رواية هو لا يشبههم الفصل الثالث والثلاثون بقلم تبارك الوائلي
"البداية للكل والذكرى الطيبة للصادقين."
- #ماذا ترمي فـي صندوق النسيان؟
في سكونِ الليلِ،
لا أسمعُ إلا نبضَ قلبي ،
يهمسُ لخيالِكَ ويُطاردُكَ سرًّا•••
جمانه :-
شفت الصوره بين الحرمين حيل نقهرت من دزلي رسالة كاتب بيها .
أيهم
" جمانه اضاهر اني ماعرفت اربي زين لا بناتي
ولا جهالج .
دزيت
" لا ايهم ليش هيج تحجي والله انت ماكو منك
احن اب بالدنيا .
دزلي ضحكه و كال .
أيهم
" اشوف بناتي قاطعني وميحنن عليه وهسه
حتى جهالج تغيروا وصارو ميحبوني .
2 تع
" لا لتحجي هيج والله ماكو احن من كلبك لتنسه بناتك امهن تقره براسهن وغسلت دماغهن منك لان ماقبلت ترجعها .
در دز ضحكه وكال .
" وبنتج منو غسل دماغها .
والله خجلت ارد عليه كتبتله
كتب
" ان شاءلله
وبعد مرد بيني وبين نفسي اكول شكد مقهور بحيث تيه نفسه ولكاها بين الحرمين حتى يفرغ همه هناك اوووف يا نوررر اوفف ، دك طارق وكال .
طارق
" سويتله اشعه وراجع بالطريق وجبتله مسكن ماكو شي لتخافين .
" الف الحمدلله والشكر يله تعالو حبيبي .
اذكرت من اجيت قبل كم يوم من دهوك وكللي اخواتي يا هنيالج والله وصرتي يا جمانه تطلعين مطاعم ومولات وهسه اخذج لدهور ، قابل مثلنه احنه ضالين بس يلطمون رياجيلنه ، صدك حزت بكلبي معقوله هيج حاسداتني وهيج طلع كله عليه
طارق : ماما نور دكيت هناك عليه بالمستشفى من
جنا انتضر الاشعه مال امير .
:- صدك شكالت .
:- الحقيره تحجي من كل عقلها على عمي ايهم .
جمانه : متحملت كلام طارق بجيت بصوت لان اضاهر هل طلابه مراح تخلص .
طارق : كافي يروحي انتِ لتبجين .
:- طارق هذا الي جنت خايفه منه خفت بيوم انحط وياكم ويا عمك بهل موقف هسه لو غلطان اكول صدك هو غلطان وحقها واصف ويا جهالي بس ابني
الرجال ماغلط وماريد اضلمه حرام عليه هوه اب وسند الكم صار ، اشلون هيج تجازو شلون .
:- ليش ماما اختك ماقبل بهل شي .
:- لا ماما خلي تعرف غلطها شنو عود هيه كبرت ماقبل اني احد يحجي على عمي ايهم ابد عوفيها تتعلم غلطها وتصحه النفسها ، يله راح اطلع وماريد بعد بجي بداعتي باعي ورمت عيونج .
ابتسمتله حبيبي كبر وصار سندي ، باسني وراح
واني كمت صليت المغرب كملت وعلكت رقيه شرعيه من العين والحسد وكعدت ادعي ربي هدي جهالي وحببهم بعمهم و هو أهدي وحببه بيهم كملت وسويت عشه للجهال تعشو و فرشت الهم يباوعون على البلازمه صارت بلـ 11 وايهم ماكو راسلته
" أيهم شنو لسه بالزياره انت .
رد
" قريب على البيت راح اوصل .
عدل كعدته و صفن بوجهي مسح دموعي وكال .
أيهم : تدرين شنو الي خلاني اعشقج .
:- هزيت راسي وكتله ، يي
:- حنيتج وبراءتج وعفويتج جمانه انتِ كلبج طيب متعرفين الناس اشلون تفكر هاي عمت نور مارتاحيت الها ابد .
:- معقوله تعلم نور هيج تصرف ويانه .
:- ممكن لان اني نتبهت عليها حيل تغار منج .
:- والله مادري ايهم معقوله هيج متخاف الله .
:- اي ليش لعد كل شي توقعي من الي يغار وميخاف ربه .
