رواية أحببت من لايبالي الفصل الثالث والخمسون بقلم مجهول
النسوان : شويه عيوني وخري
براء : اجيت ادنه عنهن دفعني حيلل ... نعوج الكعب وكعت على بطنها كدام السياره بقوه .... لزمت بطنها صارخه ااااه
حنان : ستوني طلعت من القاعه وشفت براء واكفه على صفحه صارت هوسه ومدافع ومااشوف غير براء اندفعت واكعه على دعاميه السياره ... رحتلها اركض ... وخرن وخرن ... براء تاذيتي شو بس باوعيلي
براء : بألم بطني بطني
حنان : يمعودات بسرعه روحن صيحن لزين بسررررعه الله يخليجن
المره : منوه زين
حنان : استغفر الله خاله بس اوكفي يمها هسه ثواني واجي عفتها ورحت ركض ادور على زين .... شفت محمد ... محمد حباب وين زين
محمد : راح يجيب سيارته شتردين منه
حنان : بخوف براء وكعت على بطنها وانضربت بالسياره .... عفيه روح صيحله خلي يجي ياخذ براء للمستشفى لتطرح
محمد : امشي بسرعه اني اخذها ياادور عليه الدنيا مكلوبه وين الكاا هسه ..... تعاي بسرعه ..... راحو ركض وصلو لكو براء تبجي والكل متجمع عليها ... خويه وخرو الله يخليكم ... بروئه حبيبتي شبيج بس فهميني شيوجعج
براء : بدموع محمد بطني حموت من الالم
محمد : تعاي نروح للمستشفى يله
براء : متكدر تتحرك من الالم بس تبجي
محمد : شالها بسرعه موديها للسياره .... صعدها وراح هو وحنان ماخذيها لاقرب مستشفى
حنان : براء خو ماعندج نزف
براء : لازمه بطنها ومبنده من البجي .... ماادري ماادري عفيه محمد استعجل راح اموت اللع يخليك
محمد : صلي على محمد ... مابيج شي انشالله ..... وره ثلث ساعه وصلنه للمستشفى نزلناها بسرعه ماخذيها للدكتوره
الدكتوره : اجتي بسرعه خير شبيها
حنان : دكتوره وكعت على السياره وتاذت بطنها وهي حامل
الدكتوره : انسحكت يعني
حنان : لا لا بس نضربت بمقدمه السياره
الدكتوره : دخلوها لجوه بسرعه بسرعه
محمد : كعد بره ماسح على راسه يارب كون مابيها شي
الدكتوره : دخلت فحصتها بسرعه ..... بعد فتره نطقت بأسف ماكو نبض الطفل مات العوض بسلامتج
__________________
زين : واكف اسولف ويه ادم وشفت نجمه اجتي تركض .... خزرها شبيج راح توكعين ليش تركضين وبعدين وين براء اني مو كتلج خليها وياج لاتعوفيها
نجمه : بارتباك زين براء وكعت ونقلوها للمستشفى
زين : فتح عيونه .... شوكت وكعت وتأذت لو لا احجيييي
نجمه : بخوف ... ماادري شلون وكعت بس الي سمعته واكعه على بطنها ومحمد خذاها للمستشفى هسه بسرعه الحكها الله يخليك
زين : بدون ما يجاوبها اخذ سيارته وصعد داس بانزين وطلع بسرعه من الزفه .... خابر محمد
محمد : الووو هاا زين
زين : وين المستشفى محمد بسرعه اطيني العنوان
محمد : مستشفى ال .......
زين : سده وحرك متوجهه للمستشفى .... يارب دخيلك كون مابيها شي لاهي ولا الطفل .... وصلت للمستشفى نزلت ركض سألت على اسمها كلولي فوك صعدت ركض ... وصلت لكيت محمد كاعد بره ... هاا محمد شصار ماطلعو
محمد : لا والله هاي صار نص ساعه همه جوه
زين : مسح على وجهه شدعوه نص ساعه
_________________
براء : هي سمعت هيج ودموعها كامت تنزل عشره عشره .... دكتوره الله يخليج كولي غيرها ... حاولي تنقذي الله يخليج ماعليج بيه يطبني مرض اني اهم شي هو ... حبابه ساعدي
الدكتوره : بنتي الطفل متأذي ببطنج اجتي الضربه قويه عليه ماتحملها توقف نبضه بسرعه .... ولازم تسوين عمليه بغير مستشفى حتى تنزلي لان هسه ماعنده كادر كافي لهلشي ولاحتى اجهزه حديثه
براء : بندت من البجي .... ليش الهي كولشي ولاابني ليش هيج ربي شنو سويت اني وتحرمني من قطعه من روحي ليش
حنان : مسحت دموعها لاتبجين حبيبتي اهم شي صحتج
براء : تنشغ يا صحتي يطبني مرض عساني بالموت ولا افقد قطعه من روحي واني عايشه
حنان : طلعت بره لكت زين واكف هو محمد
زين : هاا
حنان : سقطت للاسف
زين : حس سجينه وصارت بكلبه ... بهدوء يعني راح
حنان : اي توقف نبضه
محمد : الله يعوضك زين لاتضوج
زين : ضل ساكت مانطق ولاحرف .... شاف الدكتوره طلعت دخل شاف براء مبنده ... بهدوء حبيبي لاتبجين الحمدلله على كل حال
