رواية صراع الشيوخ الفصل السابع والثلاثون بقلم ليال القمر
ارجوان بشهگة؛ زيد شتسوي هنا
زيد بترنح وهو گوة يحچي: منو انتي
ارجوان استغربت طريقة كلامه وتقربت منه: هاي شبيك زيد اني ارجوان
زيد: ههههه هاي انتي وليچ وين چنتي هههه شني چنتي بالعمارة
ارجوان باستغراب: هاي شبيك ياعمارة انت شدتحچي
زيد وهو گوة فاتح عيونه ويروح يمين ويسار بمشية ويتقدم لارجوان: اشتاقيتلچ صار شگد انتظرچ خبلة
ارجوان اندهشت و خلت ايدهة علة خشمهة: زيد ليش هيچ ريحتك مو طيبة
زيد بثمل: اي نسيت انه رحت حفلة واجي...
زيد بثمل: اي نسيت انه رحت حفلة واجي...
راد يوگع بالگاع بس ارجوان راحت علي وسندته: ولك انت اتخبلت ليش تشرب مو حرام هسة تتعذب بالنار اكعد هنا خل اسويلك گهوة حته تصحصح
گعد زيد علة الكرسي ويباوعلهة مثل الطفل
وارجوان راحت تسوي گهوة ومن كملتهة انطتهة لزيد: هاك اشرب وانتظرني هسة اجيك
اخذهة منهة وگعد يشرب وارجوان راحت لغرفتهة
§§§§§§
ريام بنعاس: وين صرتي انه نعست
ارجوان بارتباك: اي والله اني هم روحي نامي حبيبتي باچر عود نكمل الفيلم
ريام وهي تتثاوب: اوك باچر تصبحين علة خير
ارجوان : وانتي بخير
طلعت ريام وباوعت لنورهان النايمه اخذت الچبس من اديهة وغطتهة وشالت العلاگة من السرير ونظفته وطفت اللامب والتيفي وطلعت وراحت للمطبخ
------------
زيد وهو يضحك: هههههه هاي شني حسن لابس حجاب هههههه
ارجوان بضيق: گوووم انوب حسن علينه
زيد يباوعلهة ويضحك: ههههه لا هاي ارجوان حسبالي حسن هههههه
ارجوان نفخت بضيق وسادة حلگه وهو بس يحچي ويضحك
ارجوان بهمس: اششش حيسمعوك اسكت
زيد بصوت عالي: انه احب حسن هههه
ارجوان سدت حلگة باديهة وصعدته الدرج ودخلته بغرفتة
ارجوان بعصبية: هاي شبيك انت تخبلت اگولك اسكت وانت تعلي صوتك
زيد باوعلهة چنه جاهل مرتكب عقاب: اسف امير
ارجوان ضربت اديهة براسهة: انوب بعد گول ملكة اليزبيث حته تكمل
زيد بدهشة: انتي الملكة ههههه گاعد احچي وية الملكة
ارجوان ضربت رجلهة بالگاع بعصبية وطفولة: اششش اسكت امشي وياي
سحبته ودخلته للحمام وخلته جوة الدوش: يالله اغسل وبدل
زيد ضل ساكت ويباوعلهة بدقة: انتي حلوة
ارجوان ارتبكت من نظراته وفتحت الدوش علي وهو گام يشهگ
زيد وهو يرجف : باااارد الماي بارررد
ارجوان بضيق: احسن حته تصحصح اكثر
طلعت راسة من الدوش ونشفت شعره بالمنشفه وسحبته وخلته علة الفراش وغطته: لو تعرف خطيبتك شارب صدگني تطلگ يالله نام وما اسمعلك حس واحد
زيد وهو يغمض عيونه بتعب: شكرا ارجوا...
نام وباوعت علي بشفقة طفت الضوة وسدت الباب ونزلت لغرفتهة ونامت بصف نورهان
گعد الصبح وشاف نهلة نايمه بصفة گام ودخل للحمام وغسل وجهة وطلع نزل لامه
امير: صباح العافية يمه
ام امير: صباح النور يا بعد امك
گعد امير بصفهة يتريگ وياكل
ام امير بخبث: يمه حسن البارحة اتصل بية
امير وهو ياكل خبز وگيمر: اي يمه
ام امير بخبث: ويگول ارجوان تطلگت
امير وگفت اللگمة ببلعومة وغص وگام يگح
ام امير وهي تدگ علة ظهرة: صمالله يمه چا شمالك غصيت باللگمه
امير بارتباك: احم لا يمه سلامتچ بس غصيت
ام امير بخبث : اي غاص چا ماگتلي انت شراح تسوي
امير باستغراب: شسوي
ام امير وهي رافعه حاجبهة: اممم اي چا انه حخطب بنيتهم ل..
