رواية بعد أن فات الأوان الفصل الرابع بقلم جمانه السعيدي
ياسين...اليوم الي بعده امي صار عدها تعب
اخذتها بيبي للدكتوره النسائيه الي أكدت الحمل بخطر
لازم راحه تامه
اما بلنسبه العماد بقا بلسجن الحد ما يتحاكم
واهله شكد جابو ناس على جدي حتى يرضونه
او يحاولون يحلون المشكله بشكل ودي بس جدي رافض اي تفاوض بينه وبينهم
المشكله شريكه اختفى لا موجود بلبيت ولا بأي مكان
الشراكه الي بينه وبين عماد ما مثبته بااي أوراق رسميه
شغل وبس
يعني حتى مايكدرون يشتكون علي
لان ماعدهم اي شي يثبت هاي الشراكه
انحكم عماد ست اشهر سجن
اما بلنسبه الامي خلصت اشهر الحمل البقيه وهيه نايمه على ضهرها تخاف تخسر الطفل
كدر جدي يجبر عماد يطلك امي
وهيج امي أصبحت مطلقه بعد ست اشهر فقط من زواجها
رجعت مكسوره خسرت نفسها
وأهم شي خسرت ثقة جدي بيها
جدي اول ماعاندته امي وتزوجت عماد خربت العلاقه بينه وبينها
بعد مايكدر يثق بيها مثل قبل
لان هيه عاندت وصممت على رائيها وما قبلت تسمع كلامه
المهم اني اجيت للدنيا سنة ٢٠٠٠ بشهر الواحد
جدي صمم يسميني ياسين
بيبي وجدي حيل فرخانيين بيه
عكس امي الي من اول ما نولدت وهيه هملتني
اعتمدت على بيبي بكل شي
اهم شي عدها تنام تاكل تطلع ويا صديقاتها تتونس
تشتري ملابس تروح للصالون
اما اني ابد مو مهم بلنسبه الها
يمكن كرهتني بسبب تصرفات عماد وياها
الحب الحقيقي بلنسه اليه كان من جدي وبيبي
الي شألو مسؤليتي من اول يوم اجيت للدنيا
امي عايشه حياتها وما تهتم الاي احد اهم شي شكلها وجمالها وراحتها
اما اهل ابوي ابد ماسئلو عني
ولا حتى فكرو يجون يشوفون شكلي ولا عبالك اسمي على اسمهم
صار عمري خمس سنوات واني متوقع بيبي هيه امي
هلكد ما متعلق بيها انام بحضنها ووين متروح تاخذني وياها
تشتريلي تلبسني توكلني
لان اني ابد مااشوف امي الحقيقيه لو نايمه لو طالعه
اذا لعبت لو طلعت صوت وهيه نايمه
تكلب الدنيا عليه تطلع اتعيط وتضربني بدون رحمه
بس جدي جان واكفلها وما يقبل تمد ايدها عليه
بهاي الفتره تحديدا يعني بعد خمس سنوات من انفصال امي عن عماد
رجعت امي تتودد الجدي تكعد وياا تحاول
تلطف الجو بينها وبينه
جدي جان حاسس اكو شي مستحيل تكون ناعمه هيج
اذا ماعدها شغله مهمه
جمانه السعيدي
جان منتظر تفجر المفاجئه حتى يفتهم شكووو
خل احجيلكم اني قبل لا جدي يعرف المصيبه الجديده الي جايته بيها امي
امي تعرفت على واحد عمره ٥٥ سنه
من خلال طلعاتها الي ما تخلص بحجة اطلع ويا صديقاتي
اغير جو وارفهه عن نفسي
على اساس هيه مرت بتجربه صعبه انصدمت بحبيبها عماد
بعد ماغدر بيها ونفصلت عنه
تطلع تغير جوووو حتى نفسيتها تتحسن
الرجال تاجر ارمل عنده ولد ثنيبن مزوجين
