رواية هموم الشيخ سند الفصل السادس والثلاثون بقلم ميامين الطائي
سند: بعد عقد القران همس لها قائلاً لم يكن الوصول إليكِ سهلاً أبداً 🔥♥️
أريد أن أحبّك وحدي ، أن اسكُن في أعماقِك إلى الأبد ، أريد ان اكون بين عينيك و الحاجز الصلب الذي يقف بينك و بين احزانك و أريد أن تحبّني و أحبّك دائمًا و ان أعيش معك في بيت واحد تظللنا الضحكات أن استظل بظلك فَ أُمن بك و معك ان أشير إليّك مسافه الأرض و لا أشعُر إلا بالرضّا و الفرح ، أريدُ الكثير منك أُريدك إلىٰ ان افنى ، أُريدك لي فقط 🤍🤍....
هموم: دائما نبقى نتصنع القوه انو هذا شخص مايهمنه بس جاي اكذب من اشوفه متغير كلبي ينقهر عليه المهم كعدت من نوم لبست ثوب اسود بيه ورد احمر من الصدر بيه تكاكه وردنه نص كلش حلو خليت ميكب خفيف طلعت اني وجهالي لان وصيت زيد على بيتزا جابهاا الي جنت كااعده اكل بيتزا والجهال مخليتهم يمي نزل هو لابس تشيرت اسود اردانه ربع عضلات واكو اثر جروح بيده توها كاعد من النوم تباوعلي دنكت اكل
سند: كعدت من نوم اني اصلا من رجع تعبان غسلت ونزلت جوه شفته تباوعلي دنكت كعدت يمهه شلت الجهال ابوس بيهم يضحكون بست ااصابعهم اخذت من بيتزا كعدت اكل وياها ياروح ابوك عشيرته اغوو ياهو وياكم منو طكاكم
هموم: يلعب بالجهال اباوع اله ياربي شجاني لاتضعفين هموم اجت وسن اني مااحجي وياها معليه
وسن: اسويلك اكل سند تاكل لو لا
سند: لا مايحتاج بس سويلي جاي جاي اكل ماابقى شي للعشاء وااتعشى
وسن: ها خوش هسه ااجيبلك جاي
سند: جنت مندمج وياهم من يلعبون يضحكون جابت جاي وسن كعدت اشرب هموم ساكته ولاصوت واني مااحجيته
هموم: كملت خليت يمهه بيتزا اخذتهم غسلت لهم غيرت ملابسهم خليت بودره مسحتلهم بمي ورد لبستهم كيمونه وشورت عطرتهم بستهم ..فتحتلهم قرآن شغلت سورة يس الهم خليتهم على الجربايه رحت توضيت ورجعت قريت قرغان اذن صليت ايليا نعس اعرف من ينعس رضعته ممه وخليته بكاروكه ونام علي مطلعلي كلبين بس يبجي مزااجي بجه بقيت شايلته خفت لايكعد ايليا اخذته وطلعت برا لك ماامه شبيك مو شعلت كلبي
سند: كامت اباوع لجسمهاا وشكلهاا اويلي على الله بعد عيني عينك كامت اني كعدت اكل المغرب غير ملابسي وطلعت رحت للجامع صليت ورجعت علي يبجي شايلته تفتر بيها المشكله ماتحجي وي. واحد شبيه يبجي علي مريض
وسن: والله مادري لان ماتحجي وياي
سند: خير ان شاء الله دخلت جوه... حضرو العشاء اسمع تصيح عليه
هموم; علي كلش متنحس مااعرف يبجي بخبال شلع كلبي مدايسكت لككك كااااافي شبيك ماااامه تخبلت كااافي اشش من عطت عليه بقى يبجي بالزايد مااحس لااا سند ااخذه مني باوعتله هيج
سند: كمت ااخذته منها شبيج تخبلتي هو طفل شفتهم صيحن عليها جيبي
هموم: رجاءا لاتدخل جيب ابني هذا شي بيني وبين ابني مادخلك انت مفهوم
سند: مثل مااهو ابنج هم ابني مالج حق خاتون طفل ماتعرفين سكتينه
هموم: منين ابنك مو ابن غيرك هذوله من اطفالك لاتاخذ دور الاب الحنون جيبه سند معليك بيه هسه يسكت