:- ايهم لتزعل منها فدوه .
:- بس لتنسه تره دينا امها منعتها من الجيه .
:- لا جمانه دينا مو صغيره عمرها 18سنه واعيه تكدر تجبر امها وتجي عليه بس هيه امها غاسله دماغها مني .
:- عوفها حبيبي ميصح اله الصحيح ويجي يوم تندم دينا عليك ونور زعطوطه هم تندم وتجيك تعتذر .
أيهم : لا مارضه عليها بعد جمانه بله زعل وحتى
ما اريد طبتها عليه .
:- لا ايهم عفيه تذكر قبل شكتلك كتلك ايهم انت نفسي وجهالي عمري كله ماكدر استغنه عنكم لتخليني بخيار صعب بينكم فدوه .
:- انتِ شعليج كلمن يتحاسب بذنبه .
سكتت حضني وكال .
نور
" ماما اني ماخابرت اعاتبج او تعاتبيني اني خابرت اريد اكلج اني اضطريت و حجيت لعيالي على عركتي بعمو ايهم وعمي وعمتي سمعو وحتى عباس وزعلو وكالو اشلون هيج يتصرف ويصف ويا اخته على عمتج وكالو بعد ممنوع ترحين عليهم ولا طبين الاهلج .
هيه تحجي واني عبالك بحلم مصدومه شلون هيج سوت نور شجاها .
" والج ليش حجيتي الهم يا غبره احنه بينه اهل ليش تفرجين الناس الغربه علينه ليش .
" ماما مادري هيج راح يسوون وما خلو كلام ماحجو عليكم وعصبو عليه ومنعوني من الجيه الكم وبالاخص عمو ايهم كلولي اذا تشوفي بالشارع متسلمين عليه .
جمانه
" لججججج ليش هيج سويتي ليش خليتيني فشلانه من تصرفج .
سديته وكعدت ادعي ياربي تهديها على الصح يارب طلع طارق شافني كال .
طارق : اشبيج صافنه وضايجه ماما .
حجيت الطارق كل شي وهو مصدوم .
:- ماما معقوله عمت نور هيه الي تعلمها هيج تسوي بسبب غيرتها منج .
:- لا ماما نور مو صغيره .
:- لعد ليش هيج تحجي على عمو ايهم يعني صارو عيالها اعز منه نست هوه اشسوه النه هيج اتجازي
لا والله بعد ابد ماحجي وياها ابد .
:- لا ماما طارق ماقبل هيج تعادي اختك انصحها علمها على الغلط هم هيج يردون اعيالها علمود ميكون الها سند وياخذون راحتهم.
أبو حسان : ها حمودي صاير هواي تتاخر ياله تجي تشوفني شنو. سالفتك .
سوسن : ها يابه اله حمودي مو بعينك احنه كلنه يمك .
أبو حسان : سوسن انتِ على طول تجين عليه واخواتج هم يجن بس محمد لا .
محمد : يابه غير دوام عسكريه هيه بكيفي اني قابل .
محمد : اي والله حقك .
سوسن : والله يابه تره ذاك اليوم اني صدك زعلت من تصرفك تره عمي الله يرحمه صح باع بيتنه بس ربانه وتعب علينه هواي ومحد يوم عرفنه لا بهدمه ولا باكله غيره ليش هيج تسوي خليته يموت وانت ما تحجي ويا .
أبو حسان : كافي سوسن لتدخلين انتِ اني كلبي انمرد على بيتي وخلاني متبهذل بالايجار مهجول ماعندي بيت من دون اخوتي .
محمد : بس يابه تره اذا تحسبه الفلوس الي
صرفها علينه بمكان بيتك نسيت يابه اني عمري 3ايام من توفت امي ماحسبت رضاعتي ومداراتي سنتين وكبرت وصرت شاب وعبالي هو ابويه هلكد ما حنين عليهن فماله داعي بعد ابويه مات الله يرحمه وسدو السالفه .
أبو حسان : هذا هوه حمودي ماكتلي ولدك وتوته اشلونها .
محمد : الحمدلله بخير كلنه وتوته الحمدلله تخرجت من كليه التخدير .
أبو حسان : اي والله صدك نسيت ابارك الك ادري بيها مو دكيت عليها وباركت الها تستاهل توته تعبت ودرست ان شاءلله نشوفه احسن دكتوره تخدير ولتنسه تعبك هذا هم انت تكفلت بقسط الكليه الاهليه مالتها وخطوط اتوديها وتجيب .
