عزززة راح ننكشف
امير بسرعه وخر عنهة ويباوع يمين ويسار ويشوف اذا اكو احد لو لا وهي ابتسمت بنصر وركضت من يمه
بعدين استوعب هاي خطة من عدهة وگام يضحك: اشتعلوا اهلچ عل هالدگة آآآآه شيطانه بس تخبل
&&&&&&&&
دخلت ارجوان وانصدمت بالنسوان اللي تارسة الصالة
ارجوان باستغراب وحچت بفهاوة: سلام عليكم
الكل: وعليكم السلام
ام امير بلهفة: هلة بچنتي تعاي يمه خلي احبنچ صايرة تخبلين صلوات ماشالله
ارجوان باوعتلهة بصدمة بعدين ابتسمت بتوتر : هلوو خالة شلونچ
تقدمت ناحيتهة وحضنتهة وام امير تبوسهة وارجوان مستغربة هاي شبيهة لان هي حضنتهة ما بوستهة بس بعدين تداركت الامر وتذكرت بالعراق يباوسون ميحضنون
باستهة صفح وابتعدت عنهة بابتسامه راقية : شُكرا خالة
ام امير وهي تسويلهة مجال: تعاي گِعدي بصفي بعد عمتچ
ارجوان مستغربة بس ابتسمت مجاملة وگعدت بصفهة
نسوان اخوان امير يباوعنلهة بغيرة ومنهن ماعاجبهن العجب ونسوان العمام يفرن بحلگن ما عجبهن لبسهة ومنهن يباون لشكلهة باعجاب
مرت العم صادق: شلونچ مرت ابن حماية
ارجوان ضلت ساكته ومنصدمة من كلامهة
ام امير وهي تلزم وجهة وتحچي بلهفة: يمه ادجان سلمتي عله النسوان كومي يمه سلمي
ارجوان گامت وحضنتهن وهن يياوسنهة ومنهن من طرف خشمهن
مرت سجاد همستلهة : الله طيبة ريحتچ شني اسم العطر
ارجوان ضلت صافنه بوجهة وابتسمت بلطف: ليڤاڤا لجوسي
مرت سجاد: شني مافهمت
ارجوان: اسم العطر ليڤاڤا لجوسي
مرت سجاد بحرج: اهااا ههههه ماسمعت زين
ارجوان ابتسمت وراحت گعدت يم امهة وام امير ضلت تدگ سوالف ولا كأنما ذاك اليوم زوجهة ميت
ام امير 😕 وهي نافخة روحهة وتفتخر : والله ابني مهندس نفط وشيخ عشيرة وعنده بيوت واراضي والحمدلله حالته المادية زينه وابني شايف بنتكم من ذاك الوكت من طلعوهة من بيت كدم مدري شسمه وعاجبته وسأل عليكم خوش ناس وانه احبنهة لادجان ماشالله عليهة حسن وادب ها يمه ادجان شتگولين
ام احمد ضلت مصدومه وهي تدري انو زوجهة رفض فكرت انو يزوجهة
ندى مرت العم كريم وهي تداري الموقف لان كلهن ساكتات : والله احنه نتشرف بس القرار لامهة وابوهة ولارجوان والبنية ليساتهة تفكر بهاذ الموضوع
ام امير: اي ادري چا غير النسوان تمشي علية مايصير حته اشوفن البنية بس هي هاي العادات والتقاليد وانه احچي بوليدي حته ماتنحرج البنية
ارجوان بس ساكته وفايرة اعصابهة وحچت بتوتر: اترخص
گامت وصعدت لغرفتهة وطبگت الباب بقوة ولبست فستان ليموني طويل وردانه طوال مال محجبات وشال ابيض لبسته شلون ماچان ونزلت ودخلت من باب المطبخ وطلعت تدور عله امير بعصبية لگته واگف برة يم الباب بصف سيارته ومنتچي عليهة ويلعب بسبحته
طلعت وصاحتله: امييير تعال
امير انتبه عليهة وفرح بعدين باوع يمين يسار شاف ماكو احد راح يمهة يم الباب
ارجوان بعصبيه: انت شلون تدز امك ونسوان ماعرفهم هااا ليش ما سئلتني
امير بجدية: ترة انه جاي اخطب ماجاي العب چا بس ادز زلم غير لازم ادز حريم الكم
ارجوان وهي تلزم راسهة بتوتر: اووف امير شسوي بيك هسة انت ما سمعتني البارحة من گتلك انتهينه خلص كافي تلح
امير بجمود وكل ملامحة تبدلت: ما انتهينه ارجوان بعدنه بالبداية