سند: خزرتااه خزره اخذته مو وكته هذا الحجي وطلعت للعارفه يمنه تعرف بالاطفال السلام عليكم ااعذرني جايكم بهل وقت بس شوفت عينك الطفل يبجي مااعرف شبيه
الرجال: وعليكم السلام هلا بيك شيخ حياك الله بكل وقت تفضل
سند: الله يخليك دخلت اجت مره اخذته مني هو على فرد ونه وبجيه وحده
المره: ياشيخ هذا مملوخ خطيه من زمان محد يعرف اله امتنه كلش هذا يوم جيبلي ادهنه بليل بدهن تمرغ وامتنه ومتونه تكمطه لاتحلله لحد مايطيب،
سند: مشكوره ااخ يافاهيه سوت متنه الاسكتت ونام سلمت عليهم وطلعت لتكتني هي منتظرتني ااخذتها هااج مملوخ يوميه لازم ااخذه واسوي متنه
همو: اااخذته استحيت اسئله شنو مملوخ لان زعلانه نايم خليته يم ايليا ياربي شلون وياهم هذوله يمتى يكبرون طلعت... اتعشى اانتبهت بس حسين وزيد ونسوانهم وسند وسن الباقي ماكو كعدت اتعشى
الشيخ: شبيه الفرخ يبغج ويجوعر ويبجي
هموم: جدي هذا مدري شبيه مخلوع مااعرف مملوخ مااعرف هسه نام
الشيخ: جا جدي غير تنتبهين من تشيلينه يلا تعشي دير بالج عليهم
هموم: ان شاء الله كعدت اكل بس مالي خلك روحي هيج انقش بالاكل تنقش
زيد: شبيج جنج بلبل ينقش بالاكل ياابه هي هاي الفروخ مو هاي بتي،حسبالك من الصومال مو تكول عراقيه.... انتي جهالج جانب تركيين وامريكان
شمس: شبيه تخبل بتي ليش تعيب عليه مو ابوها حلوه تطلع عليه
زيد: شبيهه اخبل بس غير طالعه على ابوج انتي وخواله هذا عمهاا سند يخبل عمته هموم ولد عمها مااخذت منهم شوويه طفره
هموم: هسه عليمن تعارك تكبر تصير حلو تعيب عليها بلعكس حنطاويه حلوه
سند: داحمد ربك غيرك يتمن يريد حلو السكط يدور حلوين صخل
زيد: اي عمي حقك اذا انت مستورد فروخك الحلوين ومرتك
هموم: هسه اني شدخلني اني وجهالي تريدون تعاركون تعاركو اني ممزوجة احد
سند: باوعتله هيج دنكت راسي اكل ماصارلي واهس سكتت صار هدوء
الشيخ: بويه انت شني دهرج كاعده ماتاكلين ماتكليلي شبيج
هموم: والله ياشيخ تعبانه ونعسانه من ورا علي تعبني هسه ناام
شيخ: جبتي عمرج تعبانه انتي مو حوك مايعه فرخ ممتون ماتعرفينه علواا النسوان قبل وحدتهن حيله حيل حديد
هموم: شنو سالفتك جدي انت لو ذم لو تمدح اثبتلك على قرار
شيخ: مابيج خير بس ملتهيه تصخمين بروحج هامله فروخج لو زيرقون طرتي هذا مدري شسونه تخلنها لوجهجن
هموم: خلي اكوم احسلي صار قصف خليت وطلعت رحت شفتهم نايمين طلعت سكراب منظفات نظفت جسمي وجهي سبحت رتبت نفسي ندك باب تفضل
وسن: اكدر ادخل اريد احجي وياج موضوع اذا مصير زحمه
هموم: تمام تفضلي اسمعج حجي،
وسن: مااعرف شكولج خجلانه منج والله بس والله مجاان قصدي اسفه اعتذر منج لان ظلمتج ماجيت فهمت منج
هموم: ماصار شي لاتهتمين واانسي موضوع راح انتهى باالنسبه الي
وسن: حتى لو هاي بس والله مااكدرت ليل ونهار افكر ولي سويته بيج شلون مافكرت بيهن بس هموم الرسائل مجنت متوقعه هيج اتمنى تسامحيني اسفه
