رواية هموم الشيخ سند الفصل الخامس بقلم ميامين الطائي
-تحتاج في كل مرة أن تذكر نفسك بأن الله لا يفعل شيئًا سيئًا، حاشاه .. المكان الذي تعيش فيه الآن هو أنسب مكانٍ لك، والمكان الذي ستعمل فيه مستقبلًا سيكون لك الأنسب حينها، ما تمنيت ولم يحدث كان خيرًا لك ألا يحدث ، وما خشيت حدوثه وحدث كان خيرًا لك أن يحدث .. فكم لله من لطف خفيّ .
هموم: اني تعلمت علب هواي امور اعرف الاشياء الي احبهاا مدوم ماهر جان مدللني دلال تخيلو چبس ككو نساتل اي شي احبه يجيبلي بيوم اجه هو بليل ضايج ومختنك
محمد: شبيك ماهر اشو مو علي بعضك صاير شي
ماهر: لا ماكو شي بس تعب من الدوام اليوم ابقي عدكم اذا متصير زحمه
محمد: هلا بيك البيت بيتك
ماهر: تسلم ابو علي بنيتي راح نام بغرفتج
هموم: بصراحه تفاجئت براحتك صعد واني بقيت يم زمن خالي خفر عنده راح
زمن: ممرتاحه لماهر اخاف سون الي بالي والله لعب بيهن لعب
هموم: لاتفكرين هيج يمكن تعبان من الشغل
زمن: ان شاء ماكو شي يلا اروح انيم علي وانام انت صعدي يمه
هموم: ترددت بالاول بعدين صعدت لكيته نايم صفنت عليه شكد حلو هو نايم
ماهر: تعاي بحضني خل ارتاح انسئ،كلشي بحضنج لان جدا تعبان
هموم: اجيت بحضنه هو حضني حيل بااسني براسي وبخدودي
ماهر: هموم كلشي يصير لاتكرهيني بيوم اقسلمج باالفضل العباس،حبيتج حب محد راح يحبج بكدي ولاراح انساج بيوم من الايام انتي بكلبي روحي
هموم: شبيك مااهر تريد تعوفني شنو معنى هذا كلامك
ماهر: ماعاش الي يعوفج يدنيتي انتي روحي يلا نامي بحضني،
هموم: ماهر حضني ونام مااعرف شنو الي حسيته نمت بدون مااعرف كعدت مالكيت ماهر يمي دخلت سبحت غيرت ملابسي ماابقى شي هواي للدوام العصر رحت للمركز وي زمن
زمن: شنو صار البارحه بينكم احم احم
هموم: والله ماصار شي من الي بالج بس نمت بحضنه والصبح ماكو رايح
زمن:،اي راح للدوام محب يكعدج لا ولج اشاقه.... وياج اعرف ماهر يخاف عليج
هموم: اي اعرف اصلا يلا علمود نروح نشتري ملابس للدوام
زمن: اوك بس نكمل نروح للمول اني هم اريد اشتري نواقص مالتي
هموم: تمام كملنه شغلنه طلعنه للمول الشترينه كملنه ورجعت البيت وحضرنه الاكل المهم مرت فتره ماهر حيل تغير ميراسل حتى من اراسله ميجاوب بيوم كاعدين خالو وزمن اجه ماهر تفاجئت متغير وضعفان سلم وكعد
ماهر: محمد اجيتك اليوم حتي ااطلك هموم وننفصل كلشي انتهى بينه لان خطبت بنت خالتي سحر
محمد: شنو جاي تحجي ماهر شبيه هموم حتي تعوفهاا
ماهر: مابيهاا شي والله بس اني مااريد اكمل اتمنى يخلص كلشي حتي ااجيب شيخ ونطلك
زمن: ماهر تخبلت هاي هموم كتلت نفسك عليهاا غيرنك بسحورتهن ماهر اصحى علي نفسك
