رواية فصلية بديلة الفصل الثاني والاربعون 42 بقلم ام ملكوت

#بعد مرور اسبوع..

طبعا خوالي عرفوا ثاني يوم بالسالفه وكلهم كلولي طيحي اذا ماتردينه ياخذه لان بس يعرف بي تطيح السالفه بروسهم شكلك همه ضمو ابنه عنه.. 

بس اصريت وكتلهم ماطيحه ولا انطي اله وبقت عالكه المشاكل اسبوع يهددون بيه يرحون لشهم ويكلوله عل طفل اذا مانزلته وانه دموعي ماعافني وتندمت بكد شعر راسي لمن رجعت 

..

مر الاسبوع واني بين النوم والاكل والبجي على اشتياقي لابني مرتضى وخوفي على يلي ببطني .. حتى سمر قاطعتهه بقيت نقالي مغلق ومافتحته ابد ..

منا لكعدت الصبح تريكنه وكملنه وكال خالي الثالث "مؤيد"..

🍀

بس اصريت وكتلهم ماطيحه ولا انطي اله وبقت عالكه المشاكل اسبوع يهددون بيه يرحون لشهم ويكلوله عل طفل اذا مانزلته وانه دموعي ماعافني وتندمت بكد شعر راسي لمن رجعت 

..

مر الاسبوع واني بين النوم والاكل والبجي على اشتياقي لابني مرتضى وخوفي على يلي ببطني .. حتى سمر قاطعتهه بقيت نقالي مغلق ومافتحته ابد ..منا لكعدت الصبح تريكنه وكملنه وكال خالي الثالث "مؤيد"..

مؤيد: اا بويه اليوم عازم جماعتي وراح اخليهم بالديوان مالكم اذا ماتصير زحمه..

_ التعرفهم انت ..وراح اعزم ساجد هم وياهم لان بعد صار رفيجي..

_ هاذهو اخذو راحتكم بويه..

سماء_

كال ساجد واني مدري شصار بيه كد ماشتاقيتلهم كمت افرح من اسمع باسمهم او اشوف شخص من عدهم ..

كملنه ريوك ورجعت نمت منا لليل حتى غده ماتغديت ..كعدت ورحت للصاله يم بيبي

وجانو جماعه مؤيد جايين ونسمع صوتهم بالديوان يلعبون دومنه..شويه واسمع صوت.....

                  ........................

شهم_ 

مر اسبوع واني ماسامع اخبارهه انقطعت عنه فرد مره جهازهه مغلق قلقت عليهه كلش

بقيت يومين انتضرهه من بعيد واباوع بلكي تطلع لجامعتهه واشوفهه بس ماكو وكان فص ملح وذاب ..

بقيت خايف عليهه حيل الى ان كال ساجد ان خالهه عزمه لبيتهم..ردت اكله يطمن عليهه

بس شلون يطمن مايكدر يدخل للبيت والولد موجودين خطرتلي فكره ..منا لليل راد يطلع وصحتله ..

                     .................

سماء_ 

كاعده بالصاله واسمع صوت طفل يبجي ضنيت اني اهلوس من شوقي لابني بس زاد العياط وكالت بيبي هذا منو جايب طفله وياه ..

خليت وكمت تقربت عل باب واسمعه صوت ابني اي هذا ابني اعرف بحه صوته من يبجي بين الف طفل ..خليت ولا اراديا دكيت الباب مال ديوان وطلع خالي..

_ بصوت ناصي..خالي فدوه ابني هذا مو 

مؤيد:هففف اي خالي ابنج ليش

سماء: ليش يبجي جيبليا عفيه اريد احضنه مشتاقتله خالو فدوه الله يخليلك جهالك جيبلي ابني خالو

مؤيد: يله هسه اجيبه ..

ساجد_

استغربت من اخوي لمن انطاني مرتضى وبلشني بي مافهمت السالفه منا لندك الباب وراح خالهم شويه ورجع همس باذني..

مؤيد: خويه المره تريد ابنهه شويه تكول اسكته وارجعه الك..

