رواية صراع الشيوخ الفصل التاسع والثلاثون بقلم ليال القمر
ارجوان بمكر: الشروط هي اولا اكمل دراسة بس خارج العراق يعني نفس جامعتي
ثانيا ممنوع يطلب مني البس عباية ونقاب
ثالثا اسافر لامريكا ميمنعني
رابعا مرته متدخل بية ابدد
خامسا يخليني اشتغل بشهادتي
ساد....
خامسا يخليني اشتغل بشهادتي
ساد....
جواد بتوتر: شنو گمت ادوخ باباتي هذني شروط لو مكونات زلاطه
ارجوان بضيق: بابا هسة موزين من وافقت وبعدني مامكملة
سادسا يعزلني عن اهلة
وطبعا هذني الشروط ينكتبن بعقد السيد وعقد المحكمة
جواد ضل مسطور وشمس ابتسمت بمكر وغمزلتهة 😜
جواد: يابووووية ولچ شمس هاي بتچ طلعت بعد اضرب منچ
شمس بغرور: طبعا حبيبي هاي بنوتي
جواد: ههههههه اذكر شروط امچ يابوية شگد
ارجوان بجمود صافنه علة ابوهة: هسة تتصل علي وتگولة بالشروط
جواد: ميحتاج من يجون انه اگولة
ارجوان: اوكي مو مشكلة بس ممنوع تنقص بالشروط واذا ماوافق عليهن ماكو نصيب
جواد صافن عليهة ويتذكر شمس هم هيچ چانت
جواد هزلهة براسه وارجوان ابتسمت بخبث وطلعت من غرفة امهة وابوهة لگت الاء دتدخل الغرفتهة راحت وراهة
الاء: هاي وينچ
ارجوان: چنت يم بابا وماما
الاء: تعاي احچي وياچ
دخلن للغرفة وگعدن علة الجرباية
الاء بحماس: شوفي اذا انتي مغصوبة ارضي بنصيبچ وصدگيني بعدين بالمستقبل تتذكرين وتگومين تتحسرين علة اللحظات الضيعتيهن تطلعين الهن اليوم وتلبسين احلة لبس عندچ ولو انتي تخبلين بس ميخالف
واذا علة الشيخ كسبي الچ حته لو ماتحبي ميخالف تغزلي بي وهو يصير محبس باصبعچ
والله وتصيرين انتي الكل بالكل
ارجوان بمكر وهي تباوع ل الاء: لتخافين علية عمه اعرف كولشي حته لو ما احبة حكسبة ولتخافين وياچ ارجوان موحيالله 😜 نسيتي احنه معروف عنه بالمكر
الاء 😉: عفية صيري سباعية بعد علة شني انه انطيچ نصايح وانتي ماشالله تعرفين كلشي
ارجوان سكتت تفكر وابتسمت بمكر: صراحة عمه حياتي راح تصير اكشن
عمه: لعد شعبالچ والله العيال يونسوچ بس شني لازم تصيرين شاطرة
ارجوان هزت براسهة وگامت: يالله اني ححضر روحي
الاء مكيفه وتشجعهة وتنطيهة نصايح وارجوان تسمعلهة باهتمام طلعت الاء وارجوان لبست فستان ماروني كلوش قصير يوصل لحد ركبهة ومن الصدر كولة بي نقوشات وزخارف يخبل فتحت شعرهة وسوته كرلي صارت تخبل وخلت مكياج هادئ بس شنو طلعهة فدشي
ولبست كعب اسود مو كولش عالي حته متبين طويلة باوعت لنفسهة ابتسمت برضا ولبست مجوهرات نازكة ضافت لمسة لملابسهة ولشكلهة
الاء وهي تدخل الغرفتهة وگامت تصوفر: وليييچ شني هالجمال عزة بعينچ تخبلين
ارجوان بغرور : ميرسي حياتي كولچ ذوق
الاء باعجاب: عفية عليچ هيچ تعاملي وياهن شوية صيري مغرورة ولو انتي مايحتاج ماشالله علة غرورچ وشني احچي وياهن حلو وتنعوصي بحچيچ صدگيني راح يشعوطن من الغيرة ويحترمنچ غصبا ماعليهن
ارجوان بمرح: هاي شنووو عمه طلعتي مو هينه
الاء بغرور: لعد شعبالچ متشوفين كلهة محترمتني
ارجوان ابتسمت وشافت نورهان تدخل الغرفتهة وتحچي بحماس: ارجوااااان يالله طلعي امچ تگول
ارجوان باوعت لعمتهة واخذت نفس عميق وزفرته علة مهل
نزلت جوة وشافتهن النسوان يحچن ويسولفن ومنطلقات بالسوالف
ارجوان ببرود وية ابتسامه تخبل: سلام عليكم
النسوان كولهن وگفن
ام امير باعجاب: ماشالله عليچ عين الباردة عليچ يمه شني حليانه وكبرانه
