رواية سراج السادة الفصل الخامس والأربعون بقلم غسق ادريس
الحَمدُلله حَمدًا كثيرًا طَيبًا مُبارَكًا لا يَنتهي.
الحمدلله
الحمدلله
الحمدلله
سبحان الله
سبحان الله
سبحان الله
الله اكبر
الله اكبر
الله اكبر
لاحول ولاقوة الابا الله العلي العظيم
لاحول ولاقوة الابالله العلي العظيم
لاحول ولاقوة الابالله العلي العظيم
استغفرالله العظيم واتوب اليه
استغفرالله العظيم واتوب اليه
استغفرالله العظيم واتوب اليه
اللهم صلِّ على محمد وآل محمد
خلونا ويا السادة 🤍.
تعليق والتصويت
بارت انكتب بسرعه ممكن تشوفون اغطاء املائيه وتسارع ل الاحداث نبهوني عليها
" قس "
شرگت ب المآي واني اشوف السيد معراج واكف يتحاضن ويا السيد فقار
اتراجعت للخلف ما مستوعبه السيد معراج رجع رجعت الكلاص وطلعت من المطبخ احاول ابعد التوتر والشبهه عني
شفت صفيه كاعده على القنفه كعدت بصفها صافنه
التفتت على صفيه جانت تكلب ب التلفون وتعلج ب العلج
رفعت عينها باوعتلي
ورجعت تباوع لتلفون
_صفيه :: اكلج شلونها الصوره؟
باوعت لتلفونها
هزيت راسي بعدم وحجيت بعدم اهتمام وتركيز
_قس :: حلوه ...لو السيد غضيمر شافها راح يحبها
_صفيه :: اي إني أصلاً سويتله تاك
هزيت راسي ب اي ساكته
رجعت التفتت على صفيه فاتحه عيوني بصدمه
انتبهت على الصوره هاي صفحه صفيه على الانستا ناشره صوره السيد غضيمر ستوري ومسويتله تاك
خليت إيدي على صدري مصدومه
باوعت لصفيه تباوعلي وتعلج
حجيت
_قس :: شكد صلفه انتِ منين جبتي حساب السيد وشهل ثقه مسويتله تاك
_صفيه :: اي عادي شكو بيها
باوعتلها صفح
توقعت بس إني اسوي هل سربته طلعت صفيه مسربته اكثر مني
هزيت إيدي ماعاجبني الوضع
حجت صفيه
_صفيه :: اكلج منو أجه ليش العلويات طلعن
_قس :: هاا..معراج أجه
_صفيه :: منو هذا؟
_قس :: ابن العلويه لباب
هزت رأسها ب اي ساكته
كملت تكلب ب التلفون واني كاعده صافنه مامستوعبه رجعه معراج
لحظات ورجعن العلويات تجمعن ب الصاله
عرفت السيد معراج دخل للمصلى ويا الزلم
كعدت العلويه لباب فرحانه بجيه ابنها لان جانت رايدته وياها ب العيد
طول الكعده اني مركزه بسوالفها على ابنها معراج
اجاني اتصال من اختي قادسيه
دخلت للمطبخ ارد على الاتصال
جانت تشتكي من قبس تريد تروح لامي تعايدها ومتعاركه ويا اخواني والبنات
واني احجي ويا قادسيه
سمعت صوت السيد معراج جاي من برا
صار عندي فضول أشوفه
مشيت لباب المطبخ فتحت الباب شوي بس عيوني طالعه
شفته واكف ويا السيد مفرقد يسولفون بصوت ناصي
قادسيه تحجي واني ساكته عيوني على السيد
مادري ليش يجذب انتباهي بهدوئه
انتبهت عليه بيده كاسه حليب
ابتسمت اعرف بيه علاقته ويا الحليب جبيره
اتراجعت بخطواتي أودع قادسيه
سديت الاتصال ومشيت ادخل للصاله
شفت نضال كاعده على القنفه لازمه بيدها علي خازرته وهوا مدنك رأسه
كعدت يمها
حجيت
_قس :: ها شبي شمسوي
_نضال :: ابن النعال يصلي ب المصلى مكتف ايديه يصلي بدون تربه
_قس :: علي خوفي لا باجر ديانتك وتصير مسيحي
_علي :: السلام على امي مريم والياسوع
بقينه اني ونضال نتلفت مصدومات خاف وحده من العلويات سمعتنا
خرمشت نضال خدها وحجت بهمس تتوسل بعلي
_نضال :: بيبي علي فدوه مو ببيت الساده تطلع من السلام وتلحد من نرجع للبيت بكيفك هنا لا بيبي عيب شهرتنا
_علي :: بيبي اشتريلي دهينه
_نضال :: تدلل بيبي بس اصبر الي شوي
مسحت على وجهي
مادري علي منين طلع النا كل يوم جايب النا سالفه شكل
" صفيه "
جنت كاعده منتظره السيد غضيمر يرد على التاك مالتي والاستوري
كل شوي ادخل على صفحته أشوفه رد لو لا واطلع ضايجه لان ماشاف الرساله ماتكلي بيمن منشغل
بعد نص ساعه اجاني إشعار من الانستا دخلت ركض على الرساله شفت الرساله من حساب قس
رفعت راسي شفتها تباوعلي رافعه حواجبها تضحك
كتبت الي
_قس :: ها عبالج السيد غضيمر
_صفيه :: اي ... ماكو مارد
_قس :: شوفي الكامره
رفعت راسي على الكامره شفت السيد غضيمر واكف ب الحديقه هوا وعماد ابن السيد جادح
كتبت قس
_قس :: السيد مشغول هسه انتظري من ..... يمعوده وين رايحه ام الغيره !!!!
اباوع لرساله قس واني امشي حتى اطلع من الصاله
التفتت عليها شفتها خازرتني
أشرت الها على الكامره وطلعت
طلعت ب الحديقه مكتفه ايدي شفت السيد غضيمر واكف منطيني ضهره وعماد واكف بنص الحديقه ثنينهم ما منتبهن لوجودي
حجه عماد والسيد غضيمر يدك على صدره
_عماد :: هذا ابوي الغالي
راح ادفنا ابالي
......
عماد :: رجعت عيوني وطلبتك
من بعد ذاك الظلام
بويه جا جابولي رأسك
وين حضنك اريد انام
تدري البنيه حمامه
واليتم موت الحمام
والتفارك حضن ابوها
تقره السلام
صفنت بتعجب على صوت عماد وهوا يقره
فتحت تلفوني اصور واسجل صوته
جنت مبتسمه عيوني على عماد شلون مندمج ويقره
صارت عين عماد عليه من شافني واكفه اصور بيهم سكت مدنك رأسه بخجل
نزلت التلفون بسرعه قبل لايشوفني سيد غضيمر
التفت السيد غضيمر ب استغراب من شافني هز رأسه بقله حيله
باوعتله صفح شبي هذا
بقيت ساكته ماحجيت شي
خله السيد ايده على رأسه محتار بيه
مشه عماد يطلع من الحديقه بقيت اني وغضيمر وحدنا ب الحديقه
جان مكتف ايديه يباوع للأرض
حجيت
_صفيه :: ترا ب الصدفه اجيت مادري بيك هنا
_غضيمر :: مو مشكله أخذي راحتج
حجتها والتفت يريد يطلع من الحديقه
صحت بيه مانعته
_صفيه :: لألا سيد لحظه
وكف بمكانه بدون ما يلتفت
حجيت
_صفيه :: عندي مشكله احتاج مساعدتك بيها
بقى واكف بمكانه ساكت حتى ما رد علي ولا التفت
باوعتله ب انزعاج
شبيه هذا
حجيت
_صفيه :: ترا سؤال ديني
_غضيمر :: منتظرج تسألين
_صفيه :: اسألك وانت منطيني ضهرك ؟
_غضيمر :: تردين اخلي عيوني بعيونج واجيب الحرام ؟
_صفيه :: ترا الحرام يجي بتفكيرك مو من تباوع بعيوني
سكتت ماحجه شي
اني هم سكتت ماحجيت شي فضلت اخلي هوا يبادر ويكلي شنو سؤالج
حجه
_غضيمر :: ممكن الحرام بعيوني مو بتفكيري
حجاها ومشه تاركني وحدي ب الحديقه
رجعت دخلت للبيت شفت قس كاعده القنفه تهز رجليها بتوتر
مشيت كعدت يمها
حجت تباوعلي ب انزعاج
_قس :: امداج شسويتي ماتكليلي
_صفيه :: ضجت منه
_قس :: ليش؟
سولفت الها الي صار كله
حجت
_قس :: يمعوده غير ساده ويخافون من الحرام
_صفيه :: اي بس مو هيج يعني اني هسه احجي وياج عيوني عليج وانتِ عيونج على باب المطبخ؟
سكتت قس ماحجيت شي
واني هم سكتت مزعوجه منه
على نفس كعدتي واني احجي ويا البنات
اجاني أشعار من الانستا
فتحت التلفون
الابتسامه شكت حلكي من شفت السيد غضيمر متفاعل بقلب على الاستوري
طول الكعده اني مبتسمه السيد يكسر ويجبر
توقعت راح ينزعج من الاستوري والتاك
" قس "
صار المغرب عمي كال امشو
كمت اني ونضال جهزنا نفسنا وكعدنا نودع العلويات
