رواية عزبة شيماء الفصل الواحد والاربعون
(شيماء وراضي وجه لوجه)
_شيماء بهدوء..وحشتني يا راضي
_راضي بهدوء وغضب..راضي مين فيهم
_شيماء بهدوء وابتسامه خفيفه..راضي أخويا
_راضي بغضب ونبره صوته بدأت تتغير..بس اللي واقف قدامك دا مش راضي أخوكي
_شيماء بغضب وصوت عالي..اللي واقف قدامي دا هوا اللي المفروض يبقي راضي أخويا،راضي بتاع زمان مكنش ينفع يبقي أخو شيماء حسان الباجوري
_راضي بغضب وصوت واطي..واللي واقف قدامك دلوقتي هوا اللي ينفع يبقي أخوكي، طيب اللي واقف قدامك دلوقتي عايز يقتلك بدل المره مليون،
(ولسه شيماء هتتكلم راضي يقاطعها)،
لما قعدت بيني وبين نفسي وحسبتها صح، فهمت كل حاجه، وأتأكدت إني كنت غبي، أصل مش معقوله ناس غريبه تدخل العزبه، ويدخلو بيت شيماء حسان الباجوري، ويخطفو أخوها ويخرجو كده بكل سهوله،
(وصوته بدأ يعلي)،دا أنا كنت كل يوم بعيط زي النسوان وانادي عليكي تيجي تنقذيني من العذاب اللي كانوا بيعذبهوني، لكن هتيجي تنقذيني إزاي وإنتي اللي بتعذبيني
_شيماء بهدوء وغضب..أنته قولتها بلسانك،
أنته كنت غبي، وكنت بتعيط زي النسوان عشان أختك تيجي تنقذك،شوف بقي أنته دلوقتي بقيت إيه، ومثال بسيط، لو دخل علينا دلوقتي شويه بلطجيه مين فينا اللي هينقذ التاني ومين اللي هيخاف ويجري ويستخبي ف ضهر التاني
(وتلف وتروح تقف ورا ضهره) أنا حطيتك ف مكانك الصح يا راضي، اللي المفروض تكون فيه، أنته مكانك قدامي عشان تحميني، وأنا مكاني وراك عشان أتحامي فيك
_راضي بهدوء وصوت واطي حزين..بس أنا كنت راضي بمكاني،وكنت راضي إنك تكوني قدامي واتحامي فيكي
_شيماء بغضب وصوت عالي..وأنا مكنتش راضيه بضعفك وجبنك وخوفك، (وتوطي صوتها)،
الضعيف والجبان واللي بيخاف ملوش مكان ف دنيتنا
_راضي يلف ويبص لشيماء..قصدك دنيتك،
دنيا شيماء حسان الباجوري،الدنيا اللي بتحولي فيها الطيبين لوحوش، الدنيا اللي بتغيري فيها الناس على كيفك وهواكي، بس لو كنتي فاكره إنك هتقدري تغيري الدنيا على كيفك تبقي غلطانه، إنتي صحيح قدرتي تصنعي مني وحش، بس وحش هيقف قصاد الظلم،
وحش هيقف مع الضعيف والمظلوم
_شيماء بهدوء وبرود أعصاب ومكر..وهوا أنته شايف إن أختك رئيسه عصابه يا راضي،
(وتتغير تعبيرات وشها) هوا أنا أمتي ظلمت حد،
ولا أمتي أستقويت على الضعيف، أمتي فيه حد لجألي ورجع مكسور الخاطر، دا أنا أكتر من تلت مكاسب شغلي بطلعه لله ف الخير ومساعدة الغلابه،أنا شغلي كله أنته عارفه،
وعارف مصدر شغلي جاي منين، أبتديت بشغل المقاولات والعقارات اللي ورثتهم من جوزي،
وبعدين فتحت مشغل ومشغله فيه كل أهالي العزبه، دا غير المستشفى ومصنع الألبان اللي بحضر ليه،
وبالنسبه لشباب الأمن وكلاب الحراسه دول شئ طبيعي للحمايه والتأمين