محمد: تركي ....براحتك هذا هو جيب شيخ
هموم: بقيت صافنه معقوله هيج تعودت اخسر الناس الي حبهم مو جديد زمن اانقهرت خابرت امه تعاركن
زمن: هاي سوالفج وسالفة اختج راح تضيعين ابنج من ايدج بالعافيه عليج ام سحوره انسي بنتج
هموم: الحياة صعبه لدرجه خالي وزمن مقهورين والله كلشي صارت بحياتي عادي مابجيت اجه الشيخ وشمر يمين الطلاگ عليه اخر نظرات صارت بينه رحت جبتله كلشي جابه الي بس الگلاده لان حلفت هو مااقبل ياخذهن حلف الذهب كلشي رجعت بس الملابس ولعابات تصدق بيهن بس دب ولعابه وحده خليتهن سمعت بيه خطب زمن ماراحت ولاتحجيي وياه مرت فتره وازوج مااعرف شلون هيج تحملت منين ااجتني القوه كلهاا هيج غيرت رقمي وكلشي يخصني تخيلن بيوم عرسه مخنوكه ....مكدر ابجي
زمن: اني جد خجلانه منكم علي لي سواه ماهر بهموم والله مااعرف شحجي
محمد: لاتهتمين زمن كلشي قسمه ونصيب هموم اذا اخذت ماهر هم تطلك الحمد الله ماصار شي بينهم انسو موضوع
هموم: فعلا انسو الله يوفقه ويسعده شنريد من عنده هسه محتاره بضيم الثالث
محمد; ماينخاف عليج سباعيه انتي صدك بس نكمل نروح العرس ابن ياسين عزمنه بس مو هسه
هموم: الله كريم فعلا اني اقوى من أن يكسرني شي اسمه حب او زواج بيوم اجت عطله وزعو بطايق المتفوقات
المديره: هموم لازم اجيبين امج ابوج يحضرون علمود نكرمج ونكرمهم علي توفقج هم نتعرف عليهم
هموم: ااااااصعب موقف هذا فعلا من يسئلني علي امي ابويا احتاريت شجاوبهه خانتي ادموعي مانطقت اخذت بطاقتي كعدت علي الاستيج كتبت بدفتر امي ابي..... اخذت صوره رجعت مخنوكه شنو اجاوب شنو اكول وينكم محتاجتكم وينج يمه وينك ابويه. اليوم سئلوني عليكم يريدون تعرفون عليكم سبحت بليل لكيت ولد اسمه سند ..... فلان دزلي طلب قبلت ونشرت صوره كتبت الكلام بقيت افكر راح كلشي وي اهلي الفرح الضحكه يمه وينج اني بنتج محتاجتج يمه تعاي بابه تعال ااخذوني من هل الدنيا الصعبه شايفه شنو تجاوبين بيوم بقيت نايمه بالكاع حاضنه نفسي نفس الطفل جذب اكو شي يتعوض الاهل والام والاب مايتعوضون يمكن الاخ يتعوض الاخت تعوض زوج يتعوض الابن يتعوض. لا الام ولاب يخلون كسر بداخلج ابد ماتصلح كعدت ثاني يوم راسي يوجعني لكيت صوره من سند حتي مامركزة علي كلشي صورة ضريح الامام علي( ع) صدكني مازايره لارايحه للزياره دزيته الرساله 💬 ياحسرة اعيوني ذاك الدرب حرگتني اشوكي وحر الكلب،💔
ليل راسلني جاوبته بعدين حظرته الثاني يوم حسابي طار بعد احسن مااسوي فيس بقيت ادرس للثالث امتحاناتي واروح وي زمن المركز بيوم جنه كاعدين خالو عنده عطله قبل رمضان بكم يوم فتح الباب خالو....
حظرن جاي ومي بسرعه ......