امير عروگه برزت وقاطعهة بعصبية: شنيي لا يمه لا تخطبينه
ام امير: هههه شمالك يمه
امير بعصبية : تردين تخطبينهة لاخوي مهند موو
ام امير: ههههه لايمه الك
امير وگف الوقت بي وميحس بشي واستوعب كلام امه وحچة بلهفة: صدگ يمه تخطبينهة الي
ام امير بفرحة علة ابنهة: اي يمه چا المن قابل
امير بفرحة وهو يبوس ادين امه: الله يخليچ الي يمه ويطول بعمرچ
ام امير دمعت عيونهة: يا بعد امك انت هيچ تعشگهة وتريدهة
امير باوعلهة بحنان: اي يمه رايدهة منزمان
ام امير بفرحة: چا انشالله چم يوم واخطبهة الك لان هستوهم جايين
امير بفرحة: انشالله يمه بس بالاول الزلم تمشي
ام امير: اي يمه
دخلت نهلة: صباح الخير
امير والشيخة: صباح النور
گعدت نهلة تاكول بسكوت ومدنگة راسهة وعيونهة مورمه
ام امير بقلق: شمالچ يمه لويش هيچ عيونچ منفخة
نهلة والدمعه بطرف عينهة: لا عمتي بس ماشبعانه نوم
الشيخة وهي تغمز الهة : ها زين يمه ماكو شي منا مناك
نهلة بعبرة: لا عمتي كلشي ماكو
امير باستغراب؛ يمه شقصدچ
الشيخة: لا يمه سوالف نسوان لاتهتم
اومئ امير براسه ومن داخلة يگمز من الفرح
مها وسجاد: صباح الخير
الكل: صباح النور
مها بهمس: شمالچ نهلة
نهلة بعبرة ودموع بعيونهة: بعدين احچيلچ
مها سكتت وتاكل وياهم
مروة وماعاجبهة العجب: صباحووو
الكل: صباح الخير
گعدت مروة وبصفهة زوجهة مهدي ياكل وهي تباوع لنهلة بضيق
₤₤₤₤₤₤₤₤
ارجوان وهي تحچي بالفون بعصبية: زيد حسابك بعدين ولك متستحي البارحة جاي للبيت سكران
زيد بخوف: والله ارجوان مادري هو هاذة بسام النذل انطاني عصير وانه شربته وطلع مشروب
تنهدت ارجوان وحچت بهدوء: اسمعني زي تگول لجمانه كولشي افتهمت والله ستر البارحة لو شايفك واحد من عمامي بهاذة وضعك
زيد بندم: اسف ارجوان والله ماچنت اعرف واشكرچ لان اعتنيتي بية وسترتي علي
ارجوان: العفو وثاني مرة لتتكرر هاي الحالة رجاء
زيد: اگلچ صار الريوگ واحنه مانازلين
ارجوان: اوكي اني حنزل
سدت الخط ونزلت جوة تاكول وياهم ورة مدة زيد نزل وكلش مستحي ومنحرج من ارجوان لان شافته بهيچ حالة
++++++
امير بابتسامه؛ عمي انه رايد اخطب وامشي علة بيت شيخ كريم مرة ثانية
عم صادق: هااااو چا مو انت متزوج ماصايرلك ست شهور من ماخذ مرتك
امير بحرج: والله ياعمي الشرع حلل اربع وحرمتي ليهسة ما حملت
عم جعفر: خلاص يا بعد عمك انشالله نروح كلنه ونتصل علة شيوخ ونمشي اعليهة بس انتظر مو هسة نمشي فد چم يوم ونروحلهم
امير ابتسم: تسلم عمي
_________
نهلة وهي تبچي: تصوري عمتي تريد تزوج الشيخ انه سمعتهم اليوم الصبح ولچ گليلي شسوي
مها بتوتر: صخام الصخمچ منية هاي
نهلة بحقد: ارجوان
مها: عزززززة ولچ هاي الشيخ الي يحبهة يعني صدگ سواهة
نهلة بعدم استيعاب: شصاير گليلي مني هاي
مها بحماس: وليچ هاي يعشگهة يموت عليهة الشيخ ومشة عليهة وجاب اكبر الشيوخ وراحلهة والمشكلة هي رفضته
نهلة بصدمه: شنيييييي ولويش ماگتيلي
مها: دخلي اكملچ هو اصلا چان رايدهة وانه شفتهة من خطبناهة وشني من جمال اعليهة واللبس والنزاكه ومن تحچي تتنعوص منجرمن الشيخ متخبل اعليهة وليچ انتي غبررررة ديربالچ علة زلمتچ هالايام انتي لبسيلة تحركي شوية
نهلة كانما توثية انظربت علة راسهة : عليچ العباس گليلي شلونهة