رغم ماقبلن نمشي بس ماحبينه نطول كعدتنا
ودعت العلويات كلهن وباركت الهن مقدماً بزواجهن لان ماراح اكدر اجي
طلعنا برا وكفت البس حذائي
ضهري على الباب
سمعت صوت فززني
التفتت على مصدر الصوت شفت السيد معراج واكف ب الباب يحجي ويا شخص ثاني من بعيد البيت مامنتبهه لوجودي
ضحك والتفت داير وجهه
صارت عينه بعيني
صفن لثواني ودنك رأسه
هوا نزل رأسه وهيّا النظاره سرحت من عينه تريد تطيح
لزمها حيل مرجعها لوجهه
دنك رأسه ومشه خجلان
ضحكت أهز راسي بهدوء
ودعنا قدس والعلويات وطلعنا غضنفر أخذنا بسيارته ردنا نزور الإمام قبل لانرجع للبيت
واحنا نمشي حجه علي موجه كلامه لنضال
_علي :: بيبي ليش اكو زنود الست وماكو زنود الرجل
_نضال :: لان زنود المره احلى
صفن شوي ورجع حجه
_علي :: زين بيبي ليش اكو شكر لمه وماكو ملح لمه
_نضال :: لان الناس مايخزر بيها الملح
رجع صفن مره ثانيه وحجه
_علي :: بعد بيبي ليش اكو من السما وماكو من الأرض
_نضال :: بيبي تدري ليش هذيج المره صاحيه وتمشي بكامل صحتها
حجتها تأشر على مره جبيره جاي تمشي
حجه علي
_علي :: ليش
_نضال :: لان ماعدها واحد مثلك امشي وانت ساكت لا أتعبني
سكت علي يباوع على الناس والشارع
دخلنا للأمام زرنا ودعينه
وطلعنا من النجف راجعين لديوانيه
" شاهيناز "
بلشت تجهيزات العرس
جان عرسي اني وعاتكه نفس الأسبوع ومهجان بعدنا
كل ما السيد يشوفنه عيونه تدمع وينقهر اعرف مو هينه عليه يشوف حفيداته الي كبرن كدام عيونه يتركن البيت ويرحن لغير محافظه بس ب النهايه هاي سنه الحياه
طول هاي الفتره ما التقيت بجادح لان انشغلت ب التجهيزات والمشتريات
وهوا جان مشغول بترتيب البيت وتجهيزه
واليوم جان موعد يجي جادح ودلهب ياخذونه اني وعاتكه نشوف البيت ونشتري الغرف
السيد اختار عمتي جهاد تروح ويانا لان العلويات الكبار جانن مشغولات
جنت اني وعاتكه كاعدات ب الصاله وعمتي ويانا تكلب بتلفونها
منتظرات الولد يكملون من كعده السيد ويأخذونا
طلعت ملاك من المطبخ بيدها برتقاله تكشر بيها
كعدت على القنفه تعبانه كوا فاتحه عيونها
باوعتلها وحجيت
_شاهيناز :: ملاك يمتى ناويه تجيبين مو راح تدور السنه على حملج
_ملاك :: حبيبتي اني انتظر ابني يصير زلمه ببطني واجيبه حتى ماتعب بتربيته بعدين
عكدت عمتي حواجبها تباوع لملاك
كملت ملاك تكشر ب البرتقاله مقتنعه بفكرتها
دخل فقار للصاله باوع النا كلنا كاعدات
أشر النا
_فقار :: يلا علويات زلمجن منتظريجن
_ملاك :: حلوه مال زلمجن هاي فديتك انت يا زلمتي
التفت فقار على ملاك يرمش بوجهه
دزتله بوسه هوائيه كدامنا واحنا كاعدات
اتحمحم فقار والتفت يطلع من المكان
التفتت عمتي على ملاك خازرتها
ضحكت ملاك ودنكت رأسها بخجل
ودعناها وطلعنا من البيت
نمشي خلف عمتي
طلعنا شفنا فقار والسيد معراج ودلهب وجادح واكفين برا
من طلعنا كلهم نزلو رأسهم سلمنا وهما ردو السلام
صعدنا ب السياره بعد ماودعنا الساده
دلهب يسوق وجادح بصفه واني وعاتكه وعمتي وراهم
طول الطريق احنا ساكتين دلهب وجادح ساكتين لان عمتي موجوده دلهب حيل يحترم عمتي ويخاف منها
عاتكه جانت كاعده ورا كرسي دلهب
انتبهت على دلهب يسحب ب إيديها وهيّا تسحب إيديها وهوا يرجع يسحبها وهيّا ترجع تسحبها
على ماوصلنا لبغداد عيوني راحت واني أبعدها عن دلهب وعاتكه
روحتنا صارت لبيت أهل جادح صح دلهب أصر نجي ويا لبيتهم
بس يعتبرون غربه مو مثل بيت جادح لا هذول اهلنا
نزلنا ببيت أهل جادح ودلهب مشه اتفقنه العصر نطلع للسوك نشوف الغرف حتى نرجع يوم ثاني للبيت
دخلنا للبيت صارت قدس وخلود كدامنا
تحاضنه ودخلنا نرتاح
بعد ما ارتاحينه كعدنا اني والبنات نسولف
انتبهت على طول الكعده خلود حاضنه فاطمه الزهراء تلعب وياها وفاطمه مندمجه ويا خلود وتلعب
حجيت موجهه كلامي لخلود
_شاهيناز :: صدك خلود ما صار عندج حمل
رفعت رأسها خلود بحزن
هزت راسها بلا
ابتسمت وحجيت الطف الجو
_شاهيناز :: عادي يمعوده بعدكم عرسان جدد هم بعد وكت
_خلود :: اي صح بس اني هم اريد طفل وغل كذالك جاي أشوفه حيل متعلق بفاطمه ويحب الاطفال
حجت عمتي
_جهاد :: راجعتي دكتوره؟
_خلود :: اي كالت مابيج شي وكل التحاليل نظيفه حتى غل تحاليه نظيفه ماكو مشكله بينه ثنينه
هزت عمتي راسها ب اي وحجت
_جهاد :: إذن تحتاجين صبر وان شاءالله الله يترس حضنج جهال
_خلود :: امين يارب
رجعنا نسولف
نغير جو لخلود ونسيها موضوع الاطفال
اجاني أشعار من الواتساب
فتحت التلفون شفت الرساله من جادح
كاتب
_جادح :: منتظرج برا
_شاهيناز :: جادح عمتي جهاد موجوده وين اطلع
_جادح :: ليش تخليني اجي اخذج من يمها
_شاهيناز :: يلا أتحداك تعال
شاف الرساله وصفن بيها مارد
ضحكت عيوني على عمتي جانت تسولف ويا خلود
رجع كتب
_جادح :: يلا حبيبتي واكف برا تعاي عندي وياج موضوع
سديت التلفون بدون مارد
كمت من مكاني عيوني على عمتي منتظره تكلي وين رايحه لو رجعي لمكانج
من شفتها ماعلقت طلعت من الصاله للحوش
شفت جادح واكف برا الجكاره بيده
مشيت اله مخنزره
سحبته من كتفه أخذت الجكاره منه وشمرتها خازرته
باوعلي مبتسم
حجيت بزعل
_شاهيناز :: هاي شبيك جادح ليش تشرب جكاير؟؟
_جادح :: ماوصلت حلكي من مده بس من اجيتي وشفتج حنيت الها
بقيت مخنزره اباوعله ب انزعاج
ضحك ماخذني بحضنه
صاك على سنونه بقوه
_جادح :: يمتى نتزوج
_شاهيناز :: مابقى شي
_جادح :: احسب يوم يوم للعرس
ابتسمت بخجل اباوعله
رفع شفايفه يقلد حركتي ب الخجل
اخذ ايدي باس ايدي اكثر من مره واني ساكته خجلانه ما متفاعله ويا
سحبت ايدي منه وسحبت نفسي اريد ارجع جوا
عكد حواجبه ب انزعاج
حجه
_جادح :: شنو يعني مانشبع من حلالنا
_شاهيناز :: من نتزوج مو هسه
نفخ ب ضجر هز رأسه ب اي ساكت
دخلت جوا
اول ماصارت عيني على عمتي
رفعت حواجبها
دنكت راسي ورجعت لمكاني ساكته
أجه العصر بعد ما ارتاحينه كملنا تجهيز وكعدنا منتظرين دلهب يجي
اني وعمتي وعاتكه وخلود
أجه دلهب وجانت صفيه ويا
زين سياره دلهب تاهو جبيره تكفينه كلنا
صعد جادح كدام واني والبنات ورا متوزعات
حجه دلهب موجه كلامه لجادح
_دلهب :: ابو جاكوج وجزام موجودين هناك
_جادح :: شعدهم
_دلهب :: ماعدهم شي هيج رايحين يتونسون
_جادح :: دلهب ياونسه ب السوك؟
ابتسم دلهب
باوع لجادح وحجه
_دلهب :: يكلك حميد موجود ب السوك
_جادح :: يا طلابه حميد ... دلهب ويانا نسوان مالنا خلك مشاكل
رفع دلهب ايديه وهوا يسوق
حجه
_دلهب :: لا حبيبي سيد احنا شكو احنا ناس مسالمين نباوع الهم من بعيد بس مانتقرب
هز جادح ايديه مامصدك كلام دلهب
فتح دلهب مسجل السياره
صاح يضحك موجه كلامه لعاتكه
_دلهب :: هاي الججج علويتي اسمع اسمع
_همت بيك واعلن جنوني تضل دوم ساكن عيوني
يحجي ويصفك بفرح