زمن: منو هذوله محمد الحجي منو هذا والمره العجوز
محمد: والله مااعرفهم المهم حضرن الهم شي ياكلونه
زمن: خير ان شاء الله اعتقد هذوله من الجنوب الله اعلم
هموم: شمعرفنه رجع خالي وجه مخطوف
محمد: هموم تعاي يريدونج
هموم: شكو خالو صاير شي منو هذوله العالم
محمد: من راح تدخلين تعرفين منو... هسه تعاي نروح يمهم
هموم: رحت السلام عليكم
الكل: وعليكم السلام
جدي: تعال يابعد ابوج وطوايفه تعاي يابنت عزيز الغالي
هموم: تفاجئت بس ماتقربت تباوعت لخالو محمد منو انتو ولاصغرا بيكم
محمد: هذا جدج ابو ابوج وبيبتج الشيخ **** جاين يشوفونج
هموم: هههههه هسه ذكروا عدهم حفيده جاين يشوفنهاا
الحجيه:،حبوبه كعدي خل نسلم عليج ونحجيلج الي صار وانتي قرري
هموم: لاتقربون عليه احجو الي عدكم
الشيخ: حكج بويه حكج مااالومج بويه والله ماجنه ندري بيج عدله حسبالنه متي وي امج سنين ماادرينه عنج شي بيوم خالج ياسين بالزياره هو كال صارلي شهر ندور علي مجانج وانطانه ياسين هل اجيتج يبويه احنه لو نعرف مااخليناج تربين بعيده عنه لجن الظروف هي لحكمت علينه
هموم: مادام ياشيخ تعرف ميته اعتبرني ميته خلص ندفنت يم اهلي حتي لو ظروف واحد يسئل ميخالف متت وي امي فعلا اني ميته هاي كلمه صح لي حجيته اكرم الميت دفنه غير اني محسوبه عليكم مثل مابنظركم ميته اني ميته
الحجيه: ماله هيج يمه الحجي والله يبعد امج نعوضج اصيرلج الام والاب
هموم: حجيه شتعوضين عن ياسنه عن ياسنين ياخوف ياجوع ياذل من يسئلني علئ اهلي شتريدين تعوضيني لو ماخالو هسه بشارع مشموره لجلاب العالم بدون متعرفون بالله عليج خلي نفسج بمكاني
الشيخ: احنه لو ندري ماخليناج عد خوالج.... هيج كالونه كفيلج العباس من عرفت اليوم ليلي مااانامه يابويه كلبي مشلوع جدج لاترجعيني لخاطر ابوج
هموم: اجيتني بوقت الي كلشي مات بداخلي اني بنت راحت وي اهلهاا عوف ابوياه انت لو مهتم الابوي جان صنت الامانه وبنته هسه ااترخص خليتهم يحجون وي خالي منين اجوني جنت مرتاحه الاهتم ربي اني مؤمنه بقدرك كلشي يجي منك قابله صليت ركعتين حتئ ارتاح خالي مافتح الموضوع وياي بقيت اقرء للامتحانات
إن الله أحن من أن يري قلبك مُتعلق بشيء ولايعطيه اياه سينُير فؤادك بغيث من السعاده لتُزهر قلبك، سيستجيب لك ويحقق دعواتك سيُفاجئك الله قريبـاً بشيء دعوتَه إياه كثيراً، سيجعلك تسجد شكراً وتبكي فرحا، إن الله علي کل شيء قدير. إطمئن ستُجبر.☕️🌱
هموم: يمكن الله كاتبنه الاحسن ويعوضنه بالافضل صفنت كتبت هموم علي وينك علي لو عايش هسه انت صار بيه هيج هسه عندي اخوان واخوات اجه شهر رمضان اجمل الاشهر جنت اقرااء بابصدفه سمعت كلام....
زمن: محمد شيريدون من هموم مو سنين تاركينهه هسه ذكروها
محمد: زمن لاتلومين الناس تراا،ماجانو يعرفون عايشه خطيه جده كل يوم يخابرني يسئل عليهاا
زمن; مااعرف هموم تعرفهااا هي تربيتك بس والله صعبه عليها
محمد; والله من طلعت بقى الرجال يبجي كسر خاطري وصاني ااحجي وياها يحلف ميعرف مستعد كلشي يسوي علمودهاا اني كتله خليهاا هل الفتره امتحانات بعدين احجي وياها وافهمه وغلط من عدنه احنه تراا،مفروض نخابرهم نكلهم بنتهم عايشه الطرفين غلطانين
زمن: فعلا كلامك هسه لاتحجي لان امتحاناتهاا قربت خطيه خليه تمتحن وتكمل وااحجي وياها
محمد: هو هيج راح اسوي الله كريم
هموم: شربت مي صعدت اقرااء محتاره بضيمي المهم بلشت امتحاناتي طبعا الي يقراااا سهله عليه الحمد الله جاوبت كملت بقيت برمضان نطبخ هاي الامور ومقبلات وبليل نفتح المركز لان الناس صايمه بالنهار بيوم جنه اني زمن نشتغل اجت اخت زمن وسحر زوجة ماهر
سحر: هلو ياحلوات شلونجن
زمن: لاهلا ولامرحبا ....هلا تفضلن
زينب: شلونج حبي شخبارج مشتاقيلج كلت اجي اشوفج
زمن: الحمد الله تمام بخير انت شلونج شخبارج تفضلي....
