رواية صراع الشيوخ الفصل الثالث والثلاثون بقلم ليال القمر
انصدم امير وحچة بخنگه: لاعمي ماصار شي هو كله قدر ونصيب
ابو احمد: اعتذر ابني بس كلشي نصيب وانشالله الله يرزقك بالزوجة الصالحة
امير بجمود: لا عمي ماله داعي تعتذر انت مثل ابوي الله يرحمة
ابو احمد: الله يرحمه وانه ماگدر اگلك تحجزهة لان يجوز بنتي تتزوج هناك وتشوف حياتهة لان ما نعرف الظروف اذا كدرت ارجع للعراق لو بنتي ترجع اذا الله اخذ امانتي
امير : الله يطول بعمرك عمي لا تشيل هم ما بينه احنه اعذار انت مهو بغريب
ابو احمد: الله يرحمه وانه ماگدر اگلك تحجزهة لان يجوز بنتي تتزوج هناك وتشوف حياتهة لان ما نعرف الظروف اذا كدرت ارجع للعراق لو بنتي ترجع اذا الله اخذ امانتي
امير : الله يطول بعمرك عمي لا تشيل هم ما بينه احنه اعذار انت مهو بغريب
ابو احمد: وانت هم مثل ابني يالله مع السلامه
امير: الله وياك
ووگع الفون من ادي ودموعه سالت وشهگ شهگة اول مرة يشهگهة من قبل وگام يبچي بقلب رجل عاشق مهووس بحبيبته ولكن للاسف كسرت قلبه ليبقى قلبه حطام رجل مكسور ضائع جناحه مكسور لفقدان حبيبته
حسن باوعله وغمض عيونه بقهر علة حال صديقة واخو وابن عمه
تركه يفرغ عصبيته والمه ببچيه وتكسيره
وره شويه الصاله كلهة مكسرة والطاولات مشمورات والدولكه متهشمه بالگاع والغراض منتورات نثر مابقه شي عله حالة
وامه تباوع علي وتخاف تجي يمه لان من يفقد اعصابة ميحس بشي بعد وممكن يأذي الشخص بدون ميحس
واخوانه ونسوانهم نزلوا وانصدموا بالمنظر كرم گاعد بنص الصالة والدنيا مكسرة وهو جامد بمكانه وعيونه دم وعروگه ناطة ووجهة كولش حاد صار وجامد وبارد المشاعر فقد كولشي حته السمع والكلام بس ظل صافن نقطه بالفراغ وجامد ورة لحظات گام يشعر وحواسة رجعت تشتغل وباوع للي سوا وامه اللي تبچي واخوانه اللي يناظروا بترقب وخوف ونسوانهم كامشات ايد ازواجهن يخافن من امير
هو گام بكل برود وطلع من الصالة ومن البيت كولة راح حسن وراة وهو مقهور علي
گعد امير عله الشط ويباوع علي وساكت
حسن گعد بصفه وباوع لايدة: امير ايدك بيهة دم
باوع لايده وماهتم وما حچة شي
وحسن سكت لان يعرف صديقه شنو اذا حچة ويا اذا يقتلة قليل بحقة ففضل انو يسكت
♕♕♕♕♕♕
ارجوان باوعت لابوهة: ها بابا گتلة علة الرفض صح
ابو احمد: اي بابا لا تشيلين هم
ارجوان دنگت راسهة وغمضت عيونهة وانقهرت وحزنت عله امير وشنو ممكن يصير بي حاليا
زيد باوعلهة وحقد عليهة وگام طلع من الصالة وطلع بالحديقة واتصل عله حسن
حسن بتهكم: الو ها زيد شتريد
زيد: شلونه امير
حسن بحسرة: شحچيلك ياخوي كسر الدنيا علة روسنه وگاعد علة الشط ومايحچي
زيد غمض عيونه: حسن انه مالي ذنب بقرارهة صدگني اصلا غصبتهة تاخذة بس هي فاجئتني بقرارهة
حسن: ادري ياخوي اعرفك انه كلش زين بس اهو امير يتعلق بالشخص وبعد مايگدر يعوفه
زيد بحزن: الله يعينه
حسن: اي ماتجي يمنه للشط اللي دايما نجتمع بنفس مكانه