براء : بدموع لا زين هالمره مااكدر اكول هذا اختبار كافي تعبت من الاختبارات دفعت نص عمري اختبارات واني راضيه بس مال يصير اختباري بابني لا زين اني اموت والله مااتحمل .... انت تدري اني ليلي نهاري كاعده ومكابله المجلات والكتب اريد اتعلم شلون اتعامل وياا من يجي زين اني احسب ساعه ساعه ويوم يوم لجيته تالي يروح مني .... تبجي بطريقه تكسر الكلب ... يعني اذا راح بعد مااحجي وياا كل يوم بعد مااحس بي بداخي وين اودي البلوز الي داحوكه اله .... والله مااكدر اتقبل هالشي زين صعبه عليه صدكني لو يكلولي موتي هسه ماكلهم لا بس خلي يرجعوله نبضه
زين : كلامها مرد كلبه مرد .... مسح على وجها ... الحمدلله بالطفل ولابيج لو صاير عليج شي اموت وراج .... الف الحمدلله الي انطى يكدر يرزقنه بمثله لا تتذمرين هذا قضاء وقدر مو بأيدنه
براء : اني اموت بالساعه الي يطلعون ابني بيها يازين
زين : تنهد طالع محاجي الدكتوره ... شافها واكفه على جهه ... عفوا دكتوره شوكت تسوين العمليه ياريت لو يكون بأقرب وقت
الدكتوره : والله ماعدنه كادر ولا اجهزه بهالمستشفى انصحك تاخذها لغير مستشفى تسويلها العمليه او همه هناك ينطوها ادويه تنزل الطفل
زين : باستنكار اكو مستشفى مابيها اجهزه وكادر ... شنو هالخرط
الدكتوره : والله عاد اني دكتوره من زمان هنا وويايه جم دكتوره روح حاسب الدوله لان ماجاي توفرلنه كادر مو جاي تحاسبني
زين : عافها وراح .... حنان لبسيها عبايتها علما اجيبلها عبايتها واخذها للمستشفى الي اني بيها على الاقل خوش كادر وشغل هناك مو مثل هالمستشفى المرعبله لا نظافه ولا كادر
حنان : دخلت عدلت ملابسها ولبستها عبايتها اباوعلها سوده عليه دموعها مانشفت اجه زين كعدها على العربانه وطلعنه
زين : محمد روح انت اني راح اخذ بس حنان وياي لان احتاجها ويه براء انت ارجع للعرس لايفكدوك
محمد : لا ابقه وياكم
زين : مو اهلك هناك منو يرجعهم روح اني اذا احتاجيتك اخابرك
محمد : هز راسه وراح
زين : صعد بالسياره وحرك رايح للمستشفى الي يشتغل بيها ..... وصل وره نص ساعه ... صاح للممرض يجيب عربانه نزلها ودخلها
الموظف : شافه كام شلونك دكتور باوع لبراء الي كاعده على الكرسي خير دكتور خو ماكو شي
زين : بهدوء لا ماكو شي بس رجاءا شوفلي دكتوره ساره موجوده
الموظف : اي دكتور اليوم عدها خفاره
زين : هز راسه فاتح المصعد دخلها ... وصعد للطابق الي بي الردهه النسائيه ... وصلو فتح المصعد ودخل ... شاف الممرضات اجن بسرعه
الممرضه : خير دكتور
زين : بهدوء روحي صيحي لدكتوره ساره بسرعه
ساره : طلعت هاا دكتور شعندك هناا ... باوعت لبراء منو هاي
زين : دكتوره زوجتي وكعت على بطنها اخذتها لمستشفى..... كالت الدكتوره انو الطفل مابي نبض ولازم يتنزل ... بس ماعدهم كادر ... فجبتها هنا رجاءا اذا حالتها خطره باشري بالعمليه هسه
ساره : تنهدت مقهوره ... كافي حبيبتي لاتبجين هاي الارواح بايد الله يعوضج بالاحسن انشالله كافي حبيبتي .... تعالي اخذيها جوه هسه جايه اني
براء : بدموع مااريد انزله حبابه خلي ابطني اني ادري بي ميعوفني
ساره : دمعت عيونها ... حبيبتي ماانزله والله لازم بالبدايه اعيدلج الفحوصات حتى اسويلج تقرير تابع للمستشفى يعرف هالشي دكتور زين ... هسه يله تعاي وياي بس خلي اسويلج سونار اتأكد من وضعج الصحي وكفت دافعه العربانه يله حبابه لاتبجين
___________________________
سجاد : زفوني للغرفه ... خلص لهنا ورحم الله والديكم ماقصرتو يله تطشرو وروحو منا
قصي : لا شلون غير نتاكد من جهازك ونطلع
سجاد : اكل تبن جهازي اجدد من جهازك العاوي
قصي : ماعيب
سجاد : ههه دولو يله
حسن : ماوصيك سجاد كسر الجربايه
سجاد : استحو شويه وتأدبو فشلتونه
لؤي : شباب على كيفكم وياا دعمو ورفعو معنوياته بكلشي لا تضوجو اليوم يومه كول حبيبي محتاج مساعده نصيحه لخبث حبايه
سجاد : طيح الله حظكم خليت الحبوب الكم مااحتاجها ... فتهمتو وين زين اخويه زين هسه يجي يفزعلي ويخلصني منكم اباوع صدك وين زين من وصلنه لسه اني ماشفته
قصي : والله حتى اني ماشفته يجوز خذه مرته وفلت تدري البيت فارغ هسه وفهمك كفايه
سجاد : ضحك والحمزه اله اكله ... يله مشكورين روحو ... فتحت الباب واجيت اسدها
الولد : بصياح اشتغللللل زييييين لاتفشلنننننننه
سجاد : هههههه انشالله انشالله ... سديتها ودخلت ... اباوع محاسن كاعده وخاله البركع على راسها
ام محاسن : كامت ... وليدي عفتلكم العشه هناك
سجاد : باوعلها .... رحم الله والديج عمه
