رواية صراع الشيوخ الفصل التاسع والاربعون بقلم ليال القمر
ارجوان وهي تباوعله بترقب وتوتر من ردة فعله
امير بصدمه: هاذة هاذة...
ارجوان هزت راسهة باي
امير مامصدگ باوع للهدية چانت حذاء مال طفل صغيروني كولش حلو
امير عيونه دمعت باوعلهة ولگاهة مرتبكة: صدگ ارجوان
ارجوان ابتسمت بتوتر واخذت ايدة الثانية وخلتهة علة بطنهة: اي امير اني حامل
امير ضحك بغير تصديق وحضنهة بقوة: صدگ حصير اب صدگ
ارجوان بتوتر: انت فرحان
امير وهو يضحك بسعادة ودموعه نزلت: حموت من الفرح حبيبتي صدگ حصير اب
ارجوان ابتسمت بحب: اممم صدگ امير حتصير اب
امير باسهة بحب يحاوطهة بتملك ابتعد عنهة وخلة جبهتة علة جبهتهة وحچة بصوت دافي ومبحوح: اعشگچ
ارجوان حاوطت رگبته وباوعت بعيونه: واني هم احبك
امير باوعلهة بغير تصديق: ماسمعت زين
ارجوان بخجل همست باذنه: اني احبك اميري
امير باسهة بلهفة ويبوس بملامحهة بحب وسعادة: احبچ اموت عليچ
ارجوان انصدمت من هجومه بس تفاعلت ويا وبادلته سحبهة امير للغرفة گلبة يدگ سريع من السعادة والحب
احلة خبرين سمعهم بحياته اعترافهة بحبهة اله وبحملهة... عبرلهة حبه وشوقة بالافعال والاقوال وانختمت ليلتهم بحب وسعادة
و......
گعدت ارجوان ثاني يوم علة بوسات امير
امير بحب: گومي ام جهالي گومي
ارجوان ابتسمت وحاوطت رگبته: صباح الورد
امير وهو يبوس شفايفهة بحب: صباح الحب علة الحب
ارجوان ابتسمت: امممم مراح تروح لشغلك
امير وهو يهز راسه بلا: لا اريد ابقة وياچ اليوم كلة اجلي روحتچ لبيت اهلچ
ارجوان ابتسمت بحب: اوكي مو مشكلة
امير بلمعة عيون عاشق: صارلچ شگد من حامل
ارجوان: صارلي شهر
امير: يعني من رحنه للنجف
ارجوان: اي
امير بخبث: وانه اگول شسالفتچ وية الحامض صايرلچ بالشهر سابيتني بي
ارجوان خجلت وخدودهة صارن ورديات
امير ضحك عليهة واخذهة لعالمهم الخاص
.
.
.
.
.
.
.
.
.
.
.
.
.
.
.
بعد مرور خمس سنوات
ارجوان بلطف : اسيل ماماتي تعالي هنا اعدلچ شعرچ
ركضت اسيل لارجوان وحضنتهة: ماما
ارجوان بحنان ولطف: ها يا حبيبة الماما
اسيل ببرائة : شوكت يجون عمو قاسم وخالة دالية وصرصور من امريكا
ارجوان ضحكت عليهة:بعد هواي بنوتي
اسيل بتفكير طفولي: مامي اريد بعد اخت الي
ارجوان بصدمه: شنووووو يا عشتو لو اموت حته غير اتخبل
اسيل بزعل طفولي : اذا متجيبيلي بعد اخت ماحبچ
امير وهو يحضن ارجوان من ورة: ولا يهمچ باباتي انه اسويلچ اخت
ارجوان باوعت لامير بضيق: اميري لتخليني هسة احير شسوي بيك جبتلك اربع اطفال بعد شتريد
امير وهو يلمس بطنهة بجرأة : بعد حبيبتي اريد انه سبعه
ارجوان باوعتله بعصبية : شنو سبعه انت تعرف الم الولادة والحمل لو اموت بعد مااجيب بيبي
امير وهو يبوس خدهة بعشق: شبيچ حبيبتي تعصبين
ارجوان بعناد: ما اسوي بيبي بعد هاي هية عندك تلث ولد وبنوته شتريد بعد
امير بعيون وكحة: حبيبتي انه اريد منچ بنات يشبهنچ
ارجوان باوعتله بضيق: وشتسوي بالبنوتات مو عندك اني وسيلو
امير: لا انتن شوية اريد منچ بنات بعد خطية سيلو تريد اخت الهة
اسيل وهي تتخصر: اي ماماتي اريد بنوته العب وياهة