زيد: جايكم انه وانت ديربالك علي لا يروح يسوي مصيبة
حسن: لا تخاف امير مو هيچ
زيد: الله وياك
حسن سد الخط وباوع لامير وشافه نفس مكانه راح رجع يمه وگعد بصفه وباوعله وماعرف شلون يوصف مشاعرة لان چان هادئ وجامد
طلع زيد من البيت وتوجه للشط وارجوان وگفت ورة الباب وشافت زيد طلع من باب الحديقة ودموعهة سالت: اسفه امير اسفة
&&&&&&&
كرم وهو يلعب حديد: اااخ بوية چتافاتي راحن
كرار: چا غير صايرلك هواي ما لاعب
كرم بحدة: لاتخاف راح اگدر اشيله وتشوف
شال كرم الاثقال وهو گوة متحمل لان چانن كولش ثگال
نزلهن ورجع يشيلهن وضل يلعب حديد وكرار مبتسم اله ويشجعه
والشباب تباوع عليهم وهمة تحمسوا وگاموا يشيلون الاثقال وگام واحد يتحدة الثاني
~~~~~~~~~
ارجوان بحزن: عمه الاء اني خايفة عله امير لا صايرلة شي
الاء: اهمداچ راح عليچ الزلمه
ارجوان: عممه شبيچ يعني اني ويا منتناسب شلون يعني وهو طبيعته عصبي كولش واني ما اتحمل هيچ واحد مثلة
الاء: وليچ انتي تعطبين گلبي رايحة انه
ارجوان: هو انتي كلما تحچين رايحة لو اولي اي دروحي منو لازمچ
الاء كفختهة: انچبي انتي ماتفهمين حسبالي تگليلي لا عمه ابقي بس انتي ثولة
ارجوان: بس اني ما حب اجامل واتلوگ اذا احد ماعاجبة اوكي موشكلته بس انتي الة تردين واحد يتوسل بيچ
الاء: صخام الصخمچ ماينگدر اعليچ
ارجوان بغرور: اوفكورس بيبي اني ارجوان مو هينه
الاء: فلك طرچ عله هالغرور
عافتهة وطلعت وارجوان تضحك عليهة بعدين استغربت: شنو يعني فلك طرچ هههه يالله علساس اني افتهم عليهم بس كم كلمه واگعُد افكر بيهة واحللهة يالله افهم هههههه دخليني اروح اغسل ماعين لو هسة نجمة تعضني من ايدي.
گمزت وراحت ساعدتهن بالماعين
نجمة: وليچ وين چنتي صايرلي شگد اتانيچ وانتي ماكو
ارجوان وهي تمسح الكاونتر: والله چان عندي موضوع هام وية عمه الاء
انسام 😕: اي عيوني اكيد ترزلچ لان ما وافقتي عله الزلمه
ارجوان: اي وشمعرفچ
انسام بغرور: مهارتي الخاصة
كواكب : انچبن واسكتن لويش ماتدرن عمتنه الاء لازم اي وحدة تنخطب تكرهة بعيشتهة اذا رفضته
ارجوان: ليش
كواكب: يااا هاي عمه الاء فلم هندي ابقي اكثر وشوفي سوالفهة المدحسة
الاء وهي تكفخ كواكب: اتبتسيات تحچن علي
كواكب: اااخ توجعيني شمالچ چنچ غولة واگفتلنه
الاء: فلك طرچ هيچ تتحچين وية عمتچ يا اتبتس
كواكب: عمتي قصدچ ادب سز مو اتبتس
الاء: بكيفي يالله ضمي الخضورات والطرشي بالثلاجة وبلا لغوة زايدة
كواكب گامت تعوج بحلگهة وماعاجبهة وحست بكفخة اجتهة: اااخ عمه شمالچ شسويت
الاء: وليچ احلگج اشگه تعوجين بحلگچ وماعاجبچ مووو
كواكب بخوف: لا عمي انه اسفة
الاء ابتسمت بنصر ورجعت تغسل بالمواعين
وارجوان ضحكت بخفه
كواكب بضيق : انتي اضحكي وانه الي ماكله الكفخات
ارجوان: هههه لا حبيبتي اني شبعت من عدهة وحته راسي گام يصدع من وراهة
كواكب: الحمدلله طلعتي نفسنه سبحان الله هم تكفخچ
ارجوان 😜: كلنا بالهوا سوا حياتي