هموم: وسن انت اختي جبيره وصديقتي فما زعلانه منج والله اصلا لاتهتمين بالموضوع ورقه وطويته والورقه الي اكلبهاا مستحيل ارجع اله فتطمني
وسن: هموم مهما يكون شي لي صار وياج مو شويه وصلتي للموت محد عرف بسببهن كلنه صرنه ضدج والله خجلانه مستحيه منج
هموم: وسن كل الي صار مايهمني بالعكس خلاني اقوى من قبل تعلمت درس ماانساه بحياتي مااثق بااقراب الناس تلي لان الكل نفس شي محد يختلف عن ثاني
وسن: اي حقج شمااحجين تكولين لو اني صاير مثل ماصار بيج هم مااثق بي شخص خليج تاخذين راحتج
هموم: طلعت كعدو ايليا وعلي اخذتهم غسلت لهم ورتبتهم ورضعتهم خليتهم يلعبون اني كااعده يمهم سوي بشعري تباوع الغرفه امي وابويه غمضت عيوني تعرفون بتكم كبرت صارت ام هي بعدهي قاصر ماتعرف شي المفروض هسه تدرس مو صير ام هي محتاجه ام تربيها على صفنتي دخل سند
سند: مهما جنت قوي لازم اكو شي يكسرك نقطة ضعفك ماتحملت انو موجوده مااسوي شي دخلت الغرفه هي كاعده صافنه كعدت يمها تباوع علي وايليا مااعرف شحجي شنو اكول الها بقيت مكتفي بسكوت عطرها شعرها لو الجسم لو الوشم الي بجسمها
هموم: قربه يمي يخليني مااعرف شسوي اتوتر هو بقى يسوي بكتف وظهر علي بدهن اخذت ايليا وطلعت مااريد ابقى لحد ماانام ايليا رجعت مالكيته وعلي نايم مكانه خليت ايليا جريت نفس حضرت مماتهم غير ملابسي طفيت ضوء وشغلت مالت النوم ونمت
سند: مااعرف مو كادر انطق الكلمه لو ااحجي دهنت علي لحد مانام خليته بمكانه وطلعت سبحت بقيت اادخن بقيت كاعد اشرب جكاير طفيت جكاره ونزلت الجوه فتحت باب الغرفه نايمين تقربت اشم بعطرها اخذها شعرها بسته مشتاقلهاا تقربت خليتهاا بحضني ومسد على شعرها وحضنتها لحد مانمت
هموم: كعدت على بجي علي شي مقيدني والله خفت حسبالي وحش لو جني صرت اطگطگ من الخوف تلمست هذا جني جني عنده شوارب ولحيه خفيفه تلمست هذا جني عنده شعر باوعت ادين سند من جروح الي بيهاا دافن راسه بركبتي بست ايده هو نايم سحبت نفسي هو ماكعد خليت الممه بحلك علي ونام رجعت حضنته بسته بشفته خدوده صدره ونمت
سند: كعدت الصبح بستها تخبل نومته ياريت لو علاقتنه نفس قبل بسته وكمت عنها صعدت سبحت غير ملابسي وطلعت الكعده اني مقرر اليوم ااحجي وياها
هموم: كعدت غسلت وغسل لااطفالي طلعت تغديت ضوجه العصر رتبت نفسي والجهال وطلعنه للحديقه اجت وسن
وسن: شحلاتهم فدوه لوو منو ويااكم سند هموم وياكم ختولي فدوه لي يضحكون
هموم: وسن ليش سند متغير كل شكد ينزل البيت آثار جروح بيه
وسن: اي يدوام بالموصل هو كل مره مايبقى هواي يرجع يلتحق يبقى شهر ويرجع بس لان انتي ماموجوده هسه هو ابقى لان انتي الفروخ هنا
هموم: هاا شعجب اختار يداوم بالموصل لان خطره وبيهاا داعش
وسن: مااعرف بس هذا امر اجاهم بالاول جانو بجرف النصر حرورها بعدين للموصل
هموم: سكتت شفته اجه الدشداشه عضلات ساعه مرتب العكال شماغ هيبه والله هيبه وسن اخذت جهال دخلت جوه