ارجوان حضنتهة وباستهة بخدهة: تسلمين خالة مشتاقتلچ هواي
نهلة انسطرت تريد تحچي بعد متعرف شنو تگول
مها بهمس: هاي هي ارجوان شفتيهة
نهلة بقهر وغيرة وحقد وتحچي بصوت ناصي : خرررب وليچ دشوفيهة منجرمن يعشگهة دشوفي اللبس والجمال اهمدة حظي اي والله
ارجوان باوعتلهن وكولهن حضنتهن وهنة يباوسنهة اخر شي وصلت يم نهلة: مرحبا
نهلة ضلت صافنه عليهة
ام امير: يمه ادجان هاي ضرتچ
ارجوان ماحچت شي حضنتهة
نهلة ماعاجبهة والغيرة عاميتهة : شلونچ ضرتي
ارجوان بغرور: الحمدلله زينه انشالله نصير خوات مو صح
ام امير: اي يمه انتن بعد خوات الله يحفظچ يمه شلون تربية واصول گبل حبت ضرتهة
ارجوان ابتسمت باصطناع وطبعا هاذة كلة تمثيل بس هي من داخلهة ودهة تطردهم كلهم
گعدت بكبرياء وغرور علة التخم والنسوان يحچن وجابن سيرة الخطبة
ام امير: ها يمه شگد تطلبون مقدم ومؤخر
شمس بابتسامه راقية: والله اني والشيخ اتفقنه المقدم يكون 00 ملايين والمؤخر00 ملايين
ام امير بابتسامه : اي خير انشالله هو بعد ابني الشيخ يتكفل كلشي واحنه انشالله نجهز للبنية
ارجوان ساكتة متحچي ونهلة تباوعلهة بغيره وحقد
والاء مكيفه تباوع علة النسوان كلهن مشعوطات من الغيرة علة ارجوان خو الچناين محترگات ودهن ينتحرن
ضلن يتفقن ويحچن
العم كريم: شرفتونه
العم صادق: والله نحنه اللي تشرفنه امروا شني تطلبون واحنا حاظرين
جواد انحرج لان شروط ارجوان يفشلن : والله انه عندي شروط
امير: تفضل عمي
جواد: اريد بنتي تكمل دراسة بنفس كليتهة وتشتغل بشاهدتهة بالمستقبل
امير هنا ميعرف شيسوي: عمي انه ارضة تكمل دراسة بس شغل صعبة
جواد بجدية: والله ياشيخ هاي شروطي
امير كتم عصبيته وابتسم: انشالله خير
جواد سطرلة شروطهة كولهن بس بطريقة افضل والطف واحترام اكثر وامير محترگ من داخلة بس وافق عليهن كولهن حته بس يحصلهة
امير: والله ياعمي انه راضي علة كل الشروط بس ماگدر اطلع بيت وحدي لان قانونة اهو نعيش بهاذ البيت وانه اريد اكون داير مداير اخوتي وامي صعبة ترة والبيت ماشالله چبير
جواد سكت يفكر بجدية: خلص مو الة بيت المهم تنعزل افضل النه والكم تعرف انت متزوج وشغلة الضراير صعبة
امير بجدية: عمي انه عندي جناح خاص يعني تقريبا معزول
جواد: خلص اذا هيچ انشالله خير
العم صادق: علة بركة الله نقرة الفاتحة
كلهة قرت الفاتحة وهنوا امير وابو احمد علة الخطبه
العم كريم بهمس: هاي شروطهة هي مو
جواد بجدية: اي هي وهاذة حقهة
العم كريم سكت وماحچة شي والشيوخ والكبارية كلهة طلعت والنسوان هم طلعن واتفقوا اسبوع الجاي الخطوبة
~_~_~_~_~_~
امير بعصبية: شفت حسن شفت الشروووط انه متاكد هاذي شروطهة
حسن: امير هاذة حقهة وانت اذا ماتريد ارفض شروطهم عادي
امير بحيرة: لويش هي خلتني افكر بوكت المشية حچوا بالشروط وخلوني گدام امر الواقع ولا بية ارفض ولا بيه اسوي شي
حسن؛ ههههه امير اهدة يمعود چا حرمة هيچ سوت بحالك
امير بضيق: هو انت قابل بمكاني حته تنحط بموقف محرج
حسن: ههههههه عريس اگعد ترة خطوبتك بعد اسبوع
امير گعد وياكل بروحة من جوة
×+×+×+×+×+
الاء بضحك: ههههه شفتيهن شلون چانن يدحگن عليچ
ارجوان: اي عبالك قاتلة ابوهن
انسام: لا ما اصدگ ارجواااان انخطبت كللللللوش
الاء: ولچن صفگن هلهلن واخيرا راح نفرح بالعانس
البنات: كللللللللللللللللللللللللللوش 👏👏👏👏👏👏
ارجوان ساكته وتباوعلهن وهنة يهوسن ويضحكن
