رواية هو لا يشبههم الفصل الثامن والثلاثون 38 بقلم تبارك الوائلي

من انتي .. ؟؟

أنا التي غضضت بصري حين كسرتني الظروف

انا التي ابتسمت في وجه من خذلني

تنهدت حين كان كل شيء يدعوني للصراخ

لم يحالفني الحظ يوما ولكنني مضيت في مواصلة أحلامي رغم انهيارها

أنا التي بعد كل سقوط أنهض وأشد نفسي بنفسي وكأنني أتحدى الحياة والظروف واليأس

تجاهلت تلك الكلمات القاسية وخبأتها في قلبي مع الأشياء العتيقة التي حفرت لها نفقا في زاوية من ذاكرتي

أنا التي لم ينظر أحد في عيناي ليعرف كم حربا فيها ،، ولم يستمع أحد لصمتي ..

.

.

.

.

.

.

جمانه :- مرت الايام و امي حيل تعبت حيل صارت تريدني كل النهار نتصل ونحجي وياها لان اضوج جنت كل اسبوع اروح الاهلي هسه صرت كل يومين وثالث اروح عليها اشوفها ماريدها تحس بضوجه سمعنه ، زوجه عمي ابو هدى راحت للعمره ورحنه باركنه الها اني وايهم والجهال وفرح واجتي سوسن بت عمي وزوجها وبنات عمي وكعدنه شويه ورجعنه

علاقتي بالكل طيبه واتواصل ويا كل اقاربي بعرس او بفاتحه او بواجب او بزياره اتواصل وياهم وهمه هم يتواصلون ويايه شكد فرحني هل شي بعد ماجنت قبل فاقده بحياتي شي اسمه زياره اقارب ولا اطلع ولا اطب وماتواصل ويا اي احد بس من زوجت ايهم كلشي اختلف صرت اتواصل ويا الكل ايهم اسلوبه يختلف حيل ويحب الاختلاط مو مثل بسام الله يرحمه صرت حتى اروح ويا نزور اصدقائه

قبل فتره رحنه زرنه بيت صديقه اشتره بيت اخذني واخذنه هديه ورحنه عليهم وتعرفت على زوجته

وبعد بفتره رحنه البيت صديقه الثاني هم يداوم عقيد ويا بس بغير قسم امه راحت للعمره وهم اخذني ويا باركنالهم برجعة امه اتعرفت عليهم اشكد ناس طيبه حيل وتعرفت على زوجته وامه واخته كعدن يسألني .

:- ام منو حضرتج .

جمانه : ام طارق حبيبتي .

ردت زوجته عليه وكالت .

:- بس استاذ ايهم مو ابو دينا نعرفه .

:- أي صح بس .....

انطلقت حجيتلها اني زوجه الثانيه الايهم تعرفت

عليهم وحيل تونست وياهن بالكعده

رجعنه وكعدنه نحجي عنهم اني وايهم وكعدت سولفت اله 

اني حجيت الهم عن حياتنه و من عرف اني كايله الهم زوجته الثانيه والولى منفصل عنها زعل حيل مني وكال .

أيهم :- ليش جمانه تحجين هيج كدامهن تره عقيد وسام ميعرف اني منفصل ومتزوج لمفروض متحجين هيج كدامهن .

تستمر القصة أدناه

جمانه: ليش ايهم ضجت اني مامجذبه شنو خجلان

منهم مثلا .

:- استغفرالله ربي لج بابا شنو خجلان جمانه شنو هل حجي بس اكو شي اسمه خصوصيه واني عندي حياه خاصه مااحب احجي الأحد عن حياتي الخاصه المفروض متحجين هل شي .

:- والله اني حجيت على الساني سالتني الحجيه وكلتلها اني ام طارق شمدريني زوجته تعرف بيك ابو دينا .

:- اشلون متعرف واني و زوجها اصدقاء واكيد كايل الهم راح يجي ابو دينا ما يرادلها فهم تره .

:- اشبيك ايهم كبرتها تره مصار شي .

عفته ورحت يم الجهال كعدت همه هم كاعدين كل واحد حاط مبايلي ويلعب طفيت الضوه ورحت نمت درت وجهي منه زعلانه ضحك باستهزاء وكال .

أيهم :- هاا عود انتِ الزعلانه تره انتِ الغلطانه ست جمانه .

:- ايهم عفيه مالي خلك واريد انام والله غثيتيني اليوم هوايه .

:- لا بالله وتردين تنامين تعالي خلي اشوف منو ينام .

:- ايهم لا لا عليك الله عوفننني راح اموت لالالا .

يدغدغ بيه واني هاي الحركه ما اتحملها اموت من الضحك بيها باسني وكال .

:- لزعلين حبيبتي والله اني موقصدي غير شي بس اني احس هاي خصوصيه جنه مو كل الي يسال او يعرفنه لازم نحجيله كل شي عن حياتنه .

:- أي صح .

:- أي واني اضوج اذا احد يسالني شنو سبب انفصالك هل كلمه بذاته ترجعني اسنين ليوره احس الغدره بعدها بيه متشوفين ماحجي واكللهم ام دينا اتمنيت انتِ صدك ام دينا وزواجي الاول ولا مخلف منها ولا عايش وياها .

1

:- حبيبي والله اسفه مو قصدي هيج اني والله ماجنت حاسه هل كلمه هيج تغثك جان ماحجيت

ولا اعيدها بعد بحياتي .

:- لج اني ليش اموت عليج جنه لزعلين والله اني افتخر انتِ زوجتي وام اولادي بس اكو غصه بكلبي

بعدها تخص طلاكي ماحب اذكرها ابد .

:- متنعاد والله بعد .

:- حبيبتي انتِ وكل دنيتي .

حضني ويلعب بشعري وكلساع يهمس .

:- اموت على عطر شعرج .

حبيت اضوجه شويه كتله .

:- راح اغيره مامليت منه بعد .

:- لا جنه عليج الله و يجننن يذوبني عطره ديربالج تفكرين تغيري بيوم من الايام.

دك مبايله كال .

:- هذا علي ابن محمد ابن خالتي .

رد عليه وكال .

" هلو ابو زنوبه حبيبي شلونك الحمدلله بخير والله عساكم بخير اشوكت باجر ان شاءلله حبيبي اجي على راسي .

تستمر القصة أدناه

كمل مكالمه وسده .

جمانه : ها خير شكو .

أيهم : عازمني ذكره السنويه مالت محمد الله يرحمه .

:- ها الله يرحمه تروح مو .

؛- اكيد اروح ، متعرفين اشكد احبه محمد الله يرحمه .

:- الله يرحمن ،

:- لازم اروح باجر وانتِ تجين ويايه وناخذ بس روزه وامير ويانه. .

:- ان شاءلله حبيبي بس اني مااعرفهم .

:- عادي تعرفي عليهم .

:- ان شاءلله .

ثاني يوم كعدت الصبح ايهم بالدوام بين الطبخ والتنضيف مشه يومي خابرني ايهم .

" ها حبيبي حضريلي الغده ميت جوع جنت طالع واجب وماتغديت بالمركز .

" صار عمري ، الغده كامل منتضرتك .

اجه وطب يسبح تلكته روزه تبوس .

روز : هلو بابا حبيبي تعرف انت اشكد حلو تطلع بالبدله العسكريه .

ضحك عليها وكال .

أيهم : ها والج هسه ابوج مو حلو بس بالملابس العسكري .

روزا : لا لا بابا انت تخبل .

:- حبيبت ابوج انتِ .

حضنها يبوس بيها رحت طلعت ملابس حضرتهن بالحمام واجيت لكيته بعده كاعد كتله .

جمانه :- تدري ايهم روزه ذاك اليوم يله عرفت بيك وبدوامك تكول ابويه شنو يشتغل كلتلها عسكري

تكلي يعني شرطي ضحكت عليها تكلي شو ميلبس ملابس عسكري كتله اي حبيبتي يلبس مدني ابوج 

و بس بالواجبات يلبس عسكري .

أيهم : جمانه صح طفله روزه بس ذكيه .

:- أي والله طالعه عليك .

ضحك وكعدنه نتغده ونسولف وأيهم استلم روز .

أيهم : ولج رزه اشلون متعرفين ابوج وين يداوم .

روز : شمدريني بابا انت تلبس لبسك نفسه كل يوم ومن تجي من الدوام نفس الشي اني شمدريني زين ليش هيج تلبس مو شرطي .

ضحك عليها وكال .

:- مو احنه استخبارت لازم نلبس مدني حبيبتي .

صفنت الكلامه واضح مفهمت عليه وكالت .

روزه : هاااااا؟؟؟

جمانه : والله وكبرت روزه وكامت تحقق وتسال .

ايهم : اي كبرت حبيبت ابوها ان شاءلله يوم يجيني سلطان ونشوف روزه شتكول .

روز : ها بابا لا عيني ماغار اني اغسله واشيله هذا اخويه .

أيهم : ان شاءلله ياربي يرزقني على عينج ولو انتِ عندج اثنين خوان طارق وامير احن خوان بالدنيا عليج .

تستمر القصة أدناه

:- اي اني احبهم واريد ابنيه اصغير العب وياها .

:- ان شاءلله خلي يصير هسه منتبطر شيجي نعمه .

جمانه : صافنه الكلامهم تمنيت لو متمم الحمل ومفرحته فززني صوته كال يضحك صدك نغزني كلبي على ايهم وروزه يتمنون الطفل بس بعد ما رزقت بي الحمدلله على كل حال فززني صوته عبالك قره صفنتي كال .

أيهم : ها جنه وين وصلتي عمري ، وربج مقتنع بالعندي لج اني عندي خير من الله يجوز ربج خله بيها حكمه مارزقني بولد بس علمود اربي ولدج همه ولدي وسندي طارق وامير اعز من روحي .

أمير :- حبيبي عمو صدك احنه سندك شعدنه غيرك

احنه .

أيهم :- حبيبي اموري هذا هوه نعمه فضيله ونفكر بعد نزوج طارق هوه يخلف النه صغير صغيره تلعب روزه وياهم والج روزه مو تكتلين ابن اخوج .

يحجي ويضحك وياهم وهم فرحانين بي .

روز : لا بابا ماكتله احبه ونلعب سوه اني ويا .

أيهم :- ها استاذا طارق مبين من عيونك حاط عينك على وحده .

طارق : هااا لا لا وين عمو.

أيهم : والك اني متعبرهن عليه ذني السوالف طروقي زت وكول منو سعيده الحض واشلعها الك من عين ابوها .

:- عمو شنو السالفه ماكو احد .

أيهم : يله اسمعك كول .

جمانه : ها ايهم اشتغل التحقيق بالبيت عوفه الولد ليش تحرجه خلي تحقيقك بس بالمركز يمعود .

ضحك وكال .

:- جمانه مابيهل شي كول بابا لتخجل معليك بامك .

:- اني اكلك طارق يخجل .

:- هااا لعد انتِ هم تعرفين ومتكلولي .

:- لا يمعود خليني احجي هوه معجب بت عمته زينه حيل عاجبته ايهم بس اعجاب هااا مو غير شي .

:- حلو والله وطلعت تعرف تصيد على عمك متصيد بس الحلوات عفيه عليك اشلون صدت امك اني .

:- يااا ايهم اسكت يمعود عيب .

:- شكايل اني والله حلوه ان الله جميل ويحب الجمال خوش اختيار طارق لا صدك جمانه وبنات زينه حيل مأدبات وفقيرات حيل .

:- اي بعد مو هسه خليها الوكتها بعدهم صغار هسه .

:- ان شاءلله ، والله لسويلك عرس اخليها كلها تحجي بعرس طارق ابن ايهم .

طارق : ان شاءلله عمو .

:- أن شاء الله حبيبي ، راح اروح انام لو نص ساعه جنه وكعديني .

:- روح حبيبي .

راح نام وكمت الملم وكلتلهم .

:- ماريد صوت روزه انتِ .

تستمر القصة أدناه

راح بالغرفه ينام وهمه كعدو بالصاله يلعبون بالمبايلات روزه ابوج تعبان خطيه لطلعون صوت

:- اي ماما اشبيكم هسه شمسوين .

:- اي لتعلين مبايلج حبابه .

:- اي .

رحت لكيت مليكه حبيبتي مكمله مواعين الغده وتمسح بالطباخ .

:- ها حبيبتي كملتي مواعين .

ملك :- اي ماما كملت راح تنامين .

جمانه : لا حبيبتي راح احضر ملابس عمج وملابس وروزه وامير اخذهم ويايه مو تعرفين معزومين ابيت ابن خالته على ثواب العشه .

:- اي ماما روحي بس عفيه بقي مبايلج يمي فدوه اضوج وحدي .

:- صار حبيبتي ،

:- زين انطيني هسه كملت الطباخ حتى اروح العب

بي .

:- اخذي على الشحن .

وراحت مكيفه مليكه تحب زي الوان اتابع بيها مسلسلات هنديه حيل تحبها ماجبنالها مبايل خفت عليها لان مليكه مثل طبعي قبل عقلها طفولي وتحس نفسها طفلها بعدها مرات تلعب ويا روزه وتزعل اذا اخذو جبسها لو حاجتها خفت اخلي عدها مبايل وهيه هيج فقيره تضيع مرات انطيه مبايلي تلعب بس باليوتيوب مرات من ماباديه مسلسلاته

تابع خط احمر حيل ضحكت عليها وغصه صارت بكلبي يعني اني بعمر مليكه من تزوجت بعقل طفله ادور مسلسل وكارتون وشرايه اشكد نضلمت من زوجوني بعمر صغير بس من اذكر جهالي ماضوج واكول همه الي طلعت بيهم من زواج دمرني ودمر حياتي بس همه الي جانو الشي الزين بي

الحمدلله على كل حال يارب مسحت دمعتي ورحت احضر الملابس صاح امير .

:- ماما ماي فدوه .

رحت اخذت الهم الماء واني اباوع عليهم اشلون كل واحد نايم على قنفه ويلعب بالمبايل احس نفسي مالكه الكون كله بيهم ربي يحفظكم اليه يارب اليوم طارق همزين اجازته من الشركه علمود يبقه يم مليكه

رحت حضرت ملابسهم ولبست روزه كعدت اسويلها ستوتات طبعاً طلب من استاذ ايهم يحب يشوف روزه بستوتات يبوسها ويكلها تخبلين تطلعين بيهن

وهي وشعرها طويل حيل الحمدلله طالعات عليه بناتي شعر سرح وطويل .

:- يله اكعدي راحه البس واكعد بابا ونروح ها اموري لبست .

:- اي ماما كملت .

:- عفيه حبايبي كعدو انتضرو .

رحت كعدت ايهم بالكوه يكعد طب سبح وسويتله جاي طلع وكال .

:- ها كملتي جنه نتوكل .

:- اي حبيبي كملت بس دقيقه واجي .

:- تعالي وين وين لك هاي شنو يابه شطالعه كمر ولابس اسواد هم انتِ جاي تموتيني جمانه .

ضحكت على سوالفه لبست فستان نازك حيل وشال قريب عليه اريد اتحرك ماكو لازمني ويتغزل كتله .

تستمر القصة أدناه

جمانه : صدك حلو .

:- يموت عليج الاسواد جنه .

:- شكرا حبيبي .

رجعت للجهال اوصيهم .

:- طارق ماما ماوصيك مو تطلع وتعوف مليكه .

:- لا ماما ابد ماطلع راح اكعد بالبيت .

:- اي عفيه .

طلعنه صعدنه بالسيارة وامير وروزه ويانه ليوره ملتهين يباوعون من الجام وايهم لازم يعلك اغاني الطريق كله وكل متطلع اغنيه وكال هاي الج اخر شي طلع اغينه هيثم يوسف ويدنن وياها وصلنه البيت ابن خالته جان بعمره وسلمت على زوجته وامه وعماته وكال .

:- هذني اخوات محمد بنات خالتي .

:- اهلا وسهلا.

رحبو بينه وكعدنه اجتي وحده اني اكول كصيره اباوع عليها اني اطول منها حيل كصيره بس بيضه حيل شع من البياض اعيونها صفر ولابس اسواد كله ومحجبه وطالع عليها الاسواد وياه صفار عيونها تخبل ماشاء الله عليها كعدت مقابيل ايهم وكعدت تسال بي وتسولف.

:- اي ايهم اشلونه دوامك ان شاءلله مرتاح بي .

أيهم :- الحمدلله بخير .

التفتت عليه باوعت بابتسامه وكالت .

:- وزوجتك كمر والله ماتوقعتها هيج حلوه ونازكه .

اني ابتسمت مجامله وكلتلها .

:- تسلمين حبيبتي عيونج الحلوه .

هوه ضحك وباوع عليه وكال .

:- تعرفين ضوق ابن خالتج .

