رواية هموم الشيخ سند الفصل الثالث بقلم ميامين الطائي
طحت مثل البيوت العاليه من تطيح
وشفتهم من مشو غالي بضهر غالي
انه ماحشمت لكن دمعتي تصيح
ماهديتها بس ضلت تلالي
مثل ذاك الينام بخشبة التابوت
كل الناس جنازه يتراوالي
كل الناس تبجيلي وره ما اموت
اي وانه عدل محد تعنالي .....
سند: شكد جنت غبي من ثقيت بيهاا وين جان عقلي من سوت هيج اني الي معاشر هواي بنات متقرب حتي بنات الليل مو نفسهاا بكل سهوله خدعتني وطلعتني كدامهم اثول بيقت بالدوام بين الواجبات والتحقيق بعد ماعندي اي ثقه بيوم نزلت للبيت تفاجئت هنا وفاء شررررجعج بت الكلب بت النعااال هيج منج.... من اهلج.... هي بقت تصرخ
جدي: سند اني رجعتهاا جلمتي هي التمشي
سند: جدي مااااريدها هي كوه مااريدها خل ترجع تولي الاهلهاا لا وحق بااالحسن اموتهاا هسه
ابو سند: كااافي سند احترم جلمة جدك شنو احنه مو بعينك من يمته تكسر كلمتنه
سند: بويه مااكسر كلمة احد بس هااي المخلوقه مااريدها
جدي: وين جنت من حجيت كتلك ماتفيدك اخر كلمه وفاء هنا ضل
سند: جا وحگ العباس وحگ علي باااالحسن تحلم اتقرب له وتصير زوجتي هاي ضلتهه هنا نفس الجلب لحد ماتمل شتريدون كولو بس هااي المخلوقه تحرم عليه ليوم الدين ماريدهاا تقرب الي حرمت عليه نفس اخواتي عفتهم صعدت سبحت ونمت العصر كعدت سبحت لبست داشداشه ونزلت وسن جاي
وسن: صار تدلل من عيوني
الحجيه: حبوبه شجاك تزوج تشمر شني سالفتك انت هاي وسن ماتكرب الهاا بلا مريضه جا الثانيه مو انت دكيت رجل وردتهاا علي حب يبعد امي مدري شسمونه انتم
سند: حبوبه سد سالفتج لان مالي خلك كعدت شرب جاي وطلعت تمشيت بالبستان المغرب رجعت رحت الجامع صليت ورجعت البيت دايخ جنه ملتمين نشاقي اني وعمامي نضحك
جدي: سند باجر عدنه مشيه حظر نفسك تروح وياي
سند: بخدمتك بويه التريده جاهز
جدي: يلا اني اااترخص هسه انام
سند: عافنه جدي بقينه احنه نشاقئ المهم مرت فتره تقريبا ترقيت نقيب صرت تعب بين المشيات والدوام والواجبات وضغط الشغل وفاء هددتهاا اذا تحجي وياي لو تصعد غرفتي اطلكهاا بيوم جانت جمعه وملتمين جاي نشرب جاي
جدي: اسمعوني كلكم اريد احجي كلام مهم
سند: خير بويه صاير بيك شي
جدي: لا بس اريد نروح للزياره نتونس هم ازور عمك علي حبوبتك
سند: تدلل باجر نروح هسه اخابر السايق يحظرلنه سياره جبيره
جدي: خوش چا حظرو روحكم
سند: خابرت السايق وكتله اني صعدت لغرفتي لزمت جهازي كبل دخلت علي الفيس دخلت علي صفحات عجبتني صفحه لكيت هموم علي مزخرف دزيت اله طلب كلبت صفحتهاا عده من نوع التكبر بمنشوراته اكو ايد واشمه بيهاا عرفته من اسمه هموم صور بدون شال بس ماتوقعتهاا الهاا بس وجهه ماطالع بقيت اكلب بصفحتها شفته كم مقطع ناشره عن الام والاب واذية الناس الها قبلت طلب الصداقه وصرت من ضمن الاصدقاء ونشرت صور الها الايدها علي دفتر وكاتبه شي... ( امي ابي أول مره اني ااحتاجكم تعرفون سئلتني المديره تريد تتعرف عليكم ااحتاريت شنو اجاوبهاا ضاع الكلام ..... ابي كم تحتاجك ابنتك لقدحققت حلمي وتمنيت ابي وامي موجودين )
