رواية صراع الشيوخ الفصل الرابع والاربعون بقلم ليال القمر
نهلة بصدمه: شنييييي
مها بتوتر وصوت ناصي: والعباس هستوة دخل للبيت ومتفق وياهة عل الاسبوع الجاي
نهلة ببچي: وليچ مها دخيلچ روحي لام خلف الله يخليچ
نهلة ببچي: وليچ مها دخيلچ روحي لام خلف الله يخليچ
مها: ماگدر صارلي چم يوم احاول اروح بس ماگدرت لان سجاد مايرضى اروح لصويحبتي
نهلة باضطراب: چا شنسوي هسة دخيلچ ساعديني
مها وهي تباوع يمنه ويسرة: انه حروح اگل لسجاد واشوف بلكت يرضه
نهلة: اي دخيلچ انه وياچ نروح
مها: ماشي يالله انه رايحة
نهلة: الله وياچ
رجعت مها لمكانهة بالصلة وتسمع امير وهو وامه يحچون بالتجهيزات
❤❤❤❤
ارجوان وهي حاضنه ابوهة: شتاقيتلك كولش
جواد بدموع: وانه هم مشتاقلچ
قاسم وهو لازم ايد دالية: شنو بابا بس ارجوان تحضنهة لعد اني وين رحت
جواد ضحك وحضنه: يابة لا تزعل انه هم مشتاقلك
دالية بخجل: هاي عمو شلونك
جواد بابتسامه: انتي دالية خطيبة قاسم مو
دالية: احم اي عمو
جواد: تعالي بوية
حضنهة وباسهة من راسهة: حمدلله علة السلامه
دالية: الله يسلمك عمو
جواد: يالله صعدوا حته نتوكل
كولهم صعدوا بالسيارة
جواد بضحك: بابا ارجوان شنو هاي شمحملة انتي
ارجوان: باباتي عرسي بعد اسبوع غير اشتري غراض
جواد: ههههه لعد ماخذة الوزن مال اخوچ هم
ارجوان: لتخاف همات محملة راح يوصلن بعد ثلاثة ايام
جواد: هاي شنو
ارجوان بنعواص: اي بابا شبيك غير اني عروسة
حرك جواد السيارة وانطلقوا للبصرة
_~_~_~_~_~_~_~_
مها ونهلة گاعدات گبال ام خلف
ام خلف: ها جبتن الشعراية والگطعه
نهلة وهي تبلع ريگهة: لا ماگدرت بس اريدچ تسوين سحر غيرة
ام خلف وهي تعوج بحلگهة: تحچي شني خرسة اعوذ بالله تف تف... وهي تنفض بدشداشتهة
نهلة خافت من حركاتهة: لا انه اريد اسوي علة رجلي حته يردني للبيت ويحبني
ام خلف: انطيني كفچ.... هاي شني اي يوالمچ هاذ السحر بس يكلف مبلغ چبير
نهلة: ميخالف
ام خلف: اخذ منچ مليونين
نهلة: ها عادي انطيچ ذهب
ام خلف: اي عادي اريدن الملاوي ملاتچ
نهلة وهي تنزع الملاوي: هاچ بس شني التامرين علي
ام خلف: گطعه من ملابس رجلچ وشعراية
مها: اي انه اجيبة بحجة انظف
تنهدت نهلة بارتياح: اي انشالله باچر نجيچ
ام خلف وهي تطلع اصوات غريبة بحيث نهلة ومها خافن وطلعن بسرعه من يمهة
نهلة برجفة: وليچ هاذي تخوف والعباس انه گوة اتحچة وياهة خوب شكلهة چنه شيطان سمالله
مها بخوف: اي صح بس شغلهة مضبوط
نهلة: چا خلينه نشوف
💮💮💮💮💮
ارجوان وهي تحضن بالبنات والنسوان ويتحمدن الهة بالسلامه وامهة استلمتهة بچي ومحاضن
ارجوان بشوق: واااي كولش مشتاقتلكم
الكل: واحنه هم
الاء: چا انتي ملح البيت والله البيت ماينطب من دونچ
ارجواز بخجل: هههه لا قصدچ انتي مو اني
نور بت الاء : يمه يمه
الاء : ها يابعد امچ
نور: يمه خالي يصيح لجونه
ارجوان وهي تگوم: يالله اني حروح
دخلت ارجوان للصالة مال الزلم وسلمت علة عمامهة وگعدت بصف ابوهة