ام محاسن : يله من رخصتكم ... شاورت محاسن ديربالج على روحج وسوي الي كتلج عليه
محاسن : هزت راسها
سجاد : طلعت وسدت الباب رحت وراها قفلتها ورجعت ... وكفت كبالها رفعت البركع لزكت حنكها شو حبيبتي باوعيلي
محاسن : رفعت راسها مباوعتله .... لابس قاط ازرك طالع ويه لون عيونه يخبل
سجاد : باس راسها بهدوء شهالجمال هذا عيني بارده عليج طالعه تخبلين
محاسن : ابتسمت شكرا
سجاد : يله كومي اخذي حمام ريحي جسمج من التعب واني راح ابدل وانتظرج اذا تاخرتي اكثر من ربع ساعه اكل واعوفج
محاسن : كامت رافعه البدله لا شنو تتعشه بدوني انتظر عشر دقايق واني يمك ديربالك تفتح العلاكه مال الاكل ... راحت بسرعه دخلت للحمام رجعت طلعت احم سجاد
سجاد : نزع سترته وفتح قميصه باوعلها ذبت البركع وطلعت هاا حبيبتي
محاسن : دارت وجها افتحلي الشريط مال البدله ضاباته البنات مااكدر افتحه
سجاد : دارها عليه فاتح خيوط البدله .... تدرين مااعرف ليش هالتقليد انو العروس تلبس بدله بيضه يعني مثلا البس حمره سوده ورديه واصلا مااعرف ليش يسوون عرس خو العرسان يعقدون سيد ومحكمه ويسافرون وحدهم يتونسون بدال هالمصاريف والله شنو مسوي عرس حتى اعبي كروش العالم اكل
محاسن : هههه هاي بعد تقاليدنه
سجاد : جر اخر خيط موكع البدله
محاسن : لزمت البدله رافعتها
سجاد : سند راسه على كتفها خو مشت عليج وماحسيتي
محاسن : هاا
سجاد : باس ركبتها الحنطيه ... شنو رائيج ناكل وبعدها ندخل نسبح
محاسن : شاده ايدها على البدله اي اي اني جوعانه
سجاد : مد ايده يريد ينزل البدله عن جسمها ... لاتخافين حبيبتي هسه بس اتعشه بيج عود نرجع نتعشه مره ثانيه
محاسن : بارتباك سجاد اني مو جاهزه حباب ل....
سجاد : لزم متونها اشششش اني سجاد حبيبج لاتخافين مستحيل ااذيج خليني اعبرلج عن مشاعري الخاصه بطريقتي الخاصه هدي البدله حبيبتي نزلها عنها موكها بالكاع ... جرها للجربايه بادي ليلتهم والي راح تعلن تتويج زواجهم
___________________
ساره : وخرت جهاز السونار ... مباوعه لبراء الي لسه تبجي تنهدت بهدوء منو كلج الطفل ميت
براء : بدموع الدكتوره
ساره : حبيبتي الطفل عنده نبض والحمدلله مامتضرر منه شي بس انتي الي متأذيه شويه
براء : تبجي الله عليج يعني عايش
ساره : اي والله هاي نبضه سمعي الحمدلله ماكو شي حاليا بس انتي الي متأذيه لان الطفل نازل وهذا الشي ممكن يصير خطر عليج وساعتها راح يتهدد الطفل بالاسقاط لان وضع الام مرتبط بالطفل اني راح اكتبلج ادويه وهم لازمج راحه تامه بدون اي حركه وهم كون رجليج دائما مرفوعه حتى يثبت الطفل
حنان : يعني هالشي خطر على صحتها
ساره : لا حبيبتي اني اقصد اذا مالتزمت بالادويه وارتاحت راح تأذي نفسها وتأذي الطفل
حنان : بس دكتوره بالمستشفى الي رحنالها كالت الدكتوره الي هناك كالت الطفل كل نبض مابي
ساره : استغفر الله واستنادا على شنو كالت الطفل مابي نبض شهالغباء هذا غير تفحصها زين وتسويلها سونار ياله تاكد انو طرحت ... يعني حمدو ربكم ماجان عدهم كادر والا جان نزلو الطفل وهو عايش
براء : لزمت بطنها ودموعها ينزلن الحمدلله ابني طلع عايش الف الحمدلله والشكر
ساره : ابتسمت ياعمري كافي بجي موزين عليج تضوجين النونو وياج من تبجين
براء : مسحت دموعها خلص مراح ابجي خلص ... شكرا دكتوره
ساره : عفوا حبيبتي هذا واجبي ومااوصيج الفتره الجايه راح تصير صعبه عليج لان من اليوم يراد تدارين نفسج حركه سريعه ممنوع وهم رجليج دائما مرفوعه وادويتج لازم تاخذيها بموعدها هاي اذا تردين سلامة الطفل
براء : والله كولشي اسوي بس خلي يكون بخير
ساره : انشالله يكون بخير وصحه .... عافتهن وطلعت شافت زين ... عكب باجر ريوكي عليك
زين : باستغراب شنو المناسبه
ساره : ابنك عايش الحمدلله صحيح متحرك من مكانه ونازل بس انشالله بالادويه والراحه يرجع لوضعه الطبيعي
زين : ابتسم بفرح صدك وبراء شلونها
ساره : الحمدلله ... تدري الله يساعدك عليها حيلل حساسه والله بجتني وهسه يادكتورنه الكريم اريد السبت تجيبلي ريوك بمناسبة سلامة ابنك
زين : بهدوء انشالله بسيطه تدللين