سند: شفته كاعده بالحديقه وسن يمهه تلعب بالجهال شافتني أأشرت لوسن تدخل اريد ااحجي وياج اريد ونخلي النقاط على الحروف هموم اني اعترف غلطة بحقج هواي بس ماجنت اعرف هاي محادثه دزيته الي قديمه من قبل لااتزوجج وااعرفج هموم اني مااكلج انو ماغلطان بالعكس الغلط تراس راسي اني مو معصوم
هموم: تعرف سند غلطي الوحيد بهل الدنيا هو اختاريتك غلطي الوحيد هو حبيتك هو ثقيت بيك سلمتك حياتي وامنت بيك شفتك كولشي بدنيتي تالي اذيتني وكسرتني وذليتني لك حطمتني دمرتني عذبتني شسويتلك كولي ضاع عمري وياك بالنهاية هيج تجازيني تتهمني بالخيانه والغدر والضحك والكسر ضاعن احلامي ودراستي وياك وسهري وخوفي وتعبي هيج ضيعتني لك اني صرت بلا شي جردتني من كولشي لك دمرت حياتي
سند: هموم اثقي مااحبيت غيرج لادرت دمر حياتج كل لي ردته نعيش مرتاحين اني اغار عليج اااغار عليج من ملابسج من كلشي غاار عليج اذا تكولين انت غلطه فكالج عاادي خليني غلطة حياتج انت ساكنه بروحي.... ولج شلون اضيعج اني روحي بيج فهميني شلون اني بلايج ولاشي ولج متندم لان ماصدكتج لان ضيعتج من ايدي نطيني فرصه فدوه لهل درجه هموم كرهتيني وماطيقتني
هموم: انت وصلت نفسك لهل المكان انت خليتني اتعامل وياك هيج كل شخص يستاهل ااتعامل باليليق بي هسه ااروح شوف منو يفيدك بعدك
سند: هموم انتي تخافين
هموم: لا اني بنت متخاف ولاتعرف الخوف بحياتهاا غلطان سند
سند: لا انت تخافين اصلا
هموم: كم مره اااعيدها لا اني بنت متخاف
سند: شليي هالنظرة هاي القوه الي بعيونج وشيلي كبريائج وغرورج جبروتج كرامتج ماتهتمين وجاوبيني تخافين
هموم: اسمع راح انطيكياه من الاخير اني مريت بااابشع شي ممكن تتخيله اانحطيت باصعب المواقف خسرت ناس جانت حياتي واكفه عليهم. ...خسرت اهلي اني وماشايفتهم لااعرفهم لاحسيت بحنانهم ومع ذلك مشيت وبجيت وحدي هواي وكابرت مخليت دمعه تنزل مني دست على كلبي جنت السند لنفسي كل الوقت كبرت قبل عمري بهواي وبعدها طفله بداخلي عايشه تحملت الي ماتحمله جبال وكملت حياتي لدرجه شما صار ورجع صار وياي مراح يكون اصعب ولااي خساره راح تكون اكبر لذلك لا اني مااخاف لاراح اهتم لكائن من يكون لان كلبي ميت
سند: معقوله طفلتي وبنيتي كبرت معقوله الي جانت تشوف سند الضحكه متفارك شفتها هموم ضيعتج من ايدي مره مااريد اضيعج هسه اني حبيتج اكثر من كلشي اني وياج صرنه لعبه بيد ناس ماترحم لاتخلين الكل يشمت بينه خل نرجع لم شملنه خل نرجع سند وهموم
هموم: جنت اشوف بيك اهلي جنت اشوفك اجمل شي بالدنيا واحلامي جنت اشوف بيك الامل والقوه جنت انت الشي الحلو بحياتي جنت انت سبب بسعادتي وفرحتي جنت فدشي كلش عظيم بحياتي جنت نقطة ضعفي هسه صرت سبب تعاستي وصرت سبب حزني وسبب المي وجعي
سند: كل مااريد اتقرب خطوه منج ترجعيني للصفر تخليني مااعرف اجاوبج لو احجي وياج هموم خلي ايدج على كلبي هذا ينبض عايش علمودج والله اذيتج اعترف وجرحتج صرت ااناني وياج وتهمتج بالخيانه سببتلج وجع مااكدر حتى،خليج تنسينه شماا تحجين حقج