ساجد: هاا اي عادي هاك خويه ودي خطيه..

هسه فهمت ياملعون ياشهم تريدهه تشوف ابنهه اي كول وديه الهه ليش تخليني حاير بطفلك ..

سماء_ 

بقيت منتظره شويه واجه خالي طلع وهوه شايل مرتضى ابني..

خليت واخذته من ايده بسرعه وحضنته على صدري ودخلت للصاله وكمت ابوس بي واشمه..

_ يمه ابني يمه وليدي مرتضى حبيبي ولك يمه اشتاقيتلك ولك يمه ليالي وصدري يدر عليك يمه ..

اشتاقيت لريحتك اشتاقيت لشوفتك وليدي ..يموووي ياريحه الجنه ..تعالي سلمى تعالي شوفي وليدي شحلاته صاير ..

كبران يبعد روحي كبران واني مو يمك بقيت ابوس بي وهو انخبص جنه عرفني وكام يشبك بيه ولازم بهدومي حيل..

سلمى: ماشالله اللهم صلي على محمد قمر مصور ماشالله الله يحفضه الكم يارب..

ام رائد: تعالي بيبي جيبي خلي احبنه ..

سماء: اي بيبي..رحت اخذته لبيبي وخليته بحضنهه كوه مايقبل يعوفني صارت تبوس بي وتشم ريحته وتكول ..

ام رائد: يمه شحلات ريحته تعط ..تصدكين يمه من جنتي صغيره جنتي مثله مدنفشه وحلوه 

وريحتج تخبل ياهو يجي من خوالج يضل يشمشم بيج ويكول ريحه الجنه..

سماء: هههه جا غير امه وطالع علي اروحله فدوه..

ام رائد: هاج بيبي شبعي من ابنج

سماء_

اخذته منهه وخليته بحضني وهوه يضحكلي ومن احجي وياه يبقه صافن علي وكان يعرفني

ما استغرب مثل ماخليته بحضن سلمى وحضن بيبي..بقيت العبه واشمشمه وضامته على صدري شويه ونام بحضني منا لمرت ٣ ساعات كعد يبجي جوعان وصدري حن عليه سحبت حجابي غطيت نفسي ورضعته وانه روحي ترد لمن يحط ايده الصغيرونه على قلبي صرت ابوس بيده وامسد على راسه اتامله لحدما مرت ساعه شبع وبقيت العب ويا اجه خالي كال ..

مؤيد: خالي راح يروح ساجد انطيني الطفل

سماء: بس خالي بعدني ماشبعت منه

مؤيد: خالي مايجوز بعد لازم يرجع لاهله يله انطيني لا تحرجيني كدام الولد..

لزمت ابني وحضنته وبوسته وشميته تالي انطيته اله كوه يبجي وملزم بيه مايقبل يروح ..اخذ الطفل بره واني انهد حيلي كعدت مكرفصه وابجي ..

ماريد اعوف ابني ماريد ابتعد عنه شلون ياربي..بقيت ابجي وبيبي تمسد علي تصبر بيه بحضنهه لحدما نمت..شويه وكعدتني سلمى..

سلمى: سماء كعدي خالج يريدج

سماء_ 

كعدت بسرعه رحت غسلت وجهي ورحت لخالي بالديوان..

_ها خالي صحتني

مؤيد: اي خالي سدي الباب وتعالي يمي..

سماء_

سديت الباب وكعدت كباله وحجه..

مؤيد: شوفي خالي راح احجي وفكري بكلامي زين ..خالي اني امس حجيت ويه ابوي وخواني على موضوعج وقنعتهم ان اليردونه منج غلط وحرام وتبروا من الموضوع وحملوني مسؤؤليته وانا اجيت اليوم احجي وياج واخذ قرارج..

خالي احنه الزلم مو نفس النسوان ..احنه اذا فقدنه شخص عزيز على قلبنه تسود الدنيا بعينه وخاصه اذا جان اكو شخص سبب بموت هل عزيز..