:- اي والله اعرفه ميعجبه العجب والله لو تدرين قبل زواجه الاول ماقبل عليه اشكد اصرت خالتي الله يرحمها عليه ياله قبل يتزوج ام دينا وبعد تعرفين الباقي صدك شخبارها .

أيهم :- والله علمي علمج مااعرف ولا اريد اعرف اخبارها اني هسه عندي تاج راسها ماريد احد يذكرها اليه .

خطيه البنيه اشلون فشلت وكالت .

:- اي والله بس انهار خوش اختيارت اختارت الك .

:- أي هاي جنه كمر ، صح اختارت بس اني ابقه حق الاختيار اليه لان تعرفين انهار قبل هواي خطبتلي قبلها وماقبلت بيهن .

:- اي هم صح .

كعدت شويه و بقت تتأفف وطلع من جوه الكاع سوالف واساله تسال ايهم اخر شي اجه علي الي جان بالسوك وسلم علينه وكال .

علي : اعذرني ابو دينا جنت اكمل شوي السمج .

أيهم : لو داز احد من الشباب يم الشوي ليش انت غير المفروض موجود تستقبل اليجيك والك علي بعدك مخربط .

ضحك الولد بفشله وكال .

علي : ولا جوز من سوالفك ايهم .

اباوع هاي اشبيها عيونها على ايهم كل مايحجي بس ماعفناك موجودين باوع عليه الولد انتبه وكال .

تستمر القصة أدناه

:- يله عمه روحي ساعديهم بصب الاكل .

هيه ردت .

:- اي اي رايحه.

هيه خجلت مادري حست على روحها وراحت وياهم

صبو و تعشينه وكلهم يحجون ويضحكون على الاكل واني عيني عليها الي ماشالتها من ايهم ابد واني الوب ما اتحمل كملو العشه وراح يغسل ايهم رحت ورا ماتحملت وكفنه نغسل همستله .

جمانه : لو باقي بعد تحجي وياها شدعوه لزكت بيك وتحجي منطلق هيج عندك عادي .

هوه يضحك عليه وكال .

:- همزين انتِ كاعده وشفتي بعينج هيج تحجي اني 

شكو .

اجه علي وطبينه جوه نشرب الجاي وطب ولد شاب يطلع فوك العشرين سنه سلم على ايهم وايهم كله هلو خالو ايهم اشلونك اني صافنه هذا اسمه ايهم 

الولد كال للبنيه البيضه.

:- ها ماما جاي وياج واني باوعت نفسه البنيه صفنت بكلبي يعني هاي بت خالته الي جانت تحبه وسمت ابنها على اسمه وصار ساعه دك سوالف على راسنه نار اشتعلت بكلبي هو كاعد بصفي ندسته من جته وهمست .

:- يله ايهم خلي نروح .

:- اي عيني .

كام ترخص وكال .

:- والله على الكعده حلوه وياكم ان شاءلله يوصل ثوابكم اني اترخص .

:- وين بعد وكت اكعد نتعلل شعندك هسه باجر جمعه هم كول دوام عندك .

:- لا والله تعبان اليوم مانمت غير نص ساعه .

اجت هيه نطت من يمها .

:- يااا ليش منايم .

رد وهوه ميباوع عليه و يباوع العلي .

:- والله جنت طالع واجب وتاخرت .

واكفه اني و بكلبي اكول والله لو مباوع عليها اكلب الدنيا عليه سلم وطلعنه ومجرد ما ركبنه بالسياره ساق وندار عليه وكال .

:- وجنه وروح امي ادري كاعده على اعصابج انتِ خاصه من عرفتي هيه منو .

سكتت مارديت عليه بقيت ساكته صاح .

:- مو احجي وياج ليش متردين .

:- ماريد اريد عندك مانع .

عصب وكال .

:- تره مو اصغار احنه وتصرفين هيج جمانه اشبيج شكو اشصار قابل .

:- لا ماصاير شي شفت نفسك شوست .

:- ياربي صبرني اشسويت بله كولي ست .

:- صار ساعه تلغي على روسنه وتسال بيك فاتحه تحقيق وانت عادي عندك ترد عليها وفرحان ولا عبالك اني كاعده.

متحملت راسا بجيت كال

،:- جنه عيونج غاليه عليه وماتحمل ينزلن دموع 

ابد حتى اذا عليه ماريدهن ينزلن

تستمر القصة أدناه

:- لا أيهم ضوجتني حيل اليوم .

احجي واشهك كال .

:- استغفرالله جمانه اشبيج حبيبتي شنو صاعده عندج الهرمونات اشبيج تره اني ماسويت شي غلط او قللت من قيمتج شفتي بعينج اشلون حجيت وياها بجفاف ولا انطيته مجال بس هيه لزكه شسويلها .

:- كافي ايهم سد السالفه عفيه راسي صدع طبعاً

انت كل طلعه اسويها سم عليه .

أيهم :- اني للللللليش جنه بسسسسسس كليلي ابطل ماطلع بعد ويااااااج .

عصب وصار يصيح كتله .

جمانه : اي احسن اصلا اني هم ماريد اطلع وياك بعد .

:- ليش بله متردين تطلعين ويايه اشبيه لج من احجي وياج ردي علللللليه شتحسين من احجي وياج ومتردين جماااااااانه موووووو ويااااااج .

يحجي واني ما ارد تنرفز و جرني من ايدي بنتر حسيت شلع ايدي راساً نزلن دموعي باوع عليه شافني مدمعه رخه ايده استغفرالله و ضرب الستيرن حيل شاف روزه خافت وكامت تبجي التفت عليها وكال بهدوء .

أيهم :- كافي بابا لتخافين ماكو شي .

سكت هوه واني هم سكتت شفته كوه كاتم غضبه اني درت وجهي على الجامه هو كلساع يباوع ويستغفر اخر شي صاح .