هموم: تعرف انت خليتني ادفع ثمن كلشي وياك ورا كل ضحكه الف دمعه ورا كل راحه عشته وياك الف وجع ولاتشوفني كدامك واگفه صدكني بالكوه اخذت كل حيلي لان حبيتك من گلبي هيج بكل سهوله انباع وهيج بكل بساطه تخليت عني هاي مجازات تعبي لك حرام والله حرام سويته بيه سند لاتسوالفلي على العشگ وانت ماضحيت علمودي لااسويت شي لاتسوالفلي عن الحب بس احبج الحب يحتاج ثقه وامان واهتمام
سند: اني جاي اطلب منج فرصه وحد هااي الاخيره والله شوفي مراح تخسرين بشي والله تعبان بدونج والله ضايع انت امي واختي انت روحي كلشي بدنيني الخاطر الايام وحبنه خل نرجع كافي عناد جاي اتوسل بيج
هموم: تريد تكول عني مسترجله احب كلك اني مو مسترجله اني قويه اني مو ام مشاكل اني بس مااكدر اعوف حقي اني مو مغروره بس احب اكون مختلفه اني مو معقده بس احب اخلي حدود لكل شي اني مو بارده بس احب اكون هادئه اني مو عصبيه بس مرات توصل حدها
سند: ادري بيج واعرف لي عشتي اجيتي تحتمين بيه وصرت اني ودنيا عليج هموم اخر مره اريد منج فرصه والله احبج متندم هموم بلايج اضيع والله ولج وحق كل حرف بالقران احبج
هموم: ضيعتني من ايدك خسرتني وخسرت شخص يخاف عليك من الهوئ خسرت شخص ضحالك وسهرلك خسرت انسان كان مستعد يبيع روحه علمودك ضيعتني وضيعت روح جنت اشوف بيك اهلي جنت اشوفك اجمل شي بدنيا واحلامي جنت اشوف بيك الامل والقوه جنت انت الشي الحلو بحياتي جنت انت سبب بسعادتي وفرحي جنت فدشي كولش عظيم بحياتي جنت نقطة ضعفي هسه صرت سبب تعاستي وصرت سبب حزني وسبب المي وجعي
سند: هموم خلي نعوف كلشي ووننسى الي صار ونعتبره درس تعلمنه من عنده تدرين اني مااحبيت احد بكد مااحبيتج ولاتمنيت احد بكد ماتمنيتج ولااشتاقت لاحد بكد مااشتاقلج ولااخاف على احد بكد مااخاف عليج ولااغار على احد بكد مااغار عليج لجج فهمي. انتي بنت كلبي حقج شما تحجين جرح سببته لج ماراح اكدر انسيج لو شويه منها اتمنى الله ياخذ عمري حتئ ترتاحين تخلصين بعد من شي اسمه سند بلكت هذا اخر التحاق ويجيبوني شهيد بس هموم امانه ماابريج الذمه اخاف يصير بيه شي ومااشوفج بعد مااوصيج اني بكلشي وصيتي لاتنسيني وسامحيني لاتخلين احد يقتربلج ابوس ايدج هموم والله اااحبج سامحيني بنيتي احبج حيللل عرج كلبي ونبضه
هموم: راح دخل اني احس نار تحركني ساعه ااكول سويت صح ساعه كول المفروض مااحجي هيج وياه احنه فعلا ضحيت لعبه قذره بسببهن بقيت ابجي كلام خوفني بس مااكدر انسى السواه بيه ولااكدر رجع اتقبله صعبه عليه صرت بين نارين بين نار شوك ونار الحب ونار الكرامه وبين عقلي وگلبي
سند: ماراح تسامحني شمااحجي وياه جاوبني بقوه بحياتهاا مراح سامحني سببت الهاا آلم وجرح لميت ملابسي قررت التحق هي موته موته نزلت حضنت جهالي بوستهم اخذت الهم صور وصعدت غيرت ملابسي وطلعت للموصل
هموم: مَحد يعرفك ويعرف الي بگلبي غير رب العالمين فلا تتعب نفسك وتحاول توصل شعورك لناس لان محد راح يفهمك بكدك....