_دلهب :: غراميي بس إلك غرامييي علويه بس الج
اباوع لعاتكه مغطيه وجهه بخجل اني والبنات نضحك
ودلهب مامهتم بصيح بفرح
_دلهب :: هويتك ماواحد جبرني...حبيبي ي الحبك سحرني
_اذوبن لو اسمك يمرني
باوعت لعمتي تهز راسها تباوع من الجامه
وجادح ساكت ايده على حلكه كاتم ضحكته
_دلهب :: يمولاي رادوني اعوفك
شلي بهاي عيني الماتشوفك
اكصها جدامي الماتطوفك
حروفك سحرتني حروفك
اذوبن لو مرن عليا
وحك ذاك حماي الحميه
احبك لو كطعوني
ولا مهتم النا يصيح ومتفاعل ويا الرادود
طفى جادح المسجل يصيح بيه
_جادح :: شبيك يمعود تخبلت؟
_دلهب :: شتريد اشغلك لعددد إذا انت ط... يتراجف من الاغاني
هنا كلنا دنكنا خجلانين من حجايه دلهب خزر جادح دلهب بعصبيه
سكتت جادح يتلفتت بخجل تحمحم وكعد يتعذر
اباوع لعمتي عيونها شوي وتطلع من النقاب
حجه دلهب
_دلهب :: العفو علويات اعتذر على التلوث السمعتو....انا مو هيج اخلاقي ابددد أصلاً ما اتلفظ بهيج عبارات بس مادري منين طلعت هاي الحجايه
حجت صفيه تبرر جفصه اخوها العلج بحكلها
_صفيه :: عادي حبيبي ويا الوزن اجت
دارت علينا وغمزت تأشر على روحها عود مسحوها بوجهي
باوعت لعاتكه خازره دلهب هوا يباوعلها من المرايه ويبلعم بخوف يتعذر الها بعيونه
وصلنا للسوك ودلهب مستمر يعتذر
باوعت عمتي لجادح وحجت
_جهاد :: انتظرو هنا احنا نكمل ونجيكم
_جادح :: تمام
مشينه اني وعمتي والبنات واني اسمع جادح يرزل بدلهب
جنه اني والبنات محتاجات كم شغله من السوك ومايصلح الولد ويانا
بقينى نتمشه ب السوك براحتنا نتسوك
انتبهت على عمتي صافنه على رجال هوا وبنته يمشون مارين من عدنا
حجت صفيه ب ابتسامه تأشر على الرجال وبنته
_صفيه :: شوفي عتوكه تخيلته دلهب وبنتكم المستقبليه
_عاتكه :: امين يارب شكلهم يجنن
_خلود :: ادعلي بنات الله يرزقني ببنوته واشوف غل هيج يماشي بنته
جنه اني والبنات نباوع للاب وبنته بحب مكزكزين عليهم لان منظرهم يجنن البنيه تخبل بيدها لعابه ومصاصه تارسه شوي تمشي مثل البطريق
حجت عمتي
_جهاد :: مو ابوها هذا ..هذا خاطفها
التفتنا اني والبنات على عمتي بصدمه مامستوعبات كلامها
حجت عاتكه ب استغراب
_عاتكه :: شنو؟
_شاهيناز :: عمه مايصير نظن بيه وناخذ ذنبه
باوعتلي عمتي صفح
باوعتله وحجت
_جهاد :: شفته اول مانزلنا من السياره جان يمشي وحده بيده علاكه سوده ألي اكيد جان شايل بيها العبه الي بيد الطفله ويتلفت بين الناس عيونه على الاطفال
حجت خلود
_خلود :: يمكن جان منتظر أهله لو هوا اجاهم
_جهاد :: لا انتبهن على ايده مابيها حلقه هذا يعني مامتزوج وهذا مو دليل اكيد لان اغلب الزلم ماتلبس حلقه ...بس انتبهن على البنيه بيدها مصاصه وحده وهذا النوع من المصاصات يجي ثلاثه بربع ...بيدها الثانيه لعبه سبايدر مان وهاي العبه للأولاد... وين أمها برأيجن ممكن ننطي احتمال انو أمها جاي تسوك بغير مكان زين ليش ايده فارغه ماشايل علاكه مثلا مساعده لزوجته
رجعت باوعتله بتركيز وحجت
_جهاد :: جاي يمشي بسرعه ويتلفت ب المكان يخاف لا اهل البنيه يشوفو
_عاتكه :: يعني شنو؟
صاحت صفيه بحماس
_صفيه :: يعني اكشن
_جهاد :: عاتكه رجعي شوي شوفي اكو مره جاي ادور على بنتها لو ابو؟...وانتن تعالن وياي
مشت عمتي وراهم بكل ثقه جانت واثقه هذا الرجال خاطف البنيه مو ابنها خفت لا يطلع ابوها لو عمها لو واحد من اهلها ونتفشل وبنفس الوقت خفت لا يطلع صدك خاطفها
جانت ب النسبه الي مخاطره جبيره بس جنت امشي ورا عمتي خلص دام عمتي جهاد واثقه اني واثقه بعمتي
استمرينا نمشي خلفهم إلى ان بلش يطلع من السوك
انتبهت البنيه بدت تسحب ايديها من الرجال تصيح ماما وهوا ينعتها حيل إلى ان حملها على أكتافه ومشه بسرعه
مرينا على سياره الولد شفتهم من بعيد
جان دلهب والضابط جزام وأبو جاكوج محاصرين واحد على السياره هوا يتوسل الهم وهما يضحكون مامهتمين
بس جادح بعيد عنهم السبحه ب ايده يسبح
ركضت صفيه عليهم تنطيهم علم
وكفت بمكاني منخمش كلبي واني اشوف واحد فتح باب السياره للزلمه واشر اله يصعد بسرعه
هوا ركض لسياره وعمتي ركضت تسحب البنيه منه
التفت على عمتي بصدمه توا يدفع عمتي
وهبدته على وجهه ب العلاكه الي كلها أغراض
حتى ما الحك ينطي رد فعل انسحب من ملابسه
شفت الضابط جزام بضهره
ودلهب يصيح
_دلهب :: عوفو حميددد شباب
ابو السياره توا يريد يطفر وأبو جاكوج فتح باب السياره منزله
صارت هوسه ب السوك عمتي أخذت الطفله ورجعت بيها ما مهتمه للكل
بقو الولد مجلبين ب الاثنين هذول يصكعون بيهم
سمعنا صوت بجي وصريخ جاي من ورانا التفتنا
شفنا عاتكه وياها ثنين نسوان
وحده منهن منهاره من البجي ركضت على البنيه بحضن عمتي تبجي
أخذت الطفله من عمتي تصيح
_:: ولججج يمه ويننن جنتي حركتيلي كلبي
اشر دلهب على الي جان ماخذ الطفله حجه
_دلهب :: تعرفين هذا ؟
_:: لا لا ماعرفه
_صفيه :: كحلي عينج هذا جان خاطف بنتج لو ما العلويه جهاد جانت ذكيه وانتبهت
كملت صفيه كلامها تشرح الهم شلون عمتي عرفت بيه خاطف البنيه
انتبهت لضابط جزام فاتح عيونه ب اندهاش يباوع لعمتي وعمتي جانت عيونها على الطفله
صاح دلهب
_دلهب :: علويه هسه عرفت ليش كلها تحسبلج أحساب طلعتي استخبارات
_سالم :: نحتاج هيج شخصيات ذكيه
التفت دلهب على الاثنين
ابتسم بوجهم وحجه
_دلهب :: شباب اعرف بيكم على باب الله وهذا مصدر رزقكم وانا عندي قطع الاعناق ولا قطع الارزاق لهذا اخذو حميد وياكم وطلعو بدربكم يفيدكم حتى اعضائه اكبر
حجاها وغمز الهم يقنعهم
صاح جادح بدلهب يسكت
اباوع الي اسمه حميد وجهه صار اصفر من الخوف
ويا جمعه الناس اجت النجده واخذو الاثنين والمره على طول وكفتها تتشكر بعمتي
رجعنا نكمل نتسوك وعمتي ما مهتمه ولا كأنو قبل شوي انقذت بنيه
على طول الطريق أفكر عمتي منين جابت هل انتباه والثقه بأنو تحدد هذا خاطف
كملنا مسواك ورجعنا نشوف الغرف وهيج خلص الوقت
ثاني يوم رجعنا لبغداد
عرسي صادف اول عرس وبعد يومين من عرسي عرس عاتكه
الكل جان مخبوص ويتراكض
مايعرفون يحيرون بيه بعاتكه لو بمهجان
السيد كل نص ساعه يجي يحضنا ويبجي يبوس بينا
واحنا مو اقل منه مشاعر هم نبجي
مخطط العرس كان كتالي
الحنه ببيت السيد والعرس بعد يومين من الحنه نروح لبغداد اكعد ببيت ام جادح لان جان أصلاً كاعد بيت وحده ف مو يمنا والعرس جان حفله بسيطه ماردت هوسه
اجه يوم الحنه لبست فستان اخضر فتحت شعري وحنيت ايدي
جان يوم مميز وحلو ب النسبه الي يوم خاص بيه اني والبنات اليوم
ثاني يوم الصبح طلعنا لبغداد هل مره اهلي مو وياي بس امي والبنات وعاتكه ولأن ماردت هوسه وخبصه ب العرس
جان العرس هادء كل الموجودين اهلي وناس احبهم
حتى فستاني اختاريته بسيط بدون نفشه والمكياج سمبل