والسواه رجلج اي رجال يسوي اني خالج شكد تشوفيني هادئ واضحك بوجه الناس ومايوم اذيت احد بس خلي افقد واحد من ولدي لا سمح الله ..

تشوفيني اتحول وحش واسوي اكثر من يلي سواه شهم ..وانتي حجيتي وكلتي بقه يقسى عليج بس شهرين

تالي تاب و صار يعاملج بلطف واذا االله ماجذبني اتذكر كلتي قبل لا يعرف بيج حامل بدا يعاملج باحترام مو لانج حامل بابنه صحيح لو لا..

سماء: اي خالي

مؤيد: ف يا خالي انتي عندج طفل ومن دون ماتحجين وتكولين انه اعرف بيج تبجين عليه كليوميه وتحنيله ومساع شفتج بعيني ماحاجه تنكرين..

وانتي هسه حامل ورجلج اذا عرف مستقبلا انج ضميتي عليه السالفه راح يسويهه شغله عناد واحتمال ياخذه منج وترجعين تنكسرين بفقدج لابنج الثاني.. فاني اكول كسري الزعل والكره ورجعي لبيتج وزوجج واطفالج احسن..

اني شهم شفته مرتين بس اكدر اكلج انه كفو وخوش رجال ومعروف عن ولد الشيخ يحترمون المره 

بس انتي روحتج الهم غلط وبصفه فصليه واذا تردين اكلهم يجون يخطبونج من جديد واسويلج احلى عرس واحلى زفه انه متاكد ماراح يبخل عليج شهم وراح يقدم عيونه بسبيل الرجعه

سماء: بس هو مايريدني..

مؤيد: لا خالي انه زلمه واعرف الزلمه من عيونه اذا جان رايد مرته وخلي احطج بصوره تره الصار بخطبه حلى وساجد انه شفته بعيوني مو غشيم عنه ورغم عل شي غلط بس ماكدرت احاسبج عليه لان انتي مرته وحلاله ولوما جان طاكه روحه عليج مايسوي السواه

سماء _

فكيت عيوني مصدومه وضميت وجهي بهدومي من المستحه طلع حاضي بينه خالي هذيج الساعه وانه مادري خربب وين انطي وجهي منه هسه والله عيب.. رفعت راسي ردت ابرر موقفي وكال مسكتني ..

مؤيد : ماريد اسمع منج شي اليوم روحي هسه والج باجر كله تفكرين بي ومحد يضغط عليج واذا جان على امج خليهه علي انه اقنعهه وهذا الكلام الدار بيناتنه يبقى بالديوان ومايطلع لاحد لحدما تقررين تماما

سماء: انشالله خالي ..

مؤيد: يله هاذهو كومي رجعي خالي لغرفتج ارتاحي

سماء: تصبح على خير

مؤيد: اجمعين..

كمت طلعت واني بقلبي خجل و فرحه احس تحررت بس اهلي شلون امي ماراح تقبل ارجع واذا امي مارضت عني ماعيش بهني ولا راح ارجعله يارب كون يقنعهه خالي وتخليني ارجع لبيتي وابني يارب.. 

سلمى: ها شيريد منج خالج

سماء: يمه فززتيني ولج هيج سالني اذا اريد ارجع لو لا

سلمى: والله خيه اني اكول رحعي احسن انتي تحجيلي عن طفلج جنتي بس ماجنت احس بيج و لمن شفته اليوم وشفت لهفته عليج وشلون يناغي عليج انكسر خاطري عليه ولا تصدكين اكو شخص بهذا العالم يستاهل ان ينحرم من امه .. 

سماء: ماعرف خيه حاليا عقلي مقفل ماكاعد استوعب شي خليني انام وعندي باجر كله افكر بي.. 

خليت ورحت لغرفتي نمت..منا للصبح كعدت غسلت وجهي واجيت لزمت نقالي وشغلته لكيت سمر وامي متصلات علي الف مره 

خليت واتصلت على سمر ردت اسمع صوت ابني بلكي تهتدي روحي وتاخذ قرارهه..