ماتوقعته يروح حسبالي مجرد يخوفني جنت كااعده هو مانزل ابد
الشيخ: وسن بويه جا وين سند مايتزل يتعشى ويانه شبيه وينه معزوم طالع
وسن: لااجدي سند التحق قبل شويه راح للموصل ماادري بسرعه راح
هموم: نصدمت من كلام وسن سواه صدك وراح شلون بيه كمت جدي يخابره مغلق هنا كل بسببي اذا صار شي على سند ياربي دخيلك ياربي احفظه اخذت الجهال اني كعدت ابجي شسوي بنفسي وبيه
سند: وصلت الموصل بقيت ايام جانت بين هجوم هواي من الحشد ويانه مره بليل صارت مداهمه بقينه يومه على فرد رمي ومواجهه بينه وبين داعش غير الي تصوبو عددهم هوااي غير الطيارات والقناص والله بنص النار ماادري شلون الله رحمنه جروح دم من عدنه رجعت اذكر موقف وياي رجعت راسي على ساتر تعبان
هموم: اني جذاابه والله ولاشي بدون سند جنت اصعد وااشم بعطره واحضن ملابسه صور جنت كل يوم احسه بيه شي اكعد اقرأ سورة يس ودعاء العهد واصلي ركعتين فعلا جنت اكابر من ااكول مااريده كل الكلام حجيته مجرد بس ...ردت حرك كلبه
وسن: كون تحبينه ليش هيج سويتي لو منطيته فرصه انتم اانظلمتو والله هو تعب هموم لو تعرفين من عرف *** بالقران حيلي نهد عليه من شوفين حاله
هموم: لحظه لحظه يعني ام سند مو امه اصير خالته وام سند ميته زين مو يكولون الخاله نفس حنان الام احن
وسن: ولج هااي،حقيره وحيه الله يااخذهااا شوفي اذا يرجع انسي الي صار ابدو من جديد عليكم بالجاي انتم كافي صارلج 7 اشهر من عاقبتي
هموم: الله كريم بقيت صاافنه افكر بيه كلام غزل مالته من يضوجني لو يحضني مره اذكر طالعه من حمام جنت حامل ومشط.... هو اجه حضني من ورا
سند: بويه القزمه بنيتي حامل صاير جنه بطه الادبسز احبج ياضلوع سند
هموم: انت لو تغزل لو تغلط اختار وحده من عدهن حتى افهم من عندك
سند: ها بويه شبيك حجي اسمعك شتريد
هموم: تراا اني مرتك مو جندي عندك كاافي سند لاتضوجني حباب
سند: لج انتي مرتي وبتي كلشي لج سوين هيج بحلكج تنقوصين اموت ااااموع
هموم: ههههه بسته حضنته ااوووف ياسند مااعرف انت نفس النار الي تحرك الاخضر واليابس ماادري شسوي
سند : اشتاقيت لسوالفها الفاهيه، والتعيقل مالتهاا، صوتهاا الهادئ، اشتاقيت لعيونها الرصاصي الي وكعتني اخذ كلبي بنظراتها اليجنن اشتاقيت لضحكتها جنهه العافيه الغمازات مالته اشتاقيت لهزة راسها الي كلما اسئلها ومعدها جواب لو كلها على شي متحجي وياي تهز راسه اشتاقيت لحركاتها زعلها طنكرتها شكد احبها ياربي اشكد متلهف عليها اشتاقيت لاادق تفاصيلها وشعرها اشتاقيت العصبيته من تضوج تكولي سند بلا انت وتسكت مبي شي يلا ضل متعرف شسوي ابق اضحك عليها اذا...