ارجوان بعصبية: اني ما اريد اتزوج بعد شسوي الطم گولي شسوي من گتلك البارحة ما اريد اتزوج شنو معناتهة هاا
امير بحدة وعيونة شرار: ارجوووان هواي تجاوزتي حدودچ وياي مو الزعطوطه الي مثلچ تحچي هيچ وية الشيخ امير تدرين شسويلهم للي يحچون هيچ وياي ادوسهم جوة رجلي ويالله امشي جوة طالعتلي بالاصفر امشي يالله
ارجوان خافت وعصبت: احترم نفسك والله شايف نفسك شيخ ، حياتي شيخ عله روحك مو عليه يالله هسة تخابر امك وتگوللهة تلغي الخطبة
امير بعصبيه : تطردين امي انتي ما تستحين
ارجوان وهي تأشر علة نفسهة : انييييي يمته طردتهم لتفهم قصدي غلط بليز امير گوللهة تلغي الخطبة
امير باوعلهة بجمود توترت من نظراته الهة ودارت وجهة حته متشوفه لان تخاف منه وصدرهة گام يصعد وينزل من الخوف ودگات گلبهة صار طبل
امير بهدوء: شمالچ
ارجوان مابوعتله اصلا من خوفهة وحچت برجفه: مابية شي بس انت تخوف
انعصر گلبه بالم وباوعلهة بعتاب: لويش تخافين چا من احچي وياچ هيچ غير تغثيني
ارجوان رادت تروح بس امير لزمه و باوعلهة بلمعه عيون واحد عاشق ملهوف: ارجوان
رفعت راسه وتوترت من نظراته: شنو
امير برجاء: وافقي عليه صدگيني اعيشچ ملكه ومتعتازين لشي
ارجوان: اني ما احتاج لشي كولشي متوفرلي بس قصدك اذا اتزوجك احتاج لكول شي
امير: شني هنة
ارجوان باوعتله ببرائة وعفوية دمرته بطريقه كلامهة وشلون تحرك اديهة : دراستي اخسرهة واهلي ودولتي وحياتي ولكل شي راح اصير ارجوان ثانية عندك وهاي اذا متغير اسمي لان مو من بيئتكم، بعد هواي اخسر امير وراح اخسر نفسي كلامي صديقاتي كولشي
امير باعتراض: لا ما تخسرين شي اهلچ اوديچ الهم ودراستچ تكمليهة بس بالعراق ورفيجاتچ استمري وياهم وكلامچ نفسة خلي لويش يتبدل
ارجوان بتهكم: امير انت مراح تفهم لغتي اني احچي امريكي بس بيت اهلي وهنا احچي عراقي طول حياتي عايشة بالخارج وصعب اتاقلم بالعراق وخصيصا بالبصرة وإني اكون زوجة شيخ عشيرة يمكن اخسر هواي واني مافيدك انت تحتاج وحدة ام بيت تحچي نفسك حته تفتهم عليهة وتفتهم عليك اما اني نص حچيكم ماافهمة لان اني ماعرف احچي زين ادري هسة تگول عليه جاهلة بس صدگني ما افهم يعني مو ذنبي
امير: انه افهمچ لويش ما افهم
ارجوان بتعب: امير اني وياك منتناسب من الاخير اگولك ياهة
امير بحدة وعبية وهو يكمشهة من اديهة: مو بكيفچ نتوالم
ارجوان باوعتلة وهو يباوعلهة: متاكد من كلامك يعني لبسي الي لابسته مقتنع اطلع بي برة گدام الناس كلامي مشيتي سوالفي وصداقاتي وتقكيري متاكد امير لازم تفكر قبل كولشي تسوي اسمحلي اريد اروح
امير فكر بكلامهة وصار نار لان ميتحمل احد يباوع عليهة لو يحچي وياهة مو انوب گدام الناس
سكت ودنگ راسة وارجوان تركته ودخلت جوة بالمطبخ وكمشت الاستكانات وغسلتهن وكملتهن ودخلت بالصالة
ام امير بلهفة: تعاي يمه ادجان كعدي عدنه ماشفناچ زين
ارجوان ابتسمت وگعدت بصف الاء وام امير تباوعلهة وتحچي وية النسوان
الاء بهمس: ايا معزاية وين چنتي
ارجوان بهمس : يم امير
الاء لطمت عله وجهة بخفة و بهمس: عززة بعينچ مو گتلچ عوفي مايفيدچ
ارجوان: عمه بعدين نتفاهم هسة اني راسي راح ينفجر من الصداع
الاء وهي تعوج بحلگهة وتهمس الهة : چا غير دگيتي سوالف وية شيخ طبعا راسچ يوجعچ
ارجوان بضيق: عمه هسة انتي فهمتي حته تحكمين
الاء وهي تنغزهة بعكسهة وتهمس الهة: وليچ شوفي هذني شلون يدحگن عليچ حسبالك ضرتهن
ارجوان بعدم مباله: خليهن يباوعن اني شكو
كواكب بهمس لالاء: وچ عمه شوفيهن يخزن بس اكو كم وحدة وجهن ينطلع بي
الاء بهمس: ما عاب لسانچ حقهن يغارن من الگمر الگاعد بصفي
ارجوان تشوفهن يتهامسن ما اهتمت ضلت تسمع للنسوان يحچن بمواضيع
ام امير: ام جاسم ما سمعتي ام غالب شجرالهة
ندى باهتمام: اي شمالهة
ام امير: خطية ولدهة حايرين شمسوين بيهة ودايما يتگاونون وياهة و تالي بالنهاية اكتشفت جنتهة مسوية سحر لابنهة وكل واحد من ولدهة مسويتله سحر حته يسمعولهة ويكرهون امهم ويطردونهة وماگلج الزلمة افتهموا وطيحوا حظهة وابنهة طلگهة واخذ الجهال الة وحرمهم من امهم
ندى: يمه سمالله الله يجيرنه عوذة... گامت تنفض بدشداشتهة من صفحة الصدر
ارجوان تباوعلهن بسخرية وملل
مرت العم صادق: چا هاذي زين طلع سحر مو غيرهة گرايبنه خطية زوجهة حاطهة وداگهة يومية وبعدين اكتشفت انو عاشگله وحدة وهي فهمت وتطلگت منه وحته جهالهة اخذهم منهة المسكينه
النسوان كلهن تاثرن وام امير تدگ عله رجلهة: يمه سودة عليه شلهة ذنب هاي الفطيرة
ارجوان تباوعلهن بقله صبر وگامت لان متتحمل بعد تسمع سوالفهن الي متخلوا من الضيم والقهر
دخلت لغرفتهة ونزعت الفستان والشال ونزعت كل ملابسهة ودخلت سبحت
ارجوان وهي جوة الدوش: اووف شوكت ارجع لاميركا بعد ما اتحمل ابقه هنا
ضلت تدردم بضيق ولفت المنشفه عليهة وطلعت من الحمام ولبست شورت وردي وفانيلة بيضة وگعدت علة سريرهة تگلب بالتيڤي
وشافت ماكو شي ضوجة اخذت فونهة واتصلت علة صديقتهة انيتا
: الو اهلين ارجوان كيفك حبيبتي
ارجوان بابتسامه: الحمدلله انتي شنو اخبارچ
انيتا: were are you babes I mesed you so much
وين انتي بيبي اني مشتاقتلج هواي
ارجوان : l can't came right now because lm still in Iraq
ما اكدر اجي حاليا لان بعدني بالعراق
انيتا : what the hell ! your there like tow month ago
شصاير بحق الجحيم صارلج هناك شهرين
ارجوان : its ok im gan be there like four or maybe five days In America
ميخالف راح اجي بعد لو اربع لو خمسه ايام لاميركا
انيتا بحماس : omg im so excited to see you again
ياربي متحمسة اشوفج مرة ثانية
ارجوان : hahahahah are you serious about this because im so ugly right now
هههههه صدوك تحجين صايرة محلوة
انيتا : hey dont be like that your always beautiful
لتحجين هيج انتي دائماً حلوة
ارجوان : ammm not that much ohhh I forget to ask you were are you
اممم بس مو كولش صدوك نسيت اسئلج انتي وين
انيتا : I'm going to the kafeterea
رايحة للكافيتيريا
ارجوان : ok I guess your bossy
اوكي اعتقد انتي مشغولة
انيتا : not really
مو كولش
ارجوان : hahahah dont lay babies I know you very much
هههه بيبي اني اعرفج كولش زين لتكذبين
انيتا : ohhhh God you look like a dival but purity dival
اوه ياربي انتي شيطانه بس شيطانه حلوة
