رواية صراع الشيوخ الفصل الخامس والثلاثون بقلم ليال القمر
نور بابتسامه: حمدلله على سلامتك حبيبتي
ارجوان بهدوء: الله يسلمچ روحي
شافت جمال ابن احمد بيد نور ابتسمت: نونة انطيني جمال
نور وهي تنطي جمال الهة: تفدلي
اخذته ارجوان تلاعبة ورة فترة گام يبچي: نونه جمول ديبچي
نور: عطينيا
انطته ارجوان لنور وضلت تباوعلهم ومبتسمه
سمعت صوت رنه موبايلهة شافته ابوهة
: الووو
ارجوان بحب: هاي بابا شلونك
جواد بعصبية: ارجوان صدوگ متزوجة كرم عقد محكمة
ارجوان باستغراب: لا بابا بس عقد شرعي
ارجوان باستغراب: لا بابا بس عقد شرعي
جواد بعصبية: لعد توقيعچ علة العقد شنو معناتهة
ارجوان: بابا اني ماموقعه بس علة عقد السيد
جواد: ارجوان بابا كرم داگ علينه يطالب بيچ لان انتي مرته بالشرع والقانون
ارجوان بصدمة: شنوووو بابا لتصدگه هو كذاب بابا صدگني اني مامتزوجته زواج محكمة
جواد بعصبية: انه شفت التوقيع مالتچ بعيني شنو تچذبيني ليش ماگتيلي هو زوجچ وماخذته بارادتچ
ارجوان دموعهة سالت: بابا والله العقد باطل واذا عله زواج المحكمه اني اصلا مارحت للمحكمة ولا وقعت
جواد بذعر: لعد منينلة توقيعچ ها منيييييين ولچ انتي بعدچ مرته منگدر نسوي شي ارجوان بابا لازم ترجعين
ارجوان ببچي: بابا شنو بعدني زوجته لابابا كذب مو صحيح
نور تباوعتلهة بقلق: ارجوان حبيبتي شباك
ارجوان وهي تباوعلهة من بين دموعهة: ماعرف نور ماعرف... الو بابا اني راح احجز عله العراق وافتهم شنو اللي ديصير اوكي
جواد: كلكم تعالوا حته نور كلكم ترجعون
ارجوان ضلت مثولة مدتفتهم اللي ديصير: اوكي باي
جواد: الله وياچ
سكرت الخط وباوعت لنور: مصيبة نور مصيبة
نور برعب: لك احكي شباك
ارجوان بصراخ: بعدني متزوجة كررررم بعدني زوجته بالشرع والقانون گوليلي شنو اسوي
شمس دخلت للصالة: شنوووووو
ارجوان ونور باوعنلهة بصدمة
♕♕♕♕
امير بصراخ: شني مرته حسن لا تكفرني
حسن: والله امير طلع متزوجهة عقد محكمة وتوقيعهة موجود
امير خل راسة بين ادي ومرتبك ونار تهيج بصدرة: منويلك هاذ الخبر
حسن: زيد گالي كرم والزلمة مالته داگين اعلينه يريد مرته
امير بعصبية : موبكيفه عقدهم باطل
حسن بترقب: امير هي موقعه علة عقد المحكمة وابوهة گال هاذة توقيعهة
امير بصراخ: چذذذذذذذذب حسن ارجوان ماتصير لغيري ما تصيييييير
حسن بحزن: امير بعدك تحبهة
امير بالم: لا ماحبهة بس اعشگهة اي لاتدحگلي هيچ انه مو بس اعشگهة اموت اعليهة
حسن بحزن وعتاب: چا لويش تزوجت
امير بحسرة: امي جبرتني اتزوج نهلة ماگدر ارفض طلبهة ماگدر
: لويش تسوي هيچ بية شيخ امير
باوعولهة بصدمة ولاحظوا الالم والغيرة والحقد بعيونهة
امير وحسن: نهلة....