ساره : ابتسمت رحم الله والديك يله تعال اخذها وجيبلها هالادويه الي كتبتهن الها وهنه مكتوب عليهن اوقات الاستخدام ... اكيد تعرف وهم كون تدير بالك عليها لان هي بنهايه الشهر الخامس وتعرف هذا يعتبر شبه اجهاض متأخر ومرات يموت الام بس الحمدلله زوجتك وضعها شبه زين لان الطفل ما نازل هواي
زين : هز راسه خو ماكو خطر عليها على حسب علمي نزول الطفل ابد شي مو مطمن بالخير
ساره : اعرف هالشي واني ماكتلها حتى ماتخاف بس خلي تلتزم بالعلاج وخلي كل بدايه شهر تجيني وبأذن الله مابيها غير العافيه هي والطفل
زين : انشالله .... اباوع شويه وطلعت حنان دافعه براء بالعربانه
براء : باوعتله فرحانه زين ابنه عايش
زين : ابتسم ماسح دموعها ادري الحمدلله ... شفتي مو كتلج هذا اختبار
براء : هزت راسها يله نروح
زين : دفعها يله تعاي .... طلعو من المستشفى راح جاب الادويه واجه .... فتح السياره شالها مكعدها لان السياره عاليه ماتكدر تصعد ... سد بابها وصعد متوجهه لبيت عمته .... رحم الله والديج خويه حنان زحمناج وياينه
حنان : لا شنو السالفه زين براء اختي مابيناتنه هالرسميات
زين : خابرت عمتي كتلها راح ارجع حنان للبيت كلتلي هي موجوده ... وصلتها سلمت عليهم وطلعت للبيت .... جوعانه حبيبتي اجيبلج شي
براء : بهدوء لاحبيبي كولشي مااريد بس خلي نوصل للبيت حتى انام لان كولش تعبانه
زين : مابقه شي شويه ونوصل .... وره شويه وصلنه اباوع الساعه بال12 بالليل حيلل شبسرعه مر الوقت ولو هي الزفه وصلت بالتسعه ومدري بيش ساعه طلعت ... دخلت السياره يم الباب الداخليه وكفتها ونزلت فتحت الباب وشلت براء
براء : حبيبي اكدر امشي
زين : مايصير تتحركين وبعدين انتي مريضه يعني عندج عذر يله دكي الباب خلي ندخل
براء : دكت الجرس ... تباوع قصي طلع
قصي : لا عاد تره مصختوها عيب عليكم كولو اكو ناس عايشين وياكم ادري كاعدين وياكم
زين : بهدوء قصي وخر رجاءا خلي ندخل تره مالي خلك الشقه
قصي : يباوع لبراء بأيدها اكو كانونه وعيونها حمر ... خير شبيج
زين : دخل للبيت يباوع امة الاسلام كلها عدهم ... كلهم كامو
جهاد : وين جنت زين صار ساعه ادك عليك
زين : بالمستشفى
مريم : خير شعدكم باوعت لبراء شبيج يمه
نجمه : يمه براء وكعت على بطنها واخذوها للمستشفى
مريم : لطمت على صدرها ياا صدك تحجين وليش ماكتولي
نجمه : والله زين ماقبل
لؤي : غير تخابرنه صدك تحجي انت
حسن : اكول اني ادور عليك الزفه كلها انت ماكو يعني موجان لازم تكللنه
زين : ماكو شي حتى اكللكم
خوله : خو ماكو شي الطفل شلونه
زين : نازل
احلام : باوعتلها طرحتي يعني
زين : لا اسم الله بس نازل الطفل
احلام : بس هي عابره الشهر الرابع يعني اكيد تطرح لان هالاشهر خطره
خوله : لا ماكو شي لا تولفين عادي جنه قبل اذا ينزل الطفل نروح للقابله مال المنطقه لان جنه نروح لدكتوره ولاشي والحمدلله جبنه وكبرنه واحنه كلشي مابينه وهاي سمر هم اجت نازله ومشاءالله صارت بيبيه هسه وبراء انشالله ماعليها شي اذا استمرت بالراحه ويه العلاج تصير مثل الورد هذا حسد ولد الحرام عينهم بالمكان
نجمه : اي والله هاكبر عينهم من عساها بالعمى
البنات : عندج العافيه انشالله
براء : بهدوء الله يعافيكم
زين : يله من رخصتكم تصبحون على خير ... اخذها وصعد فوك .... باس خدها بعمق اروح فدوه لعيون الي منفوخه من البجي
براء : خلت راسها على صدره
زين : وصلت للغرفه .... فتحي الباب حبيبتي
براء : مديت ايدي بجيبه طلعت المفتاح لان من بعد الي صار زين كام من نطلع يقفل باب الغرفه وياخذ المفتاح وياا ... فتحت الباب ودخلنه
زين : اخذتها للغرفه نزلتها على الجربايه وطلعت سديت الباب ورجعت
براء : فتحت عبايتها محاوله تشيلها
زين : اوكفي لاتتحركين ... وخرت العبايه عنها هي والحجاب فتحت سحابه الجبه الي لابستها نزعتها الها اباوعلها لابسه تشيرت علاكات وبنطرون
براء : اباوعله مد ايده لرجلي يريد ينزعني الجواريب وخرتها .... لا زين وخر اني انزعهن لتلزم رجليه
زين : لزم رجليها منزعها الجواريب ... تره الي جاي اسوي مو عيب انتي مرتي ووضعج حرج يعني هذا واجب عليه .... راح طلع بجامه واجه نزعها البنطرون ولبسها البجامه
براء : رفعت ايدها فاتحه شعرها وعينها عليه
زين : تمددي حبيبي
براء : رجعت جسمها على المخده متنهده
زين : راح سبح بسرعه واجه طلع مخاد من الدولاب واجه صفطهن ورفع رجليها فوكهن ... راح تمدد يمها