كواكب: هههههه خرب حظچ
ارجوان: لا بليز لتحچين عله حظي هو منا شحالة انوب تحچين علي
انسام: هو احنه حظنه طايح من اجينه للدنيا ليهسة
ظلن يحچن بمواضيع وارجوان نست امير كليا والتهت وية البنات
×××××××××××
زيد بحذر: امير شمالك ياخوي
امير ببرود: مابية شي
زيد بحزن: امير لا تظل تكتم بگلبك عسا ما تحرگ الدنيا ميخالف بس لا تكتم
امير: لا خلاص مايستاهل الموضوع لهالدرجة بس انه نسيت كرامتي وياهة واستاهل اللي يجرالي لان خوفتهة وچذبت عليهة واحتسبتهة رفيجة وانه چان ببالي غير شي
زيد سكت وغيرة بصدرة تلعب
امير بجمود: تگدر تاخذهة انت لان انه انتهيت وياهة و انتهة دوري
زيد: انت شگاعد تحچي لا اميير انه مو هيچ
امير باستهزاء: شني حسبالك مادري بحبك الهة
زيد: اميير والله انه حبيتهة غلط والحمزة وهم تنازلت عليهة لخاطرك
امير بحدة: ويمكن تنازلت عليهة وهي انقهرت عليك ورفضتني
زيد دنگ راسه: امير انت رفيجي وانه حته لو چنت رايدهة چان نهيت عليهة واخذتهة بس انه احبك وانت مثل اخوي
امير: اي صح اخوك وانت عشگت حبيبته
زيد بعصبية.: امييير لا تنسة هي بنت عمي وكاعد تحچي عله غرضي
امير سكت وباوع عله الشط: تدري اذا تتزوج غيري اكتلهة واكتل روحي وراهة
زيد باوعلة بصدمة ونقل نظرة لحسن اللي يتابعهم
امير وهو يكمل: هاذة اقل شي ممكن اسوي ويمكن اسود عيشتهة يالله تموت
زيد بعصبية: لا تصير اناني هي ماتريدك گوة هي
امير: وتريدك الك
زيد : ههههههههه انت ماتعرف يمكن انه اعاني اكثر منك اشوفهة گدامي بكل مكان وادري هي مراح تصير الي
حسن: يا جماعه خلاص انسوهة يعني ماكو حرمه مثلهة
ثنينم سكتوا واحد يباوع للثاني بغيرة وعتاب
حسن: شمالكم تدحگون هيچ انسوا الصار ورجعوا سوة ترة حرامات خوتكم تروح بسبب حرمة
زيد: اسف امير عله الصار
امير: لا انه اعتذر لان انه اللي دخلت بحياتك وخربتهة الك ويجوز هي.... بلع ريگهة وگالهة بصعوبة ونار بصدرة: تكون الك هسة
زيد وهو يحظنه: امير خلاص انسة الصار
اومئلة امير براسة وسكت وتصالحوا زيد وامير مرة ثانية
وحسن ابتسم وگعدوا يسولفون بمواضيع عامه حته ينسون اللي صار
مرت الايام وارجوان تودع عائلتهة
ارجوان وهي تحضن الاء: مع السلا مه آنتي كولش راح اشتاقلچ
الاء بدموع: وليچ مو تنسيني افتهمتي
ارجوان بضحكة وهي تمسح دموعهة: انشالله
زيد باوعلهة من بعيد وماحچة شي دار وجهة وطلع گعد بالحديقه علة المرجوحه
ارجوان شافته وتنهدت وراحت ورا
: زيد مراح تودعني
زيد ببرود: لويش اودعچ لان كسرتي كلمتي وجرحتي رفيجي
ارجوان اخذت نفس وزفرته: زيد اني وامير منتناسب هو عصبي كولش وعله اقل شي يعصب اني مامجبورة اعيش وية هيچ شخص
زيد باوعلهة بحزن: ماعرف ويامن اوگف وياچ لو ويا لو وية گلبي
ارجوان ابتسمت: اني برأيي أوگف وية عقلك لان هو الصح
زيد: يعني اتركچ
ارجوان: بكيفك بس اذا تريدنه نستمر اني وياك كفريندز اني داعندي موشكلة
زيد ابتسم: موافق