كواكب: وهاية الرادهة وهاي اللي تمناهة بنت الشيخ لابن الشيخ جبناهة كللللللللللللللللللللللللللوش
الاء: ارجونه ياچكليته حامض حلو باكيته 👏👏
انسام: هلة هلة 👏👏😍😍 راح يصير عدنه عرس واقوة هلهلولة للعانس
البنات: كلللللللللللللللللللللللللللللللللللللللللللوش
ارجوان ضحكت عليهن لان يضحكن من يرگصن ويهوسن
الاء بخبث: وشيخ امير عارف رايدته وعايف بنات ولايته كللللللللللللللللللللللللللوش 😉
ارجوان خجلت وتضايقت لان قصدهة علة حبه الهة
ندى مرت العم كريم دخلت لغرفة ارجوان ورگعتهة بهلهلولة: كلللللللللللللللللللللللللللللللللللللل
لللللللللللللللللللوش
البنات تخبلن يصفگن ويهوسن
شمس عيونهة دمعت وحضنت بتهة: انشالله يكون الزوج الصالح
ارجوان: انشالله
سحر مرت العم ابراهيم : كللللللليش عالخير حبيبتي انشالله السعادة
ارجوان ابتسمت بامتنان والبنات يرگصنهة ويهوسنلهة وهي خجلانه
_~_~_~_~_~_~
حسن بخبث: اگلك عريس شوكت تعرس صدگ
امير باوعلة بنظرة الصقر خلت حسن يخنس
العم صادق: شمالكم ماتفرحون لابن عمكم
اولاد عم امير واخوته يهوسولة وهو فرحان لان واخيرا اخذ محبوبته الي سوة المستحيل علمود تصير الة
حازم: هم شيخ وهم عريس وهم اهلة يزفونه كلللللللللويش
الشباب كولهة ضحكت علة حازم والشباب انطلقوا كل واحد يبدع
امير ابتسم وتنهد براحة وهو يشوف ولاد عمامه فرحانين ويهوسولة واخوته يغمزولة ويصفگولة
////٠/٠/٠/٠////
مر هاذة الاسبوع بسرعه من تجهيزات تحضيرات وشغل وكلشي وارجوان متوترة وخايفه وماعاجبهة العجب وتعاند وام امير تجيب وتسطرلهة بالغراض وهي ميعجبهة وترجع من الغراض وتاخذ غيرهن وام امير منعجبة بذوقهة لان اخياراتهة حلوة ومن اقترب موعد الخطوبة گامت تتوتر وتخاف لان راح تعقد علة امير يعني راح تكون مرته
ارجوان بارتباك وهي تحچي وية ام الصالون: شوفي اريدچ تسويلي تسريحة تشيلين شوية منه والباقي تسوي كيرلي اريدهة نازكه ماريدهة هوسة بليز
ام الصالون: ههههههه شمالچ حبي اهدي ليش هيچ متوترة دخل ابدي بالمكياج الاول
ارجوان: مادري خايفة كولش
الاء: حبيبتي ارجوان كل بنية تتعرض لهيچ شي عادي طبيعي تتوترين
بدت ام الصالون تسويلهة مكياجهة وچان كولش هادئ وحلو عليهة سوتلهيا ترابي وسعتلهة عيونهة وطلعت تخبل وكملت التسريحة وارجوان لبست البدلة بالصالون
الي هي لونهة نيلي طوووخ بس شنو كولهة فصوص وشغل كولش حلوة وراقية وخصيصا البدلة گعدت عليهة فيت وية جسمهة صارت كولش حلوة ولبست كعب نيلي عالي حته شوية توصل لامير لان امير كولش طويل وضخم وهي بالنسبة الة كولش ناعمه وقصيرة
باوعت لنفسهة واخذت نفس عميق وزفرته علة مهل
الاء: اللهم صل على محمد وال محمد شني هالجمال وليچ الشيخ اليوم يتخبل اعليچ
ارجوان بارتباك: صدوگ حلوة طالعه
الاء 😍😍😍: ماشاءالله تخبلين اول مرة اشوف هيچ جمال عيني الباردة عليچ
ارجوان ابتسمت بارتعاش وباوعت لروحهة بالمراية چانت صدوگ طالعه من اكثر المرات حلوة الى درجة رهيبة
الاء: يالله الحفلة حتبدي صارت بالثلاثة العصر
بلعت ريگهة والاء لبستهة البرنص مال عرايس وخلت علة وجهة تول علمود ميبين وجهة واجه عليهن حيدر زوج الاء وراحن للبيت الي هي الحفلة والخطوبة هناك
§₤₤§₤§₤§
امير بفرحة: ولك حسن ماصدگ ارجوان حتصير من نصيبي
حسن بفرحة لصديقة 😉: اي الذيب فرحان چا خطوبة الحبيبة اليوم
امير وهو طاير من الفرح: الله احلة شعور اشعرة بحياتي
حسن : هههههههه امير والله تضحك ولك بعرسك الاول چنت چنك گاعد فاتحة مو بعرسك
امير: چا مو ابوي الله يرحمة مات تريدني انزف واسوي حفلة
حسن: صح
طبعا مرت سنه علة موت الشيخ شهاب يعني صارلة هواي من مات
جاسم وهو يغمزلة: هلة بالعريس شلونك خوية
امير وهو يسلم علي: الحمدلله بخير
زيد وهو يحاوط امير من چتافه: هااا يالذيب شلون شعورك هسة
امير بسعادة: ماعرف بس اجمل شعور
زيد 😉: تعرف شني سبب هاذ الشعور
امير بتساؤل: اي بالله زيد
زيد 😜: لان ماخذ من بيت الشيخ زيد الي يسچ
امير 😒: لا والله
زيد: هههههههههههه چا اچذب اعليك
احمد بابتسامه: سلام شباب شلون الاحوال
امير وهو يسلم علي وسلم علة قاسم والشباب الباقين: الحمدلله
مهدي اخو امير: هم شيخ وهم عريس وهم اهله يزفونه
هلة هلة
حازم: كللللللوويش
كل الشباب ضحكو علة حازم طبعا هاي الهوسة كلهة بس شباب الشياب كلهة گاعده بالديوان والشباب برة موجودين ويهوسون ويرگصون
شهم اخو امير: خوية امير وصل السيد
هنا امير گلبة گام يدگ سريع ودخل للديوان وضلوا يسوون طقوس العقد
&&&&&&
دخلت ارجوان للبيت والهلاهل ترگع
زينب عمه امير : كللللللللللللللللللللللللللوش
وهاي الي رادهة و الي تمناهة بنت الشيخ لابن الشيخ جبناهة كللللللللللللللللللللللللللوش
👏👏👏👏👏
سلوى عمة امير: لعبن لعب عماته علة عناد خالاته كللللللللللللللللللللللللللوش
خالات امير: لعبن لعب خالاته وعلة عناد عماته 👏👏👏👏👏👏👏
ليال والاء: واحنه عمات العروس واليوم نلعب جولة كللللللللللللللللللللللللللللللللللللللللللللل
للللللللللللللللللللللللللللللل
لللللللللللللللوش👏👏👏
البيت عبارة عن رگص وهوسات وتصفگ
ارجوان نزعوهة التول والبرنص وكلهة گامت تصلي علة محمد
ام امير وهي تبوس ارجوان: اللهم صل على محمد وال محمد قل اعوذ برب الفلق مبروك يمه انشالله تتهنين بحياتچ
ارجوان ابتسمت وباست اديهة: الله يبارك بيچ خالة
شمس: تعاي اعرفچ علة خالاتچ
ارجوان تعرفت علة خالاتهة طبعا هي عدهة ثلاث خالات وكلهن عايشات ببغداد مراح اذكرهن لان مو مهمات بالرواية
گعدت ارجوان علة التخم والطاولة الي گدامهة كلهة مزينه كلة كيك وكرزات وعصاير واشكال الوان
ام امير: يمه لويش ما لبستي سيت المهر
ارجوان: ليش لازم البسة
ام امير: اي يمه چا غير تعقدين بي
طبعا صعدوهة بغرفتهة ولبست سيت المهر ونزلت والعيون كلهة صارت عليهة چانت طالعه تخبل وخصيصا بالسيت مفصل تفصل علة جسمهة وهي جسمهة حلو وعدهة انوثة طاغية صارت تخبل
نزلت وخجلانه گعدوهة يم بابا الديوان الثاني اللي يطل علة الصالة وخلو طاسة ياس واشكال وقرت قرآن وعقدلهم السيد والنسوان گامن يهلهلن والزلم يباركون لامير ولابو احمد
چانت اجواء حلوة مفرحة وعائلية
صعدت ارجوان لبست بدلتهة النيلية ووگفت گبال المراية ورشت عطر وگلبهة يدگ سريع
الاء وهي تعدللهة الفستان والبنات كل وحدة تسوي شي وحدة تصبغ اضافيرهة والثالثة تعدللهة شعرهة
الاء: شمالچ
ارجوان: مادري احس جسمي كولة يرجف ووجهي صار نار وگلبي يدوگ سريع حته هم گوة اتنفس
الاء: ههههه عادي شي طبيعي شايفتنه احنه كلنه نفسچ چنه
ارجوان هزلتهة براسهة ونزلوهة والنسوان هم يهوسن
گعدت شوية وگالن الشيخ امير حيدخل
اهنا ارجوان گامت ترجف وودهة تموت ولا توگف بنص الناس