براء : باست خده شكرا حبيبي تعبتك وياي اليوم وحرمتك من العرس
زين : انعل ابو التعب والعرس صحتج عندي انتي وابني تسوه الدنيا ومابيها
براء : تلمست لحيته بهدوء .... معقوله الله عاقبني اليوم لان قبل فتره تجاوزت عليك وغلطت بحقك هواي
زين : باس باطن ايدها ... شي اكيد لا وعلى فكره اني سكتت عنج لان جنت ادري انتي بحاله عصبيه وهرمونات الحمل ماثره عليج لهسبب جنت عاذرج والا لو ما عندج هرمونات مرتفعه وتجيني تحجين وياي بهالطريقه جان صلخت جلدج عن عضمج
براء : وينطيك كلبك
زين : يباوع بعيونها متنهد ... لا بس صدكيني اني عندي ادوس على كلبي ومشاعري ولا اسمح لكرامتي تنهان خاصه انتي تدرين بيه مو من النوع الي يتقبل الغلط والتجاوز
براء : اخذت ايده بايستها اني اسفه مره ثانيه
زين : تقرب حاضن خصرها اقرب اله ... خلص سدي الموضوع اعتبري شيئا لم يكن واتمنى منج ماينعاد
براء : شابكت اصابعها ويه ايده الي حاضنتها ... انشالله
_____________________
الساعه 9 صباحا
سجاد : كاعدين يتابعون مسلسل وياكلون
محاسن : كاعده بحضنه ... سجودي شوكت نروح لبيتكم فشله تأخرنه
سجاد : باس خدها خلي تخلص هالحلقه ونروح
محاسن : تحركت بغير راحه
سجاد : شبيج حبيبتي اشو احسج مامرتاحه اكو شي يوجعج
محاسن : باوعتله لا بس انت اكلت كل الشاميه ومابقيتلي شي اطيني وياك شنو هاي
سجاد : ههه عبالي شو شبيج ... دهاج اكلي بس لاتاكلين هواي لان ورانه ريوك كومها من حظنه وكام ... اخذ خاولي شفتي اني شلون رجل زين جبتلج شاميه وطلعتلج مسلسل نتابعه وجبتلج ببسي والعشه جبته بيتزا وكص مثل ما ردتي وين تلكين واحد مثلي
محاسن : دزتله بوسه بالهوه اروح فدوه لهلرجل العسل هذا
سجاد : ضحك اموت عليج
___________________
مريم : يمه جميله عوفي مريومه وتعال شيلي الجاي ودي للنسوان
جميله : والله يخاله شلعت كلبي دكعدي طاحظ امج كافييي راح اضربج والله
مريومه : اوفينيييي اليد انذل ( عوفيني اريد انزل)
جميله : ولج فتهمت هسه بس اسويلج حليب شربي وروحي لعبيي
مريم : دجيبيها اني اسويلها حليب روحي ودي الجاي ... تعاي بيبي تعاي بعد كلبي جوعانه حبيبتي يمه مريومتي الحلوه جوعانه
جميله : راحت اخذت الجاي للنسوان ..... قدمته
نور : اكلج جاا وين براء
جميله : بغرفتها مايصير تنزل
نور : شدعوه مو اكو خطار شلون تلبسهم وتضل بغرفتها
جميله : عندج مشكله ذاك زين روحي كليله اني مالي علاقه خوش ... عافتها وراحت عايزني شكول شكول
خالده : اكلج مريم صدك براء طرحت البارحه
مريم : لا منيلكم هالحجي كلشي مابيها بس البارحه وكعت
حميده : خلي اصعدلها اشوفها سوده عليه دومها مشلوعه كلب هالبنيه
نور : كلي لزين بيبي خاف مايقبل
مريم : شنو مايقبل مو عيب هالحجي هاي بيبيته ماتحتاج اذن منه تدفع الباب وتدخل
حميده : بعد كلبي .... اني راح اظل كاعده من تجي العروس هم اصعد اشوفها زين وهم اروح اطمئن على براء
مريم : براحتج عمه سوي الي يعجبج ... شافت زين طلع من الاستقبال تعال يمه زين
زين : هاا يمه رايده شي
مريم : اي مرتك تريكت لو لا
زين : لا بعدها نايمه
مريم : دتعال اخذلها ريوك وروح تريك انت وياها لان ماتريكت انت
زين : دجيبي خلي اني اودي حتى تاكل واطيها دواها
مريم : خوش تعال وياي
نور : شوفي يمه شلون مخبوص بيها
احلام : ام الولد يبعد كلبي
نور : تدرين البارحه ربج ستر محد انتبه اني دفعتها والله جان طيحو حظي بس والله اني ماجان قصدي هي تمشي على كيفها تتمندل واني اريد الحك على الزفه ماانتبهت على روحي من دفعتها همزين ماطرحت جان ضليت اكل بروحي
احلام : همست انجبي وسكتي ديربالج لا يسمعج احد
____________________
براء : صار نص ساعه كاعده بس مااكدر اكوم ... منتظره واحد يجي ... سمعت صوت الباب اي همزين اجه واحد
زين : دخل للغرفه بايده صينيه الاكل شافها كاعده ابتسم خله الاكل على الميز .... بوس شفايفها صباح الخير
براء : بابتسامه صباح النور
زين : كعد من شوكت كعدتي
براء : من زمان صار نص ساعه
زين : مادكيتي عليه اصعدلج ... على العموم يله تعاي تريكي
براء : اريد اروح للحمام
زين : اي هسه كام شالها بهدوء دخلها للحمام من تكملين صيحيلي
براء : هزت راسها .... غسلت وجها وفرشت اسنانها ... صاحتله اجه شالها وطلع مكاعدها على الجربايه رفع رجليها على المخاد