هنا شكد نقهرت عليه كتبتله الله يرحمهم حيل تأذيت بكلامهاا انو فعلا صعبه تخيلت نفسي بهذا الموقف شكد صعب مااكدرت اراسلهاا او بالاحرى شنو احجي وياهاا مااعرف بهاي ليله شلون انام بقيت افكر بيهاا مااعرف شلون نمت كعد ثاني يوم سبحت لبست ملابسي دشداشه خليت شماغ لفيته جراويه وطلعنه للزياره زرنه الامام علي وصلينه صدفه اجت بالي جان ممنوع الجهاز يدخل اكو ولد صديقي هناك طلبت من يدخل جهازي وياخذ صوره لضريح فعلا اخذلي صوره دزيتهاا الصوره كتبت الهاا هذا ابو الايتام وطلعت زرت كبر عمي وغسلته شغلت البخور ومي ورد رحنه صلينه ظهر وتغدينه وكملنه وطلعنه لكربلاء هم وصلنه وزرنه وكملنه كعدنه بين الحرمين نسوالف صدفه جدي شاف اخو زوجة عمي علي (ابو هموم)... ياسين
جدي: انت ياسين مو شلونك شخبارك الاهل شلونهم
ياسين: الحمد الله الاهل ماتو بس كول ياشيخ شني نسيت بنت ابنك شمرتهاا علينه ماسئلت لاكلت 14 سنه واحنه ربينهاا كبرت وهسه وي خالهاا محمد بالسليمانيه هاي انت شيخ تخاف الله شتكل لربك من شمرت بنت يتيمه
سند: الكل بقي مصدوم شنو هل حجي بنت عمي علي ماتت غير وي امهاا
ياسين: منو جذب عليكم البنت من هي بالكماط ربينهاا اسمهاا هموم اخاف ماتعرفون اسمهاا بس مع الاسف عليكم ناس ماتخاف الله مااردنه فلوس ولاشي منك بس ردنه ماتكطعون صلة الرحم هسه البنت ماتعرفكم يلا الله وياكم
سند: جدي اكعد هو عافنه احنه بيقنه مثل المصدومين ماانعرف
جدي: اااخ بويه علي بنتك عدله واني مادري،بويه شكلك انت وصيتني عليهاا كلك شمرتهاا مادري عنهاا
الحجيه: كول ياالله شيخ انت ماتدري امر ربك احمد ربك هسه من دريت ان شاء الله نشوفهاا وتحجي وياهاا
ابو سند: بويه التريده يجرالك ان شاء الله نعوضهاا بس كوم خل نرجع للبيت
سند: بويه وداعتك وداعت دموعك اجيبهاا لك واشوفهاا ان شاء الله انت كد الامانه والوصيه
جدي: شلون ياسند شلون وانه سنين ماادري عنهاا شكلت شلون عاشت
سند: جنت اهدئ بجدي اني هم مذنب نفسه رجعنه واحنه نفكر
وفاء: عمه منين طلعتنه هاي بت علي حتي هيج سند مهتم وجدي
ام سند: انجبي انتي ماشوفينه بياحال لايسمعج سند ويكسرج تكسر
سند : وصلنه واحنه محتارين بيومهاا مالنه خالك حجه جدي
جدي: شلون ضيعتهاا من ايدي المفروض هنا اخليهاا هي وامها هاي من ريحة ابني سنين اني ماادري حسبالي ماتت وي امها استحيت من ابني 14 سنه ماانعرف شي عنه بياحال ولااحنه سئلنه وتتاكدنه
سند: باجر اني اروح لسليمانيه والتريده يجرالك والله واجيبهاا لك نسيت اسمه
جدي: اسمه ياسند هموم خليهاا اني الي اريد احجي وياها اني الي راح اشوفهاا مااريد واحد يدخل هاي بنت الغالي اريد اشم بيهاا ريحة ابوها ماتدري كلبي يوجعني عليه
سند: اول مره اشوف جدي هيج منكسر وهيج يبجي الوجوه كلها تغيرت.... كل الهلا بيها اذا تريد اني ااروح وياك للمكان التريده
الحجيه: صح اني ماحبيت ام علي لجن الله شاهد اعتبرت علي نفس ولدي وااانكسرت من مات وبنته اخليهاا بعيوني واني اريد الروح وياك حجي
الحجيه ام فيصل : شني هاي بعد علينه هسه ذكرو يكلونه بيه وتريدونه تجي
جدي: كل واحد مايفك حلكه بجلمه اني هسه راح ارتاح مااريد اسمع صوت
سند: طلع جدي حبوبه مايصير هيج تحجين عن البنت تبقي من دمنه ولحمنه انتي وحدج حجيتي