. مره جانت زعلانه ونايمه بالصاله اجيت شلته خليته بحضني كعدت هي تحرك
هموم: اني جابني لهنا غير جنت نايمه بصاله شجابني يمك
سند: شمدريني اسئلي روحج شجابج لهنا
هموم: ابويه جابني يمك وخلاني على الجربايه
سند: ليش شجابه من النجف للحله ابوج
هموم: حظي الفگر جابه وبعدين اني مو جنت نايمه بصاله اجابني على الجربايه
سند : سحبت الغطه ورجعت نمت مغمضت عيوني والله ماادري اسئلي حظج خاف هو هم الجابج لهنا باوعتلي بعصبيه بالكوه كاتم ضحكتي كل موقف وياها حلو اذكر مره فزيت هي صرخ اول مزوجته كعدت تمثل الوجع شبيج اجوعرين براسي نكرصتي
هموم: غير انت نايم فوكاي غير تنتبه اكو بشر نايم يمك
سند: صدك وينه اشو مااشوف احد نايم. هي استغربت جاوبتني بفهاوه
هموم: منو هو الي مااشوفه
سند: البشر لي نايم يمي وينه الكلتي علي
هموم: مضحك يلا مليق ديلا وخر عني
سند: ضربتني بالمخده رادت تكوم بس مكدرت سحبته من ايدها وكعته على الجربايه ومثلت عصبي هااي عليمن شمرين المخده ولجججج
هموم: هاا لا مو عليك شمرته شمرته عل..
سند: رفعت حاجبي على شنو متكملين شنو بلعتي السانج هي خافت وجهه صار احمر بسته اووووف ياهمومي...
. رجعت للواقع الي بيه بوسط الموت ونار
صادق: سيدي راح تصير موجهه خل نتحظر داعش لان عقيد علي حدد المكان راح نطلع فوج كاامل
سند: تمام يلاا سيدعلي جان مخاطر بنفسه داخل بينهم حددنه المكان رحنه نفس للمكان من ضمن الهجوم جان شيخ علي ويانه "ابو اسد" هو سيد علي بنص نار صارت مواجهه قويه لدرجه مااحسيت بنفسي بنار اشوف علي وسيد علي شايلين الولد على ظهرهم ويرمون ركضت وياهم صرنه بس نريد نحمي الشباب
علي: لك سند دير بااللك صير حذر ترااا اكو قنااااص فوك لاتخاطر بروحك
سيد علي; سند مو بتهور.... المكان كله خلينه بيه قنابل اني وعلي فدير بالك بهدااي جاينه دعم
سند: الولد وياي علي اانصاب جرح سطحي سيد علي كذلك اني تصوبت بكتفي دست على نفسي انزف لهسه اذكر علي شك التيشيرت مالته شد جرحي
علي: غير كتلك تنتبهه لاتضغط على نفسك راح اصيرلك درع اني والسيد ولطلع انت
سيد علي: علي ااحمي خلي يروح للسياره احنه نكمل لاتضغط على نفسك انت جاي تنزف
سند: لاا مااعوفك مو ااحسن من الي ماتوو مااقبلت علي وسيد علي الله يرحمه لهسه ذكر موقفهم وشقاهم كملنه بس باانتصار اكو خساره مااريد دخلكم بجو الحرب بعد مااكدرت فقدت توازني وطحت
هموم: اول مره حيل كلبي يوجعني ويبزني حيل صرت لازمه كلبي من الوجع عرفت سند بيه شي اصرت ادعي واقرأ قرآن بمناسبه الخوف اامتلكني هذوله يبجون....