سوسن : اي والله صدك هم بت خالنه لتنسه حمودي من ماتت امي الله يرحمها انكطعت اخبارهم ويا بيت جدي وانت من شفت توته مره ويا امها حبيتها و تزوجتها .
محمد : الحمد الله .
أبو حسان : بس حسان والله العظيم كاسر ضهري بقه على هدى وما تزوج هيه منها الصوج وشكد حاولت ازوجه وراكب راسه ميقبل الغبر مادري شمسويتله هلـ هدى وميقبل يتزوج عليها عاميته عمي .
سوسن : يابه فدوه الكلبك عوفهم خطيه هدى 3مرات صارت حامل ويموت الطفل بطنها شتسوي قابل بيده هيه بيد الله هل شي .
1 تعليق
أبو حسان: اي بس هوه ماله ذنب لازم يتزوج ويخلف حمودي انت مو اصغرهم وعندك 2ولد واسامه عنده 3 وبس هوه بقه والله بعد ابد ماحجي ويا ابد ولا اريد طبته عليه مادام كسر كلامي وماتزوج على هدى.
أبو حسان : ها شعدكم رايحين .
محمد : يابه هاي امي تره ماكدر اعوفها خلينه براحتنه .
:- روحو اني شنو بيكم .
:- يله عيني مع سلامه راح اشوف عمتي و اروح لسوك وروح البيتي وهم اعزمهم على عرس ابني سلام .
محمد : يله خوش .
سوسن : البنات راح اخابرهن واعزمهن كلهن .
محمد : يله فضيني رايح كدامج .
:- يله اجيتك مع سلامه .
:- الله وياكم
جمانه
" اي والله يا هدى دمر بيتي .
هدى
" والج جمانه صديقتي حجتلي وكالت بنتها من زوجتها اخوها الجبير ماعرفها بااي شي كله براس
الام تداين وتسوي وانتِ أيهم سوه حنه البنتج ماصايره والهدايه شفناه بالقاعه شكد جبتولها
طبعاً يحسدوج عليه وعلى عيشتج وياه .
جمانه
" شسوي هدى يعني هم نسو شلون جنت عايشه قبل .
هدى
" اي نسو يشوفنه شلون يحبج انتِ واطفالج جمانه كل الناس حاسدتج على حبه الج وعلى جهالج وتربيتهم وبيتج وضعج وكل شي بيج .
هدى
" والله مادري شكلج حبيبتي انتِ جبل الصبر جمانه منو ميعرفج صبري وكل يوم علكي رقيه ابيتج وقري على ماي ورشي بيتج والله ترتاحون .
جمانه
"
الله كريم حبيبتي تسلمين على سوالج .
" لا والله ضل بالي عليج اريد امر عليج باجر .
" كل الهله بيج باجر اسوي دولمه وتعالي الله عليج نتغده سوه .
" اي والله متتفوت دولمتج اجي ليش لا شعندي .
" حسان اشلونه اخباره لتهينه بالحجي وماسالت عليه .
" والله الحمدلله بخير بالدوام بعد 3ايام وينزل .
" وشفايتلج بس هاي طلع المحروسه هاجر
رايده اثاث بيت وساحب من جمعيه ومتحمل
بنص عليه الفلوس وراتبه ميكفي يسدد للعالم والديانه تريد دينها ولج هاي هاجر اكبر جايفه
ومو ام بيت ابد وهسه محتار بديونه وكام حسان يحجي عليه وفوك كل هذا لسه بعده يكعد بالليل يشرب بيته ومن راح حسان رزله وكله ليش هيج العالم تطلبك وكال الهاجر وانتِ ست هاجر دورين اثاث اول شي نضفي بيتج ودوري اثاث تكله ليش مو من حقي لازمهم حسان مرزلهم ثنينهم و عايفهم وراجع .
" يااا خطيه اسامه والله كلبه طيب بس هاجر الحقيره مو ام بيت ولا لمته .
هدى
" اي خيه بس هم هوه مابطل الشرب لعد اشون الله يوفقه .
جمانه
" اي والله صدك توفيقات ربج متجي عليهم الله يهديهم ويسعدهم .