حبيت هل يوم يخلص بهدوء بدون هوسه وأجواء صاخبه
انزفيت لبيتي اني وجادح
جان قريب على بيت عمتي رنا
دخلت للبيت فارغ محد موجود بس امي اجت وياي ب البيت
دخلت للغرفه انتظرت جادح يجي
غيرت ملابسي وكعدت مثل الحبابه
دخل جادح للغرفه الابتسامه شاكه وجهه
اجه ب اتجاهي فرحان أخذني ورفعني يفر بيه
باوعلي وحجه ب ابتسامه
_جادح :: مو بس نورتي البيت نورتي روحي وحياتي انتِ
طبع بوسه على كصتي
كلها مشاعر شوق ولهفه من الانتظار والصبر
عرفت ملاك جابت حسين بنفس يوم زواجي بليل يلا هم زين انتظر عرسي يخلص ونور الدنيا
" صفيه "
جنت متحمسه لعرس دلهب وعاتكه اكثر من دلهب وعاتكه
احنا أجوائنا مو نفس اجواء الساده
احنا ناس نحب الطربكه والهوسه
عدنا الأغاني تمشي بدمنا والردح والصياعه هاي هوايه وجينات من الأهل
اعرف عاتكه واهلها يستحرمون من الأغاني بس احنا مانعرف نهز بدون ساجده عبيد
خالتي وعماتي متجمعات يهوسن ب الصاله ودلهب بنصهن يهوس
وكفت بنص الصاله
باوعت لدلهب وصحت
_صفيه :: انده بيك دلهب مأكول افلان
اكرع من صدك ومشيم الكرعان
دخل حازم على الخط رفع ايده وصاح
_حازم :: من البيضه مهيوب الحر
كلها هوست ب النص واني اطفر بنصهم فرحانه
التفتت على وجدان شفتها كاعده مبتسمه تباوع النا وتصفك
رحت كعدت بصفها
حجيت
_صفيه :: ها دكتوره
_وجدان :: ها صوفه
_صفيه :: يمتى نشوفج عروسه
ضحكت ايدها على وجهه
شلون بنيه وجدان هم دكتوره وهم حلوه وهم مثقفه لو اخوي حازم وراصد بيهم خير جان خطبتها لواحد منهم
بس ادري مايتوالمون
اجه يوم عرس دلهب لبست فستان قصير سمائي دلعه من الصدر شعري مفتوح
جنه احنا اهل العريس مأخذين العرس طول بعرض العلويات ولا تقربن اكتفن يستغفرن عازلات نفسهن من بعيد
شوي شوي بلشن يخفن ويطلعن لان اجوائنا ماتناسبهم
احنا اكيد نحترم رغبتهم بعدم سماع الأغاني والطربكه بس هذا اليوم جان لأخوي واحنا اهل العريس اكيد ماراح نمتنع مانفرح ونركص
وجدان جانت لابسه فستان من تدرجات الوردي رافعه شعرها الأشقر تصفك من بعيد مبتسمه
اجت شاهيناز تودعني حتى تمشي بوستها ومشيت خلفها اني وامي نطلع وراهم
انتبهت على الموجود ب السياره شخص اول مره اشوفه
حجيت عيوني عليه من ورا الباب
_صفيه :. منو هذا ؟
_شاهيناز :: اخوي سجاد
هزيت راسي ب اي ساكته اول مره أشوفه وأول مره اكتشف شاهيناز عندها اخو
طلعت شاهيناز والعلويات يصعدن ب السياره
ودعتهن ودخلت جوا اريد ارجع أهز
طلعت وجدان تركض بيدها جنطه بيضه
باوعتلي وصاحت
_وجدان :: العلويات نسن جنطتهن
_صفيه :: هسه مشتت السياره
نزلت الشال على راسها وطلعت من الباب تركض ما مهتمه لهوسه الزلم والموجودين
طلعت تركض على نياتها تلحك السياره
باوعت لسياره وكفت انفتح باب السايق نزل السيد اخو شاهيناز تقدمت وجدان عليه مبتسمه
انطته الجنطه تضحك الفطيره وهوا مبعد عيونه مايريد عينه تصير عليها
وهيّا لا عينها بعينه
سوتله باي ب ايديها ورجعت تركض للبيت تخاف لا يجيها واحد من الولد زين الولد ماموجودين ساعتها
دخلت للبيت تضحك
هزيت ايدي ودخلت وراها
بعد ماهزينه شوي ردحنا شوي صار موعد الزفه
صعدنا عاتكه لغرفتها وطلعنا
" عاتكه "
گعدت على طرف الجربايه إيدي ترجف وكلبي يدگ أسرع من صوت أنفاسي... كل شي هادي بس داخلي عاصفة أسمع خطواته تقرب خطوة خطوة... وكل خطوة تدك بكلبي
وانفتح الباب
دخل هوا وهيبته ابتسامته الرزنه مجمله وجهه
ماكو صوت غير نبض كلبي ونبضه
ابتسم ابتسامة دافية تقرب ب اتجاهي
كعد على الجربايه
حجه بصوت ناصي عيونه تتوزع على وجهي
" علويه عيونج دكت النبض بكلب الدفان ...."
بهاللحظة ابتسمت على كلامه خجلانه منه بعدني ما مستوعبه اني ودلهب بمكان واحد
رفعت عيوني وحجيت
_عاتكه :: ليش الدفان كلبه جان فارغ من النبض
حجه عيونه ذابله تتوزع بوجهي
_دلهب :: مثل الموته الي ادفنهم جثث فارغه مابيها نبض بس بشوفتج رد النبض
ابتسمت عيوني بعيونه
حجيت
_عاتكه :: بسرعه حبيتني انت
_دلهب :: اول ما لمحتج كدام البيت
عكدت حواجبي ب استغراب
حجيت
_عاتكه :: بس أحنا التقينه قريب المرقد من فاطمه ضاعت
ابتسم يباوعلي
هز رأسه ب لا نافي كلامي
حجه بضحكه
_دلهب :: أنا بيدي أخذت فاطمه اختج وجنت متقصد ذاك القاء
فتحت عيوني بصدمه مامستوعبه كلامه
حجه
_دلهب :: أنا شايفج اكثر من مره قبل لقائنا الأول بس انتِ ماجنتي منتبهه لوجودي لهذا أنا ردت اخليج تحسين بوجودي
خليت ايدي على حلكي مصدومه
صحت بزعل
_عاتكه :: دلهههب يعني جنت متقصد تخطف فاطمه
_دلهب :: ماخطفتها فاطمه تعرفني واجت وياي ب ارادتها
حجاها وابتسم
جنت مصدومه لدرجه عقلي مايستوعب الموضوع وشلون دلهب جان راسم الها
سحبني من ايدي مكومني من الفراش وكفنا بنص الغرفه نزع سترته وشمرها على الجربايه
فتح تلفونه على مولود خلي اليلوم يلوم
أخذني من رجلي صعدني على أكتافه لازمني من ايدي حتى لا اطيح
كعد يهوس ويحرك ب ايديه وايده واني على كتفه
اضحك ماخايفه اطيح لان اعرف اني على كتف منو
خلص هذا اليوم بحب ودفو كله مشاعر وحنان ماحسيت بغربه ب المكان لان دلهب جان مالي علي هل وحشه وجوده مثل وجود اهلي
مرت ثلاث أيام على زواجنا اني ودلهب وجانت احلى ثلاث ايام ب النسبه الي اخواني كل يوم يتصلون دلهب من يسمع بيهم يجي يركض يكعد يمي يغيض بيهم وهما يموتون قهر
جنت كاعده ب المطبخ اني وصفيه ودلهب وعمتي وفاء
دلهب حاضني من كتفي يمسح على ايدي
راسي على كتفه حجه
_دلهب :: حبيبتي راح اطلع اريد من ارجع بس الحمام تجهزيلي ياه إذا ماتعبج وياي واذا تتعبين خلي صفيه تجهزه
التفتت صفيه تباوع لدلهب صفح
ضحكت وهزيت راسي بلا
بعدت راسي عن كتفه باوعتله وحجيت
_عاتكه :: وين رايح ؟
_دلهب :: للحلاق
عكدت حواجبي وحجيت ب استغراب
_عاتكه :: ليش شنو تحلق
رفعت عمتي وفاء راسها مقدمه شفايفها كاتمه ضحكتها
وصفيه لا تضحك علني
سحب دلهب نفسه بقوه يحك بحاجبه
_دلهب :: لا تخرمشين مشاعري
_عاتكه :: هاا..لا اقصد شنو تحلف غير شعرك
_دلهب :: رجعت خرشمت مشاعري
حجت عمتي وفاء بعدم اهتمام
_دلهب :: لا تهتم يمه المهم عندك شعر ب... الباقي مو مهم
فتحت عيوني بصدمه على كلامها
اباوع لصفيه انسحبت من المطبخ بهدوء
كمت من مكاني منسحبه وياها
اسمع دلهب يحجي ويا أمه
_دلهب :: يمه البنيه تستحي مايصير هيج تحجين
_وفاء :: ولك يمه نسيت
طلعت امشي خلف صفيه
خجلانه من كلام ام دلهب لان ابد هل مسطلحات ماتنذكر ببيتنا
" قس "
جنت نايمه ومرتاحه بنومتي وشلون حلم حلو الدنيا تمطر علي فلوس واني اضحك متونسه
سمعت صوت جاي من وراي
التفتت اشوف نضال تصرخ وادك على راسها تصيح بس ما اسمع صوتها تقربت الها اكثر
بده صوتها ينسمع ويوضح اكثر سمعتها تصيح
