رواية فصلية بديلة الفصل السادس والثلاثون 36 بقلم ام ملكوت

شهم:

 يله يمه رايحين ننام احنه الليل كله مانايمينه..

الشيخه: روحو يمه ارتاحوا اخذ مريتك وابنك وياك يرتاحون..

..... 

سماء_

تقشعر بدني لمن كالت مريتك وابنك ..

حسيت بشعور وكاني فعلا اني ويا زوج وزوجه وطفلهم وعائله مبنيه عل حب ..

خلينه ورحنه للغرفه وشهم صعد لغرفته فوك ..

خليت الطفل على الجربايه وذبيت العبايه وتمددت على الجربايه وخليته بحضني ورضعته ..

شفته شلون جوعان ومتلهف علي ويخلي ايده على صدري وكان يريد يحضني ..

رفت روحي عليه احس تعلقت بي وصار روحي هوه..

كمل رضاعه وجبت الكركوت عل جربايه ونومته بي ونمت بصفه تالي غفيت واني اباوعله...

 ماكعدت الا على صوت بجيه

فزبت مخروعه عبالي صار بي شي لو احد اذاه ..

بقيت اسمي عليه واخذته بحضني ورضعته.. 

شفت الساعه ب١١ الصبح ..

خلص رضاعه وكمت غسلتله وبدلتلته واني غسلت وبدلت وطلعنه للصاله لكيت الشيخه كاعده هيه وشهم..

شهم: هاا شلون صرتي..انطيني الطفل عنج..

سماء: الحمدلله احسن..

شهم_رادت تحجي وتفضحني وخزرتهه وسكتت..

سمر: يله عل غده فرد مره..

سماء: اي حبي..عجيب شنو رادت تحجي عليه وخزرهه الله اليعلم ..

مرت ساعه وهمه يلعبون مايشبع منه شنو واحنه شنو ليش مانشبع شوف منهم وهمه يلعبون.. 

مرت ساعه ونص واجت سحر بيدهه السفره كمت اخذتهه منهه كوه انطتهه الي وفرشتهه تالي رحت وياهن نجيب صحون الاكل..

سمر: ليش كمتي رجعي ولج لا تدوخين بعدج مريضه ترى

سماء: لا شلون اكعد واعوفجن تشتغلن مابيه شي لا تخاف علي..

الشيخ: ها بويه سماء شلون صرتي

سماء: الحمدلله بويه احسن

الشيخ: ولك شهم ديربالك على مرتك ماريد هل شي ينعاد انتبهلهه شويه مثل مامنتبه لابنك..

شهم: حاضر بويه عد عيناك اخليهه بصمصومه قلبي

الكل: ههههه 

سماء_

احس استحيت من حجه هيج وكلهه ضحكت على كلمته نزلت راسي اكل لحدما خلصنه غده واخذو البنات الصحون وبقت هدى وسحر يغسلن ماعين

والولد راحو لغرفهم وبقينه انه وشهم والشيخه وساجد ..

شويه واجت سمر يمي كعدت وحجت..

سماء: اي خطيه همه اهلي بوقت الامتحانات ينخبصون ..

سمر: هههه اي تحجي وياي واسمع اخوج الصغير كل شويه جابته راجدي امج وهوه يضل يصيح هههه

سماء: اي هذا كلش عصبي مايتحمل احد يطكه وامي بس تشوفه مايفتهم عليهه بسرعه تجيبه بواحد يهف..

سمر: هههه خطيه ..

سماء: هههه خوب انه شبعت كتل منهه ماجنت احب الدراسه بالابتدائيه وجنت كل كتله ولا ثانيه ..تدرين شنو جنت اسوي..

سمر: شنو

سماء: جان ابن عمي اصغر مني بسنه جان من يريد يروح للمحل ياخذني وياه ومره جنت ادرس

تكتلني وارجع اكلهه نننن ماتاذي وترجع قصص ماي هوبس تطكني نفس الطكه واكلهه ماتاذي وهيه تضل تركض وراي وتدغدغني تعرفني اتاذى بس بالدغدغه مالتهه ..

سمر: هههه اثاريج جنتي وكحه ومادري..

سماء: يووو كلش جنت مشيبه روسهم واني صغيره.. 