زينب: الحمد الله هموم شلونج شخبارج
هموم: الحمد الله انت شلونج زنوبه....
سحر: انت همووووم ...ماتوقعتج بهل جمال
زينب: متشوفين ماهر متخبل عليه غير تموت هموم بس عيونهااا كافيه
هموم: تسلمين هذا من ذوقج سحر تخزر بيهااا عشتوو شعليه....
سحر: ولج زينب هاي تخبل جمال الله راسمهاا رسم لو شمااسوي مانسي ماهر لو مو سحر لو جيب السحارين كلهم اني،بنيه استحيت اباوع من كد ما بيضه وخدودها ورديه حتى الغمازات شوفي رجلهاا وبطن رجلهاا حمره ابيض من وجهي
زينب: انجبي لايسمعنه لعد شعبالج متشوفين ماهر من الصغر يحبهاا يمكن تزوجتيه بس جسد بس كلبه روحه كلشي يم هموم لاتوقعين بيوم يحبج
زمن: علن صوتجن لو هو مسموع كلامجن.... المهم شنو هل جيه المفاجئه
سحر: اجينه نشوفج مادام العيد قرب واعدل نفسي لمهوري تعرفين ميصير ابقى هيج هو يحبني والله مدا الحك من كد ماتعلق بيه مايكدر بدوني يغار عليه
زمن: امممم اي واضح واضح هسه عاملات يرتبنج مثل ماتريدين
سحر: ليش مو انتي وهموم او هموم ترتبني،لزوجي وحياتي،
زمن: هذا موشغلنه المهم تفضلي يسون الجن التريدنه
زينب: زمن ميصير هيج تزعلين علي اهلي بسبب شي بسيط كلشي قسمه
زمن: امج متحترم دائما تقلل من قيمة زوجي صرت اخاف اجي تسويلي سحر وتفرقنه مثل ماسون بماهر وخلاني مستحيه كدام هموم ومحمد الي اجه من عدكم كفايه خليني مرتاحه خل تفيدكم هاي الي اخذتوها الاخوج
زينب: والله امي متندمه لان اخذته لماهر لان مشاكل من يوم اجت لهسه بيتنه مشاكل وعرك وي امج هسه امج متندمه بس ماتكدر تحجي وماهر مايبات بالبيت بدوام متبهذل والله
زمن: خليهه هذا اختيار امج غير مارادت هموم ودمرت ابنه
هموم: يمكن لو ماصاير هيج هسه اني ماهر نحدد زواجنه فعلا ماهر شخص مايتعوض اعرف الصار مو بيده ولابيدي تباوع لزوجته تكول حرامات انو هاي زوجته كل شخص احتاجيته لماهر ابويه امي كلهم تركوني صرت اخاف اخطي خطوه اارجع الف ليورا مااعرف شنو مصير حياتي الحب شي راح وانتهى من حياتي خليت كلشي علي الله لان مااعرف الله شكاتب الي من جهه اجوني اهل ابويه لي حذفتهم من حياتي فعلا اني بعالم المنسيين بعالم الاموات مو الاحياء شنو مفهمت من حياتي صغيره كبرت اكبر من عمري رجعت البيت سبحت بقيت تباوع لنفسي بالمرايه شنو تاليتج هموم وبعدين شنو الي حصلتي شفتهمتي من حياتج غمضت عيوني وذكرت كلام ماهر كل وهم كل كذب مااثق بعد بااي شخص نزلت جوه بقيت لعب علي والعب وياه ويضحك
زمن: هموم لاتهتمين ماهر هو الي خسرج مو انتي الي خسرتي انتي ماتعوضين هنيال الي يزوجج
هموم: زمن هو اني شفاهمه من حياتي حتي افهم الي يزوجني بربج من جهه هذوله لي هسه ذكروني حسبالهم ميته
زمن: هموم تراا ميعرفون لو يعرفون ميتركونج والله لاتظلمينهم وفهمي منهم
