رواية صراع الشيوخ الفصل الاربعون بقلم ليال القمر
ارجوان بعصبية: عمه الاااااااااااء
الاء بخبث: ها شمالچ شو گعدتي چنچ غولة والله لو ادري گلاص الماي هيچ يسوي چان من البداية چبيته عليچ
ارجوان تمسح المي من وجهة وتبچي بقهر: كافي لعبتوا نفسي خليني انام اتهنة بنومتي البارحة من الفجر مگعدتني علمود الخطوبة واليوم من الصبح تگعديني
الاء فاتحه حلگهة بصدمة: ايا معزااااية ولچ حتصير بالوحدة الظهر ياصبح
ارجوان استوعبت وباوعت للساعه وشهگت: او مااااي گاااااااد عبالي الصبح
الاء: اهمدة بختي دمشي يالله منتظريچ عالغدة
ارجوان انحرجت: اوكي هسة اجي
ارجوان استوعبت وباوعت للساعه وشهگت: او مااااي گاااااااد عبالي الصبح
الاء: اهمدة بختي دمشي يالله منتظريچ عالغدة
ارجوان انحرجت: اوكي هسة اجي
طلعت الاء وارجوان دخلت توضت وصلت ودخلت سبحت ولبست فستان زمردي وشال كريمي ونزلت سلمت علة اهلهة وتغدت وياهم
زيد بمرح: بت عمي مرتي تريد تشوفچ
ارجوان باهتمام: اوكي بس شلون هي ببغداد
ام احمد: حبيبتي احنه حنروح لبغداد نشوف خالاتچ وتشوفين فد مرة خطيبة زيد
ارجوان ابتسمت: اوكي بس شوكت نروح
ام احمد: بالليل نتوكل انشالله
الاء وهي حلگهة متروس اكل بلعته وحچت: عود استأذني من رجلچ بالاول
ارجوان باستغراب: يارجل
ارجوان باستغراب: يارجل
الاء: اهمدة البخت ولچ شيخ امير البارحة عقدتي عليه شمالچ الثول عاميچ
ارجوان بتذكر: هاا اي اي احم صح ههههه نسيت
الكل باوعلهة بصدمة وبعدين كلهة ضحكت عليهة
العم كريم وهو يشرب گلاص اللبن: شلونه وياچ عمي
ارجوان بضيق: يعني عادي
العم كريم: اريدچ ترفعين راسنه وبعد اسبوع عرسچ
ارجوان هنا عبالك انسطرت: نعمممم
العم كريم باوعلهة ببرود ورجع ياكل سمچ : مثل ماسمعتي
ارجوان هنا لون وجهة شحب وحچت بضعف لاول مرة يشوفوهة هيچ ضعيفة: لا عمو بليز لتدمرني خلي فترة الخطوبة اطول بليز عمو بليز
العم كريم ضل يفكر: الله كريم اشوف
ارجوان هنا گلبهة صار طبل واختنگت فدمرة گامت من السفرة والدمعه بطرف عينهة طلعت للحديقه وتفتر بتوتر: مستحيل مستحيل اخلي العرس بعد اسبوع شنو هي هيته its ok calm down ارجوان اهدي خليني افكر زين بالاول
ضلت تروح منا وتجي مناك انتبهت علة عادل يمشي ويدندن باغنية: عااادل
عادل باوعلهة: ها بت عمي شرايدة
ارجوان بتلبك: بليز تگدر تخلي عمو كريم يأجل الزواج بليز
عادل بابتسامه: يجرالچ بت عمي بس ترة العريس مستعجل 😉
ارجوان بضيق: مو وكت خفة دمك عود توسل بي وخلي يأجلة فد ثلاث اشهر علة الاقل
عادل: شنيييي ثلاث اشهر يااا چا شبقيتي انتي عنسي هنا لابوية شني السالفه
انسام: ها ها شعدكم شاركوني بالموضوع
عادل 😉: هلة بمريتي ام جهالي
انسام بدلع: اوووي حبيبي مو وكتك هسة كلي شني چنتوا تحچون
عادل حچالهة وانسام انصدمت: خايبة شني ثلاث شهور هواي ترة