علي ....علي ...علي
فزيت من نومتي على صوت نضال ب الواقع تصيح علي
كمت من مكاني طلعت من الغرفه
جاي انزل الدرج
شفت نضال واكفه بنص الصاله ادك على راسها علي ابن باسم وراها يبجي مبين مكتول
طلع عمي من الغرفه يصيح
_محمد :: شكووو عليمن الصياح
_نضال :: اي حقك المسعد نايم وين تدري احساس ضميررر انت
_محمد :: شكووو غير افهم
دارت نضال على علي شمرت عليه النعال بحركه كلب
صاحت ايدها على راسها
_نضال :: علي الطركاعه السوده بايع الماطور لابو العتيك
حجتها وكعدت ايدها على راسها تون
التفت عمي على علي خازره
_محمد :: ولك انت شنو سالفتك
_علي :: جدو هوا كال الي عنده ماطور للبيع
_محمد :: جدو انت تشتغل ب المزاد
كلبت عيوني ب انزعاج وصعدت للغرفه اكمل نومتي
شمرت روحي على الفراش اريد انام
صار عندي فضول افتح التلفون
أخذت التلفون من جوا المخده فتحته
دخلت على الفيس شفت السيد معراج منزل قصه
صورته بمرقد الإمام علي عليه السلام لابس دشداشه سوده
كتبت اله
_💬 :: زيارة مقبوله
بسرعه رد على الرساله حتى قبل لا اطلع من الفيس
كتب
_معراج 💬 :: منا ومنك صالح الاعمال
_قس 💬 :: ب النجف انت يمتى اجيت ؟
_معراج 💬 :: اي ب النجف ماصار هواي
_قس 💬 :: اي منور العراق سيد
ضحكت اهز ب ايدي
منور العراق يعني مو النجف بس. لا العراق كله
كتب
_معراج 💬 :: هههه حبيبي الغالي ...رايد أشوفك قبل لا ارجع لايران
عدلت كعدتي عاكده حواجبي شنو يرجع لايران
كتبت اله
_قس 💬 :: ليش ما مطول ب النجف ؟
_معراج 💬 :: لا مامطول راجع أنا والاهل لايران
_قس 💬 :: لا ليش مستعجل ب الرجعه
_معراج 💬 :: راح اخطب
صفنت ب الرساله ارمش
كمت من الفراش اباوع لرساله اريد استوعب شكاتب
كتبت اله
_قس 💬 :: تخطب ؟
_معراج 💬 :: ب إذن الله اي
_قس 💬 :: هاا اي... ب المبارك من ايران راح تخطب يعني ؟
_معراج 💬 :: اي زميلتي ب العمل
طفيت التلفون وشمرته على الفراش صافنه
شنو زميلته ب العمل شنو يخطب كمت افتر ب الغرفه اسمع اشعارات من التلفون بس ماعندي الشجاعه افتح التلفون واشوف
رجع ركض على التلفون
فتحت التلفون شفته كاتب
_معراج 💬 :: إذا تكدر تجي لايران انت اول واحد معزوم ان شاءالله إذا الله سهل
غلست على الرساله مارديت
رحت فتحت الواتساب اتصلت على قدس
ماردت من اول اتصال اتصلت عليها ثلاث مرات يلا ب الاتصال الثالث ردت
طلع وجه فاطمه ب الكامره كصتها بس طالعه تصيح
كمت اصيح عليها
_قس :: امشي لج امشي وين امج
هيا تصيح وتحط التلفون بحلكها
_قس :: واوو فاطمه شنو هاي شفت الامعاء الدقيقه وماشفت وجهج
انسحب التلفون من ايد فاطمه طلع وجهه قدس مبتسمه
رفعت حواجبها وحجت
_قدس :: فاطمه حبت تغلط عليج شوي واني ماينطيني كلبي ارفض الها طلب
_قس :: بس اشوفج انتِ وبنتج اغلط عليجن
كعدت فاطمه تسحب ب التلفون
تريد تأكله خطيه ماعدهم اكل
حجيت متذكره موضوع السيد معراج
_قس :: قدس صدك السيد معراج راح يخطب
رجعت راسها ب الكامره هزت راسها ب اي وحجت
_قدس :: اي راح يخطب دكتوره ويا ب الشغل
_قس :: هاا يعني صدك
_قدس :: اي صدك بس يخلص عرس مهجان يرجعون للايران ..ليش انتِ منو كلج ؟
سكتت مارديت عليها ايدي على خدي
رجعت قدس حجت
_قدس :: ها شبيج ؟
_قس :: لا مابيه شي بس جاي اسأل
هزت قدس راسها ساكته
رجعنا نسولف بغير مواضيع احاول اتناسى الموضوع
يلا قس انتِ شعليج يمعوده هوا انتِ تحجين ويا تضيعين وقت
ولو هوا كل ماحجي ويا يكعد يشرحلي على تشريح جسم الإنسان وفوائد الحليب والكولاجين للعظم
مر يومين على الموضوع ماحجيت ويا السيد بعد
خفت من روحي شلون ضجت لان يريد يخطب خاف اتعلقت بيه؟
لألا منين تعلقت بس تعودت عادي أنسى ويا الأيام
جنت كاعده ب الصاله اني ونضال وعمي إبتهال وقمر وعلي كلنا متجمعين ب الصاله نسولف
جان بيد علي بطل عصير كزاز
أخذته منه وقررت العب وياهم اشغل نفسي لا ارجع ارسل السيد
فريت البطل بينا احنا الكاعدين صار على نضال
رفعت راسي مبتسمه
باوعت لنضال وحجيت
_قس :: نضال شلون وافقتي تزوجين عمي يعني العفو اقصد انعجبتي بشكله بفلوسه ب لياقته البدنيه
عوجت نضال حلكها تباوعلي صفح
حجت بعدم اهتمام
_نضال :: امي كالت يفيدج تصكعين عليه ... وتعاي منيله فلوس هوا شو أخذته ماعنده فلوس يشتريله لباس لا خلف الله علي سويته معدل بس وين يجي بعينه هوا
صاح عمي يباوع لنضال
_محمد :: ليش منو ضلت تبجي حتى اخذها
خلت نضال ايدها على صدرها تذكر
حجت
_نضال :: يمتى اني باجيه عليك شنو مسودنه وبجيت ساعتها اني لو ادري بضيمك هسه ماخذتك ولا جبت منك هل طليان شوف هاي ابتهال طالعه تشبهك جنها موطه ام الكبوس
رفعت ابتهال راسها تباوع لنضال
_ابتهال :: يمه اني شعليه
_محمد :: ابتهال تشبهني ب الشكل بس تشبهج ب التصرفات _ابتهال :: بابا اني شكو
بنص السوالف والمعارك كلب علي ابن باسم روحه وطاح بصينيه الجاي والكلاصات
صاحت نضال تأشر عليه
_نضال :: شوف هذا الثاني هم يبي خيط منك
_قمر :: بيكفي سلفتي لاتحكي على ابن عمي
_نضال :: والله أنيم الصينيه براسج انتِ وابن عمج
_محمد :: احترمي نفسج نضال كافي هواي سكتت الج
_نضال :: سكتت سوريتك اليمك
_قمر :: مافي ادب عندك
رفعت ايدي اهدي بينهم
_قس :: لا شباب بدون غلط مانريد نوصل لمرحله الطلاق
صاحت نضال
_نضال :: اطلع من البيتتتتتت انت ومرتك
_محمد :: بيتي هذااا
كعدت على القنفه هزيت راسي ب انزعاج
هسه لو السيد معراج ما فكر يخطب شبي استعجل
" مهجان "
اليوم آخر يوم الي ببيت السيد
باجر يوم زواجي
توتر العرس بلش عندي من اليوم
نزلت الدرج افرك ب ايدي متوتره
شفت السيد طلع من المطبخ ب ايده كلاص ثلج بنص الكلاص شمعه جامده محاوطها الثلج
باوعلي السيد وابتسمم
رديت الابتسامه لسيد
دخل للمصلى واني دخلت ورا شفت المحسنات متجمعات ب المصلى كعدت بزاويه المصلى التلفون ب ايدي
فتح السيد شباك المصلى
خله الكلاص على الشمس ورجع كعد كدام المحسنات ينطيهن درس
فتحت التلفون اشوف داوود راد على رسالتي لو بعده
شفته ماراد على الرساله بعد رغم أنني رديت بنفس ألحظه الي راسلني بيها
انتبهت على داوود حيل بارد وياي
ماعنده حماس وياي
بروده زاعجني ومضايقني
بس اني ساكته ومغلسه على الوضع
صح هوا بارد بس هادء يعجني برزانته وهدوئه
مبتعد عن الكل وهذا الي يكفي
طفيت التلفون وصفنت بالي مشوش تذكرت الموقف الي جمعني ب مشواق قبل مده
جنت كاعده ب الحديقه احجي ويا داوود اتصال
سديت الاتصال منه الابتسامه شاكه حلكي
سمعت صوت حمحمه جايه من وراي
التفتت واني الابتسامه بعدها بوجهي
شفت السيد مشواق واكف مدنك رأسه للارض
حجيت
_مهجان :: تفضل سيد
رفع رأسه عيونه بعيوني
انتبهت لعيونه فص احمر مدمعه
ابتسم وحجه
_مشواق :: قاطعتج علويه
_مهجان :: لا سيد تفضل محتاج شي ؟