فتح الباب امير ودخل
النسوان: كللللللللللللللللللللللللللوش امير ياچكليته حامض حلو باكيته 👏👏👏
هو كلشي اختفه من يمه بس ركز بيهة مامصدگ صارت اله وحاليا هي مرته
ام امير وهي تبوسة: مبروك يمه انشالله الولد الصالح
امير باس ايدهة وراسهة: انشالله يمه
مشة بهيبة ووگف بصف ارجوان وباسهة من جبينهة ومن خدودهة
ارجوان هنا ماعت من الخجل وجهة صار وردي تريد تشرد وتعوف كولشي
امير بهمس: مبروك ارجونة گلبي
ارجوان بصوت ناصي: الله يبارك بيك
ام امير: كللللوووووووووويييييييش
👏👏👏👏👏🎉🎉🎉🎉🎊🎉🎉🎊🎉🎉🎉🎉🎉🎉🎉🎉👏👏👏👏😋🏃🏃🏃🏃🏃🚶🚶🚶🚶🎉🎉🎉
يدبچن ويرگصن ويهوسن ماخلن شي ماسونه
امير بحب: ولچ شطالعه تخبلين
ارجوان ساكته ودايرة وجهة گدام النسوان وماباوعتلة تخجل منه ولسة مامتقبلته كزوج
زينب عمه امير: حبهة ولك حبهة ولاتخاف من امهة
امير هنا ابتسم وكمش وجه ارجوان وباس وجهة من الصفحتين
ارجوان بهمس : كافي
امير بخبث وباسهة قريب شفايفهة: عله عنادچ
ارجوان هنا ماتت بدمهة والنسوان يصيحن
سلوى عمه امير: عفيييييييية شيخ هاوووووووو
ووووووواوووووووو
النسوان كلهن يصوفرن ويضحكن وامير گام يضحك علة شكل ارجوان
ونجمه طبعا دتصور من بداية الحفلة لحد هسة
ارجوان بضيق وهمستلة: حسابك بعدين امير
امير وهو يهمسلهة ويبوس خدهة: قصدچ نكمل السوينا بعدين 😉
ارجوان داست علة رجلة بحذائهة وهو هنا گام يضحك عليهة ومن الالم عبرة بالضحك
ام امير: يالله يمه لبسهة الذهب
اخذ امير الذهب ولبسهة يا وهي مدنگه راسهة اصلا متباوعلة وهو سارح بيهة وبجمالهة
سوو طقوس العقد من اكل الكيك والعصير الكل تعرفهة وطلع امير وقبل لا يطلع ختمهة ببوسة علة خدودهة وجبينهة وقريب شفايفهة وهي بعدته عنهة وصارت حمرة وامير ضحك عليهة والنسوان هم يصوفرن
عمه امير زينب: اي شيخ عفيييية سبع عفية
سلوى وهي تضحك: هههههههه خطية خجلتوهة
طلع امير والنسوان نزعن عبيهن وحجاباتهن وشغلوا الديجي وبدة الردح
مها راحت بعيد عن الحفلة واتصلت علة نهلة: الو نهلة اي عقدوا
نهلة ببچي: اووووف انه اوريهة الحقيرة
مها: وليچ ما شفتي شسوة لعب لعب يبوسهة بكل اريحية ومايهتم للنسوان
نهله بغيرة : كليلي بعد شسوة
مها: باسهة قريب شفايفهة
نهلة شهگت: عززززززة گدام النسوان وليچ انه حبيبتي مايگولي وهي من اول مايعقد اعليهة يبوسهة عادي اوووف حموت قهر الحمدلله مارحت للخطوبة چان انهاريت غير
مها بحزن: ششش اهدي حبيبتي والمشكلة تخبل طالعه صراحة طالعه كلش حلوة يمكن اول مرة اشوف هيچ بنية حلوة
نهلة بعصبية: كااااافي راح اكتلهة واخلص منهة
مها: اگلچ انه احاچيچ بعدين
سدت الخط والبيت صار عبارة عن حلبه رگص وارجوان ضايجه من امير لان هيچ سوة گدام النسوان وخجلهة
سدت الخط والبيت صار عبارة عن حلبه رگص وارجوان ضايجه من امير لان هيچ سوة گدام النسوان وخجلهة
الاء 😉: مو گتلچ يتخبل اعليچ
ارجوان بضيق: اووف ودي اموته علة سوايته بالله ميستحي يسوي هيچ
الاء: ولچ رجلچ يخبل هيبة خو باللبس العربي يمووت عابتلچ اتدلعي گدامه من يطلب يشوفچ مو تصيرين فاهية
ارجوان بتعب: هسة يادلع ياهاي راسي صدع احس راح افقد وعيي من التعب
الاء: هسة اجيبلچ عصير برتقال واجي
راحت الاء والبنات وعمات امير يگومن ارجوان يردن يرگصنهة وهي متقبل اخر شي گامت هيچ شوية ورجعت
الاء جابتلهة عصير وقصبة شربتهة العصير وكملتلهيا وارجوان شوية صارت احسن