سمر: هههه انه بالعكس جنت 

عاقله عدنه سحر شوي وكحه وهيه صغيره وبعدهه وكحه ماتغير شي ..

سماء: ههههه اي فعلا..

شهم_ 

بقيت كاعد وسمعتهه شلون تسولف على ايام طفولتهه ودراستهه واني اتخيلهه كبالي صغيرونه وتتوكح علينه ..

الشيخه: يمه شهم شخبار دوامك..

شهم: ها يمه اي الحمدلله..وصيت ضابط ويانه سوالي مطالعه وراح ينقلوني على الدفاع المدني هنا قريب على البيت..

صح دوامه يومين بيومين بس اكدر يمته ماخلص واجبي اجي للبيت كم ساعه اطمئن عليكم وارجع..

شهم: اطفاء يمه بس انه ماعندي شهاده اطفاء راح يخلوني على الشؤؤن الاداريه ..

معاون المدير يعني..

الشيخه: اي هاذهو خوفتني عبالي تروح وياهم تدخل بالنار وتطفيهه..

شهم: هههه لااا يمه شجابني عليهم..

هذول شهادات ودورات ياله خلوهم اطفاء ..

شنو عبالج منو يجي يصير يطفي النار..هههه

الشيخه: خاله شمدريني انه عبالي تعال وجيت

شهم: هههههاي اروح فدوه للفطيره..

سماء_

شفته شلون صار يضحك من قلبه ويحجي ويه امه احس هذا الرجال لطيف ويه الكل الا اني

ماكاعد اشوف لطافته وياي لان الليالي السود خلت سواد على عيوني وماصرت اشوفه منهن..

#بعد مرور شهرين...

سماء_ مرت الشهرين مثل رمشه العين وبعد ٣ ايام لازم اترك كلشي وراي وارجع لحياتي القديمه..

مع ان تعودت على حياتي هذي بقرب ابني وبوسط عائله تحبني ..

الا ان اكو شي بداخلي كاعد يجبرني ارجع ..

كعدت الصبح واني راسي ثكيل وعيوني مورمه من بجي الليل كمت اخذت ابني من الكركوت وخليته على صدري وصرت اشم بريحته اريد اخليهه بريتي وماطلعهه بعد لو بيدي اخذه وياي ماخلي هنا ويبتعد عني بس شبيدي ..

كمت سبحته ونشفته وبدلتله واني كذلك غسلت وبدلت بس بقينه بالغرفه ردت انفرد بابني واشبع منه قبل لا اروح ..

بقيت حاضنته واغنيله..

• غااافي حبيبي غاافي

•دخلك يشفافي ماتحكي ولا حتى كلمه بتوعي

•خاافي يا اديه خااافي

•شدي حبيبي عليي شويه شويه وبقلبي خبي

•هيدا اول ملاك عيونو بحضني ناموو

•ياربي بترجاك تمرئني باحلاموا

•حتى يعرف شو عامل بقلبي غراموو وهواااااه.......

كعدت الصبح سبحت وبدلت ونزلت جوه مالكيت سماء خليت ورحت لغرفتهه ردت افتح الباب وسمعتهه تغني للطفل 

بقيت واكف واسمعلهه رغم جان غنائها مصحوب بدمعه وخنكه الا ان صوتهه ناعم وحنون.. 

بقيت شويه وفتحت الباب ودخلت ..شافتني وفزت واخذت تمسح بدموعهه..

سماء_واني ابجي واغني ماحس

 الا فتح الباب ووكف كبالي ..

خليت ومسحت دموعي بسرعه وكمت ردت اطلع..

شهم: وين

سماء: بره يم البنات

شهم: انطيني الطفل

شهم: انطيني

سماء: ماشي

شهم: روحي يله غسلي وجهج ولبسي عبايتج واني وابني منتظريج بالسياره حتى نطلع..

سماء: هاا وين

شهم: ماحب الاسئله الهواي

سماء: ماشي..

خله وطلع واني رحت غسلت وجهي وطلعت لبست حجابي وعبايتي ورحت بره ركبت بالسياره وانطاني الطفل وتحرك..

وطول الطريق اني صافنه بس مو مثل العاده عل شوارع لا هل مره بقيت صافنه عليه هوه وابني لان يجوز ماراح اشوفهم بعد ٣ ايام ..