هز رأسه ب لا
تقدم بخطواته لأول مره عيونه تصير بعيوني بدون ما يغضها ويبعدها
حجه
_مشواق :: محتاج أعتذر الج
عكدت حواجبي ب استغراب
_مهجان :: ليش؟
_مشواق :: اعتذر عن الموقف الي زرع الكره بداخلج تجاهي وحرمني منج
فتحت عيوني بصدمه على كلامه
كمت من مكاني متوتره
هزيت راسي بلا اريد اطلع من المكان
_مهجان :: سيد ارجوك ماله داعي نرجع نذكر الماضي اني مسامحتك وماكارهتك كلشي صار نسيته
حجيتها ومشيت اريد اطلع من الحديقه
وكف كدامي مانعني أتقدم
رجعت بخطواتي خايفه
ماجنت خايفه منه لا جنت خايفه لان ماريد اطول المحادثه احسها نفسي جاي اخون داوود واكسر ثقته
حجه
_مشواق :: ليش تتهربين مني ؟
_مهجان :: ماجاي اتهرربب سيد بس وكفتنا غلط
_مشواق :: داوود بشنو احسن مني ؟
فتحت عيوني بصدمه
صحت بيه
_مهجان :: كافففييي سيد ابتعد عن طريقي
هز رأسه ب اي مبتسم
حجه يكسره وحزن
_مشواق :: راح ابتعد عنج هواي علويه اعتذر الج عن كل الي صار
حجاها والتفتت يريد يمشي
وكف بنص الطريق حجه منطيني ضهره
_مشواق :: ماجاي استوعب الخذلان الي حصلته منج طول عمري ماراح اكدر أنسى علويه ماراح اكدر
حجاها ومشه طالع من الحديقه
كعدت ب الأرض ايدي على راسي
ايدي يرجفن وكلبي يدك بسرعه
رفعت راسي كاسره صفنتي على صوت السيد
تقدم لكاسه الثلج جان الثلج ذايب والشمعه منغمسه ب الماي
اخذ كاسه الماي باوع للمحسنات مبتسم
حجه
_عبد الروؤف :: تذكرن اول ماجبت الكلاص شلون جان
_ام الحسن :: ثلج
_عبد الروؤف :: ليش ب البدايه جان ثلج وهسه ماي ؟
_ام الحسنين :: لان جان ب الثلاجه وبعدين غيرت مكانه وصار جوا الشمس لهذا ذاب الثلج
ابتسم السيد وهز رأسه ب اي
حجه السيد
_عبد الروؤف :: تغير حالته لان غيرنا البيئه الموجود بيها ...قبل لا اطلعه من الثلاجه جان محاوطه الظلام والبروده من أربع جهات لهذا جان صلب وبارد من غيرت المكان وطلعته جوا الشمس والنور تغيرت حالته وصار افضل
طلع الشمعه من الكلاص وكمل كلامه
_عبد الروؤف :: الإنسان نفس الشي من يتواجد ببيئه ما تناسبه بيئه بارده بعيده عن الله بيئه كلها كفر ...غيبه ...محرمات ...وغيرها من العادات ألي تجمد روح الإنسان وتجمد داخله تخليه صلب وبارد مابيه اهميه لنفسه ولا لغيره مجرد كتله من الذنب متواجده ويانا ب العالم بس
مسح على الشمعه من فوك
طلع جداحه من جيبه وكعد يحاول يشعل الشمعه بس لان جانت بارده ومبلله ماشتعلت بسهوله
رجع يكمل كلامه ويا محاولته لاشتعال الشمعه
_عبد الروؤف :: الإنسان من يغير بيئته البارده لبيئه دافيه كلها نور ورحمه من الله راح يصير داخله لين وجميل لان التجىء لله كسر حاجز الصلابه والبروده الثلج اخذ فتره حتى يذوب ويصير ماي واحنا كذالك من نرجع لله ناخذ فتره طويله ومتعبه حتى نثبت نحتاج صبر نحتاج محاوله نحتاج ثبات واصرار
_عبد الروؤف :: الرجعه لله مو سهله احنا نطلع من رحمه الله ونذنب ونختار الطريق الغلط بسهوله بس نرجع بسهوله لا
استأذن من عدنا يطلع من المصلى شوي
طلع ورجع بسرعه بيده تفاحه جامده
باوع النا
خله التفاحه على الرف كدامنا واشر النا نركز عليها
حجه
_عبد الروؤف :: التفاحه هاي جانت ب البراد حالياً هيا كلش صلبه وقاسه صعب نأكلها لان راح تأذي سنونه انتبهو عليها رغم اني طلعتها من الثلاجه وخليتها ب الحر بس انتبهو شلون راح تجمد وتثلج ب الزايد
انتبهت فعلاً صارت طبقه من الثلج الأبيض على التفاحه كأنها جمدت اكثر من ماجانت ب البراد
حجه السيد
_عبد الروؤف :: المذنب من يرجع لله بعد ما اذنب وسرح بهاي الدنيا بكيفه خلص وقته حرام بحرام بس هوا قرر يتوب ويرجع لله لان الندم نغزه بقلبه شنو راح يصير ؟
حجه
_عبد الروؤف :: الله سبحانه وتعالى راح يخلي يذنب راح يجمل الحرام اله ويسحبه عن التوبه مو لان الله مايريد يرجع يحتضنه ويتوب عنه لا بس حتى يأكد لهذا العبد توبته هل هوا عائد للحرام ام تارك الحرام وتوبته ثابته
إذا جانت توبته من داخله
اخذ الشمعه مره ثانيه
فتح الجداحه عليها
ابتسم السيد من الشمعه اشتعلت
باوع النا وحجه
_عبد الروؤف :: راح يرجع العبد بدرب الله وراح يرجع الله يترس دربه ورد وينور حياته
انتهى الدرس واني طلعت من المصلى
بلشن البنات والكل تجمع ببيت السيد
أيام جنه كلنا ببيت واحد هسه صرنا نجي من ازواجنا
"ً قدس "
دخلت لبيت السيد خلفي عمتي وخلود شايله على أكتافي فاطمه نايمه
صعدت لغرفه عاتكه ببيت أهلها
شفت العلويه لباب وشاهيناز ب الغرفه سلمت عليهن ووكفت اريد انزل فاطمه
حجت العلويه لباب تأشرلي على الكنتور
_لباب :: قدوسه انتبهي لا تكعدين جوا الكنتور فقار صعد المكينه مال الخياطه فوك الكنتور كلشي يصير لا تطيح عليج
هزيت راسي ب اي عيوني على المكينه فوك الكنتور
نومت فاطمه على فراشها وطلعت من الغرفه
البنات كلهن متجمعات سوالف وضحك
صفيه جايه ويا عاتكه
مهجان شكد حاولت ويا قس تجي بس قس جانت ترفض وتتعذر الها
صارت جمعتنا اني والبنات ب الصاله صح تعبانات من الطريق بس ما اهتمينه كلنا تجمعنه ب الصاله نهوس لمهجان ونحاول نسحب التوتر والخوف منها
اجه اليوم الثاني وهوا يوم العرس
كعدنا كلنا الصبح متحمسات نحضر للعرس ونلبس
دلهب زوج عاتكه جان ويا داوود يجي ويا زفتهم واهل العريس هوا واصدقائه حتى اخوان دلهب ويا داوود
بس اخته صفيه وأمه ويانا
لبست فستان ماروني مستور مال محجبات اني والعلويات كلنا فساتينا مستوره ماكو وحده لابسه مشلتح بس صفيه جانت لابسه نص ردن بعدين غيرته تضامن ويانا
بلش العرس وجانت مهجان احلى عروسه تشوفها عيوني شكد ما اوصف جمالها ونزاكتها قليل بحقها
جنت شايله فاطمه ب ايدي لابسه بدله صلوخ ماروني هيا الوحيده ما ساتره روحها بعد معذوره بفتره الحفاضه بعدها
جنت واكفه قريب على العلويه لباب والعلويه زهراء
سمعت العلويه لباب حجت ويا العلويه زهراء
_لباب :: جهاد وافقت تزوج الضابط !!
وكفت بمكاني مصدومه وما مستوعبه الموضوع شنو العلويه جهاد وافقت تزوج !!
كملت الحفله واني بصدمتي بعد ماعرف شسوي بس أهز على الهوسات
معقوله العلويه جهاد راح تزوج !!!
" مهجان "
اليوم يومي
اليوم اللي كلشي بيه حلو وكآمل
بس كامل ب النسبه للجميع إلى اني
أني اليوم عروس بس مو اي عروس
اليوم واكفه بين اهلي
بس جنت احلم اوكف بين اهلي صدك
أمي و أبوي ماشفتهم بين حشد الناس عيوني أدورهم بس ماصادتهم
غيابهم ثكيل واليوم ب الضبط حسيت بغيابهم الحقيقي
دخل السيد بوقاره وهدوءه بعينه دمعه مكتومه بس يبتسم إلي حتى يقويني وما يشاركني ب تفكيره ماجان يعرف اني نفسي أفكر بيهم
تقدمت العلويه حضنتي جانت تريد تعوضني عن الدنيا كلها وعن غياب امي إيدها على راسي جانت مأخذه دور امي بس تبقى أمي غير...