ارجوان بسعادة: اي ابتسم وارجع زيد اللي يسچ علة گولتك
زيد: هههههه لا هاي گبل چنت اسچ بعد تبدلت
ارجوان بترقب: يالله اني حروح وممكن نلتقي مرة ثانية الله اعلم
زيد ابتسم: الله وياچ
ارجوان باوعتلة بحنان وراحت لاهلهة
عادل: بوية هاي شخالة بالجنط
ارجوان: حجار ههههه اقصد غراضي غير
عادل: اي متودعيني انسة ارجوان
ارجوان بلطف: اكيد عادل
ودعته وضلوا يحچون وركبوا السيارة وابو احمد باوعلهم بدموع
ابو احمد: بابا ارجوان بس انتوا حترحون انه عندي هنا شغل من اكملة اجيكم
ارجوان: اوكي
حضنت ابوهة وودعته وتوجهوا للمطار وركبوا الطيارة رجعت لاميركا بعد مرور يومين لان لازم تسافر عبر الدول يالله توصل
مرت الايام وكل من رجع لحياته
فرحوا بابن احمد الي اجه للدنيا واحمد فرحان كولش بابنه وبمرته اللي اشتاقلهة
بس ابو احمد ظل بالعراق علمود الاراضي يشوفلهن چارة
وكرم رجع مثل قبل وصارت عنده جماعات وشيوخ تسانده وعمه مات واستلم عنه المشيخة ورجع اسمه مثل قبل الكل تهابة وتحسبلة الف حساب
وامير تعده مرحلة الانكسار ورجع مثل قبل بس حبة وعشقه ماتوقف الهة ابد وام امير تلح علي يتزوج وبالنهاية تزوج بنية اسمهة نهلة
وزيد مستمر بحياته ويشتغل و خاطب بنية ويحبهة وبعده مستمر بصداقته وية ارجوان بس گدر يتناسه حبهة بس عدهة مكانه بگلبه كولش چبيرة وكولش يحترمهة يعني مو مثل قبل عدهم ميانه
والشيوخ تفاهموا وحلوا طلابة سمير والبنية اللي انهزمت ويا وقرروا يرجعوهم ويرضون بالواقع انو همة تزوجوا وخصيصا صارت البنية حامل
وعائلة ارجوان مثل ما همة وانسام جابت ابنهة وفرحانين بالطفل وعادل طاير طيور بي
كل هاية الاحداث مرت عليهة ست اشهر واكثر هواي صار تغيرات وخصيصا لارجوان صارت بالمرحلة الثالثة وسوت تسريع بالمواد وبقالهة سنه وتتخرج وتغيرت مو ذيچ ارجوان بالعكس صارت عندهة شخصية ومحد يوگف بقرارهة وتكون نفسهة من جديد حته شكلهة تغير صارت جذابه اكثر و شوية جسمهة گام يبرز اكثر صارت بعد احلة من قبل لان عدهة انوثة طاغية وبعدهة تتنعوص بحچيهة لان هي هاي طبيعتهة وعدهم الحالة هاي وراثة من امهة
وقاسم حب بنية عراقية وخطبهة اسمهة دالية
خلينه نرجع للقصة ونكملهة
طلعت ارجوان من الجامعه وسمعت احد يناديلهة: تفضل
الشاب بتوتر : ممكن تسمحيلي بحكي معك
ارجوام: اوكي تفضل
الشاب سحب نفس قوي وباوعلهة: سماعي انا كتير معجب بيكي وبتمنا بتعطيني فرصا
ارجوان ابتسمتله: اسفه اني ما احب ارتبط اعذرني عيسى
عيسى: بس ارجوان انا بحبك واحنا دايما سوا عطيني فرصة منشان تحبيني وتبادليني هاد الشعور
ارجوان: عيسى انت شاب رائع بس اني ما اناسبك اعذرني
تركته وركبت سيارتهة وطلعت للبيت
~~~~~~~~~
نهلة بحب: حبيبي شيخ الشباب ممكن تخليني اروحن لهلي
امير: روحي بس لا تتاخرين
نهلة بحب: فديتك انه ياعمري انت
امير باوعلهة: بس مو هسة اريدچ انه
نهلة وهي تتقرب ناحيته: كلني الك يابعد روحي
امير ماهتم لكلامه وووو....