فيصل: كلام امي صح هسه ذكرو مدري وين جانت هسه جايبينها النه
ابو سند: الغلط من عدنه احنه الي ماتتاكدنه محد سئل نعم الله علي العالم ربتهاا
ام فيصل: ماصدكنه نخلص من ساس امهاا وحبوبتهاا ابوها سنين ابوكم يفرق بينكم هسه جاي مدري ياهو يكول بنت ابنه عدله
الحجيه: اخاف الله مابسج ضلمتي امها وابوها بعدج بكرهج هسه منو بيهم عايش كلهم ماتو وهم ميتين تغارين منهم
سند: الكل تخاف مني كااافي حجي اي حجي زايد مااسمع مفهوم ولااريد اسمع صوت واحد بيكم صعدت واني دايخ
وسن: الحل شنو برائيك سند راح هموم تقبل الكلام وترجع
سند: مااعرف وسن هو هذا الي خايف منه مااعرف الفكره لي مااخذته هسه عنه
وسن: صعبه سند ابوها وامها يموتون شنو حال اكيد مراح تعيش مرتاحه هاي اذا خوالهاا عدهم رحمه شفت خالهاا اليوم كلامه
سند: وسن هسه مااكدر اسوي شي الا جدي يكلي مااريد اكسر كلمته
وسن: الله كريم توقعهاا حلوه لو تشبه لي عدنه ههههه
سند: ههههه اكيد نفس النسل بشنو تختلف ترا ينطلع بيجن انت بس ترتبن تهتمن برواحتجن تطلعن حلوات
وسن: هاا هسه احنه جبار خوش ياسند هسه انت حلو
سند: شنو مو بعينج غير اااخبل الف وحده تمناني
وسن: شنو هل الغرور يلا تفضل هاي من الف هموم علي مرسلتك
سند: بسرعه طفرت من مكاني،شفت رسالتهاا صفن شويه احتاريت شجاوب
وسن: يمه يمه بسرعه ركضت اله خل الطلع تصبح علي خير
سند: وانتي بخير صفنت معقوله هي هموم بنت عمي مشكله حتي مختصره برسالته اخاف مو هي اووف ياالله دزيتله مرحبا
تتاخرت انتظرت جاوب شكد مغروره
هموم: مراحب
سند: شلونج شخبارج
هموم: الحمد الله
سند: دومج من وين
هموم: من ارض الله الواسعه(الجواب الأغلب الشعب العراقي يجاوبه🙂😂😂)
سند: اي اعرف من ارض الله بس وين
هموم: شدخلك انت يعني داخلي حتي تسئلني من وين دزيتلي صور ضريح الامام علي شكرا ...وممنونه منك مو معناها تجي وتراسل
سند: شبيج عصبيه قابل مغتصبج اشو هاي حظرتني من الماسنجر بصراحه عجبتني ثكيله ماتنطي مجال همزين محضرتني من الفيس نمت كعدت من نوم اليوم دوام حظرت نفسي لان نقلت هنا باالحله اداوم احسن هنا دخلت الفيس طلع حسابه مهكر الحساب مستخدم شكد ااانقهرت حسيته قريبه عليه معقوله هي هموم لا هذيج طفله خليت وطلعت للدوام
الســـهـــل ان تــضـــع يــــدك....علي فــــمـــك كـــي لا يــتـكـلم....ولـــكــن مــن الـــصـعـب ان تـضع يدك..... علي قلبك كي لا يتالم 😔💔
هموم: كل شخص يتمنئ اشياء بداخله يعيشهااا ويخطط الهاا جنت شاطره واريد اوصل لشي بالي من صغري بالرغم 14 سنه بس شلت هم نفسي ودراستي لان شفت ضيم بطفولتي لحد هسه من ااغمض عيوني اذكر شلون خالو ياسين ضربني مره لان العب بالباب
ياسين: شسوين طالعه حيوانه حقيرا كومي دخلي جوا يلااااا
هموم: والله خالو العب بخوف بس دخل خاله ناديه ضربني وطردتني
ياسين: دخلي اذا مطيحت حظج هسه كدامي،
هموم: دخلت اني ارجف نفس السعفه خايفه لان اعرف راح يضربني والجو بارد
ناديه: ادبهااا هاي ادبسز الفكر ترادد وكحه
ياسين: جيبيلي صودنه اني شكايلج مو كايلج لاتراددين ولاتطلعين