هموم: ههههه ماظلمهم زمن اني عمري وطفولتي الي اانظلمت ليش مااجو سئلو كالو كتلج اني حذفتهم من حياتي
زمن: تعرفين حرت بشخصيتج مرات افكر اكول هم تبجي مااعرف تحملتي اهواي اشياء اخر صدمه الج ماهر وجدج
هموم: عادي اصلا مو جديد هذا روتين شي بسيط بالنسبه لهموم اني كلبي ميت دفنته يم اغلي شي بحياتي
زمن: الله كريم الله يوفقج ويسعدج بحياتج يعوضج بالاحسن
هموم: كل ما تريد تقاومين الناس تحكم عليج من مظهرج معندج شي مرتاحه ميعرفون اكو شي داخلج محطم اكو شي داخلج تخدر صرنه حتي مانتفاجى بالامور والله مااهتم هذا وذاك قربت ايام العيد وطلعت نتائج الحمد الله ناجحه
محمد: مبروك يارب اشوفج احسن دكتوره والله يوفقج يارب واشوفج اعلى المراتب
هموم: تسلم خالو يعمري انت ربي يحفظك لي ولايحرمني منك
زمن: مبروك همهم يعمري بالتوفيق يارب
هموم: فدوه كلبج يااغلى شي الله لايحرمني منكم
محمد: ولايحرمنه منج هاي هديتج يااغلى هديه بحياتي
هموم: خالو فدوه.... بس وكفتك وياي تسوه الدنيا ومابيهااا
محمد: شعندي غيرج انتي بنتي نفس علي وزمن اذا مدللكم ادللمن
زمن: يروحي الله يحفظك النه يكلبي هاي هدية نجاحج
هموم: هسه اني تحملت ذهب شلون بلا وين اوديه هسه..
محمد: ههههه ضميه هموم ليش لابسه الگلاده جابهه الج..... ماهر
هموم: لان حلفت اله مانزعه هذا السبب لبسته حبيتهه لان اعتبرها من ابويه لان حلفني بيه بقيت معتزه بيه
محمد: تمام يعمري للتشوفينه مناسب سوي يكلبي تراا ورا العيد نروح للناصريه لعرس ابن ياسين
زمن: اضوج من ناديه بس علمودك اروح والله ماارتاح الهاا ولاطيقهاا
هموم: يععععع كلش مااحبهاا للروحه والله بس وين ابقئ وحدي هنا
محمد: بلا كلام زايد تروحن اثنينجن كدامي حتي ترتبن نفسجن كل وحده جنهه جبار....
زمن: اي كم يوم نطلع لك العيد ماتعرفنه اصلا بس اصبر علينه بالمناسبه ورق النه حتى روح نشتري ملابس
محمد: هو دائما قاطاتني اني لو اعرف مااحجي ولاگايل عابت.... الجن اي والله
هموم: ههههه خطيه يلا خالو تعود بقينه نسواطلف تسحرنه ....قريت قران وصليت فجأه اجت بالي عيون الولد سند معقوله اسمه سند لا ماكو هيج اسم والله مااريد روح للناصريه لناديه اني احب الناصريه
(خوال هموم اصلهم من الناصريه والدتهاا كذلك لهذا هيه قضت جزء من طفولتها هناك )
لان ولادتي بيهاا وتربيت بيهاا بس ماانسى السووو بيه ناديه وياسين اااخ لحد هسه ناديه خلتني خدامه الهاا انظف واغسل الموااعين اخدمهاا هي اطفالهاا ولاتكول صغيره دائما تضربني ليش لان ماعندي اهل ماعندي ام تحميني لو بالمدرسه من يريدون ابويه مجلس الاباء محد يجي... اشوف البنات كل اهلهن يجن ويركضن الهم اله اني شكد باوعت الباب ردت يجون جنت حسبالي الموت مسافرين فتره يرجعون بس طلع بحياتهم ميرجعون