زين : قرب الميز يمها ... يله تريكي
براء : باوعت كيمر وعسل وكاهي وجاي ... مدت ايدها ماخذه العسل
زين : جره منها مو حلا على الريك عوفي العسل واكلي كيمر
براء : حباب بس خاشوكه وحده
زين : حبيبتي اكلي العسل ويه الكيمر مو خالي مايصير هواي جاي تاكلين حلويات موزين عليج يرتفع سكرج ... سويتلها لفه يله اكلي هاي
براء : ماشي اخذت اللفه منه
زين : يشرب جاي ... تردين
براء : مو هذا الك
زين : واذا الي ؟
براء : يعني عادي اشرب منه
زين : ضحك كل عقلج تسأليني هيج سؤال قرب الكوب منها ... طبعا عادي هاج شربي بس تره حلاته كلش قليله
براء : شربت منه عفست وجهاا ... ايعع شلون تشربه مر هيج اني اصبلك كل يوم بس ماتوقعته هيج مر
زين : اني اكرهه كل الحلويات ونادرا مااكلهن بس اكو نوع واحد افقد عليه
براء : شنو ؟
زين : شاورها ... يباوعلها فتحت عيونها
براء : احتقن وجها ... يعني لازم تحجي بهالمواضيع متكدر
زين : هههه
____________________
محاسن : وصلنه لبيتهم .... نزلنه والكل استقبلنه بالهوسات ياالله شكد حبابين هالناس ... دخلنه جوه سجاد راح يم الزلم واني دخلت يم النسوان طبعا اني طبيعتي اجتماعيه مو من النوع الي اتقيد واخجل بالعكس اخذ على الجو بسرعه والطبيعه الاتعس بيه انو اني صريحه زياده عن اللزوم يعني كل واحد اطي طينته بخده بدون مستحه
مريم : هله هله نورتي حبيبتي
محاسن : بوستها منوره بوجودج خاله
نجمه : هااا ولج
محاسن : طبعا اكثر شي مفرحني انو اني وياج راح نصير بنفس البيت والله لطين عيشتج بس صبريلي
نجمه : عشتوو يمه رجفت
محاسن : ههه الايام جاييتج وتشوفين .... هلوو جميله هلو شمس شلونجن
البنات : هلو بيج حبيبتي
محاسن : سلمت على الكل وصعدت فوك ارتاح شويه
خالده : مرت سجاد كلش محبوبه
ابتهال : اي صحيح
مريم : اي هي لطيفه تدخل للكلب بسرعه
احلام : بس مو جنها اخذت ميانه بسرعه
خوله : صارلها خمس اشهر طابه طالعه عليهم اكيد تاخذ ميانه لو مزوجه قبل بفتره جان هي هسه حامل وبعدين الي يسمعج يكول بقيني سنه خاتله بغرفتج من الخجل همزين نزلتيلنه ببنطرونج الحصر وحمرتج الحمره
جميله : لك فديت القصف والله
نجمه : عمي حجيه خوله لسانها رشاشه مو لسان
شمس : هههه اي والله لاعاب حلكج
_____________________
سجاد : كاعد يم الزلم واخواني ياشرولي .... اباوع لقصي يسويلي حركات بخاشوكه الجاي فهمت قصده شكد سرسري
قصي : اي سجاد شلونك امورك تمام شو وجهك مورد اليوم
سجاد : دومي منور ومورد بس انت اعمه ماتشوف
لؤي : هو كل واحد يورد بعد ليله عرسه بس ذاك الواحد اذا تذكرون اجه عيونه صايره براسه
زين : نزل الموبايل مباوعلهم
حسن : عمي حقه اذا هو ماشاءالله هال..... اكيد تلكى زهك بيومها لان وضعه يرادله شغل بحذر وتكتيك
زين : يدري بيهم يحجون عليه بس مغلس .... والله لو يدرون شصار بيومها يخربون ضحك ... كل عقلهم اني كملت شغلتي من اول ليله مايدرون اني صارلي اشهر من خذتها
قصي : هاا ابو الزون شو تتبسم كللنه خلي نضحك وياك
زين : باوعله بعدك صغير من تعرس اكلك
قصي : لك بابا اني اسد بهالشغله مايحتاج تعلمني
حسن : للمعلومه تره بهالشغله المطي عنده كفاءه اكبر من الاسد ... يعني سجاد هسه عنده كفاءه اكثر منك
سجاد : اذا توأمي يطي بيه شخليت للباقين ... كام اني اروح يم مرتي احسلي على الاقل بس هي تقدر وجودي وتعرف قيمتي
قصي : ههه وشراح تسوون
سجاد : مثل ماانت تسوي من تبقه وحدك
قصي : ههه الله يطيح حظك
_______________________
براء : كاعده بالغرفه اللعب بموبايلي وسمعت الباب يندك ... صحت تفضلللل ... اباوع شويه ودخلن كل البنات حتى محاسن وياهن
محاسن : هاا بزونه صباح الخير شلونج
براء : ابتسمت صباح الورد عروستنه الحلوه
محاسن : كرصت خدودها اذا اني حلوه انتي شنو
جميله : تدرين البارحه بالي ضل يمج لااكدر اكل لحسن ولااكدر اجيج والله كمت اكل بروحي عليج
براء : لا الحمدلله طلع ماكو شي كون تشوفن البارحه شصار بيه من كلتلي الدكتوره الطفل مابي نبض والله العظيم اجه كلبي يوكف
حنان : الحقيره تحجي بكيفها خلت البت تدك وتلطم
شمس : ليا مستشفى رحتي انتي
براء : والله ماادري كد ماجنت متاذيه ما انتبهت حنان شنو اسم المستشفى
حنان : مستشفى ......