مها بحماس: شوفي هي كلش حلوة ونازكة ومرتبة واللبس مالتهة يابوية كله بناطير وتشيرتات والاكسسوارات ليحد هسة صورتهة ماراحت من بالي والشعر مالهة يخبل شطولة والجسم مرسوم رسم وهي مو منا امريكية
نهلة فقدت من الاستيعاب وتضرب علة وجهة: عزززة سودة بوجهي لويش ماگتيلي خرررب هسة اهو وين راح يگلبني هو اني قابل الحلوة حته يحبني سودة بوجهي ماكو لزوم افركش الخطبة
مها بحزن: الله يعينچ نهلة وضرتچ ماعتقد سهلة مبينه قوية بعد تعرفين نسوان الخارج مو مثلنه فاهيات
نهلة بدموع: فدوة الطولچ شسوي
مها بتفكير: هدديهة گليلهة اذا وافقتي علة رجلي اسود عيشتچ ولاتخافين انه وياچ بكل شي
نهلة گامت تبچي وگلبهة انملة حقد وبغض لناحية ارجوان
مرت الايام وصار اسبوع ونص علة جيت ارجوان للعراق مرة ثانية والامور كولهة تمام
ارجوان وهي گاعده بالحديقة علة الچرچف وتكرز حب وتسولف وية البنات
الاء بضحك: ههههه لا لو تشوفين انسام وجهة شلون صار من جابت
ارجوان بضحك: هههه فدوة گولولي شنو سوت بعادل
انسام بضيق: هسة والله لزگتولي اي غير چنت اطلگ وبعز الالم چا شسوي
كواكب: لعد تسبين رجلچ ياعوبة
انسام وهي تشمر عليهة گشور الحب: سكتي كافي صايرلكم شهر تحچون بسالفتي
ارجوان بضحك: هههههه خطيه عادل تحملچ بالولادة والضرب مالتچ فضحتي للرجال
انسام باحراج: كافي لحيتو علي ترة والله شي طبيعي تضربين رجلچ وتسبي بالطلوگة
الاء: فديته لحيدوري چان يركض بيه بالمستشفه ويصيح انه حجيب هههههه
ارجوان: هو يجيب لو انتي ههههههه
كواكب: لا والدكتورات ضلن صافنات علي وهو يمسلت ويگول لحگولي دا اطلگ
ارجوان 😂😂😂😂😂😂: ااااي بطني 😂😂😂
سعاد بضحك: والله ولادة الاء چانت فلم هندي خو حيدر سوة فلم هندي بالمستشفه
ارجوان غصت بالضحك والبنات يسكتنهة متسكت
نورهان بحماس وهي تركض: بناااااااات بناااااات خبر بمليون شتنطوني
ارجوان هدأت من شافت نورهان جاية
الاء بفضول : گولي وليچ بعد ما اتحمل
نورهان بخبث: جاييين خطابة
البنات: شنيييييييي
ارجوان سكتت وبعدين رجعت تضحك: هههههه جايين علة انسام لو عمه الاء عليچ الله گولي
انسام والاء باوعنلهة هيچ 😑
ارجوان سكتت وانتبهت: شنووو خطابة المن ومنو
البنات: بعد وكت عيني
ارجوان بخجل: سوري بس ما انتبهت
نورهان: جاين عليچ حبي
ارجوان بدهشة وهي تأشر علة نفسهة : اني
البنات: لا احنه
الاء بفضول: منو همة دحچي
نورهان: مادري والله بس هواي زلم اجو سدوا الشارع بسياراتهم وزيد يگول هاذة رفيجي
ارجوان لونهة شحب وبلعت ريگهة وباوعت للاء بتوتر والاء كذلك
ياسر ابن الاء اجة يركض بحماس: يممممه اجة شيخ امير
ارجوان هنا جمدت وماتحركت والاء گمزت من مكانهة تركض للديوان تباوعلهم من الشباك اللي بالمخزن
والبنات ركضن ورة الاء
>>>>><<<<<<
العم كريم بفرحة : حياكم الله تفضلوا
العم صادق: الله يحيك شيخ
العم جعفر: اليوم احنه جايين نخطب ايد كريمتكم بنت شيخ جواد مرة ثانية علة سنة الله ورسولة لشيخ امير
زيد هنا ابتسم وباوع لامير وامير باوعلة وابتسملة بالمقابل
ابو احمد بفرح: والله نتشرف اهلا بيكم علة راسي انتو
العم صادق: ابن اخوي امير مشة عليهة مرة وماصار نصيب واحنه جيناكم هالمرة وانشالله خير واكو قسمه
العم كريم ابتسم بفرح: انشالله شيخ ابو جبل