ارجوان هنا فقدت كل الامل بس هنا رجعت بشخصيتهة القوية: لا مو هواي اريد اتعرف علي ولتنسون هو غريب عليه شلون تردوني اكون زوجة انسان واني عاقدة علي بس اسبوع
انسام اقتنعت وعادل هم اقتنع وارجوان ضلت تشكي علبوا متريد تتزوج وما مستعدة مو انوب بعد اسبوع
نهلة بدلال: حبيبي شيخ شني تريدني اسوي
امير باوعلهة بجمود: اكويلي ملابسي اريدن اطلع
نهلة بغيرة: اي شيخ رايحلهة مووو
امير باوعلهة بحدة: مالچ دخلللللل
نهلة هنا خافت ونار الغيرة حرگتهة عافته وطلعت من الغرفة
ام امير: ها يمه نهلة شمالچ
نهلة بحرگة: عمه گاعدة تشوفي انتي لو لا اصلا مايهتم بية ولابحالي حايرلي بالامريكية زين انه مو مرته شني ذنبي يتزوج علي وانه بعدني عروس مصايرلي سبع شهور من تزوجته
ام امير انحرجت: يا يمه خلي هسة الزلمه كلهة هيچ بس بعدين يرجعون
نهلة بعصبية: انه رجعتلة عمة بس حته ماتاخذة مني اذا اهو عشرة ايام ما مگربلي ومو بحالي فكرة سارح بغير مكان انتي ماتحسين بيه طبعا خطبتيلة وحدة تعرفينهة وتحبيهة
مروة بسخرية: طبعا حبي عندة الاميركية يجي عليچ انتي بنت الفگر
ام امير: مراوي يمه عيب هاي مرت حماچ
مروة بعدم باهتمام: خليهة عمه مصايرلهة سبع شهور من داخلة والبيت انگلب بجيتهة حته رجلهة مرايدهة
نهلة ضربت مروة: انطمي حقيييرة
مروة هنا انسطرت من ضربتهة باوعتلهة بحقد وصرخت: انتي شلووووووون تمدين ايدچ علييييييييييه
دخل مهدي زوج مروة: شني هالصراخ شمالچ مروة
مروة ببچي وحقد: هاي ضربتني... وتأشر عله نهلة
هنا مهدي عصب: مرت اخووووووي شلون تمدين ايدچ علة مرتي هااااا
نهلة بعصبية: تحچي علي وتغلط
مروة بدموع التماسيح: والعباس ماحچيت شي بس گلت عليهة بت الفگر لان گامت تتجاوز وية عمتي
هنا مهدي حار وميعرف شلون يتصرف: خلص كافي سكتن يجي الشيخ ويتصرف وياچ مرت اخوي انه مالي دخل وبعد مالچ حق تمدين ايدچ علة مرتي فهمتيييييييي
نهلة عصبت وصعدت فوگ لگت امير يلبس ملابسه باوعلهة ببرود وكمل لبسه
نهلة بعصبية: شيخ اريد احاچيك
امير بنبرة عادية: احچي
نهلة والغيرة ماكلتهة: اريدن منك تعزلني عن اهلك
امير باوعلهة صفح وابتسم بسخرية: لا والله شني گلتي نهلة خانوم
نهلة بغيظ: شيخ انه اريدن بيت لان بعد ما اتحمل نسوان اخوانك يعيرني بس مها عود اشوة منهن
امير وهو يرش عطر: نهلة مالي خلگچ وسوالف مال النسوان والچناين عوفيني منهة مالي شغل
عافهة وطلع بس وگفته نهلة بالباب: شيخ لويش ماتگربلي
امير نفخ بضجر: بالليل حضري روحچ
نهلة هنا خلته يروح وهو طلع لعبان نفسة من الحياة الزوجية وخصيصا من تكون متزوج باجبار وبشخص متحبة
نهلة هي بنية عمرهة ٢٦ سنه ضخمة ومتروسة طولهة ١٧٠ وزنهة ٧٤ سمينه شوية بشرتهة سمره وخشمهة عادي وعيونهة وسط لاكبار ولا صغار ولون عيونهة سود وشعرهة اسود يوصل لعكسهة حواجبهة مسويتهن اقواس شكلهة من واحد يشوفهة حلوة بس مابيهة عيوب يعني الشكل عادي شخصيتهة مثل الحية تذب سمهة وتروح تلعب بالنار هواي تخطأ وتتهور بقراراتهة