ارجوان باوعتلهة بضيق طفولي: وليش عيوني مو گدامچ بنوته تلعبين وياهة
اسيل بعناد وغرور: لا انتي كبيرة ايييع اني اريد بنوتة حلوة مثلي
ارجوان فتحت حلگهة بصدمه وامير يضحك علة بنوته الوحيدة شالهة وباسهة بحب: حبيبتي ميخالف نجيبلچ اخت
اسيل باوعت لارجوان بحزن طفولي: ماما يعني لازم تاكلين اختي حته تكبر
امير: هههههههههه ارجوان شني دتحچي سيلو
ارجوان بضيق: لعد شنو تريدني اگوللهة تگولي شلون تحملين گتلهة اكلت اخوانچ وهمة يكبرون ببطني
امير: ههههههه تاكليهم حبيبتي بس انتي ما اكلتيهم انه سويتلچ ياهم... وهو يغمزلهة
ارجوان وجهة صار وردي من الخجل: منحرررررف
امير ضحك وحضن ارجوان واسيل بعشق
مجتبى بتذمر: واني وين مكاني
نسر وهو مكتف ايدة بطفولة: واني هم وياكم
امير فتحلهم ايده وهم حضنوا بعض
دخل ادم يركض بطفولة : واني واني همات
امير حضنهم كولهم بحب
ارجوان: يالله كتكوتاتي تعالو اغسللكم حته نخلص من الجراثيم
مجتبى بضيق طفولي: يعني الة اغثل والله ماريد
ارجوان: ليش عيوني متريد
نسر بحب: تعالو توأمي نروح نلعب بالمي نتخلث من الجراثيم حته نثير حلوين
ارجوان ابتسمت علة التوأم الثلاثة وشافتهم يدخلون للحمام واحد ورة اللاخ
امير بعشق؛ تصدگين ارجونتي ماچنت متوقع اكون اب لثلاثة توأم
ارجوان ضحكت بخجل: والله اني هم يعني توقعت لولد لو بنوتة بس ماتوقعت اجيب ٣ توام وبنوتة
امير ابتسم: يالله الكل منتظر ترة
ارجوان وهي تختار فستان لاسيل: اممم اوكي روح انت عايد اهلك واني اكمل تبديل واجيك
امير تنهد بارتياح علة عائلته السعيدة
غسلت ارجوان للتوام الثلاثة ولبستهم نفس اللبس وسرحتلهم شعرهم وخلتلهم عطر من امير ابتسمتلهم وهمة يباوعولهة ببرائة وطفول
مجتبى: ماماتي احنه نحبج
ارجوان وهي تضمهم ثلاثتهم بحضنهة بحب: واني هم احبكم كتكوتاتي
ادم بطفولة: ماماتي شوكت احصل فلوث
ارجوان باوعتله بمكر وتگرص خدة بمزح: مو اليوم انطيتك فلوس ها كتكوتي
ادم: بث اني اريد بعد
ارجوان تنهدت وگامت فتحت كنتورهة وطلعت من محفظتهة فلوس وانطت لكل واحد منهم: هاكم ذني روحوا اشتروا وية عمو شهم نمنمات
الاطفال گاموا يگمزون بفرح وركضوا نزلو جوة يعايدون بيبيتهم وعمامهم
اسيل وهي متخصر: ها عيوني شو لسة ما لبستيني
ارجوان باوعتلهة بتحدي: ومتلبسين انتي
اسيل 😜: غير انتي ماماتي واني بنوتچ الحلووة
ارجوان اخذتهة غسلتلهة ولبستهة فستان بناتي ورشتلهة عطر مال بنات صغار وسرحتلهة شعرهة وسوتلهة ستوتات يخبلن عليهة
اسيل تباوع لشكلهة بالمراية باعجاب : الله هاي اني طلعت اميرة فدوووة ماماتي ميرسي علة الفستان آي لوڤ يو
ارجوان ضحكت عليهة وباستهة بحب: آي لوڤ يو تو
نزلت اسيل تمشي بغرور مثل ارجوان ضحكوا علة مشيتهة اللي تخبل وشهم گعدهة بحضنه يبوس بيهة
نزلت ارجوان ورة مدة لابسة فستان محجبات لونه بيجي وية شال جوزي وحذاء بسيط لونه ابيض
غزل باعجاب: الله طلعتي صاكة بالله الله عليچ عشق هاي ام لاربع جهال
عشق مرت سجاد باعجاب: لا والله اصلا عبالك بعدهة بنوتة
ارجوان بغرور: ميرسي حياتي انتن الاجمل