هدى
" والج شيهدي منهم هسه راح يشيلون يم اهلها
بيت رخيص لان الماجر يطلبهم شهرين مادافعين .
" يااا والله خطيه .
" خيه دوختج باجر اني يمج وكثري بالحموضه .
" ضحكت وكلتلها ،صار من عيوني كل الهله بيج حبيبتي .
ملك : اي اشكد احبها ياربية.
:- حبيبتي مليكه انتِ تحبين الكل .
:- تدرين ماما اني ضجت من تصرف نور ليش هيج تحجي ويا عمو ايهم .
:- لا ماما عيب هاي اختج لازم انعلمها انوعيها ننصحها على الصح مو نصير ضدها ميخالف يجي يوم وتعرف نور غلطها ، يله عمج على جيه خلي اسوي عشه وانتِ اثرمي زلاطه .
:- أي ماما صار .
:- امير وروزه شيسوون .
ملك : امير بالطرمه صار ساعه متعارك ويا بايسكله يسوي بي ومسوي روحه مصلح .
:- عوفي ملتهي بيه احسن مايبقه ويا روزه مناكر .
جمانه : تخبل مثلج .
روزه : نطيني كبابه لعد .
:- هاج وروحي كعدي بالصاله بابا هسه يجي .
روزه : راح اخابره .
:- بكيفج .
راحت روزه ودكت على ايهم .
روزه
" ها بابا حبيبي اشوكت تجي بابا والله جعت .
أيهم
" أجيت يا روح ابوج .
روز
" يله حبيبي انتضرك مو تتأخر عليه .
جمانه : اباع على روزه شكد متعلقه باايهم مثلي قبل من جنت هيج متعلقه بابويه وجنت مااكل اله هوه يكعد واكل ويا نزلن دموعي ، الله يرحمه برحمته والله شتاقيت اله سمعت صوت ايهم يحجي ويا روزه من الباب يسال عليه .
أيهم : وين ماما .
روز : بالمطبخ اتسوي عشه .
اجه طب والابتسامه على وجها كال .
أيهم : ها حبي كملتي تره جوعان والله همزين دكت روزه عليه اريد اجي وحسن مجلب بيه .
غسلت وجهي ونشفته باوع عليه وكال باستغراب .
:- اشبيها عيونج جنه ؟.
:- لا مابيها شي .
:- عليمن اضمين عليه تره حافضج اني .
:- لا حبيبي ماكو شي والله .
:- لتكليلي نور .
:- لا لا والله اشبيك اشتاقيت الابويه وذكرته .
:- هاا الله يرحمه بسيطه روحي زوري حبيبتي .
:- ان شاءلله على الاسبوع الجاي انروح انزوره ماكلتلي هذا حسن اشوكت يتزوج متكلي هو مو
اكبر منك بسنتين .
:- أي قافل هذا على الزواج .
سكتت كملت العشه وكعدنه نتعشه كلنه ونسولف ونضحك كتله .
كملنه عشه و رحت كملت شغل ولملمت المطبخ وسبحت والجهال طبو بغرفتهم ينامون بس طبيت
للغرفه فتح ايده اليه رحت ذبيت نفسي يمه حضني
وكال. .
:- افيششش اشكد احب ريحه شعرج جنه مغيره دهن شعرج .
:- اي حبيبي عجبني هذا وشتريته عجبك عطره .
:- اي والله طيبه ريحته حيل .
:- يعني اطب من القديم .
:- اي هذا اطيب ولو انتِ كلج ريحتج طيبه .
ضحكت عليه و هو بوس....كتله .
:- حبيبي ، اكلك باجر تجي هدى بت عمي على
الغده .
:- مشتاقلج موت
ووووو رحنه بعالم ثاني .
( بيت ابو صالح )
كواكب : ها خاله اصبلج الغده .
ام صالح : اي صبي ، لو اكولج ليش متنتضرين صالح يجي اليوم جمعه .
كواكب : بكيفج مو كلت علمود علاجج .
ام صالح : يله صبيلي لعد .
كواكب : صبيت الغده ونطتها وكعدت يمها اشكالها بالكي يلكولي حل كلتلها.
:- اكلج خاله دشوفين احفادج شكد متعبيني وشالعين كلبي ميعجبهم العجب اسوي الكبه
يعيبون عليها اسوي نواشف يعيبون ، ادري لعد
واحد شياكل بالليل بس اريد اعرف شيويلهم خاله
ويرضون .