♕♕♕♕♕♕
كرم: ههههههههه ها شلوني
كرار: خرب ببليسك شلون گدرت عليهم
كرم بخبث: مو انه الي يستهينون بية خليهة ارجوان تموت من القهر وتجيني غصبا اعليهة
كرار بترقب: وشراح تسوي بامير
كرم بثبات وبنظرات قوية مملوءة بالشر: كل الشر الة ما اخذ ارجوان منه خليوگفلي حسبالة مادري هو مشي عليهة وعاشگهة
كرار باوعله ومنصدم من صديقه وابن عمه : يعني انت راح ترجعهة حته تنتقم من كرم
كرم بمكر: اي خلي يتعذب عليهة ونشوف شيخ الشيوخ امير الذيب شراح يسوي
كرم بمكر: اي خلي يتعذب عليهة ونشوف شيخ الشيوخ امير الذيب شراح يسوي
كرار بترقب: يعني انت ماتحبهة
كرم بغرور: هي مرتي ليش ما احبهة اكيد احبهة بس طبعا مو حب عاشق لا مو لهالدرجة
كرار بصدمة: بس انت راح تدمر عيشة ارجوان
كرم بقوة: وهاذ عقابهة لان خانتني وية عدوي
كرار باوعلة بحيرة باللي ديسوي كرم وشنو يفكر وكرم خال رجل علة رجل ويشرب چاي بهدوء
§§§§§§
ارجوان بحيرة تروح وتجي: شنو اسوي ماما احچييي
شمس وهي شادة شال علة راسهة: اااااي راسي ولچ اسكتي منين اجتنه هالمصيبة
ارجوان بهستيريا وصراخ: ماما ماريد ارجع والله ماريد پليييز سوي اي شي
شمس بالم ودموعهة تحرگ خدودهة ولازمه راسهة: سودة بوجهي شنو بايدي يا ماماتي
ارجوان وهي ترجع شعرهة ورة اذنهة وگعدت علة الكرسي بارتباك وخوف وحيرة : ماما بابا گال لازم نرجع كولحنه
شمس باوعتلهة بحسرة ونور لازمة ابنهة تباوعلهم بالم
=======
زيد: جمانه ارجوان راح ترجع
جمانه بفرح: صدوگ واخيرا حشوفهة
زيد بحسرة: لا راح ترجع لكرم
جمانه بصدمة: شلوووون
زيد حچالهة الصار وهي منصدمة: وهسة شنو راح تسوون
زيد بتنهيدة حارة: ماعرف بس عمي جواد كلش متأذي وحاير شيسوي
جمانه: وانتوا شمعرفكم اذا مامزور الزواج
زيد بحزم: عمي جواد شاف عقد المحكمة ومتاكد هاذة توقيع ارجوان
جمانه بحزن: زيد لتزعل حبيبي انشالله خير
زيد بعصبية: شني ياخير جمانه گاعد اگلچ راح ترجع لكرم الچلب يعني معاملتهم وياهة حتبقة نفسهة حته لو مو فصلية حينتقمون منهة لان جابت امير واهلي يدگون اعليهم
جمانه: لا زيد لا تفاوللهة هيچ
زيد: ولچ جمانه انه خايف عليهة هي ماتتحملهم ابد وخصيصا كرم
جمانه: حبيبي زيد روح هسة وافتهم شنو حيصير وتعالي
زيد بتنهيدة: الله وياچ
سد الخط وباوع لنقطة بالفراغ وهموم بصدرة لاتعد ولا تحصى
§§§§§§§§
قاسم بصراخ: شنوووو نرجع لو اموت ما ارجع للعراق شنو تخبلت
شمس: اني شعلية ابوك طلب نرجع الموضوع طارئ وارجوان لازم نحل مشكلتهة
قاسم بعصبية: ليش هو بكيف كرم افندي ترجعلة خلي ينچب ويسد حلگه ال****
شمس بعصبية: قااااااسم الفاظك عيب اختك هنا ومرت اخوك احترمنه شوية
قاسم گام يمسح بوجهة بتوتر وباوع لارجوان اللي تبچي علة حظهة
°°°°°°°°°°°°°°
جواد بحيرة: خوية انه متاكد توقيعهة بس شلون تزوجهة شلووون
العم كريم: ياخوي خاف هاذة مخليهة موقعه علة الورقة بدون ماتدري
جواد باوعله بضياع: شلون
العم كريم: يعني مسوي اجراءات الزواج كلهة بس باقي توقيعهة ورايحلهة توقع بدون ماتدري
جواد بعصبية: يعني موقعه بدون متدري هاذة زواج باطل