كولهن ضحكن علة غرور ارجوان اللي متتخلص منه
امير بغيرة: حبيبتي عندچ بعد اگصف من هاللبس
ارجوان بمكر: اي حبيبي عندي
امير قبض علة ايدة بغيرة: طالعه چنچ عروس امشي بدلي
ارجوان : اميري ترة اليوم عيد شنو ترديني البس قابل واني اصلا دائما البس فساتين نفس هذني
امير تنهد بضيق: ماشي بس ممنوع تفترين جاذبة الانظار ترة انتي احلة البنات
ارجوان ابتسمت: اوكي حياتي لتزعل مني
امير: مزعلان
مجتبى: بابا اريد اشتري چبس
امير طل فلوس من جيبة بس ارجوان منعته: قبل شوية انطيته لتنطي وتعلمه علة الدلال
امير باوع لمجتبى: ولك وكيح مو امك انطتك
مجتبى ببرائة: اي مو انطيت نمنماتي لعماو
امير باوعله بشك وانطا فلوس ومجتبى فرح وركض لعمار: يالله عماو نروح نثتري
عمار هزلة براسة: اوگف اول شي اروح لماما عشق واستأذن واجيك
ارجوان باوعت للعائلة اللي ماشاءالله الجهال اتسطروا بالبيت وجهال سجاد وعشق موجودين تنهدت بارتياح
عشق هي زوجة سجاد تزوجهة سجاد عن اعجاب وعدهم هسة اطفال ثنين وعشق بنية كولش زينه وتعامل عمار مثل ابنهة واكثر وعمار من كبر كره مها كولش وميقبل يشوفهة
غزل زوجة شهم صار عدهة اطفال ثلاثة
مروة زوجة مهدي عدهة اطفال ثنين
وارجوان زوجة الشيخ امير عدهم اربعة اطفال
ارجوان صافنه قاطعهة امير وهو يشابك ايده بايدهة: شبيهة حب حياتي
ارجوان بشرود: سهام
امير باستغراب: منو سهام
ارجوان باوعتله: سهام بنت عمك
امير ملامحه تبدلت للانزعاج: وشذكرچ بيهة
ارجوان: امير بعدك تحبهة
امير بصدق: لا لويش تسألين
ارجوان بارتياح: اممم لا وله شي
اتصلت جومانه بارجوان وعايدتهة وقررن يرحن لمدينه الالعاب علمود الاطفال
ارجوان: امير حبيبي شنو رايك نروح لمدينه الالعاب علمود البيبيز
امير: ههههه حبيبتي شني بيبيز كبروا بعد
ارجوان: اي بس اني اشوفهم بعدهم البيبي ملاتي المهم خلينه نوديهم لمدينه الالعاب
امير بحب وحنان: ماشي حضروا روحكم
ارجوان: متحضرين هسة ميحتاج تأخير
دخلت ارجوان لبست عباية وطلعت امير شافهة ابتسم بارتياح وتذكر ذاك اليوم من طلعوا والصدمة چانت لابسة عباية مسويتهة مفاجأة لامير وهو كولش فرح وعشقة يزيد ناحيتهة شلون تحترم قراراته وتنفذ طلباته صدوگ هي الزوجة المثالية لامير
طلعوا كولهم لمدينه الالعاب وامير يباوع لارجوان بعشق
انه شيخ الشيوخ وصدر ديوان
انه الگلبي الماعاشگلة حرمة
بس هي نظرة من عيونهة خلت گلبي يرجف ويبگه اسير عدهة
هي مثل الملاك وحته الملاك ماينطيهة حگهة
خلت هاذ الگلب الحجر يكون عاشگ وولهان بحبهة
انه شيخ الشيوخ وصدر ديوان اصيرن اسير بايد حرمه
وهي مو اي حرمه هي گلبي وروحي والنفس اللي يصعد وينزل بصدري
هي بس اسمهة ينذكر نبضات گلبي تصيح باسمهة
ونار تهيج بصدري من تمر من يمي واضلن اموت حسرة اعلة گربهة
انه امير انه الذيب اللي وگع بعشگ ارجوان واهي مثل اسمهة حجر نادر وكلهة تتمنة تحصلة
انه ضيعت الاول والتالي بكلمه وحدة منهة
انه ابن الشيخ شهاب اللي من يمر ويحسبولة الف حساب
انه عاشگ ارجوان واضلن طول العمر واگع بحبهة اللي مثل اللعنة تصيب الانسان والي مايتخلص منه..