كواكب : يااا ... خاله على بختج يا جهال فدوه الكبار عمرهم 21 والشفيه ابو المشاكل 20 ليش صغار همه كليلي وتبارك كل نهارها نايمه متكعد لل 2 الضهر متكلف نفسهل وتساعدني ادري قبل من جنت زعلانه يم اهلي مو هيه كل شي تسوي بالبيت .
ام صالح: أي والله هيه جانت تسوي .
كواكب : بعد شكو هسه ذبت كل الحمل عليه ادري
هيه صغيره قابل اشو اروح على فرح الكه بنتها كل شي تسوي حتى طبخ تطبخ وفرح كاعده متسوي
اي شي وهاي مليكه بعدها عمرها كله 15 سنه هم جمانه تكول شايله البيت تكنس وتمسح بالبيت وحتى اماعين تغسل .
ضاجت خالتي وكالت .
ام صالح : اكلج شو انتِ كلتيني حاصل فاصل
ليش مترحين انتِ وياها وتحطين تبارك وتحاجيهاا .
كواكب : خاله انتِ شو من احجي واعلمها اول الناس انتِ متقبلين وتكلليلي عوفيها ومتعرف ومن هل حجي .
:- اي صح خاله بس اشوكت غير قصدج بس مواعين العشه والعصر .
ام صالح: اعتبريها ماموجوده .
كواكب : واخوتها كل النهار اتصخره الهم واني ماكدرلهم هسه اشون كليلي .
ام صالح: شنسوي الها متكليلي .
اجت تبارك كاعده من النوم وكالت .
تبارك : اكلج يمه ليش تحجين عليه ورايه احجي كدامي اشبيج ويايه متكليلي الخاطر ربج .
ام صالح : ها والج كعدتي مسعده هاي و1ونص راح اتصير حقها امج يلعوبه اشلون باجر عكبه تزوجين وتكعدين يم اعيال بس كليلي .
تبارك : كافي رجاءاً يمه كافي هسه مو كعدت متخلص نكرتج ويايه .
ام صالح: كافي كافي عاد من المشاكل بزعتني تره ليطب ويسمعجن الولد . .
كواكب : عمي اسكت احسن اليه بهل بيت كلمن
يريد اليعجبه .
تبارك : اي بعد احسن .
:- باعي تبارك احجي بادب ولدردمين عبالج ماسمعج .
ام صالح : تعالي اخذي الجاي ماريده من مشاكلجن .
كواكب : والله ياخاله مادري شكول لا حق ولا باطل بهل بيت والله من طلع خالي الله يرحمه هل بيت خرب كل نضامه وكلمن صار شيخ .
ام صالح: سدن السالفه وكملن شغل .
كواكب : هذا حضرت غده حمودي مرتضى مو ياخذه اله للسجن .
:- ان شاءلله شنريد احنه .
"""""""
(بيت ابو هدى)
ابو هدى : يله يابه غداج .
:- اي عيني صبيته .
:- وين ولدج .
:- هذوله موجودين بس علي طالع يكول عندي شغل .
:- اوف اوف من علي شالع كلبي من دون اخوته .
:- يله عيني اكلو حبايبي اليوم شلون اجوي وياج
هل حلوين حبايبي .
أبو هدى: اي تغده وروحو العبو فدوه اروحلكم
والله كلبي يوجعني من اباوع على الجهال وهدى محرومه من دون اخواتها مسكينه هل ابنية .
ام هدى: ربك ميكطع هذوله هم جهالها متشوف
النهار كله جهال اخواتها يمها هاي مقابيلنه هم
وهدى بصفنه وذنيج ورانه بفرعين شو صلاوت بناتك كلهن بصفك كعدن وقريبات على اختهن مخلوها تحس بفراغ ، بس غاليه يم عمتها بالمسيب بعيده علينه وهذوله جهال اخواته كلهم عدها ورايحن وجايين .
:- والله يا مره اشكد كلبي معصور عليها حيل كل اخواتها خلفن وعدهن خير من الله اله هيه بقت ماعدها ، صدك اليوم ماكو هيه مابينت .
:- مو حسان بادوام .
:- الله كريم يجي يوم يرزقها ربك .