العم كريم: ادري ياخوي باطل بس الحكومة شلون نقنعهة
جواد: اخلي محامي وهو يتصرف انه بعد مالي حيل لشي تعبت من مصيبة لمصيبة ومنخلص من كرم
العم كريم: خلي ابني جاسم يتوكل القضية هو محامي شاطر وانشالله نحلهة
جواد اومئلة براسة وافكار تعصف بعقلة
نهلة بالم: اي نهلة لويش ماگتلي يا شيخ انك تعشگ وحدة وماتحبني
امير سكت وماحچة شي
نهلة: شيخ لويش سويت بية هيچ لويش
حسن بتوتر: نهلة الموضوع فهمتي غلط
نهلة: لا موغلط انه فهمت كلشي
مها دخلت للصالة وخلت اديهة علة كتف نهلة: حبيبتي نهولة لاتزعلين امشي وياي
نهلة بصراخ: شهدة مها شهدة اعرف رجلي يعشگلة وحدة ومو بحالي
مها دنگت راسهة بحزن علة حالهة
امير بهدوء: اسف نهلة
نهلة بدموع: لويش انه احبك لويش تسوي هيچ لا تتزوجهة لخاطري لاتاخذهة
امير بعصبية: هي وينهة هااااا وينهة
حسن بتوتر: اهدة امير يمعود انشالله الك وماتصير لغيرك
نهلة بعصبية: تحلم يالشيخ تاخذهة تحلم
امير بصراخ وبحدة : مالچ دخل انتي منو حته تعارضيني هااا
نهلة ببچي: انه مرتك مرتك
امير بجمود: نهلة وخري من وجهي وخررررررررري
نهلة ركضت لغرفتهة وتبچي ومها راحت وراهة تواسيهة
حسن: امير لويش هيچ تجرحهة
امير: ماريدهة انه ماحبهة يعني شلوووووون
حسن: شششششش اهدة لاتعصب
امير بعيون كلهة شرار: كلة من ورة ال***** كرم الچلب هو يدري انه خاطبهة ويريد ينتقم مني بيهة انه الك ياكرم سليمان ال.....
حسن : امير لا تتهور
امير ببرود وجمود: لا انه راح اتغده بي گبل لا يتعشة بية انه اوريك يا****
حسن گام يبلعم بخوف ويباوع لنظرات امير المملوءة بالانتقام والحقد والغيرة
§§§§§§§
الاء وهي تلطم علة وجهة: سودة بوجهي هالبنية ماتخلص من مصيبة لمصيبة
كواكب: هسة عمي شراح يسوي
الاء: مادري بس ولاد اخوي حيرجعون حته يعرفون شني اللي صاير
انسام بحزن: عمه انه خايفة علة ارجوان خطية
الاء: اووووف هالبنية مادري لويش حظهة اغبر
شمس: گومي ماما حظري جنطتچ خلاص بعد حجزلنه اخوچ احمد وانشالله بعد يومين نوعد طيارتنه گومي
ارجوان بتعب ودموعهة علة وجهة: تركيني ماما بعد ما اتحمل اي شي خلص تعبت وين ما اروح مصايب اريد ارتاح
شمس ببچي: گومي حبيبتي گومي ميفيد البچي والله ميفيد
ارجوان ضلت گاعدة وماتحركت وبس تبچي علة حظهة
نور بهدوء: خلاص حماتي انا راح بعمل شنتايتا لا تشغلي بالك
شمس: تسلمين حبيبتي
گامت نور وانطت جمال لشمس وراحت تحظر غراض ارجوان
^^^^^^
كرم: ههههههه هاي شني شيخ امير اليوم عندي
امير ببرود: لويش ماعاجبك شيخ كرم
كرم باستفزاز: لا والله انه حسبالي الشيخ شهاب جاي بس اظاهر ابوك راح وانطم جوة التراب
امير ببرود: شيخ كرم لويش ماتنچب وتسكت احسنلك
كرم: ههههههه لا هاذي حلوة... تبدلت ملامحة للجدية.... شني شتريد
امير بابتسامه ماكرة وراهة هواي شغلات: هممممم ماتدري حقك گاعد بالديوان روح شوف شكو شصاير
كرم بتوتر حاول يخفي: شسويت احچييييي
امير وهو يخلي رجل علة رجل ويلعب بعگالة: روح اسئل علة اخوانك روح شوفهم شمالهم
كرم باضطراب: شسويت امير كاعد احچي وياك