زيد: شنووو هذااا االحجي هسه شلونه سند صاااير ويااه شيخ فدوه حجي صدك
حسين; صااير زيد شبيه سند ااحجي
الشيخ: يااهو هذا شبيه اخوك سند ابني شبيه لاتشلع كلبي ولك احجي
زيد: هذا شيخ علي خابرني صديقه سند مصوب ماادري اانسد لان مااكو تغطيه
هموم: سمعت هيج شهكت كله مني اني السببب ياااربي رجعه الي بقيت اابجي خاايفه الكل تتصل مغلق مااتحملت تمنيت الموصل قريبه والله اروح الكل لتمت هنا
ياسر: شلون نبقى هيج لازم نروح للموصل نعرف اخباره ماانبقى هيج
فيصل: مايخلونه اصلا ندخلهاا خل ننتظر اذا ماكو روح بعد
هموم: بقيت ادعي ربي ماعندي غيره واابجي هو لي يحمي تندمت حلفت اذا رجع انسى كلشي واارجع وياه
ام سند: ياريت يموت اخلص منه حتى الراتب اخذه الي وابوه ياخذ الشيخه
ام فيصل: مااضنه يموت هسه يعيش اسكتتي لايسمعج احد ويطردونج
ام سند: خل نبجي بالجذب نمثل بس كدام العالم اني متاكده يموت لان الموصل محد يرجع منه عدل
ام فيصل: بسج ابجي لاتبينين كدام عالم تكرهينه لايطردنه هسه شيخ
ام سند: يمااا يسندد يماا ابني شلون بيه ياااريت من عمري العمرك يماا كلشي مااشفت بحياااتك بس شلعان الكلب ولك يمه شسوي رحت للموت يمه يااااسند
هموم: والله لادمعه نزلت منها تمثل جذابه جنت على ناار الهوى صار يخنكني طلعت اابجي حضنت صورته ربي دعوته يتيمه ماعدها احد لاتحرمني منه ولاتكسر بخاطري ادري محد الي غيره ماادري جنت شحجي واادعي
سند: كعدت الولد يمي بالمستشفى فتحت عيوني علي والسيد يمي وين ااني
علي: باريس جاي نغير جو هم كلنه شويه نونس رواحتنه بهذا الجو العذب حلو زرومانسي شموع الورد
سيد علي: لا بتركيا على البحر نشم الهوى نسبح بشرفك هذا سؤال سند وين بعد بالموصل الحمد الله على سلامتك
علي: الحمد الله على سلامتك يابطل عدت على خير ولو العار مايموت
سند: ماتضحكون الله يسلمكم ماتشوف روحكم لهسه عدلين مكابليني
سيد علي: احترمني لك اعلى رتبه منك لا والله انزل رتبتك واسجنك دير بالك
علي: يلاا خل جدك يذبحلنه من الطليان المخليهن على كلبه منتظر يموت تذبحهن
سيد علي: لاشيخ المفروض يسوينه مفطح راح اروح نشوفه اني تخيله آلامي انت تخيله العلويه ماسي
علي : غير تلكاني منتحر هو ياهو يلحكهاا من اروح ولمن اارجع حسبالك وياي تجاهد تحارب الخوف حاله مرتي جذب بالدنيا نفسها والله يقارنه ابو خشم
سيد علي: اسكتت علي اويلي والله ولاتفاركني كأنما تعرف شيصير وياي بنص النار
سند: ايي حركو بكلبي لان نسوانكم عدكم تخابركم تخاف عليكم حسو بيه والله خليه يذبح الكم بعران بسيطه
سيدعلي: لك اانجب مرتي حامل تريد يصير سنه اله واجيب وتذبح طليان مفطح يعني مفطح ماكو هاي ضلتك هنااا محد يكلبك
سند: المشكله سيد واعلى منى اتحملك على هل المذله انتم اثنين بسيطه ارجعهاا الكم
علي: من دبش ديلا هذا الشيخ الو هااشيخ والله مابي شي لاتخاف هذا كاعد بس حضرنه مفطح نجيبه لك مشكور ماتقصر ونعم منك كل هلا بيك اي باجر يمك
سيدعلي: هلا بالشيخ راح ناكل بثواب سند لي يشوفنه خاطفينه ونطلب فديه طليان
سند: تستاهلون شعندي غيركم بقينه نسوالف بسوالفهم الطايح حظها نضحك
هموم: كمية الخوف ماانساهاا عشت برعب جهالي مااادري شي شمرتهم على وسن رحت اصلي واادعي املي بربي يرجعه الي
الشيخ: بااجر يجي يابعد ابوج لاتخافين خابرني ماابي شي هسه اذبح طليان....