:- يا امه محمد اني اجيبها الروحي والله العظيم لو رايح وحدي احسن ولو معتذر هم احسن بهواي اليه طلعتي الطلعه من خشمنه .

اني سكتت مارديت عليه نزلنه بالباب وراح طبيت للبيت لكيت طارق ومليكه كاعدين كلتلهم .

:- ها ماما ها حبايبي تعشيتو بعدكم .

طارق : اي ماما تدرين بيه ابقه لسه من غير عشه اني اليوم سويت العشه وجاي اكلنه اني ومليكه .

:- ها زين بالعافيه ماما .

طبيت بدلت ملابسي ولبست تراك وطلعت بالصاله كعدت طب ايهم سلم وطلع كبل للغرفه بقيت يم الجهال بالصاله حاطين فاكهه وحب كعد امير وروزه يمهم ياكلون امير وروزه عدهم قابليه بكل وقت ياكلون بقيت كاعده وهوه طب سبح وراح بالغرفه اني هم كلت بكلبي بعد احسن بقيت كاعده كملو الجهال وشلت الباقي وطفيت البلازمه والاضويه وراحو بغرفتهم واني هم رحت لكيته كاعد وفاتح الضوه ومطلع كتب واوراق ومادري شيكتب ويطلع

كعدت على الجربابه جكارته بحلكه باوع عليه وكال .

أيهم : ها ست بعدها الطنكوره عندج .

باوعت عليه سكتت لان احس نار بكلبي كال .

:- باعي جمانه اشكد احبج اني وتعرفين هل شي ويمكن اتنفسج مو بس احبج بس ديربالج تقللين

من احترامي لأي سبب كان ، من احجي وياج تردين عليه حتى اذا جنتي مقهوره والو اني مالي ذنب بلي صار وكل شي صار كدامج بس ماريد تعيديها بعد كله ولا قله الاحترام بينه جمانه اول خطوه لفشل ومشاكل الزواج هاي الشغلة واني ماحبها .

تستمر القصة أدناه

نزلن دموعي عاف كل شي بايده واجه بتجاهي سحبني من يدي وكفني كدامه وحضني وضمني الصدره بقوه وكف ومسح دموعي وهمس .

:- شلون بيهن والله ذلني ذل هل عيون لو صرتي تعرفين نقطه ضعفي دموعج .

اني سمعته هيج حجه واني بجيت من كل كلبي بحركه واني حاضنته صاح بصوت هامس .

أيهم : اااااخ يابه كل هل دموع عليه ولج والله العظيم اعشقج اني ليش هل كد غيرتج بس كليلي .

مسحت دموعي وكتله .

:- وليش ترد عليها انت هاا ليششش .

:- اويلي يابه ليش هيج حاركه دمج ولج والله كدامج تسال واني عيب مارد جمانه شيكولون عني زين انتِ مو جنتي طبيعيه شبيج فجأه فززتيني من كلتي يله نروح .

:- اي ما جنت اعرف هيه نفسها هاي الي تصلت 

عليك ذيج المرة بالليل وما جنت اعرفها ام ايهم مادري بس من عرفت لمتك بكلبي وكلت ليش هيج يحجي وياها .

:- هااا يعني قبل ماعرفتيها هيه نفسها .

:- لا ومنين اعرفها بله .

:- على كيفج حبيبتي تره متسوه والله هيج حاركه نفسج عليها واني ماعبرتها .

:- ليش تحجي وياها .

:- جنه عيب مارد .

:- أي لترد عليها ، اي صدك شنو تكول ماخذج بعد طبعاً علمود تبقه براحتك وياها .

:- ليش هيج جنه تشيلين غيبتي بداعت جهالج اني غلطان اليوم من دون حركه كلبج .

:- لا لا بس هيه تحوص ونضراتها الك واضحه.

:- وشعليه بيها اني اهم شي اني مو صح .

:- لا احسن حل بعد متروح اذا عزموك .

:- صاررر راح اكله العلي جنه اضوج من عمتك وماخلتني بعد اجيكم .

:- اي عفيه .

؛- مو كافي زعل ونكره تره شيبتي حالي بكلامج بس اطلعها بيج بغير شي .

حضني وتجرء بحركاته وحضناته همس.

أيهم : ها هسه شتريدين ترضين مو .

حجاها وغمز بحيله كتله .

:- متروح بعد ولا تحجي وياهن .

:- صار بعد ، شي عندج ناسيه شي .

:- لا كملت .

:- رضيتي عليه هسه .

:- اي مازعلانه .... اشبيك ايهم .

سحبني بقوه وصاح .

:- اااااالله اجه دوري هسه مدام رضيتيج تعالي اطلعها من عيونج .

:- لا لا عليك الله لا .

؛- بعدني ماسويت شي .

:- كافي لا ايهم .

تستمر القصة أدناه

:- لا حبيبتي مو كافي اسكتي لتتنعوصين اشلون تخليني ساعه اراضيج مدام رضيتي هسه اريد حقي .

:- لا لا بطلت مارضيت .

ضحك وكال

:- حجي يفيدج والله.

:- روح كمل اوراقك راح يطشرن .

:- عوفين مامستعجل شعندي .

سوه هجوم ...وووو وووووو ..

بعدها كتله .

:- ايهم ليش هيج تعاقبني .

:- احسن اذب عقوبتي بيج هيج لان متدرين شلون تحركين كلبي من احجي وياج ومتردين لو تبجين على كل شي وتعرفيني اني ماتحمل تنزل دموعج ابد

وبعدين هاي هم مسميتها عقوبه لو تشوفين العقوبه الصدك شسوين .