هموم: لزمني من اذني اني دموعي والله خالو ماارددتها هي طردتني ااخ لزمني بالصونده كتلني هنا كلبي مات من اشوف ضحك الاطفال ولدهم وبناتهم محد دخل هنا احتاجيت امي هنا احتاجيت ابويه احتمي بيهم مابجيت هو من يشوفني هيج يزيد ماحسيت بيه هنا وعدت نفسي بحياتي ماانزل دمعتي قويت نفسي تحملت اكثر من طاقتي مااصرت اهتم لهذا ولا لذاك مجان عندي صديقات صرت مااحب ااتقرب لاي شخص ولالعب ربتني التجارب وذل والخوف والجوع
زمن: ماكو مبروك همهم
هموم: بس لاحامل صدوك يااااي مبررروك ياالله شكد فرحتلج يعمري
زمن: اي اليوم ارجع وارتب البيت سوي مفاجئه خالج محمد
هموم: اوي فدوه انت وحمودي تجننون يروحي تستاهلون
زمن: فدوه كلبج حياتي انتي وعمري
هموم: الكعدي لاتعبين ارتاحي من هسه اكلج اني اشتغل
زمن: ههههه هلو من هسه بلشتي انتي لعد شلون حمودي حبيبي
هموم: والله العود من الكاع ميخليج تشيلنه مصدكنه جنه ننتظر هذا اليوم بطلاع الروح هسه حظرتج تجين انتي تريدين تشتغلين
زمن : اي والله ممتصورين شكد فرحنه الله يرزق كل شخص محروم من الذريه
هموم: امين يارب كملت شغل من عدها رحت ارتب نفسي لازم كل يوم اسوي هيج جنت واشمه اسمي هموم رجعت سويت عشاء ورتبت الصاله شموع وزينتهاا بنفاخ وورد والكيكه خليتهاا بالثلاجه تعشينه ونتظر محمد يجي
زمن: بس خل اتمكيج تعاي مكيجيني انتي متتصورين شكد متحمسه لردة فعل محمد شلون راح يفرح
هموم: بقيت امكيج بيهاا واني هم يستاهل خالو والله منتظرته علي حر من الجمر
زمن: هموم شكد جنت خايفه ميصير عندي اطفال وعالجت والحمد الله
هموم: كلشي رزق من رب العالمين الي كاتبه ربج يصير
زمن: يوم الج تزوجين ويصير عندج اطفال ونفرح بيج
هموم: اهوووو بعيده علي هل شي لان مااريد اازوج هسه
زمن: اكلج همهم بس لاتضوجين وين اهل ابوج
هموم: صدكين من زمان اني مااعرفهم ولاشايفتهم ولااعرف وين عايشين ولااريد اعرفهم لان ماكو بكلبهم رحمه ولا عدهم غيره ولاذمه ضمير لان شمرو طفله مااسئلو عليه تخيلي ما ردت شي منهم بس يسئلون يجون يشوفني مايهموني كلهم صدكي لو هسه يجون ميرف كلبي عليهم لان حذفتهم من حياتي ودفنتهم وي ابويه
لان انكسر بخاطري ودموعي وجرح وكلشي مريت بيه ولااعتذرهم ولاكل كلامهم راح ينسيني كلشي لاطعنات والذل والخوف وجوع زمن خلي جروح مسدوده فدوه
زمن: اسفه مااريد اافتح دفاتر قديمه بس مجرد سؤال اسئلج صدوك تعرفين اخويه دكتور شاطر صديق خالج تعرفتي بيه مثقف يخليج علي دراستج يحبج
هموم: بصراحه هو خوش ولد ماهر والله ورده مالت الله بس مااعرف اخاف اخطي هل خطوه ومنتفاهم
زمن: بس قبلي حتي بس يحجي وي خالج كلام بعدين من تشوفين نفسج جاهزه ويكمل البيت عقدو
هموم: تمام التشوفينه مناسب سوي لان اخوج واني اثق بيج
زمن: هلوووو اليوم شنو هل يوم حلو مرت اخويه متتصورين شكد فرحت
هموم: بكلبي بقت علي هاي خليهاا كملت وطلعت كيك وجه خالو هلا حبي
محمد: هلا بروح خالهاا شلونج
هموم : الحمد الله غمض عيونك يلاااا حمودي بسرعه غمض،
محمد: هاي شنو ترا ماهر جاي وياي يلا غمضت
ماهر: شلونج هموم شخبارج
هموم: ماهر جان شخصيه وحلو هلو شلونك دخلت محمد. مفاااااجئه
محمد:،شنو هل مفاجئه عيد ميلاد منو
زمن: ماكو عيد ميلاد بس غمص عيونك
محمد:،شسالفه كلها غمض عيونك شبيجن وياي