امير ببرود: انچب اسمي شيخ امير
كرم باوعلة بحدة وطلع موبايلة: الووو منتظر اخواني وينهم
وجهة صار اصفر باوع لامير: ويييين فهد اخوي
امير وگف من مكانه وباوعلة بجمود: كل شر انشالله... غمزلة.... انشالله تنتظرك هديتك باچر الصبح
طلع امير وكرم اضطرب وضل حاير ويتصل ويستفسر علة اخو فهد
==========
دخل امير ببرود للبيت ودخل لغرفته ونزع عگالة وملابسة ودخل للحمام يسبح
طلع لاف المنشفة علة خصرة ومنشفه ثانيه ينشف بيهة شعرة
باوع لنهلة الي دخلت للغرفة وباوعتلة ودنگت راسهة وفتحت الكنتور طلعتلة ملابس وخلتلهيا علة السرير ورادت تطلع بس منعهة امير
امير بهمس: نهلة
وجهة صار احمر من الخجل لان امير چان قريب عليهة: نعم شيخ
امير بحزن: اسف لان هيچ حچيت بس انتي عندچ هم مكانه بگلبي
نهلة اندارتلة وباوعتلة بحب: شني مكانتي عليك الله
امير ابتسم: انتي مكانتچ عزيزة ولا حسبالچ ماهتم الچ لا انتي مرتي وام جهالي
نهلة ابتسمت وحظنته: الله يخليك ويحفظك الي شيخنه
امير تقيد من حظنهة بس ابتسم غصب وهمسلهة: اريدن اكلچ شي
نهلة بحالمية: روحي الك گلي شيخ شتريد
امير بجمود: راح اخطب
نهلة تبدلت ملامحهة للعصبية وحچت بغيرة: شني لا شيخ انه ماتحمل وحدة تشاركني فيك
امير بين نفسة( استغفرالله هسة هاذي شيقنعهة هسة حته مالي قابلية اغازلهة استغفرالله بس يالله كلشي لخاطر ارجوان )
امير برومانسية وو يلعب بخصلات شعرهة : انتي الاصل نهولة
نهلة انصدمت وباوعتلة بحالمية ونست كلامه عن موضوع الخطبة
امير وهو يهمسلهة بصوته المغري: نهلة شتگولين ها مريتي
نهلة كانما سكرت ورجلهة صارن خيوط باوعتله بحب: ها شيخ شگلت
امير وهو يتقرب ناحيتهة وهمس گدام شفايفهة: راح اتزوج وماتسوين هوسة ومشاكل
نهلة وهي مثولة: اي
امير ابتسم بمكر وباسهة من خدهة: تسلمين نهله
نهلة صارت طماطه من الخجل: شيخ انه احبك
امر ابتسم غصب ودار وجهة ويلبس ملابسة ونهلة تباوعلة برغبة وحب بعدين تداركت شگالت: شني شيخ عليك الله لاتزوجهة والله ما اتحمل
امير باوعلهة ببرود: نهلة انه بس انطيتچ علم ولا انه بكيفي اتزوجهة واجيبهة ضرة عليچ بس حبيت اعلمچ حته ماتنصدمين
نهلة بدموع: شيخنه لاتسوي هيچ اروحلك فدوة لاتتزوج
امير بعصبية: نهللللللللللة انه اصلا مو من واجبي اگلچ وانتي مالچ دخل بيه فهمتي
نهلة بغيرة : صدگ ماتحبني
امير تنرفز منهة كولش: اوووووف نهلة يعني ماسمعتي شني كتلچ
نهلة بحزن وغيرة: روووح شيخ بس يكون بعلمك انت راح تجيني بالنهاية
امير باوعلهة باستهزاء وكمل لبسه و تعطر ولبس محابسة وطلع: خلي نشوف
نهلة باوعتلة وحچت بحقد : خوش يا ارجوان الة مااسود عيشتچ اذا تزوجتي رجلي
|||•••••••|||
حسن بترقب: شلون راح تخطبهة
امير بابتسامه غامضة: باچر تشوف
حسن بقلق : امير انت شمسوي
امير بابتسامه جانبية: كل خير انشالله...
للحكاية بقية ....
ياترى امير شنو مسوي باخو كرم فهد؟
شنو امير راح يسوي بكرم وشنو قصدة هدية تنتظرك باچر؟
كرم شراح يسوي بهاي الحالة؟
ارجوان ترجع للعراق لو تعاند ومترجع؟
منو راح ينتصر امير لو كرم؟
ونهلة شنو راح تسوي لارجوان؟