:- لا لا اشكرك ماريد عقوبتك

:- احبج والله وما اتحمل خبالج وبعدين تعالي اكلج مو كافي غيره اشوكت تكبرين انتِ ، بس كليلي عمي كافي تغارين بعد .

:- وليش اكبر عيني وليش متريدني اغار يعني هيج 

انت تكلي لتحبيني بعد .

:- لا حبيبتي حبيني براحتج بس غيرتج تسوي مشاكل وتعصب بيبي جنه تره صرتي بيبي ها

يحجيها ويضحك كتله .

:- متقل لتخاف مدام الحب موجود وياك واذا بيبي يعني تريدني امحي مشاعري ايهم .

:- لا لا حبيبتي امووووت على مشاعرج وقابل بيبي واحله بيبي والله عاد انتِ اشلون بيبي ماخذه عقلي كله .

:- اي واذا بيبي يعني شنو مثلا .

:- والله انتٓ زوجتي نور بعد تحملي هل كلمه .

:- اي تره نور مو بنتي صديقتي هاي واختي الصغيره احسبها لان فرق بيني وبين نور 17سنه اني اكبر منه .

ضحك بصوت وكال .

:- ربي يحفظكم كلكم اليه يا عمري .

:- ويحفظك النه حبيبي .

:- تعبت ونعست راح انام .

:- شنو متكمل الاوراق .

:- لا الصبح باجر جمعه ماعندي شي اسويهن براحه تعبتيني انتِ .

:- اني شعليه انت صرت ادور عقوبات ابو العقوبه .

:- اي واحله عقوبه هاي وين لاكيها واحد هيج يعاقبج بال......وس والحضن .

:- لا تسلم حبيبي .

آخر شيء ما اعرف شلون نمنه ومرت الايام وكل يوم حبي يزيد الايهم وتعلقي بي يكبر مرات احس ايهم ابني الجبير واخاف عليه مثل ما اخاف على جهالي وهو يكلي .

:- جمانه تعرفين مرات احس بيج مثل امي شلون جانت تخاف عليه من اتمرض واشلون تهتم بيه وبعلاجي انتِ هيج .

تستمر القصة أدناه

ضحكت وكتله

:- اني مثل امك يعني .

:- اي والله نفس حنيتها وخوفها عليه .

رجعت اضحك وكتله .

:- احسن واحله ابن بالدنيا انت شلون ابن اكبر من امه .

صرنه نضحك ونسولف كملنه الريوك وكعد يكمل شغله وسجلاته جايبهن بالبيت واني رحت انضف البيت وسوي الغده الجهال نايمين عطله اخر السنه

خليتهم نايمين ومرتاحين سال عليهم كتله .

:- خليهم نايمين حتى تكمل شغلك .

:- بس اني تعودت على دوختهم جنه روحي

كعديهم خصه امير وروزه باله مليكه مالها صوت ومن يضوجوك صيح عليه هههه روحي كعديهم .

:- أيهم متكعد بنتك نومها ثكيل روح انت كعدها راح اروح احضر الغده اني .

:- يله كايم .

رجعت كتله

:- اكلك ايهم خلي ننتضر طارق بلكي يجي هسه من الشركه ونتغده سوه .

:- يله براحتج حبيبتي .

راح يكعد بروزه ويبوس بيها علمود تكعد اجيت صحت .

:- يله حبيبي اموري اكعد ماما صار الضهر يله مليكه كومي بنتي .

:- اي ماما كعدنه .

رحت لملمت الغرفه ورتبتها وكعدو صافنين على التخم .

:- يله كوم امير انت وروزه صلو حبايبي قبل لا اصب الغده شوفو مليكه كعدت كبل راحت اتصلي اله انتو ابقه الح عليكم ياله اصلون .

روز :- اي ماما خلي وره الغده اصلي .

:- لا روزه كومي هسه يله بعد منتضره طارق يجي واصب الغده .

دك طارق رديت عليه .

" ها حبيبي طلعت يله منتضريك نتغده سوه .

سديته وجيت .

:- مليكه كملتي صلاة حضري ملابس الاخوج جاي بالطريق هسه اكيد كاتله الحر .

راحت روزه وامير كملو صلاتهم وكعدو اجه طارق سلم وراح سبح صبيت الغده ومليكه تحضر الطرشي والماي وكعدنه نتغده وايهم يسولف ويا طارق ويتناقشون بهواي امور واني صافنه عليهم وبداخلي فرحانه على علاقته بعمه وشلون متفاهمين بيناتهم ياربي لتحرمني هل جمعه والكعده الحلوه وتحفضهم اليه من كل عين تحسدهم امير وروزه مره يحجون ومره يتناقشون وياهم بالكلام وايهم منطيهم حق ومجال للنقاش اني ضحكت وكلت .

:- هسه انتو ليش تدخلون اسمعو واسكتو .

أيهم : اهاا اشلون روزه وامير ميتناقشون مو عيب .

ضحكنه عليهم ساعه يتناكرون وساعه يتناقشون كملنه الغده وكعدنه نشرب جاي ودكت نور رديت .

" هلو حبيبتي اشلونج اخبارج فاتحه كامره ونشوف فوفه حبيبتي تضحك وتناغي حبيبتي فدوه كبرانه ماشاء الله فوفه

تستمر القصة أدناه

جمانه 

" اي ماما اليوم وحدج بالبيت .

نور 

" اي راحت عمتي البيت اختها وبقيت حدي .

" ها فوفه بقت روزه تحجي ويا فوفه وتضحكها بالكامره وايهم هم فرحان يناغيلها وكال .

" حبيبتي جدو .

جمانه ضحكت من كل كلبي جدو صاح بيه .

أيهم : لج جمانه عليمن تضحكين .

:- والله موقصدي انت مو متريد جدو .

:- أي ولج لعد. شكللها .