البنات محاوطاتني يضحكن ويسولفن يحاولن يشجعني ويشاركني بفرحتي
فستاني الأبيض
ناعم يلمع
يلف جسمي بهدوء
الطرحه نازلة على شعري
جنت متوتره مثل كل بنيه تتوتر بهذا اليوم وتخاف من لحظاتها القادمه
إيدي ترجف... أنفاسي ثكيله
كل شوي أعدل الفستان أمسح على شعري ما أعرف شلون اهدء
عرفت بيه راح يدخل من شفت البنات ركضن لبسن عبيهن وابتعدن
راح يدخل داوود
ياخذني من هذا البيت
البيت اللي كبرت بيه وتعلمت وضحكت بيه... واللي بيه ذكريات أمي وأبويه بكل زاوية صح ما الحكت أعيش وياهم الذكريات بس بهذا البيت جانو اهلي وضحكهم جان ب اركان هذا البيت
مسح السيد على راسي وحجه عيونه مدمعه
_عبد الروؤف :: مهجه روحي جاهزه ترحين ويا زوجج وانيسج وشريك احلامج وحياتج المستقبليه ؟
هزّيت راسي اي
دخل داوود للصاله مدنك رأسه تحت هوسات أمه وعماته وخالته ونسوانهم
سلمني السيد لدواوود
باوع السيد لداوود وحجه
_عبد الروؤف :: هاي أمانتي عندك داوود مهجه ماريد بيوم دمعتها تطيح بسببك اريدك تحافظ عليها بروحك
باوعلي السيد عيونه كلها دموع
حجه
_عبد الروؤف :: هاي أمانه ابني الي واليوم أنا أسلمك الامانه وأنا كلي ثقه بيك
_داوود :: بعيوني اخليها سيد
باس داوود راس السيد ورجع باس راسي
لبسوني البركع حتى نطلع من البيت
حاوطني داوود ب ايديه ضامني
واحنا نطلع من البيت سمعت سهام صاحت تركض العلويه للباب
_سهام :: علويه مشواق تخربط
ركضت العلويه لباب بنفس ألحظه حاوطني داوود يأشرلي نطلع
مشينه نطلع من البيت
بقيت منزله راسي مارفعت راسي
صعدت لسياره مضلله
طلعت السياره واني رفعت راسي اشوف الزفه
دلهب مطلع رأسه هوا وأبو جاكوج بيدهم مسدس يرمون من الجامه
صاح عليهم غضنفر من سيارته يمنعهم يرمون
رفع دلهب مسدسه على غضنفر يريد يرمي على السياره فتح غضنفر عيونه مصدوم مخفف سرعه سيارته
ضحك دلهب يهز رأسه وأبو جاكوج يغمز
رفع غضنفر ايده غمهم منزعج
انتبهت على داوود اخذ ايدي ب ايده يبوسها باوعتله يباوعلي ب ابتسامه
وصلنا لبيت داوود نزلنا داخلين للبيت
طول الوقت اني متوتره افرك ب ايدي
إلى ان اجه موعد الزفه
دخلت للغرفه
بدلت ملابسي وكعدت على الجربايه ارجف من الخوف
دخل داوود للغرفه
باوعلي ب ابتسامه بارده
ماعرف ليش بروده سببلي خوف ماحسيت بطمأنينه ويا
اجه ب اتجاهي باسني براسي وباس ايدي
حجه
_داوود :: مهجه روحي ومرتي وعلويتي
ابتسمت على كلامه
طبع بوسه على كصتي
وانتهى هذا اليوم
" قدس "
نزلت الدرج بعد ما سبحت وغيرت ملابسي
واني انزل شفت السيد عبد الروؤف كاعد ب الصاله بحضنه فاطمه الزهراء يلعب وياها
ابتسمت اباوعلهم شلون فاطمه مندمجه ويا السيد تضحك بعلو صوتها وصريخها مالي المكان
جنت ملبستها فستان جوزي غامق بدون ردن زنودها طالعه
وطوق ابيض كل ماتريد تنزعه السيد يمنعها وهيّا تصرخ وهوا يرجع يحاول يضحكها
بقيت واكفه على الدرج اباوعلهم ب ابتسامه فرحانه على فرحه السيد وفاطمه الزهراء
التفتت على صوت ملاك شفتها واكفه بباب الغرفه بيدها ابنها حسين
تباوع ب انزعاج مصطنع لسيد
_ملاك :: ليش هل تفرقه سيد ليش
ضحك السيد يباوع لملاك تقدمت لسيد بيدها حسين
حجت
_ملاك :: حسين صاله ساعه يبجي ويصرخ اريد جدو السيد اريد جدو كتله ماما جدك مشغول بفاطمه ماقبل إلى تأخذيني لسيد...ها ماما حسين شفت كتلك جدو مشغول بغيرك ماصدكت
ضحك السيد يباوع لحسين بيد ملاك
شال فاطمه بيده وتمشه لملاك
يريد يشيل حسين
مانحس غير فاطمه رفعت ايدها وصلخت حسين على رأسه تجر بوجهه تريد تاخذه
بعدها السيد عن حسين وملاك تصيح
_ملاك :: فقاررر تعال جيب اهلك وتعال ابنك انغدر
_قدس :: لا ما اسمح الج ماغدرته طكته بوجهه
التفتت ملاك ايدها على صدرها تباوعلي
حجت
_ملاك :: شوف شلون تشجع بنتها
_قدس :: اي حبيبتي أنمي عندها قوه الشخصيه
هزت ملاك ايديها والسيد يضحك
حجه السيد
_عبد الروؤف :: تعاي بابا ملوكه انطيني حسين
_ملاك :: خاف يضايقك سيد
_عبد الروؤف :: ماتضايق من أحفادي
_قدس :: احفاد أحفادك سيد
_عبد الروؤف :: كلكم اعتبركم احفادي حتى اولادكم
آخذ السيد حسين من أيد ملاك ومشه بيهم هوا وفاطمه لمصلى يلاعبهم
طلعنا إني وملاك للحديقه نرتاح من الجهال
تمشينه ب الحديقه نسولف
حجت ملاك
_ملاك :: تذكرت البنات كل مره هنا ويانا
هزيت راسي ب اي متذكره المواقف الي جمعتنا بهذا المكان
شفت عطاء كاعده فارشه ب الأرض على الحشيش بيدها كتاب تقره
تمشينه الها أني وملاك
حجت ملاك
_ملاك :: تسمحين النا نكعد عطاء
هزت عطاء رأسها اي بدون ماتحجي
كعدنا اني وملاك نسولف على الأطفال
بنص السوالف حجت عطاء
_عطاء :: هذا الضخم ألي جسمه كله موشوم شنو اسمه ؟
التفتت على ملاك عاكده حواجبي ب استغراب
ما اعرف على منو تحجي
حجت ملاك
_ملاك :: منو ؟
_عطاء :: الي جان لابس اسود عيونه ملونه اعتقد مادري
حجتها ودنكت تلعب ب ورقه الكتاب
حجيت رافعه حواجبي متذكره
_قدس :: قصدج ابو جاكوج؟
_عطاء :: شنو
_قدس :: ماعرف يمكن هيج اسمه
_ملاك :: سألم ابو جاكوج؟
_قدس :: اي اي عفيه صديق دلهب يصير
هزت ملاك رأسها ب اي
التفتت على عطاء ب استغراب
حجت
_ملاك :: ليش شبي ؟
_عطاء :: لا مآبي شي
حجتها وابتسمت بخجل
فتحت عيوني بصدمه اني وملاك عيونه على عطاء شلون خجلانه
عوجت ملاك حلكها وتقربت لعطاء
غمزت الها وحجت
_ملاك :: داحجي يا عطاء مو حتى خدودج صارن حمر
_قدس :: مآبي شي وخدودج غطت عيونج من الابتسامه
باوعتلنا عاضه على شفايفها بخجل
رفعت ملاك حواجبها تضحك
ابتسمت عطاء بخجل
حجت
_عطاء :: خيط عباتي ب العرس
عكدت حواجبي مستغربه
حجت ملاك
_ملاك :: شنو شنو
ابتسمت عطاء متذكره الموقف وراجعه بذاكرتها للماضي
جاي تحجي وفتحت عيونها مستوعبه الوضوع باوعت النا وصاحت
_عطاء :: عيب عليجن اني علويه حفيده رسول الله
_ملاك :: شقصدج نريد نطلعج ب الحجي ؟
_قدس :: ترا احنا ماحجينه شي بس قصدنا شلون ايده ب الخياطه نريد نخيط عنده
باوعتلنا صفح تهز ب ايديها
أشرت النا على باب الحديقه وصاحت
_عطاء :: يلا يلا طلعن من الحديقه لا تكطعن حبل افكاري
_ملاك :: ها العفو جنتي تحسبين المسافه بين الخيوط
عافت عطاء الكتاب تريد تكوم
كمت من مكاني جريت ملاك وطلعت من الحديقه
عطاء تصيح علينا
طلعنا اني وملاك نضحك من الحديقه
دخلت للمصلى شفت فاطمه وحسين نايمين ثنينهم والسيد يمسح مره على فاطمه ومره على حسين يقره قرأن
دخلت للمصلى اريد أخذ فاطمه اصعدها فوك ب الغرفه
اشرلي السيد اعوفها بمكانها
حجيت
_قدس :: خليني اخذها فوك سيد لا تفز
سكت السيد ماحجه شي
استمرّ يقره قرأن
أخذت فاطمه ومشيت اطلع من المصلى
شفت البنات دخلن للمطبخ يجهزن العشه كلت اصعد فاطمه وانزل وياهن اساعدهن ب العشا
صعدت الدرج أربت على ظهر فاطمه خاف تكعد
دخلت للغرفه شفت فراشها جوا الكنتور صاير