گام من يمهة وشمر عليهة ملابسهة: هاچ ستري روحچ
نهلة باوعتلة بضيق: شيخ لويش احسك ماتحبني وبس تريدني الك جسم
امير باوعلهة ببرود: انچبي ولا تلغين زايد
نهلة بعصبية وهي تغطي روحهة بالچرچف: انت كلما تتگربلي تگلي ارجوان منية هاي هااا
امير صرخ بيهة: لا تجيبين اسمهة علة لسانچ افتهمتي ويالله انگلعي اريد انام
نهلة بغيرة : تحبهة موو
نهلة بغيرة : تحبهة موو
امير بعصبية: وانتي شكوووو ها طلعي بررررة ماريدچ طلعييييي
نهلة انقهرت ودخلت للحمام تسبح وامير تذكرهة ويريد يوگف اضطرابه ميكدر
امير بعصبية وهو يكسر المراية: شوكت انساااچ شوكت اااخ ارجوان عشگج تعبني كلش اااخ
ونهلة تبچي جوة الدوش: لويش مايحبني لويش مامقصرة ويا بشي دايما خادمته حسبالك انه بس جسم اله وماعندي مشاعر حته يعاملني چني حايط لو سا**ة گدامه ياخذ حاجته ويروح اهئ اهئ اهئ
~~~~~~~~~
كرم وهو گاعد ويسمع مشكلتهم: حجي ليش ما تتناسبون وتفضوهة للسالفة
الحجي: بس يا شيخ انه ماعندي بنات
الرجال : چا دم اخوي يروح بالرجلين
كرم: سمعوني ليش ما تطونهم فلوس وتفظوهة
الرجال: دم اخوي ماينباع بفلوس
كرم: عمي انت علة گد حالك ماعندك لگمه تاكلهة اخذ فلوس وعيش بيهن مو تاخذلك مرة وتبتلي
الرجال ضل يفكر؛ چا خوش انه راضي
الحجي بفرحة: اي شيخ انطي شگد ما يريد
كرم: تنطيهم خمسين مليون لا اقل ولا اكثر
الحجي: انشالله موجود المبلغ
الرجال بلهفة: اي شيخ وانه راضي عله المبلغ
كرم: خلاص طلابتكم انحلت الله وياكم
الحجي والرجال ضلوا يتشكرون منه وكرم يجاملهم بحدود
كرار: شلون گدرت تحلهة
كرار: شلون گدرت تحلهة
كرم: يابة هاذة الرجال علة گد حالة اكيد يرضة بالفلوس وهاذ الحجي غني بس ماعندة بنات وحليتهة بالفلوس مرايدلهة شي ترة
كرار: خوش شيخ انت كرم احسن من ابوك الله يرحمة
كرم: الله يرحمك يابوية مات وما استلم المشيخة بعد.
كرار: وعمي صخر مات وانت استلمتهة بدالة
كرم بعدم اهتمام : شنهو الاخبار
كرار: والله يخوي امير عايش حياته عادي وهاذي مريتك گاعده تدرس ماكو شي جديد
كرم: زين اگلك هي ما ناوية ترجع
كرار: والله مادري انه ماكاعد بنصهم
كرم: چا المن خال انيتا هاذي رفيجتهة غير تعرفلي اخبارهة
كرار: والله هي ماگايلتلي شي عنهة تگول تروح للجامعه وتروح للبيت وهواي يخطبونهة وترفضهم وناس يعترفولهة وهم ترفضهم
كرم: هممم الوضع صار خطر لزوم ارجعهة الي احتمال هاذي تتمعشگ وانه مادري
كرار: لزوم تثبت وجودك حتة تخاف منك وتحسبلك حساب مو تستهين بيك.
كرم: هو انه صابر عليهة وبالنهاية اخذهة غصبا ماعلة نفسهة
°°°°°°°°°°°°°°
زيد بابتسامه: شلونچ
جمانه: الحمدلله زينه
زيد: شني التريدي طلبي
جمانه: بكيفك انت شنو تريد تاكول اني نفسك
زيد 😜: اروح لج فدوه
جمانه بخجل: زيوود كافي ترة كولش زودتهة
زيد ابتسم ويتحارش بيهة وهي تصيح علي
جمانه : اگولك صايرلك هواي ماحاچي وية ارجوان شنو اخبارهة
زيد: والله انه هم نفسچ ماعرف شي عنهة
جمانه: اتمنه اشوفهة اهلك يگولون عليهة كوولش حلوة وتنحب بسرعه
زيد تذكرهة وابتسم : اي صح رفيجي تخبل عليهة
جمانه: صراحة ماعرف ليش صديقك تزوج اذا هو يحبهة ليش يتزوج غيرهة
زيد: ماكو نصيب چا شيسوي بعد يضل عازب
جمانه: اووي وشنو يعني المهم ياخذ حبيبته
زيد: موكلشي نريدة نحصلة جمان
جمانه: بس الي يريد شي ومصر علي ياخذة
زيد: بعد قدر ربچ شنسوي
جمانه: شوكت ترجع للبصرة
زيد بتنهيدة: انشالله باچر
جمانه: زيد ليش تعب نفسك تروح وتجي لبغداد خو اشتريلك بيت هنا ونتزوج بي
زيد: انشالله اشوف منا لذاك الوكت شسوي
••••••••••••••••
كرم طلع من الديوان وبصفه كرار
كرم: اريدك تحجز لعمار يروح لاميركا ويجيبهة
كرار: عمار ابن عمي لو هاذ الي يشتغل عندك
كرم باوعله بحدة : طبعا ابن عمي چا تريدني اخلي الغريب يجيبهة
كرار: خلاص لا تشيل اعتبرهة فترة ثلاثتيام عندك
كرم سحب نفس وزفره: امشي نروح للشط احس نفسي مخنوگ
كرار: طبعا اذا انت اربعه وعشرين ساعه گاعد بالديوان
كرم: چا غير انه شيخ شسوي مثلا
كرار: اي بس مو لهالدرجة يعني كلش تتعب خلي اخوانك يساندوك
كرم بسخرية: هه لا خليهم اخوتي يديحون احسنلهم اذا انه فهد ما وثقت بي تريدني هسة اثق بي وبالديوان والحلال هم
كرار بترقب: ليش ماتثق بي مو اخوك
كرم: تصور چان حاط عينه علة مرتي بعد شتحچة
كرار بصدمه: شنهووووو
كرم: اي چا شعبالك وهاذة منتظر حاير بالدوام عوفنه منهم وگلي هاذة امير شلونه
كرار: عادي يحل طلايب وبس اگلك شي
كرم بترقب: تحچة
كرار: متگدر تنتقم منه هسة لان عندة هواي شيوخ مساندته ولتنسة هو شيخ لشيوخ
كرم بعصبية: اووووف ادري انو هو شيخ علة شيوخ العشاير بس انه لزوم اصير مثلة حته أگدر انتقم منه
كرار بخبث: ليش ماتكتل شيخ الشيوخ لعشيرتك وهمة بعدين يقررون منهو يكون شيخ عليهم
كرم: ههههه صح وخصيصا انه هسة عندي شيوخ تساندني ويحبوني وشي اكيد يختاروني
كرار: انته وحظك يالليث
كرم بتوعد : اله احير شسوي بامير ومايطلع اسمي الليث...
صراع الشيوخ