ماهر: اني لحد هل لحظه حالي حالك كلشي مافتهمت
زمن: انت الثاني هم عندي مفاجئه لك يلا محمد غمض عيونك حباب
ماهر: خير ان شاء الله غمض محمد غمض،
زمن: مبروك حبي حصير احلئ واجمل اب
محمد: جذاابه مااصدك وخيرا احبج والله
زمن: اي والله حبي هاي تحليل
هموم: محمد حضن زمن ماهر يباوع الي مبروك خالو يعمري
محمد: الله يبارك بيج حبي يابعد خالج وعمره احلا شي بحياتي انتن الاثنين
هموم: الله لايحرمني منك ويدم هالفرحه
ماهر: مبروك حمودي واخيرا اني اصير خال بعد هل معاناة مبروك زمونه
محمد وزمن: الله يبارك بيك
هموم: قطعو كيك ولحتفلوا زمن حجت ماهر هو فرحان ويباوعلي كانما مامصدك اني غلست سويت نفسي مامنتبهه ولاكانما
ماهر: احم محمد اريد الدز الوالده علمود هموم التقدم الهاا بس احجزهاا علما اكمل بيتي وهي شويه تكبر واعقد عليه
محمد: والله اني مراح الكه احسن منك بس يبقي قرار لهموم شنو تقرر اني اقبل مااريد اظلمهاا
ماهر: طبعا القرار الهاا اني احترم قرارهاا ماراح يغير شي من علاقتنه نهائيا تبقي بنيتي الي احبهاا وانتظرهاا
محمد: هموم خالو شنو تكولين انتي
هموم: بكيفك خالو التشوفه مناسب اني موافقه عليه لان محد يعرف مصلحتي غيرك انت انت فصل واني البس
محمد: مبروك ماهر حبي لان اني اريد هموم يمي انت واعي مثقف اعرف تحبهاا مااراح سوي شي يظلمهاا لان ولد حرام هواي ومراح الكه احسن منك انت اتمنى ماتخذلني لان ثقيت بيك امنت أغلا شي هموم بنتي اني ربيتهاا
ماهر: افاا عليك محمد كتلك راح اعتبرهاا بنتي اصيرلهاا الاب ابوها من هاي وقيس والله مراح أذيهاا بشي ولااخذلك راح اصيرالها سند والاهل والدينا كلشي راح اعوضهاا عن كلشي فاتت
محمد: والنعم منك اعرف كده وكدود بيهاا الخير ان شاء الله
هموم: مااعرف لي سويته صح او غلط الكل يعرف ماهر يحبني وبحياته مااذاني بشي محترم وخلوق من اني طفله وي خالو هو يهتم بيه بس مااعرف شنو لي مضموم الي اشوف فرحته وضحكه يمكن اشيا بسيطه تزرع بسمه ضحكه وفرحه اتمنه انو افرح هيج واحس بالحب او اكدر احب جنت مهتمه بنفسي اكثر من كلشي معليه اخاف علي بشرتي وكلامي محدود صعدت خليت مرطب لجسمي ولوجهي لبست ملابس نوم ونمت
اني نايمه بحلم شخص لابس دشداشه كلش حلو عيونه عسلي حيل حلوات رفع حاجبه وانطاني ورده لف الشماغ علي وجهه بس عيونه لحظه منوو انت....
الولد: سند اني سندج من طفولتج انتي الي مو لغيري هموم بعدج ماجايه للدنيا تسجلتي باااسمي...
هموم: راح ابتعد عني صرت ااركض وررا لحظه اني لمااهر مو الك مو الك اختفى فزيت استغفر الله الاذن يأذن احلام فجر تحقق كمت غسلت توضيت ودعيت من ربي يوفقني بحياتي ويبعدني عن اولاد الحرام كملت رجعت نمت تمنيت الحلم يرجع لان حبيت عيون الولد مرات نحلم احلام حلوه من نكعد ونغمض عيونه بس كون يرجع الحلم حتي نكمل او بالشخص الي نحبه كل بنيه داخله حلم واحلام ورديه تريد تكمل قصه هي راسمتهاا مرات يتحقق الي نريده بس يطلع العكس ومرات لا ميتحقق نكول ليش هيج صار ويانه بالعكس الله كاتب النه الاحسن ماانعترض علي امر رب العالمين بس الشخص ضعيف دائما يريد هو لي يريده رجعت بعد تفكير ودغلات واحلام ورديه وحمزيه نمت....