بقينه نضحك على فوفه وسدته وراحت ودكت دينا ضايجه وبالكوه تحجي .

دينا 

" بابا مادريت ابن عمه انهار بشغله يوزع طلبات وابو المطعم ماخذ منه كميه مواد بالخمسه مليون وغالقه للمطعم وهسه هوه لازم يتحمل الخساره .

أيهم 

" صدك هل حجي .

دينا 

" اي بابا .

أيهم 

" اكيد امج وعمتج انهار كلتلها .

دينا 

"لا وين ماما وعمه انهار ميتحاجن من العام .

أيهم 

" هااا ليش .

" مااعرف والله .

" وامي حضرت انهار وحتى من مبايلي اني حضرت عمه انهار .

" وليش باله .

" مااعرف كتلك والله .

" يله بعدين اخابرج وافهم منج بس تبقه عمتج وعيب تحضريها من مبايلج .

" مادري اني بابا شعليه بيهن واصلا عمتي متتصل

عليه ابد .

" خلي اشوف عمتج هسه وبعدين نتخابر اني وياج .

سدا و دك على انهار ماردت كتله .

:- اخاف نايمه مشغوله تدري حاره والعالم متطلع .

:- ما اعرف يجوز .

:- اي شعجب هسه تخاربن الحبايب وحاضرتها .

حجيت واني اضحك كال .

:- شعليج بيهن .

:- لا مو ايست منك ومن انهار كالت متكدر تقنعه بعد

دكتها ببلوك .

:- لا وداعتج من يومهن ماوحده تحب وحده بس هيج عناد .

:- اي وهسه ماستفاده بعد. من انهار وحضرته .

مكدرت اسكت احجي واضحك كال .

:- والله عليج سوالف جمانه .

:- اي مجذبه قابل كتلت روحها بس تريد ترجعلك قبل .

دك مبايله شلعته من الشحن وكتله .

:- هذاي انهار ادك عليك .

اخذه مني ورد .

" هلو انهار اشلونج اخبارج شنو هل حجي الي سمعته ابنج .... شنو بايع بضاعه الابو مطعم ومعزل المطعم .؟

تستمر القصة أدناه

عفته يحجي وياها وطبيت جوه يم الجهال ملتهين بالمبايلات ومليكه كل معتاد تباوع زي الوان اجت كالت .

ملك : ماما انطيني مبايلج خلص مسلسلي .

:- هاج حبيبتي .

رحت كصيت ركي وجبت ماعونين .

:- هاج مليكه خلي يم اخوانج بالكاع اكعدو اكلو نص و خلو منه الطارق نايم خطيه .

:- اي ماما .

ورحت خليت ماعون يم ايهم وكتله .

:- ها اشبي صح الي كالته دينا .

:- اي خطيه طلع صح .

:- وهسه شراح اسوي .

:- راح تجمع المبلغ وتنطي للشركه بمكان ابنها لان هاي خساره لازم ابنها يتحملها .

:- خطيه الله يعوضهم .

:- اي تكول داينت وجمعتهن وراح يرحون باجر ينطون .

:- ان شاءلله .

صار العصر وطلع كل معتاد ايهم لسوك ويجي وره صلاه المغرب

طب سلم وكعد شاف نوره هيه وبنتها يمي ابتسم وكال .

أيهم : اليوم فرحانه نور وفوفه يمج .

:- اي والله ايهم حيل افرح بشوفتهن حبايبي .

اجوي كعدو الجهال بالصاله نجمعنه سوالف وضحك

اجه طارق كال .

طارق :- اليوم العشه عليه دزيت من المطعم دجاج على الفحم وكباب لتسوون شي .

نور : هلا باخويه اليوم طارق عازمنه .

طارق : اي هاي عزيمتي الفوفه حبيبت خالها .

نور : يعني اليه والبنتي العزيمه.

:- اي شعندي غيرج كم نور عدنه.

نور : حبيبي انت .

جمانه: اندك الجرص روح اموري هذا ابو التوصيل جاب العشه .

جابو ورتبنه السفره ونجمعنه كلنه عليها نتعشه .

جمانه : جيبي فوفه حبيبتي يمي وانتِ تعشي براحه.

نور : اي هاج ماما .

أيهم : بس انتِ اشلون تاكلين جمانه .

:- اعرف ايهم اني عادي اكدر اكل .

:- ها زين لعد .

كملنه العشه ولملمنه السفره وجبنه الببسي والكرزات والفواكه وكعدنه نتعلل والكل فرحان بفوفه تفتر من حضن الحضن بينه وزوزه تغار منها وتفتر اله تشيلها .

أيهم : شو جيبي جمانه انطيني فوفه شويه .

:- هاك حبيبي .

:- والج هاي تنكرط كرط شهل عطر الطيب .

نور : عمو انت بيك واهس بالعطر .

أيهم : اي والله مو بيدي والنضافه حلوه عفيه نور بابا حيل مهتمه بنتج ونضافتها .

تستمر القصة أدناه

ضحكت وكالت .

نور : طبعاً نضيفه اني بت جمانه عليمن اطلع .

ضحك عليها وكال .

أيهم : ونعم منج ومن امج .

كعدت يمه شفته هادءَ تشجعت وكتله

جمانه :- ايهم مارجعلتي خبر على القصه مو كتلك اريد انشر قصتي والله عاجبني أشارك العالم بيها .

( من حبي للقصص حبيت انشرها لان بيه هواي عبر

وجان عندي احساس راح تعجب المشاهدين هواي)

صفن عليه بحيرة وكال .

أيهم : انتِ منين اجيبين هل افكار جنه .

ابتسمت اله هوه رجع ابتسم وكال .

:- واني اكدر ارفض طلب الج هذا هوه براحتج بس بشرط جنه .