امير بعد نظراته عن ارجوان و لازم ايد اسيل بايدة وارجوان مركبه التوأم لعبة مال اطفال وواگفة تباوعلهم بلطف وتحچي وية جمانه اللي لازمة بتهة الصغيرونه واطفالهة الراكبين وية التوأم
اسيل بلطافة: حبيبي باباتي اريد ايس كريم
امير ابتسم وديمشي وطخ بشخص باوعله وانصدم بي
كرم بصدمه: امير
امير نفس الصدمه: كرم
امير باوع للطفل اللي لازمه كرم چان تقريبا اكبر من اسيل بشهرين
امير: انت شجابك هنا
كرم ببرود: شنهو شجابني هنا غير جاي اترفه
ارجوان تعدت من يمهم وباوعت للاطفال اللي لازميهم امير وكرم وابتسمت بلطف
امير باوع للطفل اللي يباوع لاسيل باعجاب
كرم باوع لابنه ولاسيل اللي نظراتهة لا تختلف عن نظرات جاسر
كرم بابتسامه وهو يباوع للاطفال: امير
امير وهو يباوع لجاسر واسيل بشرود: مستحيل
باوعوا ثنينهم لبعض وگالوا بنفس الوقت:
انتهة
صراع
الشيوخ
.
.
.
.
.
.
.
.
.
.
.
.
.
بدأ الصراع بالكره والانتقام وانتهة بنظرات الحب والاعجاب ليطفأ نار الانتقام اطفال ناظروا لبعضهم باعجاب ويخمدوا نار الصراع والثوران
🌹🌹 للكاتبة ليال 🌹🌹
شنو رايكم بنهاية الرواية؟
وهل تستحق قرائة وانتظار النهاية؟
منو حبيتو اكثر شخصية كرم او امير؟
مهم
اعتذر كولش هواية لان ما التزمت بكلمتي بس والله چنت مشغولة وماگدرت اكتب
طبعا نبأ سبحان الله نفس تفكيري ردت اسوي النهاية عن حب واشكرچ نبأ علة فكرتچ لان كولش حلوة وانتي احلة صديقة بالواتباد واشكر افنان صديقتي من ليبيا علة تعليقاتهة الجميلة واللي خلتني اتحمس واكتبلكم بارتات اكثر لان اني ردت اختمهة بس هي شجعتني بتعليقاتهة الحلوة و اكملهة بسلساسة
اشكر المتابعين والقراء الاعزاء علة تعليقاتكم الحلوة واكو هواي منكم يعلقولي ودائما وياي ويشجعوني احبكم كولش هواية واتمنه تتابعون روايتي الثانية
مليكة گلبي
طبعا هاي الرواية جنوبية بالناصرية والبنت من كربلاء
البطل اسمه قائد هو كولش بارد وغامض ومتسلط وعنيف لابعد درجة
البطلة مليكا هي كولش حبابة وهادئة وطبعا ام لسان
اتمنه تستمتعون بروايتي الثانية بس طبعا اني انزلهة حسب وقت فراغي يعني مو يومية
واكو هواي اخطاء وشغلات خرافية بصراع الشيوخ فراح امسح مقاطع واضيف اخرى لان اشوفهة كولش خيالية خصيصا اول بارتات ابد ماعجبني بس دا اصلح بيهن حاليا وارتبهة
واللي يسأل عن صراع الشوخ فهي قصة خيالية
طبعا شخصية البطلة ارجوان حقيقية بس مو نفس الاسم طبعا اني غيرته اما عن شخصية امير فهي خيالية
وبالحقيقة اني ما اعرف احچي اللهجة الجنوبية لان صعبة وغير مفهومة اني تعلمتهة من خلال روايات جنوبية فاعذروني اذا صارت اخطاء بالاملاء او بالكلمات
اللي عندة استفسار عن الرواية او توضيح اكتبولي بالتعليقات واني اجاوبكم
اريد دعمكم الية بليز لان اريد روايتي تصعد للقمه رجعوا للبارتات السابقة وصوتولي احبكم كولش هواية
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