محاسن : يحظي وانتو مالكيتو غير هالمستشفى ... البيها حمير مو اطباء والله .... هاي امي سوده عليه مره ارتفع سكرها ... خذناها لهاي المستشفى ولج مدري شضربوها ابره خلوها تتخربط بالزايد واحنه يومين ندادي بيها من وراهم الله لايوفقهم
حنان : شمدرينه احنه يمعوده ردنالنه بس مستشفى قريب نلحك نودي براء ماشفتي شصار بيها البارحه
محاسن : حبيبتي عدج العافيه انشالله ماتشوفين شر انتي والطفل
براء : تسلمين حبيبتي
محاسن : كامت يله من رخصتجن اني اروح اصلي اذن الاذان عافتهن وراحت .... دخلت لغرفتها شافت سجاد ذبت الحجاب هاا شوكت اجيت
سجاد : حضن خصرها ستوني اجيت كليلي وين جنتي
محاسن : يم براء مرت زين رحت اتحمدلها بالسلامه
سجاد : باستغراب ليش شبيها براء
محاسن : مو خطيه البارحه ...... سولفتله الي صار
سجاد : هذا كله صاير واني ماادري
محاسن : والله حتى اني ماادري قبل شويه كلتلي نجمه
سجاد : خطيه بروئه ماتستاهل دره مال الله فد كلبها طيب وحبابه والله ينخاف عليها من الهوه كد مارقيقه وحساسه
محاسن : رفعت حاجبها عفوا سيد سجاد شكلت
سجاد : كلت انتي عسل تعاي خلي اكل شويه
محاسن : ضحكت لك كافي
____________________
بعد مرور 3 اشهر
ديمه : كاعده بالمكتب تشتغل على المشروع وانتبهت على صندوك احمر محطوط على جهه ... عافت القلم وكامت شالته لكت اسمها عليه .... شنو هذا ... فتحته ... شافت دب صغير و رساله بوسطها ورده حمره فتحتها .... " اشتهي ان ابدء صباحي بقبله من شفتيك الورديه ، صباح الخير يااجمل مارائت عيناي احبك " منو هذا وشنو هالكلام المنحط هذا رجعت الغراض للصندوك ورجعته لمكانه .... استغفر الله شلون بيه ويه هالاشكال اني .. صار شهرين جزعت روحي من هالرسائل والهدايا المزعجه ... افف اخذت الملف وطلعت رايحه لمكتب الاستاذ قصي والي علاقتي بي باخر فتره صارت حلوه نوعا ماا افضل من قبل كمنه نتعاون ونتفاهم بالشغل وصلت لمكتبه دكيت الباب
قصي : تفضل
ديمه : دخلت صباح الخير استاذ
قصي : يباوعلها ... بابتسامه ياصباح النور تفضلي استريحي
ديمه : كعدت تفضل شوف هالملف وكلي شنو تحب اغير بي
قصي : بالبدايه شتحبين تشربين
ديمه : لا شكرا كلشي مااريد
قصي : ابتسم براحتج .... اخذ الملف شايفه ... امم عاشت ايدج خوش شغل ماكو اي شي يحتاج التعديل بي
ديمه : ابتسمت يعني عجبك
قصي : معقوله شغله راسمتها ايدج وماتعجبني
ديمه : اختفت ابتسامتها كايمه ببرود من رخصتك استاذ اذا كملت من الملف انطيني يااا خلي اروح اكمل شغلي
قصي : شبيج ديمه
ديمه : اخذت الملف مابيه شي من رخصتك ... اخذته وطلعت
قصي : ابتسم اجيبج اجيبج مثل ماالله واحد ... هالديمه دخلت راسي صار اشهر اني متابعها ماجاي اكدر اشيلها من راسي كمت حتى مااميز بين الحلم والواقع كد ما شاغله حياتي .... اعترف هاي اول مره بحياتي احس بهيج مشاعر تجاه بنيه صحيح حبيت هواي بنات وارتبطت بهواي بنات بس ولا مره حسيت تجاه وحده بكل بهالمشاعر ديمه تختلف يمكن الوحيده الي شفتها ومارغبت جسمها كد مارغبت روحها ... ااخ والله واجت الي تخليني افكر بالارتباط
_______________________
براء : كاعده اعدل ملابس حبيبي بعد خمس تيام وادخل بشهري طبعا دالاكي صعوبه بالحركه لان صارلي شهرين اني كاعده حتى صلاتي اصليها واني كاعده عود هالشهر كمت اكدر اكوم واكعد براحتي ذيج الفتره صارت بيه خوفه منا لهنا مااكوم اله زين لو البنات يساعدني كملت تعزيل وكمت على كيفي يمه احس اكو شي نايم على كلبي وحجم بطني ميساعدني على الحركه اخذت شالي وطلعت من الغرفه نازله جوه ... طبعا محاسن ضافت جو على البيت يجنن يعني اذا بنهايه الاسبوع تروح لاهلها نموت من الضوجه
نجمه : اجتي البقره
مريم : انجبي لج
براء : نزلت لازمه ظهرها .... صباح الخير
جميله : صباح الطكع عيني
براء : نزلت شعرها على ركبتها ... بكلبها اووف منك زين يعني حتى اذا ميتقربلي لازم يجرم بجسمي
مريم : تعاي يمه تريكي
براء : كعدت
محاسن : براء شوكت تجيبين شو طولتي
براء : ابتسمت بعد خمس تيام ادخل بشهري
محاسن : ابتسمت بهدوء شوكت اجرب هالشعور