ارجوان : ok by
اوكي باي
انيتا : by
باي
سكرت الخط وتنهدت وگعدت تفكر وقطع تفكيرهة دخول الاء
الاء: ها ولچ شمصخمة وية الشيخ
ارجوان حجتلهة الاول والتالي والاء كول شوي ومرزلتهة وارجوان تعصب والاء تكفخهة وارجوان تسكت
الاء وهي تكفخهة: ولچ انتي شلون وياچ
ارجوان: اوووف عمه كافي راسي صدع بعد اكثر من الضرب
الاء وهي تكفخهة: حته تجوزين غير
ارجوان: كافي عمه ترة بعد ما احچيلچ شي
الاء وهي تغمهة: امداچ طول عمرچ تصيرين غبرة ولچ وافقي وفظيهة
ارجوان بعناد: ماااا لو يموت ما اوافق علي
الاء: اصلا انتي تحرگين گلبي خليني اولي احسنلي وما اوصيچ هم طلعي بهاذ لبسچ حته عمچ كريم يضربچ بعگالة
ارجوان باوعتلهة بضيق وعاگدة اديهة بعناد: وشعلي بلبسي اووي
الاء وهي تكفخهة: ويويوة التاكلچ هاذة الشيخ وغصبا اعليچ تحترمي مو طالعتلة بالشورت والصلوخ مالچ ذيچ المرة وحمدي ربچ بس اهو الشافچ
عافتهة الاء وطلعت
____________
دخل كرار عله كرم وگعد بصفه: كررم الى متى تضل هيچ
كرم صفن علي بدون ميحچي وكرار يحچي ويا: ولك انت تضل هيچ وامير يحصل كلشي لا تصير اغبر گوم اخذ كرامتك وحقك ومرتك اللي راحت
كرم تذكر ارجوان وانخطف لونه وگلبه دگ سريع: ارجوان..
كرار بسعادة: اي احچي ليش سكتت مو هاذي مرتك روحلهة وحقك اذا تاخذهة هسة لان انت ما طلگتهة
كرم: صح عندي زوجه شلون نسيت
كرار: چا غير انت دخلت بصدمه ونسيت الاول والتالي
كرم بحزن: انه السبب بموت رنا وابني
كرار: لااع انت مالك شغل هي رخيصة وباعت روحهة ولتنسه هي من گبل عليهة اشاعات مو حلوة عليهة
كرم استوعب اللي صار خلال هاي الفترة وتذكر كولشي وكأنما احد سحبه من ظلمته باوع علة كرار ابن عمه: انه لازم ارجع مثل گبل ما يصير ابقه هيچ ضعيف مو الليث الي ينهزم
كرار بتشجيع: كفو يالليث اي ارجع كرم ارجع مثل گبل وصير شيخ عشيرة وتحكم مثل گبل ارجع
كرم باوعلة وعيونه انملت بالقوة والثبات: صح كلامك
كرار بابتسامه: چا انت تضل علة جسمك الضعيف شوف وجهك شلون اصفر وجوة عيونك سواد گووم ارجع كرم القوي اللي ما يهزة ريح
كرم وگف وباوعلة: خلاص بعد انه راح ارجع واثبت وجودي وحكمي مثل گبل
كرار بتشجيع: اي ياخوي وانه وياك
كرم ابتسم بخبث: بس مو هسة اطلع لازم اضبط شكلي وجسمي رجع مثل ما چان واطلعلهم بحيلي
كرار : اول شي تروح تحلق وترجع تاكل مثل اول وانه وياك نروح للنادي حته يرجع جسمك
كرم اومئلة براسة: انشالله فترة شهر لو شهرين وارجع مثل گبل واحسن
طلع كرم واهلة نصدموا وفرحوا برجعته وامه تحضن بي وتبوس بي
ام كرم بفرحة ولهفة ودموع: يمه ابني حبيبي بعد رويحتي
كرم باس اديهة وابتسمالهة: شلونچ يالغالية
ام كرم: فرحانه بشوفتك
كرم اشر لكرار بان يمشي ويا وطلعوا ثنينهم للحلاق وحلقوا لكرم ورجع كرم شكله مرتب وحلو
كرم وهو يمشي بصف كرار: خلاص رجع كرم ومو بس كرم لا رجع الليث القوي وبعد اقوة من گبل
كرار ابتسم بانتصار وهو يباوع لكرم: صراحة ياخوي صاير احلة بس لو تاكل وتلعب حديد ترجع كرم الي موت بنات عمامي بشكلك وشخصيتك
كرم باوع بثبات ليگدام وابتسامه خبيثة تعلو ثغرة وهو يمشي بجدية وببرود اكثر من قبل
وهنا
عاد