مشيت انومها على الفراش
ماكدرت انومها على الجربايه خفت لا تتكلب وتطيح واني مو يمها وماكدرت أغير مكان الفراش لا تفز من حركتي
خليتها بمكانها وطلعت من الغرفه
نزلت جوا أساعد البنات ب المطبخ ملاك كاعده على الكرسي تكشر البتيته والبنات يتساعدن ب الطبخ
صفنت متذكره البنات وجمعتنا ب المطبخ
شاهيناز .... عاتكه .... مهجان
البارحه جانن موجودات واليوم ماكو
كلها رجعت لبغداد بس اني بقيت لان جنت تعبانه وماكدر على الطريق اتفقنا اني وغضنفر نرجع الصبح
كعدنا نسولف إني والبنات متذكرات احداث العرس والي صار
حجت رقيه ام عاتكه موجهتلي الكلام
_رقيه :: صدك قدس وفاء ام دلهب حجت وياي ب العيد على اختج قس تريدها لابنها راصد
رفعت راسي على ام عاتكه
حجيت
_قدس :: ماعتقد قس توافق
_رقيه :: ليش خوش قسمه
_قدس :: ماعرف خليني احجي وياها واشوف
صارت عيني على ملاك شفتها صافنه تباوع بتركيز على خدلجه
شفت مهجان عاكده حواجبها ب انزعاج
رجعت ام عاتكه حجت مره ثانيه
واني عيوني ماطحت عن خدلجه
_رقيه :: حاولي تقنعيها ام دلهب كلش حابه اختج قس ورايدتها
ام عاتكه تحجي وخدلجه تعض ب اصبعها تهز رجليها بعصبيه
حجت ملاك
_ملاك :: راصد مو عمه ؟
_رقيه :: اي راصد
_ملاك :: اي لاخوش زلمه فقار دوم يمدح بيه بس فقار ضايج عليه يكول أربع مرات انفشخ ب الحذاء على عينه مادري منو متقصد هل حركه
فزت خدلجه على كلام ملاك تباوع لملاك بصدمه ابتسمت ملاك بوجهه ترفع حواجبها
خزرت خدلجه ملاك وكامت من مكانها ب انزعاج طالعه من المطبخ
التفتت ملاك تباوعلي غمزت تضحك
سكتت ما فأهمه حركه خدلجه وشنو موضوعها ويا راصد
رجعنا نكمل العشا إني والعلويات
بنص كعدتنا انحصر صدري وكلبي نغزني
شي بداخلي كرر إسم فاطمه الزهراء
فزيت من مكاني إيدي على صدري مختنكه
طلعت من المطبخ إيدي ما نزلت عن صدري رجلي كوا شايلاتني
شوي واطيح
شفت العلويه جهاد تريد تصعد الدرج
صحت ب اسمها بخنكه
التفتت تباوعلي ب استغراب
توني احجي توني انطق وآكلها شوفي فاطمه
وفزينا ثنينه على صوت طيحه قوي جاي من فوك
ركضت العلويه جهاد بسرعه
حيلي باد ساعتها رجلي ماحملتني
حسيت بفاطمه صار بيها شي كوا مشيت للدرج اصعد ماكدرت
كوا اصعد الدرج
سمعت عمتي جهاد تصرخ ب إسم فاطمه صريخها عالي طالع من كلب متكطع
طلعن البنات من المطبخ يتراكضن طلع السيد وفقار من المصلى
مادري شلون حملت روحي وصعدت الدرج للغرفه أتسابق ويا الكل
وصلت للغرفه وياريتني ماوصلت ساعتها
دخلت... وكلشي جان طبيعي للحظة...
بس ذاك الإحساس الغريب سبق عيني... شي ثيكل ضغط على صدري قبل لا أشوف
عيوني طاحت عليها...
جسمها الصغير ممدد على الأرض... ساكن بشكل مو طبيعي...
مكينه الخياطه على رأسها ضامه وجهه عني
بذيج اللحظه الدنيا سكتت
حتى صوتي الداخلي اختفى... ما كدرت أفكر... ولا حتى أستوعب
رجلي ثكلت... حسيت الأرض ماكدرت تحملني
وكلبي بدأ يدگ بشكل مرعب
مو خوف لا إحساس أعمق إحساس يعرف الحقيقة قبل العقل
قربت... وكل خطوة جانت ب النسبه الي مثل نهاية العالم
تفاصيلها الصغيرة صارت واضحة بشكل مؤلم
هدوءها... برودة المكان حولها
ذاك السكون التارس المكان مستحيل فاطمه تحب الضحك تحب الصريخ تحب البجي
مستحيل هل سكون موجود ب المكان الي فاطمه موجوده بيه
داخلي انكسر بدون صوت
ما صرخت مابجيت
بس فراغ هائل... فراغ يخلي الروح تتراجع
بعدها الألم انفجر دفعة وحدة
شعور يشبه السقوط من مكان عالي بدون توقف بدون نهاية
ذنب... عجز... فقدان... كلها اجتمعت بنفس اللحظة وخنكتني
إيدي ترتجف... روحي ترتجف...
أحس نفسي ضيعت شي ما يتعوض... شي جان مني وانسحب فجأة
طحت على الأرض بس عيوني عليها دمها يجري ب المكان عمتي جهاد تصرخ ماتعرف شتسوي خايفه اكثر مني مرعوبه من المنضر
اسمع صريخ البنات والبجي ملىء المكان بس إني بالي كله عند فاطمه بنتي ليش ماجاي تبجي ليش ماتحرك رجليها مثل كل مره من تشوفني ليش فاطمه بنتي ساكته؟
دخل فقار يركض للغرفه ضل صافن مامستوعب الي يشوفه محد مستوعب الي صار لان فاطمه قبل شوي صوتها مالي المكان
تقرب فقار من فاطمه يشيل المكينه عن رأسها فتحت عيوني بخوف
خايفه اشوف وجهه بهل لحظه لأول مره ما اكدر اشوف بنتي فاطمه
صارت ايد على عيني مانعتني اشوف المنظر واشوف بنتي
سمعت صوت عمتي جهاد وعرفت هاي ايد عمتي جهاد
صرخت
_جهاد :: ملاككك تعاي
عيوني جانت مفتوحه بس ايد عمتي جهاد جانت حاجبه الضوه عني
صار تبديل بيد ايد عمتي وملاك
جنت اسمع صوت ملاك تبجي بحركه وتصرخ
فجأه هيج لحظات وسمعت صريخهن كلهن جماعي عرفت فقار بعد المكينه عن فاطمه وهنا خافن من الي شافنه
انتهيت بساعتها لا انه اكدر اشوف بنتي ولا اكدر أتحمل ماشوفها
ماعرف شصار وقتها حسيت روحي تطلع من جسمي
غبت عن الوعي وجنت متمنيه اموت وكتها ولا اكعد بهذا اليوم
" جهاد "
أصعب شعور عشته ومر علي وقت فقدت عون وهاي ألحظه واني أشوف ام على وشك ان تفقد بنتها
نزلت الدرج خلف فقار عيوني على فاطمه ماعرف شلون جنت شجاعه وقتها واباوع الها
شلون اكدر أوصف حالتها بهاي ألحظه؟
فاطمه ام عيون حلوه
جانت فاقده عيونها وجزء من رأسها ماجان ضاهر منها شي غير حلكها الصغير
حتى شفايفها لونهن انكلب ازرك فاتحه حلكها بس سنها الصغير الي توا بده يطلع ضاهر
جانت متشوهه ب الكامل
السيد جان واكف بباب المصلى ايده على صدره من شاف فاطمه انخطف لونه بصدمه غمض عيونه عرفته راح يتخربط
امي وعمتي لباب ماتحملن ثنينهن طاحن
ركضت اريد اطلع ويا فقار
وكفت بباب الصاله إيدي على راسي لابسه بس شال بدون عبايه
رجعت للبيت ركضت علي ام رقيه بيدها العبايه اخذتها لبستها على راسي وطلعت خلف فقار
صعدت ب السياره التفت فقار علي خله فاطمه بحضني
روحي راحت من خلاها بحضني تمنيت الموت ولا هل لحظه
أيدي ترجف وجسمي يرجف
غطيت رأسها بعباتي ابجي واصرخ ب فقار يسرع
طول الطريق ايدي على صدرها بدون ماباوعلها واحط عيني عليها
استشعر بنبضها ماكو نبض
طول الطريق انتخي ب الله واهل البيت تصير معجزه وترجع فاطمه لحضن أمها سالمه
وصلنا للمستشفى ركض فقار أخذ فاطمه من حضني وركض بيها للمستشفى واني خلفه جنت فاقده اتراكض بدون وعي حتى ما منتبهه على نفسي جايه بدون نقاب بالي كله عند فاطمه
اخذو الدكاتره فاطمه من حضن فقار وركضو بيها
كعدت بمكاني كلبي يريد يطلع من مكانه
اتصل فقار ب الولد حتى يجون
ما طول الدكتور وطلع من الغرفه مدنك رأسه بحزن
ركض عليه فقار عيونه مدمعه
حجه بصوت محتقن وغصه مكتومه جان متوقع الي راح يسمعه بس جان متأمل يسمع غير جواب جان متأمل خير
_فقار :: دكتور بشر !!!
هز الدكتور رأسه بخيبه وحزن
حجه الدكتور الكلمات الي ماجنت رايده اسمعها
اتراجعت للخلف أيدي على عيوني الدموع تصب من عيوني كاتمه شهكتي واني اسمع الدكتور يحجي
_:: البقاء بحياتكم ....