صار سنتين وهيه على علاقه ويااا وهسه قرر يزوجها
وهيه جاي تمهد الطريق
حتى تفاتح جدي بلموضوع
لان هيه متاكده جدي راح يرفض لعدت اسباب
اولا هيه عمرها ٢٥ وهو ٥٥ فرق ٣٠ سنه بينهم
ثانيا امي لازم هلمره تختار صح تختار شاب من عمرها
وتختار وواحد مناسب الها
حتى تكون اسره
الصراحه امي ابد ما تعرف تختار
الاول كان طمعان بيها واستغلالي وماكدرت تتحمل الحياة ويا ونفصلت
وهلمره جبير وماكو اي توافق بينها وبينه
ماجده...بابا عندك وقت اريد احجي وياك
جدي جان يقرأ نزع النظاره وكاللها تفضلي
ماجده...اكو واحد يريد يتقدملي
جدي....احنا مراح نخلص من هاي السالفه
ليش ما تحاولين ادورين وظيفه ليش ما تحاولين تقوين شخصيتج ليش حياتج مالها معنى
إلى متى راح تبقين طايشه وعديمة المسؤليه
ليش تفكيرج بس بلزواج
ماجده....صار خمس سنوات من انفصلت شنو ابقى عمري كله مكابلتكم وكاعده
غلطت مره مو معناها ابقى طول عمري ادفع ثمن هذا الغلط
هلمره اني اختاريت بعقلي مو بكلبي
انسان محترم وواعي تاجر وعنده فلوس
مهري راح يسجل شقه باسمي
اني هلمره اختاريت صح ومتاكده راح اكون سعيده ويااا
جدي...اذا سئلت عنه وكلت هذا الإنسان ما يناسبج
تقبلين وتعوفينه تسمعين كلامي لو راح تعاندين
مثل اول مره
ماجده....اني متأكده راح اكون سعيده هلمره وهذا الانسان الي يناسبني
جدي...اذا انتي مختاره ومقرره خلص ليش جايه تسئلبني
روحي ازوجي الله وياج
شنو يعني جايه تخليني كدام الأمر الواقع
ماجده....اني من حقي اختار شريك حياتي
جدي...روحي الله وياج اذا قررتي ليش جايه تسئليني
توكلي روحي ازوجي الله وياج
ماجده....بس مااخذ ياسين وياي
جدي...وانتي منو كالج اني اسمحلج تاخذين ياسين ياسين ابني وبعمري مراح اسمحلج تقربين علي
انتي وحده طايشه عديمة المسؤليه
ماجده....على العموم هذا كارت صادق الرجال الي متقدملي تكدر تسئل عنه
ياسين...جدي بيومها مات قهر صعد الضغط عنده
بنيه ووحده ومايكدر عليها تمشي بكيفها
اخذ الكارت وراح سئل عنه مجرد عرف عمره ٥٥
تخبل والشي الثاني الي عرفه عنه
يشتغل بأشياء مشبوها تهريب غسيل اموال
جمانه السعيدي
بعد ماجمع كل المعلومات عنه رجع شايط للبيت
بس دخل صاح بصوت عالي وعصبيه
ماجده ماجده وينج
اجت بيبي هااا ياستار
شكو ليش عصبي
طلعت ماجده من غرفتها تقدم رجل وتأخر رجل
تعرف نفيها غلطانه
جمانه السعيدي
جدي...تعرفين هذا المحروس الي متقدملج عمره ٥٥
وشغله مشبوه وصاحب علاقات
انتي إلى متى راح تبقين زماله وغبيه
ليش مصممه ادمرين حياتج
هذا الإنسان غير مناسب للزواج ليش مصدومه تمشين
وتتعثرين
بعدج زغيره اشتغلي كوني نفسج
عوفي ذني على الاقل اختاري صح
ليش اختياراتج زباله بلاول عماد وهسه هذا
انتي وين تلكين هيج شكولات