شمس چانت منسجمه وية خواتهة لان صايرلهة هواي مشايفتهن من ٢٥ سنه هي بعد مارجعت زارتهن
وام امير تحچي وية النسوان كلساع تاشر علة ارجوان ونافخة روحهة وفرحانه بابنهة والچناين غيرانات من ارجوان
°×°×°×°×°×°×
حسن: شلون الحفلة 😜
امير بحب: تخبل
حسن: ههههه عمي مافهمنه هاي علة ارجوان لو عالحفلة
امير بعصبية وغيرة : انچب لا تجيب اسم مرتي گولي حرمتك
حسن: هههههه لا الشيخ امير غيران كلشششش
امير ماركز وية حسن وبس چان يتذكر شكلهة شلون چانت بايده تنهد بحراره ولمعه عشق بعيونه ومبتسم وسارح بغير عالم وحسن يضحك علي لان يصيحلة وميجاوبة
زيد وهو يحاوط حسن وامير السارح: ها وينكم ادور اعليكم
حسن: ههههههه الاخ سارح
زيد باوع لامير: هههههه لا هاذة الاخ غرگان بالعشگ يابة
امير استوعب وعصب: انچبوا ماتستحون
حسن: ههههه سلامتك ههههه شيخ هسة ههههه استوعب هههه
زيد 😂😂😂😂😂 مات من الضحك وامير هنا هم ضحك
"*"*"*"*"*"*
مها وهي گاعده علة التخم بصف ارجوان: ي ارجوان عرفيني عنچ
ارجوان بابتسامه مصطنعه : شنو تردين تعرفين
مها بخبث: يعني شلون تعرفتي عله الشيخ امير وشلون عشگج احچيلي قصة عشگكم
ارجوان عرفت نيتهة وجاوبتة بغرور : والله حبيبتي اني مگاعده بنص قلبه واعرف شوكت حبني ولا اني عيونه واعرف شوكت شافني
مها بسخرية: هه يعني ماكو علاقة بينكم ماصدگ
ارجوان باوعتلهة بجمود: مالچ دخل يالله گومي من يمي لان راسي صدع من وراچ
مها: ههههه حسبالچ الشيخ امير الچ انتي غلطانه نهلة بس مرته
ارجوان بملل: لابلابلابلابلابلا حبيبتي انتي شگد تلغين
مها عصبت وگامت من يمهة وتباوعلهة بغيرة وحقد وارجوان باوعتلهة وابتسمت بخبث ومكر وغمزتلهة
ومها شعوطت من العصبية والغيرة
خلصت الحفلة وامير طلب يشوفهة وجواد ما مانع
ضل امير بالديوان ينتظر ارجوان دخلت علي لابسة فستان لونه اسود لازگ عليهة ومفصل منحنياتهة طالعه كولش جذابة بي ومكياجهة وتسريحتهة نفسهن
امير وهو وگف گبالهة وباسة بخدودهة: شلونچ حبيبي مشتاقلچ كلش
ارجوان ابتسمت بتصنع وگعدت علة التخم وامير لزگ بيهة ويلعب بشعرهة: طالعه كلش حلوة
ارجوان بس ساكته وتتمنه هسة تكسر ايده بس فضلت السكوت
امير وهو يبلع ريگه ويبوس رگبته: اموت عليچ اعشگچ موت
ارجوان تقيدت ورادت تبعد عنه بس هو منعهة وحضنهة بقوة وخال راسة برگبتهة: شگد تمنيت ابوسچ والزمچ براحتي... باسهة بقوة برگبتهة وابتعد عنهة لگاهة تبچي
امير بقلق: حبيبتي شمالچ
ارجوان ساكته شنو تگولة ماريدك وانجبرت عليك ضلت ساكته وتفكر تدورلهة عذر وامير تخبل: شمالچ احچي لا تعصبيني احد اذاچ بحچاية گليلي
ارجوان بعذر : لا بس عيوني مادري شبيهن
باوعلهة بقلق ومسح دموعهة وباس عيونهة وهنا ارجوان اختنگت لان هواي تجرأ
ضلت ساكته تحاول تلزم نفسهة ومتهجم علي بوكسيات ارجوان بين نفسهة(اوووف هسة شجا امير لزگ بية خرررب خليني ساكته يبووو هاي من بدايتهة اني ما اتحملة شون ياربي من نتزوج اووووف الله يصبرني علي )
امير بهدوء وبنظرة عاشقه: حبيبتي شمالچ ماتحچين
ارجوان انتبهت علي وابتعدت عنه وتوترت: ها لا ماكو شي بس شوية سرحت
امير بحب: ارجوان مامصدگ انتي صرتي مرتي
ارجوان بضيق : اممم ولا اني الصراحة
امير ابتسملهة: لويش انتي هيچ حلوة
ارجوان وهي تهز اكتافهة : الله خلقني هيچ
امير وهو يلعب بشعرهة : اكيد انه گاعد احلم