:- شنو حبيبي كول .

:- ماريد لا صور ولا ذكر أسماء ولا امور شخصيه تعرفين حتى الصور منعوها علينه بسبب الدوام .

:- اي حبيبي ابد مينذكر كل شي خاص بس اني اتابع القصه واعلق على قصتي .

:- هذا هو اذا عاجبج انتِ .

:- اي والله حيل عاجبني هل شي أيهم .

:- ماعاجبج غير شي .

حجاها وغمزلي .

:- ايهم هااا الجهال كاعده .

:- اني شكلت ليش تخلين بيها انه .

الجهال ضحكو على كلامه ضجت وكتله بضحك.

:- ها ايهم شفت هيج احسن تره كبرو محد بقه صغير .

هو صاح عليهم .

أيهم : اني كلت شي غلط بابا .

كلهم ردو بصوت واحد .

:- ههههه لا عمو ماكلت شي .

أيهم : تعالي بابا نور هاج فوفه لان روزه تباوع وتغار.

اخذت نور بنتها وحضن روز وكال الها .

:- لج بابا انتِ كل عمري هاي فوفه بس نضحك عليها وعلى امها .

روز : لا بابا اني احبها فوفه .

نور : هااا عمو هاا تضحك عليه وعلى بنتي اني زعلت .

أيهم : هاي شلون ورطه ودوخه خلي اكوم اغسل اديه احسن من دوختكم اني وين اكدر الجن وانتن امجن جمانه .

ضحكنه كلنه من كلبنه رجع ايهم اخذ فوفه من نور ويلعب بيها اعرفه يحب الطفل الصغير يحب يلعبه

ويناغيله باوعت عليهم وفرحت بداخلي ربي لا تحرمني منهم ومن جمعتهم وتحفضهم اليه من كل شر وعين

بهاي الحضه صفنت على اسم القصه شكد ينطبق على ايهم هل اسم لان صدك ماكو مثله شبيهم وفعلا

هو لا يشبههم 

بحنيته وحبه وطيبه كلبه (هوه لا يشبههم) جان هل اسم لايك عليه حيل وهم هل االاسم انطبق على بسام هم هوه لا يشبههم بكل تفاصيله الموزينه واغلاطه ميشبههم ابد هل الاسم كدر يجمع بين شخصيتين بان واحد. ومرت ايامنه حلوه متخله من حب ايهم واهتمامه بيه وبالجهال صح حياتنه متخله من المشاكل بس مو حلو الحب من غير عركاتنه

شكد جنت اسمع الاوقات الحلوه تمر بسرعه البرق بس اني عشت هالشي الوقت ويا ايهم يمشي. بسرعه والايام والاشهور الي جاي اعيشها ويا خلت جمانه من جديد تنولد جمانه سعيده مبتسمه مرات اتخيل حياتي بدونه اموت مجرد التفكير يقتل أيهم هو صديقي وحبيبي الامان الي التجىء اله بكل وقت المكان الي اعرفه ينتضرني دايما حتى يحتويني المعلم الي تعلمت الحب الحقيقي على ايده رغم شكد شفت وجع وحزن وقهر ونقص واهمال بحياتي بس عوضهن كلهن ايهم وكدر يرجع فرحتي وثقتي بنفسي من جديد بعد مافقدته ويا بسام كل ما أتذكر اشكد نضلمت من اهلي بس يبقون اهلي وكدرت اسامحهم لان بيهم ريحه ابويه حبيبي الله يرحمه وحمواتي سامحتهن رغم شكد شفت وسمعت منهن اذيه اليه بس كدرت انسه وافتح صفحه جديده وياهن من شفت كسرتهن وره وفاه امهن الله يرحمها والخاطر اطفالي يبقن عماتهم وبالاخص طارق من شفته عينه على بنت عمته زينه ومعجب بيها عندي استعداد اسامح الكون كله الخاطر اطفالي

اهلي حياتهم مثلها متغير شي كواكب مداريه امي ومتحمله اطفال اخويه واخويه

وهدى وحسان مصار عدهم شي بس رغم هذا بقو سعداء بحياتهم .

اسامه تصرفاته يوم عن يوم تسوء يذكرني بتصرفات بسام قبل بس طبعا هو احسن منه بهواي شغلات بقى بيت اجار هو وعائلته .

محمد اخويه بالرضاعه وعزيزي عايش حياته مرتاح أسس بيت واطفال وحياة زوجيه ناجحه .

طيبه بقت كاعده بيت وحدها وتجي تزورنه على طول وحتى بقيه خواتها هم يجن واحنه نروح عليهم .

امل طليقه أيهم شبه انقطعت اخبارها ودينا ولينا يجن كلش قليل علينه مو مثل قبل بس ابوهن على طول يتواصل وياهن ويلبي كل احتياجاتهم .

اما اني وايهم تكدرون تسمونه روميو وجوليت فرع العراق هههههه اموت عليه وهو هم حيل يحبني ربي ميحرمنه من بعض

وهنا نختم القصه اتمنا عجبتكم قصتي رغم بيها مطبات وحزن هوايه بس كدرت اكمل حياتي وبقوه وعزم لان جان املي بربي جبير و دوم عندي احساس يجي يوم يعوضني ربي وعوضني والف الحمدلله والشكر احب اشكركم كلكم واحب اكللكم اني جنت وياكم بكل خطوة واقره واعلق وحتى مرات ارد عليكم تحياتي الكم .

ثقل ميزانك بذكر ﷲ:

• سُبحان ﷲ

• الحمدُللّٰه

• لا إله إلا ﷲ

• ﷲ أكبر

• سُبحان ﷲ وبحمدهِ

• أستغفر ﷲ

• اللهمَّ صلِ على محمد وآل محمد