مسافه الطريق وكفت السياره كبال مطعم ريوكات..نزلنه واخذلنه ريوك ملكي بخانه العوائل وجان محد موجود بس احنه .. 

بقه هوه لازم الطفل واني اكل تالي كلت خطيه بقيت اسويله لكمات واخلي بصحنه وهوه ياكل لحدما شبعنه وطلعنه 

ركبنه بالسياره واخذلنه عصير طبيعي وجان كلش منعش تالي افترينه شويه ورجعنه للبيت احس ارتاحيت شويه مو لاني طلعت لا لانهه اول طلعه النه كعائله ويمكن اخر طلعه..

شهم_وصلنه للبيت ونزلنه ..دخلنه للغرفه وجان تكول..

سماء: ااا بعد يومين تخلص ال٣ اشهر

شهم: شنوو يعني

سماء: يعني راح ارجع لبيت اهلي..

شهم: سماء لا تطفرين شياطيني شنو ترجعين لاهلج وابنه وين يروح شلون يكمل حياته وهوه ماشابع من امه 

سماء: ماكدر شبيك ماكدر لازم اروح اعتقني احس روحي مخنوكه بهذا البيت اختنك لمن اشوفك كبالي وبهاي الغرفه احس اني دخلت بسجن وماكدر اطلع منه بعد 

شهم: اششش صوتج لا يعلى علي خليني هادئ وياج وطلعه من هل بيت ماكو

سماء: موووو بكيفككك اعتقنييي ياخيي احنه شرطنه وانت وابوك دكيتو صدركم وكلتوا موافقين ليش تتراجعون عن كلمتكم مو زلمه اليترا....

_قبل لا اكمل خله ايده على حلكي ورجعني عل حايط والطفل بحضني بقه يباوعلي بكل عصبيه وعيونه تنبع منهه شرار صفن بيه لحضات واردف من بين سنونه...

شهم: لا عبالج تطلعين من هذا البيت وترتاحين وتعيشين حياتج وتشوفين غيري مرجعج الي وبحضني ويجي يوم واثبتلج هل شي راح اعوفج

بس حتى ترتاحين فتره ولا عبالج اذا خليتج ترجعين معناهه تخليت عنج لااا راح اعوفج حتى ترجعيلي وانتي راضيه وبكل ارادتج تغوصين بحضني تمام سماي ...

سماء_

 بقيت ساكته ومصدومه من كلامه بس ماهمني خليني اطلع من هل بيت واشوف بله شلون ارجع بعد اله الا اكص رجلي التمشيله ..

نتر وجهي من ايده وكال..

شهم: ترحين بس شرطي تعرفي

سماء: اي اعرفه وراح انفذه

شهم: خلاص ولا تنسين الكلام الحجيته الج قبل شوي..

_اخذت الطفل وطلعت بره 

انطيته لامي وطلعت بالسياره واني معصب وماشايف شي كدامي..

..اوووف منج سماء اوووف.. 

تريد ترجع يعني بعدهه مصره تعوف طفل ٣ اشهر وتروح شنو من ام هاذي شنوو خرب شرفهه هم لو اعرف راح تسوي هيج ماجنت اخذتهه..

انه صوجي لمن اخذتهه وقبلت بشرط رجوعهه.. 

ماحسبت حساب وضع ابني هسه

ماحسبت حساب انهه راح تتخله عن الطفل ماحسبت حساب راح احبهه بيومممم ..

اني يطبني مرض بس شنو ذنبه طفلي شنو ذنبه وتعوفه بعمر شهور وتروح شنو ذنبه يتعود على حنان امه تالي يفقده ..

. يارب ياااارب نظره منك تحنن قلبهه على ابنهه يارب يرضيك يلي راح تسوي بابنهه🤲😔.. 

يارب اني اذنبت واستغفرت لك وتبت عن ذنبي وانت غفور رحيم واستسمحت منهه وطلبت العذر والباقي عليك يارب انت اهديهه وحنن قلبهه علي وعلى هل طفل المسكين 

🤲🤲🤲🤲🤲😔

مايصير هيج والله مايصير يعني غلط بحاله حزن وانهيار راح اتعاقب عليه اني وابني العمر كله يارب ليش ليششش..

.............

الفصل السابع والثلاثون من هنا