العم كريم: ها يابعد عمچ شلون صارت نفسيتچ
ارجوان بابتسامه: امم الحمدلله عمو
العم كريم بترقب: يابعد عمچ انتي صايرلچ ثلاث شهور واكثر من عاقدة شوكت تعرسين ونفرح بيچ
ارجوان بخجل: احم عمو اني وامير اتفقنه علة الاسبوع الجاي
العم كريم بترقب: يعني راضيه انو اهو متزوج ومرته حامل
ارجوان تضايقت وغارت بس رسمت ابتسامه علة وجهة: عمو ماگدر ارفض بعد عقدنه وحددنه موعد العرس
العم كريم بفرحة: اي هاذ الخبر الحلو كفو بيچ عمي رفعتي راسنه
ارجوان ابتسمت بخجل وابوهة حضنهة يريد يشبع منهة قبل لاتزوج وتعوفه
دخلت ارجوان للصالة مال نسوان وانطرشت من الهلاهل
النسوان: كللللللللللللللللللللللللللللللللوش
شمس بدموع فرح: صدوگ ماماتي حتركيني وتتزوجين
ارجوان حضنت امهة: ماما ليش تخليني ابچي
شمس وهي تبوسهة من خدودهة: انشالله حياتچ كولهة سعادة يارب
ارجوان بامتنان: انشالله
الاء وهي تدبچ وتركص: وزوجناهة وخلصنه زوجناهة وخلصنه 👏👏 هلة كللللللوش
انسام: الف الصلاة والسلام عليك ياحبيب الله محمد صلوات
النسوان:كللللللللللللللللللللللللللللللل للللللللللللللوش
ضلن يهوسن ويصفگن الهة وارجوان فرحانه
ثاني يوم راحوا عقدوا محكمة وامير وارجوان طلعوا يجهزون للحنه والعرس
امير واگف گبالهة ويباوعلهة بغيرة : يابة شني هاي
ارجوان بحزن : ليش محلو علية
امير وهو يباوع للفستان الي عليهة: لا موحلو غيري
ارجوان وهي زعلانه چنهة طفلة: اووف هاذة خامس فستان تگولي غيري ادري شنو البس بعد
امير: انه اختارلچ
ارجوان: لا والله حته غير اطلع محلوة ادري بيك تريدني البس شي مستور بس شوف الفساتين محلوات والله
امير : چا شسويلچ انه اغار اعليچ ماريد احد يشوفچ بهيچ لبس
ارجوان بنعواص: امير بليز خليني البس هاذة والله حلو
امير بجدية: لاع ماتلبسينه شوفي اچتافچ طالعات وايدچ ورجلچ وصدرچ ماكو انتي بس الي محد يشوفچ هيچ
ارجوان بضيق: لعد ااجل الحنه
امير: لا يابة خلاص لبسي بس والله اذا شافچ عمامچ لو ابوچ اكتلچ
ارجوان بابتسامه وهي تباوعله بنظرة حب: ميرسي
امير تنهد ومسح وجهة بتوتر: اگلچ انه واگف اعامل الرجال واجيچ
ارجوان: اوكي
راح امير وسد الباب المنزع وارجوان كمشت گلبهة وتبتسم: ياربي هاي شصاير بية بس اشوفه گلبي يگوم يدوگ سريع واحس وجهي يصير نار
باوعت للفستان چان لونه ماروني وبية خرز ومجوهرات كولش حلو الصدر صاير شكله علة گلب وبي تعلاگات وواصل لركبهة وحصر علة جسمهة طالعة فد شي انبهرت بي وابتسمت بغرور
ارجوان بابتسامه: بعد ثلاثة ايام الحنه
امير وهو يحاسب علة الفستان ومنظرهة ماراح من بالة كلشوي تجي بالة صخن وعرگ وگلبه صار طبل ونفسة صار ثگيل: يابة حتكتلني والعباس
ابو المحل: ها خوية شني گلت
امير بارتباك: ها لاخوية ماكو شي
ارجوان طلعت من المنزع ولابسة الفستان الشرعي لونه تركوازي وشال سمائي وكعب عالي لونه سمائي والجنطة نفس الون طالعه بنوتية واميرة بلبسهة وامير مات قهر من لبسهة وكاتم غيرته حته ميخرب �
