رواية فصلية بديلة الفصل الرابع والثلاثون 34 بقلم ام ملكوت

حلى_ 

بيوم كاعدين على العشه اني واهلي وجان يخابر جدو على ابوي بقه ساكت تالي طلع بره ماعرف شيحجون ..

كملنه عشه وخلصنه ورحت اكمل دراسه ..

اخذت استراحه بعد ساعتين وطلعت بره بالساحه اشم هوى واسمع امي وابوي يحجون وصوتهم طالع من الغرفه.. 

بالاول ماهتميت بس من سمعت اسم ساجد تفاجات وتقربت على الباب اتسمعلهم..

ابو سماء: والله انه هذي العائله من معاملتهم ويه سماء غسلت ايدي منهم خاف سماء عندت وراحتلهم فصليه 

كلهم يحترمون نسوانهم ومدلليلهم وناس ينحطون عل جرح مابيهم قصور ..

واذا جان على سماء وشهم فهذا الشي خاص بيهم وهاي حياتهم 

مو اليوم شهم طلع حركه كلبه على ابنه بسماء معناهه اخوه نفس الشي هسه مو هذا باقر وشعلان يموتون على نسوانهم وبقيت ٣ ايام وشفتهم بكلمه مايغلطون ويه نسوانهم..

ابو سماء: خلاص اني العندي حجيته وحلى مانطيهه لو يموتون لو الشيخ يجي بنفسه هم افشله واطرده..

ام سماء: بكيفك بعد انت ابوهه وتقرر عنهه.. 

بس اكلك هاي القسمه ماتتفوت ترى وانت بكيفك..

ابو سماء: لو يبقى اخر رجال واخر قسمه مانطيهه اله خلاص سدي الموضوع خلينه نام..

حلى_

سمعت شلون ابوي رافض وفاصل عل قضيه رحت اركض لغرفتي وصارت دموعي تهل شلال

انكسر خاطري كلش الولد وعدني واجه خطب بس ليش ابوي يرفض ساجد مو مثل شهم ..

ليش ياربي ليييش ..

مرت الايام وكل يومين جدو يخابر ابوي يقنعه وامي تقنعه هم بس ماكو فايده قافل عل رفض واني صرت انهار بالبجي كليوميه وحتى دراستي هملتهه..

.

.

#بعد مرور اسبوع..

ساجد_

اليوم صار اسبوع من لما حجيت ويه ابو رائد ولازم اليوم يرد الخبر بس شو ماكو حس..

خليت واتصلت على ابو رائد..

_الو السلام عليكم

_يابني والله بين يوم ويوم اخابره واقنعه بس هوه رافض بحجه ان مايريد يضحي بحيات بنته الثانيه..

_واخر قراره شنو هسه

_والله يابني اعذرني سويت الاكدر عليه بس هوه معند راسه والسيف ماينطيهه الكم..

_هاذهو فهمت مشكور حجي

_لا العفو ابني

_يله مع السلامه

_الله وياك  وليدي

ساجد_ سديت المكالمه واني عيوني وعروك قلبي نطت خليت ورحت لغرفتي وصار شكو شي يجي بعيني اكضه واكسره وخواني بالباب يصيحون علي اطلع..

بقيت اكسر واشكك الفراش وطلعت الملابس نثرتهن ولعبت لعب ردت بس اطفي ناري وحتى ماروح اخطفهه منهم واتزوجهه بالغصب .. 

رحت للحمام بوسط الفوضى ودخلت بملابسي جوه الدوش وخليت الماي البارد ينزل على راسي حتى اهده بس ماكو فايده ..

بدلت وطلعت من الغرفه واشوف شهم وشعلان وامي وسماء بالباب.

باوعت على سماء بعصبيه وخليت ونزلت اخذت مفتاح السياره وطلعت للبصره ماعرف شسوي رايح او ليش بس الاعرفه اني احتاجيت اشوفهه احتاجيت ولو المح خيالهه.. 

وصلت لمنطقتهم بس ماعرف شلون راح اشوفهه خليت واتصلت على سمر..

_الو ها سمر

_هاذهو بعدين اكلج..

سديت المكالمه ورحت للمدرسه جانت قريبه كلش بقيت واكف كبال الباب وانتظر ..

بعد ساعتين خلص الدوام وطلعن الطالبات واني عيني عليهن ماشفتهه بيناتهن شويه وطلعت هيه ووياهه بنات تسولف وياهن ومبين عليهه التعب والسهر ..

دكيت هورن الهه انتبهتلي وحجت ويه البنات ودخلت للمدرسه .. 

شويه وطلعت اجت ركض صعدت بسياره ..

حلى: انت شسوي هنا شجابك

ساجد_ خليت وحركت السياره بدون ماجاوبهه اخذتهه لمكان بعيد ووكفت السياره ..

حلى: ساجد ليش جبتني هنا شتريد تسوي ..

ساجد: لا تخافين كتلج من قبل ماسوي شي لبنيه مو حلالي..

حلى: بدموع ..

ساجد احسن شي واحد ينسى الثاني الضاهر انه مو نصيبك ولا انت نصيبي..

ساجد: ماكدر تعرفين شنو ماكدر..

انه اليوم اذا مر ومامفكر بيج احس بحياتي فارغه ..

انه احبج وماكدر اتخلى عنج اريدج تكعدين ويه ابوج وتحاجي كليله اني اريده لساجد بلكي يقتنع منج..

حلى: لا لا ماكدر والله يذبحني ابوي لو يبطلني ويزوجني ..