هي يتيمه الاب وعدهة اخوان ثنين عصام وغزوان ثنينهم مدرسين وهي من عائلة محترمة كولش هادئين وسمعتهم زينه وحالتهم المادية عادية
ارجوان وهي گاعده بالحديقة تلعب بفونهة وخالة السماعات باذنهة وتدندن وية الموسيقة
والاء گاعده تشرب چاي والبنات يكرزن حب ويسولفن وفارشات جرجف علة العشب وگاعدات علي جمعتهن حلوة ومرحة وارجوان بغير عالم وهنة گاعدات ويصنفن عليهة وهي متدري
انسام بمكر: شوفن شوفن العانس من انخطبت گامت تدندن وية الغنية شني هااااي يمه الحب يمه
الاء وهي تكمع بالجاي: هههههه اي والله خليهة تتحلم بيوم عرسهة
كواكب: لا تلگيهة تراسل وية الحب 😉❤
ارجوان انتبت من الاء گامت تندغهة بخصرهة شالت السماعات وباوعتلهن: شكو شبيچن
البنات گامن يصفگن ويغمزن: 👏👏👏👏😉😉 وين سارحة العانس او العروس 😂😂😂😂
ارجوان بضيق وهي ترجع السماعات باذنهة: عابت عبالي شو شنو
رجعت تدندن وية الاغنية وما اهتمت الهن وهنة شالنهة ورگعنهة
ياسر: يمه الشيخ اجة
الاء: ها يمه يا شيخ هاذ عمك كريم
ياسر: لا شيخ رجل خالة جونه
الاء هنا ابتسمت بمكر: گومن ولچن گومن خلي يجي الشيخ يشوف ارجوان واحنه تصنت نشوف شراح يسوي
البنات ماصدگن كلهن گامن ووگفن ورة المخزن يشوفن شراح يسوي من يجي وعافن ارجوان تسمع وتگلب بالفون
الاء بهمس: روح گل للشيخ خلي يجي للحديقة الجانبية امشي
ياسر هزلة براسه وراح لامير
♕♕♕♕♕♕
امير بحرج؛ هههه چا وين الشباب عادل
عادل: والله ياشيخ كلهم طالعين للگهوة وعمامي طالعين يشوفون الگاع
امير بتفهم: اها خاف اجيت بوكت مو مناسب
عادل 😉: شني هاي شيخ البيت بيتك انت منه وبينه
امير ابتسم بامتنان
وعادل اجا اشعار رسالة من مرته انسام: عدولي حبيبي گل للشيخ خل يروح للحديقة الجانبية ارجوان هناك گاعده
عادل ابتسم بخبث: ها شيخ جاي علة بت عمي صح
امير: اي جاي اشوفهة
عادل: موجودة بالحديقة الجانبية هناك تلگاهة
امير ابتسم: رحمة الله والديك
عادل: لا خوية هاي مريتك بعد شوكت ماتريد تشوفهة تعال
امير بامتنان: مشكور خوية
تركه عادل ياخذ راحته وامير راح للحديقة الجانبية لگاهة هناك گاعدة علة المرجوحة بغير عالم صفن بيهة وبانوثتهة چانت لابسة تنورة جينز توصل لفوگ ركبهة ولابسة كيمونه بيضة عليهة كتابات بالانگليزي ولابسة حذاء صيفي بسيط وفاتحه شعرهة وخالته علة صفحة وحدة وتگلب بالفون
امير: احممم
تقدم ناحيتهة وهي اصلا مو يمه امير: السلام عليكم
هم ما انتبهت واصلا متسمعه
امير گعد بصفهة علة المرجوحة وارجوان حچت وهي تباوع بالفون: عمة صبيلي چاي بليز
رفعت راسهة من شمت عطره وحچت بتعجب وذهول: امير!
البنات يراقبنهم ومكيفات