سكتت ماجده ورجعت دخلت غرفتها
بليل كعدت هيه وبيبي
ماجده.. اسمعي ماما اني اريد ازوج صادق وما يهمني كلام بابا اني احبه واريده
وهو هم يحبني ومتمكن راح يسعدني ويدللتي
اني ويا كل يوم راح نسافر بلد اعيش حياتي
بابا يريدني ابقى عمري كله مكابلته وكاعده
ووين اكو شخص مثالي وين اكو شخص محترم
اذا اسمع كلامه راح ابقى عمري كله بدون زواج
اذا قبل او ما قبل اني راح ازوج
صادق يكول نعقد بلعراق ونطلع نعيش برا
اريد اشوف العالم اريد اشوف الدنيا
اني جوازي عندي وجبيره مامحتاجه موافقة احد
بس نرتب أمورنا اني وصادق نعقد ونطلع
بيبي....انتي من كل عقلج تخبلتي ااكيد
ماجده...اي من كل عقلي وانتي تعرفيني زين اذا اصمم على شي اااسوي
اجت بيبي حجت كل هذا الكلام الجدي
طلع جدي من غرفته وراح الغرفتها بعصبيه
جدي...اسمعي ماجده اليوم الي تزوجين بي هذا الزباله
راح اتبرا منج
اعتبري ماعندج اب لو اسمع بيج ميته مالي شغل
لو شامرج للجلاب مراح التفت عليج
اعتبر نفسي طلعت عقيم ومازوجت ولا خلفت طول عمري
البنيه الي ما تسمع كلامي مو بنتي
فكري زين لو اني وامج وابنج
لو صادق اذا طلعتي هلمره من هذا الييت
انسي عندج اهل
ابد لا تفكرين ترجعين الهذا البيت
ياسين...امي بقت ساكته ماردت علي بس بداخلها مصممه تنفذ الشي الي براسها
كل هذا بسب التربيه الغلط الي رباها عليها جدي
بعد هذا العمر مستحيل تتغير
هيه متعوده الشي الي تصمم علي تنفذه
اسبوع كامل وامي ماتطلع من غرفتها ولا تحجي ويا جدي
جدي متوقع هيه زعلانه وتحاول تضغط علي
بس هيه جانت منتظره الموافقه تطلع وتسافر هيه وصادق
اصلا هيه خلال هذا الاسبوع عقدت هيه وصادق
وسجل الشقه باسمها
بعد ما كمل الاسبوع كعدو الصبح بيبي وجدي
مالكو امي بلبيت ماخذه ملابسها وجوازها وطالعه
بهذا اليوم تحديدا جدي بقه ساكت طول النهار
وهو يحس بلعجز كدام تصرفات بنته الطايشه
الي مايعرف وين راحت وشلون
هل هيه مزوجه لو راحت ويا هيج
بيبي....كله بسببك لو قابل تشوفه وتحجي وياا
لو مخليه مزوجه كدام عينك
زين هسه مانعرف وين راحت وشلون
ياسين...كلام بيبي زاد الحزن على جدي
وكع من طوله ما يتحرك كامت بيبي تعيط اجو الجوارين نقلو للمستشفى
ضربته جلطه بسبب الحزن والقهر
تلث ايام وهو بلمستشفى واني وبيبي ويا
اني زغير كلشي ماافهم
مااعرف امي تخلت عني وراحت تركض ورا رغباتها
تخلت عني واني زغير وحتى مافكرت بيه
طلع جدي من المستشفى وبدا رحلة العلاج الطبيعي
اشهر وهو ينتقل بين دكتور ودكتور
والعلاج الطبيعي على ايد احسن المعالجين
الله لايخلي احد بيد الدكاتره يكصبونه كصب
ابد مايرحمون المريض
اشهر على العلاج الطبيعي
منا لمن اتحسن شويه
رجله اليمنى ثكيله بلكوه يحركها
ويعتمد على عكاز وهو يمشي