:-: اي والله صدك هل جمانه ماكو منها واني كتلج عليها قبل مندون بيت اخويه ابو صالح بس جمانه اطلعها منهنم تختلف عنهم بكل اطباعها .
؛- اي والله صدك جمانه ورده مال الله اني كلتلها ذاك اليوم من زعلت انت وصالح كتلها اني وعمج گلنه بيت ابو صالح بس جمانه طلع هيه ضحكت وكالت كلنه ولد ابو صالح عمه .
:- اي والله صدك الها معزه خاصه بكلبي هاي مدلله ابو صالح الله يرحمه برحمته .
:- امين يارب .
:- ربج هم نصفها ورتاحت من تالي هل مكروده وايهم خوش زلمه ومعدل .
:- اي والله صدك لمها ولم جهالها الله يسعده لو باقيه على اختك ام بسام جان هسه حتى ولد بسام شغلتهم بالسوك .
:- خو انتِ كورج وكور ام بسام .
:- الحمدالله ربك ماكطع بولده عمهم يحبهم واحسن تربيه متربين هذا طارق حيل احبه اني والله ولا عبالك ابن بسام شفته بللعيد شكد ثكيل و شلون يصلي صلاة العيد هوه وامير .
:- أي والله صدك ربتهم تربيه صحيحه جمانه .
:- ولتنسه عمهم هم على راسهم يحسبوله الف حساب لما هوه ماكدرت جمانه تربيهم وحدها .
:- أي صح الحمدلله والشكر ربج مثل ماياخذ ينطي .
:- والله ابو هدى كلكم احنان انت وابو محمد وابو صالح اله اخوك ابو حسان من دونكم يختلف عنكم وكطعي حيل ولايم حيل شفته من جان ابو صالح مريض الله يرحمه ولاراح شافه ابد ولا كلف نفسه نسه ابو صالح ربه جهاله 12سنه وتالي علمود بيت 75متر باع اخوه وزعل منه والله اخوك الزين ميبين ويا .
:- هو هذا ابو حسان من يوم يومه هيج هو .
:- شفته من جان بالمستشفى يجي مثل الغريب يشوفه ويروح وبالاخير ختمها يدور ابيوت ويدز
خبر الصالح يكله اريد البيت الكاعد بي وعود اني احالل ابوك عيب هل حجي والله عيب عليه .
:- أي بس خوش راده صالح وكايله عمي هذا بيتي وبحياة ابويه اخواتي تنازلن وابويه حطه بااسمي واذا شايل بكلبك على ابويه انت ويا بديوان ربك وهوه من سامع كلام صالح ماعاجبه الوضع وطالع زعلان منهم .
:- يمعود هوه شوكت رضه عليهم اخوك مايرضه على احد ابد .
:- كافي ام هدى انتِ من يومج متحبي الابو حسان مو هسه .
شهد : يا هلا اليوم اشعجب مبينه علينه فروحه
فرح : هلا شهد اشلونج جينه اني وابو ادم نتعلل يمكم .
شهد : هلا بيكم حبيبتي والله مشتاقتلج من طلكتي منه ماشفناج ابد .
فرح : اي شسوي جنت ملتهيه بالعيشه كل نهاري اخبز والبيت والجهال هسه الحمدلله بطلت الخبز بعد ضهري ماكدر وهم محد يستاهل اخبزله شفتي من عفته سنتين ياله تاب وطلعله كلب تذكرين جان متكل عليه بكل شي .
شهد : خيه ليش تزعلين انتِ علمتي تخبزين وتصرفين طبعا الرجال يكيف لعد شعبالج
مثل اخو هسه مو اني جاي اخبز وكله بيدي .
شهد : صدك ولج ماكلج تعالي نعقد محكمه ابو ادم .
فرح : لا والله اني ماريد اعقد محكمه ويروح راتبي مال المطلقات تره هو ميدري بيه عندي راتب جان كعد يحسب اليه هسه .
شهد : بس فرح يكولون حرام انتِ رجعتي على ذمه رجال وتاخذين راتب .
فرح : لا مو حرام ولا شي اسكتي وسدي الموضوع اكلج ، بله هم تخابرين جمانه .
شهد : اي والله مرات نتخابر اني وياها ، دريتي
بيها مو كطعت الخبز ابيتها الجديد التنور ماله مكان وكامت ادز الطحين يم الخبازه .