انت بعدك ماتعرفه لا عبالك نفس بقيه الاباء مايهتمون اذا بتهم عشكت..

ساجد: استغفرلله ربي استغفرلله .. زين اوعديني 

حلى: بشنو

ساجد: ماتصيرين لغيري وتنتظريني لحدما اقنع ابوج..

حلى: انتظرك العمر كله اني ومستحيل اقبل بغيرك بس اذا ماقبل ابوي للنهايه اتمنى تنساني وتشوفلك بنت حلال تشفي قلبك

ساجد: انه مافضل بنت الحلال على بنت قلبي فاهمه..

حلى: بخجل.. فاهمه ..

ساجده: يله خلي ارجعج قبل لا يوصلن خواتج.. 

صحيح شكتيلهن حتى عافنج وراحن

حلى: كتلهن نسيت كتابي راح ادوره والحكجن..

ساجد: خو مامسويه هل شي من قبل..

حلى:هههه لا لا والله مامسويه هيج طلعتلي الفكره من العدم من شفته ماكدرت ارجع بدون ماحجي وياك ..

ساجد: ليش مشتاقتلي

حلى: هاا لا اي

ساجد: فهاويييي

حلى: ههه اي اي

ساجد: هههه يله نزلي ذنيج خواتج..

حلى: يله باي

ساجد: .لحضه.. احبج

حلى: بخجل..اني هم 

ساجد_راحت واني ابتسامتي اختفت والغصه اكلت قلبي شلون راح اتحمل فراقهه عني بس ميخالف اجبر روحي على الصبر والتحمل اهم شي يوافق ابوهه بالنهايه..

خليت ورجعت لميسان وصلت ودخلت للبيت واجتي امي وخواني خايفين علي..

الشيخه : يمه وين رحت وليدي ليش معصب شصاير وياك احجيلي..

ساجد: ماصاير شي يمه مشكله بالدوام حليتهه ورجعت..

خلينه ودخلنه ورحت لغرفتي شفتهم منظفينهه ومطلعين الكزاز منهه ومرجعيهه احسن من قبل ..

خليت وتمددت على الجربايه واندك الباب..

_منو

شهم: اني خويه..

_هلا خويه تفضل ..

خليت وكعدت على حيلي وكعد يمي وحجه..

_خويه شصاير وياج احجيلي

_خويه ابوهه رفضني مايقبل ينطيني بنته عباله اني مث..

_كمل

_عباله راح اعذب بنته مثل ماعذبت سماء خويه ..

بس ماله داعي هل تفكير يعني انتم قضيتكم غير واحنه غير شدخلنه بيكم احنه حتى يقارن وحده بوحده..

_ميخالف خويه مع الوقت تبرد القلوب ويقتنع وهوخ يودي عليك تاخذ بنته ..

بس كلي وين رحت قبل٤ ساعات وشسويت..

_رحت للبصره لمدرسه حلى..

_ساجد خويه لا تكلي انك سويت شي للبنيه خويه كلشي الا العرض ..

_لا خويه افا عليك هيج محسب اخوك طايش ومايفتهم..

مو من شيمنه نمد ايدنه على مره موش بحلالنه..

_خويه ماكدرت بوقتهه اختنكت وحسيت راح تطير من ايدي رحت اشوفهه واحجي وياهه واشوف قرارهه..

كتلهه ابوج رفضني وكالت انساني

_اي طبعا تكلك هيج قابل تريد تكسر حجايه ابوهه وتجي وياك

_لا انه اصلا مارضاهه ..

بس كتلهه تنتظرني وماتقبل تصير لغيري ووعدتني بهل شي..

اعرف ان السويته مايجوز وهيج اكون قطعت بنصيبهه بس ياخوي ماتحمل تصير لغيري انت عندك مره هم رغم انك يجوز ماتحبهه بس متاكد ماراح تكدر تخليهه تروح لغيرك..

_اي خويه فاهمك فاهمك ..

عل عموم انت لا تكطع الامل عسى ولعل يجي يوم ويحن قلب ابوهه عليكم ويقبل ..

_انشالله خويه انشالله..

_اخذ راحتك خويه..

شهم_ خليت ونزلت واني اضحك بقلبي ..

ههه رغم ماحبهه بس لا والله لو ماحبهه ماغار عليهه ولا امنعهه من ان ترتبط بغيري بس اااخ اااخ شسوي لهل قلب مو راضي يقنع بغير شي..

نزلت جوه ولكيتهه شايله الطفل وهوه يبجي يريد ينام.. 

رحت يمهه.

_شنو شبي ليش يبجي

سماء: يريد ينام وماريد انومه هسه بعد وكت..

_جا حتى لو نومي هسه 

_مو يكعد بليل ويبقى كاعد ويتعب كالت الشيخه لازم اخليله وقت ينام بي للصبح..

_وهسه يبقى يبجي.. اشو انطينيا ..

تقربت واخذته وصرت العبه واحجي ويا ..

نوب بس اكله شبيك يبرطم ويبجي الحساس هههه.. 

_اشوه من سكت عندك موتني من مساع ليهسه..

_هههه جا غير عزيز ابوه هذا.. يله خلي يمي روحي ارتاحي انتي ..

_لا شرتاح راح اسوي عشه ويه البنات خطيه .. 

من يصير وقت نومه اجي اخذه مو تخلي ينام..

_براحتج..ماشي..

خلت وراحت واخذت وليدي ورحت للصاله يم امي وابوي والولد بقينه نضحكه ونلعبه من واحد لواحد حتى ماينام .. 

منا لصبو العشه ..

واجت اخذته مني والتهت بي وماتعشت خطيه..