ارجوان نفخت بضجر لان بعد متگدر تمثل علي اكثر گامت من يمه
امير بحزن: ارجوان وين رايحة
ارجوان باستعجال: احم اشوفهم اعتقد يردوني
امير سحبهة من ايدهة وارتطمت بصدرة وباوعلهة بالم: ارجوان انتي موافقة علي بارادتچ
ارجوان ابتسمت بتصنع: ليش السؤال
امير بالم وانكسار: واضح كلش مغصوبة علي
ارجوان تنهدت وباوعتلة بحيرة: ماعرف شگولك بس اني انطيت موافقتي لبابا وشروطي واعتقد هاذة ميعتبر غصب
امير بقلق من جاوبهة: يعني ما انغصبتي
ارجوان ماحبت يعرف انو هي نغصبت: لا ليش انجبر اني محد يجبرني علة شي امير
امير بشك: چا لويش احسچ متقيدة وياي
ارجولن بتمثيل: امير اني هستوني عاقدة عليك شبسرعة تريدني ارتاح وياك اكيد اخجل وانحرج
امير براحة: اها تدرين حسبالي مجبورة
ارجوان ابتسمت بتصنع ومن داخلهة شالته ورگعته لعمهة كريم
امير وهو يباوع بعيونهة السرحانه: جونتي وين سارحة
ارجوان بين نفسهة وسارحة ( كله من ورة عمو كريم ااااااه لو ماشيخ چان حرت شسويت بي خلاني اتزوج غصب ولكم ليش محد يحس بية ماريد اتزوج او عمي ميخالف اتزوج بس ماريد امير ماريدة ياعالم ليش محد يسمعني )
امير وهو يلزم ايدهة بقلق: ارجوان وين رحتي
ارجوان انتبهت وبعدت ايده عنهة: احم ها لا بس چنت افكر
امير بفضول: شني فكرتي
ارجوان بخبث: اوووه شيخ امير طلع فضولي واني مادري ها امير طلت فضولي
امير انحرج: ههههه لا بس احب اعرف كلشي عنچ ولو انه حافظچ
ارجوان وهي رافعه حاجبهة بمكر: اممم انت متعرف شي عني عله فكرة
امير بخبث: تتحديني
ارجوان بحماس وهي تتربع وتنزل فستانهة لان قصير: اي اي اتحداك تعرف اشياء عني
امير وگعد يسطرلهة: تحبين اللون الوردي وتدللين هواي وحبابة وفطيرة .... وتحبين البحر والسمه واكثر شي تعشقي الاكل موو
ارجوان بلعت ريگهة وضحكت: ههههه اي صح بس هذني لاشيء بالنسبة لشخصيتي يعني
امير بتفكير: انتي ذكية وشاطرة وها شخصيتچ گوية
ارجوان بتصنع : اي صح
امير بتفكير: انتو مكارين
ارجوان: اي كولش
امير: بس هاذ الشي مو حلو
ارجوان بخبث: والله امير اني هواي عندي عيوب بس انت متعرف بيهن والانسان مثل متعرف مو كامل
امير وهو يبوسهة من خدهة: بس انه اعشگچ بكل حالاتچ حبيت عيوبچ گبل محاسنچ
ارجوان ابتسمت بتصنع: ميرسي
اختفت ابتسامتهة وسألته بجدية: اي انت عرفني عنك لان الصراحه حته من كنت صديقي ماعرفت شي عنك كنت كولش غامض
امير بحب: صدگ تردين تتعرفين علي
ارجوان بتمثيل : اكيد
امير ميعرف احساسه شنو ناحيتهة حب علة عشق علة سعادة وامان وراحه نفسية وجسدية كل هاذة يشعره ناحيتهة
امير بابتسامه: من نتزوج عود تعرفي علي وبعدين نشوف منهو احسن اللي گدر يكتشف اللاخ ها متفقين
ارجوان داخت من كلمة نتزوج حست باختناق بس تداركت الموقف وابتسمت بوجهة: اوكي ديل
امير: شني ديل
ارجوان: هاي شبيك يعني اتفاق بس بالانگليزي
امير: ههه تدرين نسيت شني يعني لان تجي بوكت مو مناسب يعني مرات تحچين انگليزي وعربي خبط واحد مايفهم منچ شي
ارجوان: احم جوعان
امير: لا والله گاعد گبالچ علة شني اجوع
ارجوان تريد بس تگوم من يمه: لا اكيد جوعان عادي لتخجل احچي الصراحة
امير يباوعلهة بحب وارجوان گامت طلعت من الديوان ودخلت للمطبخ
ارجوان بضيق: اووووي عمه الاء بعد ماگدر امثل اكثر راح اطگ
الاء وهي تحط الاكل بالصينية: انچبي وكسبي خلي علة الاقل خاتم باصبعچ شمالچ غبرة خلي يكون سند الچ