_راضي بغضب وهدوء يصدمها..كل دا أنا عارفه،
بس أنا قبل ما أتخطف، قصدي قبل ما تخطفيني، أكتشفت سر مكنتش اعرف عنو أي حاجه
_شيماء بهدوء وتوتر..سر إيه اللي أكتشفته
__(في عزبة شيماء)__
(دخل عزبة شيماء واحد من بتوع الروبابيكيا وكان شكله مبهدل وملامحه مش واضحه من كميه التراب اللي على وشه وبدأ ينادي على شغله ويلف ف العزبه كلها)
_بيكيااااااااااااا، بيكيا بيكيا بيكيااااااااااااا
=يا بتاع الروبابيكيا، هوا أنته بتاخد إيه
_بإستغراب..بتاع روبابيكيا هكون باخد إيه يعني، عالعموم باخد أي حاجه قديمه، أي حاجه عندك قديمه بشتريها
=بتعجب..طيب ما تقول بشتري أي حاجه قديمه
_بطول بال وصبر..بشتري أي حاجه قديمه، عندك أي حاجه قديمه للبيع
=باستفزاز..لأ معنديش، (وتسيبه وتدخل بيتها)
_بكتم غيظ..صبرني يارب، بيكيااااااااااااا، بيكيااااااااااااا، بيكيااااااااااااا
(وبدأ يلف ف العزبه تاني لحد ما قابله شاب من بتوع الأمن اللي بيلفو ف العزبه للحراسه)
_الشاب بهدوء..أنته يا بتاع الروبابيكيا، أنته لتالت مره بتلف ف العزبه ومفيش حد نفعك ولا باعلك حاجه، إيه أنته ما بتزهقش،يلا روح شوف رزقك ف عزبه تانيه
_حاضر يا باشا، بس هاخد لفه كمان يمكن ربنا يرزق بأي حاجه، وبعدين اللي عايز ياكلها بالحلال لازم يكون باله طويل وما يزهقش بسرعه، وأنا....
_الشاب يقاطعه بهدوء..لا لفه تانيه ولا تالته، يلا خد عربيتك وأمشي من هنا عشان ما تجيبش لنفسك المشاكل، وأسمع الكلام عشان لو جيت تاني ما نمنعكش من دخول العزبه
_حاضر يا باشا، هسمع الكلام
(وبعد نص ساعه دخل العزبه حوالي 10 عربيات نقل بصندوق مقفول وكانوا رايحين ناحيه المقابر اللي ف العزبه)
_(عند شباب الحراسه اللي على مداخل العزبه)_
_الشاب اللي قابل بتاع الروبابيكيا..بقولكم إيه يا شباب، الواد بتاع الروبابيكيا دا لو جه تاني ما تخليهوش يدخل العزبه، أمنعوه بأي طريقه
_واحد من الشباب..لو شاكك فيه إحنا ممكن ما نخليهوش يخرج ونحتجزه لحد ما جاسر ييجي يشوفه
_الشاب بتوتر..وهوا لسه ما خرجش من العزبه
_واحد من الشباب..لأ لسه مخرجش
_الشاب بغضب..يعني إيه لسه مخرجش، أقلبو العزبه بسرعه عليه،ولو لسه موجود ف العزبه ما يخرجش منها
__(عند شيماء وراضي)__
_شيماء بهدوء وتوتر..سر إيه اللي أكتشفته
(وقبل ما راضي يرد، تلفون جاسر يرن ويرد على التلفون وبعد ما يقفل يكلم شيماء بهدوء وغضب)
_جاسر بغضب وصوت واطي..المحامي بيقول إن فيه مشاكل،(ولسه هيكمل شيماء تشاورله بالسكوت وتتجاهل المشاكل اللي بلغ بيها المحامي جاسر)
_شيماء بهدوء..سر إيه اللي أكتشفته يا راضي
_راضي بغضب..باب النفق السري اللي ف المطبخ بيودي على فين؟؟