المشي بطئ كلش بطئ
ولله جدي ما يستاهل تكون عنده هيج بنيه انانيه تفكر بس بنفسها وبس
ياسين...اسجلت بلمدرسه هذا اليوم المهم بحياتي
امي ماكانت حاضره
حالي حال الطلاب الي بعمري
صح بيبي ماقصرت وياي بس يبقى مكان امي خالي
كانت بيبي يوميه تاخذني للمدرسه توصلني تطمن عليه
ومن يخلص الدوام تجي ترجعني للبيت تصمم اسبح وواكل وانام
بعدين يكعدون هيه وجدي يقروني الدروس
كل سنه اطلع من الاوائل
من خلصت الابتدائيه يعني بعد ست سنوات بلظبط
اجا تليفون البيبي
ماجده...الووو ماما شلونج
بيبي...ماجده
ماجده...اي ماما ماجده
بيبي...شذكرج بينا
ماجده.....حبيت اسئل عنكم شلونج بابا شلونه
بيبي....الله لا يوفقج ابوج انجلط بسببج
بس كون ارتاحيتي ونفذتي الي ابالج
ماجده...ماما اني بغداد كاعده بشقتي
بيبي...مااريد اعرف عنج اي شي اني ماعندي بنيه
اني عاقر
اليوم الي طلعتي بي من هذا البيت
اعتبرت نفسي عاقر وماعندي خلفه جمانه السعيدي
ماجده...ماما اني انفصلت
بيبي...طبعا شمتوقعه من هيج زواج ااكيد تنفصلين
ديري بالج توصلين للبيت
اني ماصدكت أبوج نسى والحياة مشت
ماجده...الحياة تجارب لازم واحد يخوض التجربه يله يحس نفسه غلطان
بيبي.. بس تجربه عن تجربه تختلف .وليش انفصلتي بله يالغبيه يلماكو مثل اختياراتج
ماجده...طلع شكاك هلكد ماعنده علاقات يشك بيه
بيبي...ماكو نار من غير دخان ليش يشك بيج
ااكيد شاف مصيبه بنتي واعرفج
تمشين على راسج
ماجده....لا ماكو شي مو كتلج شكاك
مجرد شاف محادثه بيني وبين ولد صديقي
تعرفت علي بلخارج مجرد صديق تخبل عليه
وطلكني
بيبي....شوفي انتي مراح تعيشين سعيده طول عمرج مادام اني وابوج ماراضين عنج
وكولي امي كالت رضا الله من رضا الوالدين
وانتي كسرتي كلب ابوج
وشوهتي سمعتنا مستحيل الله يبارك بحياتج
ياسين...امي تكذب زوجها كشف عدها علاقه بولد صديقه
بلخارج
والعلاقة تعدت الرسايل والمكالمات التليفونيه
يطلعون ويدخلون سوه
الولد عمره بلتلاثين قريب من عمرها
زوجها بعد ماعرف بهاي العلاقه ماحجه شي وياها بلخارج
لان هناك القوانين كلها بصالح المره
حتلو الزوج يلزمها بوضع مخل مايكدر يشتكي عليها
قرر يرجعها للعراق
يرجعها النقطة الصفر
مستحيل يقبل تصعد على ضهره وتتمتع بخيره
وبعدين تعيش علاقه ويا غيره
أشر جوازاتهم وجابها للعراق
وهنا كشف كل الأوراق كدامها طلكها واشمرها
شمرت الجلب
ياسين...بعد ما طلعت امي من البيت وزواجها غصب على بيت جدي
ماتكدر ترجع للبيت
قررت تعيش على العلاقات
وين اكو واحد شبعان تركض ورا الحد ما توكعه
ويزوجها حتلو زواج عرفي
المهم تحصل واحد يصرف عليها
الحد ما تلكه وواحد غيره
وواكيد تدخل بعلاقات محرمه لان تعودت على القذاره
والا ستهتار