فرح : اي خيه جمانه مسعده مدللها ايهم حيل ويحبها مو مثلي ابو ادام الكلمه الحلوه بالكوه اسحبها من حلكه .
:- شو عمتي اخذتها طفله وعلمتها تخبز وتطبخ
وكل يوم نلكاها مجويه .
فرح : اي والله صدك الله عوضها ياله راح اروح انوب بينو انتو علينه مو بس احنه نجيكم .
شهد : اي خيه احنه مو كل ما نروح الاهلي امر عليكم بعد شكو .
:- أي صدك .
:- اكلج فرح متزوجين ادم .
:- يمعوده عوفي هسه مجلب يريد يشتري سياره وميقبل يتزوج يكول بعد مو هسه .
:- وعليمن بعد ، جبير مو صغير حلات الولد يزوج بصغره ويربون ولده ويا وبعدين شوفي نور راح تجيب وهيه بعمر 20 ليش
فرح : أي والله همزين ماخذتها جان تكاطعت اني وجمانه وتخاربنه .
شهد : اي خيه كل شي نصيب الحمدلله .
""""""
(بيت جمانه )
جمانه : هلا هدى والله اليوم صدك تونسنه
تعالي انوب انتِ وحسان نكعد نتعللل .
هدى: اي والله انوب ان شاءلله اجي اني ويا ونتعللل سوه والله ذاك اليوم كال خلفله على ايهم رايح ويا من طلع اجازه السوق تدرين خطيه يروح مرتين ويرجع مامسويها ونشلع كلبه بس خلفله على أبو روزه .
جمانه : اي ادللي انتِ ويا .
هدى : شتكولين هذا الاسبوع نروح الكربلاء اني وياج وحسان وايهم ونتونس ونجي هوه كال اعزم ايهم للزياره .
جمانه : يااا هديه عود شنو معناه بسلا العزيمه علمود لان طلع اله اجازه السوق مو عيب احنه مندور مقابل تره .
:- لا ولج لا اريد نطلع ونتونس .
:- اي اذا هيج ميخالف اكله .
صبيت جاي الهدى و رحت شفت أيهم كاعد يمشط يريد يطلع كتله .
أيهم : ها عيني طالع اني تردين شي .
:- لا حبيبي سلامتك بس هدى تكول حسان راح يخابرك يعزمنه نروح لكربلاء نزور سوه شتكول .
أيهم : شنو مناسبه العزيمه .
:- يعني اله مناسبه ابو دينا احنه اهل .
:- الله كريم حبيبتي ان شاءلله تنحل يله اني اروح صار المغرب .
:- وين يمعوده بعد وكت .
:- والله لا تاخرت .
:- اوكفي هاي سوسن ادك عليه .
" هلو حبيبتي شلونج شخبارج الحمدلله بخير ها الف الف مبروك ان شاءلله اجي ليش لا يوصل حبيبتي الله وياج .
:- ها ليش مترديها تعرف انتِ هنا .
:- تذكرين مو جنت قبل من يروح حسان اروح يمها هسه كمت كلما اروح وكالت قصص ماي هوبس ليش متزوجين حسان وتخلي يخلف الج طفل ونس الكم ومن هل حجي وانتِ تعرفين بيه جمانه ماكدر والله ماكدر اسويها.
:- اي زين لعد نلتقي هناك .
:- ان شاءلله .
:- ان شاء لله همزين اخذت بنت اختها احسن الها
من الغريبه .
:- اي والله صدك يله مع سلامه .
:- الله وياج حبيبتي .
راحت ورجعت طبيت لميت البيت وكعدت كلتلها الملك .
:- انطيني المبايل مليكه ادك على خالتج فرح .
خابرت فرح حجيت وياها وحجيت الها على العرس وكالت بس هيه تجي شهد متحب الهوسه والطلعات كملت سديته اجت ملك كالت .
ملك : ماما عمه كواكب دكت عليج من اخذ المبايل اني منج كلها ادك عليج .
:- هذا حضج مليكه جيبي .
رديت على كواكب
" الووو
إلى هنا ونختم بارت اليوم وياكم حبايبي لتنسون التصويت والتفاعل وتعليقاتكم الحلوه تره القصه
شارفت على الحافه قريبا نودع جمانه وحياتها