ارجوان سكتت تفكر واقتنعت: بس مدا اتقبلة كزوج يعني والله اختنگ من اتذكر اني ويا شنو
الاء: شمالچ انتي تعاملي ويا مثل گبل رفيجچ حته ترتاحين وانسي انتي متزوجته زين
ارجوان باقتناع: اوكي بس هو ميگعد راحة لازم يتحارش بية
الاء: خلي يسوي الي يريدة بس انتي تحملي چا شتسوين حته انه اخوي كريم جبرني علة ابن عمي حيدر وهم مثلچ سويت امثل علي احبة واعشگه بس چنت كارهته مووت بس شوفيني هسة اموت علي ومدللني اخر دلال صيري شاطرة شجاچ
ارجوان اقتنعت: اي والله كلامچ صحيح
الاء وهي تنطيهة الصينية: هاچ ودي العشة لرجلچ
ارجوان اخذته منهة وباوعتلهة بضيق: هسة يعني لازم تذكريني هو زوجي
الاء بخبث: چا لعد منو اذا مو رجلچ
ارجوان طلعت من المطبخ ودخلت للديوان مره ثانية وخلت الصينية بالگاع
ارجوان : يالله امير تفضل اكل
امير گعد ياكول وارجوان اكلت مقبلات وزلاطة وكملت وضلت گاعدة يمه
امير باوعلهة باستغراب؛ چا شكلتي انتي
ارجوان: ما اشتهي
امير: چا مو گلتي جوعانه
ارجوان: اي بس شبعت وثانيا لازم اكول قليل حته احافظ علو لياقة جسمي
امير بصدمه: شوفي روحچ شلون ضعيفة
ارجوان: شنو يعني الواحد اذا جسمه رشيق لازم يسمو ضعيف
امير: ههههه طبعا چا انه شايف النسوان كلة سمان ماشايف وحدة مثلچ
ارجوان بغرور : اوفكورس حياتي اني مميزة
امير ماهتم لكلمه حياتي لان يعرف هي تقصدهة من ناحية الغرور وحافظهة كولش زين لان حته من چانوا اصدقاء چانت تگولة حياتي وعيوني وقلبي وحبيبي بس من ناحي الغرور او الاستهزاء
امير ماهتم لكلمه حياتي لان يعرف هي تقصدهة من ناحية الغرور وحافظهة كولش زين لان حته من چانوا اصدقاء چانت تگولة حياتي وعيوني وقلبي وحبيبي بس من ناحي الغرور او الاستهزاء
امير: ههههه خرب ببليسچ علة هالغرور بس بوية يلوگلچ 😉
ارجوان انحرجت وسكتت
امير كمل اكل وارجوان شالت الصينية وحچت ل الاء الصار والاء تنطيهة نصايح وارجوان تستمعلهة باهتمام
امير غسل بالحمام الي قريب الديوان ورجع للديوان
ارجوان دخلت
امير بحب؛ ارجوان حبببي انه رايح اذا تردين شي گليلي
ارجوان : ميرسي ماريد شي
امير طلع من جيبة فلوس وانطاهة يا: هاچ هذن الچ
ارجوان: ماحتاجهن شكرا
امير بحزم: ارجوان انتي مرتي وانه مسؤل عنچ بعد ممنوع تاخذين فلوس من ابوچ او اخوانچ كله مني
ارجوان اخذتهن : ثانكيو
امير ابتسملهة وباس جبينهة: يالله مع السلامه حبيبي
ارجوان: باي
امير ضحك عليهة وطلع وارجوان راحت لغرفتهة نزعت الفستان والتسريحة شالت الماشات والاسفنجة ومسحت المكياج ودخلت غسلت
ونامت
ام امير : ها يمه شلونهة حرمتك
امير: زينه
ام امير: ولك نهلة مو ادجان
امير: ها نهلة والله يمه مادري خليتهة تروح لبيت اهلهة
ام امير: يمه روح رجعهة اظاهر زعلانه لان تزوجت تدرر بغيرة النسوان
امير : انشالله يمه يالله انه رايح اجيبهة
راح امير رجع نهلة وهي ميته من القهر والغيرة واخوهة عصام حچة وية امير علبو ليش تتزوج عله اختي وهي مامقصرة وياك بشي وامير جاوبة الشرع حلل اربع عصام سكت لان ميريد يخرب حياة اخته وخلاهة ترجع
گعدت ارجوان الظهر من ورة الاء اجتي تكفخ بيهة
الاء: وليييبيچ هاي لسة نايمه گومي فلك طرچ
ارجوان عاندت وماقبلت تگوم والاء كبت عليهة مي بارد وارجوان فازة مخروعه
ارجوان: شنو شكو هاي منو... باوعو ل الاء الشايلة گلاص مي وحچت بعصبية ....عمه
صراع الشيوخ