براء : نكسر كلبي عليها قبل فتره جانت عد الدكتوره لان تخربطت وعبالها حامل بس طلعت عدها التهابات وهالالتهابات تاخر الحمل وهي من يومها تاكل بروحها
مريم : مسحت على شعرها انشالله تجربين هالشعور لمن تملين جنت مثلج
محاسن : انشالله اني مؤمنه بهالشي
نجمه : وين حجيه خوله عنجن هسه جان كالت نايمات للظهاري وعايفات مسؤليه البيت على مريم المكروده
جميله : والله فكدتها
شمس : هسه تجيج العصر تصيح ولجج بليه
براء : هههه والله حجيه خوله شلعتلي كلبي عسى لا شافتني نازله عبالك شايفه فايروس تضل تصرخ لحد ماارجع لغرفتي يالله تسكت ... طبعا راحت من عدنه واخذت بيت بصفنه حايط على حايط وتجينه العصر لو جايبع عشاها لو خابزه وجايبه خبز ابد متدخل ايدها فارغه واحلى فقره انو خلصت من مغثه دارين نوعا ما ... كملنه ريوك واخذ موبايلي وطلعت اخابر زين ...دكيت عليه الووو هلو حبيبي
زين : هله يروحي شلونج
براء : الحمدلله حبيبي اكولك شوكت تجي
زين : بعد وينج ووين
براء : افف ماشي
زين : ابتسم شبيج ضايجه
براء : اريد اطلع اشتري كاروك للطفل بعد معندي مجال
زين : ماكو طلعه تحملي براء بس علما تجيبين الله يخليج واذا عاجبج شي بس راويني ياا واني اروح اجيبه خوش
براء : خوش
زين : وهسه شبيج بعد
براء : لزمت بطنها تعبانه ابنك تعبني صار ساعه يرفس
زين : ضحك ... تصدكين من تحجين عليه هيح اكوم اكزز بحيث اتمنا كبالي واكله
براء : لزمت بطنها ضاحكه تعال شوف كام يضربني يمكن عرف السالفه عليه
زين : فطن مثل ابو يلكفها على الطاير
براء : ههه فديته اني هو وابو
زين : بخشونه يروحلج فدوه ابو
براء : ابتسمت
___________________
ديمه : طلعت اودي المعاملات لاستاذ سجاد حتى يوقع عليها وصلت للمكتب ... دخلت مالكيته سالت عليه السكرتير كال يم استاذ قصي رحت لمكتبه اجيت ادك الباب جان اسمع
سجاد : كافي قصي عوف البنيه بحالها مايصير الي جاي تسوي عيب عليك
قصي : هسه انت شعليك يامسلم الله
سجاد : البنيه مالها احد بطل تدزلها رسائل وسوالف مكسره حرام الي جاي تسوي تره
قصي : اولا اني احبها وثانيه الي جاي اسوي حتى اتقربلها مو لغرض استغلالها
سجاد : اذا نيتك صافيه روح اخطبها او صارحها تره ديمه خوش بنيه ماتستاهل تكسر كلبها خاصه وهي عاشت فتره قاسيه بحياتها
قصي : لك احبها احبها انت مطي ماتفتهم لك اموت عليها واريدها مره الي بس منتظر احسسها بهالشي بالتدريج مااكدر طب فش اكلها احبج
سجاد : شو انت اعرف بعد خلي اروح اكمل شغلي حتى اطلع من وكت ماعليه بيكم كل واحد عده عقل ويعرف يفكر ... فتح الباب لكه ديمه كباله .... فتح عيونه ديمه هاي انتي هنا
قصي : رفع راسه مباوعلها
ديمه : بهدوء تفضل استاذ هاي المعاملات وقعها واذا اكو مشكله بيها دز عليه واني اصححها
سجاد : اخذها بارتباك وطلع
ديمه : واكفه تباوع لقصي ... ليش هيج استاذ بشنو اذيك حتى تتعامل وياي بهالطريقه مو اني اعتبرتك صديق الي وسولفتلك هواي اشياء عن حياتي ليش تستغل هالشي لصالحك
قصي : ديمه سمعيني والله اني ماجاي استغلج اني اح...
ديمه : انت واحد جذاب وماتستحي المفروض انت اول واحد تبعد عني هالاشكال لان تعرف شنو ضروفي بس للاسف طلعت ماخذه فكره غلط عنك
قصي : جر ايدها اني احبج ثوله احبج عمري مافكرت استغلج اني شفت بيج الانسانه الي احلم بيها طول حياتي ليش ماتفهمين
ديمه : واني مو الانسانه المناسبه لحضرتك اني وحده متزوجه ومستحيل افك..
قصي : هذا شي قنعي روحج بي انتي مامتزوجه زوجج خلص راح فهمي ... وحتى اذا اني اريدج سواء جنتي مزوجه مطلقه ارمله بطيخه اني اريدج
ديمه : انت واحد استغلالي تريدني على مود ....
قصي : تتزوجيني
ديمه : شنو
قصي : تتزوجيني ديمه اني اريدج زوجه الي اريدج ام لجهالي اني احتاج وحده نظيفه وعفيفه مثلج بحياتي .... الله يخليج انطي فرصه لنفسج والي احنه ثنيناتنه مرينه بظروف صعبه قبلي بيه وخلينه واحد يعالج جروح الثاني اني مااريد منج جسم اريد روحج وياي اريد اصبح الصبح الكاج كبالي الله يخليج فكري بالموضوع اني مستعد انتظرج بدال السنه عشره بس لا تفكرين ترفضيني
ديمه : تباوعله ومتفاجئه من كلامه
قصي : شد على ايدها ... جاوبيني
ديمه : اني .....