جواد بتساؤل: اخوية ابو جبل امير مو تزوج گبل چم شهر
امير هنا ارتبك وخاف يرفضوا وراد يحچي بس سبقة عمه جعفر : اي والله بس الشيخ رايد كريمتكم منزمان والشرع حلل اربع يابو احمد
جواد ضل صافن علة امير بتفكير: والله اشوف قرار بنتي ونردلكم جواب
امير هنا گلبة وگع بالگاع لان متاكد ارجوان حترفضة وخصيصا هو حاليا متزوج مو مثل قبل عازب
العم كريم باوع لجواد بمعنى وافق بس جواد تردد وباوع لاخوته وكلهم نظرتهم انو يوافق
جواد بتلبك: والله انه من راي ما الگه احسن من الشيخ امير لبنتي بس انشالله خير
امير بلهفة: عمي اذا علة شوفتكم انه اجيبهة الكم بين فترة وفترة تشوفونهة واخليهة تكمل دراسة علة راحتهة
جواد فكر وابتسمله برضا: انشالله خير والي كاتبة الله يصير
العم صادق ابتسم : يالله انشالله ننتظر جوابكم
جواد بفرحة: انشالله اسبوع ونردلكم خبر وانشالله خير
الكل: انشالله
طلعوا الشيوخ والاكبارية وسلموا عليهم
======
الاء بحماس: ولچن دشوفن جايب كلة شيوخ واكبارية
امسام وهي تبعد الاء عن الشباك: شو خالة خليني اشوف زين اي والله اگلج منو الشيخ امير خل اشوفنه
الاء وهي تباوع واحد واحد وشافته بينهم يسلم علة زيد ويضحك ويا: هاذة الي يضحك وية زيد
البنات كولهن باوعنله 😍😍😍
كواكب: وليچ شگد هيبة عابتلهة ارجوان رفضته خرررب بالحظ لو جاي اعلية چان وافقت
الاء وهي تضريهة: اتبسس مو متزوجة ابن اخوي
كواكب بحرج: هههه اشاقة خالة شجاچ
انسام باعجاب: ولچن دشوفن الكول والعضلات والهيبة والجمال امده حظي صدگ عادل مسلوع علة گولة خالة الاء
الاء وهي تغمهة: اهمداچ مو گتلچ بس انچبي عندچ جاهل وطفل بعد راحت فرصتچ
انسام بغرور: فديته عدولي اموت علي ياناس
÷÷÷÷÷÷
ارجوان گاعده بالحديقة بعدهة مصدومة
ورة شزية شافت البنات راجعات ويضحكن ويحچن بحماس ولهفة وهي عقىهة مو وياهن
كواكب: وليچ غبرة ارضي بي يخبل شيخ وطول وهيبة ثولة اذا ترفضي.
ارجوان سكتت وماعلقت والبنات يقنعن بيهة وهي ساكته
نورهان: ارجووووووواااان عمي كريم رايدچ
ارجوان تنهدت وگامت من يمهن ودخلت لعمامهة بالديوان
=•=•=•=•=•
العم كريم بابتسامه: يابعد عمچ تعاي يمي
جواد صافن علة بنته ومبتسملهة وعيونه مدمعه
ارجوان گعدت بصف عمه
العم كريم: يابعد عمچ انتي هسة معتبرة مطلگه صحيح اهو ضحك اعليچ بس هاذ مجتمعنه بعد يسموچ مطلگه ويابعد عمچ اليوم جاين ناس مشين اعليچ خوش ناس والشاب شيخ الشيوخ يعني مو شيخ عادي لا شيخ علة كل الشيوخ يعني حته شيخ اعلية
ارجوان ساكته وخانگتهة العبرة والعم كريم يكمل: وانتي يا بعد عمچ كبرتي عمرچ ١٩ سنه ولزوم تتزوجين وهو الشيخ ماشاءالله اعلي رايدچ بالحلال وكل شروطچ موافق عليهن بالله يابعد عمچ اكو شاب يرضة مريته تسافر حته تشوف اهلهة ولا هم تكمل دراسة بارض الغربة
ارجوان: لاء
العم كريم: ها شفتي يعني الشيخ يحبچ ورايدچ ها شتگولين وانتي بعد فرصتچ بالزواج صارت صعبة خصيصا بمجتمعنه محسوبة مطلگه
ارجوان دنگت راسهة وتفكر بكلامه
جواد: باباتي انه اعرف شنو مصلحتچ وبرأيي ارضي بي لان ماتلگين احسن من شيخ امير
العم عالي بتأييد: اي بوية ارضي وشوفي حياتچ واستقري لويش تتسمين مطلگه والشيخ يحطچ بعيونه
الكل ضل يقنع بيهة وهي ساكته وبنهاية النقاش جاوبتهم بكلمه وحدة
ارجوان :.....
